2006 年 8 月 18 日 星期五 【晴】

今朝10點幾起身!~
之後12點幾就落去飲茶...
老公原本打算整架車!因為個包圍有點鬆!
但係因為太累,所以決定第2日先!
之後同佢搭bus返大埔!累~
佢返工,我返家!
我又悶............hea!
JOJO今晚北上去玩,佢就好!~
成日去玩!~
都係等老公電!~傾一陣...
點幾就訓著了~!
唔知點解今日仍然好累!
一放假冇地方去,或者可能因為平時返工累!
所以都係早訓......

>>August 20, 2006 at 10:36:09 AM GMT+8

2006 年 8 月 17 日 星期四 【溫暖】

老公今天又放假!
放埋今日到下星期5先有得放!
今早佢同左亞東同秋然去沙灘游水!
我冇請假同佢0地去呀!
我想努力工作!返足一個月,廢事因為錢銀上有咩爭執!
老公游完水整機頭,又陪肥雞剪頭髮!
其實...我唔係好明,點解佢0地班人成日剪頭髮都要人陪!
以前我就算冇拖拍都唔會專登搵人陪!
哈~
今天我終於完成左個藥盒設計!
雖然時間用得好耐!
但係最終我都成功左!
辛苦,都係值得!
下星期一返去又做第2個藥盒了!唉~
工作沒完沒了!
算吧~努力學多點野啦!~
收工,出左MK交學費!終於都出去交學費了!
成為:$9375
因為我交得一期學費,所以積埋咁多=____=
學校500蚊冇得找!我係咁抄,好彩有!
攪到D錢有點混亂!
我原本仲以為$9750
亞媽仲俾足左我!原來唔駛咁多...
攪掂好打俾老公!
因為我搭bus一定耐過佢最少半粒鐘到大埔!
結果佢0黎車我!
0岩0岩佢又陪完肥雞剪頭髮!
等左一陣,去明叔家拎番BB車同埋一大袋紅白藍膠袋既公仔!
老公話要睇住架車,叫亞君陪我上去拎!
有冇攪錯?!佢唔係我男友,點解要上去?
一陣我亞叔佢0地點諗?
我上到...亞嬸問我男友點解唔幫我,我都口啞左!!!
落到去,老公故住check架車,居然叫亞君幫我手拎!
而唔係佢即過0黎幫我拎囉!~
男朋友?!我真係唔知道!!!
咁搵佢朋友做我男友都一樣啦!~
車真係咁重要嗎?
當要睇住架車都算,落到0黎,為左check架車都唔幫我拎野!西厲呀!~
好重...........
之後返家放抵!果刻我真係唔想去佢度!
跟住去左搵鄧培,老公架車漏電油呀,搵左兩個人睇都話冇事,唔知邊度出問題!
所以搵埋鄧培幫幫手!
不過佢都唔知,要明天搵佢D同事,之後再搵日去check!
去廣田,車埋亞君返家,因為要佢拎番老公上次D畢業作品!
之前老公因返工,冇去收場,d野放左係亞君家度先!~
返藍田,去左廣田食飯!夜了,十點幾先食!
肥雞係老公家樓下等我0地!
因為肥雞要拎番D野!
但係個架佢又話第2日先拎...
食完返老公家!
好彩我0地早左少少返到去!
行返老公家途中已經閃哂電又翻風~!
所以我行左下路,驚冇啦啦行行下落大雨!
返到老公家肥雞走左冇耐就即落大雨!仲好勁添!~
通常老公果邊落大雨,大埔都唔會有!
兩點幾訓覺~
又兩天假期!
其實咁多假,係幾好!
不過咁0岩同老公返工時間唔0岩!
所以...我0地而家勁少去街,我好悶...
佢就話有兩,三個朋友冇工返0者!
我唔係呢~!而家差唔多個個fds都返工!
星期6,日都唔知可以搵得邊個!
係女孩子呀放假都搵男友去街0家啦!~
得番男孩子!老公又唔會俾我同佢0地出街既!
悶死人了!
嘿.....老公呢個星期兩日假期咁就完左!
冇一天係俾我,冇一天係為左大家單獨相處!
我0地唯一單獨相處既只有係床上!
而家又等到下星期5先有假放!
到時......又唔知會點樣!
女孩子雖然會為少少事就嘈,就燥!
但係我唔會冇啦啦冇野就會嘈,會燥囉!~
你話我野嬲你咁樣!
其實你又會唔會諗下我點解會咁?
有因必有果!
唔會將事情懶在我身上!
就算我有錯,我發脾氣!
但係你都唔會0岩!
我咁大個,唔會有一個人用刀或者係想鍊我條頸!
只有你發脾氣先會咁做!
如果將來同左你結婚,我相信我都未必會幸福!
年頭冇左既BB,我到而家仍然好懷念!
而唔係你所想,你想要,我唔要,我冷血!
但係冇法........我迫不得而先咁做!
如果唔係你果時你以前女友搵你,你又有覆佢,我唔會咁做!
當時我好懷疑你對我既愛!
因為我叫過你唔好覆佢!
到前兩個月,佢搵你,你又覆佢!
我叫分手!我...唔會一個咁易講分手既人!
當時我只想灑脫點!雖然係愛,但係我唔希望我愛既人背叛我!
每個人都為左保障自己將來...我年頭先會咁做........
我永遠都愛佢!
有因必有果,我所做所講過既一切,你仍然唔明白!
你有幾愛我,但係...你唔會明白我所需要既係咩!
你唔明白,我點解成日發脾氣,攪到你燥哂!
你係唔會明.....
我淨係想要個正真愛我,事事為我,放我係第1位既愛人!

>>August 20, 2006 at 4:00:34 AM GMT+8

2006 年 8 月 16 日 星期三 【晴】

今日返工特別累同眼訓
不經不覺,又到lunch!
Carly兩點幾就出左去,因為佢老闆冇啦啦0黎左HK!
攪掂哂手頭上既工作又攪番設計藥盒!
Willy叫我做得高級點!
結果又要成個改哂佢!
算吧~明天再攪!
回家~
累...
訓左陣!沖涼~!
等老公電,1點前就訓著!
佢夜晚洗車,同左亞迪佢0地遊車河...
冇法,就住對面,避得一次避唔到第二次!

>>August 19, 2006 at 8:47:26 AM GMT+8

2006 年 8 月 15 日 星期二 【晴】

老公今天放假!
佢一整天都係攪緊架車D野!
而我如常地返工~
收工老公揸左車0黎接我收工!
因為佢泊係街上關係,所以我6點兩,三個就走人了!
期間同佢有口角!
上左佢家...
我0地嘈交........
之後老公好似發癲咁!
我會記得你對我咁!
之後同佢去踢波!
我預先都唔知...
呆坐!勁多野咬,好辛苦!
之後11點左右先食飯!
去左潮館...
麻麻地好食!
攪到點幾返家沖涼!
夜哂~!3點幾先訓.........
次次放假,老公都必定會搵朋友
點解...唔會俾一天時間我呢?
每次見到佢,都會見埋佢d朋友!
我真係好唔喜歡咁樣!

>>August 19, 2006 at 8:47:08 AM GMT+8

2006 年 8 月 14 日 星期一 【晴】

如常地返工!~
其實有點唔鍾意老公買銀色車!
不過真係冇辦法,唔買都買左!
有時我會諗,架車係靚仔,但係老公好似冇理會到我係唔鍾意銀色車咁!
希望真係耐左有點錢換過隻色佢啦...
今日返工都係咁,冇咩特別!~
朝早又係同Carly係咁傾計!
收工長毛0黎左搵我俾notes我!
因為佢話今日唔係咁開心,所以唔返英文!
佢果份唔知咩工0黎,收5點!
佢5點幾就0黎到官塘!
所以佢打住機咁等我等左成粒鐘!
拎完之後就走了!
返家!~都好!唔駛連續兩日去MK!
搭bus時老公打俾我!因為佢食飯!
而我返家食飯...
夜晚等老公收工電我!~
訓覺~累呀!

>>August 19, 2006 at 9:01:41 AM GMT+8

2006 年 8 月 13 日 星期日 【晴】

又返工啦!成日覺得呢兩日假期過得真快!
比返工時間更要快!~
今天更新藥盒!一共5個!
所以冇俾Willy話D咩野!都係改下野咁!
lunch如常同老公通下電!~
收工拿拿聲出去MK買藥!
買完就返家食飯!
唉.....我話過我真係唔想再買藥!
我唔知會有咩問題發生係自己身上!
或者有咩病,或者係將來生唔到BB,或者係生BB出0黎係有缺陷!
我真係唔想有咁樣既一日!
自從年頭...我個個月都有食呢D藥!
老公,如果真係為左我好,希望你做足安全!
夜晚沖完涼等老公電~
之後訓覺...

>>August 17, 2006 at 3:32:10 PM GMT+8

2006 年 8 月 12 日 星期六 【晴】

10點左右就起身了!
估唔到連假期都唔能夠訓晏點!
唔知係咪因為平時慣左早起呢?
原本以為老公會同我一起食野!
點知佢睇車同左果個賣家食!
o...咁我自己煮通粉食啦~!都好呀!又可以慳點!
跟住等老公上0黎!老公今早9點就出門去上水睇車!
落左訂!終於都決定買架車!
架車三萬幾蚊,相比上次白色果架六萬幾係平好多既~!
但係我不喜歡銀色車囉!~
上網睇架車個樣,都幾靚仔!
老公點幾先上到0黎!hea左陣~!
亞媽兩點幾返0黎,因為裝燈個師夫0黎左!
亞媽又話可以俾我0地簡燈,車...都決定哂既!
我0地根本冇得簡!就係要果頂小蜜蜂燈!算吧...
琴日冇啦啦返到家就話買左燈!
又唔同我0地去簡=____= 貪平買左呢頂燈!
兩點10左右送老公搭車返工!佢話返番新達果邊搭喎!~
之後我約了JOJO出0黎傾下計,同埋拎埋支香水!~
thx你幫我買呀~!去左珊瑚堡食tea!
傾左好耐計!原本打算6點去到老公家!
不過諗諗下廢事好似上次咁啦!~廢事遲!
同埋佢0地太早食飯,因為老公爸關係...
所以我決定食完晚飯先過去!~
食tea傾計時居然見到carman!
真係估唔到遇上她和她男人仲有她的寶寶!
估唔到...上個星期先知呢件事,今日居然俾我遇上她...
生過BB既身形真的肥點!佢比以前還要肥少少!~
食完飯我0地行左陣!
打算去姐姐度睇姐姐大肚點樣!
點知佢又放假見唔到佢!得佢家姐同係度!
次次都係咁,次次都見唔到添!~
之後我睇中左個袋,$110,我幾喜歡的呢~!
於是買了!貴袋,都係到我有錢先買吧!而家用住平先...
買完冇耐我0地就返家啦!
亞媽佢0地出左去食飯喎!~
得我同第2果個!結果佢炒飯!
食完我就出門!去老公家!
去到老公爸返左工!因為冇私家車關係,唯有要早走!~
hea左陣睇TV!女王的教室真係幾好睇!
唔係因為而家老公返工,而我又office hours我都睇唔到呢套戲!
睇完先沖涼!等老公返!
等佢沖完涼,之後一起睡覺了!~

>>August 17, 2006 at 3:28:36 PM GMT+8

2006 年 8 月 11 日 星期五 【晴】

今朝11點左右起身!make up完等埋老公就出門拎位飲茶!
期間我0地有點口角!
原因係因為一本書...
老公問我拎錢買書!
之後佢就話用我果幾廿蚊就黑面!
我已經同佢講過我成日拖糧!
已經冇哂錢了!
上個月我戶口用得剩得番好少.....
駛突左...
跟住呢兩個月畢業作品果D攪到返工返得好少!
勁少糧!
以前返工,人工唔會咁少!
而家人工真係好超!
少到,其實屋企都可以俾到我!
以前中學,我戶口都未試過咁少錢!
而家...咁大個人,居然咁樣!
你唔體諒我都算,至少都唔會用我D錢!
我生活好有困難!
講我就講過!因為我冇諗過話要你俾錢我!
所以我只講我拖糧,冇錢!
如果我真係有,果幾廿蚊我真係唔會計較!
我真係無所謂的!
你無錢,我體諒你!到我冇錢,你又可會體諒我呢?
我發脾氣...老公禁左錢俾我,俾左千五蚊我!
其實我最主要唔係想要你d錢!
而係希望你都會學會體諒!
拍拖出街...
其實照理好應該男方俾錢!
而我今次拍拖唔係!
我知你冇錢,我已經AA制!
至少,你都唔好成日問我拎錢,買書呢樣果樣!
我連買書都冇買一本!
我以前都係一星期買一本雜誌的!
如果我真係有,我真係唔會計較,無所謂!
幾廿蚊係少數目!
但係而家果幾廿蚊,可以令我食餐飯!
我唔需要擔心下餐,唔駛下下就住就住咁緊要!
而家同以前唔同!我真係未試過咁無錢囉~!
我買衫,以前一星期買一次!
而家一個月未必買到一次!
以前大駛既我,下下買貴既,買牌子既!
而家既我,已經冇再咁樣!
心入面係好多野好多牌子都喜歡想買!
但係我都冇錢去買去做!
我真係比以前慳左好多!
老公俾左錢之後,佢就話發下脾氣就有錢收幾好!
其實...你究竟明唔明當中有咩問題?
我同你未結婚!我冇錢駛,我當然唔會問你拎!
但係我之前講過我拖糧,冇錢,你一句也沒有問候我!
到你之前冇錢,你就話我,你需要我既問候!
其實...道理係一樣..........
飲茶,老公媽因為搭錯車遲左少少0黎!
冇耐肥雞都0黎埋!
坐到兩點半左右我同老公搭地鐵,火車返大埔!
佢返工,我返家!
返到家兩個堂細佬0黎左!
跟住5點左右我就訓到7點!
因為佢0地係度嘈,所以我醒了!
佢0地嘈整燈既問題!條友又話7點0黎!
點知仲未0黎!如果真係遲0黎應該講聲囉~
打番去果度,個八婆D語氣好有問題!!!!真係屌9佢呀!
之後話7點半!咁我0地冇可能下下等佢0黎先可以食飯!
大家都要食飯0家!
咁我0地決定左明天先叫佢0黎裝啦~!
雖然只係果1千蚊3頂燈!
但係客人永遠是對的!
如果真正搵食既,就唔應該得失D客囉~!
仲有咁既語氣真好有問題!
要我0地就佢,唔係佢就我0地!唔知有冇攪錯!
落街食飯,9點左右食完返家!
我D公仔要拎番走啦!~
星期日之前拎走!
因為佢0地要搬,23號交樓俾人!
我仍然心愛我D公仔,所以我決定還是拎番屋企好點!
夜晚上下網,睇港姐!
老公食飯打俾我!之後沖涼,再等佢收工打俾我!
傾左陣,兩點之前訓著了~!

>>August 13, 2006 at 4:24:20 AM GMT+8

2006 年 8 月 10 日 星期四 【晴】

終於到星期5啦!~
原來返5日工都唔係太難!
可能我真的太懶啦之前!
我要慢慢習慣番以前返工既生活!
以前我連踩一個星期有多都係咁!而家冇可能唔得既~!
努力地工作!對野對清楚點!
重複對多兩次!
收工之前Willy又俾左5個藥盒我做!
兩個只係改少少字!
其他3個只係翻做番出0黎0者!
我要細心點做先得!
不過我今晚準時6點鐘走人!
下星期一返工努力再做!
因為老公要睇車!叫我準時走!
係地鐵鐘等1卡等!
等左成兩,三個字仲未見人!
冇啦啦見到亞君!
亞君話明明同湯威佢0地同一班車!
點知湯威係藍田!
之後我0地去藍田地鐵站等!
仲以為老公唔理我走左!
呀~點知原來佢0地走散哂!
因為湯威增值,老公,亞業,亞東仲係九龍灣等緊!
走散哂D人,佢0地真係...........
係藍田等,等左幾班車佢0地先0黎到!
去將軍奧!因為遲左我0地打的啦!~
點知去度呢,兩架的士,哂左30幾蚊!
去到條友先話唔得攪到約左9點!
咁我0地就走左等食pizza hut!
家強同佢女友都有0黎!
佢女友好瘦呢!瘦到好似得個頭咁!
因為佢個面闊闊地咁!
um.....等位!大家都餓了!
第1次同秋然食飯!因為佢慳錢次次都係返家食!
今次...見到佢,原來佢食好多野!
食左幾件pizza,大家都停手佢仲不停咁食!真係嚴重!
差唔多食完家強女友要走先,所以家強送佢走走先~一陣先再返0黎!
食完9點左右就走人!
約左睇車果條友9點2係M記果邊等!
睇車睇到老公燥哂!
因為條友好似冇心賣咁!
條女仲要提高價!講真呀!~
賣車預左俾人壓價!條女唔識野就出聲!
男人講野佢又出聲!賣車呢D野唔識咁多我都覺得唔好出咁多聲囉~!
結果走了!~未買得成!
其實我第1間見到架車我幾鍾意!
因為我之前係街上都見到呢架車係紅色的!
我覺得幾靚仔呢~
架車又唔惡呀個樣!唔錯唔錯~~!
好可惜條友講野有點問題!
架架車都撞過0家啦!問佢,佢又唔老實地講!
跟住......
老公佢0地以前個miss住果邊附近!
叫左佢落0黎飲下野傾下計!
第1次見到佢0地既miss,係言談之間覺得個miss都幾好冇咩野!
原來佢都幾young!
期間我飲左d野,唔知係咪太飽,所以個胃唔多舒服!
去廁所,打算行幾步會舒服點!~
11點都未到就要返家啦佢!
咁我0地都走了!
湯威佢0地去APM睇午夜場!
我同老公都睇左0家啦!~
所以我0地係藍田落車慢慢行返家!
um...成5日冇見老公啦!~多麼的掛念你呢~!kissing!~
返到老公家家,飲左湯!
食完一陣就沖涼~
沖完涼同老公傾下計,佢又上網睇車!
呢期佢成日都煩緊車!成日都上網睇車!
次次見佢都係睇車!大約點幾就準備訓...
但係之後成3點多先訓得著!
太好,放兩日假啦又~



上網有段片...
指個亞叔係地鐵度打JJ.........
o........極度嚴重!!!
居然係公共場所攪呢D咁既野!
係咪真係咁忍唔到呢?
返工...聽Carly講,佢以前初初結婚個老闆係office度打JJ!
個老闆仲要斯斯文文個樣幾靚仔又5尺11高!
真係外表越斯文既就越淫!
有兩,三個女同事見到!
但係佢照唔理!~
之後出0黎同Carly講唔好同人講佢咁樣!
個office有個女同事個樣都唔唔差既!
跟住個老闆就專登親個女同事去廁所係門口等佢!
熄燈!個女同事驚就尖叫跑出0黎!
個老闆即攬住佢...
um...呢個世界真係好多變態佬!
嘔呀!!!

>>August 12, 2006 at 4:11:42 PM GMT+8

2006 年 8 月 9 日 星期三 【陰】

返工真係唔開心!
Willy俾左D說話我聽!
一直以0黎都覺得佢講野好有問題!
搵我同果個女仔比!
講真呀~一班入面都有最好同最差!
同埋如果間公司有百幾個員工,唔通個個都拎0黎比嗎?
而家...又話我做野慢,D野又唔合心意!
人0地做到既我又做唔到.....
攪到我人工一直都唔夠膽傾!
因為佢講到我做D野咁差,點傾呢?
唉~~~~~~~~唔開心...
心情真的很差!
其實已經唔係第1日講囉~
琴日已經有講0家啦!~
得0家啦!我明白!我完全地收到!
琴日就講我0地接電話既問題!
老實講!我0地係電話中好好禮貌!
再加上我做過sales!我好肯得相信自己說話能力囉!~
我唔知係佢自己得罪D客,D客先投訴定咩!
說話...講一次就夠!
唔好再搵我同人比!
我會盡力做好!
但係我好肯定自己已經比之前做得好左!已經有進步!
可能前排我因為畢業太忙所以我先做野咁樣!
但係我清楚知道轉全職我會更加努力去學好!
請不要再搵人同我比!人比人比死人!
7點鐘走!好燥!好想喊...
覺得自己好似好細路咁.....
我清楚知道出0黎做野一定受氣!唯有做好自己本份!
但係...我覺得自己一遇到唔如意既事就好易喊!
夜晚......我喊左陣,之後訓左陣!
老公打俾我泵我!THX~
個藥盒我做極都做唔掂!唔知點算好...
或者我設計方面真係好弱!
唯有我係其他方面做得更好!
原本老公今日下晏叫我今晚去佢度!
不過都係唔好啦~明天先啦!~
夜晚如常等佢收工電我!
因為訓著左關係,攪到我夜晚成兩點幾先訓得著.....
掛念你!...

>>August 12, 2006 at 1:44:12 PM GMT+8