2003 年 12 月 18 日 星期四 【颳風】

考試第 3 天
－－－－－－－－－－－－－－
今日係我 20.5 歲生日！多謝～

由尋晚 Hea 到今朝，已經冇左一早起身返學校搵個位溫書既拼勁。0925 先返到 @@"
一路溫溫溫溫溫，溫到考試之。哦～ 咁梗係有食野啦！食左麥當奴早餐同 Canteen 既 Tea。
真正發力既時間應該係食完 Tea 至考試之前。嘿！我真係唔到最後一刻都唔肯發力架～

不過．．．即使我完全估中晒佢出題目既形式同問既問題，我仍然係一頭霧水。
考試前我叫 Edgar 殺左我（咁我就唔駛考～）考試後我已經屈服：不如我自殺算啦！
究竟係咪我唔識考試？D 功課份份都做得幾好架！次次都係一考試就炒起晒 ><

Certified@2035

打左俾魚魚就拿拿聲趕去深水步迎接我部新電腦。高速揀埋個 *燈* Case 就走得～
坐朋友車，沿途有驚無險：「幾耐牌呀？」「半年。」「渣左幾多次呀？」「五、六次。」
唔該 FM 幫我搞左幾個鐘 @@" 好彩你地有車咋！終於有新電腦用。幫佢影左好多相 ^^

不過．．．有 D 野好勞氣，真食好勞氣。點解要咁嘖？我唔明點解硬係要咁做人囉！
「妳睇下其他人丫！邊有兩兄妹好似妳地咁架？」「係囉～ 我未見過有阿哥對個妹咁衰囉！」
有人以為咁樣我會好冇面；有人竟然唔知自己響度落緊自己面囉！邊有男人咁小家架嘖？
我以為有人會明白事理，但轉個頭竟然！！！我認命；喊左成晚。我真係好唔開心。

只有我在呆望這家裡每個角落，猶如圍城冷漠．．．
面對家中的幾扇牆，沒有家的感覺．．．我在笑，相當勉強。

>>December 25, 2003 at 8:40:25 PM GMT+8

2003 年 12 月 17 日 星期三 【陰晴不定】

今日要返工，唔駛早起身返學霸位，不禁就 Hea 起上黎。匆匆忙忙返恆商，速戰速決。
做完野去左 Muji 買野，又心大心細想食糖蔥餅．．．好想食，不過結果都係冇食。
撘火車去大圍俾 D 聖誕卡魚魚。唔。跟住返 City 搵 Marco，擺低 D 野又話要買 Tea 食 ^^"

大家突然輪流 Check 起 TimeTable 上黎，死諗爛諗可以點樣轉會轉得好 D，搞左好耐 XD

唉！完全溫唔入腦 >< 可能響班房 Free D，唔似響拉把咁集中，唔係傾偈就係發夢。
哥哥話黎搵我喎！食麥記？！我怕肥，結果揀左十蚊飯。D 同學走晒，哥哥就陪我溫書。
不過仍然係溫唔入腦。仲訓著覺添！搞搞震拎哥哥部電話影相，影極都唔靚既？
既然溫唔入腦就撇算了。去百佳買埋葡萄靈就返屋企，諗住返到去 Hea 一陣再黎過。
結果？都係讀唔入腦。發脾四．．．幾乎要掉左 D Notes 唔再溫。最終都係放棄～ 訓覺。

>>December 25, 2003 at 8:02:31 PM GMT+8

2003 年 12 月 16 日 星期二 【乍雨乍晴】

考試第 2 天
－－－－－
0830-0000...

對住 D 題目，真係唔多識揀。唔。希望唔會太差啦！我有努力架 ><

全日溫習，冇咩好講。朝早有寶肥陪我，食超級三文治早餐。
可能係溫書溫得太辛苦了，考完試後又一直一個人，燥狂。
阿 Ken 囉！又話返，又唔返，太可惡喇 >< 寶肥又突然要早走．．．
自己一個人都可以堅持到 12 點，我覺得係有 D 進步架！

上左竹園食晚飯。爺爺傻架！為左我，又斬料又特登整豉油雞翼 ^^"
不過真係好好好好好好味。但我要食晒八隻雞翼囉～ 肥 @@"

>>December 25, 2003 at 7:43:28 PM GMT+8

2003 年 12 月 15 日 星期一 【乍雨乍晴】

嘩！為左返 City 霸 Library 溫書，我竟然七點起身！食左個好正既奶油麵 ^^ 八點四返到。
龍哥龍嫂九點鬆 D 都黎到勒！龍哥去左考試就得番我同龍嫂好俾心機咁溫．溫．溫。
等龍哥考完就一齊去食大利法國。嗚～ 我好耐未食過我既白汁碎蛋牛角包喇！好味道。

接到哥哥電話～ 出黎搵我喎！響又一城等埋佢啦 ^^ 傾左一陣就返入圖書館繼努力。
丫不過努左唔係好耐又要出去：特登出旺角買支 QV 黎搽面！再唔搽我塊面就爛架喇 ><
好彩有哥哥陪我嘖！返黎個陣順道去百佳買左超級檸檬 + 蘋果糖 + 買二送一既蔘蜜。
返去同寶寶分享 D 美食兼繼續努力。不過今日溫得慢過上次（雖然仲係好過響屋企溫。）

晚餐響南山村食豉椒炒河 + 福建炒飯，好飽。返去努力到 11 點鬆 D 就走喇！話咁快就到。

從女主人口中得悉某人做左 D 我覺得好荒謬好幼稚既行為。我會從此睇唔起呢個人囉！
唔怪得政府要削資啦～ 雖然有 D 只係借，但都俾左唔少佢囉！俾 D 錢佢咁洗架？！
政府完全投資失利。拿！我今日講既，你睇清楚：唔掂唔好搵我，我幾對唔會可憐你。

>>December 22, 2003 at 12:44:57 AM GMT+8

2003 年 12 月 14 日 星期日 【乍雨乍晴】

仲要補習．．．晏左起身，已經約晏左少少，結果都係遲。補左兩個幾鐘就返屋企。
沖涼左個涼，執好野終於出得門口。去麥當奴買野食。嘩嘩嘩！孖芝八蚊？正！

跟住撘小巴去大埔，行過許留山又受唔住「西西」既引誘 ^^" 幾經辛苦終於上到寶肥屋企。
傾下溫下傾下溫下咁 ^^" 七點幾就撇。寶琪送我，我又陪番佢去七仔惠康買野食：薯片！
撘巴士去乙明，又買左件糖蔥餅 ^^ 行到博康見唔冇人？原來未到。企左陣等埋魚魚先入去。
哼～ D 人遲到既！呆等．吹風。好彩我有 Adidas o^^o 俾潘仔話我係「幾度既打扮」^^"
想幫魚魚影下相架！不過可能係之前洗過相，影左一陣就冇。等到九點鐘先羅到場踢。
但睇左冇耐我又忽然想去所所，但要快步行三四分鐘先去到最近既所所囉！仲要一個人。
熄燈就撇。丫！原來呢個球場熄晒燈會即刻睇到好多星星架～ 咁咪黎呢度睇流星雨都得囉？

本來等巴士，結果一齊行去火車站。邊行邊傾，又睇燈又睇星星 ^^" 暖左一陣就拜拜 lu...

>>December 22, 2003 at 12:28:29 AM GMT+8

2003 年 12 月 13 日 星期六 【陰晴不定】

考試第 1 天
－－－－－

難得一個唔駛補習既星期六。十點幾先起身，要考試稷講，算晏了。好彩今日考 Lit Tran。
整下野食、上下網咁，揭過下 D Notes 啦！不過都唔係真係睇既。夠鐘就出門口 lu...
之前已經拎左兩本字典返去，不過今日都要揹兩本．．．好彩我有我個大大 Nike 背囊 ^^

去到大學站接到魚魚電話，所以就等埋佢啦 ^^ 佢陪我撘到出九龍塘喎！Heehee...
不過佢又話我對眼好似好黃咁，叫我去 Cheak 下喇 @@" Check 囉～ 年頭去 Check 啦！

上 Locker 拎齊 D 字典就岩岩好夠鐘殺入試場；完全冇話特別緊張。唔通關茶晶事？
兩個鐘頭話咁快就過。我用左超過 80 分鐘做英譯中，所以中譯英有 D 趕咁。
好彩篇野唔長，用字亦唔係特別深，兩個鐘做兩篇係岩岩好咁囉 ^^ 唔會太悠閒。

話咁快就考完一科喇！擺番好 D 字典就諗住撇。嘿～ 我發覺我響 City 越黎越獨來獨往。
走入 Bookshop 買左盒 Post-it 連埋架機，我覺得好靚呀 ^^" 跟住走左去寶肥屋企！
Yeah！今晚有龍哥龍嫂煮飯俾我食 ^^ 同佢地一齊響大埔墟買送，不過都搞左好耐 ^^"
跟住林姓大廚郁手喇～ 我就行行企企等食 XD 我都有幫手架！因為大廚唔識整魚香茄子。
由於送多爐少，整得第三四樣黎，第一二樣都凍咯！不過餐飯真係好豐富 ^^ 好味道～
臨走再食左兜芝麻雪米茲．正！跟住一行三人去左大埔中心買野，兜左個圈咁。

送左大小姐去撘的士，我就同龍哥一齊小巴返過馬鞍山，佢就再轉車返屋企。
咁就一日喇！餐飯真係唔錯 ^^ 我返到屋企已經好掛住 D 茄子．．．早知食多 D 啦！

>>December 16, 2003 at 1:59:29 AM GMT+8

2003 年 12 月 12 日 星期五 【陰晴不定】

今朝冇人叫醒我，九點零鐘責醒左，不停打乞嚏．．．係不停。幾經辛苦先訓得返。
點知訓番就發惡夢：魚魚有事，我開頭唔察覺，到我察覺到問起既時候，佢收埋左自己 ><
更怪既係我竟然講俾洪濤知，仲唔知點解同佢同 D 同學好似準備緊個 Party 咁 @@"

又會發埋晒 D 咁既夢既 O_o" 發完就算了！唔會成真的～ 唔會。唔准！我話唔准就唔准。
發惡夢就自然會醒啦！行緊出廳時咁岩師傅就打黎 ^^" 原來有 Part-time 介紹～ 又做唔到添！
算早起身架喇！仲要係自己起喎～ 拎左 D Notes 出黎架！不過就真係淨係拎出黎囉 /_\

If you really want to, you will; And if you don't, you won't. -- 像是欠了些甚麼的，心有點翳。

朝早話咁快就過，晏晝就 Print 起 Past-paper 上黎。算係好少有架喇！我不嬲都唔睇 pp...
不過今次 Print 左我會睇架喇 ^^" 嘿～ 櫃桶 D 廢紙岩岩夠我 Print 晒科廢野既 pp，非常好呀！
Print 完都已經差不多夠鐘去補習。如果我今日返左 City 就唔去補架喇～ 雖然都唔想去。
不過做人應該有 D 責任感既，上星期又係我自己話補既。俾我一個人響屋企都唔係溫書架啦！
結果特登出去補左一個鐘頭習，來回冇左兩個幾鐘。最大既得著係食左一件糖蔥餅 o^^o

返到黎又夠鐘睇電視，又 MSN 下、食下飯咁，九點幾先坐得番低。收音機好嘈．．．
結果要入房閂門。嘿～ 聽日就考第一科喇！我竟然係今日先至第一次響屋企溫書。
閂埋房門都仲係嘈，唉！另一樣唔好既就係我響房會訓著，無論我坐床定坐凳都會訓著。
結果咪訓著左囉～ 斷斷續續我齘都浪費左成個鐘。十二點夠鐘就出黎摷野食．食藥 ><
食完藥之後到而家．．．除左拎番晒 D Notes 出黎之外，又係冇做過野。點解我咁懶架嘖？

我想返 City 溫書。但一個人我又唔想返。突然發現我響 City 係冇可以一齊讀書既朋友架囉！
說服到自己一早返去霸位，講到拍晒心口咁，就竟然因為「冇人陪」而打消成盤計劃？！
怪人．不甘寂寞。冇人陪就讀唔到書架拿？黐線架～ 讀書都要人陪既？變態 @@"

我真係有心一早返去溫書架 >< 哈哈！邊個想溫呀？你陪我，我幫你搵埋位又點話丫！唉。

>>December 13, 2003 at 3:22:34 AM GMT+8

2003 年 12 月 11 日 星期四 【乍雨乍晴】

又賴床喇～ 唉！阿媽特登打三次番黎．．．我落左床去埋洗手間都要訓番，真係冇計。
雖然第一次我出到廳佢就收左線；第二次我去緊洗手間；第三次我終於接到囉～
不過好憫憎呀～ 晨早起身實憫憎啦 >< 最憫憎係電話勁響勁嘈。我係怕嘈醒爸爸咋！

11 點幾醒左架喇！不過有人黎左整錄影機，我又披頭散髮咁，費事行出廳嚇死人。
於是等到個個人走左我先起身。已經 12 點幾喇！一心諗住返 City，所以自動自覺整飯食。
不過有冷飯，煮過又多，咁我食埋 D 烏冬啦～ 本來諗住沖涼，又要幫男人 Print 野喎！
Print Print 下都已經食得飯了。食完野又要抖一陣先可以沖涼洗頭嘛 ^^" 所以咪越搞越晏囉！
又要落郵局寄野喎！個盒．．．淨係黐郵票都花左我唔少心機同時間。終於都寄左喇 ^^"
不過今次好似好輕磅咁都要廿幾蚊郵費，諗番起上次成百幾二百蚊，仲貴過入面 D 野囉～

P.S. 咁啦～ 以後講 Ken 仔就用番阿 Ken 啦！極具男子氣概個個就叫「男人」算啦 XD

終於可以動身返學勒！唔駛等好耐車，都算快出到九龍塘架喇～ 落左百佳買糖食 ^^
今日都幾好彩，遇著 D 人都好有禮貌。先有郵局職員，後有百佳職員：「普通個 D 糖」XD
出去個陣個警鐘響喎 @@" 但我梗係冇偷野啦！我企左一企，望左一望就冇理，撇 lu...

入去擺低 D 野又出番黎去診所睇醫生。普通傷風。預左架喇～ 旨在拎收鼻水同鼻敏感藥嘖！
跟住隨個便去 General Office 拎番 D 功課。哦？見到 Leo、Thomas 佢地 ^^ 原來有 Test 拎。
嘩！真係估都估唔到：Interp. Test 拎 A+ 呀！嘩～ 好開心呀！真係好開心、好開心呀 =D
見到阿 Jim D 評語，就知道自己今次冇令佢失望喇 ^^ 又證明左我真係得架！只要唔緊張的話。
不過又有少少抱怨自己 Test 1 點解唔爭氣，如果唔係呢科有望羅 A 喇～ 算啦！Sem B 囉 =)
仲有 Duncan 份功課有 18/20，都好好呀！不過睇真 D，佢本來寫 19/20 架！太可惡喇 XD

勁開心咁返落去溫書。今日都唔算溫得好快，但肯定比響屋企溫專心百倍囉～ 我要努力！
六點幾去左南山村食飯，睇左一陣電視又返黎繼續努力。唔經唔覺就溫到十點幾 =)
魚魚咁岩同同事黎左又一城食飯，食完都有打俾我問我走未，不過佢都去到火車站咯～
我竟然叫佢走先 @@ 與其對得個一個站，又要佢響火車站食住風等我，不如佢返去先啦！
型左喎 ^^" 不過更開心既係幾分鐘之後佢再打黎，話行左黎 City，探一探我先返屋企喎 o^^o
咁我就出去見下佢啦 ^^ 順便擺兩本字典響 Lcoker 先。今日拎左兩本返黎，考試用。

傾左一陣就拜拜喇～ 返入去唔見左男人喎 @@" 死野賴低我部 PDA 響檯面就唔見左影 ><
原來去左羅文具！傻架 ^^" 返黎就嗌執野走咯～ 我都未試過響拉把逗留咁耐仲留到咁夜既。
勁快～ 半個鐘已經返到屋企樓下 ^^ 入屋打左個電話就例牌上網啦！點知．．．

有 "甲由"（打唔到嘛！）係一隻好遲鈍既甲由～ 我發現佢既時候佢都係慢慢躝咁 @@"
我第一野用報紙車佢唔中 *咁都可以唔中* 佢就慢慢躝左入我電腦檯底喇 >< 可惡呀！
結果我要冒爆炸既危險向檯底噴殺蟲水囉！唔噴佢唔出番黎我就有排唔駛/ 唔敢用電腦喇～
還好隻死野都識蕩番出黎，但又死左入梳化底 O_o" 好彩最終都俾我消滅左。好討厭。
最好彩係隻野唔識飛，仲要遲鈍架添！可能因為凍啦～ 抵死丫！凍仲出黎玩丫拿？

>>December 12, 2003 at 2:53:06 AM GMT+8

2003 年 12 月 10 日 星期三 【乍雨乍晴】

越大越懶。以前要比賽或者知道自己有野要做，話左早起身就一定起到；而家呢？
叫媽媽出門口時嗌一嗌我，都預左自己會賴一陣床先起身，點知一賴就賴到九點九。
冇鬼用咯！今日話叫醒 Mr.Sexy，結果人家好叻咁自己起左身，係我死 lur 咁～

起左身開電腦，揭開份 Notes，到我出門前都只係睇左兩段 -- 係五分鐘乜都睇得晒既野。
唉！夠鐘又話要出門口勒！今日要返工、補習，都唔駛旨意溫書架喇！點搞．．．
更可悲既係我副戴左兩個禮拜新眼鏡既因為我一時疏忽，咁就死左響我手腳夾擊之下。

返恆商同 Kitty 食飯。今日艾花都返 ^^ 本來諗住同佢一人買一個飯，三個人 Share 架！
點知我地又冇為意阿媽落左黎，俾佢自己極速買左個麵添！邊食邊傾，都幾係爆笑咁啦 XD
食飽就拿拿聲上去做野，留低艾花陪阿媽。七個學生有五個冇黎，我覺得完全係浪費時間囉！
夠鐘走就搵埋艾花撇。同 Kathy Lee 傾左陣偈～ 佢話我靚左呀 XDDD 真係識 tum 人開心。

下一站沙田。本來諗住去 Muji 買個盒入起 D 野寄俾 Bernard，點知 D 盒太大，完全唔岩。
大眾又係冇岩 Size 既，唯有補習之前去 LOG-ON 搵啦！今日又寄唔到喇～ 真係老土。
再一站葵芳。為左副眼鏡，我係威左咁囉！補少一個習，就係為左拎副眼鏡出去駁義肢囉～
唉．．．我 $430 買副眼鏡返黎，兩個禮拜後要俾 $280 配過對鏡 >< 2/3 價錢，殺左我啦！
搵多多錢都唔夠洗。今日返工 + 補習既錢就岩岩好填番條數，包埋車錢又點話丫唉 =(

好彩響 LOG-ON 搵到個盒，都幾 Fit。艾花一言驚醒夢中人：係囉！張卡分開寄咪得囉豬 ><
兜左個圈，俾埋錢就走；我去補習啦～ 佢就繼續行。惡夢就由上 29B 小巴開始．．．
呢期唔知做乜成日都覺得好累既我今日照樣覺得好累，上左小巴之後就打起乞嚏上黎 @@"
一發不可收拾。我 D 鼻水跟住係冇停過囉！要不停包雲吞，又越補越冇精神。好辛苦。

走個陣出面係凍左一截，凍到我豬兜咁。又晏左喎！走左架小巴又黎架唔載客既 ><
吹左幾個字風先上到小巴，唔冷親就假啦！不停打乞嚏、流鼻水，極度辛苦。好慘咁。
由坐小巴到坐火車到等巴士坐巴士，甚至係去到頌安村我都仲不停咁諗：不如唔好補啦！
可想而知我係幾咁辛苦。遲到都唔理喇！去麥當奴飲左杯熱朱古力 -- 頂硬上啦 .\_/.

入門口之前擠出一副精神既樣子 @@ 其實係辛苦到不得了。入左房又不停包雲吞。
話左唔俾自己咁辛苦，補一個鐘算了。不過神奇地竟然變左普通話堂！教普通話拼音。
不過小朋友既拼音底子真係唔好，淨係 j q x z c s 六個都搞唔掂，我都唔識教添 @@

補完落樓，完全係凍到飛起。打俾魚魚又冇人聽．．．夜闌人靜，我選擇左飛奔返屋企。
至少可以令我心理上覺得暖 D，又唔駛腫口腫面入屋 ^^" 不過入左屋一樣係鼻水長流。
極速食飯。丫原來我都幾肚餓架喎～ 啪左兩粒 Panadol Cold，入房攤左陣。有 D 燒。
結果訓左半個鐘，起身出返廳想做野啦！但真係集中唔到。唔眼訓架！但就係好辛苦 =(

>>December 11, 2003 at 3:30:19 AM GMT+8

2003 年 12 月 9 日 星期二 【微冷】

尋晚都唔知做乜咁 High，同阿「極具男子氣慨既 Ken」由兩點幾傾到六點幾 @@"
最勁係由自己部機玩到阿哥部機。MSN 傻左咁，不停 disconnect 又自動 Cancel Request...
結果六點幾先訓啦！書又冇溫過啦，訓又訓唔夠（今朝十點半就起左身 ^^"）唉 =(

今日 Mr. P 又上左黎，仲「有幸」食到我煮既野添～ 烏冬黎既，希望佢唔會肚痛啦 XD
如果唔係佢黎，我就捱午餐肉架喇！特登為佢煎左塊西冷。又俾佢執我渣筷子既方法添 ^^"
背脊就慘咯！本來暫停練習係休息既好機會，但前晚咁樣撞一撞，而家痛到死 ><
一捽近中間就痛喇～ 應該係 "ung" 親脊骨。我行得走得都應該唔算係重傷既，就住囉！

好開心喎～ 因為有人曬左相俾我喎 ^^ Surprised！五張 2R，有三張係我自己都鍾意既 ^^
轉頭我又入多兩張相入 PDA。正傻婆。咳～ 原來唔知幾時變左傻豬 ^^" 哈！好得人驚呀哩？
#4 x 6。今日又有進步喇 "3 自我感覺十分好。以後都係咁就好勒！記住先記住先 o^^o

還原間屋之後沖左個涼，再打俾搵森美睇下佢返唔返 City，不過佢又唔方便同我講住。
揭住 Notes 等佢電話，等到就返架喇！擺左疊 Notes 響檯面，又諗住寫半篇日記就溫書喎！
點知．．．好眼訓 一.一 打幾行日記都恰著幾次。結果，四點零七分我已經滾左上床。
較左五點鬧鐘架～ 但邊會醒丫！三個唔同既人打黎講唔同既野，冇一個足以令我爬起身。

七點過 D 先起身囉！唉～ 開左電視又唔係好做得野，不過總算 Print 齊野執齊 Notes...
跟住又食下飯、出下 Posts 呀咁，揭揭下 Notes 又同阿哥 ICQ 起上黎，跟住又話整沙律。
跟住又話條水晶淨化完要拎出黎風乾咯．．．搞呢搞路，話咁快就黎又兩點喇 ><

P.S. 沙律（蛋白 x 3 隻 + 雪梨 x 1 個 + 芝士 x 1 片 + 粟米 x 1 罐）好好味！兩個鐘消滅晒～

>>December 10, 2003 at 1:51:03 AM GMT+8