2006 年 4 月 20 日 星期四 【晴】

今日冇返工,因為老公佢話牙肉好痛!
其實佢呢兩日都話痛痛地0家啦~
我以為佢唔夠訓,燥熱先咁啦!
今朝佢話痛到腫左!咁我陪佢睇醫生!
佢又想我留抵,於是冇返工!
o................冇返一日工搵少一日錢!
我真係唔可以成日請假的!
我0地去左附近牙醫問下價!約左時間睇4點!
12點左右我0地落觀塘!因為琴日收工前Willy俾左信我!
叫我返工前拎去駱駝漆大廈!
我又唔知係咪真係急,於是唔理送左去先!
同老公買左手套,做功課用!
之後出MK買藥,再返0黎藍田去Wellcome買點野食!
返家煮通粉食!我0地3點9左右訓著左!
5點幾我醒了,之後拖地果D!
6點左右老公媽打0黎,問老公睇左醫生未!
到6點幾老公先起身!7點多先肯落去睇醫生!
不過都唔係睇好耐!因為唔多人!
睇完我0地去大家樂食飯!但係老公仍然好痛!
因為佢出智慧齒,仲要訓抵左!要返去食藥,消左腫過幾日返去做手術!
介開D牙肉拎整牙出0黎,因為佢訓抵左,唔係正常生出0黎,生唔到!
就係咁,老公咪好痛,攪到腫左!
食完飯返老公家拎手套去肥雞度!
不過老公去肥雞度前送左我搭車先走!
返到家好累了~!聽日終於星期6太好!
不過其實我都連續有3日假期啦!~

>>April 23, 2006 at 11:25:12 AM GMT+8

2006 年 4 月 19 日 星期三 【晴】

返工日子!累~
不過呢今日Willy見客,佢11點多打0黎話晏D返!
成朝都得我同Carly兩人!
老公今朝車完佢老豆又入左將軍奧拎車俾強哥整!
跟住係將軍奧撞到Mary,上左佢家!
陪佢落觀塘拎回鄉証!咁lunch呢就同埋老公一齊食!
食完返到0黎都係得我同Carly兩日!
Carly今日冇咩做,3點幾就走左了!
之後都仲係得番我一個,仲以為Willy唔會返添!~
點知佢5點幾先返0黎!咁俾左少少野我改!
好快到6點我就走人!跟住返英文!
好累,好眼訓呀真係!放左學之後同老公食一間食咖哩野既店度食!
老公冇錢,於是我又請左佢食飯~
食完去禁錢,唔係聽日返工連食飯錢都冇!
返老公家,o........累~
點幾訓著了!
今日因為返工冇野做,返返下工記起網上理財!
又記起,好似電腦台隔離唔見左我網上理財果舊蛋!
於是打俾第2果個,點知佢都話唔見!
FUCK!我估一定又係大果個亂咁拋野啦~
一定又係佢拋左!拋左好嚴重!
因為果舊野200蚊!冇左,要賠錢呀!~
唉~要得閒搵下仲係咪家先得!

>>April 23, 2006 at 12:26:03 PM GMT+8

2006 年 4 月 18 日 星期二 【晴】

今朝超唔想起身!因為琴晚又要叫老公起身車佢老豆!
跟住佢今朝6點幾返0黎我又醒左!
跟住仲.................呀!真係好累!~
之後訓下醒下到8點幾起身makeup返學!
仲發老公脾氣!因為我返工好累呢~
返到學校都冇野交,都係聽下Romand講野!
放左學同亞倩食早餐,跟住佢約左朋友!~
而我去機舖搵老公,坐左陣佢就送我搭車!
我成朝都好燥,跟住我話要搭船!
咁佢同亞君送我去搭船!
其實好多時候我都唔明點解佢成日都要搵埋朋友一齊陪去送我搭車果D!
咁一個人落到TST,行左陣,去左page one!
睇書,又係好多書都想買啦!~
睇左陣再四圍行下,去左新港!
之前無印果邊變左D舖頭仔!果度有兩,三間買民族既野舖!
咁我當然入去睇下啦~
行完兩點幾就搭車返家!
老公佢今日有野做,搵強哥整車果D!
返到大埔原本打算買D硬紙返家整box!
但係睇唔0岩!於是返家!上左陣網~
第2果個租左VCD返0黎睇!
果套犀照完全唔貼題,一D恐怖都冇,只係覺得悶!
所以話港產片真係唔好入戲院睇!
睇完6點幾累訓到7點幾起身食飯!
夜晚make沖涼~跟住又上下網!
同老公傾左陣電,跟住打算點幾就訓啦~
點知冇啦啦我準備訓係床果度既時候,聽到有昆蟲既聲!
好恐怖囉!~原本打算唔理既,但係我隔一陣又聽到果D聲!
於是四圍望下,點知俾我見到窗布果邊有隻野!
仲要行下飛下咁!嘩~唔係咁攪呀!
咁我坐左起身,唔對路,佢飛左落0黎!
我即彈起身跑出廳同第2果個講!
可能因為我打開左房門果D,行返入去打算搵番佢出0黎時唔見左!
拍打周圍既野佢都唔出0黎!
亞媽今朝幫我房抹野,打到D窗好大!
我一向都唔打到咁大,因為怕有野飛入0黎!
呀!!!點知真係有!
就係咁...今晚又唔可以叫訓,成兩點幾先訓到!

>>April 23, 2006 at 11:09:49 AM GMT+8

2006 年 4 月 17 日 星期一 【晴】

今朝見到第2果個起身我先記得今日要返工!
真係唔多想,有點累~
不過放完4日假,唔多唔少都要面對現實!返工!
一返到去就見到Carly帶埋佢兒生女0黎!
即係大老闆個大女!佢0黎影印書本上既野!
因為出面連半本都唔幫手影!所以係公司影印!
老公訓左成12粒鐘先起身!佢今朝冇入到去起身後先入去幫佢老豆手做野!
佢就好啦,可以訓成12粒鐘!
Willy 11點幾就返0黎!
突然記起冇拎老公封信出0黎!
因為幫佢寄履歷表!好彩我之後send番自己e-mail!
所以我係公司即場攪掂好~
lunch一個人食!拎埋封信出去,但係附近搵唔到郵筒,要行到好遠!
最終都係冇寄番番放工先!
呀...返工好多野做呀!
PK我自己又做得慢!佢又勁遲先叫我做藥盒!
咁呀通常做完都一定有野改0家啦~
唔多唔少留心極都有點錯!
今日成日係度改,同埋做多一個勁急既藥盒!
呢個佢又話急!今日收到即下晏起貨俾佢!
FUCK!做唔停!冇錯!~雖然只係細公司!
但當慢慢熟手既時候,工作量自然增多!
隨即壓力亦慢慢增多!不過另一方面我又諗如果我唔好好做好佢!
做好D對將來好D!~唯有做好完成好我要做既野啦~
5點半我先開始對番D藥盒!
跟住我已經冇話早走0家啦~6點準時先話走!
但係佢唔多肯放我走咁!搵埋Carly幫手對!
話D客話0家啦如果再有錯!
我真係FUCK!鬼叫佢唔早點俾我做呢D藥盒!
明知我做野慢,樣樣野都攪到好遲先俾我做!
攪到我0地又急!又趕,唔知為咩!
人工少不特止!又多野做!
細公司,得兩個人做野,其實只得兩個腦四隻手,又邊度做得咁快呀?
印好哂出0黎做Carly對我6點3,4先走得!
老公又係度吹我!又問我走得未!
我真係好想講我好忙,叫佢走先!
但係Willy又係度,廢事覆!
由其係收工前,廢事俾Willy以為我約人早走果D!
次次收工走人都會叫我第2日返工早點返0黎攪掂佢!
以前既我朝早都係hea下唔點做野!
而家既我朝早返到去食少少野就開工!做到lunch食完飯又再做!
基本上都冇停過~
如果好似亞倩間公司咁就好!佢人工多我十蚊一粒鐘!
又有淡季,有時返4粒鐘工都係hea冇野做!
um...或者我係呢行仲係新人,或者我仲未接觸其他公司!
或者將來會更好吧?
其實留係度唔係唔好,只係只想人工高點!
如果加我人工,我心都順服哂~
收工老公同肥雞係地鐵站等我!
之後寄完信我就同老公搭小巴出MK!
買左小小野食上去食,當然遲左少少上堂啦~
我0地仲早左走!因為我真係好累~
去食飯,原本打算返家!因為我真係要拎錢交學費!
我冇錢,唔能夠交學費!
交左,我既生活會更加吃力!
而家我連女子基本買衫,化妝品都有困難!
真係唔知為咩!上個月我都冇買過衫!
化妝品就0黎用完要買了!平既我用唔到!
買一買又用成千蚊!唉~~~只有返工先可以搵到錢!
只有經驗我將來先可以搵到多點,唔駛為錢銀擔憂!
俾老公係咁泵我之下,最終去左佢家過了一晚!
12點幾就訓著了!~

>>April 19, 2006 at 9:17:34 AM GMT+8

2006 年 4 月 16 日 星期日 【晴】

今日係復活節假既last day啦~
今日成日留左係家冇出過去!
悶了我一整天!做了少少功課!
不過仍然係懶懶閒咁!
老公佢搵佢d朋友,肥雞呀,亞業呀D!~
今晚11點幾就訓著啦~唔知點解好累咁!
放假都咁累!呢幾日放假都唔能夠好好咁訓下!
老公要早訓,因為佢要好早起身幫佢老豆手做野!
um....................今日冇野好寫了!
唔想寫...

>>April 19, 2006 at 9:18:43 AM GMT+8

2006 年 4 月 15 日 星期六 【晴】

因為琴日睇雜誌定係唔知咩睇到黃埔有車展喎!~
三菱車,EVO1-EVO9!一次過睇哂咁多代~!
我也感興趣呢!~無可否認我以前冇點留意車的!
因為老公的關係,我也留意多了!
朝早訓到12點幾起身~等老公點幾起身之後兩點幾就去德田食野!
秋然來了!幫老公買左報紙!
老公成日點人做野!我都成日俾佢點做野!
有時覺得係自己家多好,好多事情我也不用做野!
不過同老公一齊,鍾意左佢!冇法/_\
食完野之後我0地揸車入將軍奧,因為老公搵強哥整車!
點知強哥今日唔得閒!所以第2日先~
唯有揸番車返停車場,再去德田商場等肥雞0黎!
我同秋然買左少少零食!
等左好陣子肥雞0黎到我0地搭15號去黃埔!
呀~!記起年幾前我係呢區剪頭髮的!
估唔到今日都經過我之前剪頭髮既salon!
睇車,影左好多相!好多人都係咁影相!
影完,冇耐我0地就走人,行落TST!
為左方便我搭bus!秋然仲話腳痛!
辛苦哂佢0地!肥雞要搵亞魚,所以去到TST就MTR!
秋然同老公陪我等bus之後就走人,返去買球喎!~
我返到富善果邊買左file都返家食飯!
今晚即上網打番日記果D~
之後沖涼mask!好幾日冇mask了!
試下隻耳環!嗯~GOOD!
老公10點左右揸車去車佢老豆返家!
等埋老公沖完涼點幾我就訓!
一撻落床即訓!其實12點幾果時已經覺得好眼訓好累!
唔知點解呢幾日唔駛返工都覺得咁累...
不過呢3日假期我覺得幾充實!起碼有地方去!
又打邊爐又BBQ又睇車!不過BBQ同打邊爐好熱氣的呢~
聽日係4日復活節假期最後一天!

>>April 17, 2006 at 10:43:03 AM GMT+8

2006 年 4 月 14 日 星期五 【晴】

琴晚突如其來既電話~約左今晚去BBQ!
原本班朋友打算今日去赤柱,但係最終改左做BBQ!
廿幾號又再B多次!GOOD~好耐冇見班朋友了!
朝早原本老公媽話去拜佢既爸爸,
但係點知打俾老公爸話等埋佢返0黎先拜!
最終我0地3個去左大圍探亞太!
亞太俾我覺得係一個好健康既老人家!
因為佢咁老仲行得走得!仲幾精神呀~
飲茶,其實我覺得間茶樓D野唔好食!
老公即頭冇點食過野,飲完就走人!
返番老公家!老公個鼻唔舒服!鼻敏感攪發炎!
要飲苦茶...打左老話去執藥!
跟住3點幾老公媽落去同佢朋友tea~
而我同老公留左係家,佢訓左陣...
我幫佢按摩個鼻鼻!
老公媽走左冇耐佢就醒了!
大約4點幾就落去陪老公飲藥!
之後去大家樂搵老公媽!我0地食左tea~
老公又發脾氣!
跟住同佢去左入油,之後揸車入大尾督!
估唔到我0地早到左!等左好陣子!
入到去等左陣爐先有!
今晚唔係好多人,好少人,10個都冇呀好似!
kiki男友0黎左,古仔都有0黎呀!
kiki男友都幾攪笑,我覺得同佢kiki都夾呀~
唔怪得平時見kiki既xanga打出0黎既野,見佢都幾幸福呀!
0岩0岩開始燒果時就落雨!
好彩我有帶遮,個個入0黎遮!老公都濕哂了!
我遮唔到咁多個人呢~
雨細點彬佢0地就去租遮!
有入0黎遮既都濕,有D冇入0黎遮既就咁坐左係度!
嘩~好似0岩0岩沖完涼洗完頭咁濕哂~
租左遮之後我0地再燒!
不過今晚食左唔係好多野,因為落雨又唔係好多人燒關係!
好似冇咩推動力燒咁!
落雨D野食都濕哂~亂哂,唔知邊D打邊D!
老公今晚有燒野食俾我,因為抄唔到睇唔到有咩!
係咁燒腸仔!老公更加冇點食野,因為佢病了!
唔可以食熱氣野!要戒口!
估唔到咁快就燒完,我0地影下相咁!
10點幾就走人,原本以為多人,玩到好夜,所以揸車入去!
最終10點幾走人,冇人跟上車,我同老公去左牛頭角食宵夜!
我食左芝麻糊,今朝已經想食了!
食完去將軍奧入完油就返老公家,沖涼~訓覺~
連續3日係老公家訓了!明天要返家啦!
凌晨訓訓下老公又係咁打乞痴!
我估佢醒過兩,三次!
有次佢仲訓係度蒙蒙下話同我分手喎!~
我聽到當然問佢點解啦!~
之後佢話試下我有幾著緊佢!會唔會攬住佢!
是否真的想分手嗎?

>>April 17, 2006 at 11:18:50 AM GMT+8

2006 年 4 月 13 日 星期四 【乍寒還暖】

終於到了呢一天!
終於到了!一週年!
平淡的渡過!同想像仲有出入!
而且又有嘈交!一週年都嘈交!真係唔想呀. \ /. 討厭!
點解成日為左D少事係度嘈!
平淡都冇辦法,因為冇錢!不過冇錢又能夠睇到一場戲已經好好了!
我已經好滿足!起碼對方仍然記起今天是一週年既日子!
起碼對方肯盡量為我做點我喜歡做的事!
去不到赤柱,不能一起出外食個豐富晚餐也不緊要!
因為我相信第2個日子會比第1個更好!
我覺得自己好乖0家啦!起碼我知老公冇飯,冇蝦夜晚外出食飯!留係家食!
老公之前係英文班上有問我以前拍拖1週年係點樣過~
um...其實我真係唔係好記得!
只記得好似自助餐睇戲?定或者點樣呢?
我亦記不起對方送了什麼俾我!
不過我只記起情人節那些心形波波同花~
還有第1年一齊過情人節的勁多朱古力!食左我成個月都未食哂=___=。。。
其他的,可能也是平淡的!所以記不起了~!
原本今朝要拜山同老公佢0地!
但係呢,我0地成點先起身!老公媽話太晏!
結果呢~冇去到!明天先!
我0地去左食完野就睇中醫!睇我!睇番我D鼻涕果D!
跟住我同老公就落左APM買飛!呵~有位喎!
買完我0地就返藍田!揸左車去將軍奧!
老公揸得好快!差D甩尾!以後唔準揸咁快呀!!!!! >0<
就算一個人揸更加唔可以!知道未?!
原本打算入油!但係原來要7點打後先有!
最終又揸番停車場,慢慢行去德田飲藥!
嘩~好苦,飲飲下想嘔!唔想飲落去!
俾老公迫之下飲左!係咁食糖!
之後就返老公家,hea左陣7點多少少就食飯!
食完飯又hea左陣!幫老公打埋履歷表!
佢上完網睇完車網果D就去APM,行左陣!
跟住買左爆谷!又會咁0岩撞到以前讀正形果個女仔!
佢又係住大埔果個!而家佢唔係同photoshop小王小一齊了!
佢而家果個男友幾老下!原來佢而家係觀塘返工,唔怪得見到佢!
睇雛菊!終於睇了!幾感人,又想喊!
不過死忍!老公有望下我!哈~今次我冇喊!好叻!
睇片頭見到有戲好似仲好睇!你是我的命運(You Are My Sunshine)
下次想睇呢套呢~!
其實都有一排冇睇呢D戲了!
我一向都唔鍾意睇韓劇!不過今次有點興趣!
睇完戲我0地慢慢行去搭小巴!跟住返左老公家!
沖完涼,兩點幾就訓了!
明天要早點起身!

>>April 18, 2006 at 12:33:46 AM GMT+8

2006 年 4 月 12 日 星期三 【乍寒還暖】

朝早當然都係返工啦~
又係咁改改改改改改.............
累死了!我做野實在太慢了!我好清楚知道的!
但係太快,我又做得唔好!
雖然我而家都唔係做得好,但係我快就更加做得唔好!
或者我仍然未熟識D野掛?
可能我仲未有料掛?
係咪因為咁,我做野往往都做得唔好呢?
lunch同Carly食飯!
食完佢就走人了!拎左冷風機返家!
而家有左冷氣機就唔再需要冷風機了!
係Willy叫拎走的!食完飯我又去左亞洲商業銀行幫Willy拎錢!
當我拎完錢行返公司時,終於得到俾老公!
佢0岩0岩先起身!真係勁~
因為凌晨車佢老豆返工關係!唔夠訓!
下晏老公同左秋然係CWB行街!
因為老公要去番灣仔拎番手機!
放工之後返英文!係MK MTR等老公!其實我本身仍然好多工作!
不過有四日假期!留番下星期2返工再做!
老公原來今日同秋然行街係買禮物俾我!
買左westwood耳環俾我做一週年禮物!THX u呀老公!~
上英文堂好累呀!~連續幾日唔夠訓!
放左學之後係信和地庫行左陣就搭小巴去九龍灣同老公班朋友打邊爐!
有點雨,開了遮!好彩有帶遮0者!
一上小巴用左兩個字都冇就搭到去了!
我0地早左到,不過原來秋然仲早!
因為佢手機冇電,成班朋友冇打俾佢唔係約9點半改左10點!
攪到佢等左好耐,成班人0黎到佢就燥哂發脾氣!
一會兒佢就冇咩野啦~!佢0地既朋友大咀鳥都有0黎!
我見過佢幾次面,第1次食飯!
佢個人好爆笑!講D野真係好唔知點講!
今次再次睇得出,肥雞對佢仲有野...
好累呀成晚都,冇點出聲!食完之後就行去牛頭角!
原本去果度睇下有冇小巴搭,最終冇,打的返觀塘!
我0地居然行到去爆炸現場,有點驚添~
行去牛頭角果條路,有小強!好驚呀真係!爆驚!!!!!
我0地冇返藍田,去左觀塘APM,目的係買飛!
俾肥雞水左添!~收左啦,冇得用八達通買飛!
咁0岩有點雨,結果我0地打的返藍田,去左老公家!
3點幾先訓..........
老公今晚為左一把遮而話我!
我一知佢話唔可以係家開遮我已經冇開了!
家有家規?或者我真的不懂什麼規矩!
或者又是我錯吧?
咁多規矩,不如我唔好0黎訓好了!
點做都好,又是我的錯!是我太任性吧?

>>April 17, 2006 at 5:25:44 AM GMT+8

2006 年 4 月 11 日 星期二 【晴】

今朝居然唔知醒起身!好彩老公出門時打俾我!
不過果時已經8點8左右了!即換衫make up就出門!
又好彩地搭到9點4果班車!
返到school 10點多少少~
上堂只係聽Roymand講做書刊既野!
跟住交功課評審!11點左右同亞倩食早餐~
食完陪我禁錢同入票,之後落CWB行左陣!
我目的係買police條頸繩俾老公!
其實我真係唔知CWB有冇,只知MK同TST有!
好彩係SOGO見到有!佢話今日第1日擺!真係好彩了!
即買就走人!睇到個TV影碧咸做代言人拍廣告!真係超型呀!!!
好大隻!個廣告影得真係好型!不過條女就差點!
仲係果度見到隻黑< 干 >錶!
嘩~我今日行街睇中左3樣野呀!~
超想買呀>0< 唉~~~又要慳!真係麻煩呀!
帽呀!~< 申 >士帽!涼鞋!同埋手< 壓 >好想買!~
最想買頂帽!以前3百幾蚊我一定即買!
真係今時唔同往日!以前話買即買到既,而家既就唔能夠!
之後同亞倩行埋AGNES B,b+ab!老公打0黎話佢整手機!
好快整完就去sogo等!結果同亞倩分開~
同老公返家左,因為佢好累!陪佢食野!
返到家hea左陣!老公爸又打0黎叫佢車返家!
湯威0黎緊,因為老公佢0地今晚踢波!
接左老公爸之後去左一間唔知叫咩華度食左少少野!
um...門口出面好臭!不過其實果度幾靚我覺得!
D野食都OK啦~食完老公就車我返大埔!
飲亞婆果餐生日!又係度等等等...等開飯!
食左個cake!8點半打後先開始上菜!
跟住食到11點幾先走得!D送0黎得好慢!
今晚表哥仲教左我D野!哈哈哈~
不過佢講既野都0岩!認同!!!
今晚仲見到我既唔知咩親戚既仔!
嘩~年半前見佢仲係手抱,而家係一個識行識走識跳跳躍躍既小朋友!
而且佢好百厭添!唔靚仔,不過好得意!
返到家打左兩篇日記等埋佢0地沖完涼我先沖!
跟住就準備訓覺了!但係我胃痛!訓唔到!
好唔舒服呢個胃,跟住攪到兩點3前先訓得著...
明天還要上班...累!~3日唔夠訓了!

>>April 19, 2006 at 9:23:36 AM GMT+8