2006 年 7 月 29 日 星期六 【晴】

今朝11點幾老公爸打0黎叫我0地12點半去食泰粉!
嘩~一星期食兩次,食都食到厭...
藍田又冇咩野好食~!
食完老公爸要老公一齊去九龍灣睇車!
我第1次去九展!
原來果度都有得睇車!搭215x去!
去到...架車極度嘔.........
老野車果D咁!似係D大陸人,3,40歲揸果D!
隻色又核突!都賣成4,5萬!
完全唔值!我覺得只係架垃圾!
睇完同老公等free bus出返去!
再搭74x!返到家...又係冇野做!
hea...........
4點幾亞琳msn!
之後佢話去馬鞍山,問我陪唔陪佢去拎制服!
我見有一排冇見,又冇野做,就出左去!
搭去大學轉小巴!
馬鞍山冇變過~
不過,我唔係太認得d路了!
因為有兩年冇去過~!
佢間shop太多人,忙緊,於是我0地去左飲野!
坐左好陣子先返番去!
拎完就走了!
返到家都7點多!
搭12蚊果架小巴一程返大埔!GOOD~!
返到去,同第2果個都係煮公仔麵!
亞媽佢0地出左打冷!
去到大埔墟咁遠!我0地都唔想去呀...
食完hea陣沖涼!
MSN,秋然開web cam!
亞東去左佢度,仲見到秋然兩個細佬添!
亞東cut左髮!終於cut左!
又話剷,都唔係既!同秋然差唔多長渣ma!
等老公電~兩點左右先訓著!

>>August 1, 2006 at 3:48:28 PM GMT+8

2006 年 7 月 28 日 星期五 【雨】

11點幾起身!make up,換好衫就出門!
係荔枝角地鐵站等第2果個!
行香工!點知陪行既我最多收獲!
好彩我0地早少少行!d人收工食完飯兩點幾過0黎行!
所以我0地走果時好多人!
買左兩對鞋!打算平時襯下衫!
果D鞋唔可以成日著的!
不過我兩對都喜歡!仲好平下添~
跟住買左條裙同一件衫!
兩件打底既襯衫!
條迷彩裙之前係姐姐度已經睇中0家啦!
但係覺得唔夠短渣ma!
一直都睇唔0岩d裙!
今次又俾我見番!仲要$60渣!
平左$100!!!條裙我仲要係月頭先見過0黎!
行完先食野!下午茶時間!
食完去九龍灣!因為Lids開倉!
仲以為唔識搵好難搵!
好彩我記得大約點樣行去工業區!
好快就搵到!都唔難搵!
果度即頭係Lids既office!
嘩~D帽真係好平!
$10-50左右渣!當然$10-20既係damage貨!
但係我0地買果D完全無問題!
我用左$160買左四頂!兩頂係買俾老公的!
第2果個用左$140買左3頂!
真係超平呀!
D款仲要唔差0家!幾多牌子下!
個sales幾好禮貌!同平時shop既sales唔同!
可能果度係office關係吧!
唔知係咪無咩人知果度開倉!所以果度無咩人睇帽!
去到都係得幾丁友!走時無哂人!
買完走人!去左tea~
果間士多啤梨原來d野唔貴!
廿幾蚊有野飲有cake!
我果件軟心朱古力仲幾好食添!~
食完5點幾走人!搭bus!
塞車.....一落雨天就會易抄車!
見到成架電單車訓低左!
呢兩,三日係吐露港都見到有抄車!
返家食飯!
老公食飯打俾我講兩句!
之後我8點幾出門去佢度等佢回來!
又係大中見到亞偉!佢而家唔係健康大使!
轉左做橙色人仔!傾左陣計!
得知佢同carman散左!
散果時carman有左3個月!
個BB係第2個!勁大打擊囉~!
俾著係我真係接受唔到呀!
估唔到carman係咁既人0黎!
平時斯斯文文既佢完全唔似咁衰!
之後佢有野做,唔阻佢我都走了!
去左APM K-2睇下有冇老公想買果條褲!
點知無!得尖咀之前見到有!
唯有下次出去先買吧!~
10點前上到老公家!
有湯飲!好!!!
今天真係大收獲呀!好滿足~

>>August 1, 2006 at 8:42:07 AM GMT+8

2006 年 7 月 27 日 星期四 【乍寒還暖】

唉~超多野做呀今日!
一返到去開部腦見到D野唔同左D!
有D我之前無既野係度!
之前做個十個藥盒無哂!
個客send e-mail話有野要改!
我以為果十個藥盒俾willy抄左去啦!
佢返到0黎仲問我係咪洗左!
鬼得閒洗咩!做得咁辛苦既野唔會亂放囉我!
同埋我發覺有人用過我部腦0黎!
之後都係唔理了!搵極都搵唔到!
結果重新做過!用willy果D未完成版再做!
因為我部腦果D係最update!
無左.............
下晏食完飯係咁做!
攪到又遲收工!搭9先走!
收工返家!
經過大中見到有水母同沙魚果D!
果度整左好一排0家啦~
原來係放呢D生物!
好多人圍觀!不過又真係幾靚!
好想行近睇!但係一條友都係廢事了!
好似好on9咁...
um.........我諗又好幾日見唔到老公!
好幾日唔會去佢度0家啦!~
夜晚如常等佢電!
明天同第2果個行街!好事~!
而家同老公少左見面!
同我D朋友都聯絡多左!
有D好耐冇見既都有msn我傾下計!
um.......有時都幾悶下~!...

>>August 1, 2006 at 2:14:03 AM GMT+8

2006 年 7 月 26 日 星期三 【乍寒還暖】

太累關係今早沒有上班!
結果同了老公一起返大埔!
又搭地鐵火車!
返到家冇野做,又係hea.....
上陣網!訓左陣!
等老公食飯同收工電我!
明天要返工了!

>>August 1, 2006 at 2:13:55 AM GMT+8

2006 年 7 月 25 日 星期二 【雨】

不用上班!不過.....冇同老公二人世界!
只係陪老公攪架車既野!
亞業又放假!又會咁0岩囉~
之後佢又搵左亞業出0黎陪!
都唔明點解次次都係咁!!!
話今晚踢波喎~!
好彩我今晚都約了朋友!
免我又係得我一個發呆,又一大班人拍拖...
攪架車......最終都唔要得啦架車!
打左俾人叫佢收!3000蚊!
係北區醫療果邊等!
果度等左老公爸等左幾耐下!因為佢又0黎,之後上路!
um...眼見老公架車要拎去< 湯 >
其實遲早既事,就算賣左俾人!
只不過我0地見唔到果刻既情景!
架車行元朗方向...老公坐亞聰架車走時仲係咁望住自己架車走!
我都知,一定好唔捨得!
我都唔捨得!但係相信個程度冇老公咁深!
眼見架車走...um.....其實架車我都好多回憶0家~
老公因為自己既第1架車!又有好多回憶!
咁就?左年幾耐!~架車又唔係勁多野整!
又冇大撞!架車都幾乖仔!
如果唔係架車就0黎玩完!都唔會行到呢步!
咩野都會有第1次!人就係咁...
冇第1次就唔知第2次應該要點樣做!
所以我係出車前影左兩張相!
um...之前果d好彩有post過上網!
雖然電腦之前壞了冇哂d野!但係仲可以有留底!
因為post過係個日記網關係~!
叫左亞聰幫手跟尾,唔係我0地冇左架車唔知邊度走!
好彩記得亞聰今日係放假!
亦都好彩亞聰係度,所以可以車我出去食飯!
原本miss lee 0黎的!但係冇朋友同佢前一日確定時間!
最終佢話煮左飯唔出!
攪到我0地好多位朋友因為miss lee唔0黎就唔0黎!
講真果句呀,次次約都咁難!
難得又大家肯出0黎就0岩時間!
一句miss lee唔0黎就唔0黎都幾過份囉~
其實個意義係我0地班朋友可以出0黎聚下!
幾難得見面呀而家!一個二個都話呢樣唔得果樣唔得!
攪到今晚得我同EVA兩個女仔!
一共得7個人食飯!
搵地方食啦~好多人!平日都咁多人囉MK!
之後去左間叫星加玻餐廳食!
個位唔知仲咩事囉!超凍!好似趕客走咁!
我0地勁快食完野就走人!hea都冇hea!
不過今晚都幾開心!又講下以前中學既野!
以前中學唔知點解D男仔成日都係走廊跑!
葉洋扮弱痂係走廊追肥章攪到肥章怕左佢!
食田螺時彬同RB走開左!
咁肥布同彬都坐我隔離!
跟住肥布隻完果隻係上面加點薯容就放係彬隻碟上!
到彬返0黎,之後打算食,點知整0黎整去都冇肉!
之後肥布話要搵經理!
真係笑死我!之後彬拎左隻新!
整出0黎見好核突就唔食!
仲吉住左,放左係肥布口面前叫肥布食!
肥布諗都唔諗就食左!
我係隔離覺得當時我情景好攪笑~!嘿嘿嘿...
佢0地今晚又講戀毛碌野細好似牙籤!
都唔知點解次次都係咁講!
跟住我話大隻佬通常細,瘦既起不是相反囉?
之後我話RB勁啦!
RB就勁白痴話底調D!
之後叫我幫佢吹!真係屌呀~!
跟住又扮野老飛!~係咁整乾條褲!
次次我0地都會講D性既野~!同中學仍然冇變!
只不過大個左,冇以前中學講得咁勁!
um...同班朋友一齊感覺真係好舒服!~
呢種感覺好難係第2班朋友搵得到!
可能大家識左好多年,知大家性格!
又一齊玩過好多野~um...最真既一面表露出0黎!
或者可以講係天真,但係係最開心!~
食完大家都返大埔,佢0地去督波!彬搵佢女友!
陪我等觀塘小巴!THX~
去到觀塘先搵老公!呀~!佢話唔踢波!
但係又叫左我上康寧果條斜路搵佢!
我本身又唔夠氣0家喎!叫人行斜路真辛苦呀.\ /.
之後陪佢0地等完一個又一個就去左食飯!
佢0地去花園食!老公請佢0地食!
um...唔知點解老公冇啦啦請朋友食飯!~
不過都係算,只要唔好成日係咁就得了!
之後搭小巴返老公家!
沖涼~!好累...但係3點幾先訓著!真係好累..............
今日既假期,咁就完左~
唉~好耐都冇我倆出街啦.\ /.

>>August 1, 2006 at 2:13:45 AM GMT+8

2006 年 7 月 24 日 星期一 【晴】

今日設計個藥盒!我已經做得好快了~
但係我唔知做得好唔好囉!~
因為佢話要金色為主個客鍾意!
但係我好驚又俾人話做得唔好!次次做d野出0黎都唔鍾意既/_\
今晚6點9先走!見聽日唔返工,所以晏少少先走!
做多少少野!收工之後就走!
返大埔買左洗面奶for係老公度用!
同埋買埋折毛液!我果支冇哂~
咁0岩TOTO今日唔駛返工!佢食完飯去左姐姐度!
睇左陣衫,呢期姐姐d衫係tee多,都冇咩衫靚咁!
自己行下香工仲好過佢果度咁,又平點!~
行完就返家食飯~
我收工都冇直接上老公家!
因為我知老公家成日都係出街食飯!
其實平日返工lunch已經出街食,我唔多想夜晚果餐都出街食!
我鍾意食主家飯多點!~
所以我而家就算唔識煮,將來我都會煮飯的!
同埋我鍾意飲湯!所以我一定會學煲湯!
你放心啦老公!~呢一刻唔等於將來都係咁!
我知道將來有左家庭就會完全唔同~!
夜晚等老公收工車我去佢家!
睇TV,超多野睇!好耐都冇好好咁睇TV啦!~
等到12點多少少老公就到我樓下!
咁0岩老豆今晚又唔返0黎!又會咁0岩!
12點8個字左右就去觀塘~
揸車真係唔同點!快好多!
去左食糖水!因為老公肚餓~!
唔知幾耐未試過只有我倆夜晚食糖水!
食完就返家沖涼!~
成4點幾先訓得著!........................
原本仲好眼訓好眼訓好眼訓...
因為要等老公0黎,所以我一直都未訓!

>>July 27, 2006 at 1:08:59 PM GMT+8

2006 年 7 月 23 日 星期日 【溫暖】

又返工!係咁做係咁做!
lunch叫左老公0黎陪我食飯!
因為Carly話老闆0黎!呀...點知台灣打風,最後又唔0黎!
早知我就叫老公唔0黎啦~!
但係老公0黎到又發脾氣!因為我既關係令到佢冇時間都0黎搵我!
我真係好想講,如果真係我關係咁辛苦就唔好0黎搵我!
0黎到又俾面色我睇,我真係好唔鍾意!
幾為我都好,都係咁既面色!
難免我會黑面囉!~
俾我覺得你有多唔願意0黎咁!!!
你所做既野就算唔講我都知道!
點都好,0黎到就唔該唔好黑面唔好發脾氣!
會俾我覺得你極度唔願意0黎好似被迫咁!
我亦知你返工忙!唔夠時間,都肯抽空0黎亦都好多謝你!
之後食完我就走人!佢又係度小我之後又發脾氣!!!
食完lunch,喊左陣.....返番入公司!
不過今日好free~因為Willy兩點幾打返0黎話見客返唔切0黎!
所以今天得我同Carly仲有另外果個女仔係度!
實在太好!好少可咁準時可以收工!
但係都要做,因為廢事d野做得咁慢!做得咁少...
下晏冇啦啦落大雨!聽聞仲落< 薄 >
真係超大雨同埋又行雷閃電超勁!
退地攪好哂,6點走人!
老公原本想我今晚去佢度!
結果我都係簡左唔去!
仲以為家有得食飯!所以返左家食啦~
點知亞媽約了朋友!我以為佢淨係去下晏添~
結果成11點幾先返到!
我同第2果個買左外賣!
表姐夜晚0黎左印履歷表!又搵工!
係診所做都幾好呀!我都想做呀!
我想做d free點既工!唔想辛苦...
設計都唔係我既理想~!唔係為錢都唔想做!
為左將來先做....唉~!
好累好累好累...............................
等老公打俾我之後我都訓了!~
聽晚先去老公家!因為我0地星期3都唔駛返工!

>>July 27, 2006 at 12:48:06 PM GMT+8

2006 年 7 月 22 日 星期六 【晴】

係老公家起身~
老公爸係度!結果今天去了飲茶!
老公架車其實有問題!但係老公爸又話冇問題!
結果老公今日揸左車返工!
老公今朝約左人睇車!
不過條友好似驗屍咁驗!又話買打俾佢果d~!
12點半左右同老公搵位飲茶!
一件好少事我0地又有少少嘈交!
我未去過果間茶樓飲茶!
老公又唔同我講清楚!大家分頭等位!
點知老公等果間快點!咁我行落去啦~
去錯了!我以為係果間點知唔係!
我當然燥哂啦!~又唔講清楚!我又未去過果間!
再加上我平日飲茶都唔駛搵位!同家人搵都唔駛我搵既!
又去錯地方,又唔講清楚!攪到燥哂~
飲完之後同老公返去拎車就車我返家了!
返到家,夜晚訓左兩粒鐘!
攪到訓唔著~同老公sms,傾電話!
成4點先訓....................好辛苦!

>>July 27, 2006 at 12:33:33 PM GMT+8

2006 年 7 月 21 日 星期五 【晴】

Happy day!~Because today go shopping with sin!
朝早訓到10點幾起身~之後刷洗完打俾老公!
佢約左人睇車!呀...點知條友甩左底!
結果佢打完機同肥雞食飯!
我留左係家煮公仔麵!
兩點幾出門搭KCR!去左新達買捧!
跟住先出去!太耐冇去香工!半年有了~
還以為係長沙灣地鐵站!
我講過幾次亞倩都話係長沙灣地鐵站等!
點知去到,E!?個地鐵站唔同左既?
我問係咪真係呢個!之後佢話係!
講多幾講佢睇一睇自己係邊個地鐵站,原來係荔枝角!
結果我搭多一個站!
終於去行!不過行左一陣亞倩要上番地鐵站搵佢男友俾野佢男友!
因為亞倩有袋野,係for聽日去沙灘既!
廢事拎住咁多野行街!結果我係度行陣等佢!
行行下有人話我隻眼好大!
可能今日紮起了頭髮睇到哂成個樣同埋化妝關係吧?
我全日買左3樣野!但亞倩冇!
係香工買左兩件衫!一件tee!超級平!!!
而家香工做緊on sales!好多都好平!~
原本今朝同亞琳msn,佢話佢下晏都出TST!
我話我大約黃昏先到!佢出去搵佢男友落場!
但係我仲未行完時佢已經打俾我問我係邊!
之後又sms 0黎話返大埔!話一個人唔知去邊!
咁我真係好耐冇行香工!冇可能未行完就走!
結果我話唔好意思未行完,完左對話!~
行完去TST搵野食!食完飯之後亞倩陪我整埋隻錶就走了~
其實我想行DFS 0家!因為我有野想買!~
不過行到新港時又忘記了!結果走左~
同埋我想行Quilksilver買背心囉~!
結果又冇行!因為佢搵佢男友ma!
同佢男友買拖鞋for明天~!
算吧!我都唔留人!9點9左右到老公家!
沖完涼11點幾等老公返!!
期間MSN,ICQ!
老公返到0黎就話我!
當時我諗...早知唔0黎仲好!
有時係度諗,上到0黎,又話我!
咁...我仲咩要一條友上0黎等?
已經唔係第1次!有時...真係唔想上!
可能因為真係著緊我0地段感情你先咁...?
之後冇野,成3點先訓!
今日行街...
見亞倩成日都同佢男友出下街去呢度果度!
見kiki同佢男友都係咁................
我............發覺....我倆好耐都冇行過街!
影相更加冇!
貼紙相就係我同你0岩0岩一齊果時果一張咁大把!
你講過...行街好累!同我行街都累?
每次見到你行街辛苦又話呢樣果樣,我更加不想同你行街!
um..............算吧!~
而家我0地見面時間只有我夜晚上去你家等你!
就係夜晚果少少時間!
拍拖行街............都係算吧.................
就算出街,都有你其他朋友係度!
好似同你D朋友拍拖咁!一大班...
又或者有時我唔駛返工下晏係你家!
你亦會叫亞君0黎!連兩個人相處果少少時間都有第3者係度!
平日上你家,你返工開頭果一個月,每次上你家都有其他朋友係度!
總之我上你家,耐唔耐都有其他朋友係度!
我都唔係每日上0黎,點解每次上0黎都有第3者係度?
um...或者只是我渴求太多吧?
可能真是我俾太多壓力你吧?
或者我鍾意既拍拖方式同其他人有分別吧?
行街食飯睇戲,都是同朋友做好...
我都係少點上0黎你家好點了.....

>>July 23, 2006 at 3:04:20 PM GMT+8

2006 年 7 月 20 日 星期四 【晴】

又返工啦~!由老公家出發!
搭小巴時塞車!攪到成10點先返到公司!勁嚴重!!!
朝早慢慢做我手上既工作!
下晏係咁做說明書!成6個咁多!
因為個客趕住要!
朝早有d photoshop既野唔識打俾肥雞!
點知佢唔聽電話!SHIT!!!
打俾老公!好彩老公識!
呀~而家做設計呢行真係唔同D呀下~
分分鐘仲叻過我!
我呢D學野咁慢,佢果D要快!可能學兩,三個月等於我一年!
做做做......
好彩準時6點收工!
返家食飯~
夜晚都係等老公電~!
太累!send send下都冇覆!1點前訓著左...
決定下星期尾問多次人工點樣!
冇可能轉全職唔知自己人工點樣0家ma!

>>July 23, 2006 at 10:02:04 AM GMT+8