2003 年 9 月 10 日 星期三 【清涼】

尋晚搞關窿 D 野搞到夜一夜，今朝 11 點先肯起身。自己出去長沙灣交 Form。
激死～ 等左半個鐘，結果都係交唔到，打回頭。多得個叻仔唔少，乜都要再填過。
去西九龍行左九個字，買左 D 無聊野 ^^" Yeah！有新散子包～ 跟住就補習。

嘩！真係太耐冇郁頂喇～ 尋日練左一個鐘頭野之嘛！今日都有 Muscle pain...

補完習返左 City，諗住打埋支流感針啦！點知晏左少少，點知岩岩 Close 左 O_o"
又無無聊聊啦！仲有兩個鐘先同阿 Ken 食飯，兩個鐘頭都唔知去邊度好。
同 Gary 講左陣電話，最後決定返屋企拎埋件衫俾阿 Ken，洗個面又返出去。
撘 87D，塞車喎！好好訓。訓醒落車都差唔多時間，不過接到阿 Ken 電話話遲 D。
行波鞋街睇中左對 Adidas 既鞋，好靚喎我覺得！好想買 >< 但自己又渣唔到主意呢～
仲睇中左件 Mizuno 背心呀！又係好靚～ 快 D 搵人陪我去睇下，講句「好」我就買架喇！

九點半先等到阿 Ken 黎，都冇時間去睇野，直接上青葉。兩個人唔駛等 ^^" 呵～
今次冇好似平時咁狂食魚生，反而叫左好多其他野食，邊食邊傾。同阿 Ken 真係幾多野講。
係阿 Ken 真係幾多野講 XD 不過我唔介意聽～ 都不知幾鍾意人地乜都同我分享同我講。
食完飯佢又抽左兩口「飯後煙」，真係話極都唔聽 ^^" 用兩件衫交換左兩個月餅，走 lu...
陪佢去 Baleno 買左幾對襪。送對俾我？哈哈！唔駛客氣喇～ 跟住就去撘小巴返屋企。

買埋鮮奶，返到屋企都十二點咯！岩岩魚魚又打黎 ^^" 坐低發現原來都有唔少野做 @@"
聽日最多 Tutorials，幾乎堂堂 D 野都要備課既，全部都未做喎！結果求求其其撩 D 野落去。
弊啦！Interp. 要聽帶架喎～ 我未聽 >< 但真係好眼訓喇！就黎四點終於頂唔順，投降喇～

諗番起，好似已經係唔知 連續 第幾晚 起碼 過左四點先訓喇．．．好唔健康。

>>September 12, 2003 at 5:22:56 PM GMT+8

2003 年 9 月 9 日 星期二 【酷熱】

今日呢條巷最高呢幾層停電，不過都影響唔到我既～ 係冇得訓醒就開電腦嘖！
成日以為自己今日返兩半，原來係一半！好彩係咁以望下，如果唔係就遲到成個鐘。
上個禮拜打風，變左今日係第一次上專業普通話。今期著重學語調，好過癮呀 XD

嘿～ 估唔到我竟然做左呢個 Tutor Group 既「班長」．．．好耐冇做過 D 咁既野。

跟住上左堂好虛既 Discourse。唔係完全話 Eddy 虛既（有 D 啦！）不過真係唔知呢科想點。
上完就去 CSC 整普通話班既 Contact List（我既第一個任務），跟住再去馬拉松買把遮。
丫！整整下 CL 走左去睇醫生，處理下我既鼻敏感。睇完去 Canteen 食左件三文治再食藥。
返落 CSC 個陣撞到白雪雪，問我跟唔跟佢地成班行去 JSC。算啦唉！我真係埋唔到呢班人堆。

一個人行去 JSC 個陣打俾魚魚。諗番以前，通常都有阿曉陪我行過去，而家冇 lu...

去到 JSC 見到人頭湧湧，不過感覺都係好陌生，就算見到葉 Sir、戴太都係覺得好陌生。
冇咩想講，打個招呼就去換衫。出黎見到 Gloria 同 Janice。嘿！大專有 Janice VS Yetta 睇。
戴太捉住我話介紹班 Freshmen 俾我識～ 邊記得到咁多名？！事實係我地都唔會一齊練。
竟然有少少開心，因為唔多覺有人係玩擲項。後尾 Kenny 帶左個黎，玩 Javelin 架喎！
同我冇「直接」衝突既～ 但係 Discus 個邊，Yetta 走唔甩，阿萍又咁犀利，Jav 又．．．
唉～ 睇黎我今年都摺得架喇！知道自己要早走，都拿拿聲 Warm-up，一個人閃去練。

估唔到仲有機會同 Janice 一齊練餅 ^^ 以我咁耐冇練黎講，都真係算係咁喇喎～ 我覺得。
練左半個鐘，冇中過柱，動作同距離都可以接受，自己都幾滿意 ^^ 八點先捨得去沖涼、換衫。
發現左個問題：「佢」仲未走，咁「佢」又點同「佢」食飯呢？咁．．．點呢？去唔成？！

打左個電話俾魚魚。涼就照沖，衫就照換，頭就照梳。就係一個短訊～ 好野！有戲睇。
又累又趕又懶，最後撘左的士去火車站。去到沙田就直接行去戲院，離遠見到魚魚既背影。
佢一路都響度傾電話，所以冇打俾佢。佢去到戲院門口先打俾我，我都響佢後面咯 ^^"
時間岩岩好，買完飛就入場。睇《Bad Boys II》-- 終於都睇到。話唔定星期四就落畫架喇！
都幾好睇，最緊要係好笑 ^^ 不過凍到黐線，搞到我同魚魚都縮下縮下 ^^" 睇完就散 lu...

撘巴士個陣冇訓覺，仲係好凍，個人吽下吽下咁，個腦唔知諗緊乜。唉！其實我都幾唔開心。
突然間電話響：「妳有冇睇月光呀．．．見唔見到側邊粒星呀？好得意呀～ 跟住佢咁。」
哈～ 魚魚竟然打黎同我一齊「賞月」^^" 返到屋企我就伏響窗口，幫月亮同火星影左幾張相。

響車度仲打過俾樂樂，其實我唔係有咩想講，但我想搵個人陪下我，只係咁．．．

上完堂又練完野，仲睇埋戲添！明明都好累架喇～ 但都係唔捨得訓覺，成晚對住部電腦。
丫！仲開埋電視睇《The X-Files 2》-- 原來做到 2 喇喎！《翡翠音樂幹線》都撈埋 O_o"

>>September 12, 2003 at 6:31:56 PM GMT+8

2003 年 9 月 8 日 星期一 【晴】

好懶 ^^" 醒左走出廳訓梳化，訓一輪又返入房，聽到爹爹醒左先彈起身～ 差 D 訓過龍。
搞呢樣、搞個樣：今晚去飲囉～ 唔可以執漏野嘛！搞到趕頭趕命，好彩都準時返到學校。
輕輕鬆鬆又碌左兩堂，仲有時間抄番 Discourse D Notes，最緊要係抄得靚一靚 =D

一落堂就飛身去畢架山，補完又飛身返 City 買書，買完書又上堂。大條道理遲到囉 XD
今堂完全冇訓，好叻。雖然應該只係得六成入左耳（同入腦係兩回事黎架！）但都好好喇～

落堂上 Locker 掉低 D 可以掉低既野，就拎埋我 D 行李去換衫。照鏡睇，自己都睇唔慣 ^^"

跟住就去地鐵站同寶肥會合，撘火車去新世紀，再轉小巴去奧海城。先去 Spagetti House...
我地個 Tea 都算豐富咯 XD 食完就行街。我竟然響 Vertical Club 呢 D 地方睇中左件衫．．．咳！
VC 本身係冇問題架！係我呢 D 咁既人響 VC 睇中野個下有問題。唔通呢期轉左口味？！
Window Shopping 仲睇中左一個好靚好靚既「幸．福．摩．天．輪」！如果係我既就好喇～
最後決定響 Food Court 搞我個頭。起初真係滿懷希望架～ 都怪自己 D 頭駛唔爭氣 ><
就係爭幾個頂夾，革命未能成功，差 D 連最原本個 Look 都整唔番出黎。都唔該晒寶肥。

最後都係靠一身既突破打扮殺上酒樓。打俾魚魚。哎也！唔記得左原來佢補緊習 @@"

又估唔到表姐夫係咁既款架喎 O_o" 有 D 似頭文字 D！不過表姐夫一開聲就 Man 唔起 @@
不過我對在坐每一位唔係打緊牌既親戚、朋友都覺得好陌生，早知唔咁早上黎啦 ><
結果坐左響表弟隔離，時而望下佢、教下佢做功課，時而睇下電視，後尾仲要玩手提電話。
臭表姐又話就出現，一就就就左我半個鐘頭有多，我可以謂悶到發謊！早知去補習啦～
不過我多多少少都係俾面大表姐結婚先出現咋！又要見下另一個好耐冇見既表姐呢 ^^"

食飯冇咩好講～ 唯獨是飲左阿爹三大啖紅酒（我真係唔識欣賞！）同埋「姨丈」好多口水 O_o
秉承我一貫既作風，基本上食完個翅已經飽晒，後面既都冇機會食到 ^^" 除左魚．魚頭！
當然～ 甜品（如果我鍾意食既話）同果盤我都會食啦 ^^ 今晚有芒果布甸！不過冇花奶既？！
得 D 相信係「維他純牛奶」既奶咁樣囉～ 怪怪咁。不過都好食啦！個果盤就灰左 D。
食完就走架喇！唔講我都唔會記得今晚係擺喜酒囉 O_o" 我同新人影左一張相咁大把咋！

跟住就坐爹爹車返屋企，兜埋八公八婆返去（真係叫八公同八婆架！）成晚又無無聊聊囉～
可能係習慣左夜訓，兩點幾都唔眼訓，三點幾就黎料，趴響檯度訓著左 ^^" 四點爹爹叫醒我。
精神左一陣，打打下野咁又眼訓。魚魚出現過一陣囉～ 不過好快又走左去 lu... 整機喎 @@"

>>September 12, 2003 at 4:26:21 PM GMT+8

2003 年 9 月 7 日 星期日 【乍寒還暖】

晏晝兩點電話響～ 係寶肥。啊！原來兩點架拿？不過起身咪又係上網 ^^" 等食飯。
爸爸又同媽媽嗌交，都係隻雞累事（斬雞呀！）都係哩埋響房換衫穩陣。
拿拿聲食個飯就出門口，電話教寶肥行，點知．．．唉！方向白痴真係方向白痴～

坐 87D。前座坐天個長髮男人加一個嘟咀女人，實在嘔心。至憎男人樣衰學人扎辮架勒！
窩打老道大塞車，轉地鐵啦！行恆豐。見到件背心，心郁添！寶肥就睇中左件小鳳仙。
行過幾個舖位又俾我眼尾及到對岩佢既鞋。行勻成個商場，最後咪又係揀番個兩樣？哈哈～
結果佢就真係買左對鞋同小鳳仙，我就買左件背心 ^^" 跟住就可以起程去葵芳勒！

去左間唔知日之乜，食日本野既，都有人排隊架喎～ 彷彿好平咁。都唔少野食啦：
凍飲 + 加洲反卷 + 鹽燒雞軟骨（有 D 失望）+ 蟹子沙律（好大碟）+ 饅魚炒飯 + 蒲燒饅魚。
食飽飯就去左換衫 XD 著新衫呀！不過著左上身又覺得唔係咁好睇 O_o" 再睇左一陣衫。
準備走勒～ 買左支水，沖埋葡萄靈就送寶肥去撘車。本來諗住過去架喇！點知又落雨喎～
一個人響商場流漣，再輾輾轉轉搵左條唔駛開遮既路去球場。結果要過橋，即係兜左個大圈。
不過時間岩岩好，過到去就開波勒！今日好人齊，好嘈 O_o" 哦～ 原來 Tony 即係家樂。

開波冇耐魚魚就入左球靚波 o^^o 我冇乜點出聲，因為側邊個個都大聲過我，我淨係識笑 ^^"
跟住 D 落雨落下又停下咁，我顧得部機黎又顧唔到自己，好彩有家樂幫我擔遮救命。
其實隊波個勢幾好，比我上兩次睇佢地踢波好左好多，就係爭咁 D 運仔，射極都唔入。
結果被人上半場被扳平，下半場開波冇耐又輸個十二碼，冇耐又再失一球。大勢已去 lu...
尾段魚魚有好幾個頭槌攻門都係爭少少．．．累喇！結果都冇踢完全場。輸 1:3。

「係咪全世界得一支架咋？」「咁梗係啦！」「Huh！咪係囉～ 阿邊個自己拎黎飲喎！」

等大隊換埋衫（一個二個都成身濕晒）就拉大隊走人。傻魚魚竟然走去買左成袋雪糕批！
成班人棟晒響天橋口等佢，好嘈 O_o" 搵左間野坐低飲杯野喎！嗌左杯熱檸蜜，嘩 >< 甜得滯～
飲完坐多陣就撇喇！撘地鐵轉火車，我都冇乜出過聲。返到屋企又係沖涼、上網。

唉！又不滿：唔專心（掛住同人講野）+ 影唔到擲界外球（太遲開機）= 唯有下次小心 D 啦 =(

>>September 12, 2003 at 6:28:26 PM GMT+8

2003 年 9 月 7 日 星期日 【暴雨】

*凌晨* 成晚忙住 Upload D DC 相～ 三四五六七月既都未 Upload ^^" 好懶呀～
七八月開始都冇乜影過相，冇乜帶過部相機出街喇～ 唔得喎！要影番多 D 至得 .\_/.
睇完四個女人（終於記得睇）就轉台睇波，三點幾閂機同樂樂傾電話．傾心事。

樂樂道：你無女朋友之份，卻行女朋友之事。
　　　　佢當你俾佢既係理所當然；你係唔係仲要次次俾佢？
　　　　一個唔知珍惜你既人，你俾幾多佢都係冇用。
　　　　佢連當你二奶既勇氣都無，或者係佢覺得你連做佢二奶既條件都未到！

早幾日睇《天下無雙》，梁朝偉飾演既小霸王，有以下呢一句對白：（係咁上下啦～）

　　　　　　　　　　「愛一個人愛得太深．會醉。」

我只可以話，我為佢做既所有野都係心甘命抵，能夠為佢做到 D 野，我會覺得開心囉！
愛～ 其實都可以話係一種感覺，愛得開心，愛又何妨？最怕係愛得唔開心嘖！
雖然我都知道，再咁樣落去，遲早我都會唔開心。究竟我係咪要等到片體鱗傷先會醒覺？

我幾時先識醒呢？嘿！都唔知幾時學埋愛得咁「轄達」（難聽 D 講係「戇居」．．．）

>>September 8, 2003 at 3:10:13 AM GMT+8

2003 年 9 月 6 日 星期六 【乍寒還暖】

朝早去乙明村補習。哎～ D 補習時間真係好鬼麻煩，接多份卡啦卡啦咁就慘喇 ><
下一站竟然係返屋企 O_o" 係啦！返去「得一得」又出觀塘陪阿 Ken 去倉睇野買野喇！
講俾魚魚聽我同阿 Ken 出去。丫！佢好似極力反對咁啵～ 但結果都由得我去 ^^"

一拖再拖，終於約左兩點半；時間岩岩好，冇遲冇早。去到禁埋個錢，就起行去業發勒～
先去 Adidas，零收穫。阿 Ken 提議逐層行下，睇下會唔會遇到 D 荀野喎！又即管睇下。
果然係真係有 D 新發現喎！不過跟住都係行番落 Nike XD 舞完一輪，就然俾我睇中左件風褸！
係好靚架喎～ 白色襯少少粉藍，再加幾條反光既邊，稱得上係「非．常．之．靚」架 @@
擾攘一輪之後，終於都拍板買左 ^^" 竟然係我買野先囉 O_o" 不過我買得好開心喎 =D
轉個頭佢又響隔離買左支香水。唔試真係唔知原來佢對香水咁有研究，噴過好幾隻俾我索。
最後佢揀左支我一聞就話「唔好」既香水！噴開喎～ 冇計。隻 Burberry Weekend 反而幾正 ^^"

逐層行又真係會發現到好多以前未行過既舖喎！連個個所謂既 Champion 特賣場都唔同左。
而阿 Ken 就響個度一口氣掃左三件衫 @o@ 不過佢三件衫加埋都平過我件褸。好抵哇～
行晒原來都成五點鐘。出面落大雨，我地兩個哩響一把遮下面，好不狼狽 XD 仲反埋遮添 XDDD
不過又即刻反番 XDDDDD 跟住去左「為食貓」度食．．．唔知叫 Lunch 定叫 Tea ^^"
又係一路食一路傾，條友又食煙 O_o" 都估到佢嗌完野食要等就會煲。可惡丫！話唔聽既 ><

都諗住走架喇～ 點知又鼠左入觀塘廣場，響一間小食 + 微型玩具店度睇左好耐 @@"
因為有第四代既生日熊呀！終於俾我搵到我自己個隻喇 ^^ 不過搵唔到阿 Ken 個隻北極之熊。
睇完一輪都係得我買左自己個隻 Bear。好開心呀！即刻拆左黎睇，都唔係好樣衰嘖 ^^"
跟住就真係走喇！佢去撘地鐵，我去撘巴士。魚魚個電話唔通。咩都唔駛諗喇～ 返屋企。

返到屋企冇耐就接到魚魚電話：「啊！你已經返左屋企拿？！Oh no．．．」冇辦法啦～
不過都唔緊要啦！用得 Coupon 又上呢套戲既戲院只得兩間，呢個時間套戲都完左咯！
慢慢度過啦～ 最驚佢係黎緊呢個星期四落畫嘖 O_o" 我地好似星期一二三都就唔到時間 =(
結果決定留響屋企（係已經冇需要出去）對住部電腦、電視。魚魚就去左沙田食飯。

本來魚魚問我上唔上佢度既，不過我都已經返左屋企咯，又有太多不明朗因素，都係算啦～

>>September 9, 2003 at 2:35:49 AM GMT+8

2003 年 9 月 5 日 星期五 【乍寒還暖】

碌碌下碌到 11 點幾先起身，煮左個生麵王，對左一陣電腦就換衫出門口勒～ 補習。
響巴士站撞到麥米米喎！一路傾傾傾傾傾到九龍塘。佢就趕得切囉！我要遲到三分鐘～
其實我本來唔駛架～ 又係架小巴唔開車之嘛！我自己又講電話講到唔肯收線 ^^"

第一個電話都冇乜野，上小巴無端端打俾佢就傾得好開心勒 o^^o 佢好似都好開心咁 ^^ Heehee!

個半鐘都係話咁快就過～ 最尾三個字加埋送既二十分鐘都係同佢玩 Scrabble 之嘛 XD
始終都係贏到開巷，好似恰細路仔咁。希望呢 D 活動教學既形式真係幫到佢學多 D 生字啦！
補完習就去佐敦同姑姐會合。激鬼死我 O_o" 早知佢咁遲我就 Stay 耐 D 玩多陣啦～

等到姑姐就行恆豐，基本上已經睇中左對架喇！不過嫌佢冇「爭」，同埋都想睇多 D 先。
又睇下衫咁啦！見到條 One-Piece，好似都幾好睇，不過等我減多幾吋手臂先啦 XD
跟住去行寶寧街，先去澳洲牛奶公司食個 Tea（即係 Lunch）．．．嘩～ 佢塊多士好食到丫！
肯定淨食兩件奶油多都會好滿足呀 ^^ 原來塊包好食就淨搽牛油都好好味架喇！個茶餐都唔錯。
食完就繼續行，買左件外套，又順手買左件背心。落起驟雨上黎，仲要係時細時大個隻。
結果行唔到加連威老道，都係折返恆豐睇番個對鞋，試岩就買咯！竟然係斷碼貨 @@"

丫我好似睇中乜都係咁架喎！梗係波折重重架喎～ 斷碼兼最後一對。又即管穿下囉！
啊 @o@ 竟然係 Fit 到漏～ 歡天喜地咁試埋另外一隻腳，照下鏡～ 連姑姐都話好好睇呀 ^^
試埋另外一隻色，都係呢對靚 D ^^ 再試真 D 就買起佢咯！仲要因為斷碼而平到笑呢 =D
歡天喜地咁就挽住對鞋走，執到寶咁 =D 行多一陣陣就搵巴士站撘車返屋企勒！好滿足咯～

返到黎又歡地喜地咁試鞋、試衫，襯埋晒真係幾好睇．．．除左我仍然要減肥之外。
跟手諗住沖涼，點知媽媽返；接到電話要拎個袋落街俾番龍哥（唔該晒！）返上黎又開飯 lu...
食飽飯就睇電視、上網、食生果。成晚不停 ICQ，同唔同人天南地北，乜都講得一大餐～
十二點幾先沖涼洗頭，沖完都係忍唔住口要食雪糕 XD 好味道～ 食完就開始打日記勒！

丫！魚魚補完習都有打俾我，我地又乜都笑得一餐。聽見佢笑得咁開心，我又開心 o^^o
不過兩點半先等到佢上網，好眼訓呀～ 但個頭又未乾喎！趁佢行開左去沖涼，我又恰左陣。
訓醒就執埋 D 野、飲左盒奶，完成埋呢篇野（頭先訓著左嘛～）就準備去訓 lu... =)

>>September 6, 2003 at 3:17:34 AM GMT+8

2003 年 9 月 4 日 星期四 【乍寒還暖】

開學以黎第一日覺得辛苦：上四堂（五個鐘）Tutorial。個個 Sem 都係星期四最辛苦既～
頭兩堂都係對住 Elsie，都冇乜野 ^^ 我似乎越黎越鍾意佢喎 XD 加上自己今日都 OK 精神啦！
跟住上 Duncan，都 OK 跟到上堂個節奏，又備左課呢！係唔同 D 既～ 呵呵！Keep it up ^^

P.S. 今朝早左個半鐘起身 Print Notes，跟住落左麥記，十五分鐘內邊食早餐邊查字典呀！

上完 Duncan 黐埋 Karen 同同學甲（唔好意思～ 我又唔記得左妳叫咩名）去 City Top 食 Tea。
嘩！佢兩個食 Tea Buffet 呀 O_o" 我都有少少想食架！不過今朝食左好豐富既早餐喇～
結果都係乖乖地食個 Tea Set 就算勒！蝦多士都唔錯既～ 不過望見佢地真係好豐富咁囉！

丫係～ 響 Elsie（黐牆）度拎番份 FYP Proposal。ＹEＡH！利物浦個份 OK 左呀 =D
結果都可以譯番自己鍾意既題材（肯定係佢懶睇 911 個篇。）我會盡力做到最好架～

最後一堂係 Interp.，就係我今日心情既轉捩點！我要 Elsie 呀 >< 我唔要阿 Jim 呀．．．
我唔鍾意佢囉！佢一句 "dichotomize the students into achievers and losers" 令我好反感呀～
一上堂就不停提住認得邊個學生（幫佢做 mentors）又不斷同 Leo 講野，好唔得囉！
我完全覺得佢係「我係偏心架喇！你幫我做野，我咪照住你囉～ Vice versa。」咁樣架 ><
跟住又有意無意咁晒命．．．我明白你係好 Proud of 自己既成就，但我唔 Buy 你呢套架喎！

咦也～ 好難頂呀 >< 仲要對住佢十二堂呀！我最有信心個科既 Grade 就操控響佢手上喇～
我要 Elsie 呀！點解妳唔開班喎？！Alan 同 David 又開得一班，Full 左肯定冇人放啦 =(
呢條友極度煩氣：「你睇一百次都唔緊要～ 你肯睇一百次就最好啦！」呢句野佢講左五次。
講野個 Tone 又 Flat 喎～ 我唔想訓架 >< 但結果我都係訓左，仲要 Catch-up 唔到．．．
我真係有因為自己呢堂恰著左而覺得好唔開心囉！我同自己講，呢個 Sem 要好俾心機架 ><

落左堂真係冇晒心機，直接轉入 CSC 即睇 Master Class Schedule。唉！冇喇～ 冇得轉。
咁岩魚魚打黎，聽完個留言、覆埋個電話，心情好番少少啦 ^^" 走上走落擺番件褸就返屋企。

今晚要補習，一返黎就摷野食，見冇野食就動手煮飯。極速煮熟飯，煎隻蛋，滾番熱 D 湯。
食飽就趕去補習。今日教 D 好簡單既拼音。佢真係好聽教 ^^ 結果補左個半鐘，時間過得好快。
踱返屋企個陣打俾生哥，睇下佢響邊，點知佢睇緊戲；打俾龍哥啦．．．嘿！一齊睇緊戲～
返到屋企沖完涼都係上下網咁，無無聊聊。點幾鐘攤響地下訓著左喎～ 三點幾先醒番 ^^"

熜機個陣爹爹就返喇！聽日又 Off 嘛～ 冇乜所謂啦 ^^" 我想見多爹爹幾面丫嘛 =D Heehee...

>>September 5, 2003 at 10:38:39 PM GMT+8

2003 年 9 月 3 日 星期三 【乍寒還暖】

Year 2 Sem A 第一個真真正正既 Day-off，十分有建設性地一早起身就走左去唱 K。
好耐都冇見過哥哥（梗係啦！人地都唔得閒見我～）佢又話我瘦左喇 XDDDDD
好多想唱既新歌原來都未有 Karaoke ^^" 本來話唱到一點，結果都成兩點先 Cut 歌呀！

慘啦～ 唔知魚魚聽唔聽到哥哥把聲呢？不過有 "3 呀！哈哈 o^^o 哥哥好衰囉！笑我 ><

唱完去左「上日子廣場」業務巡視，跟住話去洪葉睇書既，點知變左掃街 @o@
見到有 Beardpapa 呀 ^^ 同哥哥一人食左一個芭芙。又新出左朱古力面既，不過 $12 好貴～
普通個款學生價 $8 隻咋！貴 $4 咪又係多一浸朱古力之嘛～ 不過同哥哥食都開心既 ^^
唔係阿 Ken 上次監我食，我都唔知原來真係幾好味，不過肯定好肥，仲要加多浸朱古力添！
哥哥食完芭芙，轉個頭就買左串唔知咩丸。我咬住唔夠兩秒就嗌辣唔食喇 >< 哥哥啃番。
食完都冇上洪葉，直接撘地鐵返 City。呵呵呵～ 我要帶阿哥上 City Top 食 Tea 丫嘛～
兩個人食左一件 Cheesecake 加一個 Tea Set，飽晒。不過 City Top 選擇少左又貴左呀 ><
就逼哥哥送到我去小巴站就拜拜喇～ 撘小巴上去補習。補完習行番落去撘巴士返屋企。

弊啦！大食喇 @@" 補習個陣明明覺得頂住個胃，返到屋企又肚餓～ 頂唔順，烚左隻蛋食。
食蛋既時候，媽媽就返勒！都知衰架喇 O_o" 食左半碗飯嘖！食多 D 湯渣（蕃茄薯仔）算 lu...
跟住成晚做咩呢？打．日．記。花左成晚時間先寫番晒去 O'Camp 個三晚既日記 @o@

好耐冇同阿樂 ICQ，竟然傾起 D 幾敏感既話題 @@" 不過我用平常心討論架嘖！唔～
差不多兩點先轉用電話傾，一傾就傾到四點（三點幾嗌收線，收唔到 XD）有 D 野喎！
不過都有 D 唔開心．．．同得我講野，我會想你信我，如果你唔信，咁不如唔好講算了。
除左呢樣野，都仲有 D 其他既～ 不過係 D 好抽象既感覺，我唔識講我係因咩唔開心。
不過都多謝你啦！同我傾左咁耐，又講左 D 我自己未必睇到既野，俾到新既思考空間我 ^^"

>>September 13, 2003 at 1:19:23 AM GMT+8

2003 年 9 月 2 日 星期二 【驟雨】

響三號風球之下，11 點半先起身 ^^" 今日返一點半，本來都夠時間煮埋野食先返學既～
不過由於天氣不穩定，作為一個聰明既學生梗係要先留意天氣報告，睇清楚駛唔駛返學先啦！
結果開左 ICQ 同 Newsgroup 就一發不可收拾，完全冇時間煮野食，但又問唔到 D 咩喎 O_o"

最憎呢 D 日子，City D 指引又寫得唔清唔楚喎～ 甚麼 Pre No.8 Signal，點先算 Pre No.8 先？
開頭問又話有人打左番去話未掛八號都要返，問多兩問又話可能 Pre No.8 已經唔駛返。
結果我都去洗頭、換衫，死問爛問（死都唔肯出門口住）結果又話有人打番去問左唔駛返咯！
真係麻煩～ 好彩我返 1:30 嘖？！返早一堂已經幾乎白行一趟。好彩都唔算狂風大雨～

唔駛返學就煮野食啦！煎豬扒，再加埋 D 隔夜湯同送，咁就同阿哥兩個人搞掂左餐 Lunch。
打風既日子，困響屋企冇咩做都係離不開上網架喇！好悶囉～ 上網上到頭痛就訓晏覺。
其實我尋晚已經訓左八個鐘，都唔知點解仲係會頭痛既 @@" 不過橫豎都冇野做，當補眠囉～
阿哥有提出過打真麻雀架！不過媽媽有明星陪，爸爸又冇興趣，結果都係冇得玩．．．

一訓就訓到食飯（其實訓左兩個鐘都唔夠）。食完飯就心血來潮要執執 D Notes。
哈哈～ 上年 D Notes 仲係唔多整齊地棟晒響書檯。執完一輪都係上番網，開左張國榮黎睇。
佢真係好靚仔呀 o^^o 仲要多謝爹爹買既石板街喎！我只係講左句：「我想食雪糕。」

話唔睇又睇，老土！下次唔准喇～ 我同自己講既。忍到個幾月，點解唔忍耐 D？冇下次呀！

成晚都係無無聊聊架喇！上下網又睇下碟咁，電視都冇乜點睇啦～ 都係睇颱風消息。
呢個風話係廿八年冇見既雙風眼颱風，中心風力仲勁過四年前既約克，移動速度成三十公里。
本來話打香港打到正一正，不過都係走歪左去深圳，最重點係佢行得太快了．．．
尋晚一號，今朝三號，兩點幾八號，九點幾九號，十點又變番八號，真係「快來快去」。

都好既～ 唔駛造成咁多傷亡或者損失 ^^" 我最唔想就係聽日 Day-off 要困響屋企囉 XDDDDD

>>September 3, 2003 at 10:53:39 PM GMT+8