2006 年 10 月 6 日 星期五 【晴】

訓到成點幾起身!
下晏冇啦啦yinyin打0黎,話原本KIKI約佢今晚食飯!
問我今晚去唔去!
點知最後又話去精蟲屋企打邊爐,約左我0地呢期玩幾丁友!
下晏hea下hea下到6點幾~!
同精蟲,鄧培去大元買送!
行返去時鄧培話循例上都要追追月!
月亮真係又圓又大!我留意左好多年!
8月15既月亮係特別圓!
今年仲特別大!因為九年一次咁接近地球!
今晚既月亮好黃好有feel!~
um...過往既回憶總是太多
一年一年地渡過
很多事情都已改變
返到精蟲家洗好哂D野,上陣網!
ICE打0黎問我今晚去唔去唱K!
我要同朋友打邊爐,sorry呀~唯有下次再約!
鄧培落去接戀毛嫂上0黎!
跟住等埋yinyin就打邊爐,不過佢要陪佢家姐個仔落街放陣火先上返0黎!
戀毛佢11點多先0黎到!
成晚我掛住睇TV!睇完女王之後又睇VCD!
真係笑到仆街!!!張柏芝同古巨基果套,唔記得叫咩了!
總之真係好爆囉~同埋有點老套!
11點幾鄧培走先喎!~佢有下場,就係同佢表哥飲野!
shit~同我0地又唔同喎,又話唔飲酒!
yinyin點幾都返家了!佢呢幾日都只係訓得果幾粒鐘就起身返工!
真係多麼辛苦!小心身體!~
得番我,精蟲同戀毛仲有戀毛嫂4丁友傾計!
食生果,精蟲切,um~~~好甜呀!
yinyin媽真係簡得好呀下!不過唔係話yinyin你簡得好喎!~嘿嘿...
飲埋琴晚剩下果支whiskey!
我覺得琴晚幾好飲呀!~戀毛話呢D咪呃到女囉!
仲話酒精高,易入口,飲下飲下唔覺好易醉!
佢0地冇溝野就咁飲!好嚴重...
原本打算傾計傾到3,4點就走!
點知我0地越傾越開心,講左好多野!
咩野都講!中學時代到而家!
um...嫂子話我中學個樣同而家好唔同!差點唔認得!
或者化左妝吧!~
同埋唔知點解一越大,俾人感覺越壞!
由其近期...
um.............其實我係淑女0黎!嘿嘿嘿......
冇法啦~我已打回原形了!
又做番爛口的我!我又要用時間去改掉下!
呢期我發覺自己鍾意去玩!
不過玩時玩,我仍然會努力搵工!
我會清楚自己既方向,清楚自己應該要點樣做!
講番起以前,我真係非常任性!
有個咁好既男友我都咁對待佢!
朋友們覺得因為我之後就攪到鋒佢而家變成咁!
成日落蘭貴坊,成日溝女,成日玩!
不過...我唔明點解佢咁樣都溝到女囉= ="
我真係唔會鍾意呢類仔呀!
um.....男友應該要信任!
就算我24小時近貼都冇用!
所以一直以0黎既我係好少打電話俾對方!
要偷食我也阻不過!
要呃我我也避不過!
不變心我也不能去改變!
我只知道要做出背叛我既事愛我極都有限!
一直以0黎我都有呢個信念...
亦清楚明白到男人要變心,唔駛指意佢變番回頭!
當初我既痛哭,我知道我哭過仍然要做番自我!
知道要挽留也沒有用!
而家我只知道搵個男仔要睇份工有冇前途!
工作上面,我只知道我要不斷去搵,尋求我的將來我的前途,
認識更多新事物!
估唔到...講番中學,唉~提一提番!
係啦!~以前高我一兩班既學生,唉~~~
好多型仔囉!~真係幾得0家!
有個我到而家呢刻都仍然記起,我一直都不知他的名字!
佢個樣有點max,同佢女友都幾襯下添~!
仲記得原本我係留意果個亞聰先!
因為佢幾man下!我仲叫人幫我影相!
哈~!佢0地話而家既佢仲man喎!~著哂西裝果隻!搵到食果隻!
點知睇睇下,我反而留意佢身邊max max地既fd!
嘿...中學年代真係好攪笑!~
講番先記得以前我0地間school都幾恐怖,成日都打打殺殺!
好彩我冇俾女打過0者!~D女咁惡....
傾到7點先返家!返到家涼都冇沖,落左妝就訓了!

>>October 8, 2006 at 4:20:52 PM GMT+8

2006 年 10 月 5 日 星期四 【晴】

下晏有點雨喎!~
結果取消了去清水灣BBQ
Willy返到0黎就話今天早收工!
叫我攪掂好手上既工作可以走
老蟹都早點啦~而且果樣野我之前做過!
只係改size,個desgin仲要係好簡單的!
3點半我走了,去九龍灣職訓!
點知條友勁串!叫左個miss同我傾!
佢話要我讀基本,又話我之前讀既平面同fashion兩會事!
之後又話我冇工作証明到我係desginer!
咁我就話如果俾到係咪就讀得!
佢話俾到就可以,而且俾到到時畢業先有証書!
於是我就話星期一先再0黎攪手續!
我頂呀,冇可能要我讀番基礎!
我讀左3年平面設計,一年多既設計工作經驗,
而家又哂多一年時間去讀基礎?冇野呀ma?!
同埋我讀果個唔係咩高級文憑,只係高級証書0黎!
0岩0岩係中間位,唔係特別困難果班!
4點幾去搭bus,超多人!!!
攪到等左好耐,好彩有架吉bus 0黎左!唔係實企返大埔!
同秋然傾左幾耐電!
因為本身我係問佢點樣去職訓的!
之後變左傾電傾到返家!成粒幾鐘...
返到家hea左陣,換左套衫!
因為我覺得自己著得太7了!
哈~!還是著短裙方便點!
朋友們改左決定去九龍灣打冷!
結果8點左右又出番去!成日搭74x 0家= ="
落車之後打左俾富媽講左句中秋節快樂!
傾左幾句就收線~
等埋yinyin食,飲左D啤酒!面又紅了!
次次飲都紅,不過又好快冇事,散得快!
去左官塘碼頭放火!雖然呢D係街童做既事!
但係我覺得冇可能無時無刻都正經!
冇可能無時無刻都酒吧果D!有時真係要kid下!
仲記得上年我放到個火爆大!
加上上年打風,D火勁恆,超好玩!!!
不過...上年中秋係9月18日!
而今年係10月6日!冇風打!
我係同朋友一起先會咁癲!
唔知點解果時同佢一齊...我係佢面前唔會癲!
或者免得又得到佢既怪責吧!
放完火,彬佢0地打0黎話去TST落bar喎~!
1點左右行返去MTR去TST, MTR時我係咁玩yinyin!哈!~
M1 bar!有播中文歌既= = 都冇咩鬼佬既...
仲要200蚊!!!落club都係150蚊,book台加埋200,加埋車錢都係2百幾蚊!
仲有得俾仔溝又可以跳下舞,兩點前free drink!
總之好玩好多囉~!
200蚊落TST既bar,去蘭貴坊好過啦~!
唉~!我仲要呢幾日病病地,一食完野就屙!
攪到成晚個肚唔多舒服!
飲左好少,佢0地勁猜勁玩,爆飲!
whisky溝忌廉或可樂,幾好飲!
yinyin勁輸!我0地去完矛廁見到有條仔想嘔!
好彩佢個朋友扯住佢,我0地快避,快走!
唔係嘔落0黎都唔知點算!
返家要成粒鐘囉!
兩點幾3點走人!MTR MK轉小巴再轉的!
彬,佢女友同肥布,fish搭N271
我,yinyin,鄧培,戀毛同佢女友就搭小巴
誠誠返大學訓,大學生真的是大學生!
哈!~塊方包仍然咁堅呀下!
放得出0黎預左俾人掂0家啦~!
係MTR死人精蟲係度玩野,攪到我0地差點PK!
不過好耐未試過咁癲了!係街上面爆玩囉~!
肥布佢0地係bus嘔喎!~
yinyin返到家門口都嘔左兩獲!
其實佢係MK時已經話有點想路,落小巴時已經話要嘔0家啦!~
玩時見到佢爆飲已經叫佢適可而止!
好彩精蟲同佢住埋同一座送佢返家0者!
返到家沖涼,5點多先訓!
我飲酒試過一次嘔,因為果時空肚,好彩都係返家嘔0者!
覺得飲唔係唔飲,但係要識得返家,唔係係街上面訓俾人偷哂D野就嚴重!
酒醉都有3分醒!玩要懂得返家!
中秋節快樂!

>>October 8, 2006 at 1:56:44 PM GMT+8

2006 年 10 月 5 日 星期四 【晴】

而家又在公司!
累.........
咖啡!好似一日一咖啡咁!
快點收工就好了!又放兩天假!
今晚可能通頂!
玩埋呢兩日就要溫英文!
10月28日考啦~!
收工要去九龍灣職訓報名讀夜校時裝設計!
讀一年課程!我唔想浪廢時間!
下星期二開學啦~
所以keep住進修下!當學多樣野!
希望係呢年內做到我想做既野!
好好利用無拖拍既時間增值自己!
為左將來我會盡最大努力!
半工讀不是第1次,我相信我能夠支持到!
返夜校完全阻唔到我既工作!
年尾就報校車牌啦!~
我會係分開一二牌前報!
鄧培話一,二月就會分開0家啦~
到時會搵鄧培果個教我!
太多野想做關係努力儲錢加搵工!
我要靠自己!努力!!!
人大左經歷唔同既野....
有唔同既想法....
我只知我只要努力安排好我要做既野,為左將來!
我唔可以衰俾男人!
中秋節快樂呀各位朋友!
記得上年中秋係9月18日
記得你北上完就即0黎搵我!
記得同你只有兩人在家的一晚!
記得同你做既愛!
記得你對我講過既說話!
(希望每年都能同你渡過.....)
記得你送給我的白兔燈籠!
記得......記得....記得.....................
一一記得你我一起甜蜜過的日子!
一一記得你對我的背叛...
一一記得你不珍惜我...

>>October 6, 2006 at 4:06:28 AM GMT+8

2006 年 10 月 4 日 星期三 【晴】

出菲林,cut.....
又是如此設計!
今天又是咖啡!
早上有設計公司叫我見工!
原本叫我今天!但我吹水改左下星期一 11點見!
睇0黎我要請半日假!
不能請一整天!太多野做又搵少左錢!
唔見的話我又少左個見工經驗同機會!
朝早同左D朋友傾下電!
放工去拎完con就去酒樓食飯!
途中撞到亞高同亞kids!
亞kids想拉我走話一齊出去!
好可惜我同家人食飯!下次先~
估唔到我分開後先可以同個唔知算唔算係舊情人聯絡!
佢真的是好仔!有哂我需要既條件!
只不過對佢無感覺!
同佢一齊既女人一定睇到將來啦!
最少佢距離買樓不遠!
最後問我有無掛住佢!
哈!~我好快答無就走左了!
第1次見到我初初出世既表弟!
佢隔多個幾月就會0黎我家啦!~
好彩酒樓有得睇TV!
實在太好睇!難得一套電視劇會追0黎睇!
食完10點幾返家!
好累好累.....
12點幾訓,yinyin打0黎講左幾句就再訓翻!
明晚玩個痛快!記得酒呀~~~~清水灣BBQ?

>>October 6, 2006 at 3:44:35 AM GMT+8

2006 年 10 月 3 日 星期二 【晴】

用年來計無飲咖啡的我今天頂唔順飲了!
又是返工放工!
放工原本打算拎con!
但係老豆今天放假!
廢事佢0地等我食飯等咁耐!
於是決定明天先拎!
PK啦!而家戴慣左colour con......
好累呀!又上網搵工!
而家一有時間係家就必上網搵工!
點幾先訓...

>>October 6, 2006 at 3:29:37 AM GMT+8

2006 年 10 月 3 日 星期二 【晴】

謝謝你的愛
不過我心領
面人0地俾
架自己丟
請清醒點
不要誤會什麼
否則我不會再和你說話
你不是我杯茶
不喜歡就是不喜歡

>>October 4, 2006 at 3:52:37 AM GMT+8

2006 年 10 月 2 日 星期一 【晴】

工作仍然如此多!
老闆又是如此麻煩!
又是一開口就屌9人!
佢今天無啦啦10點幾就返左!
攪到成日只工作無停過!
又無野講,悶爆!!!!
一個人lunch~
好快又收工!累得很........
回家~
這幾天都唔打算夜晚外出!
休息夠星期5去玩盡佢!
今晚12點幾明明好眼訓!
但係我又亂諗埋D無謂野攪到3點先訓得著!

>>October 6, 2006 at 3:30:33 AM GMT+8

2006 年 10 月 1 日 星期日 【晴】

12點幾起身!make up完就同第2果個出tst!
行街!昨晚我又是行過這地方經過這些路!.....
今天我一樣野都無買到!因為無錢!
有睇中野!不過最終都無買到!
因為而家既我不斷地儲錢做我要做既野!
去左食餃子同滿記糖水!
wiat bus!又係昨天LV果邊!不過今天次目的唔同左!
見到好多人排LV! May be on sales!
行程好快!返到大埔都係6點幾!
返家食飯!
用盡哂呢3日假期!明天又上班了!
都好!呢個星期只返4天!

>>October 6, 2006 at 3:22:28 AM GMT+8

2006 年 9 月 30 日 星期六 【晴】

國慶日!
上年我與你睇煙花!
手拖手與你回家...
今年睇煙花既對象已不再是你了!.......
訓到1點起身...
hea下,上網同PSP,唔錯!
之後原本佢0地又話唔去睇煙花0家!
但係我唔想放家留係家囉!~都訓夠了!
於是決定接yinyin接工!
呀?鄧培話跟我!精蟲見鄧培同我0地一齊!
結果都係決定出0黎!
7點幾出大中搵鄧培再搭K巴轉火車出紅磡!
um.......好耐無0黎過呢個地方了!
0黎過幾次都唔識路!
去到0岩0岩yinyin收工!
轉小巴去TST!遲左了!
落車時見到停車場有架車拉花拉到呀...
之後鄧培睇一睇!佢話係甩尾王0黎!
估唔到有機會見到甩尾王!
行到去harbour city已經爆緊!
最終我0地係LV對出睇!
好多人,所以行唔到前去0家啦!~
雖然只係睇到果少少位,但係已經好滿足!
yinyin係咁屌鬼!佢話文化中心個塊野阻住哂!
係咁叫拆左佢!
跟住個掃街亞姐話D樹遮住左!
yinyin又話...係lu~!快D拆左D樹佢啦!~
成程佢係咁屌!真係爆!!!
太遠關係咩都影唔到!
希望下次有機會去灣仔睇啦~!
TST點都係太多野遮住無咁好睇咁!
睇完搵地方走!去左霸王山壯食飯!
都OK喎!~之前一直都想試下!
原來好多野要單身先可以鍾意去做就做!
食飯時見到個鬼佬好型!!!超有男人味呀!我喜歡!
yinyin又做左D魚皮野!
嘿....最終幫我0地夾包!
食完搭火車轉的,仲有下半場...
去左rainbow食糖水!
肥布都過左0黎!食完去左大PK hea左陣!
點幾同yinyin走先!佢第2日返工!
返到家沖涼加MSN!
3點幾4點先訓!一放假就夜訓!好嚴重!!!
仲有件事好嚴重囉~!
琴晚同yinyin傾電話時...
得知福榮想溝我!
唔係咁玩法呀?
其真我都估到...
中二既時候為我做既野,點好都好我都唔會受!
每個人都在進步!
而你就沒有!果時唔受,呢刻更加唔受!
我對個個人都係咁多野講!
我打字一向都咁快!唔好誤會我咩都講覆得咁快就有野先得0家!
我唔會鍾意你呢類型男子!
有skyline或fairdaly先同我講野啦!
電單車唔0岩我!我唔鍾意攪到成身烏漕!
我更加唔會鍾意做廚房!一陣味...
我班男性朋友求其一個都好過你呀!
唔係我男友就請不要多問我去邊去邊啦!
遲下我落club唔係想我帶埋你去呀?
同你一齊去鬼有仔溝囉!~咪傻啦!
今晚我MSN,佢又叫我!
仲話想知我係邊度睇煙花但係無我手提電話,得我家電!
佢提一提我先記得中二果時佢係拎左我家電攪到爆煩!!!
嘩....希望佢而家唔會打我家就好了!
成程MSN我冷淡得很!
最終佢太煩關係結果我鎖左佢!哈!~

>>October 3, 2006 at 2:45:06 AM GMT+8

2006 年 9 月 29 日 星期五 【晴】

12點幾先起身
而家好似受到yinyin影響囉
一放假就訓得晏起身
不過佢仲勁,佢可以訓到兩點先起身
之後我食左點野,make up兩點幾三點就搭火車出去!
同亞倩行香工,冇咩野好行咁
只買左條褲
之後去左西九龍,
再去MK,去左euro gogo食飯!
我仍然喜歡呢間,仍然喜歡飲那個凍忌廉朱古力
實在太好味! >.<
食完hea左陣行多陣就去佐敦
買頭髮,自己買都係95蚊0者!
唉~之前駁得太貴了!駁左500蚊!
加埋電直攪左千蚊!
算吧!好彩個個朋友都覺得好睇!
朋友們覺得我既性格就襯戀頭髮
但係我既我既面形就兩樣都襯
而家長直髮咪斯文點
我D駁髮甩左3紮了
好彩唔覺眼0者!
遲下覺眼就要再駁0家啦~!
係朗豪坊見到肥章,佢仲話今晚苟 after5
我仲一口答應了
好彩佢冇打0黎,因為我返到家又唔想出去
原本今晚同精蟲佢0地出0黎hea
好可惜彬佢女友0黎左,鄧培又同波友去玩
結果今晚又留左係家!
o...好耐冇夜生活了
JOJO話下星期四落club,好想去呀真係!!!
ladied night唔駛錢
好可惜明天我要返工
我覺得唔可以因為去玩而攪到第2日唔返工
下星期我只返4日工渣,星期一又放假喎!
唔係星期5又唔返呀,攪到積埋好多工作!廢事了~
唉~~~~真係好想去呀/_\
好想去蒲下!好想同D abc玩下!
唯有等到helloween去蘭貴坊啦~
記得搵我呀>_<
今晚我玩MSN玩到3點幾先訓
o...一放假就夜訓,好似唔係咁好咁喎!~
我要執番好D眼耳口鼻!

>>October 1, 2006 at 6:20:37 AM GMT+8