2006 年 7 月 9 日 星期日 【微雨】

星期一....又是新一天!
返工!不過呢冇咩野做!
叫左Willy出票俾我!佢居然答我未出到!
因為個客未出票俾我0地!
唉~而家攪到我次次都十幾號先出糧!都唔知有冇攪錯!
5號折糧囉!~.............
今朝早hea!下晏改下野!
跟住做了兩次跑腿!出了去拎打稿啦~
速X又拎錯野,拎錯左去成業大廈唔係成運!
攪到Willy一返到0黎就叫我過去,不過好近0者!
去到果度好多公司0家!好過我果座囉~
不過都係工業區!
去到搵唔到,1211未開門!
而且人0地度閘係< 風 >死左!根本唔可以放野入去!
最終拎唔到就返番去!
咁食完飯做多陣野又叫我去觀塘工業中心拎打稿!
點知俾錯左我!
返到去做多陣野5點幾又要我出去拎過再拎俾個客就收工!
唉~熱死人啦!真辛苦!
好累~今天對腳行了不少路,有點累!
跟住去又一城,第1個到!
佢0地唔駛返工都遲過我!
去左page one睇左陣書!跟住搵鄧培!
再去意粉屋!Miss Lee同佢個仔0黎到!
最後一個到係RB!鄧培8點幾走人,踢波~
今晚得我一個女子!不過唔覺悶!可能呢班朋友識了好多年!
我0地咩野都會傾,就算唔見一排感覺唔會陌生!
傾計坐下~Miss Lee精神幾好!~
不過佢食完野就屙了!因為電療關係!
坐到9點幾10點就送Miss Lee去停車場!
跟住我就搭MTR,佢0地就搭KCR!
我去搵老公!~原來佢爸今天返左0黎!
今日行得多路關係,所以我搭bus上去老公家!
上到去坐左陣先沖涼等老公返0黎~
第1個同我講生日快樂居然係秋然!
11點幾就send SMS 0黎話佢要訓,所以同我講左先!
老公唔係搭正12點同我講...
過了12點多先SMS 0黎,不過大辦法!
因為佢返工!不過呢,佢返到0黎都冇親口同我講生日快樂~
亦都未買禮物!更加冇俾個擁抱我...
THX同我講過生日快樂既所有朋友!

>>July 15, 2006 at 5:01:05 PM GMT+8

2006 年 7 月 8 日 星期六 【微雨】

因為老公返工,我都唔夠膽訓咁晏!
12點幾起身了,又訓得6粒鐘到!
太趕時間,驚老公冇野食!
結果去了新達食野!又搭地鐵,火車~
都係想就下佢0者,佢又發我脾氣!
又話廢事一陣又聽到我講呢樣果樣咁!
呀~!我唔係成日就人0家.\/.
星期日,紅日火車要轉K12或71S!冇K17搭!
而且我平日好少搭火車咁轉,因為唔想又轉bus咁麻煩!
都係驚你冇野食先去新達!
免得你返工餓親就唔好!我知你返工辛苦!
下晏又返家,冇咩特別!
夜晚等老公電,12點幾就訓著!
可能太累了~
彬打俾我話聽晚約了Miss Lee去又一城食晚飯!~
我當然到啦!~我收工頂多都係6點幾7點0者!

>>July 15, 2006 at 4:06:13 PM GMT+8

2006 年 7 月 7 日 星期五 【乍寒還暖】

今朝一早起身去了老公家目的是為了功課!
一落車落大雨....
好彩帶了長遮原來黃雨呀!!!
個小巴佬聽唔到我叫落車!差點過左老公家樓下!
好彩得再叫一叫渣!
老公部機好慢....轉存檔案攪左成粒鐘!
攪到同老公又有點口角!
遲了點返去!~
講就講小評審!其實係俾校長睇下我0地攪成點樣!
老公佢地未轉存!
因為未轉檔開果時會攪到好慢!
去電腦房開住等Alex...
需要改少少野0者!
傾完就走人佢地打機!
老公陪我食完野我就走人~!
因為佢話打完機就去簡生日禮物俾我!
搭307返去!老公要我換左件衫!
但係我無換到!到5點左右彬叫我出去!
因為鄧培收左工!但係之前同彬係大中時間廊買錶!
幫佢眼簡俾佢女友!話分手禮物喎!~
不過今晚食飯佢又咪接埋女友過0黎!仲幾sweet添!
見到彬對佢女友好好!
買完出到MK我先知條工人裙褲條吊帶粒鈕甩左唔知係邊!
彬話係大埔已經見我條帶咁樣!
佢以為我原本就係咁!style!
搵埋鄧塔又去了eruo gogo飲野坐陣!
原本打算係仙跡岩飲野既!
但無位太多人!
行去期間見到亞天同肥章!
肥章發福了不少!好食好住呀!搵萬六蚊個月係唔同點!
兩個LV!發覺班朋友好多搵錢都唔少!
好似得我咁失敗咁!
因為粒鈕甩了同老公講,俾佢話了!
要我快點買番條褲!
八點幾0黎到朗豪坊搵我0地!
跟住佢0地去pizza hut搵位先!
我同老公買褲!我想買短裙!
老公話夜晚去唱K!唔俾我買短裙!
簡極都唔0岩!攪左成粒鐘!
最終係ao2簡左一衫一褲!THX老公!
自己出左糧咁耐都無買野俾自己!駛左係我身上!
我知你好錫我同埋對我好著緊我!
不過佢0黎到就話左我成粒鐘!
食pizza都無咩胃口!班朋友好多未放工!
所以食飯時唔多人!好多夜晚唱K先到!
pizza hut既員工為我唱出生日歌,現場真人發聲中英版!
如果有埋客家話就好了!
50蚊切餅費有咁既服務都唔錯!
記前前年係大埔果間係播歌的!
之後都係影了張即影即有相埋單就走了!
老公錫了我一啖!THX YOUR KISS!I LOVE U SO MUCH~
跟住慢慢行去newway city!
因為多人關係換了3間房!不過都係唔夠大!
一共有18人0黎!有D仲無0黎!
見番好多好耐無見既朋友!
經過今日唔知幾時又有機會再見呢?
肥婷,肥章,亞天,葉洋....呢d都好耐無見了!
唱到3點幾就走人!佢0地仲留係果度到4點幾先走!
我同老公好累!yinyin明天返早都陪到我0地咁夜先走!
老公無食野饑!買了杯麵返家食!
返到老公家沖完涼就訓著了!
之後老公沖完涼俾佢嘈一嘈醒了!
今朝成5幾,6點先訓著!

>>July 13, 2006 at 2:41:15 AM GMT+8

2006 年 7 月 6 日 星期四 【綿綿細雨】

朝早我出門口前老公起了身!
因為佢又鼻敏感發作了!~
出門!~呀...忘記了拎八達通!好彩佢起左身開番門拎俾我!
今日Carly唔返!預左!因為佢話過想今日蛇王!
Lunch好彩有老公0黎搵我食飯!
原本我以為佢唔0黎...
肥雞都有0黎一齊食飯!
之後又返去做野,做說明書同埋改番好之前既野!
6點多少少就做哂,做自己既功課!
Willy7點都未到就走左!原來佢都咁早走的!
睇0黎佢返工時間都係6粒鐘!
唉~做老闆真好!鍾意幾時返都得!
而我留到8點幾先走人!
好耐冇試過留係公司做功課!
抄下公司有冇AI同photoshop程式!
點知俾我見到本packing既書仔!
即刻印哂出0黎!
不過...如果一開始我搵到呢本書就好!
而家...已經冇咩用了!
返家,家留左飯俾我!
明天又要早起去老公家攪埋一張poster!
因為留左係佢家=___="
等老公電,傾左兩句就訓~

>>July 13, 2006 at 2:41:32 AM GMT+8

2006 年 7 月 5 日 星期三 【晴】

返工,朝早都係hea!
lunch同Carly食!
下午Willy返0黎先多少少野做!
遲左半粒鐘收工,冇返英文就去老公家搵老公媽!
打左俾珍妮叫佢幫我拎note!我話下一堂會返去拎番note!
老公家今日整冷氣機!湯威都係度!
湯威表哥裝,唔肯收錢,只收料錢!之後一輪拉扯最後收左一百!
湯威原來今日舊曆生日,去CWB同家人食飯!
所以佢幫我0地掃完地就走人!
一攪攪咁就用左兩粒幾鐘!
老公媽好叻,俾舊冷氣機個垃圾婆,跟住叫佢幫手拖地!
攪掂好哂D野先落去食飯!
成10點多先食!好肚餓囉...
返到去hea左陣先沖涼功課!
不過諗唔到點攪,最終決定燒碟明天收工留係公司攪掂埋佢!
星期6要拎番school俾亞sir同校長睇了!

>>July 9, 2006 at 12:55:53 PM GMT+8

2006 年 7 月 4 日 星期二 【晴】

今朝原本打算返工!
點知一個二個都用廁所!
見有點累,又廢事阻住大家!
結果都係冇起到身/_\
老公今日放假!一時忘記了!
但係老公話出去睇下有咩禮物買俾我!
而佢又要陪湯威亞東攪學車,考車既野!
於是賣甩了我,我返家!
早知...我就搭74x返家!又要轉車!真煩麻!
返到去,又未食野!
兩個堂細佬0黎左!之後我0地兩點幾落去食野!
去左沙龍食!JOJO打0黎!佢問我得唔得閒!
唉~早知係咁一早打俾佢,出去行下香工啦!~好耐冇行過了!
食完行左陣!叫左JOJO出0黎,又同佢行左陣!
佢拎左手信俾我!原來係condom形既朱古力!哈!~我十分喜歡!士多啤梨味!
我0地去左仙跡岩飲野坐下之後就返家拎埋隻公仔俾佢!
夜晚係家食飯!沖涼,mask,等老公電!~
明晚又要功課!

>>July 9, 2006 at 12:51:32 PM GMT+8

2006 年 7 月 3 日 星期一 【晴】

今朝冇起到身返工,因為覺得累!~
於是決定今日變做功課日!
lunch去左食珍記!
食完老公返工走先,跟住等埋老公媽攪銀行既野就打的返去!
返到去功課!之後4點左右落去買洗甲水!
帶埋邱秀楠落街!
跟住同左佢去買玩具買左點零食返去!
夜晚係老公家食飯,老公爸煮飯!
功課等老公返0黎!
沖涼!~準備訓!
um.........................................

>>July 9, 2006 at 12:46:59 PM GMT+8

2006 年 7 月 2 日 星期日 【綿綿細雨】

返工,成日都係度改野...
冇咩特別!
lunch同Carly食!
搵位搵死了 下次都係早點落去搵位了!
好快又收工啦...返自己家!
電腦死了!第2果個拎左返黎~!
點知話我0地中左二百幾個病毒!!
底板燒左兩粒< 羅絲 >
但第2果個叫佢幫我地換左底板!
以前既功課無哂!真係< 臨尾香 >呀!
畢業作品集既野無哂燥了!!!!!
又唔幫我0地裝番AI,photoshop!!
話唔裝老番驚海關拉喎!
有電腦等於無!淨係得上網!!!!!!
為咩呢???食完飯打俾果條友!
因為發覺部腦比以前慢!!!!!
咁佢叫我地而家拎落去啦!
點知落到去又收左舖!
佢仲好死唔死話收八點!!!
我屌呀咁一開始就唔好叫人而家拎落去啦!
佢答我話叫左話聽日拎喎!
但係第2果個話條友叫佢而家拎的!
呀~~~!!!!真係燥哂呀!!!!
功課唔知點算啦/_\...
打俾老公 之前仲同佢嘈左幾句...
不過佢都揸車黎車我去佢家功課!
返去之前仲車左我0地入佢返工隔離泊既停車場!
好嚴重呀~~~!果度車唔知點泊家!
亞東都係度!老公架車好有問題!
條喉爆左好核突好嘈囉d聲!
返到去亞東坐左陣傾陣計先走!
佢話佢辭了職所以好得閒~!
凌晏老公車佢老豆返工!
唉.....電腦咁真係想死呀!!!
好驚畢唔到業囉!

>>July 9, 2006 at 12:44:10 PM GMT+8

2006 年 7 月 1 日 星期六 【綿綿細雨】

今日一整天留在家!
沒有任何地方去!
不過我訓到今朝11點幾先起身!
仲要老公叫我起身我先起~
起身點幾煮左公仔麵食!
老公返工,我3點幾4點訓著左到5點左右起身!
訓覺日囉好似...
訓左ok多粒鐘,平日訓得太少吧?
今日得知亞婆今日開始0黎我家訓個半月!
佢0地家裝修呀!~
第2果個幫手搬野過0黎!
夜晚係家食飯!
跟住又係如常等老公收工電我先訓~
明天又返工!
不過呢期冇之前咁忙...

>>July 7, 2006 at 2:49:51 AM GMT+8

2006 年 6 月 30 日 星期五 【晴】

今朝得知老公同湯威,東佢0地凌晨車佢老豆返工返0黎時,
入屋時打算關門,點知聽到跑緊既高根鞋聲!!!
佢地開門睇睇,有個女人問可唔可以入黎洗手!
點知佢地放左佢入屋係廚房洗手＝＿＝“...
個女人飲酒醉哂行唔到直線...
洗手時係咁洗埋個樽老公講!
真係恐怖!佢地真係傻放佢入0黎...
下次真係唔好咁呀!唔知咩人0黎!
7月1日遊行紅日?
車...都唔關我事啦!~星期6,日我根本唔駛返工!
呢個紅日都唔關我事...
朝早9點幾10點起身!之後老公10點半先起身!
仲要叫佢先慢慢起!
咁原本係約定佢d同事一齊睇戲的!
睇鬼域,可能老公知我想睇,咁0岩佢d同事有飛唔知唔駛錢定係好平!
不過係鑽石山睇11點9!
於是老公睇完要返工!
我知佢好累了,所以今朝佢起身之後仲hea下hea下唔多想去睇!
湯威係度,跟住同埋我0地一齊去睇戲~打的去!
終於見到老公d同事,比我想像中young!
唔知20到尾果D囉~好似同我0地差唔多年紀我覺得!
唔知係咪因為返工見住Willy,Carly個個大過我既,冇咩特別感覺!
套戲幾好睇,有恐怖有感人...........
放棄,唉~我真係睇到想喊!死忍...
因為我知我一喊就收唔到!
身同感受,特別感覺到果種感覺係點樣!
無錯...放棄,對不起,放棄,我是很忍痛!但我明白你同樣的辛苦!
我仍然掛念你.............
睇完同老公班同事食lunch,食完就搭bus,跟住佢0地落車轉小巴返公司!
而我就返家了~
今日真係幾累下,琴晚又夜訓,今日又唔訓得晏!
原本以為今晚食元氣!
點知班亞E又話去大埔墟食打冷!
咁遠,我唔去了!我同第2果個都唔去!
結果我0地買左酸辣麵食~
電腦...壞了!拎左去整!
今晚有點悶,冇電腦玩.....
等老公電,1點前就訓著!可能太累關係....

>>July 6, 2006 at 3:29:43 AM GMT+8