2003 年 12 月 8 日 星期一 【微冷】

超級頹廢。十二點先起身，仲晏過爹爹 @@" 食完飯又係對住部電腦，百無了賴咁。
唉～ 我真係完全冇考試 Mood 囉！但又知道 D 書唔溫唔得，雖然話多唔多．．．
唔可以咁架喎！我唔可以咁架 >< 但我又真係的唔起心肝俾心機讀書囉！好憎自己咁樣。

三點鐘去到畢架山，輕輕鬆鬆個半鐘。打的去樂富，大食起上黎響大快活食左個 Tea。
跟住補左兩個鐘頭表弟，受足兩個鐘頭氣。五條有關周界既數，有埋圖，都做成 45 分鐘。

「記唔記得上堂教個 D 野？」「記得！」但過左一段時間，仍然係一隻字都寫唔出。
「做乜事？」「唔識！」教囉～ 教完話識晒喎！勁耐先做左一條半，仲要錯既！
「又話識？」「唔識！都冇教。」「冇教？岩岩先教完喎冇教！」「學校先生都未教。」
「咁我岩岩教左你你都話識架喎！上堂已經開始教你架啦～」「咁即係偷人地一步嘖！」
「偷人地一步有乜問題？你咁講我唔駛黎啦！我黎做乜嘖？你要學校先生教你得啦！
　偷人一步有咩唔好？你識野多過人地有咩唔好？你學左先，返到學校聽多次有咩唔好？
　你識多人地十個字有咩唔好呢？」「（當我發翕風）」「你真係識多人地十個字就好喇！」

好啦～ 終於做完，不過自行離檯，仲要講左句：「我唔做架喇！」錯三條。
叫佢改正啦！「唔做呀～ 我話左唔做架啦！」「咁你唔好做啦！！！」

我真係冇咁好氣 -- 閃。岩岩好兩個鐘。落樓打個電話俾阿姨報告下算了。我搞佢唔掂。
谷住條氣咁出旺角搵艾花同我女友，又去食極之好 ^^" 同艾花 Share 左個烏冬，都幾好味。
跟住響 Trendy 買左兩條水晶，一條寄俾 Bernard，一條留番俾自己。茶晶好靚呀 ^^
去番呢間野係因為上次行過覺得幾好，不過今日 D Sales 好猖狂，好似監你買咁喎 @@"
唔係平架呢間野．．．不過算啦！錢搵黎都係洗架嘖～ 我都預左送份大禮俾佢架喇！
行埋銀城同波鞋街，響許留山食埋甜品就散喇！用艾花部電話影左 D 相，爆笑 XDDDDD

撘火車返屋企。返到黎又係 Hea 下 Hea 下啦！11 點幾去沖涼洗頭，諗住出黎睇電視。
點知慢手慢腳遲左半個鐘先出黎，最老土係原來今晚係《E.R.II》既最後一集 ><
不過結果都睇左後半段。噢！聽日開始又做番《The X-Files》喇 ^^" 今次係第三輯。

>>December 11, 2003 at 3:25:32 AM GMT+8

2003 年 12 月 7 日 星期日 【微冷】

賴床．．． 11 點先起身 ^^" 11 點半補習。個學生食早餐晏左返。竟然要我摸門釘？！
補下補下，輕輕鬆鬆兩個鐘。佢又就黎考試喇～ 我下個禮拜唔得閒都要同佢補。
跟住仲同個學生一齊落左樓下文具舖買野。好耐冇行過一般文具舖，都幾多得意野喎 =D

返屋企見到爹爹媽媽岩岩出門口．去街喎～ 自己摷野食，搞呢樣搞個樣，浪費左整個下晝。
睇左兩套電影呀 ^^"《Anna and The King》同埋《台北晚九朝五》<-- 好似係三級片黎啊！
周潤發就固之然好睇啦～《台》太多男男女女情情榻榻既野，我覺得太亂太複雜 lu...

邊睇邊寫聖誕卡。今日買左貼紙嘛 ^^ 貼埋就可以入信封。差不多夠鐘出門口，爹娘先返。
真係買左我最愛既三文魚呀！正～ 仲食左幾件鹽焗雞．．．冇乜鹽焗味既，不過都幾好食。
食飽就出門口，拿拿臨去 7-11 買左支水沖野飲，跟住就去等車。小巴又岩岩冇位，可惡！
唯有搭火車出去啦！遲左少少嘖～ 有人竟然話唔等我丫！不過最後都等埋我先行過去。

都睇得幾開心，好多野笑。不過有個污點。唉～ 我真係冇講呀！真係大家聽錯咋 =(
由上年大專賽之後，我真係冇再講呢 D 野喇！第二個唔知，唔緊要，你唔可以唔知囉！
唔．．．算啦！解釋只會越描越黑，以後都係小心 D 「發聲」好。好啦！係咁話啦～

你的笑　你的外套　和你身上的味道．．．　o^^o

差不多十二點先返到黎，成點先食完野。又冇做過野喇！成個 Study Period 冇 Study 過囉 ><
我唔理呀～ 點解會咁懶架？我個心係好想溫書架！但我 D 行為同思想都唔配合既？！
唔好再俾 excuse 自己啦衰人！下星期六就開波架喇 >< 仲可能要去表弟度住添架．．．

>>December 8, 2003 at 1:43:40 PM GMT+8

2003 年 12 月 7 日 星期日 【微冷】

How Can I Not Love You - Joy Enriquez
(from Anna and the King)

Can not touch.
Can not hold.
Can not be together.
Can not love.
Can not kiss.
Can not have each other.
Must be strong and we must let go.
Can not say what our hearts must know.

How can I not love you?
What do I tell my heart?
When do I not want you here in my arms?
How does one waltz away from all the memories?
How do I not miss you when you are gone? …

Can not dream.
Can not share sweet and tender moments.
Can not feel how we feel.
Must pretend it's over.
Must be brave and we must go on.
Must not say what we've known all along.

How can I not love you?
What do I tell my heart?
When do I not want you here in my arms?
How does one waltz away from all the memories?
How do I not miss you when you are gone?

套戲好好睇．．．周潤發好型！

>>December 7, 2003 at 4:59:54 PM GMT+8

2003 年 12 月 6 日 星期六 【炎熱】

蟲：「你覺得自己接受到咁既關係咪得囉~~~都唔算係問題來既
　　　你有咁既勇氣膽量．．．skipped．．．夠坦白,我都幾佩服你架~哈」　多謝蟲蟲。

一起身就覺得唔係幾好過。尋晚發夢，夢見一張相。但張相冇我份，而係「他與她」。

開始做到星期六準時補習勒 ^^" 呢位小朋友默書好多字唔識，扣分都要同我講價 O_o"
跟住又買左件糖蔥餅 -- 成為左每個禮拜六響乙明村既指定食品。補埋廣源就返屋企抖抖～
屋企得我一個。煮左兩個生麵王，食左一個多 D，睇下電視又要出門口勒！畢架山。
細佬仔又有新玩意 @@" 唉～ 間屋大到要用 Walkie-talkie，仲要係「錶」黎架～

今日兩次電話到，兩次都補緊習。我打去呢，唔係唔得閒就係唔講住．．．都冇計啦！

返到屋企七點，原來爹爹都返緊黎食飯 ^^ 一家人。跟住整左幾張相落 PDA -- Wallpaper =D
有人終於「吼」到我沖涼既時間打電話黎喇！證明我係會沖涼的 XD 跟住收 Files... 相～
原來個尋日影左咁多相呀 @o@ 睇左好耐先睇晒，揀左好耐先揀到幾張出黎 Post。
都有幾張呃得下人既，不過普遍黎講都係影到塊面好肥 O_o" 不過塊面肥，真係冇計。

明明話今晚開始溫書架啦！又係 0 進度。TVB Pearl 做《千與千尋》呀！不過我冇睇到。

>>December 7, 2003 at 5:24:07 PM GMT+8

2003 年 12 月 5 日 星期五 【炎熱】

今朝起身，打左個電話，響左一下我就收左線了。仲以為佢出左去添！原來未喎～
「十二點半啦！唔好早喎～」唔好早喎．．．咁我明喇！嘿～ 我真係冇咁蠢。
執得靚一靚 （呵呵！今日著新裙 ^^ ）不過遲左四個字先到 @@" 唉！有人好惡。

「係架喇！係惡架～」「咁你叫我唔好早丫嘛！」
「我話十二點半呀！」「咁．．．OK～ 我唔好囉！」
「．．．唔好咁啦！」「冇野。」

響又一城影左幾張聖誕樹既～ 不過影得一 D 都唔靚。唯有遲 D 再影啦！有人趕時間。

響四不像附近影左幾張。係呀！我今日真係聽唔明佢講野。電話響。係時候迴避一下了。
去 Elsie 度拎番份 FYP。Comment 都幾 Positive ^^ 要繼續努力呀！聖誕前要譯多千幾字。
跟住落左二樓 D 檯凳度浪費光陰，玩呢期好 Heat 既 Diamond Mine（李局長都玩架！）
等我自己電話響。去左迴旋處個邊影 ^^ 都仲係好醜樣咁 一.一 跟住去番山邊小徑沿路影。

沿路演　沿路將感情重演　誰在這裡留下剪影　誰給你虧欠

除左件外套就靚好多喇：影出黎既效果嘖～ 唔係我靚左。靚人著乜都靚既，我唔係囉～
都有幾張滿意既 ^^ 加加埋埋影左四十幾張相都有。我都未試過一日之內影咁多相。
最開心係響小瀑布前面影個兩張～ 可惜我上鏡醜樣過真人（不得了！）辛苦晒喇 Ben！

影完就去 Food Court 食野。佢地出去買野食之前，我問阿 Ben 借左部機黎睇番 D 相。
睇完後面個堆，飛左一渣再睇番頭個幾張．．．結果 Click 多左，睇到 D 我唔應該睇既野。
其實預左格～ 明知架喎！不過睇到一樣會唔開心。 唔少一樣既地方，一樣既 Pose...
真諷刺。唔通我應該開心？睇齊喎？！咪傻啦！本來邊睇邊笑，剎那間變得索然無味。

冇事發生。咦，我第一次食藍梅野咋喎！隻味都 OK。又飲青蘋果綠茶。食完就去撘火車。
哈！有個鬼佬由企近車門等落車開始，到落左車上電梯，一路都望住我喎！鬼佬呀 XDDD
「下~~~~~~~~~~~~? 點呀跟住~? 哎~~~~~~~~~~~~~~~呀~ 咁可惡~? 我架喎~ 唔准望架喎~」

返屋企又玩自拍。梗係啦！話晒都悉心打扮喎～ 揀埋 D 相 Post，上下網，睇下電視咁。
成個禮拜既 Study Period 已經冇左大半，我都未開始 Study。唔得了喇～ 聽日唔該做野喇下！

「好靚呀！好襯呀～」Heehee ^^" 唔，以後要企得 Lady D 至得喇 ^^" SMS@16:00:26 "3

>>December 10, 2003 at 1:10:46 AM GMT+8

2003 年 12 月 4 日 星期四 【微冷】

嘩！今日都真係可謂頹廢得交關～ 訓到差唔多兩點先起身喎！都好既，訓番多 D ^^"
其實九點鐘就醒過，打電話叫醒傻 Ken 啦！點知 D 人真係咁懶訓，叫極都叫唔醒架嘖～
淨係識得「唔唔唔唔唔」，可鬼惡丫！叫左三次唔醒就唔叫喇～ 成點幾先起身 .\_/.

今日郁手寫聖誕卡。寫左 11 張，10 張係俾我 D 補習學生既，張張都畫左雪人架 ^^
寫得最多野個張俾 Bernard 既 ^^ 應該仲會寫埋俾鬼仔。香港既朋友係冇既！環保丫嘛 ^^"
食埋飯，執埋野就出去補習。響樓下搵唔到聖誕貼紙添！撘 87D 出九龍塘行過樂富。

今日冇咁勞氣啦！我懶得同佢癲～ 禁住佢隻左手響檯面。亂做下嘛？錯一條咪做多條囉～

食埋飯先走。條魚好好味 ^^ 跟住又聽住歌返屋企喇！Diamond Mine 突破 200000 分，Yo！
返到黎又係靜英英，我仲傻左咁，開左部電視又唔戴 Headphone 聽喎～ @@" 好無聊。
洗完頭沖埋涼出番黎岩岩好夠鐘睇《E.R.》-- 做埋今個禮拜冇 lu... 做《The X-Files III》呀 ^^"

You know he can win your heart.
He knows he can win your heart.
And, the worst of all,
He knows that you know he can win your heart.

P.S. 有人話自己唔係叫「傻 Ken」喎．．．「咁我係極具男子氣慨既 Ken 啦！」XDDD

>>December 6, 2003 at 10:53:20 PM GMT+8

2003 年 12 月 3 日 星期三 【微冷】

八點幾就起左身。我得番六個零鐘。拿拿聲食 D 野就開始做功課。不過進度緩慢 ><
點解要做 D 咁既野嘖？我上左十個禮拜堂都唔知自己學左 D 乜，完全唔知份功課想點！
好慘囉～ 雖然郁手係遲 D，但都叫搏晒命咁做丫，但真係做完都唔知自己寫乜．．．

激戰六個幾鐘，終於嘔左四頁紙出黎，1100 字。嘿～ 四點三補習，我四點三出門口。
全靠 i-Cable。佢呢期既服務簡直係好到出神入化，可以話係「做乜都慢過蟻躝」！
谷鬼氣。我幾驚搵唔到人幫我交功課呀 >< 已經遲左成個鐘架啦！咁就補少一份習架喇～

打的去火車站，想嘔 @@" 同寶肥講電話，研究《Matrix Revolution》既結局。準時五點到。
唔知細佬仔係咪好耐冇見過我，今日 High 左，難得地比平時聽話，所以都補得幾開心。
Yeah！又有湯飲 ^^ 不過舊蓮藕就唔係咁好吃喇～ 但又唔好意思唔食喎．．．真係客氣勒！

跟住返番入馬鞍山再接再勵，響火車度不停玩 Diamond Mine ^^" 哦？接到 Elsie 電話：
「妳份 Project 我睇左喇！咁我黐響門口啦～ 妳得閒行過就拎番佢啦！」黐響門口．．．

補習都算輕鬆愉快。今日出晒糧，11 月可以埋數勒！今期既卡數唔得了，12 月要慳 D 洗。
返到黎就上網、食飯。打俾魚魚咩，搵唔到喎～ 咁我補習個陣佢都打過俾我既。唔。
意外驚喜：接到「痴線」．．．呀唔係！係「痴男」既電話 XD 噢～ 原來有人聽日要測驗！

係醒女人定係蠢女人，其實只不過係一線之差～
就好似忍辱求存同苟且偷生一樣，哪個是好．哪個是壞？
響適當既時候熄眼仔閂耳仔．．．係醒目．定係盲目？
係忍受．定係接受？或者，早就已經麻木了．．．

終於都交晒功課，黎緊 13, 16, 18 號考試，考完就真係放假喇！不過仲有份 FYP 呢．．．

>>December 3, 2003 at 11:58:54 PM GMT+8

2003 年 12 月 2 日 星期二 【晴】

「嘩！咁快拎起個電話既？」「．．．。」「下？」「．．．。」
「．．．（聽唔到～）」「等妳打黎囉～」「係架咩？」o^^o

今日係第一日正正式式唔駛返學既日子，實在係好！更好既係 Mr.Physiotherapist 上左黎 ^^
不過晏左 D 呢～ 11 點幾講到 12 點幾再講到 1 點幾喎 @@" 兩點絕先上到黎～ 激死。#3
搞掂左背脊之後就睇相，上左一陣網咁。Mr.P 走左之後就意圖做功課。咁當然係做唔到啦！
名乎其實係搞下呢樣、搞下個樣。搵左兩篇 Forum Texts 落黎，但又好似唔係好岩駛 @@
最有建設性一定係洗左對鞋。對 Mizuno 有番七成新喇 ^^ 跟住就開始為夜晚餐飯打算打算。

總算搵到人食飯勒 ^^" 不過自己又慢吞吞，好遲先出得門口。響西田買左兩包芒果乾。
跟住出旺角搵大王同女主人去極之好食飯喎！牛腩轉火腩竟然係貴八個大洋，你唔好去搶？
不過個飯總算幾好味。食飽飽買左杯 $5 青蘋果。「全部都有珍珠架！」我珍你個頭！

大王同女主人走左之後，我就一條冷響新世紀行黎行去，行緊去戲院個陣，電話響勒 ^^
魚魚都到勒！嘩 ＠ｏ＠ 又做皮褸人！型～ 跟住周圍搵野食，未入場已經食左大半盒麥堤莎。
終於都睇到《Matrix 3 Revolution》（不過又 Miss 左 D《LOTR》既片頭 O_o"）好好睇喎！
不過最老土都可以話係有接近一分鐘既戲突然間冇左音效，有幾個觀眾即刻出聲嘈．．．

我地呢？呵～ 邊睇邊食芒果乾，好味道 ^^ 坐到「腰酸『手』痛」都開心 o^^o Heehee...

-「頭先入閘唔記得打筋斗呀！」
-「又有不停站列車。唔望呀～ 你同佢揮手既。」「乜妳上次真係驚架？」「而家驚呀～」
「應該得一卡．．．咦，唔驚啦！唔止一卡架～」「咁仲衰，你由第 1 卡揮到第 12 卡！」
-「阿 Mr. Train-man 截住你唔俾你上車呀！」「（No no no... who are you？）」XDDDDD
-「哈哈哈！跟住架車走入隧道～」「然後響個邊走返出黎 XD」「跟住講咩架？」「Shit！」
-「丫你估呢度幾闊丫拿？」「唔．．．六七米啦！」「點止六七米呀？」「差唔多啦！」
「唔．．．又好似真係六七米喎！」「我都話架啦！」「唔，咁跳唔過喇～」「．．．」
-「寶琪話唔明點解 Neo 會贏呀～」「要明架咩．．．咁都唔明？因為邪不能勝正囉！」

乜都笑餐死 XD 順利返到屋企，又睇唔到《E.R.》添～ 沖個靚仔涼就真係開始做野。
結果 Hea 到三點幾都冇咩做到出黎，四點幾攤左響梳化訓，五點幾責醒：Huh！返房訓。

有 Reject Call，不過都有趁空檔打電話。算啦！有乜所謂嘖？Reject 都係一種尊重丫！

>>December 4, 2003 at 3:11:43 AM GMT+8

2003 年 12 月 1 日 星期一 【晴】

踏入 Study Period，不過仲要返學；要洗頭沖涼，又想今日交到 D FYP，搞到又遲到～
臨上車想打個電話：唔係嘛！電話都學人 Hang 機？！ｘｙｚ！我禁唔夠三個制就 Hang ><
最慘佢又 Hang 唔晒，識得自動 Key Lock，又識轉去 Screen Saver，就係唔俾我禁制！

冇電話用係唔得架囉～ 唔止打唔到電話，連時間都冇得睇（有時 Hang 響 D 冇時間既畫面。）
上左車去大學都要折返，真麻煩。返屋企拎張買機單就撘巴士去太子既 Nokia 維修中心。
最谷鬼氣就係沿路都係 Hang，郁得番按幾下制又 Hang，偏偏出到太子就唔 Hang，完全正常！

擺低部機就去佐敦，因為要等，冇辦法；受唔住忍誘去左澳洲牛奶公司 -- 好耐冇食過喇～
慢條斯理咁食完個常餐就返番太子等。用 V 仔打電話俾魚魚，佢話佢都出緊太子喎！
等到咁上下我就響仙跡岩買左杯熱既青蘋果綠茶，諗住俾魚魚既 ^^ 四周圍行，行住等。
女主人打黎話壞左個 HD 要拎去整喎！噢～ 我要返學，夠唔到妳了。同佢講完電話繼續等。
唉～ 熱青蘋果綠茶都唔熱了。我上堂之前要搵 Thomas 拎 D Notes 去影印，1:45 就走了。

影緊 Noets 個陣先接到魚魚電話 @@" 都成 2:20 咯！上堂又恰眼訓 ^^" 不過都有聽 D 書架！
上完堂就上去交 FYP，跟住同小濤吹左陣水，講到閞於 Grading 既野，越聽就越灰．．．

去百佳諗住買 D 野呃細路，不過揀極都揀唔落手：有一桶 Winnie The Pooh 既棉花糖好抵架～
入面有隻 Yee-yo 公仔，不過個樣好假，平都係咁話。結果空手而回，唯有靠自己啦 O_o"
結果咪勞氣收場囉！我覺得表弟心散係一個問題，時下青少年既心態同思想都係一個大問題。
我好難忍受補習既時候聽到佢將「圓周」講做「乜周」，同時兩隻手同時指住自己下面！
我又好難忍佢輕挑既態度，成日咀蔑蔑擰身擰勢衰衰格格咁，可以既我真係會兜巴星埋去。
一睇到 D 題目長少少嘖，諗都唔諗下就話唔識，解俾佢聽佢又話明，再叫佢做又話唔識。

我真係好想話同阿姨講，佢採取 Open 既方式同佢個仔相處唔係唔好，但個仔起碼要識尊重人。
我淨係見佢咁樣都勞氣喇～ 再加埋佢 D 死人動靜真係好 Offensive，我都覺得難堪囉！
我係佢表姐就話可以忍佢嘖！換著係其他人呢？佢 D 女同學、女老師、其他補習老師咁點？
六年班咋！升上中學點算？唉．．．不過冇機會講，因為我走個陣佢仲要教個仔做功課。

慢慢行落去撘車。等車個陣接到魚魚電話，講左兩句，都冇心機講番補習 D 勞氣野了。
上車又係聽歌、玩 Game ^^" 返到屋企就食飯。呵！接到 Bernard 電話，傾到 D 飯送都凍晒。
食完飯就上網搵資料做 Discourse。好難呀．．．又難搵又難諗又難做呀 >< 煩死人喇！

愛人：因為我都唔知妳以前住個頭既 ^^" 下次再有需要去個頭就問妳啦！呵呵呵 =D

>>December 10, 2003 at 1:11:45 AM GMT+8

2003 年 11 月 30 日 星期日 【陰晴不定】

係近排太累、太耐冇比賽，定係跟本已經冇左以前個份熱情同鬥心？比賽我都唔知醒。
以前一定唔會咁，從來都未試過咁。以前要我五點幾起身，六點幾出到灣仔都可以。
今日只係要六點半起身，七點出門口嘖！咁都做唔到。七點先起身，仲累到阿曉冇得跑欄。

第二十八屆沙田區田徑運動大會。

今日陽光普照，但晨早流流真係好凍，我竟然自動自覺著左五件衫 @@" 平時肯定唔肯。
Yo！今日有新褲著～ Yeah！有 Tight 褲就唔駛咁凍喇 ^^ 原來 Jeff 都有報沙田區喎！

槍．雖然係一槍遠過一槍，但冇左練習時個種感覺，仍然係用唔到力，出手亦唔夠快 =(
釘鞋呢，係強者既標記。哈哈！第一、二名都係著標槍釘鞋既。我呢 D 都係出黎湊腳架嘖！
靜完一輪，諗過晒 D 動作，最後一槍終於有番 D 野睇，仲可能有 20m，問鼎季軍獎牌～
「Foul！」揩到一吋都唔知有冇。真殘忍。都係自己唔好，前幾次都蝕成呎，臨尾就預咁貼。
不過至少我知道自己係得既，只要俾心機練習，睇多 D 人地掟，應該可以做得更好。

比完賽返左屋企，上左一陣網。仲諗住做功課喎？！訓左一個鐘，仲有建設性。

訓醒又過返運動場。Warm up 完就見到阿曉黎勒！仲有阿 Ben。影左幾張相又吹左陣水。
話咁快就 Call 去比賽，冇人特別勁，只要我唔係大失水準都應該有個牌仔拎走既～
結果：落 Mark．Fine．Good．OK．Foul．Good... 22.67m。都叫有進步，至少比賽心理好左。
下一步就真係要做占喇！唔好講笑。有番比賽既感覺，唔做轉身都算了，「力」好緊要！

比完賽就睇阿曉跳高～ 好野！!！跟住換件衫、影左幾張相就一行三人去新港城食野。
我都唔知係咪住馬鞍山既，行新港城都帶人兜路 ^^" 食飽就帶佢地去撘車，我又撘兩個站。
返屋企 Hea 左陣就訓。多謝打電話/ Send SMS 俾我既菜菜、Mr. Sexy 同嘈醒我既雞爺～

訓到 11 接到魚魚電話先起身 ^^" 食左 D 野就上網。Yeah～ 拎左阿 Ben 部機 D 相喇！
02:55 仲有電話到。哦～ 打電話問比數 ^^" 返入房訓啦！響廳訓會冷親呀 o^^o

>>December 5, 2003 at 1:28:49 AM GMT+8