2003 年 6 月 23 日 星期一 【晴】

返工。越整越晏喇而家 ^^" 不過都係冇遲到。
餓精丫！竟然食左個麥記早餐（好耐冇試過喇！）肥死啦 ><
又要改野囉 O_o" 仲因為 Print 野而 Miss 左個 Call 添～

第二、三次 D 野做得比第一次好，人地就會要你將第一次個 D 改到好似第二次咁。
呢云真係做壞規矩喇 XD 自己搵自己笨添！無啦啦又要改野，好彩唔複雜嘖～
寶肥又黎同我食 Delifrance 喇！仍然係一號餐既天下 =P
不過德福 D 員工好孤寒囉～ 越落越少蛋咁。又一城個間好多架！

好耐冇試過一放工就返屋企。由哪卡到返到屋企只係需要 40 分鐘咋～
上網 + 聽電視。寫埋張生日卡俾個補習學生，再 Print 埋張 Receipt 就去收數。
響球場撞到羅肥朋友喎～ 而家先記得同我講生日快樂 O_o"
都岩架喇～ 真係應該打下籃球減肥喇！唔係你開聲嗌我我都認唔到你 XD

都咁耐冇見、冇傾過偈，同我寒喧竟然係問我有冇男朋友 @@"

又收左條片喇！今次加埋快慢動作 =D ICQ 就繼續熱鬧。
又係咁啦～ 入房諗住羅衫沖涼，結果撻響張床度就訓著左 ^^"
搞關窿搞到四點。都怪自己懶懶閒，唔肯早 D 開始搞啦～

如果冇記錯的 話，我今日只係用左三分鐘普通分鐘咋 XD
今日截數啦嘛！就爆咯，咪又慳住用囉～ 掂呀！

>>June 25, 2003 at 2:01:27 PM GMT+8

2003 年 6 月 22 日 星期日 【雨】

星期日竟然響屋企呀！仲要一起身就發功 @o@ 藍天白雲變滂沱大雨。
諗住起身打番晒 D 日記呀！結果只係打得兩三篇 ^^"
跟住又要食野，又呢樣個樣，呢期 ICQ 又唔知做乜咁受歡迎喎～ 哈！

話咁快就要出門口，遲左啦又！真係唔好意思勒 ><
約左 Desmond。首要任務係買冷，其次就係去倉睇下有冇野岩～
其實我日日都響個頭返工，但根本冇時間同機會去。
不過都係咩都買唔到 ^^" 但竟然俾我見到我之前猛嗌鍾意個條跑褲。
可惜冇我 Size 丫！得 S 同 XL 咋～ 同埋我再買跑褲都冇用啦 ^^"

跟住就去左旺角，行云幾個地方先勉強叫做搵到我要搵既野。
希主織得切啦！唔知呢隻冷織左出黎靚唔靚呢？！
同姑姐講左星期三晚上佢度食飯架喇～ 又要佢再教我喇！唔記得晒。
跟住再同 Desmond 去食野：食鯊魚骨豬骨湯底既河粉。好味喎！
份量唔係好大，但都食到好飽喇 ^^" 跟住就撘地鐵返 City。

睇魚魚打波．．．哈！都係笑下咁啦～ 娛樂黎嘖！

等左佢一輪，原來都係冇沖涼 O_o" 上左 Canteen 睇下有咩食。
睇完一輪又話唔食啦～ 真係激鬼死。跟住過左 Yellow Zone...
丫我又醒起可以順手去 Locker 執番本字典返屋企喎！都擺左好耐喇～
點知拎完行番出去走，掉完垃圾擰番轉面就唔見左魚魚啦 ><
佢竟然係無聲無色地閃左入班房開電腦上網囉．．．嚇死人囉！
佢俾我睇佢 D 成績呀～ 嘩！原來係 D 幾乎次次 GPA 都過 3 既人丫 @@"

（（（小幸福）））

跟住就撘火車返屋企。去到沙田落車，就係為左隻厄。
冇貨．．．起碼要遲一個月。我亦覺得個老女人未必會入番呢隻款囉！
都係自己冇鬼用啦！買隻厄返黎三日就整唔見 >< 都唔知點戴野既。
又係離奇既～ 完全諗唔到係點樣唔見架囉！但又真係搵極都搵唔到 =(

Des:
Keep smiling; Keep shining; Knowing you can always count on me for sure.
That's what friends are for =)

>>June 24, 2003 at 3:00:25 AM GMT+8

2003 年 6 月 21 日 星期六 【雨】

貴人出門招風雨．．．廢人出門一樣可以招風雨。
本座今日發功五次，成功呼風喚雨～
更有數名友人親身見證其中三次傻蹟（唔通神蹟咩！）

補習又遲到喇 ^^" 又唔知醒，又落大雨啦！我唔出門口佢都唔落既～
跟住返馬鞍山趕下場，只係夠時間買左包薯條食 ^^" 仲有細汽水。
補完返左屋企，就係因為唔見左隻厄，覺得好唔忿氣。結果都係搵唔到 =(
換黎既就只係另一次大雨 O_o" 激鬼死！我一有瓦遮頭佢又唔落喎！
跟住再出旺角～ 約左師傅佢地。一到星際，神蹟畢現 @o@ 師傅都話我邪。
最後都係去左唱 K ^^" Neway City 既地鐵主題房～ 都幾得意丫！

Maho 一黎就點晒 D 新歌，我唔係唔識唱，就係太高音，未熱身唱唔到。
頭幾隻歌都不停走音呀 O_o" 不過人多有 D 嘈，唔係好覺掛 ^^"
不過唱番容祖祖就開始入局勒～ 但我冇可能次次都淨係唱佢 D 歌架嘛！
都試左唔少新歌啦！我已經盡量唔唱番上次唱過既歌架喇 =P
最開心係唱到《我不難過》，不過最衰未聽熟首歌啦！開頭唔知唱乜 XD
下次唱 K ，我一定會再唱番呢隻歌，仲要唱得好好添呀～

唱完 K 一落到去，傻蹟又現 XD 所以去左仙跡岩飲野、吹水。
德國．．．XD 後尾仲叫左野食，又嗌得郁 Wasabi 現身呀！
坐左都好係耐，跟住就去左百老匯睇 Palm/ Pocket PC...
我都想買呀 *都講左好耐～ 不過又講唔出自己買黎有咩用喎 O_o"
二千幾蚊～ 要搵既唔難搵，要儲既都唔難儲。但買黎真係有咩用呢？！

等埋 Wasabi，一離開百老匯我就再次發功，結果又去左麥當奴。
我地就霸左張檯 *好似探監咁 XD 講東講西仲講德國 XDDD
坐左成個鐘，大家都疲態畢現喇～ 結果就走喇！我又撘小巴 =)
同森美傾左成程車電話～ 哎！今晚趕唔切睇四個女人喇 ^^"

多謝師傅、師母、Maho、Tofa、Wasabi！多謝晒呀 =D

>>June 26, 2003 at 2:01:10 AM GMT+8

2003 年 6 月 20 日 星期五 【晴】

Dub 左幾隻歌落 MD：《我不難過》《六樓后座》《多謝失戀》《我太強》《501》
我要聽多 D 歌呀～ 我要唱 K！我要唱 K！！我要唱 K 呀！！！

呢個禮拜 D 野雖然多，但好多野都熟手左，實做得起啦 ^^
放左自己一日假都唔駛加班，仲夠膽死早走添！幫魚魚影野嘛～ 又。
約左太子，但我竟然係做領隊小姐囉！魚魚係響新世紀同班 DB 仔一齊去囉 O_o"
咁都有架．．．不過算啦！好彩同 Gary 都傾得下偈嘖 =)
今日拍得唔好呀～ 直頭係有 D 衰呀 >< 都唔知點解既。
竟然撞到森美丫 @o@ 佢黎睇 Friend 踢波，魚魚個隊架添呀！好邪～
但我不過係係渣緊機，雞手鴨腳聽唔切個電話嘖！森美嬲啊 @@"
夠鐘我就走了，已經比原定既遲左。粒聲都冇出就走左 lu...

返黎就直踩上去補習啦！難得今日妹妹仔都算聽教，抵我買生日禮物俾佢啦 ^^

>>June 23, 2003 at 11:10:35 PM GMT+8

2003 年 6 月 19 日 星期四 【晴】

今日既工作係計埋十二張單，然後不停 Print 野。兩個鐘就搞掂晒喇～ 呵呵！
同事乙 D 野做成．．．OK 啦！不過朝早撘車問起 D 人， D 人 D 態度都幾係差咁樣囉～
都黐線既！我做都係做咁多架啦～ 又唔係你做先做多 D 既。發咩難渣嘖？

下晝既工作係：繼續 Print 野。

今日又唔食 Lunch 喇～ 食 Tea。哈哈！靚仔好快手啊 =D
食完拿拿聲返去聽森美 Leo。「我係傻仔幾多號？」真係幾過癮。
不過阿成好慘丫～ 飲第三日野喇！今日係「檸多」。

咦 >< 個電話真係唔識咇囉！轉左「咇一聲」都係唔識咇架囉 =(

放工就去補習。魚魚打俾我丫！問佢響邊之嘛～ 點知．．．
唉。乜 Mood 都冇晒。補完習都冇打俾佢，靜靜地等小巴返屋企。
丫點知佢又打俾我喎！好似完全冇事發生過咁。算啦唉～
真係．．．慘囉！連小巴司機都玩我囉～ 聾既就唔好學人渣小巴啦！
叫你停聽濤你走去停頌安，要行咁遠，我撘火車轉巴士冇咁嬲啦 ><

返到屋企開 ICQ，收到魚魚既 msg。乜火都冇晒啦！我就係咁。

師傅同我訂左利物浦飛喇～ $350 個隻。貴 D 既已經冇晒喇～
哎！算啦～ 始終都係抱住「話晒黎到，冇理由唔睇」既心態咁嘖！
就算只係睇螞蟻都冇辦法。唯有個日自己醒水記得戴 Con. 啦 XD

睇谷知道雞雞去南非旅行．．．我都好想去呀！

>>June 23, 2003 at 9:45:32 PM GMT+8

2003 年 6 月 19 日 星期四 【晴】

首先係未執野訓既～ 但好累入房諗住攤一陣
就係訓訓下 feel 到有「人」拍我對腳，好大力咁，三下咁。
我有諗過可能係發夢，即好似發夢跌親咁個人會震一震，但我又真係冇發夢丫！
同埋我覺得係有人拍我咁～ 三下，都幾大力的。仆．．．都唔會震三下啦 ^^"
拍醒左就呆左一陣，都唔理啦！走左去沖涼、執野訓啦～

較好晒鬧鐘電話熜埋燈，祈埋禱～ 跟住訓啦！
又係合埋眼冇耐就覺得對腳怪怪雞雞咁，有即刻郁下睇下郁唔郁到架～
丫又郁到冇問題喎！都．．．好幾次係咁～
可能係沖完涼個人醒左未即刻訓得著，黑媽媽個人本身又驚所以咁。
都有諗係咪自己心理作用，叫自己唔好諗咁多呀快 D 訓啦咁架！

點知．．．過左冇耐就真係郁唔到喇 O_o"
今次打平訓架！冇面向牆架～ 又係唔係太覺得有壓力架！
不過就係覺得感覺怪怪雞雞咁。
唔係打側訓，所以冇話見到自己升升降降，又冇聽到 deedee 聲。
有特登留意下聽下有冇囉～ 不過都係冇丫！
跟住過左冇耐又郁得又冇野喎．．．

唔可以打俾契哥喇今次，佢飛左去旅行呀．．．哈！
所以就．．．都係訓囉 ^^" 訓醒當冇事囉 @@"

>>June 22, 2003 at 12:45:02 PM GMT+8

2003 年 6 月 18 日 星期三 【晴】

廿歲喇～～～～～

好在就到時間嘖～ Yeah！著新衫 =D

12:15．．．遲到啦又 ^^" 飲茶@青衣城（好遠啊～）。乜敦煌唔係執左喇咩 O_o"
兩個人飲左 $201 茶呀！真犀利．．．食左好多野丫！有少少食唔晒啦 ^^"
《六樓後座》係有 D 野喎！睇完有 D 怪怪既感覺。益力多～
Sports House。包起我？唔係掛？！其實你多 D 陪我我已經好開心 lu...
Double Rainbow 既荔枝雪糕！！！好味道呀 o^^o
響海濱影左兩張相。行旅行社。唉！如果去到澳洲就好喇～ 泰國都好丫！
鬼仔打黎講生日快樂呀～～～～～ 呵 =D 好鬼耐冇同佢講電話咯！
撘巴士 lu... 怪怪咁。響新城市睇左一陣電話～ 89X 拜拜。青綠色 Adidas...

其實我．．．算咩呢？唉～ 就黎又走喇！唔捨得添 =(

遊左個半鐘～ 買左隻手厄。平．靚．正啊！
仲睇到好似好多野想買丫．．．弊啦！變購物狂喇 O_o"
終於都等到喇！去左維園餐廳食。狂吹水 XD
魚魚講左好多野俾我聽呀 ^^ 想陪你坐著．想聽你說著

我 = 扁咀雞雞 = 傻哩！哈哈～ 隻雞雞真係好得意。

返到黎屋企，見到個 Newsgroup 好多 Posts，ICQ 又收到好多 msg =)
唯獨是欠左兩個我覺得應該會同我講生日快樂既人冇講。
或者，咁就好足以證明我響呢兩個人心目中既位置啦！
我唔會幫佢地搵藉口架喇～ 因為佢地日日都上網，冇理由．．．

不過算啦～ 學豆豆話齋，我唔應該成日計住某 D 人對我幾唔好。
我應該多 D 記住，有邊 D 人對我有幾咁好 =) 多謝你地。

我既生日願望係：我想錫我既人開心 D；連帶我自己都開心 D。

>>June 22, 2003 at 11:54:24 AM GMT+8

2003 年 6 月 17 日 星期二 【晴】

返工～ 已經有 D Holiday mood =D
D 野做得幾快呀！因為知自己聽日要請假嘛 ^^"
兩日竟然只係做淨十二張單！實在係太犀利喇～
不過今次我分得少啦～ 放假嘛！呵呵．．．交晒俾同事乙。
我都算盡量啦？起碼都做晒我個份我先放丫！

老細請我食 Italian Tomato 呀 @o@ *十分滾動*
我發現我睇人分配蛋糕都有一手。呵呵！
多謝 Brenda 同 Iris～ 跟著佢地兩個係我做呢份工最大既得著。

放工去補習．．．少勞氣啦！呢期興補凸鐘。

同 Des 響沙田食個間唔知乜野～ 台灣野啦都係。
傾住偈咁食野啦 =) 知道出左尖咀搵家傑。兩個？三個大細路。
天星碼頭麥當奴、七仔、海旁。坐下挨下咁啦！

多謝艾花。多謝魚魚。多謝所有打過黎既朋友 o^^o
最多謝阿 Des 同小傑～ 竟然將個蛋糕收埋響個袋三個鐘！
我好似冇乜試過有朋友陪我過生日．．．多謝你地。
呢個蛋糕，我覺得好好食。真係好好食。幾飽都覺得好食。
影下相、拍下片，靜靜地坐下，又嘈喧巴閉地打下交 =) 好開心。
點幾兩點撇喇～ 多謝晒！唔該阿 Des 送我返屋企喎 ^^
仲有好多謝你份禮物啊～ 好大份；好實用。好鍾意。

爹爹俾利是我，我竟然唔要丫？！都幾有型 @_@"
廿歲喇～ 大個女啦嘛 ^^" 真係大個女喇．．．

>>June 22, 2003 at 11:41:57 AM GMT+8

2003 年 6 月 16 日 星期一 【晴】

出晒喇 D 成績．．．唉。
人讀 OOD，我讀 OOD，點解我會揀會炒既黎讀架？！

Practical Psychology for Everyday Life（B+）
Translation II（B）
English Language Enrichment I（B）
French I（C+）
Structure of Modern Chinese（C）
Introduction to Interpretation（A-）
Structure of English（B）
Advanced Putonghua（B）

Earned Hours: 20.00　/　GPA Hours: 20.00　/　Points: 57.20　/　GPA: 2.86

最羅命係咩呢？最羅命係 CGPA：2.99．．．我計錯數。
有冇得再邪 D 呀？！好拉唔拉拉著個 2.99，真係唔知笑好定喊好 ><
下個 Sem 我咩 OOD 都唔 Take 架喇！讀好 D Compulsory Subjects 算喇唉～

今日就多事咯～ 晏左起身，冇晒時間扎頭髮，丫 D 頭髮又 OK 聽話喎！
結果就冇扎頭駛返工勒！老細同頭文字 D 都問我係咪剪左頭髮 ^^"
寶肥黎左同我食 Lunch - Delifrance。好味丫！不過個雪糕就令人失望左 D 喇 O_o"
收到第一份生日禮物喇～ 哈哈！張卡仲係自己畫架添！多謝寶肥 *錫晒你*

頭文字 D 又走過黎喇！仲講我食 AirWave 添 @o@"
「請你食丫？」「丫！我唔食薄荷架．．．」
「呀～ 呢隻唔係薄荷架喎！」「都有薄荷架嘛～」
「．．．（尷尬地笑）．．．」「多謝！！！」
希望冇就此得罪佢啦 ^^" 不過佢都唔係我老細～ 呵．呵．呵！

PM09:05「有時我見到你info呢~」究竟我 info 做咩呢？@@"

>>June 23, 2003 at 10:45:03 PM GMT+8

2003 年 6 月 15 日 星期日 【雨】

一早就俾電話嘈醒。去左搵位既媽咪打返黎，發憫憎既爹爹 Cut 佢線 O_o"
話說係本來約好晒十二點，媽咪又晨早走左去搵位，有位就要爹爹約人十一點。
晨早流流又點叫人地早一個鐘過黎喎？媽又係既～ 不過爹爹又惡左 D．．．

飲茶啦～ 接埋姑姐，竟然係我地最遲 ^^" 唔係食左好多野咋！但都幾開心。
見番松哥喇！個樣冇話好大轉變，不過睇佢幫細叔叔搬輪椅個陣好似真係有 D 吃力。
反而姑媽就真係殘左好多喇！仲成日狂咳～ 又唔受得冷氣，同埋真係有 D 燥。
不過發生左咁多事，都好難得 OK 齊人地出黎飲餐業呀！係值得開心既。
我真係希望大家都健健康康啦～ 丫？今日著左尋日買個條褲喎 =D

飲完茶捉靚仔陪我去買左一個十字架 *掛牆* 同一個十字架吊咀。
仲見番隻介子．．．個款幾似，但仍然肯定係我個隻靚 D ><
跟惶送左靚仔去撘車，自己就打的回府。上網咁啦～ 姑姐就上左黎坐。

接到魚魚電話～ Yeah ^^《Matrix Reloaded》！極速出左沙田 =D
不過就係因為開門閂門，又唔覺意觸怒左佢喇 @@" 兇呀～
算啦哎！買左飛就可以即刻入場勒～ 去埋個 let 就坐定定等睇戲 =)
好好睇呀～ 仲有法文添！我竟然識聽．．．粗口。考 Listening 又唔見我咁叻 ~.~"
不過戲院係超級凍囉 O_o" 邊睇邊縮。我已經唔係著背心架啦 o^^o 好彩～
跟住去麥當當 Share 左一盒麥雞雞 ^^"「丫我成日都以為你今日生日～」可惡丫 @@"

本來都諗住走架喇～ 點知又跟左魚魚去渣車。真係去坐車啦～ 坐下咁 =D
雖然魚魚只係去練下出車同褪車，不過我都覺得好好玩喇！
佢仲教左我好多野添！睇黎我都係要快 D 學車喇～ 不過有牌都冇車 ^^"
結果又無啦啦多左差唔多成個鐘～ 仲等埋小巴，玩埋手指添 O^^O

好開心呀～！

>>June 23, 2003 at 10:24:47 PM GMT+8