2006 年 3 月 31 日 星期五 【晴】

今朝10點幾就起身了~之後呢hea到11點先去刷牙洗面!
跟住make up換衫就同老公,老公媽落觀塘飲茶!
叫左好多野食,差點食唔哂~叫下叫下叫多左...
好耐冇食過芒果布甸!之前飲茶好多時都會叫0黎食!
飲完之後老公就送我搭bus!因為我打算今日早點返家!
第2果個生日!仲要幫埋老公scan野!佢俾左佢本簿我幫佢scan!
返到家去完廁所就即幫佢scan!之後上下網!
dl歌!今晚家煮飯唔係出街食喎~!
食完又hea陣上下網,跟住就沖涼同埋mask!
返工廠區再加上化妝又成日唔夠訓!一定要得閒mask先得!
跟住夜晚有同老公傾電!~聽日星期日!太好!可以留係家訓晏點!
生日快樂呀side!
禺人節快樂!~

>>April 4, 2006 at 4:56:59 PM GMT+8

2006 年 3 月 30 日 星期四 【晴】

遲左兩個字起身!不過如常差唔多10點前返到去!
一返到!嘩~好大個魚缸囉!嚇死!
睇0黎都係風水果D啦~個個生意人都係咁!
又唔知要養夠幾多條果D!
今日返工有點free~其實係因為我自己懶...又拖野0黎做!
Willy下晏先返~!lunch呢食到好飽!
因為食完個飯Carly又話想食沙津!
攪到我要一齊幫食!不過我只食左少少...
Carly冇野做3點幾就走左了!
不耐差唔多4點Willy都走埋!佢話見客返唔切0黎!
4點幾佢同大老闆分別打過0黎叫我send e-mail果D!
跟住我就scan完就send了!5點左右就打俾老公!
決定左早走去搵佢!不過呢星期一,二我就要加快步咁做我手頭上既工作!
5點3離開,去老公家!
係觀塘地鐵站又有人問我影硬照做model果D!
跟住我問佢咩公司!佢就問我係咪有簽約!
跟住佢俾卡片我睇!可能佢驚我係同行!
我話唔啦~之後佢就走了!
um....觀塘地鐵站好似好多呢D咁!
講真!如果真係影,又咪報紙果D咩人都可以影果D!
我先唔肯呀!咁核突呀>0< 我自己知自己事!
去到老公家好累!曳曳完之後6點幾訓落床訓左陣!
7點幾老公就叫醒我!呀...好累!
佢要車佢老豆!仲要幫佢走!
結果跟埋車去石岡!因為我唔想一人留係家呢~
第1次見到佢0地做野!果度好多蚊囉~!
老公一開始又唔關窗!攪到有蚊入到架車度!
我都未睇過我老豆做手呢~
大約10點左右先攪掂好!原來要攪咁耐一部機!
我又急咮咮!結果去左文綿渡果邊!嘩...居然去左果去去廁所!
男廁聽老公話超烏漕!勁多< 烏英 >!
即頭唔夠膽入去!幾百隻咁多!
跟住去番上水果邊食野!我如常食淨好多!
其實我發覺自己由細到大食淨好多野!
有d國家即頭食都冇得食!
所以細個俾亞媽小我食野小到仆街!
食完野之後已經11點幾,揸車返老公家,呀~~好累!
沖完涼點幾就訓著!但係老公鼻感敏!
結果我蒙哂咁幫佢拎藥同水俾佢食!
食完我就即訓!但係老公成晚就冇得訓!車唔到佢老豆返工!
見佢鼻感敏真辛苦了~
一轉天氣就咁!真係要好好根治!
不過我聽講過鼻感敏係冇得醫的!

>>April 2, 2006 at 4:00:28 AM GMT+8

2006 年 3 月 29 日 星期三 【晴】

今朝冇返到工!好累...9點幾send左sms俾Carly講我唔返!~
又話因為要返學!呀..............真係好累!
翻訓到10點左右醒下!又想訓,但係訓唔到!
跟住就起身~洗衣機洗左衫!=___=結果係我晾!
攪掂好哂兩點左右先出街食野!
同老公去停車場泊番好架車!
食完野就去MK,行陣!去左朗豪坊!
wo~俾我搵到!真係王小玲!
咩老左咁多呀?D粉超厚!同以前中學唔同左!
可能因為化妝問題!我唔知佢認唔認得我!但係我覺得佢望下又唔望下咁!
跟住呢,有sales撩我同老公講野!
咁我同老公分別行開睇野!
有另一個sales撩老公講野!問佢係咪一個人果D!
老公話唔係呀,同朋友~(指住我!)
呀!!!好野!朋友!我0地只是朋友呀下!
行陣,之後去左買藥食!其實真係唔想食!但係冇法!
唉~~~~~~~~~~~~真係唔想食藥!身體已經差了!
下次唔會再咁啦!知嗎?
之後去左買雞蛋仔!
行埋潮流特區就上去!早左返英文,上去坐下!
um...進度仍然咁快!不過今日係頭果半粒鐘至九個字有個男人0黎!
佢講生意既野!不過我真係唔知佢既目的係邊!
不過我都知要英文好先可以同到其他國家既人溝通!
溝通到先可以做到生意!
好快落堂,老公送我搭bus之後就搵亞業佢0地!
去左九龍城食野!而我返到家就煮公仔麵食!
食完等埋老公返0黎沖完涼我先沖!
跟住再電老公,不過佢沖緊涼!訓先!半訓半醒先佢打0黎!
講左兩句就收線再訓!好累呀真係~呢期上床冇耐就訓著!
琴晚仲勁,一撻落床就即訓!
聽日要返工!

>>April 1, 2006 at 8:47:09 AM GMT+8

2006 年 3 月 28 日 星期二 【晴】

返學!不過呢~8點點左右老公媽就叫醒左我0地!
原本我鬧鐘係8點4起身的!
呀~~好唔夠訓呀!琴晚太夜訓了!
跟住好快手咁攪掂好就出門!
不過我都冇野交,返去淨係聽下野咁!
拎番份功課!不過我放左係locker度!
成11點就落堂去食野!食完同亞倩去行街街!
陪左作佢拎表格先!IVE同藝術中心!
藝術中心係灣仔好邊呀!幾遠下!
之後搭丁丁去左CWB!因為我唔想又一條友係度等老公佢0地打完機!
跟住又係同佢0地去食飯咁樣!跟住又係白坐!
不如做自己野好過~!
去左金百利上15樓定13樓,亞倩要買護膚既野!
果D暗倉膏!跟住我0地去左SOGO11樓睇左陣書!
冇耐亞倩就走,咁我仍然留係度睇下有咩書睇!
不過老公就打0黎話佢0地行298!咁唯有我慢慢行去啦~
我仲早過佢0地少少到!佢0地去睇電腦書呀等等~!
之後我0地再落尖咀!行左LCX!行完我0地就走人!
去左老公家~搭車期間同JOJO傾電!~
wo~得知王小玲係朗豪坊做sales賣錶!
返到老公家hea左陣,之後湯威打0黎!
咁我0地唯有?車出MK!要去湯威家柴灣!
果度係舊樓0黎!好恐怖!一條長直路既走廊!
拍鬼片果Ｄ就係呢Ｄ度拍!
真係唔夠膽夜晚一個上去!
老公飲左汽水冇耐我0地就走!
去觀塘,老公踢波!之後車我去APM搭bus!
原本佢唔打算車我去APM!話唔順路!
咁其實都係觀塘0者!~我又唔駛你車我返家!
就算會有少少塞車!但係踢波咁重要嗎?
我只係車都係觀塘落轉bus 0者!咩車我真係咁辛苦咩?
又聽到難聽說話!又有說話俾我聽!
之後我嬲就走左!老公都?車走!
我一路都冇返家!返到大埔係公園坐!
我一唔開心就會想靜下一個係公園坐!
跟住到十點幾搭番巴士搵老公!
原本好嬲打算返老公家拎番衫走!
不過老公踢完波係巴士站等我!最終我0地買左外賣!
就係咁,之後都冇野了!
買完飯就去將軍奧入油!跟住返家食飯!
嘩果時已經12點啦!~好累呀真係!好耐未試過咁累咁眼訓啦!
一餐變兩餐!食完飯即沖涼!之後吹完頭都冇等到老公一齊上床訓我就訓著了!
決定左聽日唔打算返工!因為太累啦!唔想又訓咁少呀好辛苦!!/_\.........
討厭你成日發脾氣時用粗口鬧我!唔好再用粗口鬧我呀!
令我更加嬲呀!!!!!!!!!!

>>March 31, 2006 at 8:22:56 AM GMT+8

2006 年 3 月 27 日 星期一 【晴】

有點累!因為唔夠訓關係!
訓得果6粒鐘!~
9點9左右開始係咁打俾老公叫佢起身!
點知打到11點半佢都仲未起身!
因為佢3點幾起身車佢老豆返工!
呀~唔知醒起身呀佢!攪到今日冇返工!
冇同人交代!呢份工冇左了!
um...老公成日唔知醒起身又聽唔到鬧鐘電話響係一個好嚴重既問題!
將來養家搵食唔知醒真係唔得囉!~
返工!都係做番琴日果D野!
不過要今日做起佢!因為就0黎要印啦~
lunch果時又有糖水送呀!
係芝麻糊!幾正!哈~
個經理問我0地今日0岩唔0岩食!
食完飯又做!都係做果D!
不過我遲左少少收工!
因為我save極都save唔到個file呀!激死呀!
好彩Willy話幫我睇有咩問題!
知我仲要返英文就叫我走先幫我攪掂佢!
老公出左九龍塘!佢係地鐵站等左我好耐!
咁我勁快去搭地鐵去到九龍塘站佢見到我就上車!
攬攬~呵!
之後就返學!買左野飲!
有點餓!~進度又係好快!要跟到好貼聽到好實!
好快又落堂!跟住我0地等湯威同佢女友0黎!
跟住去完...就送佢女友搭小巴!
咁我0地就去左食野!係MK食拉麵!
食完就同佢0地去睇左陣鞋!見到隻狗好得意呢~
舖內人居然帶狗返工!
跟住搭小巴返老公家!湯威都0黎!話睇波!
咁我沖完涼就準備訓冇理佢0地!
兩點多老公沖完涼返入0黎話等睇波!嘈醒了我曳曳!
之後攪到成4點幾先再訓番!呀...聽日仲要返學!

>>March 30, 2006 at 4:35:28 PM GMT+8

2006 年 3 月 26 日 星期日 【晴】

返工~um........呢幾日都係做另一本書!
對住Ｄ藥丸!麻目了!
我估星期6,日Willy有返0黎!
如果唔係點解我張台亂左,又放左D文件係度!
做做做...................
Willy早左返!11點幾就返到!
唔知點解佢呢期早左返!
lunch因為碟米粉抄得好碎關係!
之後個經理俾多左我!仲有糖水送!真好!呵~
因為老公要車佢老豆關係!
所以我收工就一個人返家了!~
夜晚沖涼同mask!而家留係家一有時間都會mask!~
同老公傾陣電就訓!

>>March 31, 2006 at 2:24:35 AM GMT+8

2006 年 3 月 25 日 星期六 【雷雨】

今朝9點9左右起身!因為老公起身!咁我又打算早點走!
於是一齊起身!make up完攪掂好哂就落覲塘搵埋秋然!
陪完老公買包之後就送我搭bus後佢0地就去MK幫nike手做野!
咁我返到家都係上下網,煮左個公仔麵食!
4點幾好累~因為琴晚夜訓唔多夠訓!
於是訓,訓到6點幾老豆入房叫我一齊落街食飯!
因為太累關係,冇一齊食飯!我再訓!訓多半粒鐘左右起身~
打番俾佢老公,因為佢係我訓緊其間打過俾我!
佢今晚唔返工!聽朝要早起幫佢老豆手做野!
今晚我冇食到飯,上左陣網之後就沖涼同mask!
而家留係家一有時間就會mask!
我唔想皮膚再差落去!
攪掂好哂就整左幾塊面包食!今晚都冇食到飯!
12點左右同老公傾電~傾左陣就準備訓!明天返工~!
但係訓唔著喎~可能訓左兩粒鐘晏覺~!
點幾兩點先訓得著/_\

>>March 27, 2006 at 1:37:12 PM GMT+8

2006 年 3 月 24 日 星期五 【乍寒還暖】

今日訓到點幾先起身!跟住make up換衫!3點左右先落街!
拎左袋衫落街乾之後就去食野!
食完我0地又嘈交!原因係因為食煙問題!
我諗0黎諗去都唔明,人0地可以拎到你食煙!
點解我唔可以拎到你唔食!其實我都係為左你好0者!
我清楚明白到學壞易學好難!
每次唔俾你食,你都會食!都會唔聽我講!
唔俾你食就黑面!而家話我咁少事就嘈!
因為我忍唔到了!係!~冇錯!係好少事!
咁少事都唔可以為我做嗎?
點解每個男人都係咁!食煙對自己唔好對人0地唔好!
總之食煙就係唔好!返工累,辛苦!食支煙嘆下!
每個男人都係咁!唔通真係要到有病先肯去戒嗎?
唔好用布條同我比!食煙係關身體問題!
冇健康人生就咩野都冇!
最後老公話唔會係我面前食同盡量食少點!
其實我想講,我唔係叫你食少點,而係叫你唔好食!
一年時間,我唔會冇俾到時間!
唔好同我講話戒唔到!點解人0地戒到你戒唔到?
我知我易呷醋又少氣!但係我都係因為著重我0地之間既感覺!
因為愛先會咁易呷醋!你冇可能唔明!
因為你,所以我先發脾氣!其實我都係因為著緊!
陪老公買完漫畫之後就搭兩蚊小巴落觀塘!
送我搭bus!佢就搭MTR返工!
我打算返家食飯,夜點就出0黎搵老公!
因為佢今晚屋企冇人,佢媽唔係家北上了!
呵~好耐冇試過!好耐冇試過家冇人!
好耐冇試過一起洗澡!
不過..........點知今晚都係一人洗澡!
老公又掛住睇車網唔理我!圍繞既都係車!
9點幾出門,係觀塘搵佢,陪佢食完飯就返家!
真係慘,返得果兩粒鐘工!根本唔夠駛!
原本去肥雞家!諗住send幾張圖俾佢就去佢家拎!
但係...佢返到家累了!最終我0地都冇再出去!
um.........到我沖完涼,吹完頭!攪掂好哂!好陣子!
老公先睇完車網沖涼!um...
每次係佢家,我都淨係見到佢上車網! /_\......
一係就同我係咁講車!出街又係!出街睇有咩車有咩車!
睇車仲多過睇我!車仲重要過我咁!
老公沖完涼之後同佢玩!曳曳完兩點幾先訓!
同老公玩有時都幾sweet!就0黎俾佢玩謝了!
聽朝要9點幾起身!老公要同秋然一齊幫nike做野!
係MK有足球比賽!要幫手!~
我都打算聽朝早點走返家!

>>March 26, 2006 at 12:15:07 PM GMT+8

2006 年 3 月 23 日 星期四 【乍寒還暖】

朝早叫老公起身之後先返工!今日返工仍然好多野做!
Carly10點多少少就返到!佢話有野要做所以做點返!
超少咁早返呀!冇11點都唔會返!
而Willy居然早左返11點幾返到!好係好少可呀!
lunch成兩點先出去食飯!因為Carly等個速X等左好耐都未0黎!
點都要等埋佢0黎收左件先出得去食飯!
落雨.......呢兩日lunch都冇落雨!
好大雨呢~Carly遮我到食飯果度就走去拎文件俾果個人!
跟住同我食完飯又走人,搵佢老闆!
佢老闆呢幾日都係HK!
食完飯又返去做野!整第2本書!
係咁做係咁做!而家覺得返工時間都唔係好慢0者!
諗諗下我返成10點!收6點!朝早Willy成日都唔係度!
基本其實份工唔算好辛苦!
收工搵老公!跟住我0地去左APM!
睇下有冇我想睇果套戲!wo~要到11點10先有~!
最終我0地都決定左去買飛睇戲!
跟住返藍田搵老公媽食飯!
食完飯返番家睇下雜誌!老公上網同畫畫!
冇耐家強0黎拎銀包就走了!
跟住11點左右就落觀塘!
之後我0地又嘈交!都好陣子...
UM...我0地都冇回憶既!連重要日子相都冇張!
如果有心影無論係手提又好,係唔係前置鏡頭都好!
點都好啦~都會影!
我淨係聽到話唔鍾意影相!
但係你同以前女友既相一定多過我0地!
我以前男友同我影既相都多過我0地而家!
點解會咁?我0地一齊左成年啦~
同你以前女友一齊左一年一個月左右!
其實拍拖時間都係差唔多長!
點解我0地影咁少相?冇回憶既?!
拍拖第1年通常最sweet!但係點解我冇回憶!
以前未拍拖前,我成日都諗下次拍拖我一定會影得更多相!
每次睇戲都會影一張留為紀念!但係而家冇!同想像中極大出入!
你冇記性!但至少如果有相,都可以記起我0地一齊既野!
我想我0地一齊做過咩,你都忘記了!
跟住差唔多成12點先入去睇戲!遲左少少!
不過之前果D都係廣告0者!
呀~原本我0地嘈交差點唔去睇戲!
不過最終都睇左!太好了!真係好好睇我覺得!
D狗狗好乖乖同好可憐呀!
真係好彩有入去睇到0者!
跟住我0地就搭番小巴返家!去左OK買野飲!
好平!$7,93包陽光木瓜奶或檸檬茶!
返到家即沖涼~攪到差唔多成4點先訓得!
聽日星期6可以訓晏點!太好!

>>March 26, 2006 at 12:02:12 PM GMT+8

2006 年 3 月 22 日 星期三 【乍寒還暖】

今朝搭車居然係彩虹果邊窒車!不過10點前都返到公司!
返工前買左支鼻通俾老公!知佢唔見左!
轉天氣鼻感敏好辛苦呢~!
返工返工!~呀~~~呢期好多野做!
為左做果本書!要印啦~忙過不停係咁做!
lunch一條友食!Carly個老闆0黎左!
佢話佢老闆成日冇啦啦0黎HK,之前又唔出聲!
攪到文件上咩野都冇準備!臨急抱佛腳!
um.............今日嬲左老公!因為每次我講朋友既野,人0地既野佢知!
佢往往都係答我:都唔關我事!
一盤冷水倒落0黎!攪到冇計傾咁!
唔知點講!總之感覺唔好受!
之後我成日都冇打俾佢,亦都冇聽佢電!
收工之後出MK返英文!
佢仲要我幫佢買包煙!討厭佢食煙!
其實我都係為佢好!但係往往都係唔聽!
唔俾佢食又黑面!咁可以點?
成堂英文,進度好快好急!成堂都冇點同老公講過野!
放學一齊去食飯!o........用多了錢!
我要慳要慳要慳呀!~
食飯時俾老公話我既問題!
其實我都想講,我知自己有問題!
但係問題總有原因!原因係因為咩呢?
食完飯想走返自己家!最終老公拖我走,上左小巴返佢家!
兩點前訓著了!
老公家一到春天就好潮濕!
走廊個地濕哂!D衫呢就唔會識得乾要拎去乾衣!好嚴重!

>>March 25, 2006 at 4:49:17 PM GMT+8