2006 年 2 月 19 日 星期日 【颳風】

今朝5點幾果時冇啦啦傷口好痛!
起初以為自己攪肚痛!點知get下唔係囉!~
頂唔順,出左廳食左粒止痛藥,抖多半粒鐘先訓得到!
到11點幾起身!起身之後make up換衫!約埋時間聽日睇醫生覆診!
老公揸車0黎左搵我!因為佢4點左右要走!
要陪湯威買野!結果今日同老公見面時間3粒鐘左右/_\
um..............不過唔梗要啦!有見好過冇野呀~
可能之前我0地日日見,而家見少兩,三日覺得有D唔慣0者!
同埋老公又要幫朋友!我都唔出得街啦~唯有忍下!
老公係我家樓下等我,俾左M記換既Angel Blue我!THX老公~跟住去左食野!
="= 戒口!唔可以食蛋!發覺原來好多野都係有蛋0家!
聽老公講佢發既夢!見到有個細路,佢亞麻果D拖走左佢!
帶佢買玩具果D!聽落幾好呀!有人錫!
但係再聽落去...老公話見到個細路一邊面爛既!
問佢仲咩塊面咁呀?
當時我聽到...心好痛好酸!好想喊呀又! ="=
食完買埋折毛液就走人!老公唔俾我行/_\
返到家都係休息下!同老公入房..........
>﹏< 嗯~~~~~~好掛住你呀老公!唔捨得放手!攬住老公攬到好實!
到差唔多4點就同老公落去拎車!老公叫我陪下佢!
落街好似凍凍地咁!而家身體好虛...
平時既我已經好怕凍0家啦!~
老公車到我樓下就走人!5點幾我就沖涼!
沖完涼冇耐睇琴日買既< NANA >
食飯!今晚餐飯好咸呀!!!~攪到我同大果個食到o哂咀!
係咁飲水飲野!亞媽冇啦啦失手?
9點左右我就返左入房,因為覺得好凍!
攬住張被睇< NANA >
覺得占寒占凍咁!頂唔順~!!!
所以老公今晚都係打我手提,我唔想出廳拎電話!
因為真係好凍!點知到11點幾覺得自己好似發燒咁!
跟住叫大果個拎探熱針俾我!點知真係發燒!101度!
等老公沖完涼同佢講.....
傾左陣電就收線!
um...............或者好多野係我自己諗多左!
我睇過一段野,講過...
如果猜疑對方,咁其實係對自己冇信心!
咁...我其實係咪對自己冇信心呢???
其實我應該相信老公!相信佢對我既愛!
相信佢既一切!!!對唔住老公!或者係我諗得太多!
或者係我對自己冇信心! ="=
不過我仍然好愛你!
好開心你今日0黎睇我呀!~呢兩日你唔得閒0黎睇我!
今日終於抽到時間0黎睇我!我真係好開心!
好耐都未試過咁樣咁開心啦!~
雖然唔係收到咩牌子野禮物!但係你0黎睇下我探下我陪下我!
都已經令到我好開心>﹏<

>>February 21, 2006 at 2:39:20 PM GMT+8

2006 年 2 月 18 日 星期六 【颳風】

今朝訓到10點幾起身!
9點幾果時我見老公冇sms俾我,心知不妙!
因為佢今朝要幫家強見家長!湯威唔可以0黎!唯有老公頂上!
跟住send sms俾佢再訓!10點2左右佢打返0黎!
話0岩0岩起身!真係唔知醒!即揸車去!
勁快去到,不過要11點半先見得!所以佢0地去左食早餐!
成日我留左係家!第2果個放假!
買左河粉俾我知!不過索哂水!所以好難食!
老公下晏要幫肥雞手車行李!佢家姐今日飛去澳洲讀書!
終於要走啦佢家姐!我同佢都係見過幾次面渣!
上下網,冇野做,最終執下房!
執左一粒鐘左右!老公去完機場搭bus打俾我傾左陣電!
之後我叫第2果個幫我買NANA第14期!佢又去睇下有冇錢箱!
老公搭巴士出0黎,去上水北上!要拜神!
老豆今晚返0黎食飯,6點幾就食飯啦~
食完飯冇野做再上網~8點幾老公打0黎,佢居然即日返0黎!太好~
跟住見冇野做,再攪下個網!
整左好多野~xanga網!張呢兩個網都整左pw!
因為今晚俾老公話我打呢d野上去!
話驚影響到我!但係...我覺得,如果真係一世既!
咁我覺得冇所謂啦~
不過我亦都知咩叫私人,決定攪下個網,整pw!
同老公傾左陣電!um..................其實我都想講,我呢期心情都唔係咁好!
我諗得太多野了!
老公呢期都係因為心情唔好,所以講野先會咁既0者!~
我要體諒下佢!但係..其實我都想得到佢體諒!
老公話今日拜神好邪!
但係...另一方面我又諗,果個係我0地既兒女!
其實真係唔需要驚!同埋...就算黑到,我都冇所謂了!~
係我害死左佢!我應該負責任!
我相信...佢一定好痛/_\................
我愛你...我親愛的小寶寶!
今晚又訓唔著,成3點先訓!
唔可以咁呀!而家既我唔可以咁夜訓0家!
唔知係咪因為成日留係家冇野做先會咁呢?

>>February 20, 2006 at 8:59:49 AM GMT+8

2006 年 2 月 17 日 星期五 【颳風】

今日留係家!琴晚訓唔著,成3點先訓得著!
老公今日冇0黎探我!因為佢今日要比賽啦去荃灣!
一來一回會好累,所以冇0黎到!
下晏成日留左係家,好悶,都係唔係上網就hea下咁!
不過覺得老公今日好似好忙咁=___="
5點鐘約左班朋友係官塘等!
期間都有通下電,但係可能因為太多人打俾佢關係!
最後既sms都冇覆到!
6點果時我訓左陣!6點半佢就打0黎!
o...醒了!亞爸亞媽出去MK食飯!
因為我姑姐生日!唯有獨個兒留係家!
hea hea下寶琪打0黎,同佢傾左成粒鐘電!
大果個7點幾8點打0黎買飯俾我食!
買左焗豬扒飯!點知...唔記得左佢係抄飯底!有蛋!
打俾亞媽,亞媽叫我即刻唔好食!
於是又要等到10點幾大果個再買野俾我食!
買左腸粉!老公今晚踢波輸左!
今晚都有同老公傾電!佢個fd亞靜0黎左!
一齊睇波!o......今晚我又訓唔著了!
="=唉~太多野諗...................

>>February 20, 2006 at 8:33:28 AM GMT+8

2006 年 2 月 16 日 星期四 【颳風】

今朝訓到10點幾就起身~
起身之後煮野食!食藥!成個下晏留左係家!
睇下TV,上網,訓下!冇咩好做!
休養日子就係咁0家啦~忍下!希望在明天呀ma~(好行呀!)
老公下晏同濕東去搵工,所以下晏0黎搵我!
3點幾4果時打0黎話搵唔到!跟住去打機!
話夜點0黎搵我!於是我乖乖地留左係家休息!
當我訓醒時,未收到佢電!~
原來佢仲打緊機!到7點果時同我講準備去搭車!上到bus打俾我!
等左9個字左右,佢先同我講上左bus!
當時我燥燥地,因為佢打俾我係同我講車,去玩果D!
果刻我真係唔知係咪真係咁著緊我!其實我唔知自己係咪真係咁重要!
重要到搵完工都冇即刻去搵我,
我唔係唔俾去打機,但係估唔到一打就打左成3粒幾鐘先0黎搵我!
因為除左打機之外仲有吹水~
收線後冇耐諗諗下,就send左sms俾老公!
估唔到換來係一大揸粗口既責罵!
仲有d好難聽既說話!我唔知老公有苦衷!
因為唔知,所以唔識體諒!但係...老公又有否體諒我呢?
或者我行呢條路係我自己羅0黎!
身體既健康,身心既痛楚,冇人能明白!
忍受好多既痛苦...
其實.....冇人係想殺死自己仔女!佢係我肚入面...
我真係好唔捨得!到而家,我都好唔捨!
除左金錢上面,身心痛楚,我一定承受得更多!
果刻,我覺得自己真係好氾濺!好多野.....都係我太傻了!
BB冇左...我咩野都冇了!只係想對方鬧少D我!
只係少D!我已經好開心!我唔需要對方俾咩我!掙係話少D我!已經好足夠啦~
當時...我真係好唔開心,唔開心到,叫老公搭番車走!
但係老公冇走到,行去我家時仲好惡咁用粗口鬧我!
我喊左好耐,佢上到我家,我都冇出過房門!
老公入左0黎房!其實...我都唔知點解自己會鍾意你!
日子耐左,更加愛.............
從來冇朋友,男朋友會咁惡鬧我!個心...真係好痛="=
痛到.......冇法形容!我太易喊,未試過為一個人喊咁多次!
老公8點幾上0黎,大果個9點幾買左野返0黎食!
食完,坐左陣,同老公傾下計,睇TV!
陪到我11點半多D先走~因為唔太清楚最後班車係幾點!
所以老公要走了!但老公返到家沖完涼再傾多陣電~
今晚點幾就返入房訓,但係訓唔著...好多野諗...成3點先訓得著!
um.............日子又開始有d凍啦!~

>>February 18, 2006 at 2:23:24 PM GMT+8

2006 年 2 月 15 日 星期三 【晴】

今朝6點3左右起身,6點7就出門,天都未光就出門!
除左小學之外,咁大個人,都好耐未試過咁早起身出門!
約左老公係大圍火車站等,去到我早到,於是我去搵個小巴站係邊!
好易搵到,就係巴士站果邊,老公成7點半先0黎到!
遲左少少去到醫院!即辦入院手續!
交左6000蚊先!寫哂D個人資料,探熱等等!拎左口罩!跟住安排入院!
有人帶我0地上病房,3樓343A病床!
換衫等等,等左一粒鐘左右9點多少少冇啦啦就有推左張病床0黎!
係去手術室既病床!去1樓手術室!
老公陪我落去,係手術室外等我~
入到去,首先等做手術,D醫護人員係咁問我野~
問名,問咩事入0黎,有冇藥物敏感等等...
由我辦理入院果刻已經問,問到我做手術!
等......見左醫生,麻醉師等等!
有另一位病人推入0黎等,佢要係10點前拎個BB出0黎!
開刀,聽佢同醫生對答,第2次開刀了!
之前第1個BB 9磅幾,超重!
好快就到我捱入1號手術室!果度有幾個手術室的!
要禁密碼自動開門果隻!好似機關咁...
入到去,同睇電視講既手術室冇咩分別!
推我到手術床,0岩0岩好訓到我一個人,肥d都訓唔到!好窄0家個位!
下身有個< 龍 >或者係for我類似呢D手術用既床掛~
冇耐麻醉師同醫護人員叫我申手出0黎!放左係一個毯度!捉實我手臂!
因為要D血唔知點樣!跟住幫我打針!
有少少痛,跟住我唔知佢係咪整左舊野係度定咩~
冇耐又打多樣野入去!當我呼吸多兩下,就覺得個腦好塞咁!睇到D野好暗!
係做手術之前我仲係度諗,我會唔會麻醉唔到呢!
所以到打完針果刻我仍然掙大眼!
當到蒙哂咁有少少醒時,就感覺到有人問我點樣!幫我量血壓!
我話我好累好眼訓!佢話係咁樣0家~
之後又問我痛唔痛,我話有少少痛!
冇耐好似醫生問我駛唔駛醫生紙定咩野!跟住我又蒙哂咁答話要!
跟住我就合左對眼,冇耐就推左我番上去!
感覺到老公一直係我身邊陪我上病房!
捱番上去,轉番自己張病床!我果時仲係好蒙,老公捉住我隻手!錫我!
我好累...唔知俾咩反應佢!
冇耐合左陣眼,一陣,睇左陣TV,醒番點!
我推番上病房一粒鐘內入0黎量血壓幾次!
11點幾飲左D水!12點幾老公幫我叫野食!
但係樓下得白粥!於是我打俾亞媽叫佢0地係出面買個抄麵上0黎!
佢0地12點左右就打0黎話過0黎一陣就去check眼!約左時間!
0黎到,食野,食完冇耐佢0地就走了~
成日都係老公陪我!原本我唔想家人0黎!
因為佢0地一定話我,佢0地一定煩,同埋唔想佢0地見到我咁病既樣!
我知,一定傷心.......倒不如出院,行到走得先見!
食完野,睇下TV,同老公傾下計!
摸下個肚,感覺好似已經冇左心跳,真的很不捨!感覺唔良好!
但係經過今次,我會更加努力,為左將來,結婚後再生!
我好非常非常......疼愛我的小寶寶!
其實佢點都係我既BB,係我親手殺死左佢...
所以,其實............我好唔開心!琴晚因為咁,所以訓唔著!果刻諗,同BB一齊日子得番一晚!
由我知幾時做手術,原來,只係兩日幾之間既事...
時間...過得好快!~所以..........其實由我決定唔要個BB開始!
我已經喊過好多次,我喊唔係因為我害怕!而係我不捨!
記得以前我講話,如果我有左,我一定會要!
當我知我有左,果刻係開心,一心打算要!
但係當我諗深一層,我係唔可以要住!而家唔係生BB既時候!
唔係唔生,只係而家生,我知,俾唔到最好既野佢...只會累左佢!令到大家都辛苦!
兩點幾就換衫準備走~打電話0黎去!去埋廁所等佢0地會計打0黎叫我落去俾埋尾數!
落到去俾完錢又要返番上3樓拎藥同剪手帶!
攪掂好哂3點半走人!打俾亞媽講聲去食野果D~
跟住打的返大埔!果度返大中要成120蚊!~
去到大廣食完野就慢慢行返家休息下!老公坐陣!
6點左右老公係我張床度訓著左,冇耐我都訓埋!因為我食完藥都好累...
大家都太早起身!琴晚兩點多先訓得著!
老公7點左右走人,當我醒時佢已經走左!
趕返去同佢媽食飯!跟住我留左係家食飯!
但係今晚既送唔係咁0岩我食咁=.="
我呢期要戒口!補品唔可以食住!要下星期先可以食!因為驚流血不止!
夜晚老公同亞業去食飯,仲有肥雞傾下計!
唯有乖乖留係家等佢沖完涼先傾電~
12點幾就準備訓!累...................
而家我唔可以太夜訓,因為係呢段時期生理時鐘好緊要!
唔係將來好難醫我生理上既問題~!
聽日要打返公司講我3月頭返番工!唔返工唔得呀!冇錢!
好快到4月份!係我同老公一齊一年既日子!點都要錢!我要好好作好準備>"<

>>February 17, 2006 at 10:00:26 AM GMT+8

2006 年 2 月 14 日 星期二 【晴】

今朝唔舒服!都估到~6點幾醒去作嘔!
到7點幾我起身,即刻打番兩篇功課!唔打就冇得交0家啦~
打完好辛苦咁上番床,係咁叫老公起身!
想同佢講我返唔到學,唔舒服,叫佢幫我交左佢...
8點幾成9點佢先起身!之後佢就出門印!
點知因為遲返學,所以要等到12點半先交得!
學校收左就算,好似好不滿聽老公話...
我係家好唔舒服呀!~差唔多成三點先等到老公返0黎!
原本我落去觀塘同老公食完野就搭bus返家!
但係我覺得真係好頭暈,可能感冒了!
於是老公買左粥同抄麵俾我食!
食完好點~冇咁唔舒服!可能起身咁耐又冇食過野係辛苦D!
大約4點幾老公車我返家!因為見我唔舒服!
真係超少日光日白揸車呀!好曬~
返到家休息陣!訓左陣,7點幾起身食飯!
老公今晚去踢波!~所以我留左係家上下網!
期間都有電聯~等到11點多佢先踢完打俾我買飯返家食!
12點食埋粒醫生叫我食既藥之後就冇飲水冇再食任何野~
12點幾就準備訓!但係...唔知係咪心情關係定點樣!
訓唔著,同老公收線之後都訓唔著!成兩點多先訓得著...
今晚係我同小寶寶一起的最後一晚...
其實我真係好不捨..................
哭了...

>>February 16, 2006 at 3:49:37 PM GMT+8

2006 年 2 月 13 日 星期一 【颳風】

情人節快樂呀各位!
期待已久既情人節終於0黎到!
但係...情人節同平日冇咩分別~
唯一唔同既係朝早去尖咀睇醫生!
搭到尖咀見到好多人送花!
唉~每年我都諗,幾時會有人送一紮花俾我!由其係特別日子我更加會咁諗!
今朝出門口send錯sms,老公即話我!其實我已經講哂對唔住!
我認錯了,見面仍然話左我好耐!
情人節估唔到一見面就話我!感覺真係難受!
搵左一陣,終於搵到間診所係邊!
等其間同老公一齊拆禮物!我0地好似交換禮物咁!
一齊送銀包俾對方!老公話唔想我哂錢買!
人家專登搵番一樣間格既銀包俾你呀!之後又話個銀包老成=___=
點解我次次買親野,送親野俾你都係彈0家!
之後等左成粒鐘先到我!
照...有心跳..........第1次見到自己個寶寶...
醫生話好正常好健康,係正常懷孕!
其實我真係好唔捨得!入去睇醫生之前老公求左我好多次要左個BB佢!
但係真係唔得!今次...我真係唔可以聽話!平時我可以聽你話!
今次真係唔得!為既只係將來!我想利用呢段時間好好儲錢養活第2個小朋友!
而家目前狀況,我知再努力,都唔可以俾到幸福佢!
因為我嬌生慣養的我,有了BB,我一定由頭到尾睇私家醫生!
跟住醫生幫我安排幾時入院等等...
好快約左後日16號!
之後去抽血!第1次抽血!唔知自己咩血型......
交費用600蚊!睇一次600蚊!遲下覆診都成500蚊次呀應該!
坐左陣之後就落去食野!
食完行去搵小巴搭!係小巴站隔離有間賣煙酒既!有雪茄買!
我0地睇左陣,考慮左陣,老公買左兩支俾佢老豆!百幾蚊兩支呀!幾貴下!
搭番老公家,休息下~搭小巴時秋然打0黎!佢一之公!
因為老公冇訓過!返到家佢要訓下~
而我做功課!5點幾叫佢起身!佢蒙蒙地,未醒得哂時,答我既野,佢自己都唔知自己講咩!
冇啦啦又發開口夢!咩叫我睇車!跟住我笑,佢話我:仲玩!~
冇啦啦佢自己又起左身,去完廁所,行返入房又問我仲咩野!
之後又叫我一齊訓!事後問番佢,佢完全唔知自己做過呢d野講過呢D野!
7點幾我0地攪掂哂D野就出灣仔交功課!
超凍!落雨,情人節居然落雨呀>0< 真係好凍呀~~~凍死了!
去到機舖等齊亞君同濕東上去!點知Roymand走了!夜晚冇堂走了!
呀~~~~~居然走左!聽日既評審功課要硬食!靠哂自己!
跟住我0地搭船去尖咀!老公同我去味千食野!因為我想食!
等位時冇啦啦亞東係後面飛撲過我0地前面!嚇死人=.="
食完之後都冇野做,仲要返家趕功課!所以只好返家!
途中亞迪打0黎,等亞迪,佢送左兩粒甜蜜蜜俾我0地!
其實係白朱古力士多啤梨!
原本又話一齊搭車走,點知亞迪又唔知咩事冇啦啦又話走先!
跟住得番我同老公兩個搭車走!
而家成日搭車都想嘔,暈車浪,好辛苦!
落車之後同老公去左7仔買野飲!
返家!沖完涼再做陣功課!唔舒服寫左D字就打算聽朝起身先打!
老公做到3點幾先訓!呀~我訓之前已經想嘔,3點幾醒一醒又想嘔!
跟住到6點幾醒即去廁所作嘔!又係冇野嘔!次次都係咁!好辛苦!
成日都作嘔..........唔舒服/_\...
PS:今日除了是情人節外,還是同老公一起十個月的日子!
還有兩個月就一年了!~um...........到時又要作好準備!

>>February 17, 2006 at 2:45:54 AM GMT+8

2006 年 2 月 12 日 星期日 【颳風】

今朝訓到11點幾起身!~原本朝早去搵老公!但係冇!
係電話中嘈左兩句交!原本打算今日唔搵佢!燥!~
不過最終老公想我出去,於是出了!
去到牛頭角食野,陪佢剪頭髮!
剪完去M記等家強拎相0黎~
之後老公又要等秋然係創紀1期!
咁我0地係APM行陣!6點左右老公送我搭車!
嘩~好似好耐冇試過咁早走啦!
因為我夜晚要留係家做功課,
老公今晚又要係肥雞家做功課之外仲要凌晨幫佢老豆做野!
所以大家都冇時間!我唯有返家~
留係老公家,老公又唔係,倒不如返家吧~
搭bus時Wendy打0黎,傾左陣電!佢返左0黎HK!
係酒店工作!8月份左右先走~um...太好啦!得閒約出0黎先得!
返到大埔去左買野整曲奇!返到家,媽冇煮飯,自己煮野食!
食完野開始整,o..............失敗了!放得太多牛油!╥︵╥
下次放少D先得!攪到聽日拎唔到曲奇俾老公食添!~
唯有下次再補番俾佢!仲打算情人節整曲奇俾老公食/_\
而家冇啦~!!!我相信自己親手做既野好比買禮物!
雖然我都買左份禮物俾老公!但係硬係覺得整D野會好點!
所以之前我係家整左樣野!um.......希望聽日老公喜歡啦~
今晚電話又同老公嘈交!唉.....又嘈啦!
超唔想!聽日就情人節!仲咩要成日嘈!
我真係唔想大家成日嘈交!我知你都一樣!
是否大家對份感情執著了?
我0地一樣咁脾氣大!你話你脾氣好左,咁以前起不是好差脾氣=.=?
今晚訓唔著,太多野諗!兩點幾先訓得著...

>>February 15, 2006 at 2:30:48 PM GMT+8

2006 年 2 月 11 日 星期六 【微冷】

今朝居然10點幾起身~不過冇同老公媽食野我就走了~
因為我話要返家做功課!
其實今朝已經見到有信係我袋!
上左車,拆0黎睇下!原來係老公媽寫俾我!
內容係講關係BB......都係叫我唔好落果D!
其實有得簡,我會簡唔落!
因為我點都知,佢一係一個生命!
係我帶來,帶來一個新希望,又將呢個希望打消!
對不起...............我真係好想俾最好既自己兒女!
下一代好應該係比我而家呢代更加幸福,更加富裕!
而目前狀況,生佢,只會累到佢!會令到佢受苦!
我知窮唔係等於唔可以生小朋友!
但係一個窮既家庭對比一個安穩既家庭!安穩既會幸福得多!
我自己本身係家庭中係未捱過苦!
我唔想自己小朋友要比較生活得差!對不起,對不起我親愛的寶寶!
下晏3點左右約左JOJO出0黎!傾左陣計同買紙~
去左佢家附近坐!果邊超食風!凍呀~!!!
呢期成日吹風!唔多掂!
返到家整我要整既野,攪左成兩粒鐘,同埋做功課!
老公收工電我!老公話佢已經唔駛做呢份工了!太好!~
老公話我都唔覺得開心,佢情人節唔駛返工!
我當時俾唔咩反應,而且之前都聽過佢講話就唔駛做!
原本打算老公要返工,我會係呢兩日為情人節更加作好準備!
而家情人節老公可以成日陪到我啦!
今晚冇出去搵佢~留左係家!
夜晚同老公傾下電之後就訓了!

>>February 15, 2006 at 2:32:50 PM GMT+8

2006 年 2 月 10 日 星期五 【晴】

今朝11點幾起身!之後打電話約時間睇醫生!
點知星期日大埔冇得睇,爆左場!要去番尖咀!最快大埔都要下星期日!
好啦~打去尖咀果邊診所!點知星期一都爆!最快星期二朝早11點半!
咁唯有預約呢段時間啦~!打完電之後食野!
同老公傾幾句電~佢放食飯!
跟住我就開始諗份功課!做下功課!玩下MSN等等!
叫JOJO幫我做少少野...THX!~
成個下晏就係做呢D野!份功課做左好少...
6點左右又覺得唔舒服又頭暈暈咁!
結果忍唔住食左成藥!6點幾就開飯~!
食完飯7點8,9個字先出門!去到牛頭角落車!等老公同濕東行0黎!
同左佢0地去食飯!我都係坐係度!
9點幾搭番小巴返去老公家!要10點返到去!
因為老公爸要用車!要拎停車場張卡!張卡係老公度!
老公爸落左去冇耐又打返0黎話唔記得拎key!
但係..佢頭先又屌哂鬼話老公咁遲先返0黎=.="
如果咁緊張唔係一早就準備好哂D野,包括車key...
老公即刻落去拎key俾佢老豆!
上到去坐左陣我仍然覺得唔舒服!睇左陣TV等老公沖完涼我先沖!
1點左右就訓著了~!

>>February 12, 2006 at 5:47:51 AM GMT+8