2003 年 10 月 9 日 星期四 【炎熱】

今朝一切正常，準時返學。Lunch 同 Jessie 食 Delifrance，仲有阿 Jill 同阿 Wing 一齊吹水。
講左唔少 Lecturers 既是是非非 XD 講講下竟然講到我自己既「西田遇襲事件」XDDD
上 Interp 個陣阿 Jim 竟然全班叫勻，就淨係唔叫我。哦！一定係我轉左 Look 佢唔認得我啦 XD

落堂打俾寶肥。啊～ 佢竟然咁岩返緊黎 City ^^ 陪佢買完書就 tum 左佢跟我返屋企。嘿．．．
去惠康買送。今晚我煮飯，求求其其整番幾味易整到冇人有既送啦！寶肥黎食飯喎～
今晚有阿媽煲好既蕃茄薯仔湯，我就整左青椒炒牛肉、煎魚肉餅同埋蒸茄子。好好味架！
我自己覺得幾好味啦 ^^ 寶肥同媽咪都食左兩碗飯，呵呵呵！食飽飽就一齊睇雹視。
跟住我同寶肥各自做自己野，不過佢恰眼訓既時間多過睇書既時間。十點幾就送佢去撘車。

夜晚做野做到兩點幾就不停恰眼訓，仲豬咁蠢飲左包奶，驚死唔會做做下訓著咁 O_o"
結果查一個字都訓著幾次，仲攤響梳化訓左幾個字，起身繼續做都係一 D 都唔 Productive ^^"
爹爹返到黎見到我攤下攤下又唔入房訓又哦喇～ 我又憫憫憎憎咁，結果都執野返上床訓 lu...

自從識拍拖以黎，我好耐冇試過擺咁多心機同時間響一個唔屬於我既人身上。
對鍾意既人，幾多心機同時間我都肯擺。結果，擺足一年，感覺上仍然係冇乜成果。
我甚至覺得擺多幾多時間落去都唔會有結果。我諗我要放棄喇！即使我係好唔想。
今日我話：我放棄喇！唔係我唔想撐落去，只怪我鍾意既人已經有女朋友。
或者我今日咁樣講，聽日又唔係咁諗，但呢一刻我係真係下左好大好大既決心。

留番 D 空間、保留 D 尊嚴俾自己丫！我要學既唔係點樣愛人，而係點樣愛自己．．．

>>October 11, 2003 at 2:47:07 AM GMT+8

2003 年 10 月 8 日 星期三 【炎熱】

周圍去喎～ 補完習出旺角換機，順便落佐敦食澳洲牛奶公司 ^^" 特登去食個早餐。
食完返九龍塘補習。好眼訓。突然間好想食蜜瓜雪糕，啊～ 大學站真係有富豪雪糕車 =)
夜晚又響馬鞍山補習。返黎食飯、沖涼、上網、睇電視。咁就一日架喇！好累～

一年喇！今日真真切切咁覺得好疲累．．．

由這一分鐘開始計起春風秋雨間
限我對你以半年時間慢慢的心淡
付清帳單　平靜的對你熱度退減
一天一點傷心過　這一百數十晚
大概也夠我送我來回地獄又折返人間
春天分手秋天會習慣　苦沖開了便淡

已經俾左一年時間自己，夠喇～ 係時候放手喇！

>>October 11, 2003 at 1:28:59 AM GMT+8

2003 年 10 月 7 日 星期二 【炎熱】

朝早補完習返左屋企，因為未執好野。搞搞下又晏左，出沙田買埋之前睇中左個件衫 Nike。
折實 $180。真係有需要就唔係浪費啦！不過買埋呢件衫，我又要開始節約用錢喇～
跟住返學，時間岩岩好。普通話堂派功課（快到丫！）講到好差咁，好彩我都有個 B+ ^^"

上埋 Discourse 又放學。落 CSC 譯左一頁野咁大把 @@" 再去麥當奴食左個 Tea *超級飽*
飽住行去 JSC（有助消化嘛～）今日唔知做乜，個人懶懶閒、好似唔想練咁，連圈都冇跑。
唔跑圈就拉番耐 D 筋，好遲先閃去 Discus Area ^^" 就咁擲既表現仍然唔係咁好．．．
結果做左七八下就做轉身。全日做左十幾下，冇 Foul，冇中柱，不過表現都唔係話好好。
有兩下幾好啦～ 有一下係好到可以 Yeah 出黎既 ^^ 不過都唔係太發到力。發到就 Perfect =)
其他呢，唔係發唔到力就係唔夠高 -- 雖然戴太話我比上年 Powerful 左 -- 要舉下野喇！

掟完餅就入房睇 Video，好似 Get 到 D 野咁，但唔知係咪真係可以響練習 Apply 到 ^^"

同菜菜試左一款掟 Jav 既拉筋動作。個動作本身好似好掂咁，但我條腰似乎唔多 Support O_o"
仲突然雄心壯志咁衝左六個 60m，多少係想彌補番頭半段既練習好懶散，圈都冇跑喎？！
不過太耐冇跑，尾兩個已經好似跨步咁 ^^" 多謝菜菜陪我啦！冇佢陪，我都唔會咁認真跑。

掟左幾槍就收檔喇～ 好累。沖完涼出黎買罐 Pcari 就走。白雪雪又口多多。唉！成熟 D 啦～

>>October 11, 2003 at 12:32:39 AM GMT+8

2003 年 10 月 6 日 星期一 【炎熱】

今朝真係唔知醒。唉！話左唔走堂架嘛～ 結果 11:30 堂我 11:15 先起身，唔走唔得。
跟住個堂又帶少左份資料，有 D 都唔係太知講緊乜，已經盡量聽、盡量寫低 D 野架喇！
Lunch 同樂樂同 Felix 去左深水步食牛肉麵同糖水，都算抵。不過收左個假十蚊呢 ><

我好低能咁向路過消防車後坐既消防員做左個 "V" 手勢。哈！佢竟然 "V" 番我喎～ 超開心 ^^

返到 City 打左個電話。唔，連打電話都變左一種賭博。博定唔博？我博左，咪輸左囉！
坐左一堂就玩完，冇野做咪撘車返屋企囉！入八達通先發現個十蚊係假架既。糖．水．舖 ><
返到屋企沖左個靚涼，跟住就睇電視兼把玩我部 PDA。不過仲係好多野都唔識搞 @@"
《Fear Factor》準決賽反而冇乜野睇。之後 Print Notes，做過一陣 FYP，再做埋普通話功課。
夜晚繼續研究部機，睇下有冇 Software 有正野 Download。睇黎都係等人介紹好 D 喇～

最乞人憎就係竟然有「甲由」！響電腦附近喎～ 我又唔用得殺蟲水，要整死佢實在艱難。
好彩佢最後都係逃唔過我既拖鞋，俾我扑完個身（扑唔應）再成個拖板責落個頭度～ 死未？
虧佢竟然仲微微地腳撐撐，核鬼突 >< 又搞到我響消滅佢既前後都手騰腳震，可鬼惡丫！

>>October 11, 2003 at 2:48:04 AM GMT+8

2003 年 10 月 5 日 星期日 【酷熱】

朝早叫醒左魚魚就再訓過，九點幾先肯起身，再改過 Duncan 篇功課，Print 埋就去洗頭。
出門口再打俾魚魚，都估到佢賴床架喇 ^^" 補完細路仔有年糕食！好耐冇食過喇 =P
繼續補習。由於發現打錯好多野，結果要返 CSC 執一輪先交，遲左個幾鐘先出到旺角。

飯都冇得食。唉。自己入百老匯及入及，見到 1940 竟然有 128MB SD 送！跟住行波鞋街。
見到阿傻仔喎 XD 不過佢唔認得我喇！接到電話就行番出去 Body Shop，發現唯一麵家執左 =(
等齊人就再去百老匯，猶豫左一大輪先決定買。第一部機花左（好彩睇到嘖！）Um...
拎住我既戰利品，出到大街竟然俾我見到超音鼠！哈～ 係人扮既公仔嘖 ^^ 仲有泡泡龍。

本來約出黎食飯 + 睇機既，雖然我冇一齊食飯，但總算買到部機，不過估唔到買完就散囉！
打番俾之前蒲一蒲過頭既小傑，好彩佢唔係走得好遠，又肯陪我行多陣嘖 ^^ 都係你好。
首先行 Laosmiddle，對個袋有少少興趣，不過唔知價錢 @@" 行 Izzue，嗚～ 我偷野呀 ><
係部 PPC 搞到門口個防盜響。行左個圈就去麥當奴食左個孖芝。咦？舊曆生日快樂喎小傑！
跟住再行波鞋街，零收鑊。其實睇中左件衫架～ 但又怕好似好 Hard-sell NIKE 咁 @@"
飲左杯朱古力沙冰就由小傑陪我去巴士站。上車打俾阿 Ken 先知佢響太子睇完戲囉～ 可惡。

返到屋企係不停飲湯 ^^" 飲左兩碗花旗蔘，夜 D 又飲埋少少粟米湯。放心喎！我冇食飯。
電視又有煙花睇。都估到魚魚會去左睇煙花架喇．．．接左兩個電話咁，冇咩囉！就係咁。
丫部 PDA 試過叉唔到電又開唔到機呀！我猛左舊電再入過又得喎～ 但唔知點解會咁 =(

>>October 11, 2003 at 2:48:29 AM GMT+8

2003 年 10 月 4 日 星期六 【酷熱】

今朝又唔知醒．．．梗係啦～ 捱夜黎丫嘛 >< 遲到囉！搞到跟住個份又遲埋。
響廣源撘 82X 去鑽石山轉小巴上火葬場。拜山嘛～ 結果冇去到慈雲閣，太累了。
上阿爺度食左 D 燒肉，仲偷左個雞心 =P 食飽就入房訓覺～ 訓左兩個幾鐘呀！

訓醒就出廳坐，拎左松哥部 2210。佢話可以讓俾我，但我自己就唔係咁想要二手。
夠鐘睇波！利物浦先開紀錄，入波既係七號球員！我開頭仲以為係史米沙．．．
我都係鍾意佢著 7 號多 D。半場岩岩開飯，食完岩岩好又可以返入房繼續睇下半場 ^^
史米沙傷出 =( 希比亞半個烏龍，結果利物浦又輸波。都話我剋利物浦架啦 O_o"

睇完波冇野做就上網 Check email，冇耐就走咯！林夕打黎問我陪唔陪佢食野。
早 D 打黎咪好囉～ 晏左就唔得架喇！唉～ 結果都係返左屋企，如常上網虛度光陰。

>>October 7, 2003 at 2:20:27 AM GMT+8

2003 年 10 月 3 日 星期五 【酷熱】

通頂就梗架喇！不過估唔到我要做到出門口之前個一刻都仲係做緊。為免訓著，仲要企。
嘿～ 你都唔好話，真係「分秒必爭」架！慘得我通完頂都仲要去補習，仲要返恆商。
阿叔都認得我打排球。落 Canteen 搵完阿姐就上六樓搵阿媽，再去四樓搵 Giano 落 Canteen。

Yo！今日做乖女 ^^ 我請客。同阿媽一人叫左一個 Lunch 黎 Share（結果都係食唔晒。）
Giano 係勁 @@" 鮮黃上衣撞鮮藍長裙，真係頂佢唔順。叫佢食個 Lunch 又話唔制
「哎也！咁 Heavy？！我食三文治得喇～」。邊食邊傾，主要講關於我讀書、升學 D 野。
最搞笑係聽佢兩個講佢地上 Assembly 恰眼訓 XD 以下係 Giano 既對白：（動作請自行幻想）

「睇唔到既～ 院長響台上面，個 Hall 又咁多人．．．咦？！唔係喎～ 我今日著黃色衫喎！
　哎也弊傢伙喇！我諗佢可能睇到我喎 @@" 哎也～ 唔。算啦！睇到咪睇到囉～ 唔理 lu... 」

食飽又傾夠就跟阿媽上左 Office 寫個時間表俾佢。之前有 Canteen 阿姐請我食雪糕啊～
呢個時候，小傑終於都出現喇！佢都唔係返黎探先生、搵先生傾偈既，其實佢係返黎接我走 ^^"
同佢過左阿清度打個招呼。社工房多左好多野，健身單車都有，仲有好 Pro 既打機設備添！

跟住走啦！打俾壽星佬，估唔到佢竟然咁好慶緻同嫂嫂去林村許願～ 熱 D 添丫 @@"
小傑竟然提議去海洋公園．．．唔好玩啦～ 我尋晚冇訓過呀 O_o" 都係去沙田行街罷啦！
真係行云成個沙田咁滯，收穫係小傑買左個袋同尤魚，我就睇中左件衫，不過未細碼未有貨。
臨走同小傑去麥當奴食野，質佢食左 D 愛心茄汁麥旋風 XD 我就食左包中條條。好味道～

返到屋企上左陣網就頂唔訓入房訓，訓下醒下咁，直到寶肥上黎先起身。唔記得睇明珠台。
飲湯、食飯，又同寶肥上下網、睇下電視咁。好睇呀～（但我唔記得左係咩節目．．．）

>>October 7, 2003 at 11:08:37 PM GMT+8

2003 年 10 月 2 日 星期四 【炎熱】

叫魚魚起身收數 XD 不過佢唔肯。我自己都訓番 ^^" 竟然係「唔記得」要補習 *離晒譜*
返學啦～ 又係趕頭趕命咁譯 Tutorial D 野，但 D 野係難到冇可能就咁求其譯架 O_o"
買埋杯 Mocha 又遲少少 ^^" 碌完三堂又同 Jessie 姐去食 Delifrance。第二份半價．抵到爛～

「Perfect！」「Very good... 拿～ 呢 D 就係讀出黎好好聽既英文．．．」開心死 ^^
入左 U 都好似冇乜俾人讚過，多謝阿 Jim。多謝自己。我會繼續俾心機架 .\_/.
放學搵埋寶肥落左 CSC，鬥左好耐先鬥到四段，仲要有兩段係照抄字典既 Reference...
ICQ 同 Desmond 玩綁架 XD 撘火車出旺角，陪寶肥去拎咕臣。原來就係呢間舖，真係橋～

響麥記等拎手信 ^^ 食左個孖芝 *好肚餓*，再響 Trendy 等齊人就去左 Neway City。
識人真係大晒，著數多好多 @@" 一般開心啦！係有一個電話講得唔係太開心。
$50 咋喎 @o@ 好抵。嘿～ 成點鐘都黎，屋企都冇打黎搵我，完全冇人理我去左邊。
撘亡命，全程諗野、睇 Notes。架車有「甲由」呀 >< 今晚要搏殺，要通頂．．．

「做乜咁得閒打俾我既？」
「因為掛住你囉！」
「哈哈哈哈哈．．．係咪真架？」
「唔係架！我講下架咋～」
「．．．咁冇野喇！好沮喪呀～」
「哈哈哈！唔好咁啦～」
「咁你做乜無端端會打俾我既？」
「都話掛住你咯！張電話卡淨番十幾分鐘，我都係留番黎打俾你咋！」
「真既？咁你講多五次個理由，我就信你啦！」
「我掛住你！我掛住你！我掛住你！我掛住你！我掛住你！」
「o^^o」多謝你～

>>October 7, 2003 at 2:11:11 AM GMT+8

2003 年 10 月 1 日 星期三 【炎熱】

I dreamt of him.
It was a very close facial contact, and he kissed me so gently that I could never forget the feeling --
I should never forget the feeling if that happens in real life...

But it was nothing more than JUST a dream.

一早去錦豐補習，唔知醒啦！搞到遲到。補完諗住搵樂樂同 Marco，點知佢地已經釣完。
咁我唯有打的上富寶囉～ 交易。做人呢，沉默 D 好，響人地地方真係唔好亂咁講野。
坐完去左食車仔麵，Ruby 1 號有 D 脾氣咁啦！不過後尾又冇野喇～ 自己撘 285 返屋企。
上左陣網就覺得好累，於是訓左個晏覺，點知唔知醒，拿拿聲飲碗湯就仙出紅磡。
出到去先知道，原來魚魚講既「表演」係呢款～ 我仲以為係 Show 黎架添 ^^" 其實唔駛趕啦～

等個陣逼不得已要行下個冇野好行既商場，一入去就發現江華響度幫人簽緊名。
睇佢個樣又真係有 D 似劉華，都算靚仔，仲恤埋個克勤頭，再襯阿叻式開胸透視裝．潮！
跟住蕩下蕩下咁，行番落火車站企，又返番上去睇衫。本來諗住飲下野，不過貴到嘔。
等到表演完，又要等佢地落妝、換衫、執野。撘火車轉地鐵。拎左 D 薑俾佢食呀 ^^
今日響摩士比賽，2-0 完場，第一次贏波兼 Clean-sheet ^^ 你後備入替都有入球，但又被換出。
尾段有小插曲，就係阿誠差 D 同人打交。交就打唔成，不過一分鐘內連食兩張黃牌被逐。
跟住完全失控地多番想衝出去打球證，仲不停爆粗。唔好講笑，我睇到佢咁都怕左佢。

最失敗既事發生左喇～ 最重要個 D 我全部都影唔到。眼就識睇呀！渣機隻手就唔知做乜。
「最唔開心既事都發生左啦！」「又少左球喇～」真係聽到我眼泛淚光。點解會咁架 ><
唉～ 扁口扁面咁跟魚魚去撘 85，俾埋 D 薑佢就撘小巴返屋企。真係超級唔開心．．．
返到去就即刻沖涼洗頭，然後做功課，不過又係零進展。睇《X-Files》都恰眼訓咯，訓了。

>>October 5, 2003 at 2:38:24 AM GMT+8

2003 年 9 月 30 日 星期二 【炎熱】

醒左訓番，遲左嗌魚魚添～ 自己都遲左 D。補完習就撘小巴出沙田，食左碗粥。
夠鐘開左舖就去換鞋。換番對六號喇！五號半實在係過份左 D ^^" 不過右腳又鬆左 D。
跟住諗左好耐返唔返屋企先，結果決定勞煩爹爹，自己就無謂徙車錢喇 @@"

行左陣，睇中左件 Tee，不過都係冇買，因為唔係特別鍾意，只係冇乜得揀。
撘火車返九龍塘，響 LOG-ON 買左兩個好實用既樽仔，用黎裝沐浴露同洗頭水去練野 =)
返到 City 第一件事就係去 Locker 掉低對鞋，再去 Mul D 拎個人八達通。都幾靚～
跟住去 Canteen 趕埋份普通話功課。趕完一輪，執埋野，諗住打個電話就去上堂啦！
點知被問起幾點有「食飯時間」都好似被人問窒左咁，完全諗唔到，亂翕翕左三點半。
收左線諗諗下又覺得唔對路（我今日明明係放四點半架嘛！）但又記得自己返點半。
計落係冇「食飯時間」呢回事架喎！但我答個陣完全係冇呢個 Concept 架囉～

都未算緊要。諗住動身去上堂啦～ 再望一望個電話：咦？！點解係十二點半既？
自己明明記得係一點半上堂，但唔知邊一刻開始睇錯錶就以為就黎夠鐘勒 O_o"
呆完一輪就落 Library 好好地做好 D 份功課．．．唉！我諗我真係唔好再捱咁多夜喇～

笑完兩個鐘，再無聊一個鐘，又到自由時間。食左個 Tea，然後漫無目的咁響又一城遊蕩。
辛苦晒爹爹 ^^" 送副 Con 出黎俾我（仲車埋我對鞋走～）再入 City 幫 Vincent 拎釘鞋。
拎完鞋就急急腳咁去 JSC -- 爭取時間嘛！頭兩個圈慢慢 Jog，再跑多三個快少少既。
快快手拉筋（今日算比平時認真喇～）搞掂就拎野過去。不過今日 Poly 有人做 Trial...
好多人。又要等，又要排隊仔 O_o" 不過自己都做得唔係太好，唔知關唔關好多人圍事哩～

不過我真係唔可以再俾自己因為 D 外圍因素而緊張，繼而導致自己做唔出應有既成績 .\_/.

今日又係唔知做乜，就咁做做唔掂 @@" 不過戴太話我 D 餅「衡」左，但真係要舉下野喎！
見冇乜進展都唔勉強落去喇！試下做轉身。丫，估唔到又幾好喎～ 至少冇中柱先啦 ^^"
跟住練槍，都冇乜太動用到背脊同條腰，但同時間亦冇乜野睇，係完全唔識掟咁．．．
卒之有一下痛到入心入肺，咁就攤左響度，冇再繼續掟。戴太又過黎幫我「錐」左幾野。
攤完一輪就起身撇。呀係～ 撞到 7E 個阿 Ken。開頭真係淨係認得樣架咋 ^^" 唔知佢叫咩名。

沖完涼換完衫出黎就接到電話，拿拿聲走。去到巴士站就有車 ^^" 響大圍又好快有小巴。
感覺．．．唔同左了。同以前唔同左了。但我諗我冇乜野可以做到，因為變既唔係我。
打返屋企冇人聽；返到屋企發然竟然冇人！咁就當然係冇野食啦～ 煮番 D 隔夜送黎食囉 =(
之後又係例牌對住部電腦浪費時間。夜晚睇《X-Files》，竟然吸引埋娘親睇（字幕！）
其實好眼訓，不過有人 msg 完我，我覆左佢又唔覆，結果我入房一攤就攤左成個鐘。訓了。

我響度諗，如果可以失憶～ 唔駛多架！淨係抹走過去一年既一切，咁你話幾好哩～

過去一年既記憶，我覺得可以完全抹走，實在係唔開心多過開心好多、好多倍。
我都記得自己講過：「我唔介意捱三啖屎去換一啖砂糖。」但我啃得太多喇！我覺得好辛苦。
就係因為試過第一啖砂糖，我先會不惜一切咁尋求再嘗個種滋味，付出幾多我都願意。
只係，我對砂糖既甜味漸漸變得麻木，但同時間，砂糖既份量越黎越少，越黎越少．．．
如果可以抹晒過去一年既記憶，包括第一次嘗到砂糖既感覺，所有野會唔會變得簡單？

甜，的確係甜過，但如果甜完要換來咁多苦．．．「先苦後甜」同「先甜後苦」係唔同架！

>>October 1, 2003 at 10:39:52 PM GMT+8