2006 年 3 月 21 日 星期二 【晴】

又是返學既日子!今日比之前遲左點返去!
不過今日返到去冇野好做!只係白坐同埋聽埋Roymand講野!
um.....唔知點講佢!我覺得Roymand係幾串下!
其實其他人做野都唔係好好呀~!只係勤力搭夠!
次次評審完第2日返學都係講有咩錯!
同全班講有咩錯!果D錯處都係發生係我身上的!
針對定係點樣?唔知!
老公要返工,所以早點走!
我等埋亞倩同亞sir傾功課之後先走!
去食野!食完我0地去左CWB行左陣!
去左izzue買衫!不過唔係買俾自己!
因為果度要move!所以好似上次開倉一樣咁平!
買左兩件衫俾老公!佢成日咁爛命呀~就買兩件爛命衫俾佢啦!
1點多亞倩走!咁我就落尖咀!
去左海港城行左陣!page one睇desgin書!
wo~一條友都睇到唔想走!最起碼一個人行街想做咩就做咩!
唔會要人等或者阻到我!
係果度起碼睇左粒幾鐘先走!發現好多書都好0岩!
不過好貴!唔會買!返大陸書城買好過吧!
3點多左右慢慢行去美麗華果邊!去7仔買野飲!
咁0岩老公收工打0黎!我手提響聲一向都係I FOR U!
咁0岩有個日本妹聽到!起初我以為佢仲咩事係咁望住我!
我電話一響佢就望住我!我又唔知佢係日本人!
之後佢亞媽同佢講野我先知!
到我俾錢時佢係我附近唱I FOR U!
嗯~~到而家我都係咁鍾意I FOR U!可能因為套劇關係吧?
跟住沿路行,撞到老公!之後我0地去搭車走了~
老公累了!原本睇戲,都係唔睇啦~咁累不如第2日!
差唔多搭到返去,老公爸打0黎叫老公車佢返0黎!
之後返番屋企放抵點野!老公又話我買果D衫!
件背心買大左少少!um...老公都係著2,3號0家啦~
我一向買衫好準0家喎~!
之後揸車去,跟住車我返家!
o.......................等老公等左4粒鐘,點知又要車佢老豆!
跟住之後我又返家=.="
早知我就一早返家啦~!
返到家hea下,上網,食飯~
夜晚mask!老公踢完波打俾我!
傾陣電先訓!聽日又返工!

>>March 25, 2006 at 10:48:10 AM GMT+8

2006 年 3 月 20 日 星期一 【晴】

今朝老公7點多就返到0黎!原本打算再訓番!
結果訓唔到,之後曳曳......起身刷牙洗面make up換衫返工!
朝早都係改書!同埋hea下~
我check左兩次了!今次要改既地方我都有用紅筆畫低!
希望唔會再改錯啦~!
下晏得一個食飯!Carly老闆冇啦啦0黎左HK!
結果佢又要出MK搵佢老闆!
咁我就一個食飯啦~食完又返番去做野!
下晏都係改下藥!做另一本書啦~
攪攪攪..........星期四返0黎再攪!5點幾我就走!
因為今晚返英文!我兩堂冇返過啦~!
一定要返!呀~~~好累呀!
買左小丸子就返去!
點知老公幫我問陳太,結果陳太話補番之前兩堂俾我!
攪掂好哂就入班房!
嘩,真係好累!同埋進度好快囉~唉~~~
好似以前中學咁,太快啦!我覺得自己係度畢唔到業pass唔到0家啦!
因為我一向讀書都好差!
以前一向都唔讀書!9點半準時放學!
之後老公就送我搭bus!返到家食左個包就沖涼!飯都冇食!
好累,好眼訓,唔知點講.........
之後12點多同老公收線即訓!

>>March 22, 2006 at 12:22:00 PM GMT+8

2006 年 3 月 19 日 星期日 【晴】

返工返工~~~
上星期返得一日!而家除左病或者真係有事!
唔係我都唔會唔返工!因為要搵錢!冇錢!
呀~好多野做呀!因為我整本書好多錯!
下晏lunch之後係咁改!做做做........
好累!要趕住星期5印呀!咁我係咁改!希望盡量今日攪掂!
點知做唔切!要聽朝返去再做下晏send俾客睇!
因為我要check清楚!唔係俾人小呀!
遲左半粒鐘收工!老公又車佢老豆返0黎!
咁我收工要去睇多次醫生覆診!
老公0岩0岩好落觀塘陪我睇醫生!
不過...佢老豆話我睇完醫生去佢家食飯,第2日係度返工咪0岩囉!
原本我今晚係打算返家的!
結果佢家煮飯,煮埋我份了~
老公聽朝5點左右起身車佢老豆返工!
都送唔到我走!結果今晚又留左係老公家訓!
食完飯9點左右就同老公去入油!架車冇油啦~
返到去即沖涼~12點幾就訓著了!
好累好累好累...................琴晚好唔夠訓呀!

>>March 22, 2006 at 11:55:06 AM GMT+8

2006 年 3 月 18 日 星期六 【晴】

今朝訓到11點幾起身!~
之後hea..........老公佢起身之後就吸塵,整屋企野!
所以我留左係家,等佢電~
原本唔打算出去!最終兩點幾差唔多3點出左!
點知佢同我講留係家,叫我上佢家!話冇地方去!
um...點解成日都係咁既="=? 不過冇法,冇錢,就算出去都冇野好做!
行..................都唔知有咩好行!
跟住我去到觀塘轉兩蚊車去藍田!
慢慢行上去!冇聽到老公電~
當然之後會俾佢話我唔聽電啦!
唔知呀~!果時想靜下,慢慢自己一個行下!
點知去到,佢話要車佢老豆返0黎!
原本都係想返家唔去!o...............最終拖住我,跟住我又上左車!
老公問我車完佢老豆想去邊,我話返家!
佢話唔會車我返家=_________="
返番藍田,咁0岩係廣田見到老公媽,跟住老公爸落車搵老公媽!
咁我同老公返去先!轉16號去九龍灣!
因為我想去宜家!買點野!
點知我0地又有點嘈交!老公都係話我次次都係話走!
不過我真係好唔鍾意佢用粗口話我!
平時成日講粗口都算!唔好用粗口話我囉~!我好唔鍾意呀真係!
聽落好難聽!感覺語氣更重!令到我更加嬲呀. \ / .
跟住老公攬番我,之後我打左佢隻手一下!
呀!真係嬲死我啦! >"<
跟住老公笑我!哼!我真係嬲ma!
行宜家好多人,買左我要買既箱之後走人!
返去佢家附近買零食!之後返番家!
搵佢家人食飯!食完飯返去老公家!
今晚留左係度訓.......原本唔打算係度訓的=.="
食左朱古力攪到今晚訓唔著添...
朱古力真係熱氣呀!~

>>March 22, 2006 at 11:47:02 AM GMT+8

2006 年 3 月 17 日 星期五 【晴】

今朝11點左右起身!起身刷牙洗面後老公醒左!
冇啦啦老公有個fd打俾佢,叫佢今日6點見工!
估唔到俾佢琴晚講中左!點知會唔會第2日冇啦啦有人叫見工返工0家?
到1點多落觀塘!搵老公媽,佢今朝幫老公老豆搵醫院!
跟住去飲茶!原本老公媽去牛頭角染頭髮!
不過因為搵唔到亞聰,結果飲完佢就返家了~
um...記得以前中學既我成日都轉髮型!一年轉幾次!
長髮,唔長唔短,短髮都試過!
畢完業讀正形一年左右就電!到而家.....
成年都冇點攪過!只剪過一次!重新留過!
不過我已經諗到下次會整咩頭!
好耐冇染過髮!不過我覺得黑色頭髮是最靚的!
如果直頭髮當然要整其他色先好睇啦~
唉~~~好多野都想攪!但係而家唔能夠!!!SHIT!
以前成日買衫,每個星期都買,每個星期都行街!
冇野做就睇戲!成日睇戲唱K!
耐唔耐就攪下個頭,同普通女仔冇分別!
但而家既我...唉~唔知點講!街好少行!
衫更加冇得買!頭髮不知所謂!戲好少睇!唱K更加少!
好似同年青人有點距離!難道真的已經不再時十幾歲的年輕人嗎?
好快20歲!老~要成熟?
呀!~~~~~好想買WV,GUCCI!超想!
今日下晏同老公行左陣APM,o...想睇戲!爆哂!要到好夜!算吧~
四圍遊等濕東!佢0地一齊出尖咀見工!
大約5點左右我就走了~之後因一件好少事老公又用粗口小我!
起初我只係講下,而唔係發脾氣!
之後我真係發脾氣了!收線後我熄左電話!唔想受到任何人既打擾!
好多時候心情唔好既我,都會喜歡獨個兒!獨行俠...
我仍然冇變到!同以前一樣!
不過以前既我唔開心更加會一個人四處遊蕩!
或者係咁出街搵朋友,識朋友!
認識好多唔同既男性朋友!解決我心中既不快!
返到大埔搵左TOTO,佢返緊工!我買落妝綿!之後就返家!
返到家食藥,hea下!冇耐大果個收工返到!
今晚係家食飯!食完飯執衫!執左好多唔要既衫!兩大袋!拋哂~
陳年舊史既衫!o......好多回憶!不過我已經唔會再著了!留住都冇用!
拋左佢,唔好哂位仲好!執左粒幾鐘!
夜晚同老公傾左陣電~
1點左右就訓著了!~

>>March 20, 2006 at 2:47:45 AM GMT+8

2006 年 3 月 16 日 星期四 【晴】

今日返去評審!~朝早早左少少起身之後就去灣仔印!
點知原來亞星同濕東係冇叫過地產舖早開門!
攪到我0地係咁等,等到10點幾佢先0黎到!亞星都到了~
之後等印,佢0地一D男士風度都冇!!!
我企左係後面,都唔會讓我先!
返到學校貼野又係!佢0地就係咁!做男仔,都學唔到呢D野!
唔係呀ma?我記得我中學果時考art,塊畫板都有人幫我拎呀!
我D男性朋友雖然傻傻地,kid kid地!
但係至少佢0地會識呢D野!
印完就返番學校!好彩唔係太遲0者!
我有份出0黎講!FUCK,係咁俾人串!
屌~如果我真係有錢,我就有自己影相啦~
講真,大把人用素材0家啦~用人0地D野!
我D相係有執過的!仲有!手畫唔係唔好囉!
但出0黎做野點都係商業手法!用電腦!而家咩都係電腦!電腦程式呀!
我唔可以同人比!我唔識手畫!
但我知我既資質手畫一定仲衰!出0黎唔會有人請!就係咁!
仆街,又要改,我知要改!但係唔駛咁不滿!
FUCK U!!!!!!我知我冇人0地咁勤力!
就算做得唔好,勤力都補番哂!
討厭!我D野真係咁差嗎?!我D野唔係好,但未至於咁差呀?
一文不值!唔駛講到一文不值咁呀?!BULLSHIT!
我讀書一向都係咁,冇人會話好!
但係無論點,我點都要畢業!唯有返家再改!
問人借相機影!我唔識手畫,我淨係識用電腦整下相,執下相,排好佢!
放學之後同亞倩食野,食完之後就去機舖搵老公!
今朝心情真係差得很.\ /. 3樣事令到我心情好差呀!
去到機舖冇耐老公就話去CWB同我睇我想睇果套戲!
點知皇室冇,我知APM有,唯有下次先睇!
老公話今晚睇,又話今晚揸車去西貢!
不過呢...最終兩樣都係冇!空歡喜一場!算吧!
陪老公食飯!佢未食野!
之後要陪亞星整PSP,等佢0地打完機行0黎!
亞星係街上有model公司搵佢,話唔知咩3百幾蚊一粒鐘定咩!
咁佢整完就上果間model公司!
o.............我真係唔信果D model公司!一係就呃人!
一係果間公司就係請埋D走街都有既人!樣衰都可以上鏡!
係邊度可以睇到呢,就係D報紙副刊度等等...
所以每次問我,我都唔會做的!
整完PSP就走人,我同老公搭返佢家!訓覺!
老公訓左成3粒鐘7點幾先起身!
老公媽返到冇耐差唔多8點先落街食飯!
肥雞都0黎,原來今晚係陪佢去買雪櫃!最終都係冇!
天幕下的戀人真係好好睇!大結局了!
食完飯肥雞上左0黎坐左陣傾下計!之後老公同佢落去...
咁我返入房玩電腦,老公媽沖涼!
老公返0黎冇耐我見床尾果個CD果度好亂,結果執執執!
整齊左!不過個地就烏漕!有抹過電腦周圍!嗯嗯~
佢間房太大塵了!D野又亂!
不過我間房都亂!因為第2果個D野四圍放=_______="
執完等老公沖完涼我先沖!兩點幾先訓著~
原本仲以為呢個星期只會係老公家訓一日!
結果今日訓第2日!
um.....而家少左好多係度訓!

>>March 18, 2006 at 2:16:34 PM GMT+8

2006 年 3 月 15 日 星期三 【晴】

今日冇返到工~訓下醒下,成晚冇覺好訓!
老公今朝7點幾起身車佢老豆返工!
佢走左之後我再訓,但係都係訓唔到!
係床度hea下,打算再訓!點知都係訓唔到!
打電俾Willy講聲呢兩日返唔到!
因為今日要睇醫生!老公10點半打電0黎話買早餐俾我!
哈~佢琴晚話買俾我,估唔到真係買!
因為佢揸車關係,杯野飲倒瀉了點!
買左三文治俾我食!不過呢就淋哂!因為有水蒸氣關係!
冇咩胃口,食得好慢......
老公做功課!我休息!有點頭暈暈...
老公做做下功課俾佢玩死了!哈!~之後.........曳曳!
兩點幾出去,陪老公落去食野!
之後落觀塘,成日都好頭暈,落車行果時暈到唔想行="= 好辛苦...
去肥雞公司印野!我未做,打算今晚做,所以要聽朝返學前先可以印!
係肥雞果度都幾耐下!個老闆娘,好假!不知所謂!
不如出去出面印好過!果度好處只係買紙!
攪到成5點先走得!之後老公陪我去睇醫生!
睇佢睇開果間!um...個醫生唔知係咪冇咩人睇,佢講既野比平時既醫生多!
同埋好似ok細心咁!
睇完老公送我搭車就走人!
返到家食飯!原本今晚係返英文,我又冇去到!
老公今晚都唔返,佢拎note就走!
o.....我兩堂冇返了!因為功課問題,同埋病!
食完飯之後我就開始做功課!做做做,做做下沖涼!
沖完又做!老公今晚去肥雞家,打算表起佢!
咁成晚我都係做功課啦~做到12點幾就做完!
我聽到老公又話走就,又話返到家沖完涼打俾我!
咁我等到點幾啦!好眼訓.....仲未見佢打0黎!
send sms俾佢!點知佢仲未走!
之後佢就飛返家,因為我要等佢燒碟,我陪機燒唔到="=
燒完之後就訓!一撻落床就即訓了~
亞倩係MSN話佢聽朝先印,話亞星,濕東通知左地產舖早點開!
嘩...咁咪好多人一齊印囉?

>>March 19, 2006 at 5:11:19 AM GMT+8

2006 年 3 月 14 日 星期二 【晴】

返學!都係遲半粒鐘左右返到去!
不過今日冇咩人返學,好明顯D同學仔係平日返左!
輪緊講份功課時去左睇下有咩工! =___=都冇0岩既!
睇下有冇D free D既工!不如得閒留意下有咩工都好!
唔駛到時要轉工或者冇左份工咁急去搵!
我唔返工唔得!多勞多得!我要努力!搵錢!
因為唔返工就冇錢駛!屋企係唔會俾錢我的!
真係覺得好多人幸福過我!
至少佢0地既父母會擔心子女夠唔夠錢駛!
冇工返都會得到照料!我冇工返係唔會有!
所以我冇做Baleno之後,駛錢真係好慳!
駛既都係以前返工留落去錢!再加上家姐俾果少少...
咁先可以冇咁窮!我要將來活得更好!我要努力!
hea左陣之後我0地去左電腦室!
開哂d file出0黎做Roymand睇!之後佢話我用得太多人0地既相!
講真,自己點影到呢D相呀???
我0地份份功課都俾Roymand話!
唯獨老公果份就冇!因為老公話張圖係自己整!
其實都係網上搵返0黎!哈~!
估唔到兩張mix埋,睇唔出!
um......我就直話直說,寧願俾佢提點下改返唔好既野!
事實我預左都會話!因為我知我用網上搵返0黎既相,又冇點改!
落堂之後同亞倩食早餐!之後佢落CWB,我就去機舖搵老公!
等佢0地打陣機就去食飯!佢0地食完返去機舖仲見到亞星打緊!
唔肯走,又冇同到佢0地一齊去食飯!
之後等左好陣子,同濕東同亞君玩督督機!
有人陪我玩先會玩,因為我眼力太慢了!
等亞星打完搭船落尖咀!
亞君話去LCX,想買衫!呀~~~好呀!我都想行下街睇衫!
又係冇錢既時候,睇衫,真係睇中!睇中左衫同一條連身裙!
仲有之前睇中過既褲!3樣都好想買!
我好少可睇中裙,仲要連身裙!
成條都係黑色,唔知點講!我鍾意果隻味道!
唉~而家睇中D-mop果件,又係LCX睇中衫!
又要忍╥︵╥ 好慘呀!~~~~~~~
如果真係買,我估要用2千蚊左右!
我好難得今個月慳,冇買野!因為我知D錢要用0黎睇醫生用!
同埋畢業作品仲差1500蚊!仲有電話費!點死???
我唔努力返工,唔返工邊度得?!
係呀!係冇買野!但係D錢真係要用係D必須要用既地方度!
仲有下個月..............
行到新港,去買野飲!老公話我唔理佢,因為我掛住睇住D餅!
我想買0黎食,我聽唔到佢係咁叫我=___="
跟住佢咁都發脾氣!我好留心睇一樣野,對耳就會自動關閉!
買完野飲,濕東,亞君,亞星佢0地唔知去左邊!
老公又要落MK,拎野同唔知攪咩!
跟住我0地自己落左MK冇搵到佢0地!
搭MTR,咁0岩有兩個位!不過中間有個人隔住!
老公仲話:我0地駛唔駛SMS?
呀~你個傻佬呀!
冇耐亞星打俾老公,老公話同我嘈左交,所以我0地各自走了!
um...我耐唔耐就聽到老公同朋友吹水!
唔知對住我會唔會又係咁呢?
落到MK攪掂好哂就去老公家!搭16號!
嘩~官塘塞車,搭左好耐!老公訓著左!
我用左隻手托住佢個頭,有點累!
佢手提嚮起,佢老豆搵佢!原本要車佢老豆返0黎!
但係老公果時搭緊bus話累,冇車到!
仲呃我話要車佢老公,落車之後去到佢架車睇下之後就話呃我!
睇下我點樣=________="
呀!講真!就算唔鍾意,最終都會跟左上車0家啦~!
um...有成4,5日冇係老公家訓了!
今晚終於係老公家!原本老公今日踢波!但係冇人踢!
如果老公今晚踢波,佢又唔叫我去佢度,我今晚就唔會係佢度訓!
咁落去,可能一星期得一晚係佢家訓...........
同以前隔日咁,唔同了!
今晚老公媽煮飯食!6點幾我同老公就落去搵老公媽一齊買送!
買完送返上去冇耐老公爸先返到!
8點幾先食飯,唔怪得餓,因為我食左早餐之後就冇食過野!
食完hea左陣!等肥雞電,因為要陪肥雞去一個以前中學既女同學家!
果個0岩0岩結婚!上佢家飲湯同參觀下!
原本我唔去,但老公又話好快返,話一齊去!
10點幾就出去,um...好凍,好病!又咳!
上去坐左陣,一上到去肥雞就同班女打麻雀!見到肥雞唔同哂咁=.="
呀...唔知呀!~我咩野都唔知呀~~~~
um...間屋幾靚!不過新屋當然唔同啦~
成屋都係kitty,我好討厭的公仔!間房幾細!但係好多都用白色為主!
我喜歡白色!將來家一定要紅白色呀!!!
11點幾就走人!返到家沖涼!之後就準備訓覺!
決定左聽日唔返工了,因為好病要睇醫生!
老公爸今晚話我一定要睇醫生!其實我係唔想駛錢先打算耐少少好番再睇中醫!
唉~我真係冇咁多錢!睇醫生係自己錢!家人係唔會俾!我邊有咁多!
我只係PT,食飯搭車都冇!仲邊度有咁多錢睇醫生!
睇醫生係最貴的!呀~~~~~~~~~~~~
如果今個月唔駛睇醫生,我可以慳到!

>>March 16, 2006 at 3:19:17 PM GMT+8

2006 年 3 月 13 日 星期一 【陰】

返工~Carly今日好晏返!仲以為佢唔返!
佢返0黎冇耐就食飯啦~
今日我成日都排版!改番好點!
不過我下晏就同Willy講早點走!因為唔舒服!
其實我唔係因為唔舒服而早走!
只係想早點見到老公!不過佢仲幫緊佢老豆做野!
我D功課又未做完!最終決定都係唔返英文!
如果我返左英文,聽日就冇野交0家啦~
星期5就final!冇可能聽日冇野俾Roymand睇睇!
我收工果時4點都未到!原本仲可以早走點!
係我自己拖耐少少...........
老公又話我唔舒服,要我去睇醫生!
之後最終我都係走人,返家休息下,做下功課!
最終今日都係冇見到老公!
返到家冇耐hea陣先做功課!食飯~
食完飯上下網,沖涼~!
老公話D人英文好勁!唔識,跟唔到!
仲話今日識到兩位同學!wo~咁快就識到同學!
我好耐都冇識新朋友了!
死啦!由中學開始我已經唔讀書!上堂只係訓覺!
所以英文,maths,都唔識!如果老公話難,咁就真係好難了!
以前我係班上可以話排最尾的=______= 唉~
今日唔返,星期4都返唔到!因為又係要做功課!
明白到,讀左設計兩年幾啦!冇可能因為返英文!
英文仲要0岩0岩先起步!為左0岩0岩起步,而白廢兩年幾讀設計既時間同心機?
咁我果時簡返工定返學咪都白廢?
完全唔得囉!~就算我唔係最好,我點都要畢業!
等埋老公電,之後就訓覺了~聽日又要早起返學...
今日係3月14日!好快好快好快.....=﹏=

>>March 16, 2006 at 3:21:06 PM GMT+8

2006 年 3 月 12 日 星期日 【乍寒還暖】

天氣凍了...天文台真係準!跌成十度!
今日冇返工!因為我知我食左藥一定好眼訓,又未病好!
功課又未做!星期5就要評審!
倒不如請病假,休息下,做下功課好過~
10點起身,打左俾Carly話我唔返之後就sms俾老公!
跟住食藥!上下網咁!
之後佢12點幾打俾我!之後我又翻訓!
佢兩點落街食野就打俾我,之後我醒了!
食左少少野,之後又hea下,再上下網!
老公今晚要車佢老豆返家~
今日冇同老公見面!因為我仲病緊...
4點幾先開始做功課!做下停下咁!
um...好求其!都唔知會唔會俾人話添!
之前又冇野交過呀!好嚴重!
完全冇原創性囉~!
夜晚都係做下功課!又係做下停下咁!
沖涼+mask~返番工皮膚又差番!返工果度空氣太差了!好辛苦!
我要早訓,因為聽日要返工,唔可以太夜!
邊訓邊等老公沖完涼電我!傾左兩句就收線訓覺了~
um................好似好耐冇好好同老公傾過電咁!
以前傾電可以傾好耐!不過而家就唔得了!
傾兩句佢就話唔知做咩做咩!o...咁算了~
唯有MSN!我試過太悶,係咁搵朋友傾電!
但係大家已經唔係好似以前咁得閒,個個返工!
唔知可以搵邊個!只有MSN先知邊個得閒!
上得網,MSN得就知得閒啦~
而家都要做功課!成日對住部腦,除左返工日子!
返到家都要對住部腦!成日臨急抱佛腳!
差唔多到final先走去做!我...就係咁懶!
未病好...我又要好好休息!
仲要返工!一定要返工!$$$$$$$$$$$$$$$$$$$$$$$$..........
今日冇返工,唯有再慳點!買少樣野!嗯嗯!~努力!

>>March 14, 2006 at 3:15:10 PM GMT+8