2005 年 12 月 4 日 星期日 【乍雨乍晴】


今朝起身返工,好累...又訓得少!同老公通電!
佢今日早起!同佢家人落左街食早餐!之後同佢表哥搭火車!
去到沙田佢打俾我!傾左陣電~我返到公司都食個包!
之後hea哂!因為冇野好做!我要做既野都做好哂!
Willy今日居然11點幾就返到!早過Carly呀!!!
Carly原來星期六返過0黎公司洗冷氣機!
好彩公司有Carly,唔係一定好烏漕了!我又唔多理公司D野既!
因為我覺得我只係度做野,又唔係我既家!通常我做好自己本份就算了~
而且我D工作做極都做唔完的!
下晏同Carly食飯!而家我0地成日係a-one食!
果度D野食都ok好食的!次次去都爆場!可能係呢條街最好食既一間掛!
食完又開工!通常我D野成日都留番係下晏先做!
So下晏係特別忙!要執番靚仔D相!
Carly係3點幾果時上唔到網,send唔到e-mail!
佢成日都冇上網0家啦!差唔多收工攪埋d手尾先知上唔到!
結果攪上網攪左好耐!又打電話又搵Willy幫手!
好彩公司有Willy,Willy好似識整好多電腦上面既野!
唔知邊度燒左,佢即落街買幫Carly整!
Carly都唔識呢D野,之後Willy叫佢走先!結果Carly5點前就走左!
佢今日遲左收工!而我5點9左右都準備執野走人!
要返英文!今日對眼好累好累好累...可能唔夠訓又對住部腦關係,好廢神!
我呢兩次上英文之前都冇食野!GOOD!我決定左上完堂之後先食飯!
上堂有小休,小休果時我去廁所照鏡見到對眼紅哂!
我覺得對眼好累好痛咁!好辛苦!
今日上堂都冇哂心機上!冇點聽!o..............
又睇唔到D野,比平日更加睇唔清楚D野!結果搵老公幫我抄筆記!
好快落堂,同老公等小巴返去!等小巴時好凍!
今晚轉冷,真係好凍呀>口< 好彩有老公攬住我!
落車之後我0地都攬住咁行返去!落車後都好凍呢!~
老公住果度好凍!同大埔有得輝!因為居住係山上既關係!
老公爸煮左飯,老公爸琴晚已經叫我今晚返去飲湯!
返到去,原來老公爸同老公哥一早食左飯!
佢0地專登煮多次飯俾我0地!食食下老公媽都返到!
佢又係未食飯!之後一齊食!又飲左兩大碗湯!超飽!
我覺得老公一家好溫馨,佢個家庭好溫馨,好暖!
um..............我都好想我既家係咁!
我既家人唔會好似老公家咁!我既家人好正經好正經的!
同埋諗野做既野都好現實!
老公媽仲俾左生老公出0黎既臍帶同BB住院既手帶俾我睇!
呀...點解我媽冇留住呢d野既?
我到而家都唔知自己係幾點出世呀!一直都好想知呀/_\
不過而家呢個年代留住臍帶係for將來有用途的!
所以我將來生BB一定會留住!唔怕一萬至怕萬人ma!
老公媽講起佢兩個仔都好開心好開心!好攪笑!睇見佢好sweet既樣子!
唔知我幾時先會有咁溫馨既家庭呢?
之後等老公爸同老公沖完涼先到我沖!好眼訓好累呀真係!
果刻好想唔沖涼就訓覺!
沖完涼老公仲等緊我!我仲以為佢訓左!因為佢沖涼前就訓著0家啦!
之後準備訓,但係又.....................
成兩點先訓!唔知點解今晚我好唔想!因為我真係好累!="=
我唔想又訓咁少返工!我知老公份工一定比我辛苦係體力上...
但係對眼係靈魂之窗,所以睇野好辛苦既時候真係好辛苦的!
事後...我大發脾氣!我未試過係咁咬佢同打佢,仲發好大脾氣!
果刻我都唔知自己咩事!可能我真係好累吧!對唔住呀老公...!!!




>>December 6, 2005 at 1:57:42 PM GMT+8

2005 年 12 月 3 日 星期六 【晴】

今朝起身覺得喉嚨仲係痛!個頭仲有少少興興地!
原本唔打算去睇醫生,但第２果個講左俾亞媽知,所以被迫去左睇醫生!
老公１０點幾就出左門,同湯威去左剪頭髮!
佢地琴晚無接到亞哥!老公個老豆接!
同老公講我去睇醫生,點知佢剪完頭髮就０黎搵我!



但係佢家人係尖咀等緊佢!
老公點幾就０黎到!佢個頭幾好睇呀!
因為D油係哂個頭度!用天拿水攪到個頭好＜ 那 ＞!所以要剪!
我以前都好鍾意Ｄ男仔剪到類似係咁的!睇醫生等左好耐!
入到去睇醫生時有個姑娘大左肚!我記得佢之前未大肚的!
或者可能我果時見佢0岩0岩有左兩,三個月掛!不過個姑娘都幾young的!
我見到即望一望佢再望望佢個肚!
我當時有少少驚訝!就後望佢時,佢對住我笑,我都對番佢笑!
因為之前我返大B時係度睇醫生,佢有問我擦拆毛液既問題!
所以呢個姑娘我特別記得!因為睇落去唔係大我太多!大約兩點多先睇完!
跟住我０地去左買包同水!原本打算搭７２去沙田轉車去大圍!
因為老公家人去探佢地亞太!但係老公個老豆吹!
所以最終我地打的去!上到綠的個士機又話去唔到果度!
到威伊斯果邊放抵我地再專紅的去!
又係威伊斯!連續兩日０黎!
又係去大圍,老公成日返工係呢度!熟哂了!不過而家轉左係沙田!
去到茶樓,終於見到老公亞哥!
老公家人係咁話老公遲果Ｄ!話好少一家咁齊整,又一齊探亞太!
um....其實我都好耐無同家人聚下,飲下茶!
而家既我少左係家食飯!好掛住媽媽煮既送!
我覺得自己一直無好好孝順家人!
老公家人知我病,老公個老豆係咁話一定要食野先可食藥!
唔係會暈!我話食左包!佢話唔夠的!
飲完茶之後送埋亞太我０地就搭８０號返觀塘轉小巴返去!
去到德田,佢０地去左買送煲湯!
老公同我係７仔等!之後老公又話要去廁所，所以我０地走先!
返到老公家無耐我就訓著左!因為食完藥好累好眼訓!
訓左一粒鐘左右起身!老公個老豆差唔多煮起飯!
而老公亞哥落左街買野!
食完飯等Ｄ湯煲起先飲得!無耐老公亞哥彈琴!
我覺得老公亞哥同老公係兩個性格既人!老公亞哥斯文好多!
不過老公亞哥講野暗串Ｄ!
老公媽同爸成日講我同老公拜堂成親!又話要幾錢!
老公爸又話成左親就當我係女咁!
老公話佢家人好鍾意我!
最驚Ｏ咀既係老公爸今日等車返去時話生仔好過生女!
又話早Ｄ生好Ｄ!
今晚老公出左去同亞迪吹水時,老公個表哥又講咩洞房!
之後又話我同老公一早洞左!
老公亞哥聽到就即話佢表哥唔可以咁講野!果時我都Ｏ咀!
佢表哥今晚飲大兩杯喊......有d驚=.="
因為佢媽媽...佢掛住佢媽媽!話老公媽似佢媽媽!
um................孝順...唔好後悔...其實都0岩既!呢點我清楚明白到!
老公爸話我面青青!佢煲左唔知咩湯!話唔知對咩好!
要我,老公同老公哥飲兩碗!飲完湯飽哂!
抖左陣老公車我返家!亞迪都有跟堆０黎!
夜晚凍左!謝謝老公送我返家!



返到家俾亞媽話我唔聽電!其實我見都返家囉!咪唔聽囉!
返到家即沖涼!沖完收到老公sms話車個window close唔到!
攪左好耐!搵埋老公個老豆都攪唔掂！最終佢地拆左機頭出０黎就走了!
原來老公個老豆一早就個window有Ｄ問題!但又無講!
跟住等埋老公沖完涼傾多陣電１點前就訓著了!
今日成日都覺得好眼訓好累咁.............



>>December 8, 2005 at 12:59:18 PM GMT+8

2005 年 12 月 2 日 星期五 【晴】

今朝7點幾老公起身返工!好眼訓呢我!訓到11點多先起身!
起身之後頭暈暈咁!個喉嚨痛痛地,呢個情況已經兩日了!
跟住我make up,幫佢家拖地!太烏漕了!知道老公哥今晚返0黎!
俾我去外國讀書,都好想返到家見到個乾淨既地方!
因為自己家永遠都係最舒服的!
佢個地我足足拖左7,8個字!實在太烏漕!最近拖果時應該係3個星期前既事!
果次都係我拖的!拖完之後我抄番D note!
執番好少少個樣就出門!去到九龍塘亞星打0黎話老公成面都係油!倒瀉左!入眼!
呀!!!!!!!!咁唔小心呀!
去到沙田亞星再次打0黎叫我去威伊斯!我一落火車就打的去!
老公好痛既樣,好彩對眼仲睇到野!但係紅哂!因為亞星幫佢用火水抹乾淨!
見到佢咁好辛苦!我都唔夠膽掂佢!驚佢痛!未見過老公咁驚!佢驚盲睇唔到野!
等左陣先有醫生check佢!好彩對眼冇咩事!
但係老公發脾氣打傷左隻手!腫左少少...
呀...點解你成日發脾氣都係咁0家!後果就係自己痛!為咩呢?
其實我聽到亞星話你入眼又成臉到都係油!果刻我真係好擔心!
擔心你會盲!無論點都好!就算你盲左我都會係你身邊的!



大約半粒幾鐘就走人拎藥!我幫老公拎藥!好彩拎藥果度唔多人0者!
之後拎完我0地行去搭火車去亞星家!
第1次搭馬鐵!係火車站買左個包!
老公要沖好涼先返家!上到亞星度,佢家真係好亂!
亂到......唔知點講!D衫四圍都係!抄戲咁!佢亞妹房都好亂!女仔都係咁呀=.="
見到佢細佬,佢0地有少少似樣!不過佢細佬靚仔D!
老公攪掂好哂6點左右亞星送我0地落去搭車走!
就係咁,同左佢老公搭車返藍田!返到去老公老豆,媽仲有佢表哥都係度!
佢老豆仲教佢買奶,蛋洗面,咁塊面就冇咁痛!
老公媽即落去買奶!之後等埋老公洗完臉就落去食飯!
好肚餓........我成日只食左個包!餓到麻左了!
我叫咩無咩,慘呀!!!
食完飯之後老公送我去官塘搭bus!
係APM行左陣,係APM影左聖誕裝飾既相!
行樓去時見到家強同佢女友!佢0地今日11個月!
我仲以為佢0地一齊左年幾=.="...跟住去搭車!
11點多返到家!老豆係度!返到家食左個紫米露!好耐冇食了!我以前係好鍾意食的!
要好熱好熱的!大果個以前夜晚買糖水俾我食都係買呢個!
um...............好耐冇試過咁了!以前成日都食宵夜的我...
食完上左陣網,打番日記!等老公沖完涼電!
傾左兩句佢就訓,因為要凌晨起身接佢亞哥機!
而我打陣日記12點幾就沖涼!

>>December 5, 2005 at 1:53:05 AM GMT+8

2005 年 12 月 2 日 星期五 【晴】

其實我係咪真係咁易俾人呃?
其實我係咪會黑到人?


>>December 3, 2005 at 5:01:11 PM GMT+8

2005 年 12 月 1 日 星期四 【晴】

今朝起身返工,8點先出門!不過返到去都係9點2個字左右0者!
食左三文冶就做野!呀~~~我冇交電話費兩個月!
今朝已經唔可以打俾人,只有對方打俾我,我仍然可以聽電!
發覺而家既人已經習慣左用手提,如果冇左手提就等於同外間隔絕咁!
再加上我一向都唔會記電話number!所以我冇手提更加唔得!
攪到今朝成朝只有老公打俾我!只有佢send sms俾我!
我又唔可以覆番俾佢!慘...........
今朝成朝都冇野好做!同Carly吹水!
下晏同佢食飯,食完我就行去交電話費!好遠呢~
係官廣見到肥雞同佢家姐!肥雞又玩我D頭髮!佢剪左頭髮,因為考車關係!
lunch之後我又多野做!係咁整相!好亂呢~
不過我早3個字走人,因為返英文關係,我唔可以唔早少少走!
其實早3個字都唔係好過份0者!Carly仲教我5點就走人=___="
一落到公司樓下就見到老公!佢係樓下等我呀!
>口< 點解你今日會3點幾就收工既?有點意外開心呀!



之後一齊搭去灣仔!老公知我袋野重幫我拎到出去!THX!~
去到灣仔我冇買野食,淨係買左野飲!因為我決定左都係放學先食野!怕肥...唔想食太多!
上堂,今日上堂冇之前上堂咁眼訓了!可能班房轉大了關係?
中間又有小休!同左D同學仔傾左兩句計!
好快落堂同老公係灣仔食飯!又係食扒~呢期唔知仲咩事成日食扒...
食飯期間老公又話左我兩句!跟住攪到我決定左都係返家訓了!
食完飯同佢去左正形樓下間機舖打左舖機!因為見到金毛仔係度所以同佢打舖!
打完之後老公都話送我搭307 0家!係咁問我係咪要搭307走!
我話係!跟住佢話再問多我一次係咪真係要搭!我都係話係!
最終佢都係話唔好,要搭603!最終都係搭603返左佢家!
返到去冇耐就沖涼!沖完涼吹完頭抄埋少少note就準備訓!



過埋今晚你亞哥就係澳洲返0黎過聖誕節了!
所以唔知要等到幾耐間房只有我0地兩個呢?
今晚你就訓著時,蒙蒙糊糊既時候我同你講不如分開下!
um...............我從來未試過同對方講過呢D說話!
唔知點解今晚會想講...
或者...我想知你有幾愛我掛?



不過你都訓覺了!聽唔清楚我講咩野...........算吧!~
無論點我都咁愛你!因為我唔捨得!
愛...真係可以令人麻目!
仲記得以前我同過自己講過第2次拍拖我唔可以再咁愛對方!
因為我知愛得越深傷得越深!害怕被傷害既感覺...

>>December 3, 2005 at 5:28:17 PM GMT+8

2005 年 11 月 30 日 星期三 【晴】


朝早8點7,8起身返學!返番基礎字體!Roymand教!
10點7左右返到去!原來全日制既學生係好準時返學的!唔同到我0地半日制!
或者可能我0地半日制日校返得早關係吧?
um.......呢堂...真係好基礎!有點唔想返!
教既野我都識!教咩字體果D,果D我已經知道!
呢班應該係新生0黎!有個女仔好多野講!um..............諗番,有點似以前既我咁!
以前既我,好多野講,好幼稚!um...諗野好幼稚!
上堂做果個唔知咩字!要我0地畫!
佢0地要畫兩張!但Roymand只要我畫一張!都好!唔駛做咁多野!
因為我真係冇咩時間去做呢D野了!我寧願將D時間放係畢業作品身上!
落堂之前兩個字校長入0黎同我0地講野!基本上唔關我事!
但係我要捱屌,因為我坐係呢個班房!
佢0地班之前上堂整發泡膠果D攪到個班好似打仗咁!仲勁過以前我0地果班!
好似落雪,好夠造囉!~有咩可能咁0家!完全唔理清理既人既感受!
好多野講果個女仔仲笑哂,校長係咁望住佢都仲可以笑哂!o.....my god!
有時笑都要睇情況!要睇下咩時候要認真!
落堂之後打俾老公!跟住我0地慢慢行去搭地鐵火車去大圍搵老公!
之前佢同亞星去左打機!所以遲了食飯!
同佢0地食完野去咩金獅花園果邊做野!
但係佢0地做做下有安全果D人0黎!話佢0地冇戴安全帽果D!
跟住攪到佢0地停頓哂!亞星打俾佢老豆!
最終我0地搭小巴過番去佢0地原先做果個公園度做埋D野!
期間我冇野做,見到隻好細隻既四腳蛇!應該係BB 0黎!
見到佢好攪野,跟住我玩佢!點知玩玩下佢死左=.="
開頭佢扮死反肚的!之後又見到佢反番轉!跟住我又再玩!
跟住玩到條尾都甩埋!冇耐死左=___=" 亞星即踩埋佢條尾!咁就玩完了佢個生命!
5點2左右收工走人!去左睇老公踢波!
同老公返左家先,因為佢揸車去官塘整兩個車軚果!
係興田車埋秋然落去!去到整埋先行去康寧!
老公踢到9點走人!跟住我0地去左我公司附近度食野!打邊爐!
第1次同老公打邊爐!只得我0地兩個!食完之後陪我上左公司好快就走人!
老公揸車送我返家!THX老公>3<
返到家即沖涼!之後同老公通下電!1點左右訓著了ZzzZzZzZzzzzZZzzz........


第1次上左去海港城同係海港城後面睇海境,
以前既我係未試過去果度!好想.....去多次...感覺...真係好舒服!我好喜歡!
第1次有人當面同我表白!
第1次有人係巴士站同我表白!
第1次有人追我追咁耐!
第1次有人為左追我咁認真!
第1次同男友傾電話傾到5點幾!
第1次帶男友返家!
第1次有男友請我家飲茶!
第1次有男友揸車送我返家!
第1次有男友幫我手攪好電腦!
第1次男友病陪佢睇醫生,或者整親會去照顧對方!
第1次我病會有男友上0黎我家陪我!
第1次請男友食飯!
第1次為男友買衫買藥膏等等!
第1次同男友睇煙花!
第1次同男友去沙灘!
第1次有人送帽,送手提俾我!
第1次有人買兔仔燈籠俾我!
第1次中秋節去鯉魚門碼頭睇海境!
第1次返大陸!
第1次有男友咁著緊我!
第1次有男友陪我剪頭髮!
第1次有男友買我鍾意食既野俾我!
第1次送香水俾男友!
第1次整蛋糕俾男友!
第1次有情侶戒指!
第1次做愛!
第1次係公司做愛!
第1次食事後丸!
第1次用驗孕捧!
第1次有...
第1次同男友沖涼同幫我沖涼!
第1次有男友幫我吹頭!
第1次係街上俾男友話!
第1次被人甩手!
第1次為對方家拖地,晾衫,收衫!
第1次幫男友執衫!
第1次係男友家訓!
第1次同男友家人食飯!
第1次同男友兩個人打邊爐!
第1次凌晨同男友行條咁靜咁長既路返男友家!
第1次自己唔駛咁早起身但都打俾對方叫佢起身!
原來....................我真的獻出好多第1次俾老公!
或者我人生經驗太少...拍拖經驗太少關係吧?

但係...我仍然有好多野想做!
我想去沙灘睇星星!
想同對方過每個難忘既節日!
想浪漫..............
仲有...好多想..............................

>>December 8, 2005 at 1:02:35 PM GMT+8

2005 年 11 月 29 日 星期二 【晴】

因為琴晚功課太夜關係,所以今日訓到點幾起身!
不過我今朝又訓下醒下咁!老公訓到差唔多３點先起身!
我沖埋涼make up完先起呀佢!老公沖完涼後收到肥雞電話佢地既朋友大咀鳥結婚!
攪掂好哂Ｄ野之後去左德田食野!下午茶時間.......
食完搭出灣仔交功課!去到學校話１２號要返番school聽做畢業作品集既野!
交哂Ｄ野陪老公打左舖機就搭船落尖咀!
原本打算落尖咀再去MK買藥的!不過最終都係決定唔買藥食了!
um...........好似好耐無搭咁!有點大風,幾大浪下!
我覺得聖誕節一定要搭下船睇雨海境,睇下燈飾!
聖誕節我一定要買朱古力獎勵自己!呀~~~我好耐冇試過好好地過聖誕節了!
兩年啦!兩年我忙於工作!聖誕節都冇得去玩!冇得好好咁感受聖誕氣氛!
今年既我有拖拍,我真係唔想浪費今年晚聖誕節!
我真係好想好想今年既聖誕節過得開開心心!希望聖誕節冇俾老公話我已經好滿足!
禮物既已經唔重要了!我只想好好感受下聖誕節既氣氛!感受下別人既快樂!



去到harbour city,呀!!!好靚呀真係!D飾物整得好靚呀!
有波波,水晶燈,閃閃下!真係好靚!點解年年海港城都咁靚既?
跟住影左幾張相!好多人影相!



係海港城同老公搵佢個朋友大咀鳥!佢結婚呀!!!
１９歲就結婚了!我都好想早婚呢!
搵完同老公都無點行就走,因為老公媽一收工無同到老公講無邊度等!
自己走左去地鐵站等老公０黎食飯!
於是老公要返去了!送我搭車........
其實我好想行陣街呢!好耐無同老公好好咁行下街啦!
不過算啦!你媽在等你!唯有第2日先!行街其實幾時都可以行!
係等巴士其間老公同我有少少問題!老公即行開一邊!我無理佢!
因為佢推開了我!最終佢都汞番我!算你啦!
返到家打邊爐!老豆應該今日放假!第２果個都係!
食食下無耐大果個收工返到!佢而家調番大埔果間做!
今晚好齊人咁!食完打俾老公,不過佢同亞迪吹緊水!
隔多陣佢打番０黎,傾左陣電!無耐沖涼!
跟住等老公沖完涼電我!傾到１２點左右收線!老公聽日仲要早起返工!
我都要早起,不過只係８點幾０者!要返學補番課呀!
收線後我上左陣網先訓覺.............
喜歡喜歡喜歡喜歡喜歡.........聖誕節呀!
期待期待期待期待期待期待!

今日影既相第2日先post!
之前係九龍灣影既相都未post!仲未save係部腦度!
第2日一次過post哂!

>>December 3, 2005 at 5:08:51 PM GMT+8

2005 年 11 月 29 日 星期二 【晴】

原來人真係可以同時間鍾意兩個人
兩年幾前我學懂同認同呢句說話
估唔到我而家都仲係認同呢句說話

>>December 3, 2005 at 4:06:44 PM GMT+8

2005 年 11 月 28 日 星期一 【晴】


返工!返到去遲左兩個字左右!老公遲到呀都!
好彩亞星佢0地未0黎到0者!
跟住我又慢慢食下包hea下,係公司打左兩篇日記先開工!
Carly11點左右返到!冇耐Willy打0黎!叫我今日盡量post哂D相!
我會盡力!但都唔夠相!有D漏左!
下晏同Carly出去食飯!其實Carly真係幾好人!
佢份工係自由工!之後Carly話我果份都算係!
因為最少有半日都冇老闆睇住做野!
食完又返去開工!執下D相咁!
Willy居然冇返!今日成日都冇返呀!!!
Wo~~~~太好了!Carly4點幾走左!之後我又hea住咁做!
6點左右就做自己D功課!今日返工實在太free!~~~
希望Willy唔會話我做既野唔好啦!
老公收工打俾我!冇耐佢又話湯威女友都睇佢踢波!問我去唔去!
佢問到,我當然去!不過我只去一陣,因為仲有好多野做!同埋我都好累!
出到去係地鐵站等左佢0地一陣!0黎到,點知原來湯威女友要返大埔!唔睇!
o..............咁得我一個女仔!但係我都行到落0黎囉!唔通我唔去咩~
之後送埋佢女友搭車就走人!湯威又唔知話搵邊個!
咁我同老公行左去先!去到佢0地又猜下波咁!
我又坐下!康寧爆場!佢0地踢左一場就走去巴士廠再踢!
果時都8點幾了!點知去到巴士廠個個都有場紙!
要等到9點先踢得!老公知我好累!所以都冇踢到走人了!
跟住同我去食晚飯!去左果間皇馬餐廳度食!
我勁耐冇食過咁難食既野了!又叫左扒!但係真係超難食!食左少少我就冇食!
哂左60蚊!真係貴!覺得呢餐好貴!因為太難食了!
我知我再食落去就會想嘔!好少可講D野食難食=.="
黑椒汁冇黑椒味!牛肉咸到仆街!個黑椒汁又咸!攪到咸上加咸!
我0地原本坐第1張台時有小強!呀~~~救命!最驚呢D小動物!之後要轉台!
呢間野十分滿分的話,佢一分都冇呀!!!有TV睇都係咁話!
食完返番公司!原本打算買野食上去!但係公司附近果間7仔冇咩買!
萬寧又收左!最後打算做完野先去食野!







上到公司做做做,er.............好核突!算吧!好過冇野交!我盡量都會交功課的!
我做完到老公做!我幫手cut card broad!



3點幾坐左係度訓著左!之後老公話做完!佢幫手表!
因為我實在太累!同好眼訓!So燥燥地!
做完4點左右走人!去左間24小時營業既茶餐廳食宵夜!
我覺得呢個米粉仲好食過食扒好多!24小時營業既居然仲好食囉~!
食完走人!平時就樓下就有得打的!今次我0地居然要等!
好大風....夜晚好大風!而且我返工果度近碼頭!再加上凌晨!真的好大風幾凍下!
老公仲著波衫波褲,短的!凍死佢了!
打的返到去我涼都冇沖,淨係落妝,洗臉,刷牙就訓!
但要等埋老公沖埋涼先訓得!
GOOD NIGHT!

>>November 30, 2005 at 4:20:22 PM GMT+8

2005 年 11 月 27 日 星期日 【晴】


今日老公冇返工!一早起身入左九龍灣攪架車保險D野!
我仍然訓緊!11點左右佢就返到0黎!之後get到佢上左床,所以我醒了!
老公每次知得我一個係家都會趕快返0黎陪我,好好!!!
起身冇耐make up果D!亞君返左school交功課!交完0黎左藍田搵我0地!
點幾去食飯!老公係我make up果時已經迫我今日去剪頭髮!
話佢要返工,我又要返工,難得今日可以陪到我去剪!
最終去食完泰粉就落牛頭角剪頭髮!
亞聰幫我剪!勁耐冇梳過頭!佢好細心!剪左成粒幾鐘囉個頭!
亞聰仲係咁講笑~又叫我飛左老公佢!嘿...
之後又等個頭乾,佢幫我執一執4點幾就走人!
期間濕東起身都0黎!我剪完佢0地就去打機!
我返番公司拎功課!走人搵番老公!我有點唔舒服!
抖氣又有問題!好想叫老公行慢點!我0地行去搭601出灣仔!
老公見到我唔出聲,佢又燥燥地咁!
之後先知原來我抖氣唔順先關心我/_\..........
係school樓下見到校長!交完仲叫埋書記果D幫我0地貼學生証!
因為睇戲可以平ma!攪掂好走人!買左少少野食上我返英文果間school度!
食完冇耐就上堂!今日上堂覺得好累!好眼訓咁,唔知點解.....
中間又有小休!好快又落堂!
落堂同老公左灣仔之前我0地睇煙花食果間餐廳度食扒!
食完好快就走人,老公送我搭bus!等左好陣子!



返到家12點前!GOOD~早左兩,三個字!之後即沖涼!
沖完同老公通電就準備訓了!
聽日返工返工返工..................................



>>November 30, 2005 at 4:22:40 PM GMT+8