2003 年 9 月 1 日 星期一 【酷熱】

返學喇喂～ 真係好似好耐冇返過學咁，執野個陣諗左好耐：我究竟要帶 D 咩呢？
都知醒，叫醒左魚魚之後，自己再恰多陣就乖乖地起身。最慘係又要煩著咩衫返學 XD
有校服著你話幾好呢～ 撘火車個陣望下自己響對面塊玻璃既投影：都幾精靈喎！

臨落車先及到 Kiki 坐左響不遠處，不過見佢呆下呆下咁，我都唔特登嗌佢了。
約左阿 Wing 同 Suki，聞說 Suki 有野請我地食 ^^ 行快兩步啦～ 點知．．．又係咁 ><
又係著新鞋就踩香口膠！都唔係第一次啦～ Air Max 係咁，跑鞋又係咁，次次都係咁既？！
結果要去廁所清理一下先返去，遲左上 Canteen 品嘗 Suki 既 Cheese Cake。好味～
買左兩支益力多就去上堂。哈哈！返番學，睇黎我又要狂飲益力多喇 ^^" 每日起碼兩支。

原來頭兩堂 Lecture 都係 Elsie。聽佢講中文都冇乜野既，英文就灰 D，不過有時都幾好笑。
我好鍾意「辣酥酥」^^ 等我買左本書先～ 可能同學們好耐冇見，咁多野講既？第二堂好嘈。
上完兩堂就 4 + 1 落九龍城食台灣牛肉麵，OK 好食啦！好飽。係差在個醉雞翼唔入味囉！
食飽我就自己飲左杯西西，跟住又打的返去．．．同我一班好失禮妳咩？！都唔知咩心態。

話去 Bookshop 買普通話書，點知冇貨。跟住阿 Wing 陪我出又一城睇下我提過既 Nike 袋～
點解冇既？！搵勻都冇，但我好 Sure 係響又一城呢間 Marathon 見過架喎．．．幾 Sure 啦 O_o"
搵完一輪真係響度諗：「唔通我又係發夢？！」唔係咁恐怖下嘛～ 我記得好清楚個款架！

返 City 途中，阿 Wing 問我點解仲「咁樣」稱呼「佢」^^" 無奈。因為我只可以咁樣稱呼佢囉～
同阿 Wing 大約講下成年事係點，同時間又 Remind 自己一次，其實個心真係唔係幾好受。
有人對自己好唔好咩？我對佢好，我自己都開心既，我心甘命抵格～ 開心得幾耐咪幾耐囉！

上埋 Eddy 堂 Lecture；佢又肥左、核突左喇！飯氣攻心，我禁不住恰起眼訓上黎．．．
訓醒捱多一陣就落堂，去左 CSC 等寶肥，等佢表演多次出入 CSC O_o" 拎白紙都咁辛苦既？！
不過好多謝佢送俾我既手信（長洲！）好靚～ 不過漏低左丫（好彩有施肥肥幫我搵番咋～）
四點九舞到六點鬆 D 先走得，去百佳買左兩支 Qoo 就撘地鐵去旺角等 Devin 同 Tofa。
呵～ 約左佢地食飯嘛！有人遲到又冇帶錢，提款卡又咁岩壞左囉！齊人就出發去新森林。
嘩！原來新森林新裝修到好似好高檔咁～「妳係咪尋晚黎過呢？」「冇喎！」我冇心咁冷淡。
不過高級左就冇凍檸蜜飲喇 =( 四個人食左三個飯麵加一個薯蓉，好飽。Devin 仲有手信派～

有 D 野，我都唔知話唔話妳好，不過女仔要矜貴 D，同埋妳要清楚自己究竟做緊咩囉！

食飽之後，兩個佬就陪我同寶肥周圍逛。本來係我想買鞋囉，但我一 D 收穫都冇 O_o"
反而大小姐買完個袋仲有件背心，認真收穫豐富。件背心都幾靚架！不過佢買左就冇我份 lu...
為左等大小姐拎衫，我地又要搵個地方落腳食鴨舌，所以去左果留香 ^^ 我飲木瓜鮮奶 XD
原來完整既鴨舌係咁鬼核突既 >< 後面條喉都唔知點食。前面個部份就幾好食，係辣左 D 嘖！
食飽晒、拎埋件衫就走得勒！三個送大小姐去撘車，淨番我地再行去油麻地撘車返屋企。
行行下 Tofa 上埋車，得番 Devin 送我。結果我要行到落油麻地/ 佐敦交界先有車撘 ^^"
好彩有位坐啦！上車就聽歌準備恰，不過好耐先至恰得著。算快啦！八個字返到屋企勒～

原來已經一號風球。好悶熱囉！點幾鐘攤左響地下訓著左，三點先起身熜機返上床訓 ^^"

>>September 4, 2003 at 12:10:59 AM GMT+8

2003 年 8 月 31 日 星期日 【酷熱】

CTLS O'Camp Day 3：都係訓得辛苦架喇！不過加埋尋晚恃住病，訓多咁多都夠咯 ^^"
一般精神地落去食早餐，不過呢餐唔係太得 O_o" 食完又返 Doom 等玩 Games。
又要做苦力，搬定 D 物資等上車。條腰有排痛喇！呢幾日都要搬重野，夜晚又訓得唔好。

不過一做野又有野慶啦！班美女又係例牌姐手姐腳、求求其其。唉！都算勒～
有盒分剩既 Sponsorship（Shiseido 濕紙巾、化妝品 Sample），Eric 問我地要唔要啦！
開頭冇人出聲話要架～ 我就提出搬晒野之後先拎，盒野就擺左埋一二邊先咁。
搬左唔夠半個鐘，幾位美女就冇晒影，係連埋盒野一齊失蹤囉！原來拎左盒野返自己房分～
其實我都唔用化妝品呢類野既，根本不屑同佢地爭，但我睇唔起佢地做到咁 Cheap 囉！

班仔呢～ 搬到咁上下就響物資房嘆冷氣，仲有一堆野搬左出門口又唔推埋出路口 O_o"
佢地就嘆喇！完全冇人諗到有個 Helper 響烈日之下（好彩有樹蔭）坐響路口看住 D 物資囉～
我入去拎野飲個陣，班男仔都有開聲叫我坐下抖下既，但我梗係唔會掉低 Phoebe 啦！
結果我出去陪佢坐多九個字先見佢地繼續搬埋 D 野出黎，不過都係發晒癲咁響度玩。
「叫做」幫手看野囉！我同 Phoebe 返左 Doom，跟住就死都唔肯出黎勒 XD 一於訓到食飯。

執好晒野等班組仔返黎，拎埋 D 行李去 Canteen 食 Lunch。其實冇乜心機影相。
講真，做 Helper 真係冇乜機會同 D Freshmen 熟，更何況我地連房都編唔到，床都冇張！
我又唔恨咩既！講到底，我都係唔想落組玩，但又想幫手，咁先揀做 Helper 嘖～
不過做局外人又睇到好多野架喎！淨係「乾杯事件」已經睇到邊 D 人只係想搏出位。

個 O'Camp 總算完滿結束，至少我覺得 D Freshmen 都玩得好開心，尤其係 Blue House！
大家都好齊心，玩得好投入 ^^ 雖然我只係一個 Helper，但我完全感受到個種氣氛 =)
不過基於我好累，又唔想兜大圈，我都係決定自己走，冇跟大隊返 City。阿樂都一樣。
同大家揮過手 XD 就同阿樂撘小巴去市中心。哈哈！竟然係走左去滿記食班戟～ 嘩哈哈哈 =D
同佢傾左好多個 Camp 既人同事，傾到上巴士，再傾到佢落車。哇！差 D 跌左個電話。

去買左 D 野就返屋企，全家都響晒度 ^^" 拿拿聲執好晒 D 野就沖個涼洗個頭。爽呀！
不過又係返到黎就冇咁眼訓，又掛住上網。不過都好有建設性架喇～ 洗左對 Converse。
唔～ 對鞋都係冇得救架喇！好多都根本唔係污糟而係花左，刮花左就係咁先．．．
不過我都盡力而為，洗完就真係散晒喇 ^^" 不過都冇話好早訓。11 點幾又落起雨上黎。
呢 D 叫唔叫天公造美呢？入 Camp 三日真係一直都好好天，一出 Camp 就落雨兼行雷閃電。

哎！都係唔夠訓累事啦～ 塊面又核核突突，最慘係有好大粒暗瘡。丫！聽日就返學喇～

>>September 3, 2003 at 11:49:03 PM GMT+8

2003 年 8 月 30 日 星期六 【酷熱】

CTLS O'Camp Day 2：呢覺都算訓得辛苦咯！訓到腰都痛埋，一訓醒仲要乞嚏打不停 ><
口腫面腫鼻腫咁去刷牙對面，換套衫就要去食早餐。D 粥同米粉都算 OK 好味既 ^^"
食飽返 Doom 抖陣又玩 Games，我只係舉下旗、數下人頭、派下物資、執下垃圾就得。

跟住就玩水戰。嘩！我個位明明唔駛濕身架，D 組仔一個唔小心，我就硬食半個水彈 O_o"
濕左一半。好彩跟住都冇乜事，做晒 D 計分環節，幫手執埋野就可以退隱返 Doom。
一返到去就頂唔順啪左兩粒幸福，跟住就訓 ^^" 訓到半夢半醒見到班組仔返黎。一件頭？！
OH～ 原來今年唔止有個組女著兩件頭（上身冇加衫，下身有熱褲），仲有一個著一件頭。
不過阿「一件頭」響出面應該有著面衫，唔知玩到幾時除左（咁搏？！）圍住條毛巾就返黎。
返到黎又唔換衫喎～ 淨係拎住條毛巾響度印印下。班組女話閂門換衫，佢仲話出去看門口～
我大飽眼福 XD 結果就係班組女換完晒衫，佢返入黎又話要換衫，結果被人趕去廁所換。

我要澄清：其實我一眼都冇望過，最多都只係望到背脊。反而兩個組媽真係眼甘甘咁睇 @@"

大家換好晒衫又走左去食晏，食完晏就玩 Soci Game。我守監獄，都算係優差咯 ^^ 有冷氣。
不過冷氣好凍呀，我又病病地，明知唔會咁早有犯被人捉黎，Kiki 仲拎左枕頭過黎，梗係訓啦！
一訓就訓左半個鐘有多，跟住都係吽下吽下咁等 D 時間過，後尾拎左 Eric 本雜誌黎揭～
同我 Part 個個 AJS Helper 又係犀利啦！訓足咁多個鐘，後尾仲唔見左人，我覺得真係威喎！
結果成個下晝都只係得一個犯，係一個好蠢既 Freshman，認幾個莊員做配對都認唔到。

五點收檔就去露天廣場聽個老鬼講下玩 Soci Game 既「深層意義」。唔．．．都係算罷啦～
跟住大家要返 Doom 做 Sharing 兼準備夜晚既營花營草晚會，當時我已經病到豬頭咁樣。
大家響度傾，我就攤響度聽，夠鐘又再啪丸，D 藥力發就開始訓～ 結果飯都冇去食。
唔該晒 Sonjia 同阿樂幫我整左個麵，又買左杯熱飲 ^^ 佢地返黎我就起身食麵，食完又訓過。
營花營草同 Disco Night 我全部 Miss 晒，可想而知我係幾累。佢地早返咋！唔係仲有得訓。
訓醒又係爭沖涼既時間，叫我再訓我又唔想，只係執左位霸番張床，跟住就同阿 Ken 傾電話。
嘩～ 兩個電話加埋傾左成百分鐘！好彩係自己人嘖 ^^ 呵呵～ 傾完就走上走落等沖涼。

出去打左個電話俾魚魚，結果唔係好開心．．．同阿樂傾左幾句，研究點解我會冇人要 ^^"

跟住返去沖涼，沖完又聚埋吹水。唔食飯都係唔掂，一個麵唔頂得幾多，我又餓囉！
但我沖完涼出黎已經冇晒麵喇 >< 周圍搵野食，好彩組仔 D Sponsor 入面有梳打餅～ 好味道。
今晚大家都累，好多都係沖完涼 Hea 多陣就訓覺，不過佢地分開訓，間間房都有幾咁 O_o"
結果唔訓個 D 要玩浪漫，走去河邊傾偈。嘩～ 咁大個女第一次睇咁多星星既星空 *真係好靚*
多得豬紅哥唔少，我坐低左都唔夠半個鐘就有組女俾豬紅嚇親而要求搵過第二個地方傾～
結果星星又冇得睇，佢地又講唔實去邊，我就唯有跟森美搵地方訓。我要床俾組女訓左．．．
兩個人逼一張三呎床，訓得都幾辛苦，郁親都驚整到森美。唯一好處係好似好暖囉 XD
早知阿樂係去搵地方訓既我就跟埋去啦～ 佢去左 Doom 4 訓 >< 個度 Spare 左出黎冇人訓架！

講番點解會空左出黎啦！我地都係被人約左去個度開 E 會先知道有個咁既好地方。
不過我真係唔明點解明知好多組仔組女冇床訓都仲要 Spare 一棟（係一棟！）Doom 出黎囉～
係完全冇人訓喎！最多都係用黎開會咋喎～ 咁 "Spare" 個意思係乜野？！好難明白喎！

講開 E 會，真係唔好意思～ 冇心嚇 Sonjia 一跳，係真係有人無啦啦走埋隻窗度架咋 XDDD

>>September 3, 2003 at 11:52:46 PM GMT+8

2003 年 8 月 29 日 星期五 【清涼】

CTLS O'Camp Day 1：冇陰公～ 六點幾就要起身 >< 執埋 D 朝早要用既野入袋就出發！
好似好耐冇試過咁早出門口，仲要係返 City。都算準時啦！仲有時間上 Canteen 買番個早餐 ^^
邊食邊聽個簡短過乜既 Briefing，原來有早餐時間 @@" 不過我地都要幫手搬野。

原來 D Freshmen 九點就開始陸續黎到，我做 Helper 既，係咁以都要行行企企扮忙啦 XD
傻左咁同 Phoebe 推住兩車 Sponsorship 響走廊度狂奔 XD 不過灰在 Helper 冇衫著。
同班小朋友去 Canteen 食 Lunch，自己食左件三文治。無奈地被爆出我係上屆營花 O_o" 灰左。
到 D 小朋友出晒去玩 Treasure Hunt（真係慘～ 要去旺角、尖沙咀！）我地就有 D 空閒時間。
同 Phoebe 上電視房睇《金裝四大才子》，佢恰晒眼訓，睇完就去左訓覺，我就去彈琴。
預番時間就摷醒 Phoebe 陪我去百佳買 D 野，諗住兩點返到去做苦力就岩岩好勒！
返到去唔見其他 Helpers，淨係見阿副營長、阿司儀同司儀 D Friends。佢地又冇理我地喎 @@"
等左兩個字都覺得唔對路架喇！打俾營長啦～ 原來大家已經去晒搬野，我地都唔知等乜。

我完全唔明白點解 D 廢副營長可以自顧自發吽豆都唔話聲俾我地知其他人走晒囉～

結果我地去到都唔駛點幫手，就係坐響度做最偉大既任務：看住 D 物資兼餵蚊。
你唔好以為係優差呀！好鬼熱架 >< 同埋真係好多蚊滋。我地初頭仲要冇搽蚊膏囉！
開頭係我惹蚊 D 既，但我一行黎行去就到 Phoebe D 白雪雪受罪喇！粒粒都大大粒架 ><
最後都係派左佢返去羅蚊膏。等佢返黎我又餓勒～ *大食* 走去 Canteen 買左碗麵。
嘿 ^^" 好慘咁囉！有段時間得番我一個人坐響度拎住碗麵看野，俾其他 Soc. D 組爸見到 XD
我都唔知自己似乜：對住堆物資，拎住碗麵坐響垃圾房三十米範圍以內食，好陰公咁。

終於搬好晒，點數時間我先走得，大家已經鼠晒去 U-Circle，我拎番個袋就去 Join 佢地上車。
起程去北潭涌。其實都幾累架！但逼住要聽 Wincy 同個核突女人唱 Camp Fire D 歌喎 *無奈*
好不容易先至捱到去 Campsite，又要去 Canteen 等「派位」。我同 Phoebe 就慘喇～ 四房為家。
其實 Helpers 係有一間房既， 12 個 Helper 有 10 張床，不過十二個入面有十個都係 AJS．．．
得我同 Phoebe係 AATI 人，完全唔識另外十個，結果間房要拱手相讓，唔通同佢地爭咩？！
最慘係佢地明知我地本應同佢地一間房，問都冇問過我地一聲囉！係咪人既所為先？
都唔知今年咩事囉！上年係兩組 Share 三間房，今年係一組一間房，淨係組仔都唔夠床訓。

掉低晒 D 野又要出去等 D 物資到，等齊又要做苦力 O_o" 睇見 AJS 班女人做野就火滾喇～
班仔都算主動做 D 粗重野，班女簡直就係不知所謂，一箱野有埋車仔都要一個人推一個人扶！
做野又求求其其，D 野求其掉左入物資房就算，擺到亂七八糟，完全諗唔到會阻住個門口既。
為免受氣，第一餐飯已經冇同佢地一齊食，坐 AO 檯算了。不過都要對住個核突莊員 -_-"

夜晚玩 Intra-House Games，都算係最舒服既一環。都係剝下蕉皮、黐下膠紙、遞下蕉咁 XD
食左隻蕉添呀 ^^ 睇見阿樂就想笑，鍊蕉個陣鍊得咁大力丫拿？！結果自己啃番兩隻！

癲完一輪就要去 Camp Fire，好彩唔算好熱。開頭都唔係好慣，因為自己都唔係好熟 D 舞 ^^"
不過越玩就越開心，越投入就越過癮 ^^ 多得阿樂成晚都陪我癲，都係同你玩先好玩～
Changing Partner 最好玩 ^^ Go Round 個隻都好玩，不過第一 Round 就俾人請出去係好累囉！
玩到尾都有少少唔捨得玩完，證明我今次真係 Enjoy 架！都醒目，最後冇俾水槍射到 ^^
夜晚返番 Campsite 撩幾個組仔組女傾偈。除左咁，我都冇乜辦法接觸佢地架喇 ^^" 少落組嘛～
結果懶苦口婆心咁同佢地傾左個幾兩個鐘，口都乾。班組爸組媽又唔知了晒去邊喎 O_o"
終於都係頂唔順，未等到人黎接棒就去左沖涼。好夜咯！大家都沖晒 ^^" 沖完又返去傾偈。
好多人都聚晒過黎，仲有 D 老鬼添！不過成晚都冇講咩正經野，唔似我地上年咁。
都係玩埋晒 D 無聊 Black Magic，跟住又老吹無聊鬼故，再玩估野，跟住又講咸濕笑話 XD

四點幾我已經謝 ^^" 唔該阿樂借個膊頭俾我。五點幾六點就大家都頂唔順，黎一個大被同眠！
都幾辛苦架～ 七張墊響地下，十幾個人堆晒響度訓，我同阿樂 Share 一張被。好凍呀 ^^"

>>September 3, 2003 at 11:53:59 PM GMT+8

2003 年 8 月 28 日 星期四 【晴】

Post 左幾首孫燕姿新碟新歌既歌詞，係咁以咀嚼下啦！佢 D 歌要聽多幾次先入味 ^^"
又肚痛，仲肚痾添 O_o" 聽日要入 Camp 囉～ 真係早唔痛遲唔痛 >< 今次入 Camp 實辛苦。
攬住個肚去畢架山補習。補完想去唱 K，不過龍哥收唔到我 SMS，生哥電話又唔通 =(

走左去撘火車，搏下路上會接到佢地電話，結果梗係失望啦！早知撘巴士，一程過嘛～
返到黎冇野做咯，難得屋企又冇人，錄下歌囉～ 呵呵！joey23.rm 可謂近來難得既滿意之作 ^^
啊～ 原來已經廿三隻喇！真係可以出精選 XD 不過都唔知開心定唔開心好，俾人話似 Kelly...
夜晚約埋兩份補習，執好時間表。唉～ 兩日 Day-off 都要特登出九龍塘補習囉 @@"

聽日入 Camp 喇！六點半要起身，入到去都唔知有冇得訓，我竟然仲係三點幾先撻上床 O_o"
冇計啦～ 自戀狂聽左自己隻歌成百次，又同生哥傾偈，點幾兩點先開始執行李呀 ^^"

>>September 3, 2003 at 1:46:37 AM GMT+8

2003 年 8 月 27 日 星期三 【酷熱】

一早起身就要補習．．．都唔係一早架喇不過 ^^" Heehee... 遲左少少添 O_o"
補完一個又一個。原來乙明係錦豐既表舅父 @o@ 嘩！真複雜。究竟係點樣既關係呢？

P.S. 我幾欣賞日記呢度又多左野喎！就係「天氣」個度多左 Options 揀 ^^ 要讚～

尋晚 Dub 左 MD，又多一隻雜錦碟喇 ^^ 好野～ 孫燕姿 D 歌真係好聽，不過要聽多幾次。
仲有陳曉東～ 不過我覺得呢隻碟唔夠《愛一天多一天》好聽。硬係覺得佢 D 國語怪怪咁。
聽多 D 歌就可以去唱 K 勒！不過冇人陪我唱．．．假都放完啦！成個八月都唱唔到一次 K ><
更慘既係我最後呢一個禮拜假真係頹廢得不知所謂～ 係呢兩日行街買到野有 D 建樹囉！
補完習又出左去搵姑姐，去旺中拎左條褲（瘦晒！）就行太子。去左冰廳食 Tea 當 Lunch。
食完繼續行。我都係有 D 心想改變下形像（嘿嘿嘿嘿～）不過睇中乜都冇我 Size，咁點嘖？！
我又係衰，樣樣都話唔岩心水，奄尖挑剔到死。不過我真係好憎 D 好女人既野架嘛～

行完都五點幾，係時候打道回府咯！又坐火車去紅磡 ^^" 不過恰一個站就醒一次 O_o"
返到屋企已經有人響度，睇緊黃子華既《無炭用》。其實都一般好笑，反而冇咁低俗喎～
我都唔係專心睇架喇！對住部電腦等食飯。睇《萬家燈火》，好似阿哥話齋：越做越變態。
跟住就約補習。有陣時有錢真係大晒：「我淨係俾到呢個時間你。」唔就你唔得啦？！
結果就犧牲左新接個份補習，今朝先約好左，夜晚己經要人地就我，又改咁．．．
我都十萬個唔好意思架！但人地一個禮拜補三日，唔就唔得。我一定要俾心機 D 補好 D！

今晚有火星睇喎？！屋企望出去都睇到 ^^ 住馬鞍山既一大好處。咪又係一點？！
影左相，用盡 Digital Zoom 都係得一大點咁。真係紅色咩？我覺得係黃黃橙橙咁啦～
都唔理架喇！又話 N 年難得一見，而家我總算睇到啦！都好應該開心下 ^^

睇番尋晚錄既《E.R.》，十分好睇，不過先進既錄影機 + G-Code = 冇幫我錄到幾分鐘結局 *灰*
結果要阿 Ken 響電話講番俾我聽。要等 Next Season 呀～ 幾時先等到呀？！我要睇呀 ><
傾電話傾到一點半，跟住都係上下網咁，約左聽日響馬鞍山游水呀 ^^ 跟住飲埋杯奶就訓 lu...

>>August 28, 2003 at 4:46:38 PM GMT+8

2003 年 8 月 26 日 星期二 【晴】

知醒叫醒你，收線繼續訓。又係發夢～ 九點幾就起左身。結果都係懶返公司搵 Brenda ^^"
約好姑姐同表弟，臨出門口又話改去觀塘 O_o" 結果等左半個鐘頭車，又響隧道塞左兩個字。
遲到半個鐘。行左條我未行過既路。結果咪又係兜番過去？！又去 Nike、Adidas 倉。

睇中左件 Adidas Sweater，係一見鍾情個隻，著埋上身就係愛不釋手，不過都唔平喎！
照完一輪鏡，都係決定行埋 Nike 先再算。終於試左對 Woven，都唔靚既～ 好野！唔駛煩。
又睇中左件 Dri-Fit Tee，摸落去真係幾舒服架！不過隻色又真係爭 D，真麻煩．．．

為左等魚魚電話，又要等師傅放 Lunch，決定響觀塘食 Lunch。響金龍船飲茶，我請～
個頭有位，個頭就接到魚魚電話話晏 D 先過黎。茶都未開，師傅又話上到黎門口 ^^"
兩個都早五分鐘既話，我地就去左旺角飲啦！都冇乜野食既 >< 仲要唔係平喎！實在可惡。
食完就撘地鐵去旺角睇鞋 ^^" 都叫「睇中」左一對既～ 但又係例牌冇我 Size 囉 @@"

都好驚喎！尋日先話完對腳好似無啦啦縮左水咁，今日又一次證明呢個神奇既現象：
記得我好重視自己「最後一次」表演，結果姑姐揀左條 One-piece 加對四吋 Sandle 俾我。
對鞋好似係六號半，應該係我最細既一對鞋。今日嗌七號，大吋幾 @@" 六號半都仲有成吋！
六號．．．都仲有一段距離。唔同牌子，Size 有分別係唔出奇～ 但都唔係差咁遠下嘛？！

唔理了。結果都係買唔到。打發左表弟走，就同姑姐去充電。充完電就行女人街。
最後一站．旺中。本來話睇鞋，結果竟然係買左一件衫加一條牛仔褲。嘩～ 又要減肥 ><
跟住同姑姐 Byebye 左就去果留香搵魚魚佢地。響門口見到同事德，不過冇嗌佢。
飲左杯芒果鮮奶 *正* 再陪佢地坐、講廢話。淨番我同魚魚同加利去觀塘。魚魚要買鞋嘛！
試完一輪，佢結果都係買左 ^^ 我覺得我都有 D 功勞～ 係啦！最多我幫你銷左 D Coupon 啦～
跟手上 Adidas 試埋件 Sweater 俾佢兩個睇，試埋 Size 就買左勒～ 好野！不過冇晒錢。

俾加利點，向左相反方向行，一來一回都幾係野。幾經辛苦先搵到個巴士站，仲要等 ><
好彩原來架車都唔係慢，不過我都已經累到呆下呆下咁。開始唔開心囉！紙巾抹汗事件。
去到都問左幾次駛唔駛買支水。唔買算啦 ^^" 其實冇乜所謂既，買左咪有驚喜囉！葡萄靈。
魚魚入左兩球囉！好搏呀佢今日。不過橙衫都係輸 3:6。有 D 累，有 D 悶，最慘係唔開心啦！

如果咁都估唔到就死啦！電話。我唔係蠢架．．．好多野我都知架～ 但係知又點嘖 =(
今晚少不免又會反覆思索架喇～ 唉！第一步就係選擇 85C 而棄 85。響車度諗左好多野。
原來今晚冇食飯：影野之前冇時間食 + 影緊野唔記得食 + 心情唔好唔想食 + 唔肚餓 = 唔駛食。
飲左杯奶，跟手就沖涼、上網。如果晚晚都可以咁樣唔駛食飯，做埋運動咪好 Fit 囉？

My heart ached when you fell on your knees in severe pain.
It ached so bad, as if I was the one who directly got hurt.
The feeling was so strong. There's been a long time since I last had similar feelings.
And my eyes went watery... Indeed tears welled up in my eyes.
It was because I care about you, though you thought that I was just too tired...

>>August 27, 2003 at 11:07:08 PM GMT+8

2003 年 8 月 25 日 星期一 【雨】

唔知醒叫醒你～ 補番鑊；跟住到自己唔知醒 ^^" 仲要多次閃起「不如補少日」既念頭。
結果等到細雨少少就出門，到站遲左四分鐘咁大把，不過大小姐都仲洗緊頭，反而係我等。
兩個鐘頭唔係難過丫！多謝 Porsche 送既兩對襪 ^^" 仲有 Auntie 送既蔘茶（嘩．．．）

睇完相，除左羨慕佢地可以成日周遊列國之外，就係諗到：原來我地未試過成家人去旅行。

撘巴士返屋企。都唔知係咪發冷啦～ 朝早要折返拎風褸，又將個冷氣由 22'C 較到 30'C。
上到巴士仲凍到起晒雞皮 >< Ken 話我冇食早餐所以發冷喎！嗯～ 都可能係喇 O_o"
不過返到屋企又冇乜野。買左雲吞皮返黎煮 ^^ $5 有兩打，今餐煮左一半，仲要一開四。
非常之咁滿足～ 原來煮野個陣漏左個電話響廚房，搞到爸爸話我勒！又 miss 左兩個 Calls。

原來魚魚打過俾我～ 作病？！飲多 D 水．著夠衫．攤抖下。千祈唔好俾自己病～

成個下晝響屋企百無了賴 @@" 難得我暑假尾真係游手好閒等住玩，點知係完全冇野好玩囉！
悶到第四日，終於頂唔順，折墮到要上 Sina 打麻雀！冇可能囉我覺得～ 點會悶成咁架 ><
本來都有 D 想趁唔曬去游下水，不過天氣咁唔穩定，最慘係有雷暴警告，游水？！電死都似。
結果撩左阿 Ken 陪我去買鞋。丫！佢又應承我喎 ^^ 睇埋《食神》就岩岩好夠鐘出門口。

　　　　　＊　　　　　＊　　　　　＊　　　　　＊　　　　　＊

《吻下去．愛上你》　陳曉東　（倩女幽魂插曲）

遇見你　需要運氣　愛上你　卻要多少勇氣
渺小的我只忠於自己　人世間卻容不下一段傳奇

有人說該忘了你　我寧願忘記了我無知
失去了你　討好整個天地有什麼值得了不起
我不顧一切讓世界停止　也要換你一個堅持人生的結局
不相聚就是分離　也總算留下了相愛的痕跡

有人說我該放棄　要反悔比執迷還容易
最難的是失去愛的能力　在孤獨裡醉生夢死
全世界都在等著我看著你　讓我吻下去愛上你

　　　　　＊　　　　　＊　　　　　＊　　　　　＊　　　　　＊

非常咁準時，但我準時係冇用格～ 呆等左佢半個鐘 O_o" 好彩有 MD 嘖！唔緊要啦～
先去個間 Lecoqsportif + Mizuno 既野搵番我之前已經睇中左個對鞋。竟然話冇七號半！
話我聽最大係七號，男裝款先有七號半喎！唔係掛～ 我係咪女仔黎架？！我對腳好大咩？！
歎息一輪之後，阿 Ken 提議去波鞋街個邊睇下。呵呵呵呵！結果咪俾我搵到囉～
奇怪勒！試左兩對係寫住六號同六號半。冇理由架喎～ 我明明係著七號半、八號架喎 @@"
唔理得咁多喇～ 岩就算啦 ^^" 真係幾靚呀！雖然我著得唔係特別好睇。就咁啦～ 買-ed。
響呢間唔單止有我 Size，仲要九折，實在係太美好喇 ^^ 好野！有鞋做占、練野咯！

跟住同阿 Ken 行多幾步就去左食魚麵。我揀左魚皮餃魚麵，成碗都係魚啦 XD 係幾好食喎～
佢就食牛丸魚麵。唔～ 始終我都唔係特別好牛丸，仲要係黑椒添！一粒半粒就冇所謂。
食完又去行幾步幫助消化。去探史立莎 ^^ $2800 一隻咋！超級得意。如果可以養番隻就好喇！
漫無目的咁行，又折返轉入女人街 -- 要買夾夾頭髮，唔駛游水個陣前面 D 留海飛晒落黎。
買埋就閃得。阿 Ken 見到架小巴就心郁，咁咪由佢上囉 ^^ 我自己慢慢行去撘巴士。
唔係等左好耐就有車，不過冇位坐。唔緊要啦！但竟然同寶肥小姐傾左成程車咁耐電話！
前後加埋九個字，由旺角往馬鞍山方向，直至去到我屋企樓下先收線 ^^" 分鐘多頂勒．．．

P.S. 我只係答「朋友仔」，冇講係邊個。其實點解呢～ 點解我唔講俾佢知？我都想知點解。

>>August 27, 2003 at 12:03:45 AM GMT+8

2003 年 8 月 24 日 星期日 【雨】

尋晚訓得唔好，因為 臨訓先醒起 D SMS 全部冇晒。一早起身就沖涼換衫出去喇！
竟然係十點幾去旺角。乜都未開，就係搏買到 DV 帶。慶幸見到已經有幾間開左 ^^"
尋晚 Check 左百老匯 11 點開，最多貴嘖！唔會買唔到 ^^" 食個老麥早餐先啦～

睇住個師奶起勢咁拎自助個度 D Milk（奶茶咖啡個 D），當時佢只係抽住個手掌咁大既手袋仔。
睇住佢拎完一個又一個，不停咁塞 D Milk 入個手袋仔度。我真係心諗：「有冇搞錯呀？！」
都唔緊要～ 原來佢等緊個餐。但等到之後，佢再次行埋自助個度，又試不停咁羅呀羅～
兩個兩個咁放落紙袋。我肯定佢拎左三十杯都有囉！搵食艱難都唔係做到咁 Cheap 嘖下嘛？
冇錢就唔好學人食麥當奴，食麥當奴又唔好順手牽羊丫？D Milk 倒埋多過你杯奶茶喇！

打左三個電話俾魚魚都冇人聽，都唔知佢係咪唔知醒。佢唔知醒我就慘咯～ 我出黎為乜呢？

睇云開左既咁多間舖頭，竟然見到 $57/ 3 餅！真係好平 @o@ 結果就買勒 ^^ 好抵啊！
再接到 Order 話要買白飯魚～ 真係考起我 O_o" 行到旺角街市唔見有囉，又行番轉頭搵。
好彩搵到 ^^" 發現自己問問題好奇怪：「唔該～ 呢度係咪冇白飯魚賣架？！」點解係冇呢？
買齊野就起程去鑽石山。幫你買野都要兜大圈，我都算準時啦！咁岩你又遲左嘛 ^^"
仲有時間去埋洗手間，落番地鐵站都要等你幾個字．．．唔緊要啦！最緊要係你有黎。
我點會認得甚麼 Billy 仔呢？！但佢竟然認得我喎！仲一黎到就問我你去左邊 ^^"

「我沖左葡萄靈俾你呀～」「哦．．．」「．．．」「咁醒？！！！」XDDDDDDDDDD

原來係去采頤附近個甚麼東啟德遊樂場～ 要撘的士去既 @@" 完全似工廠區既地方。
班人大部份都未見過，反而有個某人既表哥又幾 Nice，主場撩我講左幾句野，唔踢又陪下我。
其實當時已經係三號風球，但天氣都仲係幾好，大家都踢得幾 Smooth、幾 Happie...
我都影得幾 Happie，因為天氣唔熱，又唔曬，仲有風添，又有得坐，影得都幾舒服 ^^
不過說時遲那時快就落起雨上黎，仲越落越勁添！好彩大家都主動過黎幫手執開 D 袋咋！
唔係我七隻手八隻腳都唔掂。（（（嘩啦嘩啦）））大家都變晒落湯雞～ 除左我。
傻架！三號風球，仲要傾盤大雨，佢地竟然若無其事咁繼續。不過俾著我，淋濕晒都唔爭在～
結果我就係咁哩響小食亭個度看袋，側邊企住對手某人既「老婆」，幾姣個隻，都幾難頂。
佢唔同我講野格～ 不過不停打電話約人打牌，三句唔埋兩句就撻下英文字，好心啦！
唔係話佢講得唔正、唔好聽，但我覺得講野唔需要咁囉！我知妳識英文喇～ 但我都識囉！

憑妳一句「係呀！"Healthy raining" 呀真係～」就知妳英文有幾好啦．．．算罷啦～

名乎其實係橫風橫雨，哩響小食亭都會濕背脊；又要顧住部機（間中影下），又要看住 D 袋。
最緊要係睇住 D 遮～ make sure 遮到 D 袋，又唔可以俾風吹走 D 遮（都走過好幾次 ^^"）
真辛苦。為看住 D 袋呀，廁所都唔敢去。想影啦，又怕整濕部機，有 D 鏡頭又好想影喎～
結果踢左兩個幾三個鐘先肯停，個個都由頭濕到落腳。都咪話唔擔心，我怕你冷親 =(

又一個人行開講電話。都知咩事啦～ 唯有同人地表哥傾下偈，分散下自己注意力。

等到大家沖晒涼換好晒衫就走。撘的士去 Plaza Hollywood 食野～ 食 Food Court。
我都算識揀，揀著個幾好味既日式滑蛋牛肉飯 ^^ 魚魚就慘咯！揀著個細細兜肉醬意粉。
食飽買左杯青蘋果綠茶，竟然只係 $10！跟住就走咯～ 臨走魚魚仲買左白糖糕同我 share ^^
第一次食咋喎！原來都幾好味～ 搵車撘上竹園，害魚魚陪我兜左兩次圈，終於都搵到。

拜拜喇～ 同阿 Ken 由巴士傾到阿爺屋企度下，仲要唔上樓企響度繼續同佢傾。
傾左差唔多半個鐘。遠望見到阿爺落左黎吹吹風，覺得阿爺呢兩年真係老左好多．．．
傾完就上去啦！都唔知咩事，竟然俾看更逗。生面口嘖～ 我個樣都唔似壞人/ 白撞掛？
原來我最早到喎～ 都係睇下電視咁。睇左半集《足球小將》，仲有一套低能爆笑卡通片 XD
跟住大家就陸續上到黎，我本來哩入房想訓，攤攤下又走番出廳，同姑丈傾下偈咁。
跟手借左姑丈部 PPC 黎玩 D 砌磚遊戲，玩到走火入魔 O_o" 差 1000 分就榜上有名喇 ><

本來話打牌架！但講得黎又冇人郁，再嗌都差唔多食飯咯～ 真係好悶哩！
跟住就食飯、睇電視咁囉，嘈喧巴閉又過一晚。九點幾嗌走，都好，趕返屋企睇下半場。
響車度難得地冇聽歌、訓覺，同阿媽傾下偈，講下補習，又講下讀書、我既前途。
我既前途究竟會係點呢？真係唔知～ 而家事事都唯有盡力而為，同時又見步行步啦！

睇利物浦踢埋個下半場真係睇到火都黎。炒左老侯佢啦！有佢一日，利物浦都唔會成功。
轉個頭睇阿仙奴，真係睇到嘩嘩聲～ 跟住睇番個 Yahoo! 陣，不禁又要唉唉聲．．．

P.S. 個頭寫完，個頭睇番自己日記．．．感覺好奇怪，有 D 想鬧下自己咁。唉！雙子座。

>>August 27, 2003 at 12:03:00 AM GMT+8

2003 年 8 月 23 日 星期六 【晴】

一訓醒就做 D 變態野～ 聽自己隻歌不特止，仲要無啦啦 Print 自己張相出黎擺響銀包！
朝早都係頹頹廢廢咁上住網過日辰。執過下隊波囉！跟住就執野諗住返 City 開會。
點知阿生約我食「早餐」．．．當時已經係十一點幾。結果去左津津，佢就望住我食 ^^"

食飽諗住返去啦！都遲晒到咯～ 點知又拎漏左買機張單，又要返屋企拎，結果遲大到。
不過遲到都唔一定唔好，事關我去到坐定就聽到佢地話開始～ 原來 Hea 左咁耐都未入正題。
結果開左個零鐘就散。大約知道個 Camp D 野啦！又再一次睇到班人既辦事能力之「高」。
開完會就 Byebye 大家自己撇。撘地鐵去旺角搵師傅拎佢部電話，順手還番舊電俾佢。

嘩～ 旺角真係熱到喊，我只係由銀行中心行去 Trendy 對面，已經熱到個人吽晒 ><
都冇入去 say Hi，交易完就拿拿聲走。拎部電話去整，點知要行到太子咁遠，幾乎到弼街。
等左幾個字就有得整，原來一個鐘有取 @@" 早知咁快就唔駛問師傅借電話啦！
不過都好既，借左就整機個一個鐘我都有電話用 XD 不過一個鐘一個人真係唔知去邊。
叫爹爹幫我拎哩，又唔知佢今日拎唔拎到；自己拎呢，我又要呆等一個鐘 ><

本來阿 Ken 話還完書黎搵我架～ 跟住又話唔想我等，返屋企訓覺。結果我咪又係要等？！

結果一個人去左仙跡岩整番杯冰凍既青蘋果綠茶 ^^ 刨埋本《新 Monday》，頂得半個鐘。
之後都費事霸住人地個位，響太子兜左兩個圈就返 Nokia 羅飛等羅機。好悶．．．
拎番部機勒 ^^ 新既一樣。去先達買埋個電話套就邊度都唔想去喇！好焗。反胃．作嘔。
累到要撘去紅磡再撘番轉頭。冇得頂既係即刻開番同一部車，郁都唔駛郁～ 呵呵！
返到屋企又唔係咁黑喇喎！拿拿聲砌番好部電話，Set 番晒 D 野，仲幫佢笠埋個套添！
點知竟然唔岩位！淨係 Speaker 個個位個窿唔對 >< 激死我喇！仲以為 Fit 晒添～
Fit 晒就可以穿埋電話繩，咁部機就靚靚架啦嘛．．．冇啦～ 冇得靚住勒而家。灰左 ><

唔見左成日。話唔打俾佢，結果都係打左。「去左沙田行街」喎～ 得啦！明架喇～

繼續無聊。天文台網頁都殺，仲響度死較爛較，要將電腦個鐘較到同天文台一樣。成功左 ^^"
晚餐有粟米魚柳食，不過阿媽自己煮就唔食，有人又食晒 D 粟米唔食魚，結果我啃晒。
終於都可以坐定定睇波 ^^ 不過我都冇專心睇啦～ 本來話出去睇架，不過講講下又冇左件事。
冇波睇既時間，電視都俾人霸住，悶到死。又唔記得睇四個女人．．．做晒未呢其實？

喊過黎～ 因為家人之間有 D 誤會。我覺得我冇做錯野，但連爸爸都誤會我，我好心痛 =(
我點能夠預計表弟既表達能力幾高、姑姐既幻想空間有幾大？有 D 野唔到我控制囉！

>>August 25, 2003 at 4:31:38 PM GMT+8