2003 年 7 月 13 日 星期日 【晴】

難得既休息～ 訓到十二點幾 ^^" 都係不停被電話嘈醒。
本來話陪契媽去太子買書，結果都係唔駛去，咁就可以晏 D 出去。
成個晏晝就響度 ICQ。本來約左 Devin 去睇太陽超．．．

一個電話，一段新聞報導，乜心機都冇晒。我好耐冇睇報紙了。

> 關妳鬼事咩～ 又唔係佢要求見妳！
> 又唔係為左妳！妳咩身份丫？
> 之前又唔見佢諗過下妳！
> 我唔講啦～ 妳自己坐定定諗下關妳咩事．．．

作為搞手，今晚餐飯我冇可能唔出現。只是擠不出太多笑容。
麗都果然又係黑店；而我終於都有機會將呢幾日既冤鬱氣發洩晒出黎～
我從來都唔會咁既語氣投訴既 @@" 阿經理先生，你真係唔好彩。
哈哈 XD 俾契媽發現到我鬧人既兇狠樣添！不過實在係間野衰，我理直氣壯。
去到現場都仲係唔識笑～ 契媽都問：「點解佢地好似煩左咁多咁既？」
一味得個嘈字，問佢地野又冇人應。激死！可能冇乜幾可咁齊人，見到面 high 左啦 ^^"
嘻嘻哈哈咁食左兩個半鐘，都食得好飽。埋單位位 $108，比想像中平呢 =)
送走左契媽，淨番六個。最後得番四個跟小瑩返佢響馬鞍山既新居～ 住酒店哩！

小瑩個電話既另一端竟然係搵我～ 只要你堅持、努力，一定可以達成你既目標。恭喜你！

如果我間屋都有個咁既房就好喇～ 望到樓下泳池、望到海，仲有野 "及" 添 XDDDDD
不過真係諗下好．．．「你呢度幾錢租呀？」「租一個月好貴囉！簽約平 D。」
「咁你而家簽左幾多？」「一年半囉！」「除番開一個月幾多錢？」「唔駛一萬啦！」

唔駛一萬．．．．．．真係佩服你可以講得咁輕鬆～ 算罷啦！唉 o_O"

接到魚魚電話～ 返番黎喇 ^^ 不過真係好既唔靈醜既靈 @@" 真係有小意外。
都話冇我睇住係爭咁 D 架啦！好彩冇事咋 >< 仲要撞四次咁多 O_o"
不過冇事就最好啦！下次都係帶埋我去睇住好 D 喎？Heehee... ToUcHwOoD!

睇埋《五個嚇鬼的少年》就返屋企喇～（唉！我竟然驚？！）成點鐘咯！
小傑同我同 Des 送完阿君返屋企，就輪到佢地兩個送我返屋企喇～ 真係勞煩晒 ^^"
多謝媽媽；多謝 7B。特別鳴謝肥花、小傑、Des、君、八婆仔（排名不分先後）

I love you all...

>>July 16, 2003 at 1:15:25 AM GMT+8

2003 年 7 月 12 日 星期六 【晴】

兩點幾攤左響梳化訓到三點幾就黎四點先返入房訓。唔～ 真係好累。
十一點幾先起身。上網、洗頭、沖涼、出發。先返 City 搵魚魚 ^^" 等左四個幾字呀～
魚魚陪我落地鐵站。丫我都醒唔起你地上中山添．．．哎，咁我今晚同聽日慘喇！

多得八婆仔打電話黎，我又做左小天使 o^^o 不過都係要拜拜啦 >< 唔制囉 =(

跟住去左高登搵師傅，Tofa 同 Devin 岩岩到。然後過左麥當奴「度」。
度完又返去搵人報個價，揀下 Case 同 Speaker 咁。嘩～ 而家 D Case 靚到丫 @o@
預計 $4,500 左右啦～ 我就可以擁有一部超級電腦喇！快而家呢部好多既。
跟住落左旺角，又行番去新世紀。魚魚打黎話俾我聽佢走喇～ 嗚．．．
冇咩特別野好行，所以上左茶軒飲野（我好口渴嘛！）好耐冇飲過珍珠奶茶喇～ 好味。
Maho 黎埋，不過黑口黑面。我係不滿架～ 冇理由係黎黑我口面架嘛！哼 .\_/.

飲完就起行去奧海城，碌齡喎！點知又超級多人，要等。寶肥打電話黎～ 出埋黎喎 ^^
跟住我地行左成個鐘街，我又行 Marathon 同 Royal，反而係 Tofa 買到野 =)
寶肥黎埋都未有得碌，於是又去左食野勒～ 個 Waitress 都幾烏龍、幾搞笑 ^^"
「我好肯定你地有叫既～ 我落過單我實記得！」結果屈左我地一個炸蠔天婦羅。都幾好食既～

食完返去等左三個字就有得碌喇！不過我呢 D 甩手甩腳既就唔打咯～ 費事重傷。
可憐既我同師傅「武鬥」個陣被師傅粗暴對待，扯到我隻手好鬼死痛呀 >< 慘！
睇佢地打都開心 ^^ 寶肥 D 手腳真係唔多協調，十個笑佢拎到七個；第二局大躍進喎 =D
碌完都十一點幾喇！師傅走先，我地再送寶肥撘車，其餘人等就一齊行番過旺角。
撘亡命小巴～ 同 Sammy 傾完電話就繼續聽歌，話咁快就返到屋企喇～

唔．．．快 D 到聽晚啦！魚魚快 D 返黎啦 ^^"

>>July 14, 2003 at 2:04:33 AM GMT+8

2003 年 7 月 11 日 星期五 【雨】

幾經辛苦先至入到黎～ 呢度實在係越黎越 欺人太甚 喇！
唉！冇咩既，只能夠講句「好失望」囉．．．

明明係有野未做起，但老細同大老細同 HR 幾經商量，都係保我唔住。仍然係要聽 Call。
好過尋日啦！可能係星期五，個個 Holiday mood，態度都好 D。好多 1239，連打錯既都有～
「你好呀！我係新世界電訊．．．」「香港電訊下嘛？」「．．．新世界電訊。」
不過都有 D 衰客～「你公司有病架！」「．．．（你就有病！）」兩個半鐘 = 24 Calls...
Lunch 又以超高速出觀塘拎 X-Ray 片。冇穿冇爛囉！但我都唔明個甚麼醫生想影乜既 @@"
下晝返去以為唔駛聽，結果都係要下海。兩個鐘鬆 D = 30 Calls，叻左 =P
最後終於都可以做番自己野喇 =D 但結果係走左去同 Brenda、Iris 傾偈，蛇晒～ XD

離開左 Hotline 既魔爪，終於識笑番 ^^" 尋日真係笑唔出。

放工同 Harris 響車度傾左好多偈，都不外乎講番 D 客。真係一樣米養百樣人。
去沙田拎埋張轉介信就算喇！醫生都唔再睇喇～ 有錢 Claim 都冇時間徙。
講起個醫生就火，都唔知點做醫生既！上次黎睇佢，求其開 D 藥俾我叫我食 -- 我當然冇食啦！
叫我去照，咁你應該寫信俾我啦！「今日好多病人，你照完返黎睇報告我補番俾你。」
補你條命呀！我今日話晒都叫特登上黎拎封信，你竟然話只會響 X-ray 張單後面寫番打番印。
有冇腦架？我係要證明係你叫我去照 X-Ray 既轉介信呀！寫響張單後面證明乜野呀？
證明係我照完你先補番架囉～ 你咁樣既腦袋點樣做醫生架？！應該中學畢業都有問題啦！

好啦！寫喇喎～ 你求其撩幾隻字我都算勒，都唔知係咪坐住個腦既，夠膽死同我寫今日日子！
叫你寫過封，明知呢 D 野唔可以改架啦！改左就係人都睇到，即係唔用得啦！竟然係咁：

11 / 7 / 2003（咁岩我睇醫生個日係 7 / 7 / 2003）--> July / 7 / 2003（留意 J 同 l ）
白痴既人先會咁樣寫日子有 / 響度囉！改你都改得樣衰過人囉～ 係人都睇到你改過啦！
寫個張都懶成咁，我又唔覺真係咁多病人垂死咁等住見你喎！一早寫好 D 唔得既？
頭頭叫你寫你就乖乖地寫，好好地俾心機寫，唔好寫錯就唔駛改咁多野、搞咁多野啦～
你自己羅黎既～ 又煩到我個下先衰格。咁樣既態度都唔知你學咩人做醫生。

我已經同我個 Agent 講左，叫佢千祈唔好再帶 D Client 去你呢度睇醫生架喇～ 肯定醫壞人囉！
沙田新城市廣場八樓 842-843 室 袁錫璋醫生醫務所 顏源發！
唔好意思囉～ 我係完全唔會俾面你，亦唔會叫你做醫生囉！你絕對冇資格。
不過我都講明先，呢間醫務所我係肯定你一個係咁廢嘖，其他醫生或者應該都唔似你既。嘿～

夜晚同林夕去左雪國。又食日本野～ 哈哈！日本菜似乎真係我既至愛 =P
跟住去左獅子亭。嘿～ 原來沙田既夜境都可以咁靚 @@ 可以用「目不暇給」。
雖然都有幾個人在場，不過環境都係寧靜既。企響度，感覺好舒服，伏響度根本唔想走。
突然之間，喊添 ^^" 真係唔知做乜。似乎係因為呢兩日既工作真係太辛苦．．．
加上，我諗我其實有好多唔開心都係一直抑壓住冇表現出黎。喊完，好好多 =)
謝謝林夕帶我去呢個好地方。哈～ 其實有錢都唔一定要住半山啦！我覺得火炭都唔錯。

行左大半段路落山，幾乎要淋雨 ^^" 最後上左巴士返落沙田轉車返屋企了。

>>July 12, 2003 at 12:54:00 PM GMT+8

2003 年 7 月 10 日 星期四 【晴】

Mon. 多個零鐘，就算 Edge 點死都救我唔到。是時候下海送死了．．．
上晝個幾兩個鐘已經俾唔知幾多個人鬧到狗血淋頭。根本完全唔關我事個下先慘。
最惡個個男人話：「我尋日打黎都唔係咁既態度架！而家係好慶囉～」

你憫尋日個個咪搵番佢囉！鬧我做咩嘖？我連發生咩事都唔知。
Lunchtime 已經冇晒胃口。飯都唔想食，嗌左碗麵，撩下撩下、篤下篤下咁。
完全唔想返上去。可以咩？下晝繼續送死。最激個個客煩左我 18 分鐘～
一黎就問我叫咩名、咩 No.，寫低晒打黎既日期、同我講野既時間。
講咁耐，又話要報警，又話要打去電台，又話要去電訊管理局、消費者委員會訴．．．
妖～ 你要報咪報、打咪打、去咪去囉！講到底你咪又係唔肯俾錢？！

「拿，我可以直接同你講，我而家擺明係鬥氣既！票我就開左架勒～ 我唔會寄。
　你公司要收錢既就搵人上黎拎票，唔拎就算，唔好搵收數公司黎收我數．．．」
公司既政策如何我唔講（我都知公司有好多問題。）但我只有一個感覺～

你係咪男人黎架？！仲要講到明俾人聽你擺明係想鬥氣？！慳 D 啦！
支票你都寫好左啦！擺入信箱、撩個地址、貼張 $1.4 既郵票有幾辛苦你嘖？
如果你冇錢既你出聲丫！我俾夠 $14 你囉～ 而家咩事嘖？！咁小事搞半年搞咁多野開心 D？！

都真係黐線架你！！！黐線架而家 D 香港人！！！！！

放工完全唔識笑囉～ 今日之前既日子，我響公司都係笑容滿面架！而家係面如死灰。
個頭答左阿媽話唔返去食飯，個頭聽到林夕話公司有野做，今晚唔同得我食飯 =(
仲要去補習添！沿路好似行屍走肉咁，真係目無表情。可以有咩表情嘖？
還好補習都唔算勞氣，今日呢個半鐘都幾易過。只是仍然冇心機。冇食晚飯．．．

如果日日都要咁樣捱，唔好話 Extend 張 Contract，18 號我都未必捱到。
講真，你俾多一倍人工我我都唔會考慮繼續幫你接電話。
你俾好好既 Training 我就話嘖！我根本只係一張白紙，根本就係要我去送死。

　　　＊　　　　　＊　　　　　＊　　　　　＊　　　　　＊　　　　　＊

巴士衝落山車禍　22 人死亡　[11:51]

屯門公路今早發生嚴重車禍，一輛雙層巴士在近汀九衝出橋面，跌落 50 米下山坡，
至少14人死亡，37人受傷。

翻下山坡的巴士打橫翻側在山坡上，車頭嚴重損毀，車窗毀爛，有乘客被拋出車
外，有些躺在路面，部份則坐在地上等候救援，亦有傷者被困。部份傷者救出時已
失去知覺，要用氧氣罩呼及。現場也設立臨時停屍間，停放死者遺體，醫院亦相應
採取災難應變措施。

事發在今晨六時許，一輛 265M 由麗瑤對開往天水圍的天恒邨的雙層巴士沿屯門
公路入新界，在駛至汀九橋附近，懷疑與一輛貨櫃車相撞後，撞破防撞欄，墮下五
十米下的山坡，跌落汀九村一間村屋後面．．．

　　　＊　　　　　＊　　　　　＊　　　　　＊　　　　　＊　　　　　＊

係多餘都好，我想打就會打；你可以選擇唔聽，由我胡思亂想下、由我「開心」。
我撞車你可以一句都唔關心下我，唔等如你住個頭既巴士線發生嚴重車禍我唔會擔心。
唔駛唔好意思。關心你，我覺得係應份。你覺得我無謂，我覺得絕對正常。

>>July 15, 2003 at 10:19:26 PM GMT+8

2003 年 7 月 9 日 星期三 【晴】

一起身就同屋企個阿哥嘈。我只係講左一句野：「頭先先猛你架咋！」
都費事同 D Barbarian 講野～ 我唔知 D 叉四五個鐘都唔夠電既電話係咩構造囉！

話我好猛左你個叉機喎～ 我個部都係叉得半個鐘咋！會唔會應該係我嘈你呢？
尋晚我夠叉緊啦！唔知邊個猛左我個個呢可？！我都冇出聲由你 D 自私精叉左成晚啦～
點解唔猛隔離個個喎～ 因為隔離個個係驅蚊架囉！你估加陣插個野響房驅蚊淨係為左我架？！
咁多不滿既，你出錢買過個拖板囉～ 部機廢既，你咪自己搵錢買過部電話囉！
咁大個人連部電話都要屋企俾錢你買，係你好意思架咋！叻 D 既就自己搬埋去住啦～

我都費事同 D Barbarian 講野。

Lunch 同勤哥哥食 Delifrance。可惡丫！竟然會冇牛角包，叫佢換軟包俾我又俾左法包 ><
九龍灣呢間 Deli 真係唔多掂，俾 D 白汁碎蛋又俾得孤寒，同又一城個間差得遠。
而家地鐵又有撘五次送 Coupon 呢～ 搞到 Deli 勁多人，排勁耐隊 @@"
不過最搞笑都係有人話我 $25 食個蛋治，自己就走去食個芝士腿治咁樣囉～ XDDDDD
最緊要係哥哥冇話我肥左丫！呵呵．．．實在係太好勒 ^^ 仲有，多謝 D 手信呢！

晏晝返去就開始大壓力喇～ 因為要跟 Fanny 學點樣聽 Call... @@"
Mon. 左四個電話，已經發現 D 客真係癲既。如果我都做到 Fanny 咁就好喇！
佢完全係睇到化晒，完全唔在乎 D 客，甚至 Mute 左佢地由佢地鬧親飽。
換著係我，我真係唔得囉！又咁多野都唔識答，叫人覆喎？！實聽被客鬧都得啦 ><
Mon. 左個幾鐘，我個心已經充滿不安喇！聽朝返黎就要下海，點死丫 O_o"

今日又早走，去左大角咀做 Camera Girl。好鬼熱丫 @@" 平平淡淡咁影左兩個幾鐘。
值得一提既係七點黎左一班西裝人，換晒成套 Leeds United，黃禽禽咁，好驚丫！
最抵死係我有一兩次 Pan 到過佢地個邊個陣，佢地有人換緊衫，除緊褲．．．
我冇心架～ 當然亦冇興趣睇佢地啦！不過佢地肯定冇諗過自己會咁樣俾人影左囉～ 哈 XD

跟住同魚魚同遲鈍去新世紀飲左杯野，傾左一陣，睇左一陣帶就走了。
佢地話星期六上中山玩～ 魚魚問我去唔去喎 @@" 我都未俾反應，佢就話「都係唔好。」
危險喎～ 等佢上去一次睇下點先喎！唔．．．都岩既 ^^" 其實問下我我都好開心 lu...

俾人偷左一啖 青蘋果綠茶 啊！！！！！

響火車度，得個聽字。竟然入到大埔？不過都唔關我事啦～ 我響沙田落車。
約左寶肥嘛！遲左咁多，真係十萬個唔好意思。買完雞記就同佢撘巴士返屋企喇～
返到黎又唔可以陪佢食野喎！要改兩篇野 @@ 好煩丫！改完點知又冇得 Scan...
麻煩啦～ 搞到要寶肥幫我搵人有 Fax 雞又有 Scanner，Scan 完 send 番俾我再 send 俾個學生。
搞左勁耐，寶肥食完野我先真係可以坐定食 ^^" 好彩寶肥響我屋企都 OK 開心嘖！我覺得～
同佢睇完魚魚條片 o^^o 就送佢去撘車返屋企喇！寶肥，鍾意咪多 D 黎囉 =P

>>July 15, 2003 at 10:21:38 PM GMT+8

2003 年 7 月 8 日 星期二 【晴】

今朝早左 D，去左明園買早餐。不過都幾難食 ^^" 下次都係唔好食蛋牛治喇！
響明園門口見到堂本顧喎 XD 原來佢又係響呢頭返工，真係有 D 緣喎～

Lunch 用左 57' 去觀塘照 X-Ray 再趕返九龍灣買埋野食返公司。動作快到呢．．．
更型既係～ 突然唔想補習就一個電話打去話今日唔補。都幾唔負責任，但我真係唔想補。
不過我唔補習都唔係去玩架！我自己加自己班，做起份野（做到八點半）先走～
三萬幾個 Records... 但我一晚做晒 =P 好有滿足感～ 好叻 ^^

今日知道，同事丙因為犯錯/ 同上司不咬弦，被調左去 Order Team 度 Check Order。
唔～ 就冇得聽佢爆肚勒！冇得笑添～ 不過算啦！我樂得耳根清靜。
但種種跡象顯示，我好可能要響不久既將來做 Hotline，幫手聽 Call 囉 @@"

>>July 13, 2003 at 3:17:02 AM GMT+8

2003 年 7 月 7 日 星期一 【晴】

失戀？失身？失竊？失眠？失聲？失調？失明？失聰？失業？失學？失敗？！
雙失 $18、三失 $22，其後每失加 $3；配咖啡或茶（凍飲加 $2、特飲加 $3）

今日好番好多喇～ 雖然都仲係未退燒 O_o" 不過最緊要都係冇頭痛嘖！聞說發燒會高架 XD
又差 D 遲到。新紀錄：08:59！準時到呢．．．意圖裝個 Yahoo! Messenger 玩下，不過衰左。
其實返工第一日已經試過 ICQ、icq2go、MSN Messenger，係爭 Yahoo! 未試過 ^^"

跟住就專心做野啦～ 做到差不多兩點就去禁錢、食飯。
呢期都禁左唔少錢出黎（睇醫生），又要諗下俾幾多錢屋企喇喎 O_o" 煩喇～
不過交左七千蚊保費都仲有萬幾蚊響戶口，我都算係咁喇掛？！
哈～ 我儲錢真係幾掂 ^^ 好威呀我覺得。希望儲夠錢聖誕補去番旅行啦！

四點幾做好晒自己 D 野，幫 Harris 執埋 D 手尾。諗住 Print 埋收工喎～
點知 Print 好晒執野走個陣先醒起自己唔記得改番個公司名！
徙左三十幾張紙 >< 加上本來以為做得晒 D 野，但原來完成唔到，個感覺好曳呀！
都諗過印番先俾自己走架 -- 呃多半個鐘錢 XD 但又有人爭 Printer 用．．．
算罷啦～ 鬼叫我自己唔小心。又約左 Melissa 呢～ 時間岩岩好咋！

結果花左 $230 睇個趕住收工既醫生，就係為左一張紙傳介我去照 X-Ray。
而家隻手冇痛冇痺架喇！不過成日都覺得好唔自然，排骨仍然係郁黎郁去啪啪響。
照左先算啦！有錢 Claim 就唔怕睇。有事就整番好佢，冇事咪當 Check-up 囉！

返到屋企八點幾～ 好早咁 ^^ 上下網，食下野又一晚。就係唔記得食藥 ^^"
打左一大段野解畫，希望可以消除個誤會，大家都開心番啦！Friend 黎架嘛～

我太多事動魄驚心　我太知舊時幸福怎麼變做缺陷
背著前度愛人　從陰影裡超生
我要聽大時代新聞　我要知地球另一端怎應付赤貧
怕在陪伴你時　重蹈覆轍　回想起某君

「都唔知你做乜咁夜都唔訓~~~ 咦! 我訓喇~"3」．．．做咩喎 =(

>>July 13, 2003 at 3:19:06 AM GMT+8

2003 年 7 月 6 日 星期日 【晴】

呢個簡直係「神奇週末」呀～ 我都唔知幾耐冇試過星期六日唔（駛）出街。
冇計啦～ 病丫嘛 ^^" 又唔退燒。本來尋日同林夕食飯、今日同哥哥唱 K，都冇得去喇 ><
快 D 好番啦．．．謝菲又約左我今日/ 聽日喎！但我都未好番晒．．．

燒都未捨得退 O_o" 尋日睇醫生之前 100F，五點幾 99.4F，臨訓前 99F。今日又 99.4F。

又收到 D 風 @@" 好驚囉～ 唉！我真係唔識得因為呢 D 野而開心。
真係不得不歎句：點解我想得到既就反而得唔到？
不過算啦！呢 D 野都唔係我可以控制到架喇！唯有順其自然啦～

成日都響屋企上網。撈下電視汁咁啦！睇左足球小將，仲換左 Info 張相添 ^^"
新聞之後個《香港深海歷奇》都幾好睇～ 其實我好鍾意海架！但我真係怕水 =(
到底我幾時先會真真正正學識游水呢？我好想可以潛水，再睇下海底呀！

睇城市論壇既錄播，第二節廣告完個陣見到．．． ＠o＠ 以後你喂，我唔喂囉 ><

一．我話我病、我辛苦，你唔好話你病過我、辛苦過我。我係想人安慰我，唔係同我鬥死；
　　有時 D 野係自己羅黎既，幾辛苦都唔好怨。咁大個人，呢 D 小事冇理由處理唔到；
　　再響度呻，根本冇人會可憐你，人家反而會笑你、睇你唔起。
二．我唔鍾意人教我做野，尤其是當我認為你所提出既做法唔會比我既好得幾多既時候；
　　你試下諗深一層，你就會明白到我咁做係有我既理由；用你個方法，一樣有弊病。
三．唔好以為你將我睇得好通透，知道晒我諗乜、想點。雙子座既人並唔係咁易被人睇穿架！
　　除非係我自願被你睇穿。但七月既我，變得好收埋自己。我唔講，冇乜人會明。
四．可唔可以一切都歸於平淡，唔好咁刻意？太刻意，只會變成「太多」，造成壓力。

唔好問我話緊邊個～ 我只係綜合我近來遇到既事，有感而發嘖！
如果任何人睇完之後覺得我話緊自己，未咀嚼過就覺得唔忿氣、覺得嬲既～
I'm sorry to tell you that you are far from maturity.

凡事有得必有失。可唔可以仁慈 D，俾 D 我想要既野我，再送走 D 我唔想要既野？！
點解永遠都係有 D 我唔苛求既野送到埋面前，但又令我不情願地失去一 D 我唔想失去既野？
我情願一直都維持響五月，剛剛考完試，心情輕鬆、無憂無慮既狀態．．．

>>July 8, 2003 at 9:13:59 AM GMT+8

2003 年 7 月 5 日 星期六 【晴】

八點九連續三個電話響，都係打黎叫醒我掛號既。唔該晒喇咁多位 ^^
不過診所個電話真係唔到九點都打唔通 O_o" 我九點一打去已經係排第 17 囉！
但我都要食埋野先出去架喇！十點幾先出門口。走左架車．．．

竟然係叫醒魚魚睇卡通片 =D 講錯左九點五，嚇死佢喇～ ^^"

響巴士度坐左個平時好少會坐既位，前面坐左個（我諗）細我兩三年既男仔。
諗到 D 野．．．哈哈 XD 放心喎！我絕對唔會係愛上左個男仔囉～

其實過去呢半年，我一直都過住冇男朋友既生活，我都總算活得幾好、幾開心丫？
慶幸有一支好好既精神支柱 ^^" 雖然佢亦都有帶俾我失望同唔開心．．．
不過，響我心目中，佢帶比我既快樂 outweigh 左佢帶俾我既唔開心囉！
始終，呢個世界冇一個人係有「義務」去令到另一個人開心架～
我已經得到好多。至少，呢個日記裡面埋藏左好多好珍惜、值得回味既回憶。

我得到的禮物都不算少．．．有一天會為這首插曲微笑～

醫生話我喉嚨發炎。我都知啦！基本上你數得出、最普通既病徵我都有齊。
我睇醫生就真係抵啦！大家都係俾咁多錢，我次次都寧舍多藥既～
今次又有七款喇（哎也～ 太可惜喇！）不過食得多，「杏仁霜」都係咁話啦！難食 ><

跟住就係訓覺時間勒！兩點訓到五點，六點半訓到九點 ^^" 補眠呀！哈 =D
本來四點幾應該起身食藥架！賴床 ^^" 五點幾先起身食。食完又睇左陣電視、報紙。
呢轉訓醒覺得個頭有 D 痛 @@" 都係未訓夠架喇！又冇乜野做，咪再訓囉～
不過好熱丫！廳又嘈喎～ 碌左好耐，最後要過媽媽房開風扇先訓得著。
訓左咁多個鐘頭覺，中間有成五個電話打黎呀～ 有一個完全冇印像係邊個黎既 XD
九點起身就沖涼洗頭，精神番好多喇 ^^ 可以上網添！不過仲係未退燒．．．

都關晏晝訓左咁耐事既～ 結果成三點先訓 O_o" 咪就係因為打日記囉！

>>July 6, 2003 at 6:22:41 PM GMT+8

2003 年 7 月 4 日 星期五 【晴】

今日遲到。遲左成兩班車。但其實趕得切囉～ 我他他條咁買埋早餐都只係 9:06。
如果唔係唔舒服要食 D 野食藥，唔買早餐的話就唔會遲啦～ 算啦！十五蚊嘖！

今日好唔舒服。眼訓啦！又流鼻水，又鼻塞，又喉嚨痛．．．
總之就好唔舒服，覺得好辛苦咁。又要做 D 好傷神既野喎～ *呆滯*

．同事丙語錄．"... and we will fax you back with the fax machine..."
　　　　　　　--> 我地會用傳真機將你傳真返去 XDDD

本來四點半先走，但係遲到嘛！所以又再早走半個鐘～
寫唔切呀封信 @@" 又係去左麥當奴繼續寫 ^^" 總共五頁紙，都未寫晒。
不過冇時間喇～ 已經盡寫。希望佢睇完會明白我多 D 啦！
去大角咀。要成班人響地鐵站等我添 ^^" 邊行邊傾 -- 我地真係似普通朋友了。
上次唔小心洗左慈雲山個段片個尾，冇左 D 對我黎講好珍貴既野 =(

靚？Sexy？哈哈！如果我瘦 D 就好 lu...（ Bernard 竟然話我索添呀 XD ）

約左 Bernard，遲到添 @@" 好彩佢都唔介意嘖～ 送左條頸巾俾佢。
希望佢鍾意啦 ^^" 我估佢返到屋企就會睇，睇埋封信添架喇！
「我今晚打俾你丫？」「你係打先好講～」如果可以，真係唔想走。想見你耐 D。
你竟然話我瘦左 @@" 係都唔錯！臨走，你仲摵左我塊面一下、兩下．．．

走個陣都好瀟灑架～ 但再行幾步就忍唔到擰番轉頭望你。已經唔見你了。

返到屋企，個頭就開始痛勒～ 但都係要等你電話。等～
終於等到喇 ^^ 雖然冇講 D 乜，但可以再聽你講多幾句野，我已經好開心喇！
你又真係烏龍既，改日期改到究竟係咪真係聽日機、幾點機都唔知 @@"
不過，當你話俾我聽你聽日可能走唔到個陣，我有 D 希望你真係走唔到囉～

從頭抹掉你　從頭刪掉你　不必紀念碑　來年重聚再回味．．．

>>July 6, 2003 at 2:56:54 AM GMT+8