2006 年 2 月 9 日 星期四 【颳風】

老公哥今日飛走了!~
今朝11點幾起身!老公爸煮左粥食!
其實我本身唔係咁鍾意食粥!D粥好咸!
跟住heaheag=hea...到兩點多老公同老公哥拎左D行李落架車度先!
等老公打0黎我0地先落去!
嘩...5個人坐架車真辛苦!由其係我個位!我果個根本唔係位0黎!
4人座位既車...我坐左係後座既中間!
去機場都幾遠下!自己揸車都成7,8個先到!
我估bus一定勁耐囉~!勁大風!我個位食哂風呀!好辛苦!
落車之後覺得好頭痛="=
等老公同佢老豆泊完車過0黎再等老公哥攪好哂D野先搵地方食野!
去左一間食扒既餐廳!係老公簡的!
幾貴下!食一個餐成200蚊!個甜品唔好食!轉cake要加20蚊!
早知我食個cake餐算了!之前係朗豪坊食都係30-40蚊左右!
係機場果個餐廳食要成60蚊!~
食完坐左陣慢慢行返去登機果度!
陪老公哥買麵包搭飛機時食!
老公同佢老豆吹煙之後Carly打俾我!問候我點樣!真係THX呀~謝謝關心!
遲下我會同你報平安的!遲下我應該會返番公司...
佢0地吹完煙跟住四圍行下就送老公哥機啦~
老公媽忍唔住喊!我睇得出佢0地一家都唔捨得!包括老公同老公爸!
um...或者我同老公哥相處時間只有兩個月!
而且我唔係佢0地親人!雖然我感受到佢0地既不捨!
但係.....始終唔係我家人,始終相處時間短!所以我冇喊!
老公哥係一個幾好既人0黎!同埋我覺得佢係好易俾人呃既人=.="
不過兩年後老公哥就會讀完書返0黎!
其實諗深一層,兩年既時間,只係佔人生中極少既時間!
而家老公哥都讀左年幾書啦!相信時間真係過得好快!~
好快又一年,好快又一年,好快老公哥讀完書就返0黎!
其實當初送佢去讀書都係為左佢將來好!就當係為左佢將來好!
見到佢將來好,就唔應該傷心了~!
um.........其實我知去外國讀書家人一定唔捨得!
我同老公講時間過得好快,好快兩年到老公哥就讀完書返0黎!
其實我都只係想講時間過得快,唔想佢0地咁不捨0者!
好多野,時間都可以沖淡一切~
老公居然同我講...坐牢都時間過得快呀!
果刻聽到,真係超串!!!可能佢會覺得冇問題!
但係對方聽到就覺得句說話好難聽!
好多時候老公講野都係咁......太直!做人太直其實唔係一件好事!
熟落去朋友會覺得聽慣左,知你份人本身係咁,咁就算!無所謂!
但係0岩0岩識或者係唔熟既人就會覺得太直,串親人!
送完機之後就揸番車返藍田!係觀塘果邊居然塞車!
送完老公媽老公爸返家之後老公車埋我返家先返去食飯!
今晚老公去肥雞家做功課!所以唔返家訓...
而我12點幾就準備訓!um......唔知係咪之前睇老公踢波吹親再加上今日吹親!
今晚已經覺得唔多舒服!訓訓下3點幾果時仲想嘔,又勁頭暈!
勁辛苦!去廁所嘔又嘔唔出! ╥︵╥ 果種感覺真係難受呀~

>>February 12, 2006 at 11:49:30 AM GMT+8

2006 年 2 月 8 日 星期三 【颳風】

今朝10點幾起身!TOTO打0黎,佢去飲茶!跟住幫我攪掂好哂!
仲幫我拎左卡片!真係好朋友!~THX!~~~
之後11點1左右出門,約左TOTO拎完卡片我就搭車出去搵老公!
點知我上到佢家佢仲訓緊!好彩老公哥未出門仲係度!
唔係我又坐後樓梯有排等了!
係老公家煲完水老公仲未起身!
之後我訓左係佢身邊望左佢好耐~
哈!終於醒了!佢好開心一醒,一望就見到我係佢身邊!
即係攬住我>3< 你話你病,今日唔返工!
而且今朝冇收過你返工既SMS!
再加上我係咁打電話,send左4,5個SMS又唔覆!
雖然我唔係同你拍幾年拖咁耐!但係你訓覺既野,我一估就估到!
大約兩點落街,去左買零食!買左好多!好耐冇食零食!
去左M記坐左陣,叫左細薯條食!好味~
之後去食下午茶!終於可以食正餐!成朝冇食過野!
可能之前食左薯條關係,唔係太肚餓!叫左份野食唔多...
食完老公買埋報紙就慢慢行返去~
返到去老公睇報紙,又睇足球台!好悶呀.......
跟住我又眼訓!於是4點幾返左入房訓!
訓左冇耐俾老公嘈醒!幾秒之間佢老豆打俾佢!
話返左0黎,又話去入油!我太累了!決定訓覺唔去~
差唔多6點起身,個個都返齊!
坐左陣,7點幾落街食飯!湯威0黎左!話幫老公哥戰行!
老公哥聽日要飛返去澳洲讀書啦~兩個月時間過得真快!
今晚老公媽話老公哥咁就咁鍚個細佬!
問佢0地前世係咪兩公婆0黎!哈~諗諗下都有可能!
食完飯同左佢0地去觀塘,點知佢0地去踢波!
老公整襯隻手仲踢波,攪到隻手痛到流眼水!
10點幾就走人!悶死我/_\..........又凍!點解次次睇老公踢波都咁凍!
咁凍真係好辛苦!我真係好怕凍!
返到老公家老公爸整左麥皮燕窩!燕窩好吸引!
但係我唔食麥皮/_\ 真係食唔落!
11點幾沖涼~12點幾準備訓覺!但係訓唔著!
同老公係床度傾左陣計!
其實我好鍾意訓係床度傾計!唔知點解好鍾意咁樣!
我覺得咁樣會令到大家靜靜地咁講好多野!
不過老公次次攬住我就好易訓著=____=唔知點解!
結果兩點左右佢訓左一陣先到我訓著!
唔知點解次次都係佢訓著我先訓著既=___="?

>>February 10, 2006 at 3:25:35 PM GMT+8

2006 年 2 月 7 日 星期二 【颳風】

今朝訓到9點幾起身,冇返學,冇野交!
打算呢幾日做完就返一返學校交交俾佢0地睇下!
因為星期3就要評審了!
11點先到poly!搵JOJO同TOTO去尖東唱k!
好彩係poly都識行到正門!
唱唱唱...好肚餓,係咁食野!仲影左好多勁kid既相!
有張...哈哈~JOJO!!!笑左我0地成日!
1點1左右就俾人cut歌!原本又話1點3!
我0地勁係度話唔係1點3咩!
唔知係咪有人聽到,之後又開番,唱多兩個字1點3準時cut左...
都唔夠喉!!!之後慢慢行去海港城!行左陣...
去another~之後又行行行...........
睇情人節禮物!um=____=" 居然冇貨!!!全線冇貨呀>0<
行到新太陽!再行DSF冇耐就搭地鐵去佐敦去左褲城!
行去途中JOJO扭蛋!我扭!幫佢扭到特別版Mickey!
不過佢一心唔係想要Mickey呀!~係要chip n dale!
但係其實好多人幸都幸唔到呀抽中Mickey!
TOTO話買褲,點知最終去到褲城係我同JOJO買!
50雞改埋!平~JOJO同TOTO睇中左我果條呀都!
但係我果條斷碼!結果佢0地買唔到!
之後搭罞MTR左MK!好累好眼訓呀/_\ 唔知自己想點!
俾JOJO攪一攪,玩左陣!又係街上爆笑!
肚餓...去左朗豪坊iltalian tomato食tea!
食左個麻麻地好食既熱狗!坐左陣就行去搭bus走人了!
搭bus時又訓著左...返到家冇煮飯喎!~
冇耐老豆返0黎買野食俾我0地!
食完等老公收工電我!
等JOJO send今日既kid相俾我!睇番都由笑了出來!嘿嘿...
夜晚老公話病唔舒服!結果...等佢沖完涼,11點幾打俾我時傾左兩句就收線!
冇耐我都準備訓覺了!明早打算去診所一轉!

>>February 10, 2006 at 3:28:31 PM GMT+8

2006 年 2 月 6 日 星期一 【晴】

琴日成日留左係家...
老公由朝早,下晏返工都有打俾我同SMS!
因為琴晚的事.........
成個下晏都冇咩心機!留左係家!
上下網咁!精蟲send左D佢0地放煙花既相!
哈~超爆笑!勁白痴呀!
夜晚係家食完飯就出去搵老公!
其實我也很想見你的!所以出左0黎...
老公見到我驚我嬲就幫我咩袋!
其實如果我平時,又會唔會主動同我拎袋呢?
跟住同佢0地去食野!食完濕東,男仔君走人~
同老公返家!hea左陣先沖涼!
沖完涼佢以前女友MSN 0黎喎!仲話咩今朝唔得閒覆SMS!
激死人呀. \ /. 仲咩同佢SMS呀?!嬲呀!!!!!!
我講過唔準同佢SMS!仲要係我0地嘈交既時候,佢SMS 0黎就覆佢. \ /.
同緊我SMS,又同湯威之外仲同佢!?
都幾得閒覆人喎!~早知我就一個SMS都唔覆!!!
之前我講過既野,當我冇講過嗎?
我唔想再重複了!!!!!!有下次我真的會咩電話都唔聽唔覆!
講得出做得到!因為我已經講左好多好多次!
如果唔係一個MSN,我都唔知你有同佢SMS喎!~
訓前...傾左陣計...........
老公話我好硬頸,琴晚唔肯打返俾佢!
咁人家係女仔0黎ma~女仔當然要人泵啦~
或者可能我真係有少少硬頸!
但係愛情上我係一個好執著既人0黎!
老公講左D令到我都有少少感動既說話!
其實我都很愛你!~
之後老公訓著我仲未訓著,之後我起左身玩左陣電腦!
同左佢以前女友MSN!um....................唔知!
無論點我都會有戒心!

>>February 8, 2006 at 2:04:59 PM GMT+8

2006 年 2 月 5 日 星期日 【晴】

今朝老公我阻住佢!嘿..................
跟住我訓到10點幾先起身!
make up打俾Carly,跟住send e-mail俾佢!叫佢幫手打辭職信!
約佢lunch,跟住同佢一齊返公司!
俾左信Willy!佢留住我!其實...我覺得只係一時間搵唔到第2個幫手0者!
佢話我跟開既野,一下子唔知搵邊個!
就算搵第2個,又要重頭教人0地!同埋佢話而家好多野係手上要做!
我平時做開,佢都唔多清楚!所以Willy叫我考慮下先!
傾左陣,我就走人搭bus返家!
係地鐵站冇啦啦有人趕上!我估到一係就問卷一係就model公司!
不出我所料!model公司!又係叫我遲下俾3R相呀!~
又話幫咩報紙雜誌影硬照等等...
算吧~我知只呃人的!所以我都對住佢好假好nice咁俾左個電話就走人!
因為每次都唔會打返0黎,就算打我都唔會聽!
已經唔係第1次!十間有九間都係呃人!
HK咁多人,咁易做到model簡中啦喎?而且我知自己唔係靚囉!~唔好以為我好呃!
以前第1次有人問我,果時我有點驚,唔識答人!
不過自從幾次之後我已經知點樣應付!
我已經唔係細了!仲玩呢D咩model硬照呀?
不如利用果D時間做其他野好過啦!~
我又唔係同你有親,冇必要幫你影下相!
跟住返到家訓左陣...食飯!老公今晚7點就收工!
um........今晚好唔開心!
因為...我鬧分手!其實我咁大個係未試過同人講呢D野!
原因,我知講左要承擔後果!
我覺得呢D野係好難講出口的!
今次實在太過份!都係講我0地要定唔要個BB!
我覺得而家呢刻,係唔應該要!
將來可能都要捱,但係我清楚知道而家呢刻要就一定捱得更加辛苦!
最後老公cut左我線!好嬲,真係好嬲!
呢個時候,其實係我最脆弱既時候!我真係唔想俾人話同鬧!
唔體諒我都算了!我唔需要人體諒!
只係唔鬧我話我,已經足夠啦~
仲SMS 0黎話唔阻我發達!
我唔係貪錢囉!而家呢刻我想得到既野都得唔到,將來生左更加冇可能得到!
窮我唔介意!但始終係自己仔女!
我想俾最好最好既野佢!唔想累左個細...
而唔係逃避責任既問題!而係唔想累左個BB!
我唔係唔生,兩,三年後生我覺得冇問題!
每個女仔都想係結婚時候係最靚!
而家連結婚都冇錢!而家係0!!!
係!好多野由0開始!但係如果儲少少先去結婚生仔我相信會好好多!
好過而家0!可能兩,三年未必儲得多!
但係好過而家有左先儲!根本冇可能儲到!
我仲要睇醫生!!!買BB野!根本冇得慳!好多野唔能夠慳!
係家中我唔駛捱!我唔想日後自己子女要捱!
整晚佢都有sms俾我!但係...我真係好嬲!
嬲到......想將我本身自己既野拎走哂返自己家!
但...我知我咁做,就真係冇得回頭!
今晚...我喊爆了!但...我一個電話都冇打過俾任何人!
因為我驚...我打俾任何人,驚好似以前拍拖咁...
其實輸既係我!我咩野都冇哂!
第1次拍拖失敗,第3者!
第2次拍拖仲更加失敗嗎???
今次仲玩命?我真係.......咩野都冇哂!
工辭了........生命將會冇了!
無論點樣!星期3我都會去睇醫生!
做手術我已經不怕了!就算一個人!我也會勇敢面對!
錢銀上面,就算一個人,我也會承擔!最多我日後係工作上更加努力!
每次我係工作上努力既話,我會變得麻目!什麼都不理...莫講話談戀愛!
決定左既野,我已經唔想再諗,要定唔要!唔要就唔要!堅決點吧LUEN!!!
今晚...訓唔著.................次次遇到呢D情況,我都訓唔著!只識得喊!
一點都不成熟的我!學人生小朋友?咪傻啦!
落左之後我一定會永遠記住你0家FU!!!!!!

>>July 9, 2009 at 10:06:12 AM GMT+8

2006 年 2 月 4 日 星期六 【乍雨乍晴】

老公今日幫佢亞E手返海洋公園!
所以今日成日都係一個人留左係家...
一早起身就俾亞媽小...都係果樣.....
之後成個下晏我都係上下網同睇VCD!
睇左好耐之前買既< 童夢 >
真係好好睇!我一個人係家中睇都喊了!
(是我太易哭吧?)
夜晚係家食飯,食完就去交電話費!
唔知係咪行得快,個肚痛,總之覺得唔舒服!
之後慢慢行.....搭bus去搵老公!
點知係bus上有< 行 >魚味!SHIT!好燥呀~本身已經覺得唔舒服0家啦~
去到M記等左好陣子老公先0黎到!
男仔君同濕東都係度!同佢0地去食飯!
成晚我呆呆地,因為我覺得頭暈暈咁!
唔知係咪呢兩日凍親...
食完同老公返家!~呀...好頭暈!坐左係度..........
老公沖完涼我先沖!
今晚唔係點訓得著...唔知點解="=
訓訓下老公隻手又整到我隻耳環!好痛呀>0< 燥哂呀!!!!!已經唔係一次了!
好炆好炆好炆好炆好炆好炆.............呀!!!
有時訓訓下D手指甲又爪到我!好痛呀!!!

>>February 7, 2006 at 1:43:52 AM GMT+8

2006 年 2 月 3 日 星期五 【乍雨乍晴】

初七!人日~!生日快樂呀各位!
老公媽今日舊曆生日!所以今朝同佢0地一家去飲茶!
我遲了起身!不過佢0地等埋我先出門!
出左MK飲茶!因為佢0地今日又去番深水步拜神!
飲完之後就去拜神,一粒鐘都唔駛就可以走人了~
之後同老公買完薯條食就搭小巴返觀塘行陣...
果時仲好早,3點幾..........行左陣.........
4點幾肥雞同亞魚都係APM!
同左佢0地一陣,佢0地又話出深水步!
我0地唔去啦~0岩0岩先係果度返0黎!
之後我同老公去左PK買野!原本買雞蛋布丁!pk冇既?
人家肚餓...又驚老公家早開飯!原本打算食魚蛋粉!
但係驚早開飯攪到冇胃口!所以老公叫我買雞蛋布丁頂住先!
點知冇喎!最終買左羅白食!嗯嗯~好味!
之後返老公家,訓左陣......
老公去樓下影印!返到上0黎嘈醒了我!
冇耐湯威同家強0黎左拜年同食飯!
今晚晚餐好豐富呀~有魚有菜有雞有肉有湯!
湯威仲買左cake 0黎!真係好味道!
9點果時仲落左去放煙花!我0地原本都以為係放上天果D!
點知原來唔係...佢只係地上係咁爆!都唔係放上天既煙花既!?
有點失望...........好快又返番上老公家,睇左陣TV就食cake!
冇耐老公揸車送我返家!
返到家沖完涼等埋老公沖完涼就同佢傾左陣電!
今晚覺得好凍....天氣又凍番啦~
凍攪到訓極都係覺得凍咁!好難先入睡到...
唔知係咪因為你唔係我身邊呢???

>>February 5, 2006 at 6:34:13 AM GMT+8

2006 年 2 月 2 日 星期四 【颳風】

今朝訓到成點先起身!又訓左成12粒鐘!
老公琴晚4點幾先訓...仲早過我少少起身添~
佢兩點先出去灣仔交功課!我留左係家等佢...
5點幾佢0黎到大埔,我去接佢,去左大PK買朱古力味既曲奇送我家!
去我家拜年!um......第1次有男友去我家拜年!
年初一果時亞媽已經知老公0黎大埔搵我!
所以果時已經有問0黎唔0黎拜年0家啦~
我知老豆唔係咁鍾意老公!但係亞媽之前初一又咁問!
如果新年都唔0黎拜年,我估關係仲會更加差...
亞媽俾左3封利是老公!一封買野利是!
等到7點幾謙謙,駿仔0黎到!佢0地今日先0黎拜年!
謙謙仲玩到跌倒!不過佢冇喊!仲笑!
佢0地兩兄弟拎左第2果個之前幾日買既老虎機出0黎玩!
大果個落左醉瓊樓拎位!等要等成粒鐘!
到8點幾打俾佢話仲有兩張大台!跟住我同老公落去陪佢!
好快就有位了!8點幾9點先開始食飯!
湯威同佢女友係九龍灣等我0地!因為佢0地話今晚0黎老公家拜年!
家強仲係大陸買左煙花打算今晚放!
但係因為唔想太夜先0黎拜年,同埋湯威女友跌左con!
所以都係唔等我0地,走人了!
食完飯10點左右我同老公走~去左老公家!
去到觀塘,買左盒禮去老公家!
我肚痛...入風,今晚好大風呀!天氣開始又凍番了!
去到老公家,老公個老豆仲整翻熱D湯俾我0地飲!
飲完湯就沖涼準備訓..........

>>February 5, 2006 at 6:21:52 AM GMT+8

2006 年 2 月 1 日 星期三 【晴】

訓到11點幾起身!點幾左右同埋老公哥揸車去荃灣!
今個星期去了兩次荃灣!我真係超少去呢個地方...
今次去既目的係同果個咩熊仔食飯,佢今晚返去澳洲!
去到等左陣...老公行得快,我唔知係咪太餓,有點唔舒服!
老公又行得快,我抖氣又辛苦了!跟住去食野...
胃痛...呀............點解我條命生成咁!
食完同老公去睇下架車,因為老公泊左係街,驚俾人抄牌!
去到好彩未抄!車房果個人話差D俾人抄,因為車冇人所以抄唔到$450!
跟住我0地泊左係第2度,等老公哥行返0黎!
老公個老豆又係度吹................
老公行開左去廁所,冇耐就見到肥雞,亞魚同肥雞家姐!
因為佢0地今日0黎千色!
好快到肥雞家姐去澳洲讀書了!
老公開左,老公電話係我手中,收到SMS.....
又係佢.......冇耐有一個不知明既女人打0黎!都唔知咩人0黎既!
又話老公打過俾佢,於是我話我唔係呢部手機機主!
佢行開左,唔知佢有冇打俾俾你!一係佢返0黎我問下佢再打俾你!
跟住等多陣老公哥0黎再車埋肥雞返觀塘就走人!
返藍田!去老公家!老公老豆煮飯食!勁快食完就落去睇老公踢波!
11點先返老公家,老公話沖埋涼先車我返家!
果時都有點眼訓了!THX老公車我返家~ >3<
今晚沖完涼肚餓,食左杯麵...好多野都想食!
諗起好多野都想食,雞蛋布丁,0者喱,朱古力,生菜魚肉...好多野都想食!
食杯麵時第2果個收工返0黎冇耐食野,同我傾左陣,都係佢返工既野!
佢話決定唔做了...
我話咩野都要諗清楚,唔可以令自己後悔!
同埋SM 0岩0岩先講完果D說話,呢頭又同佢講做!
呢個月一定唔好過...
但係...而家只有硬食!因為我覺得個SM所做既野好唔俾面人!
不過今晚同佢傾,我所講既只係意見...
我估佢最終都係決定唔做!

>>February 3, 2006 at 4:29:18 PM GMT+8

2006 年 1 月 31 日 星期二 【颳風】

今朝起唔到身返學!算吧~因為都冇野交!
有咩可能年初4要返學先得0家!補一日假唔怕死咩~!
訓到10點幾11點先起身!老公果時返緊家!佢都冇返學!
去左觀塘等男仔君0黎!返家執野去北上!
咁我都make up,好快就約左係老公係大埔墟火車站等!
買左個紙杯cake係火車食!
第1次去羅湖!第1次去廣州!搭1粒鐘9個字車左右!
去到佢表哥同埋個女等我0地!轉的士去佢表哥家!搭到我想嘔=___="
因為搭太耐車了!同埋我而家有左...搭車真係令我好辛苦!
去到佢表哥家佢老婆煮左野俾我0地食!有粉有粥!但係我食唔落!
入廁所又嘔唔到!好辛苦/_\ 冇耐有個唔知咩人入左0黎吹水果D!
抖左陣4點左右就起行去打的去唔知邊度飲!
但係7點幾先食飯,所以去左果個咩姑媽家!
今晚飲係因為BB滿月同結婚酒喎!但個BB 1個月都未足呀!
係果個咩姑媽家hea,煮左年糕,羅白糕,又紅雞蛋果D!
我只食左隻蛋!之後有親戚0黎!o.........大陸真係唔同D!冇文化既人!SHIT!!!
真係唔好話HK人唔like大陸人囉!而係大陸人真係有問題
今日...我終於感受到!佢0地只係井底之蛙!
同埋我咁大個女收利是最少都係10蚊!
估唔到...係大陸會收到5蚊人仔!係5蚊人仔呀!!!
仲有果個咩八爺好令我討厭!!!!!!!!收皮啦~
我咁大個女.....第1次去廣州!我下次一定唔會去!
太太太.....烏漕了!四圍都令到我反感!四圍都一陣味!令到我反胃呀!
交通又差!冇馬路!D車可以亂咁行!少街燈...
7點幾8點先有得食飯!o...果間野好差!好烏漕呀!救命!
D杯,好多泡囉~好核突,好嘔心!唔怪得我家人一直都唔俾我返大陸!
佢0地講過我一定接受唔到!
係......我而家好肯定我真係接受唔到!大陸永遠都係大陸!
就算點樣開發都好!都係大陸!
飲到9點左右就準備走人!搭番的士去轉bus!
又搭長途bus!去到轉火車到上水轉小巴!去老公家...
o.......我又暈車浪了!想嘔...但係嘔唔出!
我真係覺得好辛苦!琴晚食完飯又想喊,無時無刻都會有想嘔既感覺!
真係覺得唔好受!去到觀塘,係公園坐左陣...
我喊了出來!係...可能我真係捱唔到苦!
或者我係自己家真係太小鳥了!
同老公行返藍田...好遠,條樓梯好長...好辛苦呀行到我!
我一向又唔運動開!攪到好辛苦!抖唔到氣!
去到老公家附近大風到我頂帽都吹走了!真樣衰!
返到老公家已經兩點,老公媽整左彊茶俾我0地!THX~
飲完沖涼就準備訓了!
呀...........冇必要我盡量都唔會返大陸!
同埋去旅行我一定唔會去大陸呀>0<

>>February 3, 2006 at 7:45:31 AM GMT+8