2006 年 5 月 30 日 星期二 【乍寒還暖】

訓到12點先起身!同左老公,老公媽食lunch~
老公要北上!兩點幾陪我等小巴出MK!
嘩~等左好耐,而且好多人出去!結果行番去德田樓下等!
出到去,同Wendy捉迷藏咁囉~
佢行呢邊我行呢邊,搵左幾耐終於搵到大家!
再去朗豪坊搵埋Isir!係euro gogo tea!
坐左好耐,傾左好多以前既野!
原來以前好多人鍾意過我!
原來朱仔真係鍾意過我0家!
果時佢同我表白,我趕時間出門口冇理佢!仲以為佢玩野!
因為果時同佢fd~我返正形,佢係CWB返工朝早都有打俾我!
原來果時同鋒一齊,有咁多人話我唔0岩!
話鋒好似隻狗咁跟住我後面!又對我太好,我又對佢唔好!
人0地覺得我係衰人!
事實...初初一齊果幾個月我係唔鍾意佢!
或者佢對我太好!所以我俾佢感動到之後都鍾意佢!
佢專登lunch送我返家先再返家!攪到自己食唔到野!
果時好多人都話我咁做唔0岩0家!
不過一開始就係咁,已成習慣!我又冇叫佢咁做既!
人0地話我係衰人,我諗我初初都係既!係我自己唔識珍惜啦~
tae完之後我0地行左陣!
原本係陪iris買唇彩!係沙沙度玩左陣又去返西武!
點知呢,去到YSL,結果係我買左野!
佢只係買左支唇彩0者!買滿1000蚊做VIP仲即時有折!
果時我已經有睇中左野!最終就買夠1000蚊做左VIP了~
iris走先做節食飯!而我...原本都要,但係見第2果個去!
我本身都唔想去,當然最終冇去啦~
原本同Wendy食晚飯!但係呢我0地都唔餓,結果返家!
打算第2果個係度,就返去先啦~
走時打俾老公,佢0岩0岩入完油!叫我一齊去食飯!
我話佢0黎車我先去,於是老公0黎左MK車我返去!
係老公家飲湯,飲完湯先落去食飯!
去左珍記食!終於老公食到佢想食既野啦~
咖哩抄蟹,不過佢話冇想像中咁好食喎!
老公爸媽走先!我同老公落去地鐵站,因為佢hceck亞君入左錢俾佢未!
佢0地成班琴日返學交錢借大家既錢交!
攪掂我0地慢慢行返老公家!
o.............明天要返工了!

>>June 4, 2006 at 1:52:23 PM GMT+8

2006 年 5 月 29 日 星期一 【乍寒還暖】

今日返學喎~攪到連續兩日都冇返工!下個月要返多點先得!
成績......................=________=。。。
20分以下要下年重讀!
呀?!又會咁0岩個個都夠20分既!
亞君同flora俾人小爆都有20分以上!
亞倩果日果D人就個個都幾高分!反而我同老公評審果日個個都唔高!
最嚴既居然係我0地果日/_\ 唉~~~
唔夠40唔知幾多分就要交500蚊去讀果D班!
for唔夠分果D人讀!仲有謝師宴!!!
攪到一共交750蚊!唉~~~
逢星期6返11-1點!好彩唔駛返工!下個月可以努力搵錢!
放左學同亞倩食早餐!之後同佢CWB,因為同佢睇下游衣!
佢又打算買野~呀...SOGO on-sales!超想買Roxy背心呀/_\
120蚊左右就有件啦~唉~~~~~~~
之前我睇中既裙,呀!!!居然而家都on-sales緊!
又有野想買啦~不過我冇錢,算吧!~
點幾左右亞倩就返工!跟住我去搵老公!
好累呀!!!有點燥囉!佢0地居然打左兩粒幾鐘機都仲未食飯!
之後又行番去灣仔!等佢0地食完同老公返家!
結果我真係訓著左.......
老公之後都訓著!到6點2左右就叫醒佢返英文班!
今晚難得返英文班冇訓過!當然啦~唔駛返工ma!
放左學去返珍記食飯!濕東0黎左搵我0地!
跟住去拎車,經過平田果條路!有3條友!
正一仆街仔!濕東經過聽到佢0地話叫我0地返家打種!
原來老公原本係同佢0地唔0岩既!
屌!~不過冇法,老公一直都住呢度!同佢0地嘈只會麻煩!
我0地去左鯉魚門!之後聽到老公話早前有人跌落海死左就係果個碼頭!
老公原本仲話係碼頭邊屙尿!當然唔好啦~之後去左D冇咩人既地方解決了!
濕東聽完老公講既野驚,又落雨呢~咁我0地就去左觀塘碼頭hea!
我未去過果度!之後hea左陣買野飲送埋濕東返家!之後去老公家過夜!
呵~聽日約左Wendy同Iris!好耐冇見了!

>>June 4, 2006 at 2:19:44 PM GMT+8

2006 年 5 月 28 日 星期日 【乍寒還暖】

星期1................
琴晚太夜訓關係,同埋對眼仲係有D敏感!
對住電腦太耐會好辛苦決定唔返工了!
冇耐亞君0黎左喎~!我0地決定左去飲茶!
我0地飲茶之前買左D零食!哈~我買左家庭裝熊仔餅!
好平!3個人100蚊都唔駛!
跟住老公去見車房,不過係新界好入!
老公爸做野果邊度見!於是揸車!見左十幾分鐘就走啦~
老公車我返家,返到家都係4點幾0者!
返到家都係上下網!
聽日返學!um..........連續3日唔駛返工!
星期3端午節紅日!

>>June 4, 2006 at 2:13:46 PM GMT+8

2006 年 5 月 27 日 星期六 【晴】

今日起身之後冇野做,諗緊出唔出去好!
老公又整襯隻腳!結果冇0黎到.\ /.#
跟住又係我自己上去.....
叫我唔好嬲!
=___________=。。。4點幾上到去都係冇野做!
不過我仍然有點嬲!
見到老公某D圖,我只係講下叫delete0者!
佢就搵亞魚0黎同我比!仲話亞魚唔會抄肥雞D野!
有冇攪錯!係你一向都俾我抄0家ma!
最討厭搵人0黎同我比!!!!
成日都係家........悶爆!
今日戴左眼鏡出去!因為對眼原來係敏感!
俾亞媽話左兩句,搽左藥膏冇化妝就出街了~
勁耐冇試過唔化妝出街!
我D皮膚成日好易敏感!/_\

>>June 4, 2006 at 2:10:00 PM GMT+8

2006 年 5 月 26 日 星期五 【雨】

今日...成日都落住雨!
10點幾老公打0黎話佢係上水!
但係佢又話大雨,我又未起身!最終佢冇過0黎接我出去!
又話咩第2日先,又話睇下晏D點樣~
成日.........我留左係家,等佢電!
佢話,佢睇下佢亞媽幾時北上完返0黎!
車完佢之後再車埋我去佢度!
等...等到差唔多5點都未有佢回覆!於是我訊息佢話唔出0黎啦~
點知隔多半粒鐘佢叫湯威打0黎話0黎緊!叫我換衫!
好啦,我即換~原本真係打算唔出!
點知大果個又放工返0黎,一支箭入左廁所!
之後我等...........老公0黎到,我仲未得!
於是佢話去上水車完佢亞媽先再0黎!
我又等................
今日我既假期又係等,已經唔係第一次!
我亞媽又以為我成日留左係家,夜晚會係家食飯!
我又話唔出,唔駛煮我飯!
之後同老公有點爭執cut線後佢有朋友打俾佢叫踢波!
係我同佢有爭執時佢居然仲應承人0地去踢波!好野!~
之後我唔聽電,佢居然返左家,佢亞媽同湯威係度唔梗要!
至少唔駛返家,仲換好哂衫落街踢波呀?
點解嘈交嘈到仲有心情去踢波都唔0黎搵我?
我成日係家等,著好哂衫,著好哂襪等到8點幾!
你仲叫一個好嬲既人出0黎搵你!我真係隨傳隨到嗎?
平日你叫我去邊度搵你,直接去你家,我唔梗要!
你今日,為左踢波,唔搵我,仲叫我自己去搵你!
假期,我既假期,就係等足你一日!
等到,就係0黎搵你,睇你踢波!
我唔梗要,睇你踢波,唔梗要!
但係我好嬲既時候,仲可以講呢d說話,可以咁做,真係好過份!
我真係好嬲!!!嬲到唔知點講!
點解覺得冇問題???其實我根本就唔重要0家啦!~
我咁重要既話就唔會去踢波都唔搵我!
我重要既話,你就唔會等以前個女友都唔等我!
我重要既話,朝早就唔會唔等我起身都去搵亞聰!
我...等..........................後樓梯等兩粒鐘,
係家樓下等你返0黎,等成粒鐘,
係你家等,等你收工,返0黎,等到我返左大埔,你0黎搵我!
等,等你出去攪車既野,等足一日,又冇左一日假期!
等...........等你同朋友出去,踢波等等,係你家等,等你回來!
等人真係咁好玩咩?
你會唔會咁為左我等我?
從來都冇試過...等我!
你等佢,係家樓下等4粒鐘!
我,沒有!沒有咁樣等我!
你話忙....................................
你會為佢整佢鍾意食既野,你唔會為我整我鍾意食既野!
你又話忙....
無數次既承諾!無數次話整咩整咩俾我食!
無數次戒煙!無數次......
一年前,一年後,赤柱,未去到!
我仍然等待...等待呢一日!
我真係傻瓜嗎?
平日我0地兩個人共處時間就係夜晚係床上!
我愛你,我唔會計較做愛多與少!我真係唔會計較呢樣...
平日出街,除左英文放學果少少時間得我0地兩個人之外,
真係好少可兩個人,兩個人行街!
就算有,你次次都嗌累,同我出街真係好辛苦嗎?
有時我真係諗,不如我同朋友出街好了!
最少可以一齊睇鍾意既野,對方唔會咁辛苦既樣先!
我嗌分手!其實我唔係一個容易嗌分手既人!
我從來冇講過...
我知要負後果!
你而家冇錢,唔梗要,將來可以慢慢搵!
你冇錢,我請你食飯,唔梗要!!!
幫你家拖地,幫你執野!我唔梗要!
因為我愛你,我會為你等,為你做!
但係.......................今晚我等唔到!
得出個結果係咁!
係...好少事!你話好少事!但仍然唔知問題所在!
我忍......................................
橡筋拉得太緊,會斷...
我從來冇對過男友咁好!
或者係我仲未做得夠好嗎?
以前我唔會為對方付出!反而會得到對方既疼愛!
係我自己唔識珍惜!先會有最終既結果...
我珍惜身邊那個!我先會等...我等...........唔梗要!
或者我真係太任性,細路女!
對愛情太執著!係我自己對著緊既野執著!
執著我係你心目中既重要性!
眼淚....執著愛!
今晚最終冇出去...........留左家.........
我既假期,又係等....................等足一日!
我今日真係好唔開心呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!

>>May 28, 2006 at 4:53:11 AM GMT+8

2006 年 5 月 25 日 星期四 【陰】

如常返工!係老公家返工有好處!
車錢少D,又唔駛咁早起身!又唔驚遲好多到!
又係設計藥盒同改下野~
lunch都係同Carly食!成朝Willy都冇返,於是我0地掛住傾計!
3點左右Willy叫我出一出去幫佢拎錢!
都好,可以行下,唔駛成日坐係度!
同老公傾左陣電~佢拎完回鄉卡啦~!
不過要去灣仔見工!見亞倩之前做果份!
好快收工,老公係樓下等我!
佢去踢波喎!送我搭bus!
條隊勁多人!都唔知邊度係隊尾!排到馬路都係!
保安人員又叫我0地行入少少!大佬呀!都唔跳邊度係尾!
跟住就排唔到,點行入少少呢?
終於有車!等左兩架左右就上到!
係牛頭角果邊見到亞星等bus喎!~
佢係觀塘返工!見到佢好爛命咁!
哈~佢都見到我!傾左幾句就收線~
打俾老公!之後就訓左陣!好累呀.......
返到家食飯!um...都唔0岩胃口!算吧~!
夜晚mask!等老公電!~
傾左陣上下網,之後再傾多陣就準備訓!
12點幾就訓著了~係自己家訓呢可以早點訓著!
成個星期都未試過12點幾訓!

>>May 27, 2006 at 8:36:48 AM GMT+8

2006 年 5 月 24 日 星期三 【陰】

終於要返工啦!~好累!訓左4粒幾鐘渣!~
Carly話Willy而家成日星期3都唔返工!
琴日見我冇返呢,下晏返左0黎一粒鐘就走左啦~
嘩....咁嚴重既咩?
今日lunch同Carly食!老公同左亞君一齊!
叫左亞君陪佢去大埔工業區果邊見工!
見東方,因為話請100個design!都唔知係咪0家!
但係頭果3個月都有8000蚊!仲要只係退下地!
不過呢,有好有唔好啦~佢呢d做冇咁嚴!
因為報紙日日都出,要求既係快,而唔係細心!
可能學既野未必咁多!有可能做完之後去其他公司做,會做壞手勢!
但係唯一好處就係人工高囉~算係咁0家啦!
而家一入行有8000蚊!我間公司勁少人工呀.\ /.#
再過多3個月左右我就做夠一年啦!到時我轉全職!希望最少有6千蚊啦!
唔係真係唔夠食!我要儲錢!
好快又到6點收工,返英文!
累到我想死!身體又差..............................
上上下堂訓著左,好頭暈,唔知點講!好耐未試過呢種感覺!
落堂同老公食飯,去左珍記食!
兩個人食,又係食唔哂,太多野太大份量了!
我又食左好少...................食完老公去搵佢D朋友!
話去將軍奧入油喎!我飲左汽水肚痛喎!~
結果冇同到佢去,打算返去家先!
但係佢亞媽沖緊緊,冇人聽電!唔通我用老公條key自把自為入去咩~
於是我去左公廁去完廁所先返上去!
好彩上到去老公媽沖完涼開到門俾我!
我沖完涼,上左陣網老公都仲未返!
差唔多成點先返0黎沖涼!~兩點左右先訓著...
明天又返工!唔返唔得,冇錢!
嘩~發覺夜晚老公家樓下好多小強!好恐怖!!!

>>May 27, 2006 at 8:39:45 AM GMT+8

2006 年 5 月 23 日 星期二 【陰】

今朝訓到12點幾起身!~超難得!
兩點幾我0地落街食野!
食完之後又返家!~老公媽4點幾返到!
之後又唔知落去攪咩~!
跟住返上0黎冇耐落街買送!
今晚留係老公家食飯!~
老公媽仲買左榴槤返0黎!
8點幾亞業0黎到!9點多D我0地食完飯就出去深水步!
因為秋然星期5要考車!第3次啦~
所以要去睇下個場地!
之後去食糖水,亞業同秋然去地鐵接肥雞!
我同老公係車度等!
去到果間唔知叫咩松咩度食!
好多人等位!原來價錢唔貴!~
不過食既野同rainbow差唔多!
rainbow又係假期好多車泊係出面,專登0黎食糖水!
之前報紙都有講0家!
以前成班人收工都好鍾意去果度食糖水!
但係比深水步果間貴點!
食完糖水送亞業返去再送埋肥雞!
之後再係興田俾秋然落車就返老公家!
第2晚係老公家訓了~!
今晚出去同返0黎都見到亞迪!
出去時亞迪同佢亞哥仲係度玩野!
話老公今次呢個咁長既~又話之前果D一兩個月貨仔!
咩老公真係俾人印象咁嗎=.="?
um.......明天要返工!今晚訓唔著添!
之後......................3點幾先訓得著!訓得果4粒幾鐘又返工!
返工,努力!

>>May 26, 2006 at 2:07:17 PM GMT+8

2006 年 5 月 22 日 星期一 【雨】

唉...又訓得好少!~今朝起身塊面青哂!
去到灣仔地產舖搵老公!幫佢手整紙袋!~
之後返school,12點4,5左右就開始影相!
同隔離班果個女仔傾左幾句,嘩~我從來冇同過佢講野0家!
原來佢D野好多都係買返0黎之後貼上去!
亞星好遲先到,不過佢都有影~
之後我0地去食野,得我同老公去食,因為亞星要打機!
食完落大雨,我同老公去左十蚊店買我交功課既野!
我打算放少少化妝品落化妝袋度!
因為亞星打完機要印野,又落雨!
老公把遮係學校!於是用左我果把遮亞星拎埋自己把遮!
去左地產舖印到4點幾先走!之後又陪佢去英皇下面果間影印舖!
再同佢0地去機舖坐左陣!5點3左右同老公返上school!
等評審!6點半仲未0黎!
7點幾左右到我講啦!起初等時有點驚,但係一出去講又完全唔驚喎~
最後我仲有少少野未講哂,一時醒唔起!
第1 part人可以成班入去聽!
um...............佢話我D野平凡/_\
而且冇澳洲既味道!叫我努力!
努力背後既意思我知道0家啦~一定係話我d野差啦~唉...
等埋亞星講完坐多陣就走~
亞星又去打機,我同老公搭bus去觀塘搵肥雞一齊食飯!
老公有點燥!其實駛咩燥呀!人人都係咁講!
都係話做出0黎既野冇果個國家既味道!
其實都算係咁啦~因為起碼人0地會講出有咩問題!
等我0地可以知道有咩要改下!~
同埋老公個logo都有讚呀!我咩都冇讚過...
因為我D野比較清..........原來佢係鍾意D花既野!
都話0家啦~設計真係好個人!人人睇既野都唔同!
同埋我覺得佢係男人,女人護膚品既野點都冇女人咁清楚!
同埋其實亞星同老公個logo真係好花,如果做logo既話唔係咁好!
因為logo要放,縮細,縮到好細根本睇唔清楚係咩~
唔通下下都放到咁大咩~
食完飯之後同老公返家,今晚係老公家訓!
唉~~~~~~~~太累了!決定請埋聽日假唔返工!
終於可以訓晏少少...
下星期2要返學2聽今日既野,唉~我好驚!好驚畢唔到業!
好驚佢話我D分數好抵好抵..................
其實我都知自己D野唔好!同埋又臨急抱佛腳!
唯有0黎緊呢個女努力點啦!~8月前就畢業0家啦~

>>May 26, 2006 at 12:25:46 PM GMT+8

2006 年 5 月 21 日 星期日 【雨】

訓到9點幾就起身!老公朝早有打0黎!
佢冇訓到,仲去左遊車河!
係濕東叫的!都唔明點解佢0地做做下野都可以咁!
仲去粉嶺接埋亞星去老公家!
成晚攪呢樣攪果樣冇訓過!~
好彩我都有訓!最早返我,之後見到亞Qiu!
佢交完就走,之後亞倩返到0黎!
最後等到老公佢0地返到,交埋碟就同亞倩去食野!
食完去搵番老公,亞倩返工!
今日簡直係成日搭車咁!頭都暈埋!
原本呢去地產舖印野,點知我冇帶圖出0黎!
攪到冇得印!結果又要返家!等307等左好耐!
半粒鐘有多!老公燥哂~之後3點9左右先返到家!
send埋D圖俾老公即走!係街撞到亞媽!佢0岩0岩買完送!
跟住去老公度先!係吐露港塞車喎!~
冇啦啦四條行車線都停左係度!不過都係兩個字左右0者!
見到有碎玻璃係地,但係見唔到有撞到既車!
跟住去老公睇下燒唔燒到,ok......
去灣仔,又去灣仔,哂車錢呀.\ /.已經少返工0家啦~
印....好多人,攪到3粒鐘!9點幾先走人!
亞君同濕東今日評審!亞君仲俾人話添~
但係評審就好少時間!!
印完走人,要返工功課!!!
廢事搭307,等好耐!落左觀塘轉74x返家!
去左肥雞家樓下等佢先,因為老公要去肥雞亞媽個廠度攪手帶!
大雨呢...................有點雷!濕哂....
返到家食左少少飯,亞媽留左俾我!
食完就做功課!涼都未沖!
第2果個8點幾訓到10點幾又話唔眼訓!
結果叫佢幫我手剪左少少野!!~
我做到兩點幾先沖涼~老公一早訓左!因為佢好累!
打算聽朝先再攪!
我沖完涼之後本書刊乾左點再cut再攪呢樣果樣!
呀...............d圖印落化妝袋都有點困難!!!攪左好耐!
差唔多4點先有得訓....../_\
都好了,有得訓下,鬼叫自己平日唔努力!

>>May 24, 2006 at 10:46:20 AM GMT+8