2003 年 8 月 2 日 星期六 【晴】

凌晨三點半有波睇。兩點幾沖完涼，見個樣幾精醒就用眼仔影左張相～ 好靚 o^^o
嘩！場波悶到呢．．．仲有人 Online 個陣都冇專心睇，又唔眼訓個下先衰。六點先訓。
十點幾就起左身，又唔係好累咋喎～ 過左大埔，去中心俾個 Surprise 寶肥 =D

見番桃姨～ 桃姨都仲係對我幾好 ^^ 食左佢煮既意粉同粥 *黐飯食～ Hea 多陣就走。
哈哈！扮職員打俾 Des，佢信以為真呀 XDDDDD 同三個導師一齊走，我同寶肥撘 271。
架冷氣車係熱過熱狗咁，焗得黎又開唔到窗，好難唔訓既～ 醒左都戇下戇下咁。
落車第一時間去 McCafe 飲凍朱古力 ^^ 好味道～ 等埋 Des 就去撘船過灣仔。

嘩～ 人多到丫！條龍長到丫．．．見到 D 人我就唔開胃，又累喎，忍唔住，面都黑埋。
又要兜圈，又要排隊，又熱喎！行左起碼四個字先入到會展囉 >< 入到冷氣地方先好 D 咋！
不過一路都頭痛，仲有少少想嘔 =( 第一批收穫就係揀左三本書俾 Kitty 媽，仲平左添 XD
第二收穫（亦係最大收穫）就係竟然俾我搵到一張 史米沙 對港隊場波起腳既相！！！
開心到我傻～ 跟住就去左 Evercare 買左十張卡仔，仲去左師傅個檔到探佢班 =)

臨尾響 Pental 執多支 Glue Stick 個陣，竟然有師奶執到張紅衫魚，問係唔係我跌左！
唔知呢～ 我覺得作為一個師奶，佢應該自己袋左就算，或者會想辦法將張銀紙據為己有。
丫！難得佢又真係問下係咪有人跌左喎～ 雖然佢最後都係拎住張銀紙消失於人群中 XD

決定左去尖咀食韓燒，之前先去東海堂訂蛋糕。死蠢～ 完全唔記得左揀東海堂既原因 O_o"
唉～ 話說我有張東海堂（滿 $200 就可以當 $40 用）既 Coupon，但我完全冇左件事囉！
去到漢陽苑，未夠九點半未入得去，就搵個洗手間去左先啦！點知．．．反晒胃 ><
諗住去樓下吉野家會好 D 啦～ 要等囉！都唔緊要，但之前有個女人竟然唔．洗．手！！！
唉唉唉！返上去燒啦，燒完又邊爐。要幫寶肥搣蝦添～ 食完已經好累好眼訓 lu...
三個人撘的士上火車站轉火車。返到屋企已經十二點幾咯！睇唔到《Sex and The City》。

聲明：我肯定我係講「兩個八」架！又唉．．．心情不佳。

>>August 7, 2003 at 2:27:49 AM GMT+8

2003 年 8 月 1 日 星期五 【晴】

唔該阿 Des！不過我都係賴床架喇～ 補習呢項活動實在俾唔到推動力我起身。
洗左頭、食埋尋晚個 1/4 件芝士餅，再飲左半罐汽水就出去喇！非常唔健康既早餐。

打俾魚魚～ 原來佢起左身睇波，唔怪得尋晚咁早訓啦！快 D 訓番多 D ^^"

一個鐘頭時間，眨下眼就過。唔～ 補呢個學生都幾舒服 ^^ 我要繼續努力。
搵埋 Des 就撘車出荷李活，響車度食左個 Double Cheese -- 唔該 Des ^^
不過有人買左凍檸茶俾我又唔羅飲管，搞到我倒左糖水又冇野攪，檸檬又篤唔到～
搵埋小傑就撘 91M 向 UST 進發。好緊張啊！勁可惡係兩個恆商 Exco 都唔出現。
入到去我真係覺得唔係好掂，因為我係好大機會會響科大蕩失路架囉！

去到 Workshop 外面，竟然班到兩支筷子黎篤檸檬 -- 全日 SU 最有用係今次喇！

跟住「大隊」去左一間唔知乜房，主要係去 Dem 下 D Games 同學跳 Camp Fire 既舞。
我終於明白小傑口中講既廢人有幾廢，無聊人有幾無聊．．．真係好廢、好無聊。
你要 Exco 同 Leaders 認識下大家，玩扑傻瓜都唔緊要，加乜鬼野貓捉老鼠？！
都預左你 D 舞係得啖笑，但都唔係改到咁嘛～ 我上年去 O Camp D 舞都冇咁灰既～
至憎你加埋晒 D 低能無聊動作，仲要以你 D 作狀白痴腔去介紹添！唔該～ 我唔識笑喎！
最慘係我完全唔覺你有用個用去諗野囉！天才表演同營花營草表演都要 Dem？黐線～

P.S.「大隊」既意思係：一打唔夠。後尾有多 D 既～ 但全日出現人數不多於打半。

不過呢段時間都發生左唔少好笑既事～ 最正都莫過於 PIC 唱《超人的主題曲》喇！
「世界第一的秘密，天際最強人物，正氣朋友，性格 充 實，英勇未變質．．．」
呢 D 人讀咩書架？唔讀書都睇下電視，唔睇電視都用下腦丫？！性格「充」實！
Elbow、Knee 又唔識讀，打錯字就不在話下啦！「痴住」喎～「黐」呀！你就「痴」喇～
不過算啦！我唔應該歧視佢。幸好有 Exco 中有幾個表面上都唔係太廢，都幾玩得 ^^"

丫～ 唔記得講。一黎 PIC 就要我地填張野，寫下叫咩名、讀咩系咁。玩我咩．．．
我即時不知所措 ^^" 結果寫左自己 Major Marketing！哈哈哈哈～ AL Busi 羅 E 架囉我係。
Break 個陣又有人問起我讀咩啦！好彩我講左我讀 MK，佢都冇乜大反應喎～
反而 Des 就半中招，話自己讀 IS，點知個女仔又係讀 IS：「係？我冇見過你既？！」
不過最開心都係介紹自己個陣，我選擇左用 "Del" 呢個名 ^^ 第一次咋～ 好開心咁喎！

但都有發生恐怖事件：我既手腕骨無啦啦啪得好響 @@" 成米以外既小傑同 Des 都聽到。
仲有大家跳舞屈膝個陣既「連環啪」．．．大家 D 骨都好恐怖呀下 XDDD 保重好喎～

散場就去左滿記食班戟 ^^ 好味道～ 不過唔好食芒果布甸喇！普通過乜。
食完就撘 299 出沙田。訓晒啦我係 ^^" 雖然好耐先訓得著。累喇我都，又咁遠車程呢～
訓到出沙田都自己醒左。三個去完 Marathon 就去 Lafuma，再去八折店 =D
我想買個條褲同埋．．．呀 >< 有八折呀！冇得試囉麻鬼煩～ 要去第二度試左先。
跟住再去旅行社問埋去澳門既資料，預計三日兩夜位位五百鬆 D 啦！未計吃喝玩樂洗費。
今日食番免治牛肉粥呀 ^^ 仲食左好多小傑既早餐 A：炒麵 + 蘿蔔糕 + 齋腸～ 好味。
諗住撘小巴快 D 啦！點知 Full 左，仲徙時間。撘 86K 又坐正響個爛口婆前面囉．．．
返到屋企都九點幾～ 份 Proposal 終於開到個頭 ^^" 加油努力！快 D 搵多本書添呀 ><

今日都幾開心，我覺得魚魚事事都好有交帶喎 ^^ 對於我可能去澳門，佢好似好驚訝咁～
淨係唔係太明點解佢咁介意我話「咁咪好囉！有 D 野做丫嘛～」囉 O_o" 究竟我講錯咩呢？
冇嬲就得啦～「我唔激你喇！你都唔好激氣啦～」呵！仲有「電梯電話咁岩事件」 ^^"
我好似你？冇理由架喎 XD 近墨者黑呀！我都係要努力 D 減下肥喇～ 唔係浮唔起 XD

我不想寫戰書　我也恨甜言蜜語　做你終生守護神　憑這一點好處　可不可將美麗留住？

阿哥，你唔好成日咁話個妹啦！阿妹冇你咁幸福～ 有 D 野我覺得你都唔明既。
我覺得咁樣我會開心 D，你咪由我開心下囉～ 咩發姣唔發姣嘖？！你有 Bias 之嘛～
其實阿妹真係覺得你變左囉！你唔會好似以前咁關心我喇．．．淨係識話我 =(

>>August 5, 2003 at 1:58:52 PM GMT+8

2003 年 7 月 31 日 星期四 【晴】

尋日講過下話今日去游水既，結果都係決定唔去啦～ 訓都訓到十二點先起身。
起身冇耐就約左教琴 ^^" 刷完牙洗完面就整野食，食完就上網、睇電視。兩點半開始執屋。
丫～ 仲以為佢地蕩失路添！三點幾就開始喇：我第一次教琴咋 ^^"「也也烏」咁～

花左差不多兩個鐘教佢地一 D 簡單既樂理，阿生好似好惆悵咁，皺晒眉頭 @@"
不過佢地都成廿歲人，我諗 D 野難唔到佢地既，自己俾心機 D 溫習下就冇問題啦！
臨走彈左幾句～ 哎！我都係要努力 D 練番琴至得喇～ 我唔會再俾個琴封塵架 ><
教完就同阿 Des 出左尖咀。本來諗住去辰衝，點知間野原來咁早閂門 O_o" 六點咋喎～
跟住就去左海港城 PageOne，行左、睇左好耐，揀左幾本書，不過未落實買。
都唔知點樣 Check D 書有冇出過譯本～ 唔止香港喎，要搵埋大陸同台灣喎！點搵呀 =(
11 號就要交 Proposal 喇！好煩。又未揀到第二本書喎，又驚利物浦本野唔得 ><

接到魚魚電話，佢又同媽媽嗌交喇！唔，下次都唔係唔好撞喇～ 佢要講既就自然會講。

等埋小傑黎就去廁所 XD 跟住行 Lafuma（又閂左門）同 Quiksilver，再行埋 Muji...
買左之前響沙田賣晒個個袋仔喇 ^^" 一定要好好善用佢呀！又用恆生 Cash-dollar =D
搞掂晒就撘地鐵過旺角食青葉～ $128 任食放題！食左好多野呀又，好飽 ^^
唔平呀都～ 不過食呢方面我又唔會太孤寒既，最緊要係好食同抵食。雞軟骨呀 o^^o
食完再吹下水：唔知 Des 同小傑做乜無啦啦講起「『神』有冇形象？」呢個問題。
小傑話：「有～ 有形象架！好似我地人咁架～ 人有五隻眼．．．」
究竟係邊五隻眼呢？XDDDDDDDDDD 跟住佢地食埋件 Tiramisu，又食左少少我件 NY～
咁就一晚喇！又撘亡命小巴返屋企。唔該晒阿 Des 喎～ 送到我返上樓 ^^

2003 Aug 1 (01:52) 既 ICQ History 足以令我開心成晚～ 我嚮往既，就係呢 D。

>>August 1, 2003 at 2:38:07 AM GMT+8

2003 年 7 月 30 日 星期三 【晴】

本來話叫醒寶肥既，但個電話去左枕頭下面，我完全冇印像個鐘響過。
自己都要八點三起身，結果八點九先肯去換衫，洗埋頭咪又遲左出門口囉！
見咩撘咩，撘左 85M 去到黃大仙轉的士，點知都幾係近架囉 O_o"

今日唔係好曬，我又有得企響樹蔭下面啦 ^^" 後尾仲有片黑雲飄左過黎添～
灑左幾滴雨～ 唔算好熱啦！不過都係冇乜風。一般悶啦今日 ^^"
影完響更衣室出面等佢地，竟然見到阿 Tim！咳～ 係阿 Tim 竟然認得我！
嘩～ 我覺得佢係又型仔左囉 @@" 跟住打左個電話問 Brenda 出糧同張 Ref. 既野。
等齊人就去左樂富麥當奴，食左個孖芝，飲左杯凍檸茶，坐多陣就去埋恆生。
返落地鐵站就一齊走，去到九龍塘就同得番我同魚魚轉火車～

地鐵入閘後區域：「夠喇～ 唔好行咁快喇下！」
火車月台候車區：「做乜咁靚呀？！」
往大圍站火車上：「好啦～ 唔好痛啦！」o^^o

大慨這算是迷戀　這路程得幾分鐘真是太短．．．又返番黎「迷戀」呢個 Term 度添～

返到屋企就 Hea，上住網又睇下電視咁，五點幾就開左《鍾無豔》黎睇。
唔～ 我覺得我睇戲既要求都幾高，成套野只係有一個位我係大聲笑左出黎 O_o"
不過都係好睇既 ^^" 響我冇野好做個陣，揀得佢黎睇我就當佢係好睇架啦！
睇完就媽媽返，都係睇電視、食飯咁，再上下網寫下日記又一晚。

今日 add 左磨碌（響呢度叫開呢個名就叫呢個啦！）丫，我地都幾好傾喎 ^^
依佢既理論，可以推出以下既結論：我應該係壞人黎既～ 臭味相投喎！
好開心又識到個好人勒哈哈～ 從阿 Des 同佢咁 Friend 就知佢係一個大好人黎既～
係有 D 意外佢咁早訓囉（今晚）！不過我都唔夜呀～ 竟然 1:15 就攤上床喇！

>>August 1, 2003 at 1:23:41 AM GMT+8

2003 年 7 月 29 日 星期二 【晴】

好神奇 @@ 十點幾就責醒左，感覺仲要係幾清醒咁。不過都訓番 ^^"
十一點幾鬧鐘響，再碌多一陣就起身。開電腦、打左三個電話就拿拿聲去沖涼。
寶肥唔開心，我要出動了。照去唱 K 啦～ 見步行步咁。

一點出到去，搵埋 Desmond 就去左紅豆子，坐低冇耐就接到寶肥電話。
齊人就嗌野飲野食，個傻妹一直都木口木面，突然嘩啦嘩啦起黎～
都預左架喇 ^^" 即管借個膊頭俾佢啦！我已經好努力咁搵位 tum 佢開心架喇 ^^"
唱左三個鐘頭 K，我做左人肉枕頭，又發生左 "Foot-Punch" 事件 O_o"
我個人認為加洲綠係好貴囉！哼～ 算，因為我真係好日都唔會去加洲綠既。

唱完 K 就去左西田，因為大小姐要買泳衣，結果都係睇唔岩。
行完西田本來諗住去旅行社及及，不過搵唔到 D 咩資料，都係問番阿 Neth 好過。
再去 Tom Lee 行左個圈～ 丫如果我有錢，我都會擁有一部三角琴．．．
響火車站拜拜左阿生就撘火車往粉嶺出發 -- 陪大小姐去拎番 D 野走。
來來回回、出出入入左幾個唔同既閘口（都幾煩～）最後拎齊野可以走勒！

嘩！寶肥俾隻貓貓咬得好傷，好恐怖 >< 養貓真係唔得，冇乜性呀～

撘番火車去大埔。本來諗住食元祿，不過出奇地咁多人，費事等就走了。
又會咁都俾佢見到佢。係唔准望架囉～ 兒童不宜 ^^" 望左唔開心既，望黎做乜？
第一眼就話唔覺意、冇得避嘖？！我見你自己裝下裝下咁，咁咪唔准囉！

睇黎我都真係好耐冇去過大埔．．．搵個出口都兜左個大圈 ^^"

結果去左南風閣餐廳。三個人叫左三個 Set，係飽到喊咁，揚洲炒飯要打包囉 XD
食完飯就行左陣，睇下衫又睇下水晶，仲去埋冒險樂園（不過冇野岩）添！
最後一站係昌運麥當奴，因為要陪大小姐等人。Des 係擺明訓覺，我就刨左本 ELLE。
終於，十點陪大小姐去洗手間個陣，大小姐接到電話。我同 Des 功成身退了。
撘好耐冇撘過既 26 號。果然冇令我失望 =D 由大埔到馬鞍山只需 12 分鐘！！！

《E.R.》真係超級好睇！不過就黎做完喇～ 原來睇《24》既代價就係《E.R.》><

唉～ 我都唔知自己做乜仲要同佢癲。人家滿不在乎，我仲著緊 D 咩嘖？
唔通真係要好似師傅教咁？「整張 List 貼係床頭，包記得。」

>>July 30, 2003 at 11:00:04 PM GMT+8

2003 年 7 月 28 日 星期一 【晴】

八點半鬧鐘響，九點鐘落過床身，諗著咩衫諗到攤番上床訓番 ^^" 九點半身，趕頭趕命。
是日目的地：畢架山。上去之前又買左個酥，仲飲左罐咖啡。出埋糧喇今日～
補完落番又一城等小傑，然後去沙田會合寶肥，買唔到 Game 就淨係買雞、買送、買窩夫！

（（（ 嘟．嘟．嘟．嘟．嘟．．． ）））電話打唔通。

點幾兩點先上到 Des 屋企 ^^" 食完雞雞就開局 lu... 情況簡直係鋒迴路轉～ XD
我最多試過贏過四十。下半場寶肥終於駛出真功夫急起直追，結果最後贏半百有多！
家傑就慘咯～ 連輸幾舖，面都黑埋。好彩最尾連贏番兩舖先輸少一半。Des？莊家輸大錢。
我都有野灰架！有舖一定食得出既混一式對對糊我竟然小．相．公！可惡丫～
成晚最開心就係食左舖自摸爆棚 XD 重點在於阿 Des 包！真係冇陰公呢 ^^"
不過今日我地以食物黎報答佢提供地方 ^^ 我仲同寶肥夾手夾腳煮左肉醬意粉添！
我嘛～ 算打個和啦！打牌贏既錢係 Cover 左晏晝個餐囉 ^^" 都唔錯。

是日特別嘉賓：磨碌。都不失為一個好人黎呀～ 第二次見架喇其實，不過黑左好多。

其實我有睇，知 D 又唔知 D 咁。問過一次架喇～ 不過人家唔講，咁我唯有唔問啦 ^^"
不過希望佢知道我都係想關心下佢嘖！又唔係完全係八卦既 ^^" 點都好啦！祝你好運喎～
我尊重你揀咩同我講、咩唔同我講既～ 我淨係希望真係做到你話你永遠都唔會唔記得既朋友 =)

撘車返屋企個陣，突然間有呢個感覺：「有 D 累．．．」咁～ 梗係唔係一般既累啦！

　　　＊　　　　　＊　　　　　＊　　　　　＊　　　　　＊　　　　　＊

你們兩人前世為主僕關係。對方為支配者，而你則是被支配的一方，如傭人、家丁、徒
弟、妻子、子女等，你必須完全服從對方。所以今世你總是無法違逆對方，你對他言聽
計從，總認為自己不如他。

你從不對他有怨言，也總是配合他的步調行事。如果你們兩人有家族關係，則你必須時
常照顧對方，而且你常覺得對方站在較為有利的立場。當惹出麻煩時，即使明明是對方
造成的錯誤，但最後總是由你來承擔錯誤，所以不論是朋友或情侶關係，都是由對方掌
控主導權，而你卻只能服從。

有時，你很厭惡對方，但由於對方實過於強勢，以致於雖然心裡埋怨，但最後仍與他繼
續交往。即使你平常性格積極，勇於表達自己的意見，但在對方面前你卻又保持沈默，
或是唯唯諾諾。

你們今生若有良緣，或你有足夠耐力，能夠完全服從對方，則將能得圓滿結束。但這種
緣分可能使你陷入違反常倫或不實、虛偽的戀愛。若只憑你單方面的努力，則很難有完
美的結局。對方可能要到分手之後，才恍惚明白你的重要性，不過一切可能太晚了。

（（（ http://www.so-net.com.hk/fortune/lastlife/index.jsp ）））

>>July 30, 2003 at 11:13:46 PM GMT+8

2003 年 7 月 27 日 星期日 【晴】

明明叫醒左魚魚架！等我仲撘綠的去大學添～ 點知去到沙田打俾佢佢先驚叫：「下？」
哼～ 訓番？！唯有響月台等你啦！原來係你怕遲所以特登約早 D... Heeheehee ^^
響麥記陪阿 Ken 食埋個熱香餅先慢慢上去。好曬 @@" 但企樹蔭下面會影得唔靚囉～

結果係曬 + 熱到個人木口木面，不過都要盡量笑下，唔係魚魚踢踢下見到又會唔開心喇 ^^"
踢到咁上下阿 Ken 休息，過左黎陪我，仲撻左條毛巾響我個頭度遮一遮添～
跟住又拎左佢支私家水俾我飲喎 ^^ 真係好．．．同佢俾我既第一感覺好唔同呀！

約左師傅一點，但影野都影到 12:30；拿拿聲走，落到麥當奴就洗左個面咁。
魚魚陪我買左個包加支水就送我去撘車 o^^o 師傅打黎催：「成銅鑼灣都係奧雲同謝拉特！」
我臨上車講左句：「史米沙會入波」架～（結果．．．呵呵呵！）然後火速趕去～
當日去大球場係唔駛識路架，因為完全係跟大隊格。但我真係唔知唔可以帶水樽入去囉！
結果無啦啦同師傅吹左支 800mL Watson's。飲定都岩既，入去肯定勁出水（汗）。
都唔早，竟然都搵到靚位 -- 第二行！食埋個包就曬住太陽等開場～ 東看台係好野黎架：

上半場出史米沙打右，下半場出懷斯打左邊，兩個都響近我個邊走 =D
雖然史米沙入個球係響遠 D 個個龍門入，但佢係第一個入波喎 ^^
可以現場見到佢入波，真係好開心架！泰國 + 香港 = 3 球喇！
懷斯就響我前面走位、斬角球，仲有五個好近既入球，睇得好清楚 *正*

J'aime Vladimir Smicer et John Arne Riise, et Sami Hyypia aussi =)

不過好曬囉！西斜嘛，曬死。烘農晒 >< 加埋朝早 @@" 太黑喇～ 膊頭曬傷左。
我真係有一刻覺得自己係貼錢買難受架！我怪自己點解唔安分守己響屋企睇直播。
坐第一行個鬼仔小朋友睇睇下都扭計，因為實在太熱，但又完全冇得避囉～

最唔開心係場波完左個陣，D 記者湧晒入場影相，懷斯一個人向近我個邊角球旗行去。
我坐樓上嘛～ 丫，睇住佢邊行邊除身上件波衫，行近樓下 $480 個堆，手指指咁～
原來係叫一個著住印左 18 Riise 白色作客、舉左 "RIISE" 紙牌既女仔出黎喎！
嗚～ 佢將件波衫送左俾個女仔，仲主動攬住個女仔呀！唔制呀．．．妒忌死我喇 ><
我係十萬個唔抵得咁。我夠有件作客印佢咯！嗚 >< 如果佢攬個個係我就好喇～
咦也！佢一係就全世界都唔好攬，唔好淨係攬一個咁茅丫嘛～ 我唔制呀！
佢之後響場中同觀眾揮手，一直到完場之前，都係望住個女仔個邊架 ><

不過總括而言，$350 係抵晒，最緊要係親眼見到佢地踢波，史米沙又入波 ^^ 超開心 =D
呢類睇波機會真係唔多，仲要係睇利物浦喎！又幾乎 Full Team 踢左場好波呢～
我一定要盡快儲錢去利物浦朝聖呀！再遲 D 我驚我鍾意個 D 球星都轉會喇 ^^"
我要搵史米沙、懷斯、希比亞同我影相，仲要幫我簽名～ 我仲要懷斯攬番我補番數！

睇完波就返屋企，入屋就沖涼 -- 太 Dir 喇 ^^" 沖涼發現好強勁既印呀！
朝早加晏晝既暴曬，曬傷不特止，好似太黑，D 色唔靚囉 >< 希望過幾日會好 D 啦～
今晚難得一家四口食餐飯 ^^" 又講到我幾時先可以自己有一間房既問題．．．

睇左某人 Info。兩個字：佩服。哈哈～ 速度之快，實在教人目瞪口呆 XD

>>September 4, 2003 at 12:13:12 AM GMT+8

2003 年 7 月 26 日 星期六 【晴】

尋晚講好左今日一點左右去到觀塘，等師傅放工就帶我過西環架！唔知醒喎～
點半鐘先仆到出去。撘小巴。響車度師傅俾左支利物浦旗同頸巾我喇 ^^ 都幾靚。
上左師母屋企，擺低 D 野坐左陣就落樓下茶餐廳食左個 Tea 當 Lunch。

要過數俾師傅啊～ 波飛 + 頸巾 + 旗。錢呀！！！錢呀！！！！！冇錢喇 ><

撞到 Maho 同 Devin，一齊上去。有飛標玩～ 插左一次門呀 XD 最叻中過一次 8x3 = 24！
Maho 話唔識打牌喎，咁咪開超任黎玩囉！哈哈．．．竟然有娛樂金魚眼！！！
記得以前細個響阿爺度玩到不眠不休，兩點幾先捨得閂機，四點幾又自動爬起身玩。
不過我似乎真係太耐冇打過機喇（乜機都係。）好似唔識打機咁 ^^"
本來第二畢業既，點知最尾俾我拎到個咩「校長賞」之類既野，咁就贏左喇 XD

跟住又話鋤大 Dee -- 呢樣基本上係我最唔鍾意既啤牌活動。
首先係師傅負責派牌，派完竟然發現有隻 Jocker 響我副牌度 o_O"
抽番兩隻野出黎就由我黎再派過啦！我副牌核突到不堪囉～
點知大家響度等隻 Diamond 3，等極都冇人出。「Diamond 3 出先啦！」
數一數，咦？Maho 得 12 隻牌，我得 11 隻添．．．O_o"

終於都打麻雀喇～ 不過打得一個鐘左右，打左一圈都冇 ^^"
冇計啦～ 大家要趕及響八點前落去買六合彩。我第一次自己買六合彩。
買完就可以去食日本火窩喇！都 OK 飽，又唔會太肥呢～
對番六合彩，得師傅一個中 $20 翻本，我又係有一條中兩個啦 @@
食完就去左 7-11 買雪糕食，再上番師母度睇埋新聞就撇喇！

都算玩得 OK 開心啦～ 睇黎寶肥都幾開心 ^^ 我又睇到多一 D 野喎．．．

>>July 30, 2003 at 4:47:58 PM GMT+8

2003 年 7 月 25 日 星期五 【雨】

較左 6:45、6:48、7:50 響，結果我都係 7:12 先醒。遲左喇 >< 要叫醒魚魚呀！
叫醒左佢就訓番 ^^ 嘿～ 完全莫視個鬧鐘，幾乎訓過龍。好彩．．．洗埋個頭都仲得 ^^"
準時到站。睇黎個家長同個學生都接受我喎！最開心係個學生既成績唔差又怕醜～

包．聽．話～ 呀 =D

補完習打俾魚魚。唔，尋日又問我今日會唔會出現？點知要同阿 Sir 食飯喎 /_\
冇辦法啦！本來諗住唱住歌返屋企，點知可以拎帶喎，咁梗係拎啦～
一般順手地幫大邦買埋郵票，再去大學火車站。撞到小瑩喎 @o@ 跟住又返屋企。
好悶丫～ 返到黎上左陣網先整野食，電視又冇野睇，最後要睇番打波 D 帶。

仲記得教練既說話：「Ruby 頭兩局都打得唔好格！係唔知第三局．．．好似係～
　　　　　　　　　　殺左球好靚既後二之後，一傳又好到位，開波又好穩陣，
　　　　　　　　　　嘿～ 終於都肯駛出佢既真．功．夫勒！」多謝 Edward =P

個場波，咁就成為左我既「學界告別賽」喇 ^^" 真係好懷念以前練波/ 比賽既日子。

睇睇下接到電話，丫！真係去謝菲度玩喎～ 拿拿聲執野換衫出門口。
遲到添 ^^" 去九場 Pizza Hut。哎也，裝修完搞到面目全非，完全冇得懷念呀 ><
三個人食左一個普通批加一碟粉。食完走左去買廁紙 XD 跟住有七人車接我地過去。
班人一入屋就開機打 ^^" 我就唯有睇囉！到咁上下就嗌開檯，我先至有番 D 世藝。

嘩！我呢班 Friend 都打得大咯～ 出充七番 $48．．．我就頭糊輸舖七番 ><
完全令我體會到年初一食十三么係幾咁邪！不過邪極都唔夠 Franky XD
佢叫我唔好賴喎！佢話佢今年試過一日內食兩舖十三么都冇事。
結果？出左一舖 $128 XD 唔係好大嘖～ 大三元之嘛！最後做埋大輸家囉 XDDD
我係第二贏家。四個分別係：贏百三/ 贏百一/ 輸一百/ 輸百四。當然～ 都係冇錢收。
算啦！有錢收又唔同打法，雖然全程都係我最強調唔打錢 ^^" 咁我都冇話後悔～
因為我唔鍾意打到咁大。我打開細一半架嘛～ 大咁多，我又貪玩，盞輸死。
全晚最叻係食左兩舖自摸七番（$72 + $72）^^ 真係乜都返晒黎～ 呵呵呵．．．

某人既女朋友黎左。講真，都已經 11 點幾，我都唔知佢踩上黎做乜。
第一次見面，我對佢真係冇乜好感。至唔鍾意 D 人何時何地都擺出一副不可一世既樣。
不過佢又唔係我女朋友，又極少機會會見，我理得你丫！最好唔好再見喇～

睇埋晚間新聞都仲要去合成食糖水！凍糖水竟然係拎熱糖水加冰 o_O" 太過份喇 ><
不過算啦唉。食完再吹左一輪水就各散東西，我同 Franky 飛巴落旺角再飛巴返馬鞍山。
個傻仔本來響西貢渣電單車出黎，點知去到馬鞍山頂唔順，泊低左架車就轉車出黎。
點樣頂唔順？有人落雨天時學人渣電單車囉～ 俾件便利雨衣你好唔好？XDDDDD

>>August 1, 2003 at 2:06:13 AM GMT+8

2003 年 7 月 24 日 星期四 【雨】

如常地，八點幾、九點幾、十點幾，終於捨得起身；準時 11 點到畢架山。
冇時間買麥記，退而求其次買左個返學個陣成日做早餐既芝士火腿酥～ 好好味 ^^
今日都算補得幾開心，係除左有幾分鐘 Auntie 闖左入黎，其餘時間都好易過。

而家覺得呢兩個細路唔難應付喇！要佢地進步先係難搞。我要加油！

補完習竟然冇街去，頹到丫 o_O 撘火車返屋企。最衰醒唔起可以撘 87D．．．
返到屋企煮左個通心粉，對住電視/ 電腦，睇完戲再睇 VCD 又譯下野咁就消磨左一個下晝。
唔見左．唔見左．唔見左．唔見左．．．唔見左你。點解既～ 點解會唔見左既？

嘿～ 林夕竟然突然打黎約我食飯！半個鐘頭之後大邦又約我～ 哎也！遲左 D 喇 ^^"
我又怕遲啦！譯完篇野就拿拿聲出門口，撘小巴。七點未夠就出到去 lu...
結果咪戇居居等到八點囉～ 竟然係我小器囉！我唔介意你話我，但我覺得你話唔岩 ><
本來話食和民，不過多人到癲，要等廿張檯喎～ 傻架咩！跟住走左去百人一朱。
嘿～ 未食過呢間野既，真係咪鬼去試。唔止 D 壽司極度一般，個冷麵仲要酸得過份！

（（（電話）））「我響度呀～ 冇唔見到呀 ^^" 錫番啦！」 o^^o

啃完去機舖 Hea，竟然撞到 Johnson Lam（唔摷番 Yearbook 都唔記得/ 唔知佢叫咩名。）
呢期撞咁多喇沙仔既？點個頭咁。睇左一陣機就上番地面搵大邦接走佢老婆。
禮貌上（我覺得啦！）同 Auntie/ 阿姨佢地 say 左個 Hi，跟住就返去搵林夕。
響大會堂附近坐左一陣，發下翕風咁，最後去埋龍蛇混雜既仙跡岩飲左杯野就返屋企。
返到黎沖個涼就上網兼睇波。都冇乜用心睇架喇～ 因為有人玩野講賽果俾我知囉！

不過最開心真係見到史米沙有態，仲梅開二度添呀！懷斯又有助攻～ 好野 =D

>>July 25, 2003 at 2:39:10 PM GMT+8