2003 年 12 月 28 日 星期日 【颳風】

11 點接到魚魚電話，諗住起身架啦～ 點知訓番著。12 點幾再醒，去完所所又訓過。
點幾兩點先起身，懶到唔駛恨 ^^" 好彩今日唔駛補習嘖！岩既，抖下都應該既 =)

起身就對住部電腦，唔知做過 D 乜。搵左首歌，係我訓緊覺時隱約聽到既《仃伶》。
雖然我唔鍾意陳慧琳，又覺得 D 詞有少 D 怪，不過聽住隻歌，又會有 D 唔知點既感覺。

並沒有想等的口訊　叫孤獨　有節目　差點開心到哭
讓我屈服　有甚麼都覺得心足　只恐拒絕便折福
寂寞也許都只因我　太揀擇　過路人　怎可能誘惑
滿腦空白　怨地呼天也講資格　想因某人哭濕過手帕

原來三點幾就要起行出阿姨度，我頭又未洗乜都未做，唯有係自己晏 D 先出去啦！
突然又接到表姐電話，問我睇唔睇戲。 《無間道 III 》嘛，睇囉！魚魚又唔陪我睇咯～
不過為左睇戲，少不免要要趕頭趕命，有人又揀呢 D 時候同我爭廁所囉！早唔沖遲唔沖。
總算俾我趕得切，排埋隊去埋個所所都冇 Miss 到任何野 -- 係冇 Trailer 睇嘖～ 算。

套戲嘛．．．雖然本身都冇乜期望，但都係失望。有好多位都唔明。可能係我蠢掛！
最老土係咩呢？係我右手邊坐左位單拖既仁兄，響我都幾肚餓既時間食熱狗囉～
都唔緊要勒！鼻塞既就通通佢啦～ 連抖氣都「嘶嘶」聲，套戲幾緊湊我都感受唔到啦 ><

睇完「走後門」XD 等霞姨黎載我地走。呵！竟然俾我撞到阿威。佢都冇乜點變丫！

上到六姨屋企就食野勒！竟然俾人話我瘦左 @@" 假象嘖～「腐乳雞」呢樣野好好味。
邊食邊同表姐講下我 D 野咁。「妳唔似係呢種人喎！」但我就係呢種人呢．．．
最搞笑係轉個頭佢就發現我完全似一個自怨自艾、借酒（Jolly Shandy）消愁既女人 XD

坐番阿姨車落鐨石山轉巴士返屋企。不知不覺間又俾娘親撩起讀書呢個話題 一-一"
放過我啦！而家唔係我話想讀就有得讀架～ 妳根本就唔明！真係好憎同妳講呢個話題。

>>January 4, 2004 at 3:51:32 PM GMT+8

2003 年 12 月 27 日 星期六 【颳風】

今朝叫醒左魚魚，自己又訓番，搞到要打的啦 >< 我冇晒錢喇．．．不過總算時間岩岩好。
俾人話我今日個樣好蠢囉 >< 可惡呀！冇可能係蠢架喎～ ｅｅｅｅｅｅｅｅｅｅ！！！

重返 LaSalle College。竟然真係俾我撞到 MCS 響度練跑，遁例都要同 Miss Sit 打個招呼既 ^^"
我聽到有人翕得出我個名囉！不過我都唔知係邊個，重點係我完全唔記得佢地叫咩名。
全村人出晒去，得番我一個坐響場邊曬，好彩曬唔到塊面。後尾出去影左 D 相咁。



見到魚魚受傷既經過，不過就睇唔到第一球係點入。其實係因為太遠，球球都睇唔清楚。
淨係知道用頭入定用腳入囉！踢完返左 City 食 Lunch，諗極都諗唔起第三球究竟係點入既。
個焗肉醬意粉都幾好味，不過飯氣攻心囉！加上朝早又曬過黎，眼訓到個人都吽晒。
上到去補習，要飲包凍野先至醒一醒。今日唔係做左好多野，好彩 D 時間都算過得快。

15:41 接到魚魚電話：我諗到個球係點入架喇！os ho sheung gnuehs dus jud sei ien as ar o^^o

搵極都搵唔到田小姐，終於要等我補完一個先搵到佢。唯有唔補住啦！又搵少 D 喇 ><
不過都好既，我都咁累，返屋企抖下好過。撘巴士返屋企。對左一陣電腦就頂唔順要去訓。
訓醒好憫憎囉！屋企一個二個都係咁，唔係衰格就係搵野黎鬧、搵交黎嗌，家嘈屋閉！
今晚唔駛去睇波，留響屋企追番晒 D 日記。聽日唔駛補習，應該要準備下 D 補習教材喇 ^^"

　　　　　＊　　　　　＊　　　　　＊　　　　　＊　　　　　＊

今日 Jason 細細聲，原來係唔知話你惡定冇禮貌。其實都慣架啦！咁刻意我反而唔慣～
其實係咪真係淨係眼訓咁簡單，我自己最清楚。每次電話響，我個心都會沉一沉。
但如果係心甘命底既，乜都唔會覺得係大問題格！乜都會慢慢習慣，電話響都一樣。
唔諗咁多，所有野都可能會變得簡單 D。而家已經好簡單了，但可以再簡單 D。
問題係．．．我知道自己根本唔係一個簡單既人。經歷既野太多喇～ 實在係太多。

>>January 4, 2004 at 11:37:13 PM GMT+8

2003 年 12 月 26 日 星期五 【陰晴不定】

今日補錦豐同畢架山 ^^ 好努力即場做左好多 Ex. 俾個學生。出題辛苦過做卷囉～
哈哈！又又有得坐七人 Van（特登「又又」架！呢個禮拜坐第三次 ^^ ）坐到落地鐵站。
約左寶肥去觀塘倉，好耐冇去過。等佢個陣自己行觀塘廣場．．．摩天輪音樂盒呀！

響奧海城見過個大既，好靚架～ 好鍾意。如果有人送俾我就好喇!！細既都好丫 ><

等到寶肥黎就去倉行，發覺 Adidas D 背心 Tee 好抵，不過又未致於非買不可。
唯一重大發現係我對銀白色鞋囉～ 不過都著左咁耐咯，抵番晒啦～ 倉個 D 都黃。
響 Nike 倉又見到件紅色外套，望落去好靚，個價仲無懈可擊添！不過我著上身就差 D。
由 14 樓行到落地下，過左麥當奴食 D 野就去睇水晶。至憎 D Sales 吊住尾，冇癮呀！
臨走帶寶肥去睇摩天輪，心郁郁想買架喇！最後都係放棄左。買左個缺陷美相架。

都唔知做乜，周身痛喎～ 類似 muscle pain 咁，但我早兩日做 D 咩嘖？！最辛苦咪透爐！
好似俾人打左一身咁。最犀利係心口中間個塊骨腫左一邊囉～ 寶肥掃過下都話係右邊腫 D。
左手膊頭又係，掂唔到背脊喎，唔好話抓背脊啦～ 穿個背囊上身都會痛囉！莫名其妙。

撘地鐵去葵芳，行老遠去林士德諗住交 Form 啦！點知枯晒囉～ 冇野啦唉．．．
好彩我出黎拎眼鏡架嘖？唔係就白行一塔趟。可能係放假，D 人太得閒去報比賽啦 ><
失望而回就岩岩好等到阿 Neth，去拎眼鏡變左帶兩個 Friends 去配 Con.。又爆笑～
不過最老土都真係我自己副眼鏡又拎唔起，因為塊鏡花左 @@" 咁我其實都係白行一趟。
而家變左係我陪寶肥同阿 Neth 去配 Con. 囉！冇所謂既～ 當同朋友去下街食下飯嘖！

晚餐響日之旺食 -- 我同寶肥上次黎都食過架喇！今次試左海膽手卷，咦原來幾好食喎 =P
下次要記得嗌雞軟骨串呀！好食 D 既 ^^" 三個人食左兩二百一，都 OK 丫！飽晒～
本來撩佢地食許留山，結果係大家都唔多食唔落，咁就撘有撘車走啦～ 巴士轉巴士。

睇左半場利物浦對保頓。好耐冇睇過利記喇～ 其實都唔係睇既，完全冇專心過。
不過好消息不絕：阿仙奴贏波；車仔輸波；紅軍贏波～ 重點係史米沙同希比亞入波嘛 ^^

>>December 28, 2003 at 1:01:47 AM GMT+8

2003 年 12 月 25 日 星期四 【乍暖還寒】

聖誕快樂！Merry Christmas！耶誕快樂！

好耐冇燒過野食喇 ^^ 不過我發現大家都唔係好識透爐，正確 D 黎丹係唔識撥火 ^^"
煽風點火呢 D 野又點會難倒我丫 XD 唔係燒左好耐，不過燒野食就係咁，燒完都飽晒。
我已經好克制，唔俾自己食咁多肥野架喇！不過雞翼買得少，所以食極都唔會好多。
棉花糖就真係食得過多了 O_o" 我又燒左好多質大家食囉！仲食左好多芝士腸 ^^"

今晚有好多好多星星呀！我 SMS 左粒俾魚魚 o^^o 我冇戴 Con. 都睇到好多。好靚～

阿 Neth 個 Room-mate 都真係幾唔識做，好耐之前已經知道阿 Neth 會帶朋友黎玩架啦！
今晚都話要猜個女朋友黎訓．．．齋訓都係咁話啦！要成村人就佢兩個，冇房返冇牌打 ><
灰囉！響 Common Room 打左三舖咁大把。呢三舖牌真係不得了：我又食頭糊喇！
仲要係十三么！第三舖爭一隻又叫得十三么，邪到呢～ 我今年都係少同人打牌為妙。

不過全場最精采都唔係我舖十三么，而係我地終於都見識到阿 Neth 既「真功夫」！
佢話佢交左學費，學識左打牌嘛～ 簡直係神乎其技，出神入化，我都唔見佢摸牌既 @@"
打左幾隻牌，我覺得唔多對路，冇理由佢摸牌咁快手，我次次都完全察覺唔到架嘛～
一數之下．．．哇哈哈哈哈！！！原來有人淨打牌唔摸牌！十隻．小相公。點解會咁架 XD

打得三舖咁少係因為實 Q 叔叔開門話：呢度唔打得牌架喎！我地唯有開電視睇啦～
竟然係做緊天下無敵獎門人，笑死。睇完悶起上黎再打，點知一舖都未打完又被發現。
打多兩舖就收手了。食頭糊仲要食十三么既威力真係不容忽視：兩舖都係我輸 ><

呆坐左一陣，決定打 Bridge；不過派緊第二隻牌個陣，我突然發現出面有光：日出喇！
即刻潛入房拎部相機上樓上露台影相。嘩！咁大個女第一次睇蛋黃升上黎，真係好靚呀～



最正係拍左條片 ^^ 跟住又同兩個傻仔影左張相～ 其實影左十幾張架，影極都唔岩位 XD
跟住返落樓下，都 Feel 到自己疲態畢露喇！玩左幾舖鋤大 Dee，我竟然唔係大輸家。
落麥記食左個早餐就撇喇！行去撘車個陣同傻仔 Neth 傾左幾句．．．英雄所見略同喎 ^^"

撘 286M 個陣訓著左，遲左一個站落車 ^^" 返到黎仲要執野，搞左成個鐘先有得訓。
其實都只係訓左兩個幾鐘就被爸爸叫醒起身食飯。食完飯就開電腦執執 D 相。
我第一次玩駁相咋！都幾成功喎 ^^ 又睇番日出個條片，真係好靚，最緊要係有得笑 XD
補番 D 日記～ 成個禮拜冇寫，追都追死。夜晚冇咩野做，睇埋 GODZILLA 就訓 lu...

>>January 4, 2004 at 1:32:01 PM GMT+8

2003 年 12 月 24 日 星期三 【乍暖還寒】

又唔知醒啦～ 遲左補畢架山，但又要買野，又約左人喎！結果又補得一個鐘。
響東京（唔係日本）買我之前睇中左既白色 Mizuno 風褸俾肥 Des 做生日 + 聖誕禮物。
約埋小傑一齊撘地龍去金鐘。嘿～ 唔知邊個話過緊隧道，竟然都係要我地等？！

肥 Neth 又甩底呀下！兜左個大圈先去到添馬艦。又黎環球嘉年華，年年都去一趟既 ^^"
乜都冇玩，因為其實我從來都不感興趣 ^^" 不過肥 Des 響 Game Store 贏左一隻鴨同一隻豬。
咁就擁有一隻 Piglet 勒！Yeah ^^ 我都有份吊鴨架 ^^" 跟住食左 D 野，其他乜都冇玩。
小傑就慘啦！為左隻獅子，花費左幾十蚊，換黎兩隻一藍一綠既「怪物」XDDDDDDDDDD

玩完（其實都冇乜點玩過嘖 ^^" ）就撘地鐵過荷里活，響寶島茶居食 D 野。杯野勁甜 ><
煩左好耐究竟今晚點．．．等埋阿 Neth 黎就去百佳買野。結果決定要科大唔要草地足球場。
撘 91M 入科大，沿路唔知點解會講到某某 D 野，越數就越興。算！我真係從此理得佢死。
入到科大就先去麥記買左雞翼六件送六件（我食左兩隻嘖！）跟住就落 Hall 打 Bridge。
我被人盲拳打死（咁又未係老師傅！）又話有牌打喎～ 原來未有麻雀，可鬼惡丫！
玩左一舖 "com" 棉胎。玩得一舖係因為佢地鬥到難分難解 XD 我同 Des 晨早就上左岸 lu...

Book 左 11 點，大家都玩到忘晒形 XD 醒覺去搞燒野食 D 野，落到去透埋爐都聖誕咯 =)

>>December 27, 2003 at 11:25:19 PM GMT+8

2003 年 12 月 23 日 星期二 【颳風】

補習補習！先乙明後錦豐，補完返屋企食左個晏晝飯，上左一陣網就動出去葵興。
拎左 Form 啦～ 不過拎唔切眼鏡 ^^" 今日要去大角咀睇波耶～ 好耐冇黎過 lu...
有人入左六球丫！太多了 XD 好似好耐冇試過入得咁痛快，難怪佢咁開心，哈哈！

Yeah！收到今年第二份聖誕禮物喇～ 魚魚送架 o^^o 佢話我見到實會扁咀架喎．．．

夜晚去左愉景新城睇高達展，影左唔少相 ^^ 跟住又響麥記放肆，食左個孖芝。
實在係太美味喇！今日第一次食士多啤梨新地；食左幾啖，覺得隻 Syrup 怪怪咁。
食飽就撘地鐵火車，響大圍落車影左 D 相：今日係大圍舊車站既 Last Day 喇！
聽日就開新站：新售票大堂。遲 D 月台都應該會有 D 改動掛！係咁以影 D 相留念 ^^"

返到屋企第一件事就係拆禮物。好得意呀！係 Pekkle 大頭杯呀～ 好扁呀個咀 "3
魚魚都留左言，話試左我送俾佢個件衫，佢媽媽都話好靚喎 ^^ 咁就好勒 =D

>>December 28, 2003 at 1:45:48 AM GMT+8

2003 年 12 月 22 日 星期一 【颳風】

可能真係捱得太多了，鬧鐘都叫我唔醒～ 睇戲都唔知醒。買左飛睇早場《魔戒 3》架！
最勁係錢都唔記得帶囉～ 擺晒響檯面，想打的都唔得。好彩俾我上到小巴，僅僅趕得切。
我碌完飛，魚魚就出現響我後面，睇黎佢對我個頭唔係好滿意．．．唉！唔開心添～

終於都睇晒三集，好野！雖然並唔係我預期中咁好睇 O_o" 但我都好享受呢三個半鐘架 ^^
完全冇離開過個位，又冇食野 ^^" 都算幾集中。不過隔張凳有個女人都唔知係咪路：
開場冇耐唔知佢食完乜野，拍晒手咁（拍走 D 粉掛？！）勁嘈，半場又電話響 -- 係響！
跟住仲要講～ 仲要勁大聲，肯定方圓三米內既都知佢帶個仔黎睇戲囉！盞教壞個仔。

睇完戲響麥記食左 9 件送 9 件既麥樂雞～ 即係兩個人食左 18 件 + 士多啤梨奶昔 =P
飽到傻～ 跟住撘火車出九龍塘，去畢架山補習。Yeah！魚魚陪我坐到出九龍 ^^
補得一個鐘添 ^^" 又有七人 Van 撘，仲威左，司機哥哥載我一個去樂富。Yeah yeah！
其實有冇司機載我都唔緊要，最緊要係架七人車。最好就我考到牌，有人送架俾我渣 XD

同表弟補左兩個半鐘，好彩都唔係十分勞氣嘖！今晚打邊爐～ 同姨丈兩個細佬 ^^"
唔係食左好多野，主要係阿姨勁夾魚俾我食，食到好漏。八點幾就閃先喇～ 去唱 K。
約左謝菲佢地。得我一個女仔，難免有 D 悶，不過佢地返左黎，總要見下面既～
可能係耐冇見啦！冇咩野講。最精采既話題原來係法蘭基唔知我已經俾人拋棄左成年有多。
丫！佢地都話我個頭冇乜野囉～ 好過以前喎！但謝菲同法蘭基講左句野，我聽唔到 o_O"

唱到十二點幾，同法蘭基一齊撘亡命。傾左成程車，都係講下近來灰 D 咩啦．．．唉！

>>December 27, 2003 at 10:34:13 PM GMT+8

2003 年 12 月 21 日 星期日 【乍雨乍晴】

今朝響畢架山補習，補完有七人 Van 撘 ^^ 響又一城落，因為等緊電話。都唔知去邊好。
等左好耐，結果．．．唉。本來話落吉之島，不過好多野拎，所以上左爺爺度先。

點解會多野拎？補習有兩本書；補習學生送左個 Tigger 攬震 Cushion 俾我！！！*開心*

響爺爺度冇咩好做，最有建設性就係訂左聽日睇《魔戒三部曲．王者回歸》既飛 ^^
諗左好耐先諗掂坐邊個位，哈！跟住落左鑽石山，本來拎完蛋糕就走得，不過又響度等。
魚魚話可能出黎搵我嘛，咁我咪周圍行，睇下買唔買到聖誕禮物俾班朋友仔啦！

都唔知做乜，由我入 SaSa 開始，我經過親 D Security Devices 就響，仲要係間間都響囉！
搞到我都唔知行去邊好，又要等喎！最不得了既係魚魚叫我幫佢搵下有冇襪囉 O_o"
不過最後一站入大個間 Marathon 又唔見響喎 ^^" 但係行得既我都行晒 。坐左陣玩 PDA。

最後接到電話．．．白等了。唔緊要啦！拎左蛋糕諗住走，經過瑪莎買左 D 餅俾細叔叔 ^^"
上番竹園，大家都到得七七八八。響廳混左一陣就哩入房玩 PDA，玩到開飯先出番去。
食完飯開左 ICQ，竟然見到阿 Ken 喎 ^^ 傾左幾句。嗚～ 好唔抵得 D 人可以去黃金海岸呀！

>>December 27, 2003 at 6:46:59 PM GMT+8

2003 年 12 月 20 日 星期六 【乍雨乍晴】

可能係尋日行左成日街，今日又重拾我逢星期六都唔知醒補習既習慣 一.一" 又要詐病。
直接出去乙明，補完落左 Des 度食飯。Yeah！窩蛋牛肉飯 ^^ 食飽就幫佢上網 Search 野。

等到三點幾，寶肥終於肯放低個 PS2 手掣，跟我遠走高飛 XD 去沙田嘖！再去銅鑼灣。
我好日都唔出銅鑼灣一次，今次都係有目的先去架咋～ 電髮！講左個幾月，終於都電喇！
本來 Book 左個間打黎話太多人，彈左我地去另外一間 @@" 上樓既，好細間，好少人。
初初真係有 D 唔知點咁，不過坐落又冇乜野啦！其實我自己都唔知點整好，心大心細左好耐。
真係電？！定負離子好呢？染又唔係，唔染又唔係喎！又唔知做唔做埋 Highlight 好喎．．．
結果都係電，揀左隻都幾深既色（我接受唔到自己咁 Yeah 囉 @@"）決定唔做 HL。

又話我會耐過寶肥，但又唔知點解幫佢整先喎 O_o" 我呆坐左大半個鐘先有個位坐下囉！
一坐就坐左五個幾鐘 >< 真係悶到發荒。雜誌都刨左三本，仲要係汁都撈埋個隻喎～
寶肥好似十點幾就整完喇！我就整到十二點都過埋 @@" 好彩落到去仲有地鐵。
撘到旺角，響極之好買左一人一件蛋治就去撘亡命。多人到丫！返到屋企都快兩點 lu...

出左黎個髮型唔係想像中咁樣，有 D 唔開心添！都擔心其他人覺得唔好睇，尤其是魚魚。
D 色又唔出喎～ 唉！希望洗下洗下會自然 D、順眼 D、好睇 D 啦！衰左想救都要等架 =(

>>December 27, 2003 at 6:30:33 PM GMT+8

2003 年 12 月 19 日 星期五 【乍雨乍晴】

起左 Hea 夠就沖左個涼，執好 D 野，等 Mr Physiotherapist 上黎幫我整整條腰。#5
送走左 Mr.P 就自己整野食：磨菇湯意粉。食飽就繼續 Hea、搞下電腦咁。Post 左 D 相 =)

約左姑姐出旺角行街，都買左唔少野：外套、圍巾、襪、衫，仲有魚魚同寶肥既禮物。
同姑姐去上次林夕同我食個間焗飯，搵左好耐先搵到 ^^" 食飽坐多陣就撘車返屋企。
咁又散左六百幾，不過總算買到 D 我想買既野啦！但仲有大把野要買．．．嗚！冇錢 ><

搵到 Burberry Weekend 喇！ 旺角 Angel 賣 $123（唔肯定係咪呢個數），我覺得好抵。

>>December 27, 2003 at 6:04:20 PM GMT+8