2005 年 8 月 4 日 星期四 【酷熱】

今朝訓到7點幾8點以為要返學,之後先記得唔駛返,再訓,訓到10點7左右起身!
發覺好似成日出街,少左好多同亞媽食早餐果D!
於是決定唔訓得太晏,起身亞媽出左去交水費,
同老公傾左陣電之後換衫同亞媽去食早餐!
食完早餐去買野!con水,CD RW等等...
我仲買左條裙,我覺得隻色幾靚於是買了,不過打算cut短兩吋半!短裙靚D~
又是藍色=___= 點解我買好多野都係藍色0家?
之前一直想買裙,因為我好耐冇著過,好想著呢!~
買完野亞媽去接謙謙佢0地!
而我就返家時,拎埋垃圾膠袋果D!攪到好似好多野拎,一袋二袋‧____‧
返到家冇耐同老公傾電,傾左差唔多成粒鐘佢話要訓陣!
於是我又上下網,玩電腦果渣!~
隔9個字左右就打俾佢叫佢起身,因為佢要車佢老豆ma今日!唔可以遲呢!~
同佢傾電傾左好耐,我0地好似幾耐冇試過唔見面!應該有見足3個星期了!
我都好少可同人傾電傾左成個下晝!
燒碟,打算曬相,我話曬話曬,話左好耐,明日複明日咁!
決定左聽日去曬0家啦!食完野就拎去曬0家啦!~
今日最終老公唔駛車佢老豆,結果send左d歌俾我就出去搵朋友行街!
而我仍然留左係家,聽下歌,無聊.............
同亞琳傾MSN,知佢最近點樣!
睇下佢相簿,藍色玫瑰,好靚呀!~
好少有,我未試過真正見過,相就有見過!
今晚都係得我同亞媽兩條友食飯!
0岩0岩開始食老公打0黎,我原本send緊SMS俾佢,
唔知點解好多時我正send俾佢時,佢都會send俾我或者打俾我的!
夜晚都冇野好做,呆......沖完涼冇耐老公打0黎!
傾到到12點幾收線,佢好累要訓!而我聽左陣絕情谷,點幾就訓了~









其實唔鍾意就算對方做幾多野都好,
做D野對自己幾好都好,果D只叫感激,唔係感動!
因為我愛對方,所以我會感動!會流淚!
就算有個人幾好都好,唔鍾意既就唔會覺得對方好,
鍾意既,對方做幾多唔好既野都唔會覺得佢唔好,
呢D就係鍾意同唔鍾意既分別!
所以對方幾咁唔好都好,我仍然會愛他!
我地呢個年紀仲未需要去因為怕冇人要而屈就自己同一個唔鍾意既人一齊,
為既就係想得到對方對自己既好!為既...只有利益!唔會為對方著想,唔會為對方付出任何野!
所以我唔會同一個唔鍾意既人一齊!
唔鍾意既就算佢對我幾好都好,我唔會感動,唔會覺得對方好!



>>August 6, 2005 at 2:30:23 PM GMT+8

2005 年 8 月 4 日 星期四 【酷熱】

太悶了,冇野做,又玩下先!~

1. 到而家有冇轉過中文名?有既話原本叫咩名? No!
2. 你既英文名係邊個幫你改既? 自己
3. 咩季節出世? Summer!
4. 出世既時候幾重? 唔清楚,不過唔重的!
5. 咁而家呢? 9xlbs
6. 你既理想高度係幾多? 160cm
7. 同而家既高度差幾多? 3,4cm掛=="
8. 會唔會為左達到理想高度而努力增高? 唔會,懶=.=
9. 腳長幾多?3X吋
10. 有冇學樂器? 從來都冇
11. 怕唔怕黑? OK怕
12. 信唔信世界上有鬼既存在? 信
13. 你做野既速度算係快定慢? 睇下做咩
14. 沖涼通常要沖幾耐? 半粒鐘左右連埋洗頭
15. 有冇拍過拖?幾次? 有,二次掛
16. 你向人表白多定人向你表白多? 我冇同過人表白
17. 有被異性示愛/追求過嗎?幾多次? 有,唔記得
18. 鐘意小動物嗎?睇下咩動用啦!
19. 滿意而家既身形嗎? 只要大波D,瘦多少少,高多少少,個樣靚少少就夠0家啦!哈!~
20. 夠唔夠膽著住件LOLITA行旺角? 夠膽,不過唔0岩我呢個年紀
21. 最近鐘意聽邊首新歌? 最近聽舊歌
22. 而家仲有冇同小學同學聯絡? 好少,呢期冇
23. 仲記得幼稚園同學既名嗎? 我冇記性,唔記得哂了
24. 小時候有咩野令你而家諗返起都會覺得神奇,自豪? 跳舞試過考第1,跟考官跳舞,有機會考獎學金
25. 最常用邊隻袋? 我好懶,好少轉袋用,呢期都係westwood
26. 用緊咩牌子既銀包?patrick cox
27. 最鐘意咩牌子既衫? ROXY,Quiksilver ,westood(westwood d衫既feel正呀!不過冇錢買!)
28. 鐘唔鐘意自己一個人留係屋企? 麻麻地
29. 邊個品種既狗最得意? 得意呀=.=?唔知喎!
30. 見到被遺棄既貓狗,你會點? 望住佢
31. 會唔會幫毛公仔改名?冇
32. 細個有冇咩奇怪既習慣? 日日食傷風藥,冇病都食,傻了
33. 如果俾你揀,你會揀可愛定靚既異性黎做你BF/GF? 靚
34. 鐘意比較動/靜既異性? 動
35. 男朋友高過女朋友幾多先至最好? 大半個頭至一個頭咁囉!差太遠唔係咁好!
36. 同屋企人定朋友出街多? 應該係朋友
37. 鎖匙扣上面有幾多條鎖匙?無
38. 用緊咩鎖匙扣? 無
39. 試過係論壇見到自己d同學未? no
40. 最近買左咩唱片? No=0=好耐冇買啦
41. 有冇聽緊歌?播緊邊1句? 分手快樂!分手快樂,請你快樂.........
42. 玩過咩ONLINE GAME? 唔記得,都係以前D事,而家唔玩games好耐了,唔識!
43. 而家仲有冇玩ONLINE GAME? NO!=.=
44. 玩得最耐既ONLINE GAME係咩? =______=唔知
45. 出街會唔會成日撞到熟人? 唔會就呃你
46. 惹唔惹蚊? 麻麻地
47. 會生暗瘡嗎? 一時時
48. 覺得食煙點? 害己害人,傷身,總之就唔好啦!~
49. 會日日都寫日記嗎? 會,打算嗎?
50. 覺得成世肥定成世爛面慘D? 肥啦,可以減ma!
51. 最鐘意睇咩卡通片? 龍貓
52. 比較擅長短跑定長跑? 短,不過我跑步唔掂,唔夠氣!
53. 成績表有冇邊科拎A? 唔記得了,咁耐之前既事........
54. 文科定理科成績好D? 文科呀,因為我文科生0黎
55. 下年有咩目標想達成到既? 希望搵到一份好工!生活好過而家~
56. 得閒係屋企通常做咩? 訓,傾電話,MSN,ICQ,呆,執下衫,睇VCD等
57. 最後睇既DVD/VCD係咩? 邊記得咁多?
58. 屋企有幾多個電話? 3個
59. 幾多個衣櫃? 好大個果D定點樣?我床下都有一個大櫃筒的呀!唔知點計!
60. 幾多部電視,電腦? 2部電視,1部電腦
61. 有冇請傭人? 冇,邊有錢請!
62. 假日通常幾點起身? 而家應該係點幾兩點啦
63. 會唔會訓晏覺? 有得訓又眼訓就必訓
64. 比較討厭凍/熱? 熱,但另一方面我又怕凍
65. 出街會唔會化妝? Yes..........
66. 幾耐CHECK一次E-MAIL? 好少CHECK
67. ICQ/MSN LIST裏面有幾多人? MSN四十幾個,ICQ四百幾個
68. 係咪凡係認識既人都會ADD入LIST度? 睇下佢係咪9果D,9既我唔會add落去!不過以前我係咪都add的,唔理咁多,頂多唔同對方傾0者!
69. 一日裏面有幾多個鐘頭部電腦係開著既? 好難計,因為我訓都唔熄,家姐返佢要玩電腦,有時可能幾日都唔熄!
70. 而家係早上/黃昏/夜晚/凌晨? 下晝呀唔該~

>>August 5, 2005 at 9:47:30 AM GMT+8

2005 年 8 月 3 日 星期三 【酷熱】

今朝7點前起身,本身可以早少少出門,但係出門前又想戴帽,
拎左第2果頂cap帽,但係發覺戴左上去好似賽車果D=________=
經過一番掙扎之後都唔戴就出街了!
老公都係早過我到,雖然遲出門,但係早左兩個字返到去喎!GOOD!
今堂都冇野俾安祖娜睇,老公琴晚幫我燒左碟!
但係安祖娜話部腦借左俾第2個,結果都俾唔到佢睇我搵果幾張圖!
同我傾左幾句點樣攪,安祖娜叫我去影紙紮舖果D,
我真係好驚囉,仲有就0黎到7月14啦,平時唔係呢個節日影都有野啦!
冇啦啦影完出0黎見到某D野都會嚇襯自己!
其實我都想影,起碼呢個poster真係自己整先,唔係上網搵圖!
但係相機要好高像數先得!因為要放大!要做最少A2 size既poster!
安祖娜以前真係夠做!去影埋呢D野=____="
睇我個樣好似好大膽,其實我好細膽的!我未必夠膽去影!~
之後見冇野做,之後成堂呆呆地係度諗下份功課點攪!
畫左少少layout,寫左D野咁!
落堂等埋亞倩同安祖娜傾份功課之後先去食早餐!
食早餐傾計!又傾左好多野!
傾傾下計先知亞倩佢今日去護照!
就算我過番去老公佢0地都係打機0家啦,不如陪亞倩拎好過!
行到去冇耐老公打0黎話過0黎搵我,拎完我0地搭叮叮去CWB,
亞倩話想去ao2買帽!好熱呢~~~佢流哂汗,我一向都唔大汗既人,頂多係濕濕地,好少滴哂!
又見到我鍾意果要白色帽啦!老公都話靚呀>0< 真係好想買,但係我前日先買完一頂0黎,
So我決定左唔買啦!點知老公見我試左咁多次又唔買,
居然買左頂帽俾我! >3<謝謝老公!!!
亞倩最終都唔係買上次果頂,因為我0地發覺有另一頂帽更襯佢!
問埋個sales,個sales都幾好傾!係頂啦,我做sales果時又咪一樣好傾=___=
買完之後亞倩去MK搵家人行街街,
而我同老公搭bus去佢家,佢返家煮公仔麵,
原本去睇戲!但係我見今日真係好累,因為我訓左4粒幾鐘,
於是決定都係下星期先睇啦!最終訓左陣!
6點左右先走人,老公要上普通話堂!
我0地買左買雞蛋仔,野飲,增值之後落官塘,
老公送我搭車!今次搭車冇訓啦!因為下晝訓左陣!
我隔離果個女仔好似好累咁,佢差D訓左落我度!7點9返到家!
食飯!得我同亞媽!基本上而家好多時得我同亞媽兩條友食飯,
有時諗,如果我返埋工,咁咪得番亞媽夜晚一個食飯?
如果我返office,有時收工去下街,又未必咁早返家.........
食完飯之後打日記!沖涼,等老公沖完涼電我!
傾到1點收線,之後send埋D相俾佢就訓了!~累=______=。。。











人有時唔可以咁易滿足,我滿足,其實係我覺得知足常樂!
知足等於滿足,知足咪夠囉!~
安於現在已足夠,不必渴求太多!



>>August 5, 2005 at 6:25:44 AM GMT+8

2005 年 8 月 2 日 星期二 【晴】

第一卷 第二卷 第三卷 第四卷
第五卷 第六卷
第七卷 第八卷
第九卷 第十卷
第十一卷 第十二卷

2005 年 8 月 2 日 星期二 【晴】

今朝較左鬧鐘,但係又再翻訓=_____= 老公sens sms俾我都唔知!
佢去到吐露港就到大埔先打俾我,咁0岩亞媽入左廁所,冇得梳洗~
攪到老公係京都等左我0地好耐!因為我既關係.........
其實今朝都真係幾炆,一0黎自己遲起身攪咁耐,畫眼線又畫極都唔好!
亞媽勁遲先同話要接謙謙,所以唔可以飲咁晏!
一起身個電話send唔到sms,o.........fuck!原來係我兩個月冇交電話費關係!
總之唔知點解覺得好炆好!!!一路make up一路發自己脾氣!
連香水都唔記得搽就出街了=____=
帶左琴日買果頂帽出街,俾亞媽話我熱果渣!~
第2果個趕住返工冇一齊飲,亞婆又話曬唔出0黎,結果得我同亞媽,老公3個!
飲完茶之後交埋電話費,亞媽行去接謙謙放學,
而我就去老公家~上去冇耐佢亞媽返到,早收工!
老公吸塵,期間佢亞媽同我傾計,問我幾多歲,
又話咁候生唔好化妝會整傷皮膚果渣,果時我都唔知點答佢=.="
因為我知會整傷,但係只要落妝清潔D就會比較好D!
同埋我覺得自己唔靚先化妝出街!因為每個女仔化妝之後都會靚D!~
如果我天生靚我都唔想化妝出街,因為化妝出街又哂時間,又會傷皮膚!
我當然知自然美係好啦!有邊個女仔唔鍾意靚先得0家!
不過係我唔識答佢果時老公係咁博佢亞媽,見到佢0地咁都幾攪野~
冇耐又唔知點樣陪左亞迪去覲塘交學費!跟住買左串魚蛋食,幾好味=﹏=
返到上去冇耐過左亞迪家傾計,第1次去亞迪家!
原來亞迪有我ICQ!今日終於見到亞迪以前女朋友既樣,睇相!
傾左陣老公叫我返去幫佢亞媽手煮飯果D,其實我咁大個女都未試過幫亞媽手煮飯~ =.="
有時覺得自己咁大個咩野都唔識,真係好差,
連入街市陪亞媽或者買野果渣,10隻手指都數得哂!
細細個果時亞媽又唔俾我入去,又話烏漕果渣,
好啦,到大,返工,冇時間!攪到而家已經養成左冇陪亞媽買送同埋冇入街市買送既習慣!
返到去佢家,佢亞媽晾緊衫!跟住跌左老公心愛既浴巾落街,冇左..........
跟住同左老公落街買,但係買唔到佢想要果條,最終買左零食!
今晚係老公家食飯!好耐冇食過老水雞翼了!老公亞媽煮飯唔係唔好食呀~
可能我對食冇咩太大要求,總之唔好咁難食既我都唔會話難食,
因為我自己根本唔識煮飯,又點可以講咩野呢?
食完8點幾老公車我返家!老公揸車揸到140囉=____=
去到120我已經叫佢唔好揸咁快,仲答我嗯!點知到頭來去到140!
我真係驚!好彩之後佢都正常返車速!
9點2去到家樓下,用左5個字返到大埔!快呢~~~謝謝老公車我返家呀>3<
原本想去welcome買餅或者朱古力,但係最終都冇咁做,
因為我沖完涼都夜了,仲食呢D野肥死啦!
返到家hea左陣就沖涼,期間老公打過0黎,之後覆左sms,佢沖完涼打返俾我!
傾電到12點send埋幾張圖俾佢再打日記!
兩點前先訓!因為硬係覺得唔想訓咁!所以上網上左好耐下!
今日發覺自己真係果D食米唔知米貴既人0黎!將來出0黎生活點算?
我真係咩野都唔識,好多野都要學!我估我起初搬出去住一定有勁多困難!
或者我由細到大都太依賴別人了!
同埋某程度上都覺得自己幾蠢下!好唔掂囉~!

>>August 4, 2005 at 12:11:04 PM GMT+8

2005 年 8 月 1 日 星期一 【晴】






>>August 3, 2005 at 4:50:14 PM GMT+8

2005 年 8 月 1 日 星期一 【晴】

今朝差D唔知醒起身呀,亞媽7點入0黎叫我先知要起身,
連老公send SMS俾我都唔知,之後拿拿聲起身梳洗make up!
Make make下亞倩sms 0黎!叫我帶埋隻VCD借俾佢!
跟住搵搵搵,仲以為唔見左,最終都抄得番出0黎!
原本打算出門口,但係件衫本身後面cutting有窿!會露bra帶果渣!
但係又太熱,最終都係過唔到自己果關,唔想走哂光,又要著多件衫係入面先走人=.=
上到車,基本上我上果架上一層開頭係冇咩人,得幾個,好多吉位!
但係有個年輕婆婆一上0黎就好開心咁叫我靚女!
跟住坐左係我隔離!又話見到我就諗起佢個孫女!又話同我差唔多年紀,不過應該細過我添!
又話佢有3個男孫係外國讀書,跟住佢仲拎左張相有佢個女同佢孫女俾我睇!
基本上佢咁熱情咁叫我同坐我隔壁已經幾驚訝!
我唔識佢,我亦都冇興趣睇佢D相!
跟住佢講:你個頭電得幾靚喎!~電左幾錢係邊度電呀?
跟住我好無奈答佢!冇耐佢又問我:食左早餐未呀?亞婆0岩0岩游完水好肚餓!
佢係買左包的!跟住我又要無奈地微笑講答佢!
最後佢就話:你唔介意我坐你隔離呀嗎?因為我對住D靚女特別熱情0家!
跟住我又好無奈對佢微笑答佢唔介意!
其實果刻我真係好想走,但係我次次都係坐係入面果個位,基本上冇得走=_______=
之後我即聽歌,扮訓覺,基本上佢住我隔離我真係唔放心訓囉!
但係聽歌就可以懶得聽佢講野=___="
落車,老公係巴士站等我,佢返左school簽完名再過0黎搵我!
起初仲玩我send sms話唔0黎接我,又話去打機,
嘿.....我一落車就見到你了!呃唔到我!我太醒啦!嘿嘿嘿.....
呢堂我咩野都冇畫,冇野交俾亞sir睇,上次包裝堂我又係冇野交,今次又係-_____-
俾左琴日買既藥膏老公,但係佢話呢隻唔得點樣唔得咁!
其實我好想講我只係關心先會買!
我係未買過呢D野,同埋我好少識損手腳,就算有都唔會整得利害!所以我唔識呢D野!
但係聽到又話唔好唔好果D,真係幾難聽!果刻個心幾難受="=.......
冇耐又話邊個女仔個男朋友MK,又話可以鍊得過人0地男朋友!
唉..........我真係唔想聽!講都唔好係我面前講,聽到好唔知點!
放左學同亞倩,小葵食早餐!小葵返工早走!得我同亞倩!
坐左好耐,傾左好多好多野~女仔就係咁,有時為左一個男人,散時想留住,就做埋好多傻事!
但後過睇番,好後悔自己留住對方!完全唔值得!對方唔係一個好男人!
聽落亞倩以前果個賤人真係衰到爆炸!!! .\ /.凸
不過唔緊要啦!佢只不過少左個愛佢既人,而我0地就少左個唔愛我0地既人!
損失既係佢!而唔係我0地!
女仔只要主動少少就大把男性肯一齊!只係過唔過到自己果關0者!
女仔一冇拖拍就會多左男性係身邊出入!呢個係定律!
如果唔係散左就唔會有機會同到而家呢個一齊!~而家大家咪幾好!
而家講返都幾好呀!~起碼都係一個回憶~
12點多先行去機舖搵老公,猩猩0黎左!睇佢0地打機,悶..........
跟住老公同我去左30蚊果度!佢食野,冇耐佢0地班友0黎到!
食完點幾行下,去188,< 藉著 >出左,正呀=﹏=
行去CWB,熱到PK!著背心多好,但我真的有點肥!瘦D就好!
決定左唔食朱古力一排啦都係!只食正餐!今年夏天我勁少食雪糕!
仲記得上次我食得好勁,一日可以食兩次雪糕!一星期起碼食3,4次!
So而家好忍口啦!~唔梗要啦!只要唔好咁肥就夠了!
陪亞星去CWB整佢部PSP!跟住猩猩走人,我0地打的返會展!
去到買飛果度見到亞東同mary!覺得亞東真係好攪笑!
漫畫展好多人呀!算吧~年年都係咁,其實我唔覺得有咩好去,除非有野買!
加上好多時係果度買一set既書反而仲貴!
排左一陣隊先入到去,見到有人夾band!o.......too bad!
條仔又唔型,又懶型,佢個勢好似high大了!
行行下我0地同佢0地成渣走散左!又多人喎!又冇野睇!
最終我同老公走人,哂左果50蚊!早知唔去仲好!
跟住我0地行去搭船,我見到有個女仔幾靚呀!我好少係街上講人靚呢~
不過佢男朋友好普通!又唔係特別型!如果有果個女仔咁瘦咁靚就好了!
佢有某D角度似小琳!小琳........好耐冇見!一年有了!而家都唔知佢係邊樹!
小琳個樣都OK的,不過佢男朋友又係普普通通的!
去到尖咀,行LCX,睇帽,又行ao2,試帽,老公拎左頂俾我,
好合見緣,幾特別,好睇過之前同亞倩睇果頂!
同埋我真係覺得之前同亞倩睇果頂好似好短,雖然係襯我,但係怪怪的...
就咁睇頂帽靚,試下好襯我,忍唔住,買了!
冇耐老公送我搭車!老公好累,覺得佢又有野煩........
搭車又有亞叔住我隔離!o..........no!!!
仲有陣味道! =‧‧= " 總之佢坐定定就冇味!幸好佢坐定定!
之後我訓著了!差唔多落車打俾老公!
7點半左右返家冇耐食飯,食完就上陣網,打日記,跟住沖涼< 呼 >mask!
兩星期冇< 呼 >了!皮膚差呢~~~期間老公打俾我,但我< 呼 >mask中,
<呼 >完打返俾佢!之後傾電,期間佢出完去搵亞迪再打返俾我,
傾到1點左右收線準備訓!zzzzzzzzzzzzzz.........
我知我好多野唔知,不聞不問,唔識關心人,
我唔係一個好既女朋友,但係只少我有嘗試去關心你,我仍在學習做個好女朋友中.........

>>August 3, 2005 at 4:50:03 PM GMT+8

2005 年 7 月 31 日 星期日 【晴】

今朝訓訓下好凍,外面落雨,但起身之後又冇落,又唔想起身,但係點都要返學!
起身之後打左好多個乞痴,個鼻好辛苦,流鼻水!
7點半仲未見老公SMS我,於是出門口前send左兩個sms俾佢,
上到車仲未見佢打俾我,so我打俾佢,7點10佢先起身!
不過佢仲快過我到灣仔!算吧=____= 我太遠了!
上堂,我都係抄亞東果D資料!其實係我琴晚搵果D 0黎~
老公落完去買左支通鼻鼻既俾我!謝謝您的關心>3<
都有D野俾Alex睇,佢仲教我點樣改名果渣!攪掂好哂之後我又發呆,唔知做咩!
睇下小葵帶返0黎既報紙,畫畫!
跟住我拍D同學上堂既短片,冇野做,不過拍完就即detele了!
拍老公,佢又冇點彩我=____________=。。。
好快落堂,我0地3個去左食早餐,老公要返工,冇一齊!
幾驚佢嬲我,以為我拍短片拍亞星,但事實唔係!
食早餐,hea到12點左右先走人,我又食左好少,個肚唔舒服="=........
同亞倩行去times!幫JOJO拎返件衫返去!
行D-mop時亞倩男朋友打我手提搵亞倩,因為亞倩今日冇帶手提!
之後去百德新街!又去ao2,不過都係冇買到帽!原本亞倩買,最終都冇買到~
今朝因為驚落雨帶左遮,點知上車一刻到我0地行街時都好曬,熱爆!
結果亞倩叫我開遮,哈~但係佢拎!太曬了~~~佢洗哂汗!
約左JOJO係荔枝角MTR等,去到我0地等左佢一陣!
行香工!原本唔打算買衫,係打算咩野都唔買!
點知最終又忍唔到手,買左兩件衫!因為平ma!~同埋我覺得幾靚/_\
我0地今次仲上埋樓上行,冇野睇!不過7樓有adidas特價場!
果D衫我之前係專門店果D見過!果度特價場堅係平的我覺得.....雖然唔可以話好平...
行到3點幾走人,買埋野飲亞倩走人,打俾老公,知佢準時收工,
打算陪佢食野,知佢未食野,點知佢拒絕我了!
跟住我同JOJO去食野!JOJO請我食!謝謝~!
原本自己俾,但係佢又話我幫佢洗衫,其實洗衫係一件好少既事!
又話十幾蚊唔同佢計,o...........so最終都係佢請了!
搭番MTR轉KCR!去到新達,JOJO買包果D俾佢老豆,
跟住佢問我搵唔搵我大家姐,佢提一提先記得佢調左0黎!=.="
咁咪搵下佢囉,又見靜場,點知佢唔理我.\ /.凸
淨係問我去邊,之後就冇再理我了!決定以後經過都唔搵佢啦!
最後見佢對住部腦好似好忙好多野攪咁,唔理,我bye都冇講就走了!
因為D人係咁同我講買野食0黎呢邊!擺到明我係搵人啦!買咩食0者!唔食KFC呀!!!
跟住買埋支藥膏就走人!6點左右返到家!
老公打俾我,傾左陣,傾傾下冇啦啦隔離屋果個陳太走過0黎叫簽名!
同老公收線後先知原來叫支持下唔知邊個看更,想留住果個看更,
因為果個看更多口俾人抄左!
等埋老豆7點幾食飯!滿足~之後俾亞媽吹沖涼話洗衫,9點前已沖完涼!好!
跟手又攪下我個日記網!因為之前見好多圖顯示唔到,於是決定攪攪佢!
post左兩首歌!GOOD!!!
同老公傾電到12點左右收線,12點幾就訓了!~

>>August 2, 2005 at 1:27:32 PM GMT+8

2005 年 7 月 31 日 星期日 【雨】


願我會查火箭 帶你到天空去
在太空中兩人住
活到一千歲　都一般心醉
有你在身邊多樂趣
共你雙雙對　好得戚好得意
地LUM天崩當閒事
就算翻風雨　只需睇到你
似見陽光千萬里

有了你開心o的　也都稱心滿意
咸魚白菜也好好味
我與你永共鈙　分分鐘需要你
你似是陽光空氣

扮靚o的皆因你　癲癲o地皆因你
為你甘心作傻事
扮o下猩猩叫　睇到也都笑
有你在身邊多樂趣
若有朝失o左你　花開都不美
願到荒島去長住
做個假的你　天天都相對
對木頭公仔做戲

2005 年 7 月 30 日 星期六 【雨】

琴晚4點幾醒一醒返房訓,訓到今朝8點幾9點幾都醒下!
10點左右亞媽打0黎,果時我仲訓緊,但我同佢講就返=___=
11點幾我0地先起身,梳洗完之後肥雞0黎!
因為今日老公幫佢車電腦,唔清楚攪咩~!
車左我入大埔,期間TOTO打0黎~佢今日放假!
返到大埔大家一齊食野,都未食野,亞媽當然有打俾我啦!
食完野兩點左右先行返家,老公送到我家樓下!真的很難得,因為我0地住既地方距離太遠...
返到家冇耐TOTO打0黎,傾左幾句!傾佢返工D野,俾客小!
其實返工就係咁0家啦!係會俾客投訴0家喎~永遠遇到咩野事都忍!
忍客,忍上司,一個字,忍!要有耐性!返工點樣想喊都好,都唔可以係D客面前喊!
喊都要返入倉先喊!絕對唔可以俾外人見到自己既內弱呀~!
我以前返工一樣遇到俾客投訴,一樣有俾人小,咁點?
D客就係咁,成日為左好少事而嘈!基本上果D唔係咩野問題!
客人永遠是對的!就算擺到明係佢0地錯都好!過後係佢0地背後申下咪算囉~
冇耐亞媽返到!亞媽有哦下我!點解你0地每次著緊我反而俾我感覺太管我?
我真係好唔鍾意咁,好討厭,已經忍受左太耐了!
其實我好想同佢講其實我就0黎20歲了!
其實我只係你0地面前特別任性!最主要原因係因為你0地令到我去任性對代你們!
又或者我真的唔夠成熟,好多時都擺出任性樣子!
我永遠俾佢0地感覺都係細個,因為我永遠都係佢0地個女!
就算我到20歲都好,佢0地都仍然覺得我只是小朋友!
人就係咁...............咩野都要用時間去証明一切!
但係我好想講,時間唔會等人,人一出世就等於死亡既倒數!
你永遠唔會知自己既生命幾時會終結!
所以我好想去珍惜一切事物!好想放膽去愛一個人!
但係往往都係受到家人既影響!咁落去.....就算再大,我都未必可以嫁得出=____=
係男仔見到我屋企咁都覺得煩,唔想同我一齊啦!真的很擔心!
以前拍拖又係咁,今次拍拖又係咁,以前拍拖果時15歲,細個,唔同!
而家今次拍拖,19歲啦!已經唔係中學生,我有能力外出工作!
有能力去簡我自己想做既事,我有我既思想,有自己既私生活!再唔係小朋友!
請你們不要再這樣好嗎?
就算再難受的事,我都要去承擔!因為很多事情現實就是現實,我們不能逃避!
人每到某一個年紀,時間都有好多唔同既煩惱,基本上煩惱係末完末了!
我們要學習解決每個煩惱,因為將來會有更加多更麻煩的事降臨係我們身上!!!
我都唔知點解自己最易令我發脾氣的都是我家人!
每次都令我好討厭好炆!點都好啦~點都係一家人,再煩再討厭都好,點都係一家人!
下晝成日都係家,上下網,老公分別係官塘,葵芳都有打俾我!
返到家之後都有打0黎傾電!因為我知你揸車,聽唔到電,所以我冇打到電俾你!
7點幾食飯,老豆早收工,不過佢冇話我,淨係問我琴晚係咪冇返家果渣!
食完飯hea左陣,攪下個日記網先沖涼~
跟住上網搵下Alex份功課,但係都唔知果D咩野0黎既,我對音樂真係一D認識都冇!
同老公傾電到12點左右收線訓覺!GOOD~~~
計一計,發覺同老公連續見面最少兩星期!感覺良好!

>>August 1, 2005 at 1:47:05 PM GMT+8