2005 年 9 月 23 日 星期五 【雨】



>>September 24, 2005 at 7:23:11 PM GMT+8

2005 年 9 月 22 日 星期四 【乍寒還暖】

今朝超唔想起身呀~如常返工!0岩0岩好返到去食個三文治~
之後又hea!Willy如常9點7,8個字打0黎!
跟住叫我改下本書果渣~成個朝早佢都未返到!
1點左右同老公食飯!~食完又返番去!
我估Willy返到去冇耐~有人0黎整printer!
3點幾先開始改下本書!到4點幾大老闆0黎左!
打左個電冇耐好快手又走左,好似好趕咁!
到5點幾Willy先教我野!教我畫藥盒,size,又要0岩比例呢樣果樣!
教我用快健,用下D制咁!寫左D資料!實在太多野記,唔識...
我又冇記性,好差,返左兩個幾星期工一D進步都冇!停滯不前!
OT左半粒鐘,老公因為冇地方去好早已經係出面等我收工!
要你等我咁耐,唔好意思呀!~我知出面好熱呢~
出面落雨!天氣比朝早差好多!好彩有帶縮骨遮!
跟住老公送我搭車!佢今日好累!不過其實我都好累,成日對住部腦!
對眼............真係幾累=.="
搭車又訓左陣,落車打一打俾老公!跟住行返家!
以為有飯食,點知冇,老豆老母今日去完旅行返0黎啦~
肚餓............結果整左公仔麵食!
食完冇耐打俾老公,傾電到10點多D去沖涼~
跟住幫老公洗埋條白褲,其實條褲係我家已經有段日子,我一直都未洗=___=
之後又打番俾老公~不過佢要執下D雜誌!
跟住佢同亞迪落到街打番俾我,傾左陣電~眼訓呢...........
老公上番家時再打俾我傾多陣就收線,而我post埋D相上個網就訓了~

>>September 25, 2005 at 6:32:20 AM GMT+8

2005 年 9 月 22 日 星期四 【乍寒還暖】

今日夜晚返家係咁post番之前D相上網.....
8月30日係上水等老公爸時影的!



我仲咩事?



嘿......



Cool~~~



傻傻的我=___="



8月10號老公0黎左我家影的,玩緊塔斯中...



8月16號老公打算送我回家係佢家出面影的




唔記得邊日陪亞星去CWB Snoy整PSP時影老公捽眼



前幾日影的,皮膚差了/_\

>>September 23, 2005 at 4:56:43 PM GMT+8

2005 年 9 月 21 日 星期三 【晴】

1號風球
今朝七點兩,三個字起身!之後make up叫老公起身!
都係第1下叫佢係起唔到,第2次叫先起到!
準時出到門口!8點7,8個字就去到灣仔!
我好耐未試過咁早去到灣仔了!係school樓下撞到亞星同亞倩!
上到班房大家都忙於表起同寫夠果渣!
跟住到9點半左右先開始講下自己件作品!
不過我太訓眼了,居然人0地講緊果時我訓著左!
好彩咁0岩差唔多到我講時醒了!唔係俾人話=.=...........唔係咁好意思!
我勁耐冇試過係班上訓著了!以前中學就日日都會!
今次Angela仲派番我0地之前個書刊設計俾我0地!
攪到好多野拎!好彩老公幫我拎埋,不過好重呢~
放學之後同亞倩食早餐!睇TV見到打一號風球喎!
唔怪得天氣咁熱同焗焗地!而家D天氣真係反常,都秋天啦!仲打風...
夏天又唔見佢打風!今年打少左好多風............
跟住坐左陣11點半左右先行去機舖搵老公!
陪佢0地打機,今日見到男仔君佢0地玩督督機,跟住我又一齊玩!
以前我好鍾意玩呢~又係幾條友一齊玩!好耐冇玩過/_\................
冇耐老公同亞東,男仔君一齊去30蚊飯度食飯!
亞星同一個唔知咩既野人係佢0地食完先0黎到!
但係食飯時間係好多人的,亞東又約左人,我同老公又眼訓,
於是我0地冇陪到亞星走了~
搭車時老公訓著了!返到家兩點幾訓著左!
但3點幾老公爸打俾佢,醒左醒!
冇耐老公醒了,跟住老公起身我又唔知點解嚇一嚇醒了一醒!
跟住太累冇理又訓翻!跟住老公晾衫晾到發哂脾氣冇啦啦係度嗌!
又嚇醒了我,個人仲係wing wing地,未訓醒~
連續嚇兩獲!所以最終決都係唔訓了!
幫老公晾衫見佢發脾氣!點解又叫我唔駛幫手果渣~
我知佢點解會發脾氣!不過好快冇事,跟住佢又累又訓.....
原本我想早點返家!不過佢老豆買左送,叫我一齊食飯!
於是都冇返到同大果個食,留左係老公家食!
幫手買鹽果D!買左D零食返去!仲食左魚蛋果D先返去!
返到去老公爸煮飯!冇耐我幫老公< 節 >衫,因為佢一直都話我唔幫佢!
好快攪掂整齊之後出番廳,等老公媽返0黎食飯!
食完7點幾8點老公陪我搭車返家>3< 搭車期間亞屎同鯉魚一齊打俾我!
鯉魚話有fd開美容院問我有冇興趣返!
不過我都冇讀過呢行,咩野都唔識,佢仲話係荃灣,一入去做咩都唔識得3000蚊左右!
咁我當然唔做啦!而且我而家都有工!雖然人工都唔係高!
不過起碼我係讀呢行先~好快就收左線!其實都唔係幾好意思...
因為好似人0地幫我搵到工而我又拒絕左咁!
返到大埔慢慢行返去!返到家即沖涼~
沖完涼冇耐打俾老公,因為佢話要眠一眠,咁打俾佢叫佢起身落車!
點知佢落車後撞到猩猩,於是收線了~!
今晚有D唔係咁開心既野.........又喊="=...我真的太眼淺了!係咪都喊一餐!懦弱得很!
um...其實係我自己睇唔開..............
12點多同老公傾電,傾左陣就收線訓了~
計一計原來由中秋節果日到而家日日都對住老公,除左一日返家訓幾果幾粒鐘之外........
不過其實都好勁啦!我0地日日見都冇嘈過交,
雖然有時佢發脾氣,不過好快就冇事............

>>September 25, 2005 at 6:38:54 AM GMT+8

2005 年 9 月 21 日 星期三 【晴】



>>September 24, 2005 at 4:39:47 PM GMT+8

2005 年 9 月 20 日 星期二 【晴】

今朝返學,7點起身,準時搭9出到門口!
返到去冇耐校長入0黎,係度派左下之評審要交既科功課!
跟住又講埋D廢話!~um........就算佢講幾多野都好,本人都不太喜歡!
因為佢係度又話上年同前年傑出果兩個都H班!
而家我0地係H班,又話應該要更加好果渣~
車.....人比人比死人!搵以前0黎比,Holy FUCK啦!~
講0黎講去又咪面子!又咪籍著我0地D學生令到更學校既校風更好0者!討厭.......
冇耐9點幾有個< 近利 >既人0黎同我0地講有個利是執比賽參加!
造紙既大公司真係唔同D!連派俾我0地既野,紙都係D靚紙!
好快落堂同亞倩食早餐~!食完又去搵老公!
今日冇同到亞星佢0地食早餐!去機舖搵佢冇耐就返去佢家!
因為我0地今日行程好緊迫!要印聽日交果份功課!
返到去老公落去拎乾好既衫,而我就幫手收衫同晾衫~
攪掂好哂冇耐就出去!落左官塘搵肥雞!
買左飯盒食!上到去佢0地又打機!
跟住用肥雞部腦執執張圖!4點左右肥雞要練結他,因為佢今晚9點要去學!
我同老公太累了,坐係度都訓著左!
5點幾醒冇耐就落去食左個粉跟住搭車出灣仔!
搭車時又訓著左,塞車塞到我訓著了~
冇耐老公叫醒我,個人仲未醒得哂行左去藝林買紙!
買完紙拎去印,老公同肥雞夾手夾腳一齊cutA3 size既紙!~
期間亞ca打過0黎,原來我之前搭車時冇鎖個電話,唔小心打左俾佢!
因為佢電話number係我手機度排左係第頭果幾個!
冇耐TOTO打0黎,原本我今日打算黃昏返去搵佢拎handcream同落妝綿,
因為佢之前幫我買左到而家咁耐都仲未俾到我,
大家成日時間都唔夾,佢又返工,我又有時有野做果渣!
佢打俾我果時仲印緊野,攪到唔可以返番大埔拎野添=___="
真係唔好意思,要你今日拎出去荃灣又拎返入0黎,結果都係俾唔到我!
唔好意思......下次到果一日我會再打一打確實下!
又或者下次我0地出街時拎埋俾我呀~!
印完買埋cardbroad就搭MTR落尖咀!肥雞學結他!~
行到地鐵站時JOJO打0黎問我訂唔訂鞋,
我呢期都冇時間睇果個網,so......唔知有冇鞋睇0岩!
結果都係同左佢講話唔訂啦!~唔好意思...拖左咁耐/_\
去到果度我0地太累冇四圍走,係佢學結他出面坐係度睇下書等佢!
10點左右又搭番車返去官塘!係官塘再食飯!同老公兩份食!
因為我知自己一定食唔哂~而老公又餓...
食完搭小巴去老公家,一去到老公家冇耐沖涼~
肥雞同老公噴膠同表起兩張poster,跟住再cut!
原本今日唔打算係老公家訓,不過我0地返到官塘成11點啦!
仲未表呀!於是上老公家表埋佢!
如果我12點係老公家走,返到家都點幾了!仲要沖涼果渣~起碼攪到兩點幾先訓!
第2日要9點3之前返到去交功課!So.........一定訓得果3粒幾鐘就起身!
於是都係老公家訓,起碼可以訓多少少~
12點幾1點肥雞同亞業走人!而我等埋老公沖埋涼先一齊訓!
呢個星期好似成日都係老公度訓添=.=" 不過老豆老母返0黎之後一星期先可以一次渣!
琴晚返家訓時我都要一陣子先訓到,因為連續兩晚攬住老公訓,好似冇得攬住怪怪的=.="



搭車時影下的,老公訓覺樣~!



今日係肥雞家影的,好得意~

>>September 23, 2005 at 4:57:42 PM GMT+8

2005 年 9 月 19 日 星期一 【晴】

今朝大果個仍然係咁打0黎,我當然醒,琴晚一早已經較左冇聲!
10點起身!M到攪到老公張床有D=____=:
11點幾肥雞考完車上0黎!攪掂好就去九龍灣搵肥雞女友亞魚~
佢放食飯!去左果間唔知咩度食~好大碟囉!早知同老公兩份啦~!食唔哂...
食緊期間老公爸話返緊0黎!於是食完就搭車返藍田!
今日成日都好累..............買左朱古力食!
上到老公家,佢要拎衫落去乾,點知我爬爬下又訓著左!
點解我下晝咁易訓著0家=______=。。。
到老公返0黎開我先我扎醒!
跟住到5點幾老公爸返到!6點左右老公媽放工返到!
食左少少< 西油 >都有一排冇食了!唔夠膽食得多,因為食得多一定屙的!
哈!~覺得老公媽好攪笑,食D行為同講野好得意!
原本我打算下晝就返家的!最終同埋老公家人一齊食埋飯先走~
老公車我返家,原來老公一早都打算車我返家的>.<
返到家係咁俾大果個屌!屌到化左系!
又話要拋爛我手提,又話只俾我一星期唔返家一日,又話我太過份!
又話我唔理屋企野!又話我似咩樣!又話呢樣果樣咁!
總之好討厭!我唔應佢唔同佢嘈又係咁屌9我話有冇聽到佢講野!
於是我又一向習慣地答:我聽到呀!我唔係聾0家亞姐!
跟住我又整D好串既樣!我冇正正真真咁嘈番佢,不過已經激死左佢!
冇耐我沖涼~!佢先冇再屌9我!
沖完涼之後打下日記,上網同聽歌~再攪到份功課!
今朝亞倩同我講話聽日居然要9點鐘返學!返去唔知聽咩中期評審既野果渣!~
返去聽下都好,不過預左俾人小,因為我之前一向都冇野交!
而家又交下唔交下咁,唔知想點樣!有D科又唔理唔理咁!

>>September 23, 2005 at 4:00:56 PM GMT+8

2005 年 9 月 18 日 星期日 【雷雨】

今日訓左3粒鐘左右起身!一起身冇耐老公媽返到!
仲拎左飛飲茶!之後叫老公起身,好難先叫到佢起身!~
攪掂好哂之後落去美心飲茶!飲完老公陪我返家做左陣功課!
其實係我飲飲下茶期間先打算返家做功課要老公陪!
佢只著左拖鞋出0黎,攪到著住拖鞋0黎大埔=.="
大果個居然放假,我仲以為佢唔係家添!又帶埋佢個女性朋友0黎!
到4點幾好眼訓,頂唔順,我同老公返左入房訓著了!
訓到6點多起身,冇耐就執左少少野又搭番車去老公家!
返到藍田去左同老公媽一齊食飯!
食完返老公家等老公沖完涼之後到我沖!
跟住睇VCD-----頭文字D
睇番,覺得ok好笑~!睇完之後就準備訓覺!
大約兩點幾左陣先訓著~!
次次係老公家都冇早訓既=.="?
第2日係老公家訓,太好了~!今晚大果個係咁打0黎搵我,FUCK!!!
專登唔聽佢電,覺得佢好討厭,我覺得佢仲煩過亞媽!
唔該理掂自己先好理我啦~!bullshit!!!

>>September 20, 2005 at 1:53:27 PM GMT+8

2005 年 9 月 17 日 星期六 【乍寒還暖】

中秋節正日!
今朝訓到11點多先起身~呢兩日一有時間就訓到咁晏=____=
起身之後攪下個頭同make up!原本琴晚老公叫我同埋佢亞媽一齊北上,
但今朝又叫我唔駛~不過算啦!我今日點都出街!so make up定囉~
今日第2果個放假~哈!佢煮左烏冬俾我食!
不過......下星期既家務係我!不過我知佢0地放工好夜!
唔我做可以邊個做呀!唔想屋企咁烏漕!
下晝成日留左係家等老公電我,因為老公話佢今日會返0黎的,
打算今日同佢過!~下畫佢sms我期間訓著了=___=。。。
我次次下晝一冇野做就好易訓著的!
跟住訓訓下冇啦啦聽到勁多sms既響聲!醒了!
老公誤會我唔理佢=___=".......
跟住起身hea左陣冇啦啦手提響起,原來佢到左我家樓下!
好意外,因為我估佢未必今日返到0黎!
好彩我之前已經準備好換哂衫等佢電我出街0者!
跟住同佢一齊搭bus去觀塘!一落車就見到妮妮同佢家人!
原來佢去藍田食飯!~坐埋同一架車都唔知添=.="
但係我0地返藍田,係觀塘食飯~!食果間唔知咩既日本野!未食過試下~
um......都唔係好差0者!但老公又話唔好食,基本上好難佢先話好食=.=
期間猩猩0黎傾下計!食完之後買洗面D野就去老公家!因為放係佢家果D用哂了!
我0地早左落車行去德田商場度!老公帶我去買白兔燈籠呀>.<
佢一早知我想係中秋節玩,所以一早知邊度有得買>.<
仲知原來有白色添~哈!我唔知有白色!白色當然靚D啦~結果買了白色!
謝謝老公>3< 因為未試過有人送燈籠俾我玩!除左小時候家人送之外~
點蠟燭玩燈籠!點知留左個火機係食野果度!
攪到要買人借火機!攪左一輪之後我0地四圍行左陣!
好耐冇試過中秋節了!今年有朋友有男朋友覺得好開心>.<
因為兩年咩野節日都好,我都要返工/_\.........
跟住返左家!老公點左陣佢家有既紫色蠟燭!覺得好靚呢>.<
冇耐佢d fds又叫我0地出尖咀!於是我0地落街!
但係老公太累了~落到去打俾佢d fds問出尖咀有咩做!
冇野做,結果都係留首等佢0地返0黎!冇出到去...
跟住老公打算同我去鯉魚門碼頭果邊~
行行下見到亞迪喎~佢話落觀塘搵佢女友!我0地又未見過!
於是老公車左亞迪去觀塘,老公揸車期間亞迪俾左盒朱古力我食!
好味呀>.< 我記得細細個果陣有食過!但果時未出咁細盒的!
估唔到事隔咁多先記起番呢隻朱古力...
去到觀塘終於見到佢女友,佢係網吧度做!
佢女友感覺好熟面口,唔知係邊度見過咁!
冇耐老公揸車車我去鯉魚門,去到感覺好新鮮,因為未去過呢度!
OK大風,感覺舒服!不過有狗!係< 等船 >果D狗!好惡...
其實唔會行到過0黎的!所以唔駛咁驚~
有對夫婦帶埋隻狗0黎!隻狗好得意呢!起初唔夠膽玩隻狗!
因為我見到佢0地好似好惡咁!老公問可唔可以摸下之後我先夠膽去摸!
原來佢0地好nice的!隻狗仔好得意呀>.< 魔天使0黎!黑白色的!1歲大~
期間湯威打0黎話夜D想入大埔!於是我0地係碼頭等左粒幾鐘先去藍田車湯威去大埔!
湯威一上車就問我大埔既野!但係...佢叫錯左我個名!
佢叫左富之前女友個名.......果一刻覺得極度難受!
因為...我初初同老公一齊老公都試過唔小心咁講錯左個名!
事隔都幾個月,而家又再一次聽到有人講錯!
點解會咁?其實係咪真係唔小心,定係果個女仔咁重要???
我真係唔想聽到第3次!因為...真係好難受!
結果我靜左一陣,老公係咁泵我!之後冇咩野.....
去到大埔落雨!果時凌晨點幾!原本湯威0黎既目的係搵女友!
結果我0地去左老地方食野!老公話好難食!
不過我記得上年返工食都幾好食的!我好耐冇試過夜晚0黎老地方食野!
而家0黎返覺得感覺烏漕左!唔知點講~
食完之後又返番上車,最終湯威掙扎左好耐兩點幾我0地都係決定返去了!
今次我坐車尾!一入吐露港老公揸到160=___="
好快,又冇開冷氣,開左窗,勁大風,攪到我成個人爬左係度訓著左!
果時都幾驚下,因為開得太快了=.="
好快返到去老公家,沖涼,好眼訓呢~陪佢0地睇左陣波!
上到床我又訓唔著,又亂諗野,出左廳,打左俾彬喊左陣...........到6點幾先返番入房訓!
到湯威起身我先訓著.............



我隻白兔燈籠呀>0<









鯉魚門碼頭果邊



我同老公隻腳,係車上訓係度望個天,等緊湯威中.....
個feel唔錯呢~






老公車返大埔落雨係車中,我坐左係後座影左後面既紙巾!
塔斯呀>0<

>>September 23, 2005 at 3:57:46 PM GMT+8

2005 年 9 月 16 日 星期五 【乍寒還暖】

1號風球...............
今朝11點幾先起身!原來老公一直都有sms我,不過我重蒙!
呢5日0黎我都好累,一日訓得果5粒鐘就起身,真係好累....
今次一次過訓左10粒鐘,訓到眼都腫哂!好唔掂囉~
老公北上了!12點幾1點打俾我!
果時我make up緊,因為亞倩係12點左右sms俾我問我出唔出去街街!
有街去當然出啦~好耐冇行街了!
大約兩點半左右先搭車出去!去香工行下~都有一排冇行.....
買左件背心!好平!$20~果度轉季,冇咩野買!亞倩買左條短褲!都係20蚊!真係爆平!
之後我買左cool頭髮既野!我打算出街用!
而家個頭唔知想點,因為D頭髮開始直/_\..........
行完香工落左MK食tea! 之後再去陪亞倩買紙做功課!
跟住去左影貼紙相!好耐冇影過了!部機影得太快,影得唔係咁好添=____=...........
去瓊華行,佢約左男友係果度等,因為佢今晚要去男友家食飯!
行完再係新世紀搵亞媽,同亞媽一齊上去唔知咩川度食飯!
同亞麻果邊果D食!um.............因為食左tea冇咩胃口!
So食左好少野.....一食完就返大埔!
Eva打0黎問我一唔一齊傾下計果D!因為落雨關係BBQ取消了!
原本同JOJO一齊的,咁叫埋JOJO,點知佢唔去!
結果返大埔搵佢0地!鄧培,彬同誠話去督波,我0地唔想去囉!
EVA又著左裙,好危險呢~!
於是我0地決定左入海濱!買左6盒蠟燭~點知落雨!
不過我0地等到停雨就行過去!經過大中見到D裝飾影抵左~!
原來海濱有咩花燈會果D!so我影左D相!
仲見到妮妮個亞爸亞媽添~!我0地成班女仔影左兩張相!
原本我0地打算玩蠟燭!點知好大風!
最終成班女仔傾計!um............我而家先知亞shan有個咁慘痛既經歷/_\
冇耐11點幾彬,鄧培同誠0黎搵我0地!冇耐精蟲,RB,肥布0黎埋!
期間見到有個女仔拎左個白兔紙燈籠,shan居然追住人0地問係邊度買~
之後我0地去左一個冇咩人去既地方,圓洲仔公園度玩!
大風關係,攪到點極都熄呀D蠟燭!
於是我唔理,幾支一齊燒,燒燒下我又放D紙落去燒,基本上好多時中秋節我都係咁!
攪到勁大火,佢0地見我玩得咁開心又玩埋一份,係咁加野落D火度!攪到好大火!
就係咁,d蠟燭玩哂...........得番9支!
EVA俾左我,我咁0岩企左係高處隔離係垃圾桶!拎俾彬佢0地攪到跌左支待番8支!
之後又俾我燒左兩支!差唔多1點左右同kiki,妮妮,yinyin一齊走!
經過果度好大風,妮妮冇啦啦跑話行快D!係咁拉住kiki係咁走!
果時又落住雨,勁狼狽!我又跟住尾~!yin係我後面,佢把係縮骨遮0黎!
攪到反左!哈哈~~~笑爆咀!跟住我0地又kid左!笑哂...............突然諗起中學果時!
之後行到富善我同kiki一齊行,妮同yin行另一邊!
跟住我同kiki傾左陣計!返到家即打俾老公!
跟住先沖涼!又要等個頭乾哂先訓!
PS:中秋快樂~
今日影既相~



大廣吊住果個大白兔



大中大PK出面吊住既紅燈籠



海濱花燈會












夜晚的回歸塔,靚靚~






我攪既一團火......玩到癲了!high哂~
嘩.........好似街童咁=___=" 真係超耐未試過咁樣!
至少兩年.............................












月亮俾雲遮住左........果日好大風呢~



今日紮起了D頭髮用了頭巾,係家中出門前影下的!
而家個頭唔知想點,開始直了!又旱.....好嚴重=__= 究竟點攪好=.="?

>>September 25, 2005 at 12:55:22 PM GMT+8