2003 年 5 月 28 日 星期三 【晴】

又返工，繼續尋日沉悶既工作，繼續盲眼，繼續恰眼訓 XD
呢份工最神奇既地方就係佢既魔力大到令我返到屋企連網都唔願上！
不過冇乜特別事發生，埋頭苦幹到放工咁。

有得笑下既～ 今日既 同事丙語錄 ：

口頭禪一：或者咁樣講啦．．．
口頭禪二：即係咁樣講啦．．．
爆笑惡句：或者我地唔好講題外話，我覺得你講得太遠喇，我地入番正題啦！
爆笑句一：先生你有冇 Fax 機響手呀？
爆笑句二：我地有個同事叫 Money Lung 呀！佢姓龍架～ 但係叫 Money．．．

姓聾架？Money-Loan？XDDDDDDDDDD

好滾動啊 >3< 今日阿 Des 竟然千里迢迢送黎一碗 SeaKing Congee！
連帶仲有一盒高鈣低 B 奶同埋豬麻梳打丙（哈哈～）實在係十分令人滾動啊 @ｏ@
多謝．多謝．多多謝～ ^^ 你真係好架嘖！我一定會請番你食飯。
雖然食左粥之後仍然係即時肚痛（噢撈！）但我都好感激你架～ 謝謝！

放左工趕返 City。威逼之下逼到劉瑩同我坐勒～ 不過我仍然係覺得好苦悶。
戴太問我咩苦悶、咩寂寞；係囉！我都唔知點解我會覺得咁苦悶、咁寂寞既～
可能真係因為田徑隊既 Bond 唔係好強，我又冇話點埋堆，所以嘛．．．
全晚最 Happie 都係睇 Video 個 D 時間～ 有 D 真係拍得幾搞笑 XD
不過 D 司儀就真係唔多掂喇！兩男兩女中有一男一女係鍾意講廢話既。
我反而幾鍾意少出聲個兩個 ^^ 阿 LaSallian 講波都講得幾精采～

食飯個陣我乜都唔食得咁滯，只係食左兩啖飯，再不停咁食西蘭花同草菇。
劉瑩又周圍走，隊長又要做野，係間中同戴太一句起兩句止咁，悶到呢～
又不停哦我去練 X-Country 喇唉～ 其實真係唔好逼我啦！我真係唔係咁想跑。
大把人跑得好過我啦！速度我又冇，耐力我又冇．．．跑咩喎 o_O"
練得好 D 餅同槍我都偷笑啦！不過快極我都要七月中先可以去 Train...

食飽之後影相～ 成晚我只係影左一張相咋！同 Vincent 影。
其實係自己蠢左冇帶相機嘖！不過我又實在係唔鍾意影相 *俾人影。
Vincent 話佢冇野，叫我唔好咁～ 其實我係本身有 D 唔開心咁嘖 ^^"
鬧情緒～ 玩文靜、唔講野呀！近排都係咁，其實又冇乜野既。

今次唔係搣～ 係拍 O_o" 拍左好多下添！不過我唔介意～
做得成朋友既咪繼續做囉！做唔成既都冇辦法。真係冇事就最好啦！
我從來都唔鍾意憎一個人。憎一個人真係好辛苦．．．

結果係同劉瑩一齊離開。一個人撘火車，MD 又冇得聽，悶悶不樂咁。
一路上諗左好多野 -- 但而家已經唔記得左自己諗左 D 乜 ^^"
返到屋企樓下先接到魚魚電話～ 哎！佢一打黎我個心又軟晒喇 -_-"

阿哥：生日快樂！ 我仲未諗到買咩禮物俾你 XD

>>May 30, 2003 at 9:28:51 AM GMT+8

2003 年 5 月 27 日 星期二 【晴】

黎料喇～ 惡夢開始。哎，講真，我份工又點會日日等野做咁他條丫．．．
通常做呢 D 細 Post 仲要做 Temp 就九成係俾人駛黎去，做到隻狗咁架啦！

好在我個上司都係好人黎架嘖～ 待我地都算不薄喇！但 D 野真係好悶～
今朝都算幾仲他條既，下晝個 Login A/C 做好左之後就慘情喇 ><
數都唔駛計，就淨係對住個 Mon 同對住疊紙響度對番 D 數，真係睇到眼都盲。
開頭對住部電腦真係睇十秒訓五秒架！好辛苦。一做就做到放工 lu...

今日 同事丙語錄 ：

「拿小姐，我地咁講啦，響香港黎講啦，咩都有依據架嘛！無論我地講到點黑點白都．．．」（嘩～）
「對唔住！對唔住！對唔住．．．或者我地大家都應該冷靜 D 囉！」（你自己冷靜 D 先啦！）
「拿小姐，要 決解妳 既方法．．．」（解決個客？乜咁大仇口呀～）
「公司地址係．．．旺角？旺係 W-O-N-G Wong，角係 K-O-K Kok 係咪？」（Mong 呀老細！）
「咁如果係 更年期 既問題呢～ 咁我地．．．」（我諗佢係想講「更改年期」）

因為個肚唔舒服，晏晝只係「捱」火腿通粉。
本來就唔算捱既，但我去呢間係整得唔好味咁囉！冇計～ 鬼叫自己肚痛咁冇用。
諗左好耐去唔去睇醫生呀！夜晚又要補習喎，咁早走好定唔去補習好呢？
從經濟學既角度黎講，應該係早走去睇醫生然後去補習係抵 D 既～
但問題係我睇完醫生會唔會冇精神補習呢？咁就蝕三分錢 O_o"
最後既方案係蝕最少又可以三樣做晒既 *呵呵* 就係一放工就拿拿聲撇！
飛去補一個鐘頭習（補少半個鐘）再飛返去睇醫生。結果係成功左啦 ^^ Yo！

醫生話我個胃有 D 脹．．．係腸炎啊 ＠Ｏ＠""""" 好似好嚴重咁。
乜都唔食得囉～ 乜都唔飲得囉仲要！哎，都好既，當減肥囉！我都冇乜胃口。

返到屋企已經半謝喇！但仲有精神對左一陣電腦，食左個通粉。
雖然十二點就閂機，但又要食藥，又要搞呢樣搞個樣嘛～
結果都係成點鐘先訓 ^^" 不過同平時比已經係好早喇 =)

其實魚魚都唔係冇關心我既，不過可能佢呢排唔夠訓、心情唔好啦～
同埋我返左工之後同佢電話又少左講，ICQ 又少左見．．．咁囉 =(

>>June 4, 2003 at 10:34:41 AM GMT+8

2003 年 5 月 26 日 星期一 【晴】

尋晚訓之前已經覺得個肚唔舒服．．．今日都仲係痛。
星期一。我仲要捱五日半先可以抖抖。仲要病，真係唔爭氣。

第二日上班。

飯前飯後既四個鐘裡面都各有兩個鐘都係唔駛做野格～ 呵！唔係我偷懶唔做野喎～ 係佢地冇野俾我做咋！
不過成日最唔掂就係個肚，谷住好辛苦，痛到乜咁 =( 我完全係攬住個肚過日子咁～ 食野又冇胃口，但唔食又唔得。
早餐冇食野。午餐食左個牛腩飯。呢頭真係冇乜野好食。行遠 D 就大把野食囉～ 不過比已經貴既呢頭更貴囉！

放工返到屋企，一入門口就俾表弟話我個樣好殘 O_o" 其實做野都未算辛苦，但個肚咁樣就真係好辛苦囉！
應承左出去影野丫～ 自己都想去。痛都照去啦 ^^" 橫豎我響屋企都係痛 -- 呢個好似唔係一個好既理由。

結果又係我早到晒咁啦！等我仲咁驚自己遲到添 @@ 阿 Ken 都發現我好殘丫！魚魚又玩代答 ^^" Heehee...
我諗部機一定係跟得我多喇～ 你舞就舞佢唔掂，我用都唔見有事既 =D
Yo！影到喇～ 又影到喇 ^^ 雖然唔係影得好靚，但都係影到呀！
不過就發生左「甲蟲上身」事件。有成我隻手指公咁大既甲蟲．．．我諗佢係甲蟲掛！
成隻啡色架，個款有 D 似曱甴（Cockroach），但又唔係黎架喎！總之就好核突、好核突啦 ><
我唔大叫已經好叻架喇！只係用部機黎撩走隻野，但隻野係撩左五次先撩得走架囉～
及後仲要發現佢其實係識飛格！即係我撩佢佢係「唔捨得走」囉 ><

黑加侖子糖 o^^o

跟住一行四人去左食野。肥哥哥見過架喇～ 不過佢擺明唔多友善囉 O_o
但阿 Ken 就唔同啦！可能見得多 D 啦～ 又搞笑，又會關心下人。
魚魚叫佢唔好食煙，佢竟然話「辟走陣黑加侖子味丫嘛！」XDDDDD
跟住唔知講起乜野燒到我個疊，隊長一句「人地有工返喇～ 你都冇！」
佢竟然兜頭寸番肥哥哥，話：「你冇工返喇掛？！嘿！」笑死 XD

不過實在係太唔舒服喇！晚飯都冇食都唔覺餓。真係想快 D 返屋企，但係又唔捨得走咁～
結果係魚魚開聲話我唔舒服應該早走，就同我一齊走了。一齊撘車去到城門隧道口就拜拜喇！冇咩特別咁～
返到屋企就飛上張床度攤啦～攤攤下就訓著左 lu... 再醒已經係兩點過 D。
唔知我係未訓醒定咩啦！我竟然打俾魚魚。雖然佢未訓嘖，但係電話響都好似有 D 唔高興咁．．．

唉。

>>June 5, 2003 at 11:30:40 PM GMT+8

2003 年 5 月 25 日 星期日 【雨】

今日本來可以訓到九點幾十點，不過十點我已經出到九龍喇～
八點幾就起身。去觀塘嘛！好彩我唔係撘巴士出去嘖，如果唔係就等到傻咯！
點解響大堂而唔係響月台等呢？早得一分鐘得一分鐘嘛！Heehee...

單純美好的小幸福～ ^^

可能係唔夠訓啦！今日唔係好精彩，不過我都係睇得咁開心 =)
講開打波，Gary 話我都可以去呀！不過我都未黎得切反應，魚魚已經話我要返工。
突然間覺得佢好犀利咁，因為 Gary 講完個一刻我都未醒起自己要返工。
係啦～ 返工就少好多娛樂喇！不過冇辦法啦～ 要搵食。
要等 1/6 睇完 Pearl心做《Matrix》先可以去睇《Matrix Reloaded》呀！
不過魚魚話會陪我睇架喎～ 希望佢唔係呃我啦 ^^" 我要看齣戲
仲有游水同去沙灘呢！但我要七八月先可以閒日去．．．等埋我喎 ^^

有人擺烏龍了。都話要影架啦 XD 但都唔緊要啦！玩玩波嘖～

突然落大雨，竟然要哩去廁所 O_o" 廁所仲要有蚊 >< 不過可以濕濕個人。
等左一陣唔覺場雨會停，冒住雨走算喇～ 跑左一段路咁。*好型啊*
濕晒丫～ 魚魚幫我抹番乾呀 o^^o 真係細心勒哈哈！*超級開心*
係兩次呀！哈哈．．．不過俾人話我隻手粗囉 O_o" 話完先兜番，可惡～

雨越落越大，我又冇帶遮，就決定唔返屋企，直接出去表弟度。
好在阿 Des 冇乜所謂，就得我嘖！我就先響沙田南峰閣食個飯先。
出到彩虹岩岩三點。上到去交低左 D 野就佢地補習、我訓覺喇哈哈！
可能係因為訓唔慣張床啦！碌左好耐先訓得著，訓左個幾鐘掛～
睇黎阿 Des 同表弟都幾岩 Key，吹得下水咁，表弟又算 OK 聽 Des 教 ^^
訓醒出黎吹下水、傾下按弟選科個 D 野。唔～ 真係唔係好識點同佢揀。
跟住上網既上網，睇書既睇書，睇電視既睇電視。叫埋雞（KFC）
姑姐晏晝返丫！我地食住先。大家係用《中華英雄》送雞咁～
食飽晒，睇埋套戲先走。三個一齊撘巴士返去 =)

返到屋企又要安置左個小朋友先，然後搞自己 D 野。立立亂 O_o"
同大邦傾左好耐、好耐電話。唔～ 我諗佢真係好唔開心。唉！

如果你話你唔想令我唔開心，以前、而家你都唔應該做任何令我唔開心既事。
我唔要你送咩俾我；我唔駛你對我好。你對自己好少少，唔駛我擔心都好夠了。
你應該知道，到底乜野值得你放晒成副心機落去，邊個值得你為佢開心/ 唔開心。
你亦都清楚知道，你既生命裡面，除左女朋友，其實仲有好多更加值得你費心思既人同事。
你應該好好珍惜。珍惜你既家庭、天賦本錢、老朋友。珍惜生命。

一個人唔識得欣賞你，唔緊要。你可以選擇努力 D 做得更好去令到佢欣賞你。
你亦都可以盡力做好本份，咁就總會有識欣賞你既人欣賞你。
就算全世界既人都唔欣賞你，最緊要係你識得欣賞自己。更何況情況並唔係咁糟？

寶肥：生日快樂！大個女，唔可以再成日做喊包架喇！
　　　由於陣容關係．．．搵日同妳食飯補番數啦 ^^

>>June 5, 2003 at 11:29:09 PM GMT+8

2003 年 5 月 24 日 星期六 【晴】

星期六唔駛返工有咩好做？補習囉！廣源。頌安。畢架山。
本來只係帶 Gloria 上畢架山見下面咁，點知我都要補埋一份：一個響房，一個響廳。
阿哥話：佢地真係明白而家時勢唔好勒，仲幫我地製造咁多「就業」機會 ^^"

嘿～ 睇黎波子同 Gloria 都幾岩 Key ^^" 唔知細佬仔又點呢？
哎．．．叫佢作句之嘛，佢就傷透我個心咁："I feel happy because Ruby is gone."
哼！不過聽講有人一補完就落去搵媽咪問："Ruby 姐姐幾時返黎呀？" 咁 =P
搞掂晒 D 野就返去喇～ 沿路聽 Gloria 講左唔少野 XD 估唔到喎又真係！

返到屋企就開始悶喇！難得冇乜野做又竟然身痕，最衰又唔眼訓．．．
唉！我真係唔應該再信佢～ 開頭都係多得佢我先會買份保險，而家又玩信口開河 ><
當妳講一 D 野令我以為問題已經解決，繼而再講 D 唔負責任既說話推番個波黎我度，
其實妳唔單止冇幫我減輕我既負擔，仲係 Double 左我既壓力！
萬幾蚊，一下子變番五千八，仲要有五千蚊唔郁得，仲有二千幾蚊係 Loan..

幾好丫！我都識玩負資產～

Melissa 上黎搞埋份保單，結果就係同阿媽炒起上黎：
叫左妳過黎之前俾個電話我架啦？一打黎就話我知「我而家行緊過黎喇！」
咁人地出左門口，唔通我叫人地返屋企等咩？
諗住飯可以照開嘖，最多我唔食住，坐另一邊廳同阿經紀小姐傾完先囉～
「妳顧下其他人得唔得架？」又實係我唔顧妳囉？
咁又真係我唔岩既，我一早就唔應該信妳，聽妳講幫妳個好同學買左呢份保險。
再錯係我咁都唔打發妳個好同學返屋企～ 更錯係我唔夠叻，冇錢搬出去住。

「乜都唔幫手做，淨係識得對住部電腦；起身就出街，肚餓就返黎坐響度等飯食！」
「唔駛裝我飯～」「唔食就早 D 講！」「下次丫！本來食既，而家飽晒。」
全日只係食左一個腸仔牛角包 + 鮮奶一包 + 兩包檸檬茶 + 兩包麥精。
起身就出去，連補三份習。家人咁體諒我，我唔爭在為埋啖氣囉～ 唔食又有幾咁閒？

成晚就係唔開心住咁過。同阿哥呻左好耐咁～ 都係阿哥錫我。
悶左成晚；頹左成晚。今次終於睇到《Sex and The City》喇！不過又無變左 12:30am O_o"
成晚都冇電話到～ 好悶丫！等到兩點幾就唔等，去訓了。

02:49:14「我就係想妳去，先至咁夜都打俾妳啦～」o^^o

>>June 4, 2003 at 10:31:51 AM GMT+8

2003 年 5 月 23 日 星期五 【晴】

六點十起身叫醒魚魚（啊～ 原來佢結果都係冇起到身．．．）
擺好 D 眼耳口鼻，黑白紅既配撘就出去了 ^^
時間預得幾好，仲有少少時間整番個麥當奴早餐。Grape Jam！

第一日上班。

返大公司 Office，記人名都記到你嘔。從見工到上班，HR 到 CS，細粒到大粒．．．
Iris、Brenda、Stella、Betty 姨、阿 Mi、Vanessa、Anita、再 Iris O_o"
嗯～ 呢個世界真係女多男少。同我一齊上班既係 Harris -- 神秘既自修室人！仲要認得我 O_o"
頭兩個鐘係見人、影相、再見人、認路、聽書同埋最重要既「等運到」。等文具到 XD
跟住已經開始做野～ 改第一批單。其實好少野嘖！不過要好小心、好小心。睇到眼都盲。
十二點幾接到霞姨電話；約左食飯。咖哩牛腩飯～ 好香丫 D 咖哩！不過應該都會幾肥 @@"
食飽就返去繼續努力，努到四點半就做完喇 ^^ 好叻丫！我做左十五份單丫～
最叻係仲記得 Excel D 簡單 Formula，慳水慳力 =D 不過響 CS 間房做野都幾辛苦，精神轟炸 ><
六點鐘都未有人返黎收貨，結果要遲放工。下次係唔准囉～ OT 冇得補水架囉！

丫～ 而家返一至五．九至六，星期六日及公眾假期放假呀 ^^" 總算有得抖下。
陳太個邊又總算搞掂左喇～ Yeah！希望 Gloria 真係可以幫到我，又唔會老笠左我份補習啦 ^^"

放工同同事乙 *哈哈 一齊走，一齊撘車返黎。好眼訓丫，不過又費事訓。好在有位坐嘖～
返屋企抖左一陣又要過去補習。妹妹仔送左個自製既大口仔襟章俾我 =)
不過佢仍然係好曳，搞到我今晚好勞氣～ 真係要諗多 D 辦法制住呢隻馬騮。

魚魚．．．唔。

我計過啦～ 五月因為考試，補少半個月習，但又有工返，我都仲搵到四千幾蚊。
下個月 NWT + 補習 *雙管齊下，雖然少左份畢架山，我應該都搵到七八千 =D
如果唔係撞晒 D 時間，補埋畢架山既話我就月入一萬架喇．．．

>>June 4, 2003 at 10:30:06 AM GMT+8

2003 年 5 月 22 日 星期四 【晴】

好犀利丫～ 為左食早餐同游水，七點幾就起身喇 ^^
薯餅 + 鮮奶 + 炒蛋。馬鞍山泳池。今日有 D 進步丫，
點解次次都係等我差唔多走先猛太陽呢？

不過算啦！今日已經陪我扮賓妹了．．．丫係印第安女仔 =D

游完水就返左屋企抖。飲左兩碗粟米湯當 Lunch。
馮生打電話黎。嗯～ 次次都係咁既好似，見完面第二日都會搵一搵我咁。
不過之後就．．．嘿！不過點都好，我都開心既，好過冇丫？

畢架山。今日補得出奇地輕鬆～ 我終於搵到波子既弱點喇！！！
不過都絕對唔係我控制範圍以內既野 O_o" 懶喎，點搞？
但我竟然「唔捨得」份補習；早兩日我仲係不斷咁想辦法甩身 O_o"
如無意外應該係搵 Gloria 頂啦，但佢又話要去 Outward Bound 喎．．．
搵 Mac 佢又話接左另一份在先，又話七月唔補得咁。哎～

「我地有 offer 俾妳～ 係 Temp.既 CSO。聽日準時九點上班。」

我諗我絕對係開心既～ 關於 D 補習調動個 D 叫「煩惱」。
搞左成晚總算搞掂左大部份，就係爭闊太一個。不過又夜啦，又要等聽日先搞得 ><
今晚都係早 D 訓罷啦．．．結果又係一點講到兩點，閂左機再發現做漏野 O_o"

結果三點～ （咳！）三點幾。

>>May 23, 2003 at 11:23:19 PM GMT+8

2003 年 5 月 21 日 星期三 【晴】

八點幾起身啦～ 約左 Des 跑步。跑左十個圈咁大把～
本來諗住咁耐冇郁就跑八個算架喇！但我都捱埋佢，捱到十個 ^^
不過下次應該要跑時間喇 ^^" 如果唔係減唔到肥．．．

跑完去左大家樂食早餐，食完就拜拜阿 Des 返屋企了。
有線又黎～ 唉！我都費事講。熨下衫、執下野咁。
熨到自己隻手 >< 唔小心隊左熨斗個尖尖落隻手度。痛。有少少疤。
冇食 Lunch *食左早餐啦！著成咁去補習 O_o" 見工嘛 ^^"

同細路仔勁玩、玩笑。完全補佢都可以補得幾開心～
我同闊太講有關遲 D 可能幫唔到佢補既問題個陣細佬仔都響度，聽到我地傾。
我就走個陣同佢講：「你快 D 祝我好運啦～ 我見工喎！」
佢笑笑口唔講野。我問佢做乜唔祝我好運，係咪想我見唔成工。佢話係。
我問佢點解，問佢係咪好想見到我。佢話係．．． 個心即時甜晒 =)

我成功左一半了。

補完習就飛身去九龍灣。無啦啦由見 Data Entry Clerk 變左見 CSO...
事但啦！人工一樣，請我就得了。我都係志在羅 D 做 Office 既經驗嘖～
就憑我自己對答既表現同對方既口吻推斷，都幾大機會會請我 ^^"
咁就煩了～ 真係煩了。點好呢？本來講好左話 In 就照 In，請都唔做架嘛！
但而家又覺得冇理由咁「戇居」嘖．．．做補習做一世咩 O_o"

服裝提供：爹爹。謝謝你幫我帶來衫褲鞋襪同埋個袋～ 直頭係 *世間始終你好* 咁呀！

彩頤牛腩河。你約我食飯，食乜我都咁開心，更何況 D 牛腩咁好食？
巴士走完一架又一架。應該差唔多係時候要上車了。好唔捨得。
你電話響。巴士來了。以為要上車，竟係係你留住我～ 呢一刻真係好開心。
我恨不得成晚坐響巴士站同你天南地北。同你傾偈，我覺得好舒服。

始終都要走。「唔係事必要扎起 D 頭髮既～」上左車，我有 D 想喊。

逝去的纏綿往事緊貼著我　留低笑聲　火般灼熱我
愛有點傻　但我甘心出錯　如果你認真過
在昨天情迷意亂怎會是我　明知痛苦　怎麼會犯錯
碰到之時　令我這樣忘我　才知我認真過

被錫自己既人搣自己面豬，原來可以係一件幾幸福既事～
諗番起好多以前既野．．．初戀難忘；初次心痛。
「如果妳真係黎澳洲讀書，我唔走囉！留低搵野做陪妳。」

其實你肯對我好個陣真係好好．．．就好似以前咁。

尋日於款起左勇氣（？！）Send 左封 Email 大致講晒我要講既野～
我只係想對方明白我諗乜，同埋作最後一次道歉，挽救我應為失去左既野。
無論結果係點，我都唔想再為呢件事煩惱/ 唔開心。

今日收到 Reply。
最後回應：冇 D 乜 vs 諗到咁嚴重～ 分別就在於個人重視件事/ 對方與否。

>>May 25, 2003 at 5:58:28 PM GMT+8

2003 年 5 月 20 日 星期二 【晴】

本來諗住同 Des 食 Lunch，點知 D 人原來又約左游水，又約左打波～
只可以俾一個鐘頭時間我咁．．．唉～ 算罷啦 ^^" 遲 D 先啦！

補駿景園，尚算順利 ^^" 補完就飛身出去莊啟程。火車 + 的士。
總算黎得合時，一開機就有野睇。為大四喜揭開序幕乎？
呵呵～ 今次影到喇 ^^ 影到晒呀！不過你似乎冇乜特別開心既感覺。
「而家我都預你影唔到架喇！咁樣你影唔到我都冇咁失望。」
但我影到喎今次？我真係影到喎．．．原來多少已經對我失去信心 =(

接到新世界電話，聽日 2nd In... OH～ 我．竟．然．有．得．Se．cond．In！
不過又要煩著咩衫呀，拎咩袋呀，執 D 咩眼耳口鼻呀咁 ><
講俾魚魚聽，不過佢好似冇心裝載丫，其實我根本連佢聽唔聽到我講咩都唔知。
撘火車。冇咩特別事發生，只係講左個大話：「撘的士黎牙？」「冇額～」

夜晚．．．唔記得左 lu...

>>May 25, 2003 at 5:56:59 PM GMT+8

2003 年 5 月 19 日 星期一 【晴】

凌晨一點先起身 O_o" ICQ 左成個鐘先捨得沖涼，沖完涼繼續。
飲左包奶「話」訓架喇～ 結果連個 OE 都整好埋啦～ 唔該晒呀師傅！
整番好啦 ^^ 之後就掛住出 Posts 唔願訓 O_o" 勁啦．．．天光囉結果。

十點幾阿哥打黎，傾到十一點零。上網；洗頭沖涼；煮麵食麵。
魚魚就慘了 O_o" 打字打到天昏地暗，我訓佢都未訓囉～ 11 點 *慘*

補習～ 今日補細佬。入屋第一樣發現既係原來佢地有兩個工人．．．需唔需要 O_o"
第二發現係喇沙小學既小三學生既英文都係好掂，都係唔需要補習格～
不過補個細既真係冇咁大壓力，一個鐘總算渣渣聲就過啦 =)

14:20:52「做咩咁冇心機呀？搞到我都唔開心喇～」下次唔會了 ^^"

補完諗住返學校做占丫，點知 Suki 冇幫我睇下爆左未，如果就真係爆左。
行完 Royal 同 Marathon 同 ESPRIT，繼續喉 Polo，又睇中左件 ESPRIT 背心 ^^"
最緊要係睇中左 Nike 條女裝 5" Shorts!!!!! 完全係愛不釋手～ 誓要擁有！
不過做人始終都係唔好咁衝動好。新野，應該可以攤凍 D 先既。

最後返左城峰閣食 Tea。其實我真係好少可一個人坐低食野．．．
靜靜地，諗下野囉！有人陪當然好，冇人陪都要識得自己俾自己靜落黎抖下。
食飽飽去左歌和老街公園影相。主要都係影花。丫，仲有餵蚊。
買左 D 糖 -- 佢地都算係我既快樂泉源之一。係就係肥 D，但最緊要開心。
再去 PageOne 睇書。《Darkness Falls》。睇左一個 Chapter。
魚魚上完試酒堂黎搵我就走喇～ 丫 *好彩* 原來佢見我唔到 ^^"

19:47「幾時同你整背脊呀? "3"3"3」

>>June 1, 2003 at 12:49:02 PM GMT+8