2007 年 3 月 31 日 星期六 【晴】

嘩~
禺人節
足足4個月冇係度打
要打打xanga啦!

>>April 1, 2007 at 7:22:16 AM GMT+8

2006 年 12 月 31 日 星期日 【晴】

新一年新開始

>>January 1, 2007 at 3:37:01 PM GMT+8

2006 年 11 月 7 日 星期二 【晴】

又一排冇係度打日記
呢度再唔係日記咁lu
呢兩星期...都係搵工見下工咁
陪下男友,同下朋友去下街
日日夜訓晏起身
冇工返頭果幾日心情好差下
慢慢習慣又開始懶番
我已經連續幾天去了富家訓啦
所以呢兩日冇去佢度
以前既我唔識say no
但而家既我學懂say no
佢琴晚有叫我去佢度,不過我都冇
冇工返,實在太無聊
話雖然係無聊,冇野果做D日子又咁0岩有工要見
其他日子都有地方去下
但係........下下就住用錢
因為只有出沒有入,有點吃力
之前...有一晚同佢傾電
我講左D好傷害佢既說話
係佢迫到我要講呢D野
同佢一齊番之後,佢一直都話我朋友重要D
結果我就講左...
一樣野唔好,就算做十樣野我都唔會覺得好
我只知道當初邊個對我好
朋友既愛同情人既愛唔同,根本冇得比
同埋我怪責佢當初點解咁樣對我
富一直話我點解可以咁理智
我當初唔理智,係你唔知道
根本唔想你知道
我唔同你,係愛情上,我同你既角度唔同
我仲講話,唔好諗住再次見番我D朋友,我D朋友會接受番你!
星期5同左yinyin行街街
GOOD~~有收獲!
不過已經唔可以大駛,下下就住就住好辛苦!
晚上返學,原本打算買車椅套!
返學關係,廢事拎咁多!
結果留待第2日同富去先買!
今堂係新既一堂
只係聽書咁聽
聽下D布料果D!
個miss好young已經係博士
落左堂返左家放抵哂D野之後你來接我去你家
星期6
你陪左我去見工,之後出左MK
你揸車出去,所以可以買龍貓安全帶套同椅套
再之後去左你家食飯
晚上你同我同D朋友BBQ
yinyin同誠誠生日
夾0岩係中間其中一日即慶
12點左右BBQ完結,某部份朋友去大戰四方城
之後鯉魚撩富去大霧山
結果幾丁友,(我,富,fish,精蟲同newman)兩架車
果度好舒服,見到好多星星,個境好靚~!
不過有點凍!
好彩有上到去,唔係就錯過呢個機會!
兩點半返左富家!
星期日
去左沙田明星飲茶
因為你爸同埋果D工作上既人
悶死!去0黎都唔知仲咩野!
富返工,兩點九就走!
星期一
陪左富媽去睇眼科
睇完得知又係飛蚊症
十年前佢已經患呢種病症
因為富媽起初唔知咩病,驚視網膜有事
佢驚會盲,所以一路都好驚
睇完知道冇咩問題
可能因為年紀慢慢大,所以先咁
你媽今日俾左2000蚊我
佢話因為我冇工返,又要返學,一定要有錢防身
我當然唔要啦!邊度夠膽要!
我冇工返,就連屋企人都唔會問佢0地拎錢
富媽話唔好係街度爭論
結果硬食收下
星期二
留左係家一整天
功課加VCD(NANA)
晚上返學
都係畫畫
1:9
o...又有功課了~
今天
晨早流流10點有人打0黎叫我見工
天娜護膚品公司
結果答應去見了
即日兩點
鴻圖道81號
我舊公司後兩條街
肥雞公司後一條街
大家都係超近
而家觀塘既路我好熟
睇0黎我走唔甩官塘
其實我有send去其他地區既公司0家
不過佢0地唔叫我去in
只有灣仔果份叫我去in渣
已經第5份工in
in同平時一樣
不過一開波佢問我係咪HK出世
佢以為我唔係HK出世咁樣
之後又講下佢公司做既野
講到好多野做
文職,採購果D
如果有展銷的話仲要跟埋佢出去sales同見客
睇0黎真係好多野要學
好驚...我咩野都唔識囉,驚又俾人炒!
佢講到係度做野唔係死做,仲要對客對外咁樣
試用期1個月
人工$5500
後再加
同一般既公司一樣,有雙糧,大假咁樣
in完咁走啦,點知行到APM果邊又叫返去試下用AI
心諗又唔係設計公司仲咩要睇下我識唔識喎~
因為佢知道我之前係做設計又係設計出生
所以睇下我識唔識呢D野
上番去我求其做下
因為都冇咩心去做
我覺得唔係設計公司唔駛咁嚴重
好簡單做左一粒鐘都冇就完成
之後又走人,搭車返家!
點知佢打0黎,叫我明天返工了~!
其實我眼見有兩位in 0家!
佢自己in我果時都話今日有3個in
佢亦都話果D有化妝品公司經驗又D又係設計果渣
同埋其實呢份工唔係我心目中果隻文職
所以今次in我又係拎經驗
估唔到咁就請左
不過都係果句,都係努力學野,驚又俾人炒!
原本仲打算今個星期6冇野做睇你踢波比賽
o...而家要返工!~
不過唔返工唔得,冇錢,冇收入,唔能夠!
搭bus時亞kid又打0黎!
呢期差不多日日同佢傾電~!
佢0岩0岩去完台灣旅行,仲話買左手信俾我!
雖然我同佢係3年前一齊左幾日!
但係我0地一直都當大家是朋友!
起碼而家做朋友都幾夾!
做情人就唔能夠了!
我同佢傾電,富打0黎,每次我都話同yinyin傾!
因為富唔鍾意我同男仔傾電!
講真,咩野都唔俾,去酒吧唔俾!
咁我好難識更加多人0家喎!~
um..........
天氣慢慢轉變啦
朝早同夜晚幾涼下
睇0黎冬天0黎我0地不遠
街上面
商場慢慢裝飾聖誕節既野啦
九龍灣好靚
返學時見到好靚
今年又玩偷波波嗎?
最喜歡的節日!

>>November 8, 2006 at 9:48:50 AM GMT+8

2006 年 10 月 22 日 星期日 【晴】

人生真的很灰!
今朝如常的返工,如常地冇野做!
lunch叫外賣!
或者真係人心難測!
大公司既人更加不再話下!
而且...原來我而家先體會到大公司真係唔駛指意人0地會教你野!
要學野真係要係細公司學!
下晏唔知點解好多人打0黎!
亞kids都有打0黎,訴苦,因為佢失戀!
但係我已經唔係第1次聽見!
佢女友有第2個...
唉~已經不是第1次!
亞kids都唔係第1次有第2個啦!~
時間長短唔係一個問題!
又係講佢女友講出難聽說話冇得番轉頭果d咁!
唉~我真係唔知道!
yinyin都有打0黎吹下水!
差不多收工6點多,叫左我入房!
同我講話我唔係咁適合公司!
講到咁,出哂票,唔通仲唔走咩~!
講完我都執好d野走人了!
想也想不到咁快就被out!
年幾經驗白廢一樣!
原以為一切很美好!原以為自己安排好既一切都叫很好!
其實我一早已經知唔多好!
因為冇可能成個星期都冇job俾我做!
一開始頭果兩日冇野做係正常!
但係冇可能成個星期都冇!
根本冇俾機會我!而且.....佢要識既野我真係唔識!
用photoshop做background!
呢D我真係唔識!以前我只係用0黎執相,退地!
做background真係幾年經驗既先做到!
之前我send履歷表份份都係唔駛經驗或1年經驗!
如果係咁...一開始就話請個幾年經驗啦~
去到上水廣場少人果邊...
想也想不到我哭了!
第1次咁樣哭了!
因為我知道我努力安排自己條路應該點樣行!
點知...會咁樣!
我覺得自己既前途突然黑暗!!!
咩野都冇哂一樣!
呢兩個月經歷太多野...
一時間我真係接受不了!我已經受夠了!
人生...越大!....慢慢長大.....經歷既野又多左!
越0黎越多野要經歷!真係好吃力!
愛情上...我已經經歷太多啦!~
工作上.......由我初初出0黎做野到而家...
雖然經驗唔係多!但係我都試過捱苦!
從來未好過!我只想安穩既生活!唔通咁樣都咁難嗎?
同yinyin傾............
傾到你0黎!你今日放假...
搭277x到粉嶺即轉的過0黎搵我!
一個擁抱,果刻已經感覺溫暖!
最主要都是因為係自己最灰既一刻身邊有個人已經好滿足!
點解...我每次冇愛情就會有工作!
冇工作就有愛情!
點解...點解...點解..........
唉~冇左份工我先知道原來我真係唔能夠冇工!
冇工等於冇錢,原來我真係好現實!
因為我真係貪錢!!!
返工都係為左錢!我鍾意行街扮靚!
儲落既錢...又要係冇工返時駛..........
點解次次都係咁!
以前返sales,有一排冇工返!hea既生活!
又係因為冇工返,攪到儲落既錢冇哂!~
而家...唉~~~我真係要努力搵工!
我唔想好似之前咁!
為咩儲?儲錢我都係想做我想做既野0者!
而唔係為左冇工返時而駛囉!~
而家戶口既錢唔多!仲要返學買野!死得!!!
你...同我出MK拎番準考証!
之後係MK食飯!你糧尾都幫我出錢!
以前既你...一定唔會咁樣!
是你變了,定或是因為我心情唔好先咁?
食完去左你家!搭小巴時好累...
早起掛係吧?
心情真的唔多好...又睡著了!
去到官塘,你叫一叫我!
原來有架電單車個人飛左出0黎!
好彩後面冇其他車行渣!唔係真係車死!
我蒙哂見到果個人只係受少少傷冇咩野!
好彩既係冇俾車車倒!
返到你家,hea左陣沖涼!
沖完涼又睇番上次買既VCD!
睇左一半我累,訓了!~
我既長假期由明天開始.............

>>October 24, 2006 at 5:31:32 PM GMT+8

2006 年 10 月 21 日 星期六 【晴】

12點左右起身,你老豆煮左飯~
被你老豆迫飲兩碗湯!
結果飲完都兩點幾,最終你要揸車返工!
你車左我返家樓下,因為唔捨得我於是同我一齊去7仔買野食!
買完你送到我家樓下先揸車走!
我返到家都係hea下,訓左1粒鐘!
夜晚做功課!
um...全身唔多識畫個樣呀!好難!~

>>October 24, 2006 at 5:16:05 PM GMT+8

2006 年 10 月 20 日 星期五 【晴】

原本打算今天入票,點知原來銀行冇開,5天工作!
又要過兩日先入票了!冇錢啦~
5半工作...再唔係5天!
以前覺得朝早時間過得好快!
因為自己一人free,上下網,玩下MSN,工作又拖住0黎做!
所以真係幾free下~
而家淨係鍊下野咁!覺得時間有點難過咁...
同事們在工作!又冇點出聲!
我又起能撩佢0地講野呢?
老闆今天都有上0黎!同亞亮傾下野咁!
1點走人,返家左先!~
煮左個麵食,表姐0黎左用電腦印野!
3點幾你0黎接我去你度!
不過去左接你老豆先!
之後去左沙田圍小蜜蜂食野,我冇食~
同埋幫你老豆手果個人都係度!
果個人整親整腳,所以幫唔到你老豆手做野!
所以你老豆都苦惱緊,唔知點算!
返左你家,再出MK拎準考証!
點知...唉~星期6,日放假囉!~
我根本就冇時間!唯有星期一再0黎過啦~
不得拎啦!28號就考!時間過得超快!!!
你肚子又唔舒服,仲未病好!
返左藍田食飯!食完落左官塘!
原本今晚係同肥雞睇車!點知肥雞又係度拖唔知咩!
最終又冇!同你買VCD!
狂野極速!
第1間大果間冇喎!~話得番租既!
之後去左裕民坊!真的有!
結果買左一連3集~!打算今晚睇!
肥雞打0黎話食飯,佢同亞魚未食!
好耐冇見亞魚了~
原本佢0地去沙嗲王食!
提起APM新開食包果間,咁0岩睇雜誌又見到!
結果打算去試!點知原來一星期係有一日係早收0家果間!
於是佢0地食左其他野!
而我同你打算星期一先試!
你買左雪糕俾我食~
好耐都冇食雪糕了!
食完我0地行左去牛頭角果邊既工廠區!
又係因為肥雞要睇車!
結果去了,行死人啦~累爆!!!
11點,差不多12點我同你打的返去~
返到去你整max機!整左部機先可以睇VCD!
結果終於整到,不過又拉唔大個視窗!
最終細有細睇,睇到3點幾未睇哂就訓了!
太累啦~!雖然我睇過,但係太好睇,一定要睇多次!!!

>>October 22, 2006 at 2:21:35 PM GMT+8

2006 年 10 月 19 日 星期四 【晴】

lunch又係去左上水廣場間紅樹林食!
食完返到去又係鍊下野~
終於收工,勁快手出觀塘!
點知Willy條友仔話7點走!
結果佢話放係門口個箱度,等我自己去簽收!
去到............PK計少我幾日糧!
我當然打番俾佢啦!
明明係6號開始計起糧,5號折糧!
個客10號出糧!
佢就計我11號計糧!
好彩我睇睇!同埋我自己心中都知出幾多糧!
少左當然睇啦!~頂佢呀!!!
想借D易出少俾我!
之後打俾佢,佢話睇番,之後寄番俾我喎!~
果幾日糧已經足夠我而家返工,返學搭車了!
當然要拎番啦~
同埋自己辛辛苦苦搵番0黎既錢!一定要拎!!!
同yinyin,精蟲傾左陣電~
返到大埔撞到yinyin陪佢媽媽買野!~
我0地約左10點多出0黎食糖水!
我,yinyin,精蟲同鄧培~
佢0地講左好多我既野...
其實好多野我都知道的!
真的多謝你0地直接既對話!
我0地認識得太多年,所以我唔會介意你0地既提點!
我唔會麻目去愛,再唔係以前既愛!
你0地對我點樣,我是知道的~
傾到12點幾就走人!
你係咁打俾我=______="
返到家沖完涼同你傾左陣!
你話為左我好,第2日又要返工,所以唔想我攪到咁夜!
但係其實我只係同朋友去食下糖水,而唔係蒲!
同埋只係12點幾返家,又唔係點幾兩點返家!
沖埋涼攪埋呢樣果樣點幾兩點訓!
其實就算我係屋企,都會拖到咁上下先訓!
又係差不多啦~!
我知道你因為病了,我冇睇你!
又去左同朋友一齊,你又想我去你度!
但係講真,我返工返上水,粉嶺,你家去返工果度好遠!
我仲咩唔會自己家出發呢?
又唔駛太早起,8點9,10出門都未遲!
仲有時間係家食點野先出門!
我又唔係完全唔理你,起碼我有問候!
只係明天放完工先陪你0者~
後天先放假!
今晚左右兩點訓!

>>October 22, 2006 at 12:56:55 PM GMT+8

2006 年 10 月 18 日 星期三 【晴】

又是工作~
都係鍊下野!
又係做佢0地公司出品既野!
lunch食左pizza hut!
食完返去,點知佢0地又想八下新公司係點樣!
結果問左亞亮就一齊打的出去!
新公司唔錯啦~不過地點就...
好唔方便!係聯和墟隔離!
走時見到小巴站有一程小巴返大埔!
但係聽講只係去到大埔墟渣喎!~=______="
如果係你度返工都有一程車到,277x再行個幾字就返到去!
老闆話到時會有車係火車站接我0地!
嘩~咁計法起不是我要轉成3程車?
火車站都有小巴0黎呢度!
果個係工廠區既商業大廈0黎!都OK 0家!
雖然係工廠區,但新界地區既空氣點都好過九龍!
好過以前好多!
但係夜晚收工可能靜左點!
我仲要星期2,5返學,一定要行果條隧道過聯和墟!
同埋我又要知道邊度有得搭小巴出去,
如果唔係又要行番去搭277x去九龍灣!
收工原本打算出去拎糧!
打俾Willy點知佢話佢今日要出去!
所以明天先喎~
結果收工返左家!

>>October 22, 2006 at 1:01:21 PM GMT+8

2006 年 10 月 17 日 星期二 【晴】

一浪接一浪~
今天都係做番琴日既野,冇咩野做!
lunch去左上水廣場食!紅樹林!
上水廣場果度有咩美食博覽會!好多野食呢~
好想買0黎食呀>0<
下晏時間都係咁過...
收工...
你叫我一收工一定要打俾你!
最終我打左!估唔到...
行到去潮明園果度有人捉住我!
原來係你!估唔到今天你放假會0黎接我收工!
你明知道我今晚去要飲滿月酒!
呢個星期最快要星期6你收工過0黎搵我先有得見!
還以為你今晚又去踢波!
你今朝踢完,以為夜晚又踢多場添~!
你車我去太和!
你話唔返家食飯!怕你一個人!
亦知道你想我叫你一齊去食飯!
所以我開左口叫埋你一齊0黎飲!
去左大中買BB衫!冇可能兩手吉吉去ma~
買埋條跳跳虎口水堅!好得意呀! =﹏=
買完等食飯都等左好耐下! =____="餓死了!
11點幾先食完!
你肚痛,是你前溝野飲定係凍親個肚子?
今晚見到好多BB!好耐都冇抱過BB啦~
好得意呢~~~
之後你車我家人返去!
叫我留抵一陣,結果我同你係車中傾左陣計我先返上去!
返到家差不多12點!沖埋12點幾,你沖完涼打俾我同你傾左陣電!
你個肚唔舒服,So我都訓覺了~又係點幾兩點訓囉!
KEEP住KEEP住................!累!~

>>October 19, 2006 at 2:57:50 PM GMT+8

2006 年 10 月 16 日 星期一 【晴】

今天工作仍然冇咩做!
因為琴日預早左出門,今天遲少少出!
但係都係好早返到去,原來朝早可以咁準時囉D班次!
不過我都係唔夠膽買早餐返去食!
都冇人買野返去食既=____="唉~!同以前好唔同呢~!
以前我可以好free咁食我既早晨,hea成粒鐘先做野!
而家唔得lu!~一返到去冇耐就工作了!
不過呢兩日都係冇咩野好做!
設計下護膚品盒!
lunch去左飲茶!
好快放工,唉~原來搭果程小巴等又耐搭又耐!
攪到返到去7點9!
遲哂大到!冇法啦!~以後都要咁樣遲了!
得罪了Ms,因為我遲返仲要問拎A4紙...
佢話下次遲到出聲唔好一粒聲唔出就坐抵!
我心諗...我一次半次就話0者!
但係我次次都會遲0家喎!~
唔通次次都出聲嗎?
同埋我一入到0黎已經見到你好專心咁教人野!
唔通我又阻住啦喎?
因為返學,原本我今晚係去舊公司拎糧!最終都冇,又拖遲幾天!
今堂都係畫畫...又係畫人!
好快落堂!亞倩佢男友接佢放學呀又~真好呢!
我獨自歸家!又係一落到去就有架bus,即行快幾步上bus啦!
返到家10半,丁飯食!累爆呀!!!~
同你傾電到1點多先訓!
一返夜校就忙到仆街!~!!!
文具仲未買哂!~得閒又要添!

>>October 19, 2006 at 2:39:46 PM GMT+8