2003 年 7 月 3 日 星期四 【晴】

癲架呢個客！咁多 Sub a/c，又多數，又細隻，做到我吽下吽下咁 O_o"
見累，咪響檯度伏左一陣囉！坐番正之後覺得隻右眼睇野好朦 @@" 係特別朦咁～
過左好幾分鐘都仲係咁呀 >< 個一刻係好驚囉：「嘩～ 我會唔會盲架？！」

都唔知係咪被 Harris 傳染左喇！上晝見番佢，下晝就開始覺得唔舒服 ><

放工補習。今日準備得唔好，自己都好唔好意思 O_o"
補完又要出番九龍塘 -- 約左姑姐拎番條頸巾 ^^
收得好靚呀！錫晒姑姐～ 我唔織頸巾都會多 D 去妳度食飯架喇！
跟住上 LOG-ON 買野 Pack =) 好彩未閂門嘖！
心大心細，揀左好耐，又打左俾幾個 Friends，問晒意見咁 ^^"
最後買左個好型既長型紙袋，又多此一舉地買左花紙～
仲有一扎幾特別既 "Especially for you"... 包好左都幾靚架！
返到屋企，又要熨又要影相又要包～ 搞到好夜，但好開心。

雖然唔係橙色，又唔係織得好好，都希望你會鍾意啦～


>>July 6, 2003 at 2:59:35 AM GMT+8

2003 年 7 月 2 日 星期三 【晴】

今朝 Harris 打俾我，話唔舒服喎！叫我幫佢請假。德同事又 Quit 左，得番我一個。
成朝都冇咩做。Lunch 之前打左篇好長既日記，點知一句「伺服器升級」就冇左 >< 激死！
今日同阿 Des 食 Delifrance... 都唔記得左自己唔食得蛋添！食左．．．都冇法 O_o"

下晝就多野做了。癲架！呢個 C/N 有 18x 個 Sub a/c，逐個 click 都有排 click。眼都花 @@"
又呃錢～ 做凸半個鐘 ^^" 但我真係做野架！！！

去麥記等姑姐電話。爭取時間織。隔離檯有兩個男人響度討論一隻藥．．．
同「偉哥」咁上下用途，但可以保身架喎 @@" 仲講到好露骨，又唔係細聲喎！
不過睇佢地都係不法商人黎架喇！講埋晒 D 縮骨野，又話點樣點樣先唔會俾人告 @@"
好驚囉～ 哈哈！講到尾佢地仲幫隻野起左個名：依曼洛（係咁上下啦！）

各位男士：如果你見到呢隻藥而又想買既，我勸你都係唔好喇！千祈唔好受騙呀 XDDDDD

等到姑姐電話，都已經遲五分鐘先起行架啦！結果都係呆企左成廿分鐘 O_o"
去姑姐度食飯呀！ 今晚有葡汁薯仔雞翼 =D 好味道～ 仲有魚腩添！
最後，條頸巾交低左俾姑姐。姑姐話幫我拎番廠噴下氣喎！工廠 D 氣勁 D 喎 ^^

睇電視，又見到藍味啤酒廣告喇！哈哈哈．．．

上星期三撞車，今個星期三我又撘 89D 喇 XD 不過早過上次少少。
冇野做，撘咁耐車真係冇辦法唔訓 ^^" 好彩知醒落車嘖！

你又同屋企人嗌交，我又唔打得俾你 lu... =(

>>July 8, 2003 at 9:13:47 AM GMT+8

2003 年 7 月 1 日 星期二 【晴】

根據有關團體統計，參加是日「七．一大遊行」的人數多達五十萬；
而警方公佈的保守估計數字為三十五萬，比先前坊間預計的十萬多出數倍。
是次上街人數之多，乃自八九年六四遊行以來，最龐大的數字．．．

回歸六週年。香港人，你們快樂嘛？

朝早竟然肯起身做野 -- 雖然已經響床度攤多左成個鐘 -- 搞掂份野就拿拿聲出門口了。
撘的士都仲係遲少少，仲要又唔記得拎碟 O_o" 不過你話唔緊要就唔緊要啦！
總算準時～ 我一入大廈就聽到後面有人跟住入黎話睇跌打。再晏少少？唔駛睇咯！
今日張太捽。唔係話佢手勢唔好，但唔夠大夫好囉！同埋我唔鍾意佢邊捽邊同人傾偈～
呢個都係我打算唔繼續睇既原因之一。我睇左四次先得一次係大夫幫我捽咋！
當然，主因係齋捽而固定唔到隻手係冇乜用，同埋睇跌打 Claim 保險唔 Claim 得幾多。

完就渣渣臨過快活谷～ 影野去。烈日當空，曬一陣都唔得掂 O_o"
好彩個度有得坐，又有野遮下太陽，如果唔係？正午咁曬法，實變燒豬～
有 D 唔開心囉其實，我覺得有 D 野唔同左；但其實間唔中都會咁既。

成日都好趕呀！兩點又趕返火炭補習，野都唔得閒食。買左個包。
補左三個幾鐘啦～ 竟然頂到。今日唔算十分勞氣啦！總算有 Auntie/ Uncle 撐住。
不過佢地都係唔係好識教仔架喇 @@" 兩個都太易心軟。太縱佢地喇～
Uncle 都會硬下心腸既，但我又唔多主張咁樣打 D 小朋友囉！
我又冇理由教佢地教仔嘖？再講，佢地間學校咁樣既教學方式真係唔掂囉 O_o"

各位注意！如果大家有親戚朋友想踢 D 仔女去 宣道，一定要加以制止呀！

補完習就一個人去左沙田 -- 去 Muji 買 Organizer Refill。啡色真係唔再出添！
咁我支啡色塗改液咪冇乜用囉？噢撈．．．好彩都冇乜幾多剩喇 ^^"
買完就返屋企，累到呢～ 上車訓到落車。返到屋企竟然冇人丫！仲行緊 @@"
本來諗住早 D 返黎織頸巾，但冇人響屋企就難免要把握機會做 D 好耐冇做過既野：錄歌。

跟住食左個飯，就開始睇電視、織頸巾勒！睇完《Space Jam》再睇《ER》。
響 ER 度發現左翻譯上既錯誤喎！"... hundred point four..." 字幕出左 "104 度" @@"
織織復織織．．．織到三點幾禽上床織。四點先訓。仲有三舊冷呀～

>>July 3, 2003 at 5:42:24 PM GMT+8

2003 年 6 月 30 日 星期一 【晴】

條頸巾，我星期三晚要織起丫！星期三晚應該又入姑姐度食飯 ^^"
十二點先開始織，ICQ 住咁織 XD 又睇下電視、睇下波咁。

奠
播洲際國家盃決賽之前，有線重播喀麥窿對哥倫比亞。重播 Foe 猝死既情景～
呢個世界有太多野都話唔埋，我地真係應該好好珍惜眼前既野、身邊既人。

織到三點先執野訓～ *呵欠* 搞到朝早返工冇精神 ^^"
好彩冇乜野做，成日都係非常之咁悠閒。呵～
放左工竟然冇街去 XD 好耐冇試過一放工就返屋企喇！今日係咁多。

喂～ 不如我地真係 Plan 下去旅行啦？唔去旅行都搞個 Camp 丫．．．

>>July 13, 2003 at 4:03:14 PM GMT+8

2003 年 6 月 29 日 星期日 【晴】

晨早流流要去駿景園補習，一有機會就不禁望出窗外。
今日天氣好到丫．．．點解我今日竟然要補習架？可惡丫～

約左森美響沙田火車站等，一齊返學；之前先響又一城食越南 Lunch。
唔記得左唔可以食酸野，嗌左杯蘋果綠茶都冇得飲。唔制囉！
O Camp 開會，一個二個有錢都話自己冇帶錢 XD 但 Janico 個格真係好衰囉 ><
都有 D 慶幸自己冇上莊。至憎 D 人明明係廢，但上左莊就學人擺款。
禁完錢返上去，聽 Janico 講完好似冇講咁既 Briefing 之後就自己 House 圍圈傾。
我地個 House 四組既組爸組媽都 OK 識得、玩得埋，所以都幾開心 XD
不過四個組爸都有 D 恐怖 XD 當然，我同 Winnie 兩個組媽都唔弱。
四個男人討論安唔安全；Wincy 提出要打底，我就話要用雙面膠紙啦～
點知 Wincy 臨尾竟然 @@"「咁．．．咪要四張囉？咁～ 戴左眼鏡架嘛！」

開完會，我地 AATI 四個一齊出左旺角 -- 佢地陪我去買冷啊 ^^ 條頸巾就真係貴咯 O_o"
去埋麥記食野就淨番我同森美同 Marco 行 A-LOOK、旺中、嘉樂、Trendy。
丫！我覺得有需要預備番副太陽眼鏡去 O Camp 囉～
我容忍唔到自己光天化日響尖旺著住件 O Camp 衫走黎走去囉！

有兩個人．．．我今日話：我以後都唔想見。
一個．唔見唔難；一個．應該冇得避。
事但啦～ 其實我好少可會咁諗，但我而家真係有咁既感覺。
唔好俾我再見到你地。拜託～

同一段野我打響 Newsgroup，寶肥同阿 Des 一估就估到係邊兩個了。
無他既～ 我諗佢兩個大概係知道，有咁既威力既人根本唔多 ^^"

>>July 6, 2003 at 2:52:15 AM GMT+8

2003 年 6 月 27 日 星期五 【晴】

隻手好似唔多妥，打字就特別覺得痺～
哎！我 D 手手腳腳真係．．．睇唔睇醫生好呢？我唔會容許自己左右手手腕都風濕架囉！
嘿～ 份保險都算買得合時 @@" 都唔知應唔應該因為咁而高興好喇真係。

最後都係決定睇醫生。睇跌打囉～ 如果睇西醫，又係俾錢買止痛藥架咋 O_o"

同事德下星期一 Last Day lu！冇人同我吹水喇 =( 不過算啦！我都係做多廿日嘖～
而家 D 野上左手，份數少，又冇咁趕，所以都做得幾輕鬆自在。
最緊要係我同同事乙各自做自己野，唔駛執佢手尾就梗係悠閒好多啦 =D
不過自己唔夠訓，又未致於做錯野既，但就覺得自己懵下懵下咁囉！

本來諗住放工先去睇既～ 不過約早左，所以要早走個半鐘。都冇所謂啦！
竟然係早到 @@" 由銅鑼灣廣場蕩到 SOGO，響 Mizuno 個 Section 及左一陣。
接到 Vincent 電話就拿拿聲行番過去 B 出口 -- 我遲 D 就唔好啦 ^^"
等埋就即刻起行喇！佢約左人，好趕呢～ 都唔係好遠，轉個彎就直行咁。

上到去，首先就俾大夫幫我鬆一鬆隻手 D 骨。嘩！啪啪響～
不過唔算痛丫！只係少咁樣俾人整，對眼難免會瞪得比平時大 ^^"
跟住就浸手。好大煲藥呀～ 入面有 D 藥材咁。浸完隻手會「黃禽禽」既 ><
浸到一半，Vincet 就走咯！臨走叫我 用個腦講野 喎 O_o"
跟住就捽啦～ 都唔係好痛嘖 *今次。感覺上好似．．．時間短左少少。
敷左藥，又唔濕得水喇！不過隻腳要捱兩個月我都捱得住，一日半日算得 D 咩丫？！
離開左之後就一直踩番出大馬路搵巴士撘。Send 左個 SMS 講句唔該咁。

跟住撘 681 返去啦～ 好彩有位坐嘖！不過坐得好辛苦 ^^"
同埋真係好唔習慣隻手扎住，但又扎得唔實咁，成日會若無其事咁用左左手。
返到屋企，阿媽問我隻手做乜搞成咁，話我做乜唔話佢聽。乜我冇講咩？

>>July 2, 2003 at 10:30:19 AM GMT+8

2003 年 6 月 26 日 星期四 【雨】

「咁大件事，妳應該即刻講到俾我知妳咩事丫嘛．．．
　我都知有 D 事架喇～ 聽到妳好似好凝重咁。妳個陣諗咩呀？」
「諗緊隻手有冇事。諗緊要話俾你聽。」

我唔怕死。我怕死唔去手尾長。

差 D 遲到～ 7:41 起身，8:09 出門口。
中間已經經歷左刷牙洗面沖涼洗頭梳頭執野。
冇時間買早餐，只係食餅、飲咖啡。
成個下晝夜晚既野都唔記得晒 lu... 補習囉！

「補完冇打俾我既？」「我諗住你渣緊車丫嘛！」

　＊　　　＊　　　＊　　　＊　　　＊

　你知嘛~
　呢段時間你睇住我成長, 尤其係踢波方面~
　我有覺得因為你o係度我先有咁快o既進步~
　"3~

　＊　　　＊　　　＊　　　＊　　　＊

我睡眼惺忪，冇即時感受到你呢幾句說話添 ^^" 最緊要你感覺到。

>>July 6, 2003 at 3:07:13 AM GMT+8

2003 年 6 月 25 日 星期三 【晴】

咁大個女第一次撞車。
咁梗係唔係我撞親架車/ 架車撞親我啦！如果係既我都唔會坐響度打字 lu...
返屋企途中，上車唔夠五分鐘就撞了。巴士撞巴士。

我架車個司機都唔知點渣車既～ 見夜，想飛站，點知車站又有人好遲先遞手掛！我估。
總之佢係行行下響一個巴士站對開突然收油，唔係慢慢入番線架囉！
當時我地架車響中線。三線行車。條路都冇乜車既～
我當時坐響面前就係落車個隻門個個位。自己一個人返屋企。
收油個一下架車衝前，我已經即刻扶住架喇！
靜左一秒，跟住架車再突然衝前一下，同時好大聲「砰」．．．

如果唔係之前個下扶住左，話唔定我個頭會撞到前面塊板啦！因為我腳指公中左招。
都冇乜大礙既 @@" 但又唔係咁簡單喎！我 Chok 親左手手腕。扶住嘛～

樓上既乘客好多都走左落黎：男人就破口大罵；女人就裝下裝下。
司機問有冇人受傷，冇人出聲丫！好彩唔係撞得好勁。小事嘖，唔通我出聲咩 @@"
好彩，夜勒～ 架車唔係咁多人。如果有人要企既，情況就唔同了。

等左十分鐘左右，等下一班車經過接返我地。
響呢十分鐘裡面，我只係打左一個電話。對方「通話」中。
跟住就一直發吽豆發到下一班車黎。都已經十二點了。
撞車之前我岩岩先拎條頸巾出黎織左兩針，撞車之後已經冇再織了。
冇心機～ 同埋都有 D 擔心隻手有冇事。有 D 痺。

平時擰左手手腕，下下都啪啪聲既～ 而家唔係下下啪出聲，擰個陣個感覺都唔同左。
講到底，都係痺。實唔會係斷左既 ^^" 但唔知有咩事囉！冇表面傷痕既野，真係幾麻煩。
睇醫生又唔係，唔睇又唔係。唯有睇下聽日會唔會好 D 啦．．．好彩係左手嘖 O_o"

結果，我只係返屋企上網講左俾 D On 緊 line 既 friends 聽。連屋企人都唔知～
連響巴士上面咁岩接到爹爹電話，我都冇講。返到屋企打俾姑姐報到，我都係冇講．．．

　　　＊　　　　　＊　　　　　＊　　　　　＊　　　　　＊

今日返工，又要做 D 善後工作。對數喎～ 悶到喊。
加上我又有 D 眼訓呢（都唔係有 D 咁簡單咯！）都幾痛苦 ^^"
不過都係搞得掂啦！但搞足成日囉～ 聽日又開新野 =D

唔駛補習丫～ 短期內都係咁架喇！星期一三五晚都得閒。
今日去姑姐度，有野要請教佢嘛 ^^" 同埋去下佢屋企，tum 下佢開心啦！
都好好送丫 @@" 又田雞又鱔 =P 好好味呀～ 仲有明治雪條。
我仲竟然有機會睇晒三線劇集，呢三套野，我係一集都未睇過架囉～
連呂不韋都撈埋 -- 都唔係好三級嘖 @@" 可能咁岩今集冇咩睇掛！
下星期應該又會搵晚去喇～ 要埋尾嘛 XD 我都要快手 D lu...

爸爸特登打黎叫我聽收音機．．．講去外國升學喎！
爸爸真係好錫我，又會明白我點解要/ 想去外國。
就算屋企冇錢，如果真係有走既需要，佢都會盡力支持我。
不過，假設屋企負擔得起，我又係咪真係想走？
好彩既，走一年就可以學成歸來。如果唔好彩又點呢？！
話就話走左可以過下新既生活，但講到底我仲有好多野唔捨得。

~pue+5Japun +.uop hlleaJ noh =I! +! +a6Jo=I
食飯～ 都要約架！

>>June 27, 2003 at 9:44:05 AM GMT+8

2003 年 6 月 24 日 星期二 【晴】

今日要找卡數～ 又九百幾蚊。我冇大洗呀！都係買左兩件衫，食左兩餐飯。
今日 Lunch 食壽司 =P 食飽有新野做喇～ 老細話我細心喎！呵～
放工已經好累喇！撘火車發吽豆，竟然撘過龍。返到大學又撘返轉頭 O_o"

iaw +)e+uo) '+ua)u!^

今日鬧情緒，成日發吽豆，發得黎個人又好灰～ 都唔知做乜。
返到屋企開 ICQ，接收到一堆 msg 做「大剖白」．．．
但今晚又做 ER 喎！所以係要邊睇電視邊 Reply 咁，免得人家以為我唔覆啦！
結果由十點打到十二點咁～ 要用腦諗架嘛 ^^" 不過都係俾人話我兜圈 -_-"

我真係唔知自己想點？其實我知既。過去九個月所發生既事實在係太多了。

>>July 2, 2003 at 9:09:03 AM GMT+8

2003 年 6 月 24 日 星期二 【晴】

從 5 Jul 98 到 5 Jul 03．．．五年了。
五年了。我變左幾多？身邊既一切又變左幾多？
五年了。我經歷左幾多？學會左幾多？

黑暗中漫舞
－－－－－－－－－－－－－－－－－－－－－－－－－－

為何未能學會起舞便已抱緊你
誰料到資質不配合你　左腳舉起了便要別離
為何未能讓我衰老便要放開你
陪你跳通宵都夠力氣　請鑑別姿態美不美

學跳舞　有福氣　手差點撲地　猶如自卑水銀瀉地
學愛你　美不美　天黑黑到地　朝著壞了的燈泡舞著別離
其實地球沒有你　站到虛脫便會飛
何必怪責雙腳　未夠伶俐　不比你優美

為何未能待我差到讓我去憎你
捱到這傷口激發士氣　左腳高舉到白髮齊眉
為何未能待我好到沒法捨得你
頑固的車太追了萬里　先發現一早洩光氣

為何未曾讓我得夠便要損失你
捱到那一天參透佛理　手會鬆燈會滅有限期
為何未能讓我死去便要認識你
難道你很想天使問我　我的舞步跳得可美

五年了。我得到既又有幾多？

然而我越說越激動　這失戀感覺怎形容
初戀難忘　初次心痛

有 D 野～ 係真係一生一世都唔會忘記架！

>>June 25, 2003 at 1:50:52 AM GMT+8