2006 年 9 月 28 日 星期四 【晴】

呢份工呀!我真係著哂紅燈啦!
仆街老闆人返到0黎就好串咁話:你小心D做野啦~
嘩~我0岩0岩先設計呢個藥盒,唔撚駛咁串呀?
你話我真係做得好大錯既,完成左呢件野錯得好緊要既!
咁你咪話囉!~
有時講野都要有技巧囉!~
抵你成撚日俾D客話!
咁撚唔滿意我,又唔撚抄我!
你想出咁少人工,要個好好既員工,嘿....收皮啦~!
真係掂既,都唔會係度做啦!咪傻啦老闆!
lunch燥哂囉我!
食完飯,我都係做番自己野!
又係完全同佢冇野講!
日日如事,有咩理由呀,人可以唔講野!
一出聲就話人先得0家?!
呢D咁既男人,我真係未見過!
完全小氣!不知所謂!!!
今晚返到家,我又send左幾封履歷出去!
發覺設計好少請人,請既又要好高學歷加好高經驗!
文職,我又冇經驗,唉~而家年尾啦!
更加難搵工啦!
send左成十封出去啦已經
一封都冇回音!
/_\...............唉~!我唔想再留係度做啦!
但係唔做又冇錢,我有好野都想實現想做~!
我要靠自己!!!
打算讀時裝設計夜校,打算pass埋個英文就報考車牌!
如果我冇工作,我不能做我想做既野!
人工雖然少,但係做住先!
起碼好過冇收入,又做左個大懶蟲!
我唔想三失囉~!
個個朋友都努力工作,我更加唔能夠唔工作!
唔工作一條友係家呆,為咩?
去玩,識朋友都要錢啦!
呀...男人周街都有!
但係幾時先可以搵到個更好?

>>October 1, 2006 at 6:04:24 AM GMT+8

2006 年 9 月 27 日 星期三 【晴】

返多兩日工先有3日假期
仆街老闆今天又話9我
琴日叫左速X 0黎收件!
因為今天仲未送到人0地手上
之後呢,就發現我寫左11樓,原來係1樓
我屌啦!~你自己寫到11樓咁渣
係度怪人,怪得邊個?
之前Carly都係寫11樓,所以次次都遲送去個客手上
最終都送到啦!~
又唔係送失左,唔駛屌呀?!
咪同我確實下,下次寫番1樓咪得囉!!!
自己有問題就話9人!
正仆街!!!!!!!!!!!!!!
而家又成日設計藥盒,我平均兩日先起到一件貨!
我都知道慢左點,但係大佬呀,我都算係新人呀!
好多野都唔識,D野又唔係真係咁急!
又唔係出報紙,駛唔駛咁?
你俾個客屌你既事,唔撚關我事!
你做老闆既,都要成擔做老闆既責任0家啦!
次次俾個客屌完就返0黎屌我!
俾得果少少人工,咁撚臭串加成日受氣!
努力搵工!!!

>>October 1, 2006 at 5:57:03 AM GMT+8

2006 年 9 月 26 日 星期二 【晴】

今天lunch一條友食
之後又坐左係後樓梯搵朋友吹下水
唉~
我知道耐唔耐都會一個食
慢慢已經習慣
以前有你既陪伴
我知每個人都係獨立既個體
唔會話冇左邊個就唔能夠生存
時間一樣咁樣走
我仍然有自己既將來
收左工,返家食飯
呢份工令我太辛苦
仆街老闆成撚日話9我!
痴撚線!果D野我打左係xanga,唔想又重複打!
而家已經搵緊工!
努力吧~!!!

>>October 1, 2006 at 5:56:54 AM GMT+8

2006 年 9 月 25 日 星期一 【晴】

作病作病咁.....
轉天氣我實會咁!
um......我知道一轉天氣你個鼻子就會特別唔舒服!
唔知你個鼻鼻有無事呢?
此情不再......
心雖然仍然無時無刻想著你!
經過既路,做過既事,我都一一記起!
但我知道我唔可以再愛你!
我想搵個100%愛我的男人!
或者你搵到你既最愛!
放手是給你一個自由!
放手是給我一個釋放!
或者我未夠好!
唯有下次我再做好點!
愛對我真的好既男人!
我還年輕,可以等待!
這段時間我只好自我增值!
今天返工俾人響喉!
食完lunch有個痴線佬呀!
係半唐番晚麻甩佬!
好彩佢8樓出左!
佢係咁自言自語!
算吧~工廠區工作係咁!什麼也習慣!
好快收工!出MK!~~~
同yinyin baby行街!
又有收獲~呢期成日駛錢係買野方面!
無法!無拖拍更加愛自己,扮靚!~
行行行....8點幾去食元綠!
條仔勁煩!!!問第1次話加唔加野飲!
咩28蚊果渣!果時同緊yinyin傾計!阻住哂!~
我話唔要啦!
之後落單!又問多次!
都話左唔要!當然果刻我好禮貌啦!
落第2次單,嘩~好似爭住咁幫我落單!
食食食........走前去埋矛廁先!
點個條仔係門口等喎!~
問拎電話!果刻我又笑住咁答佢!
我無電話0家~!
之後佢O左咀!真係爆笑囉~!
唔好以為我一定俾你先得0家!
如果係靚仔我實即俾!
有無fairlady/skyline?
無就對唔住了!
佢問我果刻都幾多人望住!
佢真係無面了!
如果真係想拎電話都要有技巧點吧!
唔該自我介紹呀~
唔係單刀直入囉!
仲有最討厭懶型!
唔好以為果D眼神殺到我!
除非落club我睇唔清楚你個樣0者!
落club硬食要俾電話~
不過我覺得自己對住外人都真係可以幾假下!
食完行埋花園街!終於買左件淨色平平地既外套!
for拎出街袋係袋度!四圍擺當然唔會買得貴啦~!
之後搭小巴!~好耐無搭過mk小晚返大埔!成為11蚊呀唔該~!
11點返到家,沖涼,上網,點幾訓!
唉.....如果有靚仔問我拎電話多好!
唔靚仔又係花心,靚仔又係花心!
不如搵個好點吧!~

>>September 28, 2006 at 8:42:41 AM GMT+8

2006 年 9 月 24 日 星期日 【晴】

返工,放工!
如常地過~
有無人想睇煙花呢?
三天假期一定要搵點野攪下!
收工返家食飯!
呀?!大舅父入左院!
媽去探佢!
結果今晚又係食自己!
聽媽得知大舅父個病好似公公果時咁!
唔通真係有遺傳?

>>September 28, 2006 at 2:31:24 AM GMT+8

2006 年 9 月 23 日 星期六 【晴】

下晏出左去同TOTO
行左陣大中
THX你送給我的頸鍊
我一定戴的!真的喜歡~
有收獲!行左兩粒鐘傾下計....
回家,再上網!
今晚家無飯食喎!~
食自己!
返多五日工就有三天假期!~
好極!

>>September 28, 2006 at 2:11:40 AM GMT+8

2006 年 9 月 22 日 星期五 【晴】

無無聊聊的一天
一整天在家
只有上網
呢期一放假就訓到成點先起身
原本今晚去甩尾
好可惜借唔到車
唯有下次先吧
搵工.......

>>September 28, 2006 at 2:08:58 AM GMT+8

2006 年 9 月 21 日 星期四 【晴】

Carly今日返左半日就走左去,話唔舒服走喎!~
不過我見佢都冇咩野事!
打佢份工真係好,話走就走!
又可以成日唔駛返工!
11點幾家家打0黎,話今晚去九龍城食飯!
原本今晚係同yinyin行街!
不過唔梗要啦!~我都好想去九龍城食飯!
因為一時間叫人關係,叫得7個去0者!~
收工,唉~食飯食9點囉!
我收6點,專登遲少少走!
點知...都係最終落左MK搵左精蟲同肥布先!
原本仲打算係觀塘有車直去九龍城唔駛哂一程車錢ma!
去到MK,同精蟲hea,之後肥布0黎!
冇耐等埋yinyin 0黎陪佢買電話繩,佢急住用!
買完走人,去到冇耐家家同戀毛仲有佢女友都0黎!
倒了呀~~~~~~見到王傑!!!
係電視見到佢,覺得佢冇咩野,又咪人一個!
點知...真係.......好有男人味!~
佢40幾50歲人keep得超好!
或者錢既問題啦~!
佢身邊果D人應該同佢差唔多年紀,但係就差好遠了!
簡簡單單既恤衫同耳環就造出男人既味道!
都話男人3-40歲係最有男人味0家啦~
yinyin成晚係咁昅!o...夠了!佢著迷哂~!
我都係望下唔望下咁!
精蟲,肥布同戀毛超爆笑囉~
咁碟炒蛽好辣!淨番D汁,佢0地猜,輸左就要食一啖!
食得辣既我都覺得好辣!
嘿嘿...精蟲輸了!
佢好似食屎咁食,見佢食埋支煙...
好辛苦咁樣......終於食了!
我仲問佢:你係咪未流夠汗呀?!
嘿嘿嘿.........佢既表情真係爆笑到呀~
10點幾走人,搭bus返大中,去左馬路邊吹水!
um...1點多走人,返家~
而家生活都幾好呀~鍾意點樣就點樣!
唔駛有個男友管住我,唔俾我去邊去邊!
我想做既野,多數能夠做到!
雖然我好鍾意被愛,好鍾意拍拖既感覺!
冇左愛唔得咁...
但係...............除非有個爆型既仔係我面前!
唔係...短期耐我都唔會拍拖住lu~
中秋節,helloween,去邊度玩呢?
落club,BBQ,海洋公園!
以前同富一齊,佢唔俾我去酒吧!
同佢一齊咁耐,我都冇落過~
勁耐冇去過呢D地方,終於分開左,我能夠去!
只需要同家人講聲已經OK~!
落club,我可以拍一晚拖,唔需要負責任!
那些甜言蜜語有誰不喜歡聽?
那些擁抱有誰不喜歡?
但我會有底線,我唔會跟人返家!
交換電話,過後聽唔聽另一件事!
唔錯唔錯~!!!

>>September 24, 2006 at 9:37:30 AM GMT+8

2006 年 9 月 20 日 星期三 【晴】

如常地返工,放工...
lunch一條友食!算吧~耐唔耐都係咁!
同亞yin sms最後一天了!
明天佢要轉台啦!慘...
我以後...都唔駛sms lu~
收工返家,食飯!
累..........................
明天又返工!

>>September 24, 2006 at 9:25:46 AM GMT+8

2006 年 9 月 19 日 星期二 【晴】

嘩~我成兩個星期冇係度打日記!
係xanga打左...
當然,xanga冇呢度講得咁詳盡!
因為冇咩人知道我呢個網,或密碼...
大約咁講下我呢兩個星期做過咩~
呢兩個星期都幾多節目!
行街,睇戲,食飯,燒野食等等...
天氣開始涼啦~秋天?
今年我一定會覺得好凍!
一向怕凍既我,今年會特別覺得凍!
lonely christmas!
上個幾星期,成日夜晚出左0黎hea~
因為我要攪到自己好累,先可以訓!
唔係我知道自己又亂諗野!~
而家...我終於返工返到累了又!
所以已經少左出夜街!
一星期兩,三日咁啦!~!
唔會去成6日咁多!
睇戲...冇啦啦原本話出0黎hea,點知最終決定左去APM睇戲!
上星期5既事...
攪到又出番觀塘!睇完...嚇到半死!隻手仲凍緊~
韓流怪嚇
搭小巴返大埔!
o...發覺............以前既我,坐慣左車!
而家......要搭小巴流夜返家,感覺唔知點樣!
之前已經想考車牌!而家決定左...我會盡快考!
鄧培話好快就分開一,二牌!到時就仆街啦~!一定更難!
我呢D死蠢...唔知點講!
星期6果日原本話打邊爐!最終決定左BBQ!
仲要好突然!攪到約得6條友!
我0地仲要7左!俾個亞姐呃!!!
幾條友都睇唔到...亞姐原來冇袋到丸俾我0地呀>0<
攪到我0地食扒食腸!好彩都夠飽~
BBQ到12點幾搭小巴去精蟲家,睇狂野極速:東京飄移(大陸正版)
真係超級好睇!原本好累,睇到我真係扯哂旗!
咁甩尾囉~!真係好鬼多索女同靚車!鍾意到爆~!!!
早知星期5果晚睇呢套啦!~
因為有朋友話呢套唔好睇!
點知原來好睇到錯哂~!真係錯撚哂!!!
星期日同左我的wing wing去MK街街!
佢20號返番U.S.A啦!~
我0地行街,買左D衫~!
差唔多時間轉季啦!
冇拖拍既我,更加要自我增值!扮靚!!!
夜晚我0地去左太子果間...唔記得左叫順咩度食彊汁撞奶!
好味到錯哂~!希望我可以帶我下一個去食!
就算唔鍾意飲奶既人都可以食到我覺得!
一袋二袋返家!~
星期一至今日!都係返工!
琴晚...約左富媽食飯!
因為我應承左話下星期搵佢!
點知上星期冇搵,留待今日先可以同佢食飯!
當中我0地傾下閒計!
我覺得我對事唔會對人,就算分開左...
富媽以前對我咁好,佢真係一個好好既媽媽!
所以我都會keep住聯絡!
呢D說話我當然冇講到出0黎!
但係夜晚11點幾佢打俾我,講左兩句~!
佢講果D野我都知道...
其實我知道自己已經大個,好多時候要理智點!
所以今次,就算傷心極,我都要放手~!
唔會再好似以前咁樣!
同埋我只喊左兩,三日渣~!
而家都係唔開心,但係唔開心都係咁過!
我仍然有我既將來!我自己我要靠自己!唔可以靠別人!
所以我打算自己錢考車牌!
富媽最後都有叫我得閒就搵下佢!~
我會的!希望你歡迎我就得了!
多一個長輩朋友!
呢段感情之中,有得有失...
失既...我反而覺得係年頭既事
提番我仍然傷心!
分手後......我係家扮作冇事!
亞媽仲怪責我!以為我有第2個!
當然到而家佢都唔知道分手既原因!
佢仲話我以後唔好咁濫!
仲提番年頭既事...我.....真的非常傷心!
但係...我冇係佢0地面前喊過!~
第1日,我只能夠攬住yinyin喊!
我唔介意佢跟住我一世!因為我一世都咁愛佢!
點都好~!我永遠都愛佢!每個父母都疼愛自己子女!
不過...我知道我既決定冇錯!
至少...............佢出世唔會冇左爸爸或者生存係破碎家庭!
我只想給最好既佢!
今日先星期3,仲有兩日先放假!
返工呢期好多野做呀!~
嘉琳今個月俾左好多野我0地做!
因為驚漏,所以今日睇睇有邊D未覆未印未完成等等...
工作...我已經上網搵下工了!
打算轉第2間公司....
我冇可能長期咁PT人工!
我已經係呢行工作左一年,我做既野雖然唔係好!
但係至少我有經驗!
得咁少人工...我點生活?
我已經20歲了!我有好多野想靠自己去做!
下星期太好!返埋下星期有連續3天假期!
有晚同鄧培MSN,我0地都想去九龍城食飯!
記得搵晚呀!~我好想去!
萬聖節我都想去海洋公園呀!!!
好多好多節目!
JOJO,是否去蘭貴坊呢?
聖誕節同萬聖節我都唔會有拖拍0家啦~!
同朋友去玩下癲下吧!
我好耐都冇試咁啦!~
之前拍拖太多限制,所以極度少去玩...
今朝...講起今朝就真係燥哂~!
我經常性地夜晚長開MSN!
今朝睇一睇,有人MSN我~!
原來係aiko!!!
我唔知自己得罪佢咩野!
富..我已經冇聯絡!同aiko完全唔熟,根本冇可能有咩話題!
所以,完全冇野好同佢0地講!
冇啦啦MSN屌9我!
話:咩你咁cheap既,fuck!
即刻著哂燈!!!
我唔知度富同過佢講d咩野!
亦都唔知因為咩野令到佢咁屌9我!
唔好野起我把火,我唔會客氣!!!
分開果時,那些傷害我既說話,我已經唔計!
背叛我,玩我...
我都唔計,就咁就算!
因為我知道一生要經歷好多野!
但係今次居然冇啦啦有個外人屌9我!
咩事?!醒未呀?
屌...有冇撚?有撚先同我講野!
有撚我唔怕屌!等妳!~
攪到我SMS左俾富,佢同我講對唔住...
你D感情生活,我真係唔想多知...
我真係唔清楚你既愛情觀係點樣!
但係希望你同你d女朋友,有咩問題,都唔關我事!
唔好搵日又0黎一個屌9我!
唔好煩我!我已經唔想理!
我只想找個100%愛我既男人!
我只想找個與我合襯的男人!
點解今次...拍拖會咁樣?
有第3者,背叛就算了,我唔想攪咁多野!
我唔係需要別人既可憐!
但至少唔好冇啦啦屌9我!
如果仍然係中學生既我,我真係.... .\ /.#
雖然我係蠢,但係唔好當我傻!
我唔出聲,唔等於我唔識得惡!
你再屌9我,我唔會對你客氣!

>>September 20, 2006 at 1:02:15 PM GMT+8