2003 年 9 月 29 日 星期一 【酷熱】

返學．補習．放學。行 Mega Sales，買左個 File 俾補習學生，又睇中左個 HP 3-in-1 Printer。
全場最搞笑都莫過於阿 Wing 男友既一句：「我頭先開你 Locker 個陣見到 Suki 行出黎。」XD

同寶肥去左 CSC，佢 Load 個幾鐘都仲係 Load 緊個頁，我就搵左 37 頁資料，睇到眼都盲。
隔離有班怪獸，由入黎就傾到走，完全冇停過口，又唔係講學術野，響度講是講非。
我唔想聽架～ 但坐正佢地隔離，佢地又講得大聲喎，成間房都可以聽得清清楚楚佢地講乜囉！
我已經豪不留情又一般大聲單打佢地架喇，係句句窒住晒個隻，不過可能佢地聽唔到啦～
佢地完全冇理人地既感受囉！走個陣我同寶肥都不知幾開心。點知又輪到另一個人播 mp3...

睇左 200+ 個網頁先搵到 37 頁資料（其實都好夠。）原來有 4000+ 個，點睇？！算喇～
去 Canteen 食燒味飯，飲益力多 ^^ 飽飽。返落 Library 做野，個頭坐熱張凳就接到魚魚電話。
呵～ 佢帶左 Coupon 出黎，可以陪我去買鞋喎！咁就執野走人，去沙田 Royal 買野！
又睇中左另外一對 @@" 左試右試，最後都係揀番呢個款，俾錢個陣有得撻金牛 *好型* XD
拎左對 US 5.5 返屋企，細到丫．．．我覺得冇乜理由囉 O_o" 我最大個對鞋係 US 8 架～

撘火車。著番對厚 D 既襪，再試真 D 對鞋，又覺得好似唔係好岩 -- 我隻左腳大 D。
打左電話去問，唯有聽日拎去換啦～ 好夜先郁手做普通話功課，結果成五點先訓囉 @@"

>>October 1, 2003 at 1:44:59 PM GMT+8

2003 年 9 月 28 日 星期日 【酷熱】

唔知醒，遲左叫魚魚。出門口前竟然接到佢電話：「晏 D 再決定啦 ^^ 」好．．．
完全訓唔醒既樣出去補習，著衫都求求其其。竟然響小巴站見到 Desmond。
補完習就直接返屋企，做好普通話功課就做 FYP，但做得好少，仲走左去訓晏覺添！

只係接到一個電話：「妳響邊呀？屋企牙？！咁冇野喇～ 係咁啦！」哦。

寂寞到枯死　也一起　有沒有用處
伴著你身影　看風景　也未算獨處
狹窄房間中　令臉龐擠擁
留下罅隙　至死不遇

用一百個期望　換一百個失望
或者你我情願　來來回回遊蕩
如從來末渴望　曇花怒放

若無其事相遇過　無聲地愛
若無其事感動過　無色地愛
石頭沉入深海　仍然能負載
不要讓煙灰　跌下來

捏著你雙手　再出來　有沒有用處
伴著你相戀　再失戀　有沒有害處
兩個人一起　浪漫無氣味
沈默共處　至死不渝

留下罅隙　至死不遇
遙望半生　至死不遇

豬豬笑了。利物浦落敗，但電話裡仍然充滿著笑聲。只是，笑聲過後，萬物歸於平淡。
心情的確是好了點。也許，麻醉藥正在發揮功效。也許，是真的看開了一點點。
期待了一整天的，始終沒有來臨。不打緊，獃在家裡還好，總算用心做好一份家課。

我敢說，要數世上首十個待你最好的，我必定佔一席位。
要放棄嗎？言之尚早。只是，情感不會再那麼表面的顯露出來吧！
表面裝作沒有從前般著緊，關心的程度卻從來只有增而無減。
不肯心軟．只是人到了某些時候，總會為保護自己而築一道牆．．．

>>October 1, 2003 at 1:44:11 PM GMT+8

2003 年 9 月 27 日 星期六 【酷熱】

今日係過朝九晚五既生活，完全唔似星期六。做 Student Helper，九點幾企到五點幾。
其實都幾辛苦架！不過讀左成年同學，第一次有機會同幾個同學一齊「寓工作於娛樂」=)
最開心係付出七個半就食到餐好豐富既小菊 Lunch ^^ 最辛苦就係不停要 Hard-sell...

最搞笑係我竟然同 Leo 睇齊，成為左 Elsie 口中「成績好，堂上表現又好」既學生！

散場接到阿 Ken 電話，佢出黎搵我喎 @o@ 大家散咯，我咪左 CSC 覆 Email 囉～
再接到電話先閃落地鐵站。本來換番白色風褸架喇！不過出面熱，同埋我冇心情著白色。
都係黑色岩我。搞到遲左啦 ^^" 撘地鐵落尖沙咀，去新港睇行山野。阿 Ken 玩跳線 O_o"
跟住過左隔離個類似街市既物體食野，我竟然「好」胃口到一碗魚蛋麵都食唔晒～
但又食左件奶油多喎！不過真係好好味 =P 我會記住架：鮮油奶多．好肥，但係好好味！

唔通，愛既反面真係恨？我竟然講出一句「ｘｘｘ，sik kis is si la as！」我唔想咁架～
根本就係麻醉緊自己，不斷發掘佢既缺點，逼自己去憎佢，從而忘記一 D 唔想記起既感覺。

食完又返番過新港，又去番個間行山用品店，不過最後都係因為冇 Size 而空手而回。
落 MUJI 買髮夾，又簽左 $9 卡 XD 咁有 Cash Dollars 冇理由唔用嘖！十月到期嘛 ^^"
跟住行左去美麗華睇 Porter 銀包。啊！原來咁平架？！下次買銀包時，可以考慮下喎～
不過有排咯～ 我個個都未用夠一年 ^^" 結果，阿 Ken 買到銀包，我地就要去唱 K．．．？！
我係極少星期六夜晚走去唱 K 咁蠢架囉！又果盤又 Nuts，埋單位位百半。見係你咋！

把愛　剪碎了隨風吹向大海　有許多事　讓淚水洗過更明白
天真如我　張開雙手以為撐得住未來　而誰擔保愛永遠不會染上塵埃
把愛　剪碎了隨風吹向大海　越傷得深　越明白愛要放得開
是我不該　怎麼我會眷著你眷成依賴　讓濃情在轉眼間變成了傷害

連阿 Ken 都話，呢隻歌既歌詞真係好有意思。而以下呢一隻歌就好正：

願伴著你　就是沒自我　亦未問為什麼　願永遠瘋魔
就是在玩弄我　亦自願受著過錯　道別話未說　亦盡量去拖

呈獻出一切去求你這一晚陪伴我　祇需當打發時間　別疑慮太多
留住這一個夜晚在明日重播　陪伴我一世是這首愛的輓歌
世間一切也無法去抵抗時日過　不管真心跟瞞騙　亦同樣結果
來吧再一次被你欺騙未為過　明日我一個夜裡再哼這首輓歌

想得很清楚　真愛難負荷　需要痛苦都太多
今宵可不可　無須要太清楚　只要剎那間結果
若是玩弄我　唯求並未揭破　願承認我是很傻
願熱烈渡過　夢幻內渡過　未計較終會留下我

君：唔通你向你個妹形容我個陣時，係話「佢肥過我架！」咁？！
+ua)u!^：唔駛多謝。最緊要係你用得著 ^^" 心思就．．．遲 D 先補番啦！

>>September 29, 2003 at 11:13:42 AM GMT+8

2003 年 9 月 26 日 星期五 【酷熱】

朝早補完習就返學校做普通話錄音功課。本來話尋晚傾架～ 唔齊人，所以冇傾到。
結果用左三個幾鐘先傾好份稿，得番個幾鐘落 SAC 錄。好求其囉！讀錯好多字都冇得改。
限米煮限飯囉～ 冇去畢架山補習。錄完就同 Joy 一齊返沙田，補埋習就返屋企。

我諗我真係好累，補習都差 D 訓著覺。返到屋企都冇乜建設，兩點鬆 D 就訓左。

>>September 28, 2003 at 6:59:24 PM GMT+8

2003 年 9 月 25 日 星期四 【酷熱】

今日齋上堂，唔駛補習。唔食飯走去 Library 借 French 書 XD 再落 CSC 覆 Email。
落堂就孤伶伶行去撘車返屋企。全日最有意義既，就係響又一城教個阿叔去撘車．．．
冇乜特別。生活依然係咁過：上網、食飯、睇電視。驚個 HD 死，燒埋碟成四點先訓。

If it comes to a time that I decide to give up, nothing can be done to change anything.

>>September 28, 2003 at 7:02:25 PM GMT+8

2003 年 9 月 24 日 星期三 【酷熱】

朝早補習，跟住返左屋企。晏晝補習，夜晚補習。
補完習返屋企食飯、上網、睇電視。
整完木瓜鮮奶，岩岩好夠鐘睇《The X-Files 2》。

今晚杯木瓜鮮奶又係唔好飲既 =(

我覺得你唔開心，你自己都承認係唔開心，但就冇講為咩事唔開心。
我估，都係因為佢啦～ 都係因為咁，你先會唔開心都唔同我講。
為免講多錯多，我決定由得你。但我要知道，無論發生咩事，我都響你身邊。
但我個心，唔知點解，有痛既感覺。我覺得好矛盾，有時我甚至會問自己：
「妳知唔知自己響度做乜？」其實我知架！但咁樣做，真係值得咩？
我覺得好辛苦。究竟我有咩唔好？有咩比唔上佢？點解．．．
我真係唔明：點解人往往會為左唔愛自己既人而犧牲愛自己既人呢？
其實掉番轉頭諗，根本連我自己都係咁。甚至係可以話係「講一套，做一套」。

只是為甚麼眼淚會流我也不懂．．．

就讓我走　讓我開始相信自由
回憶很多　你的影子也會充滿我生活
我並不懦弱　你比誰都懂　雖然寂寞
這會是我　最後的寬容

不要再說　或許這是最好的結果
現在分手　總好過你不愛我一拖再拖
鬆開你的手　離開你左右　我向前走
這會是我　真正的解脫

由 350 日前第一次見到你，因為佢，我不其然對你有一種莫名既好感。
透過相處、了解，繼而係佢返左黎香港，我已經完完全全將你兩個分開。
我知道你還你、佢還佢；我亦知道我對你有好感，同佢已經再冇關係。

我知道過去呢 350 日，或者係 300 日，我為你做既每一件事都係全心全意既～

我為你做左好多我從來未做過既事，為你改左好多響你眼中唔好既習慣。
我會為你一句說話而開心/ 唔開心幾日；我見到你受傷會心痛、會喊。
我幾乎每做一件事之前，甚至連咩時候做 D 乜野，我都會以你為首要考慮。
慢慢地，我覺得我冇左自己；我覺得我將我既生活無條件咁交到你手上。
無論你有心操控我既生活與否，我都一廂情願咁將我既生活同你既生活掛勾。

過去 350 日裡面，我生命裡面曾經有過好幾個過客，但我都俾佢地一一離我而去。
我唔容許你以外既任何人佔據我心入面呢個位置。我承認我亦曾經有過軟弱既一刻～
我嘗試去接受「佢」，但當我慢慢接受既時候，人家已經對我完全失去興趣。
亦係因為咁，我唔想再為任何人而有一刻既軟弱，因為你從來冇響我心裡面消失過。
一次又一次想放棄，卻從來冇一次成功。三百幾日既記憶，竟然可以咁刻骨銘心。

仲有 15 日就一年喇！但今晚我竟然忍唔住喊起上黎。我突然間覺得好累、好累．．．

不要夜夜為你淚水洗臉　不要哭泣的臉讓你看見
飛到過去回到愛你之前　看看自己曾經純白的臉
不要夜夜為你淚水洗臉　不要哭泣的臉讓你看見
飛到世界盡頭　往事藏在心裡面　回到愛你之前純白容顏

雨停了　淚乾了　回到我自己
我帶著笑臉　讓你看見　一如從前

>>September 25, 2003 at 10:38:41 PM GMT+8

2003 年 9 月 23 日 星期二 【微冷】

今日既天氣令人好舒服。朝早又賴床，補習遲左三分鐘 ^^" 響唔同站落車，探下路嘛～
輕輕鬆鬆一個鐘。都唔知點解約十點幾響耀安交收 O_o" 都唔順路，我條路係兜左圈咁囉！
事但啦 ^^" 總算俾番套衫阿君。跟住返學傾 PTH，搵得位黎都冇左半個鐘，買埋飯．．．

邊傾到野架！結果咪又係返屋企各自為政？！不過我都對我 D 組員有信心既～ 掂架喇！

跟住係上堂、上堂，同埋上堂。其實只係上左兩堂咋 XD 三個鐘。跟住竟然有意外驚喜 @o@
就係樂樂黎「接我放學」！啊呵呵呵～ 實在係驚喜。結果我地去左冰場看台飲仙跡岩。
傾左一陣偈咁啦～ 原來我又唔為意地講左 D 自己講過既野 ^^" 好傻婆。下次都係諗清楚先講。
跟住去左 LOG-ON 睇野。好多野都好靚，好多野都好想擁有呀！不過冇錢買、冇位擺。

接到 Vincent 電話，約埋一齊行過 JSC 喎！真係唔好意思呀樂樂～ 但我真係要 Training...
撘廣播道小巴。好努力咁搵野講，但成效唔大；去到都係各自各。好野！有蕉食～
用絕對比 Warm-up 快（但又絕對比長跑慢）既速度跑左五個圈。都幾滿意自己肯跑落去。
洗個面，拉完筋就過番自己既陣地練習。今日既表現唔錯～ 我會俾自己 7.5 分。
當然～ 都有 D 做得唔好啦！多少同累有關。不過都要想辦法唔好咁易俾場邊既人 Distract。
仲做左 5 個轉身添！五次有四次都唔中，仲有兩次中柱添！係咁以都要造下勢架嘛 ^^"
今日練埋槍。戴太話搵唔到 Andy，唔知係咪返左家鄉。唔好啦～ 我需要有人指導我架！

我為自己訂左目標：我要進步。我要 Pick up 番轉身。我要做到 25m。我要趕上去。

切切實實咁覺得自己唔同左，幾乎可以用「孤僻」黎形容。我以前唔係咁架～
從 OCamp 到返學、Re-U，甚至 Training，我越黎越覺得自己冇辦法適應群體生活 =(
我寧願早半個鐘過去跑多幾個圈、走到老遠拉筋，都唔想留響人群之中．．．

想同人講拜拜，不過人家唔得閒應酬我；可能我食左玻璃，完全被人當我透明。
竟然係今時今日先同阿蔡、小文交換電話同 ICQ no.。好耐冇撘過 85，等左好耐先有車。
其他人聽落最普通不過既說話，出自你口，入在我耳，足以令我一世記住。
開心既怕咩記？可惜世事往往就係咁，唔係點會有人話「人生不如意事十常八九」？
我咩都唔想諗。上左小巴又發晒神經咁打電話，希望搵人同我吹下水，分散下我既注意力。
結果，又係冇人得閒理我。打俾阿 Ken 既結果係有佢講冇我講。變左佢呻，唔係我呻。

返到屋企先知道冇飯食，淨係食左條魚。今晚飲忌廉溝鮮奶，都係想 tum 自己開心。
但當個人真係好唔開心個陣，食鍾意食既野都唔會開心架！杯忌廉溝鮮奶一 D 都唔好飲。

>>September 25, 2003 at 6:58:09 PM GMT+8

2003 年 9 月 22 日 星期一 【暴雨】

比預期遲左成個鐘先起身～ 都仲夠時間整番個生麵王先返學。開會遲少少咁啦 ^^"
因為始終都係唔夠訓，又飲左包奶呢 O_o" 第一堂就恰眼訓，所以第二堂買左杯 Mocha。
第二堂冇訓過，仲唔係同阿 Wing 佢地坐添！但都唔係好專心上堂，發晒夢 ><

空堂又出去補習。其實有時補一個鐘都可以補得好充實，唔係要上堂，個半鐘都補到啦！
補完又返去上 Eddy。有時真係唔係唔想聽佢講野，係真係聽完都唔知佢講左 D 乜囉～
落堂就拉左阿 Wing 陪我去 Royal 睇下對鞋，佢都話靚呀！所以我都決定要買左佢。
跟住撘車返入去啦～ 又走左去沙田睇，不過冇。但就發現左竟然係 $500！咁之前．．．
橫豎今晚唔算多野做，結果又撘番出旺角（車錢都蝕埋）去波鞋街睇，睇岩就買架喇！
點知一黎就發現 $299 真係搵唔番，$349 係斷晒碼。跟住就好唔開心咁，逐間逐間搜尋。
原來好多間都有架！但間間都斷碼既 >< 最細都要 41，點著喎？！終於俾我搵到街尾有 Size...

「五百蚊，妳買可以俾個九折你。冇架喇！最多只可以俾到九折咋～ 呢隻係特別版黎架！」

五百蚊九折，咁咪即係同 Royal 一樣？咁我駛乜響你度買喎！除非 Royal 都冇 Size 嘖 =(
始終都係唔忿氣，行勻成條波鞋街所有鞋舖不特止，仲去埋瓊華、Trendy 同信和。
都係冇。岩價錢都係因為斷碼，其餘地方折實都起碼 $450 或以上，係逼我返 Royal 買囉！

意外收穫係買左套跑衫跑褲俾 Vincent。希望佢岩 Size 啦！如果要換就麻麻煩煩咁。
最搞笑都係遇著個傻 Sales，對鞋明明係大都要我試，叉得落兩隻手指既都話岩，離晒譜 XD
響同一間舖頭睇中左件 Lecoqsportif 既減價 Tee。咦？！點解冇買到架呢？點解架？！！！

行完 Trendy 都係時候暫時死心喇！唯有等聽日啦～ 打俾阿 Ken 係咁呻慘。唉．．．
不過聽到阿 Ken 既新進展，都替佢開心既 ^^" 自己又買左杯西瓜西米撈黎飲。渴！
跟住就撘火車返屋企喇！嘩～ 今日撘左四程火車，次次都過隧道既，你都咪話唔重皮。
唔知星期五定星期六先增完值之嘛！今日又要增喇 >< 我真係要慳 D 駛至得喇！

響巴士度同阿 Wing 又呻一輪，跟住講到水晶。茶晶好呀！消除疲勞、有利腸胃，岩我呀～
返到屋企就食飯 + 上網 + 睇電視。又唔做功課 O_o" 又整木瓜鮮奶 ^^ 跟住睇《The X-Files 2》。

媽咪尋晚整左條魚，用檸檬黎蒸既。個檸檬唔靚囉～ 有少少青，唔係好酸，但就係好苦。
我鍾意飲檸水、檸茶，但就唔鍾意食檸檬，亦唔鍾意謝霆鋒。（勁呀！韻都押埋～）
個檸檬唔青，唔黃，但就好酸、好苦。哈哈哈哈～ 好玄呀！竟然關阿媽條魚事 XDDD

P.S. 放學接到傳單嗌人捐血，都想去捐架！不過冇人陪我又驚額 ^^" 結果都係冇去到．．．

>>September 23, 2003 at 1:39:48 AM GMT+8

2003 年 9 月 21 日 星期日 【乍寒還暖】

鬧鐘響都係唔肯起身 ^^" 11 點 1 接到阿 Ken 電話：「我唔知醒踢波呀～ 去唱 K 咯！」
拿拿臨起身沖個涼，極速執野走喇喂～ 哎也！仲係未聽《我的》，冇得唱添 @@"

撘巴士，竟然要企 O_o" 非常準時，不過有人遲到。上到 Neway 已經係點幾鐘喇～
哈～ 上次 Re-U 成廿個人先開到間 105，今日兩個人開，都係開到 105！係有 D 緣喎 XD
換左張新會員證。YO！唱左好多歌呀 ^^ 我都係鍾意唱 K 聽到自己把聲既感覺。
頭個半鐘都好似開演唱會咁，兩個人輪住黎唱，D 音響勁到出面半條長走廊都聽到。
唱左《遇見》喇 ^^ 比想像中好喎！不過今日都係冇鬼用架喇～ 唱左五六首歌先開到聲。

擾攘一輪之後，遲黎既 Gary & Friends 終於可以 Join 埋我地，交房既時間亦褪遲左兩個鐘。
阿葡萄牙既唱腔好特別，結論竟然係似張國榮；如果唔望住 Gary，聽佢唱歌我會認佢唔到囉！
最搞笑係佢地三四個男人一齊唱，連支水都震架！同埋佢地幾個鬥大聲咁，好 Man 呀 XD

夠鐘就打俾魚魚。啊！原來出面落緊要，去唔成喎～ 仲竟然已經左去打機，開得波喇啵！
咁岩個電話收得唔清楚，我就無辜辜俾人 Cut 線 >< 咁唯有繼續坐啦！點左歌俾人唱俾我聽 =)
散左之後拉阿 Ken 陪我睇狗同睇鞋，又唔買住。再撘地鐵去荷李活啦～ 食埋個蛋白撻 ^^
跟住自己行左上 Royal 睇下見唔見對鞋，行埋 Adidas Shop 都唔見。死死地氣撘巴士返屋企。

返到黎都不外乎上網、食飯、上網；又整木瓜鮮奶喇 ^^ 好味；繼續上網無聊．．．
哇哈哈哈！我竟然無聊到用左我記憶體中僅存既法文 Send 左封 Email 俾法國仔 XDDDDD
跟住夠鐘睇波。又話大戰，直情係悶戰，完全冇心機睇，仲恰眼訓添！直到電話響～
好開心 ^^ 不停傻笑。聽到阿哥大叫「十二碼」，仲響廳度跳～ 補時階段曼聯獲得一個 12 碼！
魚魚竟然好矛盾咁話「好野！」但又好邪地講左句：「唔係喎！老雲今季未射入過 12 碼～」
話口未完，馬面就勁射中楣底彈出，難度分直逼 9.99，實在抵死 XD 曼聯 0-0 阿仙奴。
跟住魚魚又突然轉番以一個阿仙奴球迷既姿態話：「好野～ 唔駛輸。」佢都得架喇 ^^"

220903-0130「等埋我先訓丫？」Heeheeheehee...

>>September 24, 2003 at 1:16:34 AM GMT+8

2003 年 9 月 20 日 星期六 【清涼】

補習補八點半，要七點幾起身，結果都係賴床賴到八點。遲到十五分鐘囉！
本來唔駛遲咁多，不過中途有 D 小意外，搞到遲上加遲囉～ 真老土。

嘩！都唔知呢兩日做乜熱得咁淒涼 @@" 行出街五分鐘已經成身黐立立，著件 Tee 都嫌多。

補完錦豐就補廣源～ 呵！補番 ^^ 不過個姐姐仔就始終都係好被動，又懶，又唔係好聽話咁。
原來咁樣補兩個都幾辛苦下。都係執咁個調去星期日先，唔係辛苦死。一二三五六日 @@"
補完習，行去巴士站個陣打俾樂樂，閒聊左幾句．．．唔。撘 281A 出旺角搵魚魚。
成程車就係震住咁響度寫張卡仔，真係高難道。好彩都仲算寫得幾靚～ 我自己覺得 ^^"

岩岩過左新世紀先接到佢電話：「完左喇！」「哦？！咁我落車，行上新世紀等你啦！」
響 Mrs Field's 門口棟左一陣。哈哈～ 其實我每次見到都好想食，不過我知度好肥，而且好貴 ><
其實都係見個面，陪佢行過火車站（之嘛～）沿路傾左幾句偈咁就拜拜架喇 ^^" 好無聊哩？
基本上今日係約左阿 Ken 既，不過佢應該有野忙緊，冇聽我電話，想約佢早 D 都唔得。
一個人響新世紀賣 Sport wear 個間野度睇，竟然睇中左條籃球褲喎 O_o" 自己都估唔到囉！
另外又睇中左件冇袖 Tee，好彩試完淨係覺得條褲 OK 嘖 ^^" 於是又一次證明我係 Nike 既奴隸。

突然醒起有 D 事要辦，走左上大眾買「物資」，左揀又揀，仲要靜雞雞換左人地個信封 ^^"
之後就落 Food Court 買左個 Tea，坐低邊食邊幫件野「加工」。激氣呀～ 淨污糟左．．．
搞掂晒先猛然發現自己遲左，拿拿臨落地鐵站，點知周圍多人到嘔，行步路都好艱難 O_o"

見到阿 Ken 勒 =) 送左份禮物俾佢。哈哈！就係佢既生日啤。跟住行左去花墟搵唔知咩咩苗。
啊～ 原來係用穀就種到架喇！咪當學多樣野囉 ^^ 跟住就去左茶餐廳食野。係「又」食 ^^"
邊食就邊聽阿 Ken 娓娓道出佢既「情場辛酸血淚史」。話極都唔聽，都係響我面前點左兩支。
食完野又陪佢去寵物街買野。見到隻唔係好靚既金毛尋回犬，仲有兩隻已經好大既史立莎。
跟住唔知做乜蕩左上聯合。呀～ 我話想睇水晶。一行就行勻晒成個聯合喇！零收穫。
之後去 IKEA。丫其實我都真係幾鍾意行 IKEA 架喎～ 每行一次我就越想有自己一間房/ 屋。

跟住都準備走架喇～ 死唔忿氣地搵埋個郵筒，寄埋野就 OK 可以 lu... 自己去撘巴士。
本 IKEA 我由上車刨到落車。好多野都好靚，同埋好貴。第時我一定要有張好正既雙人床架！
其實好眼訓。買埋鮮奶就返屋企，不過返到黎又唔眼訓喇啵！咦？！媽媽買左木瓜喎 ^^
食飽飯抖左陣就整木瓜鮮奶。好味道！跟住就成晚上網 + 睇電視。今晚有狼車同利李兩場。

YEAH！利物浦今季首次響我睇 Live 個陣贏波 ^^ 史米沙上半場都踢得幾好 ^^ 好野～
ICQ 約聽日唱 K，不過睇黎未必成功啵～ 聽日先算啦！另，我諗我今日可以用番個笑樣喇 =)

>>September 22, 2003 at 2:20:20 AM GMT+8