2006 年 5 月 20 日 星期六 【乍寒還暖】

成日都係留左係家!十點幾就起左身了~
亞媽同第2果個出去食野,食完買左M記俾我食!
今晚家煮飯!GOOD~
係咁做.......後日評審!
聽日要交燒碟!所以要盡快~!!!
我0地成班係度研究點樣儲存file果D!
攪左成日都攪唔到!又要兩隻碟!
又要tiff又要jpg!總之就煩!
tiff又大mb!唔知想點!
亞君去左老公家攪,老公攪到成晚冇訓過~
總之呢幾日冇咩可言!
得個做字!又夜訓...................
攪到兩點幾3點先訓!

>>May 24, 2006 at 10:46:33 AM GMT+8

2006 年 5 月 19 日 星期五 【乍寒還暖】

呀...原本打算今日落一落街買少少功課上既野!
點知我換好哂衫,最終呢今日都係冇落到街喎~
成日留左係家做功課!!!部腦俾佢玩死左!
個printer一時得一時唔得!之後又得!
又燒唔到碟,大埔買手指又貴!結果冇買到!
不過最終都做到野!佢0地今晚出去食飯!
補祝番上星期既母親節!
但係我唔去,留左係家做功課!
佢0地食完飯就買左粉俾我食!
食完又係功課!!!努力!~

>>May 24, 2006 at 10:46:40 AM GMT+8

2006 年 5 月 18 日 星期四 【微雨】

今朝煮左公仔麵食!之後亞君!
佢0地打算落街食野!但係陪左我買紙先!
SHIT!官塘間大德好多紙都冇!
兩點幾3點買完走人!老公又話好累唔多like咁!
返到家就開1準備功課!!
um........呢幾日都打算留係家做功課0家啦~
亞媽買送時買左豆腐花俾我食!GOOD~
今晚都係功課!食完飯又係功課!!!!
功課功課功課.............

>>May 24, 2006 at 10:33:04 AM GMT+8

2006 年 5 月 17 日 星期三 【晴】

經過珍珠0黎港之後,居然雨過天晴!
今日冇落雨呀~!GOOD!
返工仲早左返到去!9點4左右就返到去!
又係做果D野啦!~又係對住藥盒咁啦!
而家都熟手左點了!
lunch Carly走~佢今日冇咩做,有街去一定去啦!~
同老公,肥雞食!肥雞講起以前既野!
講佢0地排隊買波飛睇波果D!排左兩日冇訓居然最終冇買到!
但係話老公賺到!我知佢講咩野!~
但係我真係好介意!我最最最........介意就係呢D!!!
女人一向易呷醋!< 度 >忌!真係好討厭聽到!
講真,講還講!都唔好係我面前講呢D野囉~燥燥地!
今朝同老公有點口角!
我只係話我今個月返得少工,下個月出糧一定好少!
我驚送唔到咩俾佢做生日禮物!
只係講左一句驚佢生日份禮物凍過水!
點知佢居然話我!話我講到好似因為佢累左我咁!
咩意思!?其實我只想送份好點既生日禮物俾佢!
而且人工多點咪有多點選擇囉!~
我完全冇話過咩累咩囉!~
果刻真係燥呀!居然咁話我!如果我真係唔理我可以咩野都唔送!
如果我唔著緊老公生日,我一早就請得多假去做功課啦!~
激死人!!!不過下晏好快冇事~嬲都係嬲一時...
放左工陪老公睇醫生!佢唔舒服!藥煲!
冇返到英文,叫返英文班識果個四眼仔幫我0地拎note!
同老公係大快活食飯,食完買飯俾肥雞~!
肥雞話老公係藥煲!又話老公自從果樣野之後就弱哂~
其實我都好唔鍾意聽到呢D囉!~
咁講,聽落以前因為咁開始身體唔好!
總之就唔鍾意聽啦!~不過我當然唔會冇啦啦大發脾氣啦!忍...
老公搵肥雞又係幫手功課上既野!
11點左右走人,返老公家!
沖完涼就準備訓!
今日居然聽到咁多唔想聽既說話!
總之心情唔多好!

>>May 19, 2006 at 4:42:16 PM GMT+8

2006 年 5 月 16 日 星期二 【雨】

嘩~~~琴晚老公D窗想爛咁!成晚D風聲好恐怖!
呀.....好驚打風係老公家訓呀!
今朝仲驚,因為打風落街D昆蟲一定出現!
點知一起身就見到好大隻小強係牆上!!!!
我即搖老公起身!好彩老公打死左佢先冇咁驚!
╥︵╥......我已經唔係第1次係老公家見到昆蟲!
老公家有昆蟲仲多過我家!好恐怖!我最驚呢D野0家啦~
9點2左右我0地落街搭603去灣仔返學!
呀...我今朝save居然唔記得outline!攪到...咩都冇!
冇哂我D圖!俾唔到roymand睇咩野!唉~~~
我覺得成個作品集冇俾過咩佢睇囉!~
亞倩遲大到,因為丁九橋大塞車!
一定啦!打風落雨一定咁!
因為Roymand要上下一班!所以呢亞倩打算下晏先返去搵佢!
咁我0地去食早餐先~食完坐左陣亞倩去買紙!
我去機舖搵老公!之後同佢0地去食野!我坐...
佢0地食完去298,我買左燙畫既紙冇耐老公同亞君同我走!
原本打算搭307返大埔!但係最終老公拉左我上603!
原本打算返佢家拎番把遮!因為老公驚我聽日冇遮用!
我話屋企一定有!返到藍田,老公就拎車車我返家!
嘩~~好大雨!THX老公車我返家!
之後佢搵左亞君幫手打字果D~
而我都係留係家做功課!!!
唉~~~聽日又要返工!不過我打算請3日假!
星期五,下星期一,二都唔返!
因為我唔請就做唔切功課!
下星期一,二評審!
星期一拎碟返去!星期二到我評!居然咁0岩同老公同一日喎!~
又會咁0岩既!?

>>May 19, 2006 at 4:31:33 PM GMT+8

2006 年 5 月 15 日 星期一 【雨】

今日返工真係燥哂呀!
我做錯左野!受了點氣!
再加上我設計既藥盒...又係佢話要我照果個咁做!
又話要我西式又呢樣果樣!
好啦~跟番佢要我點做啦!
而家又話我整得核突一舊野!
大佬呀!果舊當然係一舊野啦!唔係咩野呀?
唔叫一舊可以叫咩呀???
FUCK!真係燥呀!
我整果本書,D藥較錯左size!又係佢叫我較細!
之後又話我較得太細,又話我唔明就問啦!~
真係燥哂呀!!!!!!!!!!!!!!!!好燥呀!!!真係好燥!
收工之後同老公出MK拎note!冇上到英文堂就走了!~
係MK食飯!食完就去觀塘上肥雞家!
老公有野搵佢幫手~我坐坐下訓著左!
因為太累關係了! /_\.....
老公話等我起身先走!如果見我11點仲未起身先叫我喎~
一起身果刻累到呀/_\
唉~拍得住以前返大B咁呀!
去老公家訓,而家隔日去咁...
夜晚叫第2果個send我D功課過0黎~之後訓覺!
打風啦!~珍珠..........

>>May 19, 2006 at 4:22:38 PM GMT+8

2006 年 5 月 14 日 星期日 【微雨】

返工,做設計既野!藥盒!
下晏改下野咁!
唉~~~次次都係咁!
自己設計藥盒呢Willy都叫我返家諗下!
我心諗,咩叫收工,放工呀?
放左工,收工後就係私人時間0家啦~
收工仲諗返工既野?唔係呀ma?
收工我都諗自己D功課啦~
真係燥呀.\ /. 食屎啦!!!
今日收工後都返家食飯!~
老公陪濕東返學校!所以今日收工得自己一個!
返到家食完飯即係咁做功課!係咁爆!
好彩我返都不忙諗下D功課點攪!
做到12點先收手!不過好求其咁..........唉~要改下!
聽日又返工,好累呀~~~

>>May 19, 2006 at 4:22:44 PM GMT+8

2006 年 5 月 13 日 星期六 【晴】

母親節快樂!~~~~
正日!不過我一早冇去到飲茶!訓醒去左搵老公!
因為琴晚老公叫我今朝早點去藍田搵佢飲茶!
佢同老公媽都等左好耐!仲食左個早餐添~
我0黎到都等成粒鐘先有位!
o.....我媽果D好快就有位~唔駛點等!
其實都唔明點解D人只係特別呢一日先孝順,飲茶!
呢D野平日都做到啦~
唔知點解飲茶冇咩食到,冇咩胃口!
飲完同老公出MK!行左陣街!
老公話好眼訓!終於買左我之前想買果件衫!
老公陪我買衫,等我俾錢時居然坐係度訓著左=_________=
唉~~~點解會咁0家!當時我諗...咩同我行街真係咁辛苦嗎?
其實一路行街佢都叫累,佢講到佢好唔想行!
我果刻諗,如果真係咁辛苦就唔好陪!
陪我真係唔想搵到D說話!我唔係話你冇心陪我!
如果有心唔需要講出口!講出口又話累,但係為左陪我!
又一副好辛苦,好煩燥既樣0黎行街!我真係寧願唔行好了!
呢D情況已經唔係第1次!或者我真係應該同朋友行好好多!
最後買完去左滿記食糖水!老公話唔好食!
um...我就覺得同平時既糖水冇咩分別!唔難食!
但係點解D人成日話滿記好食既?
行完就返老公家!老公媽今晚煮飯!
8點左右食!今晚冇出到MK食飯呀我!
居然母親節成日同老公一齊!um...有點不孝咁!
今晚留左係老公家訓!明天又返工~
今日14號!!!

>>May 20, 2006 at 4:59:57 PM GMT+8

2006 年 5 月 12 日 星期五 【晴】

今日成個下午留左係家!老公同亞君去游水!
老公話要學識喎!今日我要同家人食飯預祝母親節!~
無出街唯有留係家做功課!改番之前既野!
到6點幾果時覺得好悶,於是叫第二果個一齊出去行陣!
亞媽去左明叔度!大果個又出左去!
又係佢話出去食飯!點知係我同第二果個去搵位!.\ /.#
買左杯同頭cool!之後去piazz hut拎位!
要等成粒鐘!唯有同等埋亞媽再行陣!
買左3套衫!好!再去萬寧同TOTO傾陣計!
8點多有位!野食0黎得好快!
食完9點幾就返家!老公今晚都係食piazz!
不過佢係叫外賣只吃飯唔食piazz!
食完返家hea陣先沖涼~!
再等老公電,傾陣點幾就訓!
老公叫我明早一起飲茶!聽日就係母親節啦!~
今年無送野俾亞媽!無錢......

>>May 16, 2006 at 2:39:56 AM GMT+8

2006 年 5 月 11 日 星期四 【微雨】

今日返工實在太free~~~
一早返到去,打卡時31分!不過唔梗要啦~都仲係9點幾0者!
因為等$3.8小巴等左好耐!原來去藍田方向果條路塞車!
朝早都係hea下做下野!同埋上網打日記~
lunch冇同Carly食!原來佢老闆都0黎左HK!
佢老闆成日都0黎HK既!最少一個月一次囉~
我同老公食飯!但係我0地有少少口角!
食完就即走,其實都未夠兩點鐘!
老公唔出聲就走左! .\ /.
之後返到上公司仲send左SMS話我唔理佢果D!
下晏Willy打0黎話佢今日唔返!叫我攪埋個藥盒佢!
um...唉~咩都諗唔到!而家要我自己設計藥盒~!
呢個已經係第2個了!哈~成個下晏得一條友係公司!
其實真係幾free!至少做野唔駛咁緊張先!
不過就幾悶!但係仍然要工作!因為廢事又留番第2日先做!
老公返去操車!泊車...
到5點左右上到0黎我公司!Fax履歷表!
跟住仲...................................................
到6點即走人!等埋肥雞收工過0黎!
佢0地送我搭bus!老公今晚搵亞聰去入油!
咁廢事我又攪到太夜一個人返家!於是決定送我搭bus先!
um...都好既~返家食飯!
搭bus重蒙!訓醒見到企係度果個女仔個樣好似公仔!
佢係冇化妝0家喎!又唔係靚,但係好突出,怪怪地咁!~
落車返家食飯,食完等第2果個沖完涼先沖!
果時我又訓左陣!半粒鐘都冇!
沖完涼等老公電下我~佢陪亞聰操車,同佢0地玩下又去飲下野~
咁唯有等佢電!等佢沖完涼返家傾電!
傾到點幾先訓~好耐都冇試過傾咁耐電了~
或者我0地見得多,所以少講電掛!~

>>May 13, 2006 at 2:21:03 PM GMT+8