2006 年 10 月 15 日 星期日 【晴】

返新工!
同事還算OK~!
估都估唔到,係新公司見到舊公司既野!
偉文...以前我間公司都有幫過佢做野!
果D稿居然可以係新公司見到囉~!
呢行真係細呀!
有同事一齊食飯!真好~!
去左茶餐廳食!
第1天返工當然冇咩野做啦~!
收工,返家~!
食飯!~
冇咩特別!

>>October 19, 2006 at 2:25:00 PM GMT+8

2006 年 10 月 14 日 星期六 【晴】

放埋今天假就返新!
今天兩點幾先出門,出MK,同你行街!
好耐都冇試過同你手拖手去街了!
我都好耐冇試過拍拖既感覺!
你陪左我去MK買色版既書同文具等等!
跟住行左陣就陪你去廟街整褲!
放抵之後我0地又行....行去TST!
估唔到由MK行到去TST!
我記得你講過你唔鍾意行街!
亦都記得你好多時行街都話累,唔鍾意!
點解而家既你又咁樣?
原本你話出左糧咁耐冇買過野俾自己!
同你睇你既野!
最終決定買介指!
點知買了ARMANI介指,仲買埋俾我做情侶介!
我冇諗過你會買介指買埋俾我!
之後...你同我去左TST果個地方...
重番舊地...
好多野都已經改變,改變...係我既諗法!
我覺得,愛情實在太唔保障!
唔知你講既野係真定係假!
但係我知道好多野...將來先知道!
呢刻既承諾...............還未對現就唔等於是真!
坐左好陣子,同左你返你家食飯!
你爸媽見到我有點驚訝!
係你家睇TV睇到10點半你車我返家!
因為我決定返家~!
亞業因為感情事所以唔開心搵左你同肥雞出0黎傾計!
而我返家沖涼!~
點幾準備訓!收執好放假既心情返新工!有點緊張!

>>October 19, 2006 at 2:19:06 PM GMT+8

2006 年 10 月 13 日 星期五 【晴】

5天工作週的星期6,最後一天的星期6!
日後我唔知幾時先可以連放兩日!
有吧!應該都係紅日囉~!
lunch你0黎左搵我,點幾就0黎到!
好耐冇試過放假一起身就出街!
食完冇耐你返工,我返家hea~
由精蟲口中得知妮妮今天生日!
原本去after 5飲野!點知最終主人家話想食糖水!
結果決定去大王食!
人家真係有點想飲下酒呢~想落下酒吧...
yinyin真係唔話得,收工去買生日卡!
我都知道唔能夠兩日吉吉咁!
精蟲仲叫我即刻親手整出0黎!
得番一粒鐘,你估我設計真係好得好快手咩~
同埋我屋企部電既AI,photoshop都裝唔番!多麼的唔方便!
就算有,就算整到出0黎但係用咩紙呢又?
10點半多佢0地0黎到我家樓下,行去,好遠呢~!
11點多少少先行到去!
EVA拎左D中學時代既相0黎!
大家又暢談一番!
彬佢因為要搵女友,不過都有心0黎一0黎搵妮妮講句生日快樂先走!
戀毛同佢女友都有0黎!
鄧培佢踢完波就0黎,RB今次都有0黎!
而家好少見到yinyin同RB同時共存咁!
佢0地今晚打牌呀~!
12點幾你揸車0黎到,同你以前D同事食宵夜!
我走...朋友們都問我仲咩走先!
當然啦~我通常都係玩得夜果渣人!邊度會咁早走先得0家!
我都唔好意思,亦都冇可能一下子解釋咁多!
亦都知道朋友們一定唔鍾意,條路係我自己簡!
其實我只想多個人錫自己!
同你去左大角咀,我都係得個陪子!
因為我呢期冇胃口,冇食到,又食完糖水0黎呢~!
車左肥雞同亞業返家之後,你想我去你度!
不過最終我都係簡左返自己家!
3點幾先返到家!...累~!

>>October 19, 2006 at 2:08:40 PM GMT+8

2006 年 10 月 12 日 星期四 【晴】

今日係返c&s work既last day~!
好free的過左一天!
冇咩特別!
Carly lunch陪左我一陣就走左去搵佢d朋友飲茶!
估唔到最後一天都要獨食飯!
下晏你sms同我講話今晚收工可否0黎搵搵我!
我答應了...
4點左右Willy叫我幫佢去大眾銀行拎錢(牛頭角果邊)
拎完就收得工!想也想不到今天如此早收工!
不過佢想我下星期得閒幫下佢手!
因為佢話我整D中藥盒OK,個客又簡左幾款咁樣!
但係...我又返工又返學點得呀?
唔係真係要博到咁樣呀?咁我就會冇哂時間0家啦!~
我唯有答佢,睇下點樣!我話要返學返全日!
如果幫埋佢手做埋PT,我相信都係為左錢!
收工就返家~休息下!
夜晚12點幾...你0黎左我家樓下!
落到0黎,你一點笑容也沒有!
唔知點解我會對住你笑囉=_______="
um..或者我已經習慣了現在的生活,我還好呀~!
大家傾下計,感覺有點陌生!
其實我知道你0黎搵我咩事!
我係蠢,但唔係傻!
起初...我仍然考慮會唔會同番你一齊!
條路起初係你簡!
事實我係憎恨你!
不過另一方我好清楚知道憎一個為咩呢?
我仍然有我既將來,我仍然要生活!
你問我...唔係應該憎你先0岩!
之前果幾日我會好憎,但係耐左...我已經唔覺得係D咩野!
人...已經慢慢長大了!
將來要經歷既野更多!
呢個世代愛情就係咁樣,咁唔保障!
承諾...永遠唔會對現!
我倆擁抱,呢種感覺已經好耐冇試過!
3點幾先返家~好累..................

>>October 19, 2006 at 1:53:37 PM GMT+8

2006 年 10 月 12 日 星期四 【晴】

琴日after lunch willy go out!
So I have a free time!~So good baby!
大老闆打0黎叫我send e-mail!
之後佢問我係咪唔做又問點解!
我當然話自己讀番書啦!~
跟住佢問我係咪willy太惡,佢話如果willy係話我佢就幫我話番佢!
之後又睇下遲點樣,如果我搵可以幫我果D!
挑我心諗,兩個都講到自己好好!
又係我面前踩對方!
我覺得佢0地好鬥爭囉!~
同埋點解話幫我搵?好意思!?
唔可以打完場咁話遲下讀完想返0黎做咪同我講聲!
其實我覺得咁樣講會好好多囉~!
點解將我好似送俾人!
即係話我唔做佢就開埋大門幫我搵埋第2份工送我俾人一樣!
而唔係留住我既說話!
真係有點不知所謂!完全當我傻!
好彩我唔係白痴搵左第2份工先唔撈!
我而家唔撈啦!你0地慢慢鬥啦下~!
同亞迪msn幾個...
唔知是真是假........
人心難測!命運安排吧...
MSN~!之後秋然打0黎傾左陣電!
佢話知我得一條友仲咩仲msn!
佢as same as my fds!
say me say粗口好認真!
條友仔仲笑我鍾意我講粗口!
唉~我都唔想0家!
由中學年代已經有點粗口!
到出0黎做sales粗口爆勁!
到我同富一齊又無咁多!
再到而家我又打回原形!
Barin都講過我唔好講咁多粗口0家啦~!
佢都話我講粗口時好認真!
help~~~我真係想介掉呢個習慣!
唔係嚇親人就唔好啦!
係仔見到我咁爛口都走啦!~
收工去左jojo家拎整頭髮既野!
返家食飯!msn & talk phone with yinyin!
yinyin佢而家好粗口下喎!
仲話我帶壞佢.....
雖然我粗口係勁左!
但係佢都真係好嚴重下喎!
12點幾太累睡了!
yinyin講得0岩!唔係無人要!
只係果D貨色.......=_____="
算吧啦~!
而家又係office!
last day啦~!!!
因為我都唔做了!所以呢幾日無咩野做!
好耐未試過做野咁free~~~
日日朝早都可以上網有時間打日記加msn!
唉....唔多唔少都唔捨得呢間公司既!
不過我知道人總要經歷唔同既野!
呢D只係人生既過程!~
咁我就係呢間公司做左一年多了!
下星期一返新公司...有點驚驚.......
今日我會特別enjoy返工時間!
搭bus時我都無訓到!
因為我知道無咩機會搭番呢架bus!
經過呢D路!熟識既臉孔.....
以後都無咩機會了!
無咩機會返工搭bus sleep!
如果我過到試用期我就會係呢間新公司做起碼一年!
um......呢幾日好似無咩胃口食野!
唉....仲未搵我囉!個半月有多了!

>>October 13, 2006 at 2:33:28 AM GMT+8

2006 年 10 月 11 日 星期三 【晴】

In office now...
very very tired
I want to sleepZZZZzzzzzZZzzzZZz...........
琴晚原本一點左右訓著!
還以為一覺訓到天光...
點知3點有人打0黎!好多時唔識既電話我都唔聽!
唔知點解我聽左!
我見佢響左好陣子都未收線,所以聽了!
心諗...邊個咁high咁夜打0黎?
最近無識新朋友喎~無可能有唔識既人打0黎!
一聽!點知........原來係佢!
想也想不到佢會打俾我!
訓覺...好蒙,起初真係唔知邊個0黎!
um...聽到佢話掛住我!
當時我唔知俾咩反應!
我唔知佢講既野真定假...
但係請不要再玩我了!
已經受夠...
我會變得麻目,我會變得不懂戀愛...
我會變得不懂認真對待愛情...
短短5分鐘既電話,只覺得自己好似唔多舒服!
收線後肚屙囉=______="
攪到成5點先訓得番!
其實我可嘗唔係掛住你...
但係我知道我不能再愛你了...
愛.......留在心裹...
雖然我還未愛任何人!
但係我知道你已經愛了別人...
我不想再膽驚受怕...

>>October 12, 2006 at 2:30:15 AM GMT+8

2006 年 10 月 10 日 星期二 【晴】

琴晚太快打篇日記,所以有點野漏左...
琴晚上堂...個ms一路都話...
100%R.B.D=Right Brain Drawing / 靈感來自右腦
起初我真係完全唔明點解!
但係慢慢做左D test我就知道了!
佢要我0地利用一張A4紙放係另一邊!
跟住用野遮住佢等我0地睇唔到果張紙!
再之後我0地望住自己既左手畫落張A4紙度!
畫既期間我0地唔可以離手,而且唔可以睇自己畫成點樣!
即係靠個腦去望住自己既左手一路諗去度邊去度邊畫到邊!
最終我畫完出0黎睇番張紙,嘩~!真係好核突呀!!!
ms話呢張畫一定核突!
當然啦,唔望住張紙畫,淨係可以望住隻手,當然核突!
跟住之後要我0地copy咁畫張揸縐左既紙!
唉~個size變大了!真係太耐冇畫畫!
好核突,真係好核突!
以前修art既我去左邊?!
上堂...= = 一個靚仔都冇!原來個個都同我一樣,是上班人士!
原來創作人係要用右腦,即係意思話...
思考係用右腦,右腦用來思考的!
死板的工作只會用左腦...









今天,又神早一杯咖啡,好似上癮一樣!
覺得飲左會精神點冇咁眼訓...
琴晚我成兩點先訓!而家keep on住都咁夜訓,好唔掂!
返工不是太多野做,但我仍然盡左力去完成佢!
因為我知道唔能夠因為唔做而咩都唔理!
我要keep住呢個情緒,唔係一陣去到新公司會攪到個人懶哂~!
到時...朝早我未必有得MSN!
可能比現在多野做?
唉~!真的不知道!
好似有點擔心~!不過我要努力!
我知道人一定要一步步咁上!
太早太多福氣未必係好事!
我明白到先苦後甜既說法!
就算而家呢個年紀好多人都有8千蚊或以上人工!
咁點樣?我終有一天比他們多!
咁早已經有咁既人工,到時要捱的話就會比起初捱的更辛苦!
時間過得好快,又到收工,呢幾日收工都冇地方去!
悶爆呀>0< 好想搵地方去下!
我頂呀!!!糧又未出!仆街老闆0黎0家!
欠個客D野攪到人0地唔肯出票俾我0地!
我一定要拎到糧走人!!!
唔係怕將來更難追!
條友仔都差人兩個月票!
唉~呢間公司...唔知可以支持幾耐囉~...
我真的唔睇好!所以早走早著,遲走訓唔著!
呢幾日搭bus返工放工都必訓!累爆!~
算吧=______=我一向慣左搭bus sleeping!~
eric叫我玩MSN打多點英文,咁先可以識得更多!
所以今朝同佢MSN時都打多左英文...
不過我英文實在太屎了,點同D理科班呀!我係文科...
last two day work in this office
tomorrow is the other day
hope i will enjoy mylife
唉=___=" 條友仔係度話我個樣係性鬥士囉!
哈=__= 你勁點...我冇練習一排了!你有練習開點同!
um........身體好差吧?
個半月有多冇來搵我了!有點擔心...
唔駛驗掛?
不要玩我!我人生會完結!

>>October 11, 2006 at 12:37:03 PM GMT+8

2006 年 10 月 9 日 星期一 【晴】

琴晚訓唔著囉~3點前先訓著!
鬼叫自己琴日拎住咁多野,又去上水!
之後又出九龍灣又陪亞媽買鞋櫃,又行左陣街!
太累食完飯訓左兩粒鐘攪到夜晚訓唔著!
打左陣PSP都訓唔著=________=。。。
今日...都係設計藥盒啦!~又係改下野咁!
終於.........收工我都講左辭職!
返埋今個星期,我就要離開呢間公司!
離開官塘...以為我都唔需要日日搭74x...
有D野...要忘記既就真係要忘記...
公司俾我,都好多回憶..................
夜晚功課...um........
APM成日行,而家只係經過,遲下連行既機會都冇咩了!
除非去睇戲,九龍灣就會去得多,夜晚收工返學!
同Willy講完之後就即打俾新公司講下星期一返工!
接住落............
返學,今天精神狀態太差,上堂好辛苦囉對眼!
畫畫...畫人,比例!太耐冇畫畫,手唔聽話!
太多野要重頭0黎過!
畫畫諗起3年前...3年前素描老師文英!
3年...中五畢業後一直都工作,返學,返設計,返英文夜校...
到而家.....................接住都係工作,夜校!
um...太多野,太多經歷...
愛情上...我經歷太多.........想不到...3年內會經歷呢D事情...
是悲?是經驗?
太多野既放棄...幸好朋友仍然係我身邊...家人仍然係我身邊...
放棄去玩既時間!放棄......................我一生中最愛!永遠愛你!
希望你願諒我的錯,希望你現在會明白我當初點解咁做!
永遠地在我心中仍是最愛最疼錫的一個!
估唔到呢個幾月,我會轉埋工,返埋夜校,頭髮又拉番直,戴埋colour con!
完全地同我中學既樣唔同!
跟住性格上...又做番自己,得閒同朋友玩,落吧落club!
玩番我拍拖冇得玩既野......
節日又通下頂,或者玩到好夜先回家!
今晚個ms係華僑0黎,唔識睇唔識寫中文,只識講!
所以我0地可以學埋英文!都唔錯~!
時間過得好快!估唔到9點半未到就落堂!
亞倩男友接佢放學!
um...我都好想有條粉腸接我放工,放學!
究竟幾時先有粉腸呀?
一去到巴士站就有巴士,返到家10點半都未到,食飯,沖涼!
等個頭乾,MSN!
唔知點解...我會特別珍惜呢3日返工!
唔知係咪因為有D野不捨...
不過我唔走唔得,老闆太PK!
就算我再留住...都只係想留住D回憶...
有時覺得回憶留在心中已足夠!
曾經愛過已經好滿足.............
謝謝這些回憶...
搵到最愛應該值得高興...
我唯有慢慢尋覓最愛.....最愛的< 你 >

>>October 11, 2006 at 12:14:01 AM GMT+8

2006 年 10 月 8 日 星期日 【乍寒還暖】

well begun is half done
今天請左一日假去見工
有緣真係有緣
果度工作環境OK!
比我而家間公司好!
空氣又冇咁差!
原本我打算俾多個見工經驗自己
意想不到是竟然真的請了我
嘿嘿嘿.................開心死了
唔駛又拎多次作品俾人睇,勁重,拎死人!
返呢度車錢都慳唔少,又係做番果類型!
不過今次可以學埋印刷!太好~
我都想學更多更多野!
個女仔幾nice,原本我覺得佢只係泵下我!
間公司唔多人,幾個人0者!
不過...我估緊...個老闆可能係男人= ="
因為我打去時係男人聽,間公司幾個都係女人!
想搵條仔出0黎都冇!
見工時候好舒服,我完全唔驚,好似傾計咁樣!
我老實地講出我而家仲做緊!
佢俾時間我去辭原本份工!我話我幾日就OK~!
佢話得就打俾佢,我估我下星期就返新工了!
C&S WORKSHOP再見啦!我明天就會回來同你講再見!
你對我點,我對你點!
計我PT人工!你估我真係傻既咩~
我唔出聲,唔代表我唔會搵第2份!
雖然而家呢份,我唔知係好定唔好!
但係我只知道我唔走我就唔能夠走出個框!
唔能夠見識更多,唔能夠學懂更多!
我只想為左自己將來,為左保障自己!
人就係自私,你體諒對方,但係佢唔會可憐你!
見完返到家都係12點,同媽媽食完野就一條友搭出九龍灣報名!
終於報左啦!~太好!!!條友仲係咁串囉~!
又話到時一定要補番張工作証明,唔係就冇証書!
富媽打過俾我,傾左幾句!
我知道你之前中秋湊兩隻野辛苦了!
我亦明白到佢0地一碰埋就打架0家!
真的好開心多左位長輩朋友!
遲下見面一定要請她食飯~
下晏返到0黎,做左個乖乖女同敗家女!
陪左亞媽買鞋櫃!家太多鞋了!
之後亞媽買左對janet & janet boot俾我!
我真係好鍾意呢~!
多謝你$2235
未試過買對咁貴既鞋!
永永遠遠亞媽都係最錫我既人!
全家都咁錫我!
由細到大,我鍾意既好多時都擁有到!
飲下茶就買衫俾我!
最任性只係中學時期!
由出0黎做野之後,已經冇點同家人嘈~!
麻煩既都係大果個= =
琴晚又扮乖女,又話晾衫!
等你都哂氣!我已經攪掂好哂~唔該哂你!
唔好成日得個講字啦!
秋然收工打俾我傾左陣!
唉~都係nike呀,女呀咁~!
已經聽慣了!只不過希望佢唔好俾人呃就好了!小心點吧~!
哈哈!~~~車牌!考車牌!我相信離我不遠!
鄧培靠你幫我攪掂佢啦!~
我會努力安排我既將來!
男人...我還是安排好,穩定好我手上既野,再慢慢尋覓!
唉~~~幾時有個100%愛我既男人出現呀!
唔好再玩我啦~!我會變得麻目!
從前放不下又怎接受他人

>>October 9, 2006 at 5:09:34 PM GMT+8

2006 年 10 月 7 日 星期六 【晴】

勁好好利用而家我既假期,根本冇好好俾自己休息過!~
可能係訓晏左,不過同時地夜訓左!
今朝7點幾訓,訓到兩點前起身!都係果6粒幾鐘!
起身就有野食!沖完涼食完野hea陣等個頭乾make up!
4點多出去,返公司拎點野!
打算見工時多少少野俾人睇下~
我知道見工果度唔係工廠區就係唐樓!
不過見下冇壞,當拎見工經驗又好點都好~!
明天要請一天假去見工!拖唔到去星期6見添!
因為我已經拖左對方幾日!
佢都肯俾我遲多幾日見,睇0黎總算有緣總算有心去見我!
係公司留左一粒鐘!jpg好哂D野,返家印!
同埋拎左兩本我之前有份做既書刊!
搭bus返家食飯!完成左我今日要做既野!
不過我冇去到MK拎準考証!我諗我下星期六或日先去拎!
或者睇下平日有冇咩街要去就拎左佢!
唉~要溫書啦!見埋工就要溫下書啦!~
我唔想重考囉!我知道自己係文法上面一向都唔好!
一向不喜歡讀書的我...哂氣吧!
不過人大左,我真係唔想浪費時間,我只想捉緊每刻!
填滿我的空間,吸受更多知識!
今晚一家齊整的食飯!
唉~我覺得老豆佢人老左,佢生活同我既生活又唔同!
佢唔明白我0地既野!我0地講東佢講西!
亞媽都笑佢!唉= =...好多野都唔0岩聽囉~!
不過算吧啦= =".................
通頂玩父母總是話人0地D仔女好!
但係我唔會同佢0地解釋太多!
我只知道自己係度做緊咩已足夠!
我會將我既工作同埋玩分開!
我唔會因為玩而唔返工!
我都係假期先會去玩!其實我覺得我唔算過份!
我知道呢刻我唔能夠養活佢0地!
但係俾我幾年時間我,我相信我能夠有出頭既一天!
我會靠自己!我會努力!不必同佢0地交代更多!
過程自己知道已足夠!解釋0黎都冇用!
想做既就去做,自己安排好既野,決定左係咁就咁!
隨住自己既方向,感覺去做!
夜晚秋然打0黎傾左陣電!~
um...有時覺得秋然唔知天真定點樣!
我覺得遲早一日會敗給女子身上!
真係想佢清醒點!
愛情實在太唔可靠!
一次又一次的既經歷,令我體會到更多!
呢個年代...想搵一段真真正正既愛情?
嘿...難點吧?
婚姻?冇保障!
就算結左都可以離!
下次我拍拖都會對對方有保留!
唔係因為咩對比之前既拍拖有呢個唔公平既對待!
而係,呢個年代十個有九個既男人都係咁!
唔係叫雞就偷食有第3者!
男人見一個鍾意一個!
專一?你想?人0地會做到嗎?
可能有一刻會,但係唔等於永恆!
人就係自私,不如愛自己更多仲好!
以前既我會覺得,好想早結婚!
但係慢慢我會覺得婚姻只係一張証書!
唔怪得呢個年代好多人都遲婚!一係就好早結!
好多人都係為左保障自己!保障自己既將來!
我愛你又如何,你又會否同樣地愛我?
男人..........真的不知所謂!
冇錯,我俾第1個男友話我唔好當男人係傻!
嘿........
到而家,我都覺得男人係傻,只係一樣好簡單既動物!
見到有好樣少少既女經過就會望!
嘿...好似餓狼似的!
請有女友係身邊就尊重下對方啦~
你能夠有第2個,女人一樣可以!
邊有貓唔食魚!
我還是喜歡被追求既感覺!只喜歡被愛既感覺!
我唔會再咁愛一個人!唔會再為對方而改變自己失去理性!
謝謝你的離去令我可以體會到更多!
體會到原來我最喜歡點樣既生活!
體會到自己原本應該係點樣!
嘿...一直以0黎我都係鍾意同仔玩多!
一直以0黎我都係鍾意落下酒吧跳下舞有自己既事業!
有自己既理想,有自己既將來!
想做自己想做既事...
而唔係俾別人鎖死自己,做不到我想做的!
歲月不留人

>>October 8, 2006 at 4:21:12 PM GMT+8