2006 年 5 月 10 日 星期三 【陰】

原本老公今日約左亞君朝早去沙灘游水!
但係今日涼了~陰陰地天!...
我訓到十二點左右起身!
起身後洗埋琴晚太累無洗既under!~
再之後拖地!老公成兩點先起身!
跟住我make up完之後晾埋衫就落去德田食野!
食完返番老公家!玩左陣電腦!
原本打算訓陣!覺得好累同眼訓!
但係因為...............
到六點左右準備搭小巴出旺角返英文!
開頭上堂都覺得有少少累!
之後上上下堂又覺得無咁眼訓!有聽下書!
落堂之後我同老公搵地方食飯!
最終搭小晚去興田食!食食下無啦啦聽到好大聲啪一聲咁!
有好重既野跌落0黎既聲咁!唔知咩事!
果時老公食完飯!我仲未食完!
但係俾我見到樣野!起初我以為有貓仔走過!
因為我視力問題...再諗諗!
我係見到好長既尾,再諗!...應該係老鼠!
果時我先識驚!跟住同老公講!
我野都未食完就走了!行路返去好大風呢~
返到老公家沖涼!之後陪老公睇埋果套GO大暴走!
都幾好睇!某些位都幾攪笑!
好耐都無睇日劇!以前我既只留意日本明星!
同埋原來好多日劇情侶間男方係咁鬧完個女方之後又攬番!
之後又無野!又一齊左!
日劇好多都係咁!留意左好耐了!
點幾先準備訓覺!明天要返工!必定!~
又連續3日係老公家訓!

>>May 12, 2006 at 7:59:44 AM GMT+8

2006 年 5 月 9 日 星期二 【晴】

朝早亞君打俾老公!打手提無人聽就打屋企電~
頂呀!攪到老公媽入黎叫起身!
FUCK!!!勁唔夠訓囉!原本仲以為可以訓到好晏起身!
又連績幾日唔夠訓了!
老公打返去話琴日返左今日唔返!
之後佢起身沖涼話訓唔到喎!
跟住我都起埋身!亞君上0黎!
但老公掛住...........無開門俾佢!
跟住亞君上到0黎!佢0地落去食m記!
我留左係家make up!晾衫!
老公買左m記俾我食!食完點幾我0地去九龍灣接亞聰!
再去將軍奧!因為佢又睇車!
架車好平!好過上次果架囉!三千五蚊!
結果買了!陪埋佢攪架車既野!亞聰個朋友都有0黎!
佢架100仔好新!佢好珍惜架車!
攪到成5點幾先走!原本車亞君去觀塘搭車!
但係又行錯線!最終返左停車場又落藍田地鐵站搭地鐵!
亞君係鑽石出走!
亞業生日!我0地早左少少出尖咀!
約左佢0地7點9係味千門口等!
我同老公入完票就係利時行障先去等!
亞業剛剛收工!等佢0地黎等左好耐下!
0黎到又係唔知係邊度食飯!去左睇MI3幾點有場睇!
一係十點一係十二點半!
亞魚要早走!無一齊食飯!
之後佢同肥雞又發脾氣走左去!
等埋秋然去意粉屋食飯!
等位時個經理同我0地傾下計!
玩佢D奇技!嘩~~~好嚴重!佢隻手點攪都得!真係好恐怖!!!
佢話見我0地好傾就送左汽水俾我0地飲!
計我話不如打個折俾我0地仲實際啦~
一路食一路都有人0黎攪到係咁叫野食!
湯威一路都有去搵佢女友!佢女友發脾氣話湯威唔打俾佢!
攪到又嘈交!跟住湯威返0黎好似喊過咁!
到十一點去新港買飛睇戲!睇十二點半!
肥雞同子文早走先無一齊去睇戲!
我預左聽日返唔到工!一睇一定又勁夜!
套戲幾好睇呀!無悶場!
睇完出0黎兩點七了!
佢0地睇完出0黎急尿!因為睇戲無時間去廁所!
一出0黎又見到有小巴返去!結果個個都返到去先!
亞業又發脾氣因為無得去廁所!
好累好眼訓呀~搭小巴果時個個都蒙哂咁!
返到老公家都三點左右!即沖涼!我沖得算好快了!
湯威都係度訓!佢返工仲早!六點半!
四點左右訓著了!
唔知點解老公班朋友都幾麻煩!
人0地生日又走一個又一個咁!
又易發脾氣!唔夠團結咁!
睇睇我班朋友出0黎玩好似無呢個情況!
最多都係遲到!

>>May 13, 2006 at 2:12:43 PM GMT+8

2006 年 5 月 8 日 星期一 【晴】

今日勁唔夠訓囉!早左少少返到公司!
朝早都係hea下!lunch同Carly食飯!
買左水返上去!下晏成四點先送水0黎!
下次我都係再早少少訂水!
食飯時willy打0黎叫我買檸檬茶飲!
返到去俾番錢我!但係我無錢找!於是佢俾左十蚊我唔駛找!
如一百蚊唔駛找就好!
下晏做另一個藥盒設計!
不過都諗唔到!之後又改下其他野!
好快六點走人,返英文!
累呀!勁想訓覺!最終都無訓!
放左學返觀塘搵埋肥雞食飯!
食完就返老公家!沖涼!
點幾兩點訓!明天唔駛返學太好!~
可以休息一天!訓晏少少!好累...............

>>May 12, 2006 at 7:36:51 AM GMT+8

2006 年 5 月 7 日 星期日 【晴】

返工!早半粒鐘起身!早半粒鐘就係早半粒鐘!
唔夠訓!~都係要返工0家啦~
成朝都覺得好累!
lunch同老公佢0地食飯!um..........................
食完老公陪我去幫willy拎埋錢先走!
好熱呀!又曬!返去時唯有搭地鐵返公司!
原本老公陪亞君學車!但係最終又驚唔俾跟車!
於是去左九龍灣搵亞聰剪頭髮!都幾好睇呀!
工作上都係咁上下,唔係十分之多!
D野亦都唔係好趕!
放工之後佢0地去買整cake既材料!
我當然去8下啦~我都幾鍾意食!
因為亞業生日所以湯威整cake!
買完老公送我搭bus!我返家食飯!
原本老公話唔落去肥雞度,最終都係?車去左!
之後我都係上下網!
等佢電~um..............12點幾左右準備訓!
但係訓唔著/_\攪到成兩點先訓掛~
咁攪法,聽日返工又係唔夠訓,連續兩日唔夠訓!

>>May 12, 2006 at 2:03:00 AM GMT+8

2006 年 5 月 6 日 星期六 【晴】

今朝訓到成12點先起身!~老公成點先起身!
之後攪掂好入上水飲茶!
因為老公爸要北上,又要拎D野放係架車度!
於是老公?車去!
飲茶........唉~~~我好累!
老公話我.......跟住我又喊.......好樣衰囉!
之後老公?車送我返家!
拎番哂D紙!好多,幾重下!
返到家hea下~又食飯!夜晚沖涼,mask!~
唉~~~~呢個假期!咁又冇左!
完全冇做過d咩野!唉~~~

>>May 12, 2006 at 2:18:36 AM GMT+8

2006 年 5 月 5 日 星期五 【晴】

老公6點幾先起身沖涼!哈~估唔到佢都會訓訓下醒到喎!~
跟住差唔多8點老公爸就嘈醒佢起身入元朗驗車!
因為果度冇咁嚴!但係到9點幾佢又返番0黎,話唔記得拎唔知咩!
之後又走!又叫我等佢0黎!果時我仲蒙緊!
我訓到12點先起身!訓訓下聽到有男人聲!
幾驚又係冇啦啦聽到唔知咩男人聲!
原來老公爸係度!佢整野食,問我食唔食!
原來佢一早就問老公我食唔食野!
同埋佢問我食唔食,原本仲想落街買野食俾我!
食完,點幾老公媽返到!之前打過俾佢,問駛唔駛煮通粉俾佢!
但係佢又話唔駛,之後返到0黎又問老公爸係咪有通粉食!
哈!~老公爸就話佢唔一早講,洗哂D野先講!
之後又煮過俾佢食!其實老公爸都好勁,起碼肯煮飯!
因為好少男人會煮飯,我老豆就係一個好例子了!
老公媽仲買左野飲返0黎!話出面天氣熱,買D野飲返家!
食完我就睇書,等到3點幾老公仲未返喎!~
老公家整廁所門!因為爛了!搵左隔離屋果個人整!
三百幾蚊,攪左好耐!真係有限公司!
之後入房玩電腦!玩到4點左右老公打0黎話佢返0黎~
4點半左右老公爸媽出門買送!
老公爸一早煲左湯!每次都係老公爸返0黎先有好點飯食!
最起碼有湯,因為我鍾意飲湯!
等到4點9左右老公終於返到啦~MISS U呀>3<
我又再次係佢家等佢返0黎!
之前老公有晚踢波我係老公家等佢返!
夜晚同我講覺得我係家等佢返好幸福!
哈~!其實係咪真既先!?
想唔想我以後都會係家等你返0黎?
老公返0黎曳曳!~ =﹏= I LOVE U!~
之後夜晚係老公家食飯!
老公太唔夠訓,又出左去成日,食完飯係廳訓著了!
之後佢醒,打算送我返家!落到停車場,佢仲係頭暈!
我驚佢一個揸車返0黎有危險!
老公話唔捨得我走!其實係咪真係唔捨得我走?
之後揸車去左公司拎紙,返到藍田後再去平田7仔充電!
食左雪糕!嘩~好耐冇食!其實我真係好鍾意食雪糕0家! >0<
不過我怕肥,忍好忍左好耐!而家一個月都食唔到一次!
以前一星期食幾次!超多!~
以前返工斜對面就係M記!果個男仔認得我!
又係同場,成日整好多好多俾我!好多時都差點瀉出0黎!
不過而家去M記就半得好少=_______=。。。
食完充完電返老公家!又再次返老公家!
連續四晚,係四晚去左老公家訓!
呢幾日假期,就係老公度渡過?
今日冇點出街!悶左一整天/_\ 唉~~~
返到老公家即沖涼!1點左右就訓著!

>>May 7, 2006 at 1:53:39 PM GMT+8

2006 年 5 月 4 日 星期四 【微雨】

假期第1日天~
9點幾我就起左身啦!
老公朝早8點幾起身車佢老豆返0黎!
老公媽拎衫去乾,又話去中環咩浴弗!
最終我0地11點幾就搭603出去中環!
點知冇喎,睇果D咩中國畫,夜晚睇新聞先知原來係灣仔會展!
本人不太喜歡睇中國畫!...
跟住我0地去左灣仔飲茶!湯威都有0黎!佢0岩0岩起身~
飲完之後我0地去CWB行左陣!
老公媽同爸返家買送煲湯!
陪湯威係SOGO睇埋果個唔知咩開倉果D!
不過我完全冇興趣!果D都唔0岩我!
開倉果D miss sixty有點垃圾咁我覺得!
跟住返藍田,等埋肥雞,上左老公家!
今晚我0地幾個一齊食飯!老公爸煮飯!
食完佢0地去睇戲!因為Mary約呀好似!
但係去九龍灣之前入左將軍奧入油先!
菠蘿都係度!佢成日都唔認路,唔識入去入鬼油!
之後老公返藍田放抵架車!
坐菠蘿車去九龍灣!點知睇唔到戲喎~爆哂~!
都話左假期一定要一早買!一係就琴日買定,一係就一朝早去買夜晚飛!
跟住改左唱K!原本我打算今晚返家!
但係佢0地都叫我一齊去,老公又用愛唔愛我呢招!
我話我唔想著番前日果套衫,呢幾日著0黎著去都係果D!
結果老公出錢買左衫褲俾我,THX老公!~簡,試!
原本連埋鞋一套買!老公叫我買埋鞋!果件衫我幾鍾意!
不過呢果套又唔親我呀著左上身!
老公話對鞋似死人著緊D!條褲呢覺得唔係我style!
同埋好鬆呀條褲!呢D褲應該係貼身先0岩0家ma~
結果冇簡到,簡左第2套!
買左一衫一褲!我居然買左S&K既衫!
我以前都冇買過S&K衫!同埋我好耐冇係ebase買衫啦!
以前買就有折!而家冇啦~果D折都唔係員工折!
冇以前買咁平!如果以前買呢兩件,只係百幾蚊左右!
而家買左二百幾蚊!um..........做sales唯一好處就係有衫有折!
之後就去eruo gogo飲野等埋秋然同子文過0黎!
子文係最近果個囉!居然係最遲到果個!
秋然一0黎到就失落哂咁!男人唔係為左錢就係女人0家啦!~
唱K得一個女仔,好悶!!~
佢0地班友癲癲地!其實係老公同湯威!
哈~湯威唱到好有感情!老公又成日係度嗌,出面都聽到哂~!
唱到3點我叫走!跟住返到老公家沖涼!
老公等唔切除哂衫褲就訓著左!而我又洗埋d烏漕衫褲!
又吹乾點,結果5點先訓到!
好耐冇試過成班仔得我一個女唱K!亦都好耐冇多人唱K啦!~

>>May 7, 2006 at 1:34:09 PM GMT+8

2006 年 5 月 3 日 星期三 【乍寒還暖】

終於返番工!呢個星期返得果一日工咁少!
呢個月又搵好少了!/_\
今日返工都OK多野做!
Willy間房個地濕哂!可能因為落雨果D!
要打俾業主!成日都係改下野!
又係藥囉!~lunch同Carly食!
佢4點幾就走左,因為佢要整電話!
部手機跌一跌就話張卡顯示唔到啦!~
我做到6點就叫走人!返英文!
但係Willy就同我講左陣野!
佢話問我報唔報稅!叫我星期一答佢考慮下果D!
仲要打卡係電腦!唔記得左佢講咩!
總之星期一返工開始就要係電腦打卡啦~
唉~~~睇0黎我唔可以太晏返工啦!
最遲9點半返到去!要早半粒鐘起身!
不過我真係冇試過係電腦打卡!都幾攪野!
其實以前返工都係要打卡0家啦~!
就算我早返去都係hea!頂多夜晚早點訓囉!~
之後返英文,唔知係咪因為知聽日唔駛返工,連續3日假期關係!
今日上堂又冇之前咁累喎!~
好快落堂!跟住同老公係mk行左陣就返藍田!
食完飯先返家!呢期都冇得12點幾訓著!
下下攪到點幾兩點先訓!今日都唔例外!
唉....................我估下星期先出糧啦!
今日Willy都冇叫我寫抵返左幾多日工出糧!
冇錢...........

>>May 6, 2006 at 10:48:03 AM GMT+8

2006 年 5 月 2 日 星期二 【乍寒還暖】

返學啦~朝早九點左右EVA見到我!不過我趕住搭車見唔到佢!
佢又會咁早既?!
打俾我傾左陣!原來佢今日係電腦廣場返工!
又係灣仔喎!有時間搵下佢先得!
今日都唔算評審咁!只係做好哂,俾分!
返學都係聽下Roymand講野!
之後呢放學前校長0黎!印左幾時校董評審!
原來好快22,23,24其中一日!仲未出lst自己係邊組!
唉~~~計計得番兩星期左右渣!
太少時間啦~我估呢兩星期要係咁做功課!先得啦!
放左學同亞倩食早餐,傾下計,之後決定去大德買紙!
原來亞倩係冇去過大德買紙0家!
同埋我而家先知大德真係觀塘有分店!
唔怪得我返工見到溢財果度有大德啦!~
簡緊紙時老公打過0黎兩次!佢吹我快點!
因為佢要陪亞聰去西貢睇車!
估唔到筒紙咁大!買完即走,亞倩都返工!
去左機舖搵老公,搭603!返藍田!
?車去九龍灣搵埋亞聰!之後老公入西貢!
果度好入囉~幾難搵下!我0地都搵左一陣子!
都唔知咩車房0黎0家!架車遠睇都OK既~
佢0地睇完車之後都冇買,因為話架車好唔掂喎!
應該係大撞過0黎!之後我0地入到西貢正中心地帶!~
去左食下午茶!佢0地未食過野~
亞聰請!呀....好耐都冇0黎西貢啦!
以前細個差唔多每星期都0黎食海鮮!
或者夜晚同朝早唔同啦~同埋果度真係變左好多既!
唔知點解西貢俾人感覺好舒服!空氣都好清新!
食完野我0地?車去將軍奧,因為問下強哥有冇車睇咁!
亞聰想買車ma~之後?番內停車場,我訓著了!
跟住亞聰自己搭車走,而我0地搭小巴落MK!
因為老公琴日拎左手機去整!佢部手機成日都壞!
去到MK拎完電話冇耐都走了!
返藍田等老公媽收工!老公食飯先,因為佢要踢波!
我好累,真係唔想去,寧願係家等佢返0黎!
咁佢食完又話肚痛,so佢返去先,我一個係果度等老公媽0黎一齊食飯!
等左都OK耐!之後先食,個意粉好酸下!
攪到夜晚個胃有點唔舒服!
老公11點幾先返到!
又話會早點既?好彩我冇跟去睇!唔係有排等!累死!
之後兩點前先訓著!

>>May 8, 2006 at 2:13:30 AM GMT+8

2006 年 5 月 1 日 星期一 【乍寒還暖】

今日成日留左係家做功課!
朝早9點幾就起身,之後一直做做做!
冇返到工,因為我知我返工一定做唔切!
亞媽仲係度話我錢多!
有錢我唔想去搵咩,有工返我一定返!
只係因為星期3要評審!
D功課我成日都好急咁樣先會去做!
唉~~~計計,原來真係好唔夠時間!
夜晚冇返到英文!
老公返去幫我拎埋note都走了!
去肥雞家做功課!咁我見夜晚都做到8899!
上左陣網,秋然send左歌俾我!
玩左陣msn!12點幾等老公返到家,
send番頭先佢係肥雞家send俾我既file!就準備訓!
不過同第2果個傾左陣計,攪到成兩點幾訓得著!

>>May 6, 2006 at 10:23:59 AM GMT+8