2006 年 6 月 29 日 星期四 【晴】

嘩...好嚴重囉!~
訓得果4粒鐘又返工!
不過算啦!今日已經係星期5!
難得,真係好難得今日早收工3個字!
因為收工要去灣仔正形聽擺展覽既野~
打俾亞倩,佢約左我係灣仔地鐵站等!
嘩...收工時間真多人!好耐冇試過收工去灣仔了~
諗番起年頭係灣仔返英文!
我0地係地鐵站居然見到亞盈!
其實起碼係亞倩話之前見到亞盈衣著係咁樣!
亞盈背住我0地,我0地係後面行...
當時我心諗亞盈係肥,但係冇咁肥呀?
之後一轉身,嘩~!真係亞盈0黎!
佢個身形大左兩個碼!仲比之前更肥!
仲記得以前識佢又話減肥又話呢樣果樣0家!
又食藥減肥0家喎!咩減到咁呀?
之後我0地一直減慢腳步!
點知返到學校我0地同佢坐得好近,佢聽到我0地講野!
跟住寧一寧轉頭,見到我0地同我0地say hi~
um...今日頭果粒幾鐘聽既野都係當日既野!
但係聽完之後冇啦啦有科學園既人0黎講野!
原來佢0地想引入設計公司入去!
頭果一年唔駛租,第二年都係收番我0地8蚊一尺!
最少有八百幾尺喎間公司!
仲要D設施好完善!不過...我0地只係學生,又點會有能力加入去?
聽都未聽完就走人!亞倩想早走,冇他..
因為佢男友0黎接佢放學!呀...我都想!
不過我老公要返工!唯有放工係佢家等佢回來~
放左學之後一條友行左陣CWB!買左件衫之後走人!
返到去老公家附近買外賣上佢家食!
有點累,訓得咁少都冇早訓!
明天放假了~太好!7月1日...等待多幾天出糧!

>>July 4, 2006 at 3:07:52 PM GMT+8

2006 年 6 月 28 日 星期三 【綿綿細雨】

今朝...一睇!唔駛咁串呀?!
完全唔俾面我,完全當我冇到!
我真係唔知妳係咩原因要咁做!
亦都唔知妳講既野係真定係假!
如果係假,咁點解妳又要打出咁既野出0黎?!
擺到明係話我!妳.........
唔明點解話我同老公之間既感情事唔關佢事!
咁點解佢又去理會呢?!
我真係唔明,十萬個為什麼!!!
如果係真......咁我可以點樣?!
之後我冇返到工,搵老公!
我知佢仲未起身,係後樓梯等佢...
一等,等左差唔多兩粒鐘!
有點累~因為我唔夠訓,起身原本打算返工!結果冇返!
之後問老公,同老公講!
um...你係我老公,我冇可能唔相信你而相信妳!
唉~我都唔知!我真係咩野都唔知.......
我真係好難去相信一個人!
亦都唔明點解我每次拍拖都會有呢D事情發生!
我真係唔想......唔想上次拍拖既事再次發生!
真係唔想="=................................
越0黎越害怕,害怕拍拖既感覺!
愛到擔驚受怕!為咩?
妳係板度講既野...令我十分氣憤!
但係我又可以點做!
妳只是我一生中的一條小毛!我唔會把妳放在眼內!
但係妳呢條小毛得罪了我!
俾著以前既我真係會..................=____________=#
正一八婆!!!
雖然老公有同我講大約你0地sms講過明!
但係我仍然唔明點解老公要問佢0黎唔0黎食糖水囉!~
我真係覺得呢句說話係不必需要!!!
你食糖水,同佢講!為咩?!
我同你之間既事同佢講!為咩?!
其他朋友是不能講一定要同佢講嗎?!
咁0岩搵你就要同佢講?我真係唔明!
到而家...我仍然唔明!
你話你對佢一定冇野!但係佢呢?我真係唔知...
唔知你0地之間發生咩事!我淨係知自己被包圍住了!
壓力,是我自己俾?或是你0地帶給我這些痛苦的感覺?
3年前既回憶不段係我腦海浮現!好可怕...
我唔想佢呢為外人知道我0地既全何事!!!
係板度:係天意...緣份,miss...掛念或者是錯過?!
不過我知妳有睇我xanga所以先知道囉~
大魔怪,小魔怪...
妳話你0地之間講過既野我應該唔係咁鍾意囉!~
妳係板度既說話...
係我腦海中不斷浮現!
是真,是假....?為什麼我每段戀愛也是這樣失敗!
是我問題或是怎樣?
我真的那麼差勁嗎?
好一個好識招數既女子!
話我小家!我小唔小家根本唔關佢事!
同埋一句生日快樂原本是好地地!
但係妳講我就一定唔鍾意!
因為我根本已經唔鍾意妳!
再加上那些親切既稱呼,更加令我討厭妳句生日快樂!
我小家,係呀!特別對住妳我更加小家!因為我根本就係討厭妳!!!
老公,我需要相信你嗎?
其實佢既說話是真或是假,我真的很想知道!
有時我覺得你唔講足所有既野咁...
唔明點解佢對我咁,你仍然好似冇咩野!
有人咁對我,你一d都唔憎佢,唔討厭佢嗎?
而家自己愛既人俾人蝦,你仍然就手旁觀!
我一早話過唔鍾意佢,你仍然做D令我極度唔鍾意既野!
sms....................聯絡!
我對呢段感情越0黎越冇信心!
是我害怕...害怕被別人騙!
害怕事件再次發生!
我...真的忍受不了!.......................
受不了那種感覺!回想起那種感覺也可怕不得了! ="=...
兩點幾先同老公落去食野,起身成7粒幾鐘都未食野!
食完又返老公家~老公放假,好多時都係同佢係家渡過!
因為佢累!行街...都係唔好了!佢一定又話累!
我明白到,老公咁耐冇返工,一返返左咁多日先放假,係累點...
6點左右湯威0黎左!
小平sms左老公,話夜晚一齊食飯!
其實我覺得小平對老公有點意思囉~
唔係仲咩約佢=.=" um...可能是我太過敏感吧?!希望是這樣!
但係老公就造就左湯威同小平!得佢0地兩個一齊食!
跟住呢老公媽返到,老公揸車落觀塘食飯!
不過我唔餓,冇食!
今晚去左睇老公踢波,佢好耐冇踢!
唔小心俾人踢中細佬!痛死了!
之後又俾人踢中成個人坐左落地撻親pat pat!
成晚,好餓...好像餓壞了!
肥雞收到亞魚電,亞魚要食糖水!
之後飯都未食就食糖水!
食左個飛碟加芝麻糊!
但係我兩樣都食唔哂~因為我覺得唔係咁好食...
老公所講話果食果個,我覺得冇咩特別............
好似豆腐花加芝麻糊仲好食過佢!
食完12點半先搭小巴返家~
原本老公有揸車落去!但係借左俾肥雞車亞魚返家!
我沖完涼佢0地班野又落過去,拎番架車同車key!~
今晚3點幾先訓著!唉~明天返工一定唔夠訓了!
努力搵錢!好快轉全職!

>>June 30, 2006 at 3:21:40 PM GMT+8

2006 年 6 月 27 日 星期二 【雨】

今朝10點幾聽到老公鬧鐘響!
跟住我見唔對路,唔想俾鬧鐘嘈,咁老公慣左會較埋手機0家ma!
於是我睇佢手機!e!?熄左機既!
咁咪開0黎睇下有冇較囉!有較我就熄左佢啦ma!
跟住...一開機等佢load!
冇耐我就見到有sms!一睇!
又係佢!好過份!點解次次我0地嘈交又會咁0岩佢sms 0黎又叫你泵番我?
我都係女仔!我都知佢一定係想做第3者囉!~
如果唔係,佢唔會咁!
生日快樂唔駛講3次咁多!
仲要咁親切既稱呼!
佢根本令人誤會囉咁講野!
如果我係鍾意果個男仔,咁0岩個男仔同女朋友嘈交!
我當然扮好人叫對方泵番自己女友啦!~
我都係女仔0黎0家!我感覺到!
女仔對呢D野好敏感的!
之後我即起身就換衫走前同老公講呢個sms!
老公居然呃我!話唔知!
其實你又呃過我幾多次?
因為驚我嬲而呃我!
咁其實係心虛唔想俾我知定係點樣?
如果真係冇野,同我解釋我會諒解!
如果真係私下同佢sms而唔俾我,即係心虛!
原本我氣沖沖已經落左觀塘準備走人!
但係之後諗諗下都係決定返執野走!
返到去,同老公爭執!
佢因為驚我嬲所以先唔同我講有同佢sms!
不過我之前已經好唔鍾意搵你0家啦!
又話咩掛住呀果D!冇野?我唔信囉!~
我已經講過,下次如果再搵又覆後果自負!
亦都有講過如果佢sms你,就一定要俾我睇佢講過d咩野!
留番個sms俾我睇!
點知老公話佢呢兩日唔開心因為我唔聽電!
咁0岩以前女友搵番佢,於是就同佢傾!
有冇攪錯!有咁多朋友傾點解一定要同佢傾?
明知我唔鍾意佢,點解要咁做???!
仲要係我同你嘈交時咁樣!
之前機會我已經俾過幾次!
容忍已經容忍過!唔係要我次次都容忍!我真的好辛苦!
於是我決定講分手!
我第1次嗌分手!原來果刻既感覺係咁難受!
我真係唔想成日咁!次次嘈交佢搵番你又係咁!
我真係好唔鍾意佢!佢根本就想做第3者!
如果唔係,就唔會咁!
又會咁0岩,根本就係扮好人!
咁既稱呼!有冇攪錯?!
佢根本當我冇到!老公send sms同佢講我唔鍾意佢咁稱呼!
叫佢唔好再搵佢!
點知之後兩個sms!話佢唔鍾意,但係我唔鍾意咁叫喎!~
我屌啦!~根本當我唔存在!
有冇攪錯呀呢個女人!
唔係真係要我打俾你屌7你呀?
真係好過份的女子!
如果真係想我同老公好,就唔會做咁多誤會既野!
亦都唔會咁樣囉!~正八婆!!!!!!!!!
當時我發左癲,喊得幾勁下!唔俾老公攬住!推開了他!
果刻既感受,好似以前有第3者出現一樣!
真係好難受!我完全接受唔到.......
仲記得,果時第1次分手知有第3者,我足足大喊了4粒鐘冇收過!
喊完,對眼角紅紅腫腫的!
之後真係散左...我日日都有喊!
維持左好耐!都老公追我一段時間時我先冇再諗過以前男友!
夜晚收工食宵夜見到佢拖住第2個女仔我已經冇感覺!
我知...我要用好長好長時間先可以淡忘!
第1次............見到老公喊得咁勁!真係未見過有男人為我喊我咁勁!
以前男友都有為我喊!但係...冇咁激動!
亦有男人為我唔開心,但係佢0地只係一時!
我清楚知你有多愛我!
但係...我真係忍受唔到有第3者出現!
或者..............我真的很害怕!
有第3者出現,我害怕是自己問題!
好多女子都係咁樣!係咁樣情況下想做第3者!
唔係咩叫成虛而入!
以前我男友又係咁!我俾左好多次機會...
最終都係有第3者!
我真係唔想今次拍拖又係咁!你明白嗎?
個感覺..........真係極度難受!
如果真係愛我,就別傷害我!做呢d我咁唔鍾意既野0黎傷害我!
如果真係想我0地感情好,真係唔好做呢d野令我咁唔開心!
你就算對人冇野,對方都一定有野囉~!冇野佢唔會咁!
佢實在係一個唔知醜同主動既女子!
令我十分討厭她!
一次又一次的機會!我一次又一次的容忍!
不過我見到老公喊得咁勁,我心已軟了!
我知佢好愛我!佢唔想我離開佢!
最後我又願諒左佢!
不過我已經講明,如果真係有下次我唔會願諒!
就算...我有多愛你都好!我唔希望自己既感情會咁樣!
初初叫你戒煙,你到而家仍未戒到!
叫你唔好四圍拋垃圾!你仍然係咁!
為我作出既承諾一一唔對現!
呢d都算!但係女人!我絕對唔能夠容忍!
我是個很不大方的女人0黎!唔能夠將自己男人同別人分!
我真係唔希望自己既感情會受到任何女人影響!
唔希望又有第3者既出現!
你個八婆,當我冇到!
唔好要我有下一步行動!
老公揸車返工,係車上我send了個sms俾佢!
同左佢講:你以後唔好再搵我!我女友唔鍾意你!
請你唔好再做d令我女友誤會既野!
就係咁...我講左呢d說話!
如果我咁樣打,佢都仲係咁既!
即係有心,想拆散我0地,有心想做第3者啦~
即係同我過唔去!你死硬!八婆!!!
返到大埔同老公快快手食完野佢就車我返家之後即返工!
跟住呢返到家亞媽又話未食野喎!
hea左陣之後就同佢出去!去左大果個度!
因為唔駛錢ma!~食完我0地行左陣!
買左bar~!跟住呢去到大廣!
睇中左條工人褲!我非常的喜歡呀!~
佢同平時d工人褲唔同的!好似裙咁樣!
同埋條帶都唔同!佢成條都泡泡地咁!真係好鍾意~
之後買左!3百幾蚊就可以買個開心!
冇錯!買野能夠令一個人開心!
行完返家~落雨呀今日.....唉!~
夜晚係家食飯,亞媽話星期6定係唔知星期幾去食元氣喎!~
佢想食,因為大埔新開了一排見多人想試下!
夜晚都係等老公電!
其實......我一樣咁愛你!
但係請你唔好做些傷害我的事情!
今次已經係最後一次...沒有下次!
有下次.....就算有多愛你,我都會忍痛離開你...

>>June 28, 2006 at 3:52:21 PM GMT+8

2006 年 6 月 26 日 星期一 【綿綿細雨】

今日一號風球喎!~
不過仍然返工!
但係呢Carly同Willy冇返~
原本仲以為Willy會返,因為佢話晏點返!
咁我咪做手上既工作囉!~
點知到我6點收工都未返!結果當然走人啦~!
lunch老公0黎左搵我食飯!
我朝早聽左佢電!
um...最後我0地都冇野了~!
今晚返英文幾好!
因為有傾有講!四眼仔帶左魚眼相機0黎影相!
原來佢上一堂已經帶左返0黎影啦~!
佢0地話7月中就讀哂呢個課程!
所以佢0地話決定7月尾去肥婆家BBQ!
都好呀~聚下都好!唔知幾時再有機會見面...
放左學同佢0地食飯!~GOOD!
之後就打俾老公媽,老公媽等埋我返去先沖涼!
我沖完就等老公返!
佢d朋友0黎左!鬼咩~冇法啦!
呢幾次去老公家訓都有佢D朋友係度!
算吧...四年一次!
夜晚3點幾先訓............
呀...老公4點幾5點先返入房訓!/_\
唉~呢幾次,次次0黎訓都有朋友係度!
次次...都係自己一個人訓先!
有時覺得,0黎訓唔知為咩="=...............

>>June 28, 2006 at 3:54:38 PM GMT+8

2006 年 6 月 25 日 星期日 【晴】

今日仍然氣緊!
所以冇聽老公電!~
但係佢好似唔係好緊我咁...
Carly兩個< 質 >女0黎印野~
真係多< 質 >女!我見過3個了!
lunch同carly食!
老公冇0黎搵我食,因為我唔聽電嗎?
仍然工作...................
冇咩特別!
收工返家~!
夜晚都冇等老公電了...
因為我真的興!

>>June 30, 2006 at 3:13:56 PM GMT+8

2006 年 6 月 24 日 星期六 【晴】

今朝訓到11點幾起身,對眼有點腫..........
起身冇耐湯威就走人了!
等老公起身,12點幾先起呀佢!
之後等佢換好哂點幾就同埋家強搵老公媽食lunch~
食完同老公搭MTR轉KCR返大埔!
佢返工,陪佢買埋少少野食就走人~
um.............
返到家!都係hea下~
係家食飯!um..........
我氣仍然未下!
點都好!一諗起就好嬲!
幫朋友幫到咁樣!唔係唔理!但唔駛理到咁樣!
亦都唔駛咁照顧同細心!
亦都唔駛係我面前係咁讚佢!
由頭讚到落腳!一開始就讚!食完飯又讚!
又係咁叫人0地打俾佢!
又話同佢傾計感覺好舒服!
有幾舒服呀?舒服過同自己女友傾計嗎?
舒服,咁即係0岩傾啦~夾啦咁即係!
簡直唔當我存在!
幫朋友唔係真係要咁樣幫?
你0地以前幾好朋友?真係好朋友到好似女朋友咁照顧食飯呀?
好過份!!!!!!!!!!!真係好過份呀!
如果我唔係度,一定更加嚴重啦~
如果我唔係度一定送到人0地上門啦!驚人0地有危險呀ma~!
幫朋友!幫朋友!幫朋友就係要咁樣幫!
唔係呀ma?!
我唔嬲的話,一,我唔愛你!二,我係白痴!
正常既女孩子一定好嬲囉~
um...或者我唔大方啦!唔大方俾自己男友咁照顧第2個女仔囉因為幫朋友!
同埋因為同果個女仔真係好fd囉~!
點都好!冷靜下吧......

>>June 26, 2006 at 12:45:49 PM GMT+8

2006 年 6 月 23 日 星期五 【晴】

生日快樂呀老公~~~~~
一早起身,返學!落樓時老公以前女友又有sms 0黎祝生日快樂!
駛唔駛咁多次???駛唔駛講成兩次???
駛唔駛每次都係講我的,你的呀?
駛唔駛琴晚講完我的大魔怪,你的小魔怪!
今日又講駛唔駛講MY JJ呀?
駛唔駛咁呀?其實呢D說話係專登想俾我睇到定點樣?
可惡既八婆!都已經散左啦!散左年幾兩年啦!
駛唔駛仲要咁親切既叫法?
你0地以前拍拖點樣叫對方我唔理!
但係而家再係咁叫就唔得!我容忍唔到囉~死八婆!!!
好耐之前老公已經叫左佢唔好做D拎我誤會既野!
點解講完之後仲要再接再厲?為咩?姣定係想點樣呢?
嘿......我真係唔清楚呢個女子係點樣!
我只知佢應該係一個好識得去溝仔既女子囉!~
只知佢真的有一套!亦都知佢係一個好主動既人!
做女人駛唔駛要做到咁呢?
湯威同老公媽拎買冷氣,風扇果D!
行陣先去搵位飲茶!等我0地放完學去!
亞君都有0黎一齊!佢0地打左舖機就走~
飲完行返老公家,嘩,熱到爆炸!好驚曬黑哂囉!~
真係好驚呀>0<....................
好熱,湯威洗番乾淨本身果部風扇!
終於洗完,涼番哂~!
hea左陣,坐左陣!好眼訓!
之後佢0地3個去入油!我留係老公家等!
同老公媽傾左幾耐計!其實老公媽都幾多野講0家!
每次傾計都好多野講!
佢有講下佢返工既野!有講下家庭咁樣~
其實我都知一個家庭要付出好多野!
錢係其一,錢,真係度度都要錢!
電器果D點都要用!又貴!
精神,湊大小朋友等等!
6點幾等到老公佢0地返0黎冇耐就落觀塘!
原本我同湯威都想出MK,TST行左陣去打邊爐!
但係因為肥雞既說話,最終我0地都冇出到去!
去左觀塘hea左陣!陪亞君買墨!冇喎~搵唔到!搵到只係代用墨,D色冇咁靚!
之後去左M記,傾左點野,我食薯條!
跟住去APM等佢0地0黎!~
有show攪,有舞睇!睇左陣~!
冇耐同老公又爭執!我真係好唔鍾意老公少少事就發脾氣!
好少事都燥,好少事燥哂之後用粗口鬧我!
受夠了!!!最唔鍾意就係咁樣!跟住係街嘈交!
呢點我已經講左好多次!唔想再講!
原本打算走,唔去食飯了!咁唔開心,去到都冇心情,0黎仲咩?
之後老公扯住我!係同佢拉扯期間,今朝整花既指甲油花得更嚴重!
對涼鞋條繩斷了!.\ /.
老公之後成呢個商場幫我駁條鞋繩!格硬整番,頂住先!
亞東0黎到就捉住我隻手!佢叫我發脾氣!
仲講唔好意思佢遲到了~
其實都唔關佢事呀~!等埋湯威一直喜歡既女人----吳小平0黎!
跟住我0地成班去左德福食飯!
我知老公同小平比較fd點!
我亦知老公為左幫湯威,想知果個女仔係咪真係同佢男友散左既事~!
亦都知叫佢0黎到,廢事唔理人!
但係成晚,佢同果個小平講10句野先同我講一句!
行去食飯時,成程路程亦都冇同我講過野...
對鞋我真係頂唔順了!結果同老公去左買左對playboy拖鞋!
老公俾錢買了俾我!估唔到佢生日都要番佢買野俾我...thx老公!
唔好意思,你生日都要買野俾我!
我清楚知道你有多錫我!我明白,感受到...
返番去食飯,成晚,老公驚冷落我同小平!
結果!因為果個女仔咳,估唔到老公對住個女性朋友咁細心囉~
亦都估唔到,夾完送俾我又夾俾我!
亦都估唔到,因為佢咳,即倒茶!我知驚我唔鍾意!
先幫我先,又整涼D茶,又要幫埋果個女仔整涼d茶!
點解要咁既?點解對我做既野,又要對番佢做!點解要做到咁公平?
我係你女友,佢唔係呀?
唔係每次見到都要咁樣~!我都要睇住你同第2個女仔係咁傾計!
十句我先得一句呀?
係咪傾閒事都要同佢講先咁樣呀?
起初我知因為幫湯威!但係我忍到想死,忍左成晚!真係好辛苦!
扮到開心,同佢d朋友玩,我知你要同果個女仔傾計!
我唯有咪同朋友玩,唔係可以點樣?
係呀,佢係女仔,要照顧呀ma!
我係女朋友0黎0家!唔係要同其他女仔一樣咁照顧呀?
仲要係我面前同佢講得閒打俾你!冇野做可以打俾你!
又係我面前讚第2個女仔!讚佢d既衣著,又話呢件好,果樣好!
嘩!~其實有冇當過我係度0家?
呢樣靚果樣靚!而家既我真係好差咩?
自己既男友係自己面前讚第2個!我真係好火!
你0地係好朋友?係你同我講過男女之間冇朋友!
如果真係好好,其中一方一定有野!呢點係你教我的!
呢點,我亦好清楚知道,因為我亦有經歷過!
你同我講同佢講野好舒服,但係識左咁多年,對佢完全係冇野!
咩講野最舒服既唔係自己女友?
係自己女友面前講同佢講野真係好舒服!
咁好多說話都唔需要同我講!因為已經有個傾計感覺舒服既女子!
女仔直覺,我覺得你冇野果個女仔點都有d野~!
你去完廁所返0黎又望!望你既眼神,我覺得有點野!
我反而覺得佢同湯威係冇野囉~
我覺得成晚我只係閒角!佢先係你女友囉!~
淨係覺得成晚自己男友俾人分左!
我唔鍾意同人分享同一樣野!好討厭!忍到我想死!
大方!我一d都唔大方!做女仔一向都易呷醋!
呢方面我一d都唔會大方!而且好執著!可以為好少事都唔鍾意!
成晚,我淨係同你影到一樣合照!
你既生日,我同你只影了一張合照!
我同你冇相機,但係手機有,但係你都冇話一齊影相做留念!
完全冇!!!重要日子都冇!
我同以前男友既相,多過你好多好多好多倍!
我知冇得比!係根本冇得比!
平日唔影相我都唔梗要!連重要生日都係咁!
已經唔係第1次咁!今晚影相機,仲要係朋友既相機!
我估都拎唔番果張相!即係等於冇!
好一個生日!好一個重要日子!真係好日子!!!
原本想開開心心咁渡過!
知你得一日假,咁同埋你d朋友一齊過都冇所謂!
你根本唔想同我有咩開心回憶,唔想留住每一刻!
唔通真係好多野都要講到出口先做到?
影相,已經唔係第1次咁!已經唔係第1次咁啦!!!!!!!!!!!!!!!
食完飯,幾個打的,送左小平返家先!
我有say bye~同佢去廁所亦有講野!
但係我覺得自己成晚都好假!因為我忍得好辛苦!
最終佢走了,我終於發脾氣!我真的好嬲!
你以前女友既SMS已經拎我非常生氣!
APM既說話,呢幾日,每次既粗口責罵!我已經忍受到...冇法再忍受!
今晚,食飯!我真的唔能夠忍受!
真係好嬲!今晚我喊左好耐..................................
平時唔係對我唔好!
太多太多太多...............................令我真係好嬲!越0黎越心淡...
我真係唔希望有多次今晚既事情發生!
下次........................我唔會容忍!亦都唔會再俾機會...
戒煙我由初初一齊已經講了!
平日隨街拋垃圾,唔好亂咁飲人口水尾!
食煙個個食過又食!我真係好唔鍾意!
我真係覺得你冇聽過我既說話!
我既說話完全唔放係心上!冇心理會我既野!
我講,只會得到你既責罵!粗口既責罵!那些可惡既眼神!
講過既說話,已經冇數次!真的唔想再講!好討厭!
飲完食完人0地口水尾,過後又0黎錫我!諗番好嘔心,我好介意!是真的!
好多人既口水!每個人都唔知會有咩細菌!
我真係極度唔鍾意咁樣!!!
你話改了,或者我真是一個唔細心既人,睇唔出,有改過咩野!
我只睇到,初初一齊既你比現在好得多!
唯一好肯定就係果時唔會用粗口話我!
唔會成日為左咁少事鬧我!唔會咁樣......
第2年渡過既生日,永遠都唔會追得番以前第1年既感覺!
感覺過去了,就過去了!感覺都追不回來!
上年只有我倆,一齊切蛋糕,影相!生日甜蜜既感覺第2年真的沒有了!
好快就到我生日啦~
不過我今年生日一定會有一兩天同朋友一齊渡過!
我要痛痛快快咁玩番一頓!!!
唔想連自己生日都係咁!
估唔到只係第2年渣!已經咁樣!將來...點樣?
拍拖頭果幾年應該係最sweet!
打開我同你既相簿!只有幾張,就係幾張估照!~
手機,仍然係上年生日既舊相!手機有既合照,仍然係上年初初一齊既舊相!
網上日記,仍然係我同你舊年既舊合照!
新相呢?沒有!沒有我倆重要日子既新相!
沒有我倆渡過每段日子既相!
第1年既中秋節聖誕節,除夕,情人節?
沒有,什麼也沒有!什麼也沒有!!!!!!!!!!!!!!!!!!!!!!!!!!!!!!!!!!!!!
同以前男友影相,真的多得很!為什麼會這樣?
難道真的沒有回憶可言?
以前手機唔有影相功能,而家有!但係而家都冇影!嘿..................真係攪笑!~
夜晚訓前我0地傾,你哭了幾滴眼淚!
雖然熄左燈,但我仍然見到!
你話你真的很愛我同著緊我!
果次做手術你有為我喊過!
夜晚喊...
其實我知道你喊唔係因為有多愛我,而係因為以前既經歷...
唔開心既事情已經過去了很久!
現在又有間大公司請了!
我亦知道唔係因為父母既幫助你唔會有今日!
我都知道你左右難做!
家庭既環境,其實好多人都唔會接受到家庭是這樣!
雖然我未去到完全接受唔到呢個地步!
但係我唔想因為你家庭咁樣影響到我倆日後相處!
需要而家未影響到,但係我知好快會影響到!呢個係一個問題!
家庭係咁樣,冇人想!
呢個係事實!只好接受,面對!
我都會相信,將來我既生活會更好!
壓力係自己俾!我都唔鍾意自己既工作!
你既壓力令到脾氣更加大了,你知道嗎?
我已經決定左今年之內最少要儲萬5蚊!希望能夠!...
為將來而努力!
最遲我會係9月就轉全職啦!~就咁決定!
而家既我好努力返工!已經冇之前返得咁少工了!

>>June 25, 2006 at 10:30:21 AM GMT+8

2006 年 6 月 22 日 星期四 【晴】

今日返工OK多野做!老公lunch都有同我一齊食!
佢又話我了!........唉~
又要驗多次!已經冇M 0黎個幾星期...
次次食完果D藥都隔5,6就有0黎,今次又會冇既?
有點擔心,擔心既係我身體出現了毛病!
我知食得多呢D藥唔好!因為我呢一刻就算冇野!
唔知將來會唔會子宮生咩生咩,唔知會有咩問題!
或者唔知會唔會影響將來生育!
驗了,仍然是沒有中招!
我0地lunch仲見到蓮花!嘩~~~~正爆!!!
唔知呢一生有冇機會坐下!
之後返工作!OK多野做~又遲了少少收工!
返左家食完飯拎點野先上老公家做功課!
搭車返家時,塞車喎!~
見到唔知111定係101,但係好型囉我覺得!黑色的!
又見到黑色skyline!~型爆!
老公叫我唔好整蛋糕,話生日仲有好多年!
但係讀書就讀左3年,唔想因為咁冇時間做功課!
同埋我上去做左先,咁佢返0黎就唔駛爭電腦可以做功課了!~
食完飯10點多少少就上到老公家!
做功課!呀...上星期都有send左D圖俾老公!
但係冇底既?我記得佢燒左係張卡度!
咁我打算插卡拎番出0黎做功課啦~
但係我又唔知係邊度可以搵番張卡既file拎番出0黎!
結果搵了秋然幫手,廢事打俾老公,咁少事打俾佢,驚阻住佢做野!
佢叫我去控制台求其禁下果D咩c,d,f,g睇下有冇!
結果真的搵到~太好!
老公電腦真的好慢呀~!
仲嚴重過我以前果部!睇0黎真的中了病毒!要快點整先得啦!~
上次果個人整,我覺得根本就冇點整過咩野!
攪到12點send個sms俾老公同佢講生日快樂就沖涼!
其實我好想打俾佢,但係怕阻住佢收工或者佢仍然工作緊,廢事阻到佢!
沖涼~沖完涼冇耐老公就返到0黎啦!~
冇耐湯威都0黎埋,佢呢期放大假,又睇波,所以成日見到佢!
老公以前女友有sms,唔駛較到咁準呀時間?
唔駛一過12點,1點左右就send呢?
唔駛講我的大魔怪,你的小魔怪咁呀?
唔駛咁親切呀叫得?
咩事先?你0地咩事呀???????????
令我覺得好多誤會囉!!!
有冇當我存在?
老公想覆番佢!因為人0地同佢講生日快樂!
我好清楚知呢個女人係咩女人囉!因為我都係女人!
我唔俾覆!你問得我,即係想覆啦~
冇諗過覆就唔會問我!
我講過,我唔鍾意佢搵你!無論咩時候!!!
覆佢?完全唔得!我好執著!
愛情方面,我完全唔可以大方!!!!!!!!
容忍!?我絕對唔會!
訓之前,送了生日禮物俾老公!
佢話鍾意!不過冇見佢多謝我!
亦都冇見佢開心既樣...其實我都唔知佢係咪真係鍾意!
或者好多野,都唔需要講到出口啦...
訓覺~!

>>June 25, 2006 at 10:39:01 AM GMT+8

2006 年 6 月 21 日 星期三 【晴】

返工返工返工!lunch老公0黎左搵我食飯!
唉~同佢lunch有點唔開心!因為同佢有少少爭執!
食飯過後我就行去成業街拎番稿俾客!
差唔多成3點先返到公司!
好熱呀出面!~三十幾度囉!~
返到公司仍然做我既藥盒!
又遲了收工!但係我今日冇返到英文!
因為我一心打算返家做功課!
點知返到家呢,呀?!AI好似有點問題!
唉~做唔到!唯有明天去老公家做!攪到好趕添!~
我聽晚想整埋個蛋糕先去老公家!
同佢渡過12點,20歲生日!
今次係我同佢第2次共渡佢既生日!
夜晚等死我!等老公返家,send我既file俾佢!
因為唔send俾佢我就做唔到功課!
唉~連續幾日唔夠訓!好辛苦!
攪到D飛滋勁難好番!好眼訓.........................................
明天仍然要上班,不過星期6,日又唔駛返啦!~GOOD!

>>June 25, 2006 at 8:12:52 AM GMT+8

2006 年 6 月 20 日 星期二 【晴】

今日都係老公家出門!
但係今朝我用番之前買多左既捧0黎check!
因為說明書拋了!落街去萬寧睇!
冇中到................
佢返工,我放假!~佢要連返6日工,到佢生日先有假放呀~!
D時間較得唔係咁0岩,攪到我0地落左觀塘之後又返停車場拎車!
唔揸車返工實遲到!老公車埋我返家就返工了!
而我去左公園影下葉for功課用!
好曬囉今日,好彩老公冇拋抵我係海濱!
唔係咁猛太陽我都唔知點樣行返家!
海濱0黎家話遠唔遠話近唔近囉~!
影完相我去左大中行左個圈~
一心都打算去時間廊買錶送俾老公做生日禮物!
我知大埔果間有,原來呢隻錶係有兩,三款的!
同一條錶帶有兩,三款!
結果我真的買了,我希望佢鍾意啦~
隻錶雖然唔係貴野,但係我知老公鍾意puma!
同埋之前都聽過下佢話鍾意!
我又唔知買咩好!褲,老公都有睇中!
但係千幾蚊條,都幾貴下!同埋老公太瘦,褲一定要試!
買完我就去左買少少整蛋糕既材料!
跟住就回家!hea下~上網!
夜晚食完飯hea陣沖涼,再等老公電我!
好累,點幾訓覺!

>>June 25, 2006 at 10:40:10 AM GMT+8