2006 年 8 月 8 日 星期二 【陰】

唉~Carly佢下晏約左老公北上!
所以lunch得一個人食飯!
冇啦啦朝早掛左1號風球!
希望打得成!
聽聞有成個風!
有兩個好近,可能會變成雙風連埋一齊!
好似明日之後真實版咁!好恐怖!
不過當然唔係吹係我0地度!
因為走左去中國...........
又遲左走!Willy同我講左好難聽既說話!
又如常地收工!
又如常地回家食飯!
又如常地等老公電話...
星期5等佢放假先去佢度...

>>August 12, 2006 at 1:44:47 PM GMT+8

2006 年 8 月 7 日 星期一 【晴】

訓覺訓到大天光!~
不過要返工,冇法要起身!
難得咁好訓......
收工又係遲左少少走!
呢幾日都係返工,
um......返工都冇咩野好講!
唔同到以前..................
夜晚又係等老公之後又12點幾訓!
明天又係返工!
生活慢慢變得死版!

>>August 12, 2006 at 1:35:14 PM GMT+8

2006 年 8 月 6 日 星期日 【晴】

今天返工都幾好!
因為Willy返到0黎冇耐兩點幾又去見客見到5點幾返0黎!
原本仲以為佢唔返!
點知都係有返!
攪到又遲收工!6點半左右啦~
都係做番果D野........................
少見老闆當然是好啦!
返家食飯!
夜晚等老公電!
太累~等老公收工冇等到佢返家我就訓左了!~

>>August 12, 2006 at 1:31:34 PM GMT+8

2006 年 8 月 5 日 星期六 【陰】

今朝又係訓到11點幾起身!
原本都冇打算出尖咀,不過覺得又冇野好做!
結果都係出左去!~
同第2果個去左尖咀sasa簡香水!
因為JOJO話佢機場果度免稅再85折!
簡左好陣子!聞到頭暈暈添=____=
老公返工之前又話佢亞爸亞媽琴晚嘈交攪到佢老豆今朝仲嬲緊!
老公媽唔夠膽返家喎!~
之後就叫左我夜晚過去老公家!
不過我唔知佢真係想見我定係因為驚佢家人嘈交先叫我過!
我同第2果個行左陣之後去左糖館食野!
食左個麵,因為肚子餓...
朝早只食左幾個曼頭!
果度D野食幾好食喎!~
我0地仲叫左個布甸!呀~OK喎~!
我下次同老公去食先得!
因為平日果度下午茶平點!
埋單45蚊個人加埋一!
食完就搭215x去老公果邊!
因為食左野,唔肚餓...
佢家人又落左街食飯!勁早囉~7點食飯!
攪到我食左好少野!
夜晚老公返到0黎我都肚餓了~/_\
明天返工!轉全職工作的第1天!

>>August 12, 2006 at 1:27:48 PM GMT+8

2006 年 8 月 4 日 星期五 【陰】

訓到11點幾起身!make up完就同老公落去搵位飲茶!
飲完又返家!~
老公又返工!
跟住我又hea下~!訓左陣...
夜晚又如常等老公電~!

>>August 12, 2006 at 1:21:39 PM GMT+8

2006 年 8 月 3 日 星期四 【陰】

今朝我原本較左8點左右起身!點知最終我格硬9點起身!
10點左右出門去老公家!
老公10點幾就起左身!
因為佢琴日肚疴關係!所以冇點食野!
結果今朝肚餓胃痛!
我係佢家樓下等佢落0黎一齊去去買飽食!
我食左個蛋撻!
之後我0地hea到1點左右先落去食野!
去左M記!我0地都唔想,陪亞希食!
食完我0地就落去APM睇戲!
魔盜王真係好睇!不過睇成差唔多3粒鐘!
攪到中途要去廁所!
睇完戲就搭601出灣仔!
係機舖搵埋佢0地,等齊人就去灣仔會展!
謝師宴........
好差勁!!!
成晚睇時裝表演囉!~
唔知係show呀定係謝師宴!
唔知睇女定點樣!
班仔帶相機唔係影同學留念而係係咁\影D女model!
小毛見大毛!成班餓狼!
之後又請左D廣州既model 0黎!
其實都唔知請0黎仲咩!9唔搭8!
台上果條友係咁講做model要注意係身材!
我屌!~不知所謂!
又請左話12月份出碟既4條女上0黎唱歌!
我真係覺得勁不知所謂囉~!
去廁所果4條女爆哂粗既!~< 一9貓 >
講埋D廢話,爛既笑話!唔該請收皮!
等到差唔多9點先有得食野!
D野食仲要唔好食!
原本覺得D牛肉OK既~!
食左兩件cake就冇食野了!
其他既都唔好食!
$250蚊睇場show!真係哂錢!
之前睇演唱會用$580我覺得勁值囉~
呢度俾1蚊我都覺得唔值呀!
老公一開始又成日去廁所!
亞倩又坐係第2台!我都唔知點解會坐係呢台!悶到爆炸!!!
攪到佢0地一去廁所就成班出去,得番我一條友!
有冇攪錯!明知我最憎食煙0家啦!~
仲留抵我一個!真係好燥囉~!
我唔燥都唔知咩事啦ma?
都唔明點解D仔成日都要一大班約埋!
一大班去廁所!真係唔明白!
成晚都覺得好燥下!
抽獎簡直不知所謂!
大獎係模型房車一架!
其他既係筆座呀,100蚊現金呀等等!
每台都有一個人中獎!
原來一早就放左份獎品同埋D卡係度!
D卡有number叫我0地分開哂!
但係我0地唔知,所以份獎品邊個拎都冇所謂!
份獎品係一個file,真係唔該哂~
老公拎左!~
10點幾拎埋証書抽完獎我0地就搭601返觀塘!
因為肥雞生日!去到食糖水!
我都未試過食自助餐之後仲可以食得落野0家!
老公同亞東講有廣州model 0黎!
亞東問老公得唔得D model!
老公話唔知!
屌!~得就得,唔得就唔得!冇唔知囉真係!
唔得都唔會講啦~係咪呀?!
同班餓狼冇分別!
成晚個show淨係睇女!
次次出街都望其他女仔!
我係度0家!唔好以為我唔知啦!
咩唔係專登望呀!
條女係隔離,就寧轉個頭去隔離望!咁都唔係叫專登望呀?
我真係唔知咩叫專登囉!~
唔好當我透明先得0家!
平時我唔係度,我當睇唔到!
我係度唔該唔好咁囉!!~我令我反感!!!真係燥哂!!!
上次係5cm試衫都未同計!
係咁易望下!嘿...係咁易望都唔係淨係望一次咁簡單囉!~
個女仔係隔離fitting!擺到明要寧轉個頭望向隔離先望到囉!~
唔好玩我啦!
就當我係細路女囉!~
我唔介意愛你極有限!!!
我知男,女都會異性!
但係望女還望女,唔該唔好係我面前,仲要俾我見到囉!唔該!~!!!
食完糖水之後佢0地居然話去APM打機!
勁耐冇打過機!冇咩興趣!
以前都唔係打得多,而家更加少!
老公打埋拳王果D更加唔0岩我!
之後同亞東玩果個鼓攪到起左血泡!勁痛!
第1次玩,亞東又叫人打大力點!之後就攪到咁啦~
兩點收機我0地就走人!
陪老公去買粥食就搭5蚊小巴返老公家沖涼!~
佢班朋友都有上0黎訓!
結果又係我訓先......次次...都係咁!
訓下醒下到5點幾再訓!

>>August 6, 2006 at 5:21:24 AM GMT+8

2006 年 8 月 2 日 星期三 【雨】

有病0家今朝!
原本打算返工,8點幾起身!
點知想出門口時見到勁大風雨,我知一出門口就即死囉!~
藍田打風勁似8號風球!
就算冇俾硬物打中我都被吹走!
結果我等到冇咩風雨都差唔多10點了!
咪冇返工囉今日!~
今朝好累呢.....................
1點左右出門口食野!食大家樂~
我一向都唔係咁鍾意係呢d地方食飯!
除非真係冇野好食!因為呢d地方都冇咩好食!
食完之後就同老公返大埔!
搭地鐵火車!好多時都係咁!因為老公唔夠時間!
返到家訓左成3粒幾鐘囉!~
可能今朝太累了!
老公病病地!好可惜我0地食完野去到都冇醫生睇了!
原來星期一至六都係收1點半開兩點半!
我0地冇去第2間睇!因為果間佢只需要10蚊!
夜晚都係家食飯,等老公電~!
差唔多成3點先訓得著!明天一早起去老公家!
因為我琴日收工前E-mail左個藥盒係老公家度~
我家仲未裝個程式!打算係老公家度做陣!

>>August 6, 2006 at 4:52:50 AM GMT+8

2006 年 8 月 1 日 星期二 【雨】

而家係公司!...
FCUK!!!
朝早返工唔知咩事囉~!
又俾人撞又俾人成隻腳踩落0黎!
一句sorry都沒有!
真係屌爆呀!
唔知咩人0黎!
我只知佢0地係D粗老既人!
不知所謂!!!
好燥!
唔好以為我唔高隻腳就好撚細先得0家!
成日咁踩法遲早踩爆!!!

3號風球.................
唉~設計個藥盒攪左咁耐!
整極都唔0岩心意!唔知想點樣!
其實我做D野真係咁差咩?
lunch老公0黎左搵我食!
又有佢朋友係度!
因為Carly今天唔返工!
收左工!老公接我~!
同佢0地去左APM行左陣!
原本出尖咀!點知係APM食飯行街買戲飛~
因為老公一早已經約左佢0地0家啦~!
所以幾日冇見老公又係同佢班朋友見面...唉~!
食飯冇咩胃口,老公幫我食埋碗飯!
因為我成日個胃都有點唔舒服!
食完再行多陣就出左去食糖水!
食完糖水成11點幾返到老公家,沖涼~!
跟住訓覺覺.............

>>August 6, 2006 at 4:47:34 AM GMT+8

2006 年 7 月 31 日 星期一 【晴】

出街有朋友在旁,
到你家有朋友在旁
我在你家,你又會叫朋友上來一起!
嘿...同我感覺真的那麼悶嗎?
悶到一定要有朋友在旁?
接收工,有朋友在旁!
送我回家,有朋友在旁!
等bus,有朋友在旁!
呢D咁既生活.......
我真係好討厭!
拍拖...係咁既咩?
見面.....嘿...就係同埋朋友一齊見面!
一大班...............同朋友拍拖嗎?
我既戀愛拍拖唔係要有朋友在旁!
兩樣可以共存,但唔應該經常性係咁...
唔想再咁落去.....
我...已經好累............
真係唔想咁落去...
戒煙!
年幾...
慢慢...................
我出聲講,只會得到D唔好既回應!
得到責罵!經常性的責罵!
我...........已經唔想理啦...

今天如常地返工!
不過幾free,帶點悶!
因為都係設計藥盒!
上次果10個琴日終於完成左~
朝早冇啦啦話掛1號風球!
Carly下晏走左,話去社區學跳舞,玩下!
佢成日都下晏走左去唔返工!
成日都係返得果兩粒鐘工!真好~
Willy今日冇返工!實在太好!
果個女今日都有0黎!
佢星期一,二,四都會0黎!
準時收工!實在太耐未試過!~
雖然行果條路又係咁多人!
但係等bus冇咁多人!
返家,食飯~
搭緊bus時老公媽打0黎!
佢話買左送問我上唔上去食飯!
好可惜又會咁0岩我今日準時收工,所以搭緊bus了果時!
唯有第2日先,唔好意思~
老公媽耐唔耐都會問我上唔上食飯的!
返到家...好累呀真係!
食完飯訓左兩粒鐘先起身沖涼!~
張床單仲要係今日換左新0家囉=___=
不過實在太累啦!~
沖完涼hea陣上陣網!
等老公收工電!~
又一day~明天又返工!
返多兩日先放三日!
Carly話聽日可能唔返工!北上玩~
唉~佢就好啦!成日可以咁自由!
但係...聽日我應該一個人食飯了!
細公司,少人,冇是非!
但係唔好既就係耐唔耐都要一個人食飯!真係慘...
一個人食飯唔梗要!最怕搵唔到位!
同人0地一大班三唔識七既一齊食!
搵到位又話有人又話呢樣果樣!真係好麻煩!
去D少人去既地方食,又更難食!
果度又烏漕點!
係工業區返工真慘!
遲下做耐少少我一定要轉第間公司!
我想坐真係寫字樓果D囉!~

>>August 2, 2006 at 2:27:14 AM GMT+8

2006 年 7 月 30 日 星期日 【晴】

好累~返工!
9點半左右就返到去!
廢事太晏,有十個藥盒仲未完成!
今日終於完成哂佢!
不過成6點半先走人囉!~
仲未send俾個客!
因為太大,send唔到!
要攪,於是打算明天返工朝早先攪先send!
收工,返家~
亞媽去食自助餐!
又去左堂細佬家!7點果時仲係果度!
呀...結果買飯返家食!
夜晚如常等老公電~
1點左右訓著了~!累..............
一返工就覺得累!
其實果隻累係眼訓果隻!
唔夠訓!夜訓,早起!辛苦~!
一返工訓得5,6粒鐘!
長期落去唔係辦法!

>>August 1, 2006 at 3:47:12 PM GMT+8