2006 年 1 月 20 日 星期五 【乍雨乍晴】

今朝好早起身!7點幾8點!跟住差唔多9點出門!
搭KCR!而家搭KCR真係慢左.............用左半粒鐘先到九龍塘!
老公同濕東係藍田地鐵站M記等我!
老公買左蘇皮蛋撻俾我食>3<
跟住我0地搭車去土瓜灣,去家計會check!
點知原來果間係已婚人士既!最近MK!
打去MK果間,點知要約時間,最快星期一!
但係..如果我0地真係唔要就要呢兩日攪掂佢!
跟住我0地搵車搭落太子!結果去左之前老公個老豆body check果間度check!
果個女人起初仲問我:有咩唔怕講,我會幫你!
跟住我就答佢:驗孕
之後去完廁所等佢俾報告我!
証實左...我真係有左!我自己check左兩次!今次出去搵醫生check!都係有!
咁即係...........我真係有左!
之後我0地去左許留山坐左陣,諗左陣,再去朗豪坊坐左陣行左陣諗左陣!
冇耐濕東接埋朱咪0黎!第1次見!佢真係傻傻地0家!不過幾好人!
跟住出去再等埋肥雞同亞魚!之後我0地去左新世紀度食野!
我冇食到,因為如果我真係唔要,做手術前唔可以食野!
果時已經3點幾,我肚餓..............
諗左陣好耐,佢0地野都食完,坐多陣,之後我0地出返去!
行到天橋!幾個人企左係度傾!
其實我知老公好想要,佢唔想我落左佢!
同埋我知落真係好傷,同埋好折X!
其實我知將來會辛苦,條路可能難行,但係要左個B唔係唔好!
最終我0地都係決定要,之後佢0地陪我0地返藍田!
老公拎住我份報告上去先,佢上去話俾佢家人先!
點知得佢老豆係度!跟住.....我0地係樓下等!傾下計!
等老公消息!之後老公叫我上去,同埋同佢0地講唔該哂~
佢0地真係唔話得,陪埋我上去!最唔話得係濕東!真係唔該哂~~~~~~
上到去,咩野事都冇!老公爸好開心!因為我有左佢0地家既小孩子!
um...........而家擔心既係我家!佢家人話要老公聽日去我家同我家人講!
今晚係老公家食飯!10點幾沖涼~跟住訓12點幾就準備訓覺了!
我知早婚既人大多都會離婚收場!老公同我都覺得唔可以衰俾人睇!
所以我0地要努力!!!!!!就算將來既路幾咁難行,我0地都要努力一齊行落去~!

>>January 22, 2006 at 3:00:30 PM GMT+8

2006 年 1 月 19 日 星期四 【颳風】

返工~眼訓.............
成日都係度畫藥盒,真係討厭做呢D野!
我寧願排版!係死版!但係唔會咁煩咁多野攪!
lunch完之後又返番去做!
今晚唔駛返英文,調左堂!同左老公,老公媽食飯!
食食下飯秋然0黎到!跟住一齊搭bus返老公家!
等老公沖完涼之後又出去~揸車入將軍澳入油!
入完油撞到幫老公整車果個師夫個老婆!
嘩.....原本我同老公即揸車走!但係我想去廁所!
點知去完廁所又撞到佢!跟住佢條友幾鬼死惡!!!!
屌哂鬼咁!跟住仲要話車佢落官塘買糖水俾個仔!
老公揸車時,條友一路係咁講野!勁惡咁講話之前打到個二奶報警!
我同秋然唔想聽,聽MP3!
好快到官塘!跟住揸番去藍田接埋肥雞!
佢0地去完廁所就由肥雞揸車返大埔!返到大埔搵地方泊好車佢0地買少少野食!
食完去大中吉吉島果邊,老公打俾佢個fd!
之後我0地再慢慢行返去架車度!車我返家!
返到家即沖涼!之後打俾老公,佢話仲係家樓下同肥雞佢0地傾計!
跟住同老公傾多兩句就收線訓了!因為太累!
聽日又要早起身出去..............
害怕明天既來臨!

>>January 22, 2006 at 1:57:01 PM GMT+8

2006 年 1 月 18 日 星期三 【雷雨】

今朝冇起到身返工!打左返公司話返學......
起身之後驗.....................下??!!!!!!
跟住我同老公去左食飯,跟住再買驗!同一答案!
其實我都估到...因為每次我食完果D藥最多5日後我都會0黎M!
但今次居然冇!心知不妙!
食完飯返番上老公家,3點幾接左濕東0黎!商量點樣!
跟住我0地出左MK搵果間野係邊!搵到...可能星期6會去!
冇耐老公同濕東陪我等bus!
今日既我早左返家,同亞媽食飯!
夜晚睇TV同打日記!等老公電~
um.......估唔到今日唔返工,做左呢D野!
老公好彩今日都冇返工!唔係都唔知可以點...

>>January 22, 2006 at 1:44:16 PM GMT+8

2006 年 1 月 17 日 星期二 【雨】

返學啦~今朝遲左起身!一起身睇電話原來琴晚點幾老公sms俾我!
佢冇我係身邊訓唔著~嘿嘿嘿........................
呵!睇下我幾重要!!!!!!!呵!係咪先?
搭307!攪到9點9先返到school!
收到上堂交果份功課,話要傾左先走!
咁我即同Roymand傾!傾完10點幾同亞倩仲有小葵食早餐~
食完11點幾慢慢行去搭船,係新太陽等JOJO!
行Duty Free!睇化妝品!買了~不過我都係覺得Dior好點/_\
果度比出面平成20% GOOD!下次都去果度行下先~
行去廟街!去褲城!未開!開兩點半!
跟住去香工!買左袋同件衫!已經滿足了!因為唔可以駛太多錢!
買左袋即換左個袋!嘩...因為香工買野食膠袋!好樣衰!
去左食3點3!跟住去睇下有冇紙袋!冇...打算落MK拎!
不過去MK前又返番去褲城,JOJO想買褲!
最終買了!都係黑色褲!
落MK,同JOJO幫佢細佬買LEVI'S褲!拎左個袋!
不過果度D人幾串下,話JOJO表哥--alex冇打到落0黎!
所以要証實!最攪笑係佢表哥話搵個< 戀 >頭髮既女人!
又唔記得人0地叫咩名,果度個個sales都係長< 戀 >頭髮的!
不過都OK左!買了~
終於唔駛拎住膠袋!老公0黎左接我!~kissing~~~
行左陣!去左瓊華!老公睇中左件外套,呀!我都覺得老公著得好睇呀!
不過最終都係冇買到/_\
行埋波鞋街JOJO搭bus!而我同老公去左先達睇電話同埋聽佢訴苦!
之後搭官塘小巴去搵埋肥雞食飯!老公話搵佢傾作品集既野!~
係M記等,一個小小誤會,我唔明白,同老公嘈左兩句!
去到大快活我一直冇踩佢!跟住我自己出去買野食!
老公跟左出0黎,隔左陣佢泵番我!
好陣子我先踩番佢!之後冇事~食完飯肥雞送我0地搭小巴!
返老公家訓!上網叫JOJO send相!
行左成日,對腳有點累,太耐冇行了~
今晚個肚好似有點唔係咁舒服!有似有D痛咁!
12點左右就訓著!估唔到咁早訓,我倆都太累了!老公又訓得果4,5粒鐘!

>>January 19, 2006 at 12:11:58 PM GMT+8

2006 年 1 月 16 日 星期一 【晴】

今朝8點7先起身!不過唔係好遲返到公司!
成朝同Carly傾計!Willy係我0地出去食飯時返到!
跟住叫我唔好走住,佢開票俾我,要我去3間銀行入票同3票!
食完飯之後我就去3間銀行,期間Willy打0黎叫我去官塘工業心拎打稿!
我第1次去到果D打稿既地方!上到去時我驚驚地!
因為果度個走廊仲恐怖過我果度好多好多好多!!!!!!!!!
拎完就走人返去,之後都係執相!
6點左右我就叫走人,因為我居然準時執完我今日要執既相!
老公係樓下等我!佢下晏已經同我講佢唔係咁開心!
因為返工既事.........收工聽佢訴苦!老公真係慘慘呀~
不過無論點我都會係你身邊支持你,做你忠實聆聽者!
搵埋肥雞,跟住佢0地送我搭bus!
老公同肥雞食飯,而我返大埔去和民食朱古力火鍋!期待~
不過TOTO仲未收工喎!JOJO又0岩0岩返到家換衫!
So我拎飛先!之後去左沙沙買少少野!
好快JOJO 0黎到我0地行成粒鐘!嘩...19個位原來要等佢粒幾鐘!
8點幾先入去!冇耐TOTO收工0黎到!
佢0地去左迪士尼送左件野俾我!係jack既散銀包!不過有條繩仔的!THX~
食食食,D野份量其實幾少下!個朱古力火鍋ok喎!唔多!唔會太飽!
JOJO叫果杯酒OK喎!原來溝既酒真係幾好飲0家!
下次都叫番0黎飲下先!不過要30蚊杯...
食完傾下計,影左好多kid相!之後10點幾就返家!
老公SMS俾我話聽日返9點!我先記得番!
原以為返10半添!返到家即沖涼,沖完打俾老公!
點知佢唔聽電話. \ /. 氣死人!!!!
12點幾打返0黎,原來佢冇拎手提出去,又冇帶key就搵亞迪吹水!
咁0岩佢亞媽沖涼,老豆訓左聽唔到冇開門!
等到佢媽沖完涼先可以有門口入!
傾左陣12點7,8個字就訓了~好眼訓...........

>>January 19, 2006 at 12:35:42 PM GMT+8

2006 年 1 月 15 日 星期日 【晴】

返工返工返工~都係10點先返到去!買左腸粉食!
成日都係度執下圖!做第2本書...
Willy11點幾就返到!Carly今日要出去搵佢老闆!
佢老闆0黎左HK!於是今日lunch得一個人食!
食完去左萬寧買左牙刷同埋朱古力,香口膠就返番公司!
成個下晏真係悶,得我同Willy兩條友,冇野講!
我有我做野,佢有佢做野!
不過學校打0黎話校長改左返學時間,要我0地返星期3!
跟住我即同Willy講番!
好快5點9我就話走,返英文!
係灣仔地鐵站OK見到一齊上堂果個女仔,我唔記得佢叫咩名!
不過佢既感覺有點似小葵,幾好人!
之後我同老公去左買少少野食!上堂,今堂教果D發音,都OK難!
要死記咁!不過其實識左都幾有用既~
好快落堂同老公去30蚊飯食!食完就返老公家!
沖完涼就準備訓,聽日又要返工呀!~

>>January 19, 2006 at 11:16:13 AM GMT+8

2006 年 1 月 14 日 星期六 【晴】

今朝10點幾起身同老公家人飲茶!
睇報紙話日本拍小丸子真人版呀>0<
飲完茶之後同老公搭215x出尖咀行街!
終於!終於!得我倆行街街啦~太好!
不過四圍行行行.........冇買野,行左3粒鐘左右就走人!
返左APM,居然我0地一齊買左對 converse ~
因為老公果對拋左,我果對又舊又爛!結果買了同一樣!情侶鞋!
雖然只係平平地一對鞋,但係我未試過同男友會同一對鞋的!打算新年著!
跟住見到有得打鼓喎!打算行去玩下,點知見到個女人打到好興奮好投入咁!
於是我0地即走!Ｏ哂咀呀!
之後返左藍田!原本買滴耳果D水!
但係冇,而我又想食街市果度D魚蛋!結果買了!好味~
大埔花果山同德田街市果度都好好食呀!~
食完行返去停車場!老公車我返家!不過我訓著了!
好快6點幾7點前就返到家!THX老公~
今晚老公同肥雞出左去!而我留左係家!
睇TVB!李克勤宣佈成家立室!!!!!!!
不過年年TVB勁歌都係咁上下!覺得冇903咁好睇咁...
夜晚同老公傾完電話12點幾就準備訓了!

>>January 20, 2006 at 2:29:17 AM GMT+8

2006 年 1 月 13 日 星期五 【晴】

今朝老公返工,咁我留左佢家訓,不過呢...
佢老豆同佢亞哥都係度!有點唔知點咁="=
又訓得唔係咁好!發惡夢添!訓醒好興!
11點幾起身,12點多老公爸煮起左飯預埋我!
食完老公哥要落去買d野,跟住得番我同老公爸!
老公爸係咁同我傾計!好難得~因為我連同自己老豆都冇咁樣!
就算間屋得我同老豆兩人都好少可會講野.......
期間老公lunch都有通下電!
點幾老公媽返0黎我就走了!老公媽仲叫我打俾老公講聲!
驚老公又嘈話我走左,搵唔到我果D~
返大埔!亞媽同亞E佢0地行街...
我又想行下,結果行陣,買左bra~
去左食tea!食完亞媽去大元買送,咁我就返家了!
返到家上下網,打日記!等老公收工電我!
今晚係家食飯.....食完8點幾我就出去!
今日同老公9個月既日子,所以特別想見到佢!
而且老公又返工,今日見唔到,唯有去搵佢!
但係出到去佢同我講佢家人嘈哂!
因為家人嘈居然唔0黎接我要我自己上去!
咁冇地方去都算了!仲叫我一個女仔上去!果刻感覺唔良好!
因為我專登返番家,專登出返0黎!為既都只係見面!
居然唔接我!!!我唔講都唔會接我!就算一早話係家樓下等我,我都冇所謂呀~!
結果我自己係APM行左陣,
老公知我唔鍾意同燥!
?左車落0黎接我!跟住漫無目的入左將軍奧,之後返番藍田!
係廣田7仔買左野飲同魚蛋!去左鯉魚門,老公幫我拆開包野埋時跌左落地下!
算吧~唯有返去先飲野!
食完hea左陣返番停車場,咁0岩秋然打0黎!
跟住又去番觀塘車佢返上0黎!好彩返到去停車場唔駛泊到好低同埋都有個唔差既位!
上老公家,食左年糕!第1年咁早食!食完沖涼~
點幾兩點訓覺!



九個月.............
但係唔知點解覺得好似一齊左好耐咁...












>>January 16, 2006 at 2:03:47 AM GMT+8

2006 年 1 月 12 日 星期四 【晴】

又係返工既日子!
又係10點先返到去~呢期又係Carly早過我返到!
返到去又係如常hea下~Carly原來琴日都冇返工!
遲左lunch!等埋Carly收野!Willy點半左右返!跟住我同Carly就出去食飯!
借左220蚊俾Carly俾速遞!食完lunch Carly就去銀行禁番俾我!
下晏都係攪緊果D藥!
成日都冇同過Willy講過咩野!
5點Carly走,5點9左右我都叫走了!返英文!
係灣仔等老公等左一陣先上去!
上到去坐左陣就開始上堂!我隔離果個女仔用電腦用左好耐都唔肯走!
亞sir差唔多7點果時已經同佢講話我0地堂差唔多上堂!
跟住個女仔又問呢堂係上咩堂!
講真,關佢咩事呢???同埋一早同佢講左要上堂,點解又攪咁耐!
最重要走果時唔該都唔講聲,唔知想點樣!
今日好少人上堂呀!TL得4個!
放左學同老公去左食扒,食完就搭番603去老公家!
去到老公家飲湯!~之後陣沖涼!
點幾左右就訓覺!累........................
黑色星期五!其實都唔係好黑色0者~平淡的一天!都是好事~

>>January 14, 2006 at 9:09:55 AM GMT+8

2006 年 1 月 11 日 星期三 【晴】

返學...
8點幾就起身做功課!老公仲訓緊=___________=
做做做,做完就make up換衫!
老公起身冇耐就俾佢老豆小!~
10點2左右落街搭603,0岩0岩好有車!
去到地產舖印!老公買左腸粉食!
FUCK~70蚊!真係好貴!原本可以唔駛錢就印!
最衰係我成日D功課都攪到咁遲做!唔係可以係公司印唔駛錢!
印完返學!今日幾多人返~連H11班都有幾個返!
居然抽中我要講下我個題目!有點緊張!!!
好耐冇試過對住D陌生人講野!
12點8,9個字我同亞倩走!~不過我0地冇去食lunch亞倩就返工!
咁我落去機舖搵老公!冇錯!~又係機舖!
等亞星打完機兩點先去食lunch~
不過我同老公仲有濕東食完亞星都仲未打完!
之後我0地幾個去搭船去尖咀味千陪亞星仲有男仔君食!
亞業果時落緊場!期間老公同濕東出去買D關於我既野...
佢0地食完之後就漫無目的咁行!去到F.C.K,想買果件外套冇我size!
算吧~係第2間分店買啦唯有!
亞星之後又想打機!點解成日都圍繞打機0家!我真係好唔鍾意!
不過最終佢0地都冇打,原本打算打的去MK!
最終我0地行行行....行左去MK!
去到MK又唔知等個咩人!0黎左兩條粉腸!
跟住又去打機!我唔係好明點解D男仔咁鍾意打機 . \ /.
真係燥哂呀!!!!!難得平日!難得我同老公唔駛返工!
又係一班fds出街!一班都算啦~次次都係打機!
今日行街,老公同朋友講野多過同我講野!唔同我講野都算啦~!
係街上又成日睇車唔理我!
跟住又0黎多左兩條粉腸!!!!!又係話去打機!
嘩~我當堂真係燥!燥哂呀!!!!
老公問我,我話我唔鍾意!但係老公話只睇一舖!
原本一舖唔係問題!但係太多因素令我真係好燥!
我直覺咁多朋友係度一定唔會一舖就咁快可以走到!
再加上我今日已經冇得去迪士尼!叫你食少D煙,你往往都同我講兩啖兩啖半支咁!
呀!!!!!!!真係好燥呀!
跟住我唔去機舖決定搭車走人!
原本我唔打算咁快就返家!老公送我搭bus我就熄左電話!
返到大埔,行左陣,係公園坐左陣我先開番機!
我預左會俾老公話!但係我當時真係好燥!想靜下!
冇錯~我一唔開心就會坐下公園,行d靜d少人既地方...



我唔明點解一個月都冇一次一日全日只得我倆去街!
係公園TOTO有打0黎,佢0地去完迪士尼返緊0黎,仲話買左打俾我!謝謝~
係公園同老公講左陣電!佢燥,其實我仲燥!!!!明唔明我燥同埋點解熄機既原因?
其實我知好少事!但係............可能太多因素令我咁!
或者我唔識同人溝通.....................................係我咩野都唔講!
係呀...係我次次都要人泵!



返到家攪到冇飯食!整左杯麵!
今晚我真係好唔開心呀!!!!!!!!!!!!!!!真係好唔鍾意!!!!!!12點幾訓了!
就當我太唔成熟,太細佬女吧!~





>>January 14, 2006 at 9:11:52 AM GMT+8