2006 年 8 月 28 日 星期一 【微雨】

琴晚夜返家,個人好累
喊到好累
於是今朝冇返工!
成日...留左係家
um...............
以往有男友同我報到
而家冇,覺得好唔慣
以往有男友打俾我
但係而家冇....
以往,我好少打出電話
而家...收到既係朋友電話
而家打出,send既sms都係朋友
真係好唔慣!
打左俾wing,傾左好耐~
今天成日打俾亞wing
傾電話,係咁傾~
唉~!
冇野做...
夜晚,攪到兩點幾先訓!

>>September 2, 2006 at 1:50:33 PM GMT+8

2006 年 8 月 27 日 星期日 【雨】

今天極度唔開心!!!
我訓左兩粒幾鐘就起身~
之後老公起身同佢老豆揸車北上!
接亞希落0黎!
um......我專登等到10點多先落去7仔充電!
充完打算係停車場門口等佢回來~
點知佢冇啦啦send左個sms叫我比心機工作!
但係我已經同佢講左今天不上班了~
成晚冇食過飯,個胃有點唔舒服!
之後佢話唔返0黎藍田,話油錢一來一回果D!
水左我返大埔,叫我返大埔打俾佢!
其實我預左佢只係水我!
佢話直接0黎大埔搵我!
點知...我落左車之後佢已經返左藍田,而且冇sms我同我講!
之後話去食飯,食完打俾我!
又話會0黎大埔搵我,話0黎之前打俾我!
點知.......最終都係冇..........
返到大埔,我hea左陣,坐左陣公園!
等精蟲落0黎!
佢同我傾...陪左我成個下晏!我又喊下咁樣~!
睇住吐露港D雨過0黎!原來係好快~!
個過程都幾...唔知點講!
我好傻,又做左d好傻既野!
專登經過佢公司樓下!
其實我知就算經過都冇咩用!
經過只見到外面,都唔會見到佢!
辛苦哂精蟲陪我行左咁多路!
打算搵個爛地停車場,點知搵唔到!
夜了,黑...唔係太識路!
打算睇下佢有冇揸車返工!
彬佢0地叫我0地9點幾去佢度食飯!
唉~我成日冇食過野,冇胃口唔想食!
成28個鐘頭冇食過野!
嘿...好耐未試過呢種感覺~!
彬佢0地落單,好多野食,好可惜我食唔落!
彬同RB請食飯!THX~
10點幾yinyin收工0黎到!冇耐彬都收工了!~
之後陪下佢去換衫去7仔果D就去左B明樓下坐住等佢!
等B明收工,佢買左酒0黎!
o~好耐冇飲過!飲完好wing!high high地!~
之後俾人話夜要走,咁我0地去左大中陪彬同RB食野!
食完行去馬路邊............
呀~好暈!yin仲係度搖我,想嘔=___="
傾左陣,攬左陣,喊左陣...
之後彬攬住我訓左陣!
鄧培踢波踢到成兩點幾經過返家!
RB早走先!
3點左右我0地就回家!
返到家冇沖涼,msn左陣就訓覺了!
好累~個胃好唔舒服,成日都冇食野咁!
朋友們當然叫我放手...
不過年幾感情,唔係話放就放!
我清楚知道唔可以俾D第1次影響到!
唉!~點解..........
我從下晏sms,打電話,到夜晚兩個sms...
已經冇回覆了!..............
我知佢12點幾可以收工回覆我!
但沒有了,我放棄冇再sms佢!
唔想再做D煩事!
大雨就像我的淚水一樣...

>>August 29, 2006 at 3:53:42 AM GMT+8

2006 年 8 月 26 日 星期六 【晴】

今日係同老公500日!
其實我都係月頭先數先知!
不過我又發老公脾氣!冇野攪野0黎做!
佢下晏探完亞太0黎左搵我!
之後同左我去食下午茶!
琴晚食完M記攪到個胃唔舒服,朝早都冇食野!
食完去上水搵老公爸,因為佢返0黎!
第1次坐拖頭,原來係咁既感覺!幾高下!
我唔識上落,老公扶我抱我!
之後返藍田再轉小巴再轉bus返大埔!
老公今晚要同佢班中學同學加miss食飯!
um...有點點唔開心既係因為佢冇話到同完miss食完飯0黎搵我!
我覺得老公好多時都唔多理咩節日!
或者係我自己執著,其實500日正常0黎講都冇咩人記得!
只係我冇野搵野0黎攪!
之後返大埔坐左屋企樓下好耐都冇返家!
跟住諗唔開,send左sms俾老公,講分開下!
其實我知講左之後要付後果!
點知,俾老公屌9番我話忍左我好耐果渣!
話分開一下會好點!佢第1次咁講!
之後我去佢家樓下等佢,我一條友,喊住等!
我唔知可以做咩野!打左俾彬!
個電話又就0黎冇電!
老公明明返左0黎,佢係停車場度過0黎,我唔知佢去做咩野!
成晚對我都好惡...
佢話佢變左心..........
返到去佢家,我走佢冇留我,反而send左sms俾彬話我走左叫佢搵我!
彬覆番話搵唔到我,仲咩事!
彬擔心就打俾老公啦~
點知佢sms都冇覆,電話都冇聽!
跟住我因為冇食野想嘔,老公都冇理我了!
之後反而講左好多難聽說話!
我唔知係真定係假!
但係真係好傷害我,令我好傷心!
成晚我都訓唔著.....................................................
原來我段愛情,人...同時間鍾意兩個!

>>August 29, 2006 at 1:11:43 AM GMT+8

2006 年 8 月 25 日 星期五 【晴】

今朝make完up就同老公去搵老公媽飲茶!
佢北上完返來了!
飲完老公返工,我就去TST!
等亞wing等左成粒鐘!去左page one睇書!
之後佢0黎到就去仙跡岩飲下野!
好耐冇見,好多野講!
坐左成粒鐘就行下街~!
行左幾耐啦!係X-gril買左個裝飾物既盒!
原價二百幾蚊而家折左六十幾蚊渣!
跟住去左買左D手鐲!
睇下老公D衫咁!不過冇睇中,原本想買俾佢!
但係最終都冇野買到╥︵╥
食M記,食完行多陣11點多少少就返家!
食完M記想嘔,攪到成程bus好辛苦,想嘔想嘔咁!
返到家屙,跟住沖涼!
老公同亞笨傾計,我等佢,等到兩點幾先訓!

>>August 29, 2006 at 1:15:41 AM GMT+8

2006 年 8 月 24 日 星期四 【乍寒還暖】

老公今天放假一早起身要整車,跟住去唱K!
而我就返工!唉~
個藥盒又唔得!又搵我同人比!最討厭囉~!
返工不是太開心...
之後收工,老公係地鐵站等我!
因為落雨佢0地冇遮!
之前亞魚0黎到,佢同肥雞又係睇戲喎!~
不過想睇日本沉沒了!
跟住佢0地一齊買定飛等我同肥雞收工!
睇7點10!因為肥雞同亞魚睇果套冇咩位!
最終同我0地一齊睇!
渦水幾好睇呀!有點剌激!
睇完我0地一齊食飯~
我返老公家!連續兩晚去老公家訓!
因為佢家又冇人!哈~太好!
又一齊沖涼!兩,三點先訓!
明天放假了~
連續兩日又唔夠訓!

>>August 29, 2006 at 4:02:39 AM GMT+8

2006 年 8 月 23 日 星期三 【颱風】

今朝都係如常返工啦!~冇咩特別!
lunch又係同Carly食!
6點幾收工!
之後返家食飯!
訓左兩粒鐘,因為太累!訓醒都11點多了!
等老公收工車我去佢度!
嘩~好大雨!濕哂~
老公媽北上!
今晚得我倆!實在太好~!
一齊沖涼,好耐未試過了!
去到老公家佢話餓,我煮公仔麵俾佢食!
我都好累~眼訓.......
不過佢食完攪到訓唔著,太飽!
緊係啦~10點幾先食完飯0黎呀!
之後3點幾先訓!累~

>>August 29, 2006 at 1:22:02 AM GMT+8

2006 年 8 月 22 日 星期二 【晴】

Carly今日冇返工喎~!
lunch老公0黎左同我食飯!
原來佢亞媽同亞希去左迪士尼!
食完又返去工作!
又等收工~!
返家食飯!冇咩攪!~
一切如常咁樣......
日子...返工日子都係咁樣!

>>August 29, 2006 at 4:01:47 AM GMT+8

2006 年 8 月 22 日 星期二 【晴】

如常地返工放工!
放工返大埔外出食飯!~
兩個堂細佬0黎左!
落車,冇啦啦叫我!~
呀~~~~~~~原來係Tammy喎!
好耐冇見佢!佢殘左!
佢話我冇以前咁殘!
忘記佢大元係佢娘家!原來佢返娘家食飯!
細果個食KFC果D飯食到清哂,一粒都冇淨!勁~!
食完送佢0地搭bus,我0地返家!~
夜晚等老公食飯電我,收工電我等等!~

>>August 29, 2006 at 3:58:59 AM GMT+8

2006 年 8 月 20 日 星期日 【晴】

唔夠訓返工!如果老公夜晚收工車我去佢度的話一定攪到夜訓的!
今日都冇咩特別野做!
基本上返工就係返工!
冇咩特別!~唔同以前做sales咁多采多姿!
lunch得一個食!
咁我又著左裙,又去後樓梯hea左陣!
老公唔鍾意...佢話好危險!
叫我即刻返入去公司再用公司電打俾佢!
之後send左sms俾我!
佢話越愛我就越著緊我!所以不知所措!
又等收工~
夜工返家食飯!
um...
等老公食飯電我,放工電我!
訓覺~!

>>August 29, 2006 at 4:00:29 AM GMT+8

2006 年 8 月 19 日 星期六 【晴】

今天沒有野做,老公返工前揸車0黎見一見我!
之後我又番上家!
唉~悶,都係hea下咁樣!
冇野好做!
亞wing叫我出去,但係佢7點幾同朋友食飯!
我見完老公出到去都4點幾啦~
都係約下星期了!
到夜晚再等老公收工接我去佢家!
missing u~

>>August 29, 2006 at 12:56:56 AM GMT+8