2005 年 9 月 15 日 星期四 【晴】

琴晚點幾訓,好唔夠訓呢~~~買左三交治就搭車返工!又早左返到去~
老公唔知醒冇送到我返工,不過nevermind啦!而家係我返工,冇理由要佢陪我咁早起!
返到去又係hea!好眼訓=________=。。。
Willy成朝都冇返!係9點幾同差唔多1點都打過返0黎!
差唔多1點老公同肥雞0黎到!收到老公SMS就叫佢入0黎,知出面熱...
之後去食飯,wo~好多人,等左陣位!老公醒,搵到位!GOOD~!
食完就返去,又係hea!對住部腦對左成日/_\.......
其實我好多野都仲係唔識!3點半左右Willy返到!
4點幾叫我去band入數,同拎錢果渣~
我第1次知銀行要上樓囉!~係創紀之城一期!
佢又話二期,攪到我去到二期問人,人0地話係一期!白行.....
攪掂好返番去,跟住佢叫我改下野,我做埋準時6點收工!
老公同亞業係出面等我!
收工後送我搭車,我返家食飯!返到家門見到大果個同佢個fds一齊,話出去食飯喎!~
跟係我食完飯之後上下網先沖涼+mask~!
而家D皮膚好似差左咁/_\.......係工廠區返工空氣實在太差了!
其實今日係我返返下工一條友果時係咁諗野....
聽番以前係大B做果時聽過既歌...又諗起好多以前返工既野....
諗諗下...好似覺得做sales0岩自己咁!
可能做sales可以見好多唔同既人,識到好多唔同既人!
感覺............好似開心D咁...
而家返工時間係好!可以早收工!而且冇咁辛苦!
但係...........唔知點講...
不過再諗下將來,如果我一放棄!我可能以後都冇機會做呢行!
唉....................基本上邊會搵到自己鍾意既工先得0家!
好多時候返工都係睇錢份上,硬食!想搵到自己鍾意既係好難既事~
或者可能而家0岩0岩起步,咩野都唔識,所以覺得冇咩精神咁!算吧...
11點幾EVA打0黎傾左幾句~!
今晚老公打0黎話可能今晚要北上搵老豆,不過最終都唔駛~
聽朝一早上去!跟住傾左陣電就收線~
冇耐12點幾同JOJO傾電到1點多先收線訓!累呢~~~~~

>>September 17, 2005 at 6:15:01 AM GMT+8

2005 年 9 月 14 日 星期三 【晴】

琴晚兩點幾先訓著!今朝亞媽叫我起身,之後如常make up返學,我知老公唔知醒,
我只send左sms俾佢,因為驚佢辛苦,俾佢訓多陣,打算出門口先打俾佢!
點知我一出門佢打左俾我先!跟住俾佢話我唔打俾佢......
搭車返到去,佢係巴士站等我...
跟住都有D問題............返到去我即入廁所............喊
冇耐亞倩入0黎廁所搵我,跟住同佢喊左陣先返番入班!
俾左Angela睇我份功課!佢叫我改一改D字!
好快落堂.....跟住同亞倩食早餐!亞倩叫我去行街,不過我冇...下次好嗎?
食完去機舖搵老公,12點幾走人同佢返家!
原本要幫肥雞搬洗衣機,但最終肥雞同亞業搬左上去了!
返到去老公煮公仔麵食!下晝訓左粒幾鐘!好彩有得訓下,因為我知自己好累唔夠訓!
起身冇耐亞敏打0黎話佢今日放假,又話今晚食飯,
又話搵比得,mei mei,kid him!
打俾kid him又打話唔得閒去果渣,下次先~
跟住到6點左右落去,打算陪肥雞買電視!
點知行到去啓田佢d fds先打0黎話陪人踢波,結果同佢行返家換鞋!~
去到觀塘肥雞同家強係泰林等我0地買電視!
因為亞敏仲未打俾我幾時去食飯,結果我跟左老公去康寧!
期間EVA打過0黎,傾左幾句~
老公踢波時湯威同猩猩都有同問我女仔既問題!
其實我都唔係十分清楚,就算我講左出0黎果D,都唔係個個女仔都咁諗!
9點幾同老公,湯威走人食飯!
差唔多食完肥雞,猩猩,家強同埋唔知邊個fd 0黎!
跟住食完走人,老公,湯威送我搭車!
返到家11點半即沖涼!沖完打俾老公,0岩0岩傾冇耐亞lin居然打0黎!
佢勁耐冇打過俾我!知我傾電之後就收線了~
冇耐都同老公收線,因為佢眼訓!
不過我仲未訓得,又要等個頭乾先訓得/_\.........累...............攪到點幾先訓...

>>September 16, 2005 at 2:29:06 PM GMT+8

2005 年 9 月 13 日 星期二 【乍寒還暖】

今朝準時起身,搭車前居然落雨.....不過冇用到遮!帶左遮都冇用!
去到觀塘8點9!仲可以買M記做早餐!
買完搭11返到去,好準時~~老公送我返工>3<
Willy又係9點半至搭8左右打返0黎!
又係差唔多成12點先返到0黎,跟住我1點2左右去食飯!
打俾亞仔冇人聽,結果一條友食飯!原來亞仔開緊會!~
食完飯之後Willy教我排版之餘又教我整果D藥盒說明書,即係又係排下字!
好麻煩呢~唔熟......咩野都唔識/_\ 我太差了!
做做下冇啦啦個AI自己close左!攪到我又要重新打過D字/_\
果時都差唔多6點了~Willy走先!我打多行就熄野走人!
一出到去老公同亞業等緊我收工!原本我以為佢唔0黎,
因為我知佢送完我返工之後又走去幫佢老豆手!好累呢~~~
亞媽打唔到俾我打左俾老公,so我收工打返俾亞媽!
叫我去亞婆家食飯,做節喎~!其實都真係幾唔想去!
搭車時TOTO打0黎話聽日唔去得!要睇醫生~
最終我都係去,去到亞婆家7點7左右!食飯........
玩下貓狗,攪到差唔多9點走人!一返家即沖涼~
沖完涼又hea下,又食左朱古力!同老公傾左陣電...
佢去肥雞家做功課!而我冇耐就開工!攪到點半先收手,
因為唔識點樣攪D字,覺得好有問題!同埋我又邊hea邊做咁,拖到慢哂D進度...
老公返到家打俾我!um...........咁夜都未訓,聽朝又要早起!
呢個星期一至五又係keep住唔夠訓!
返工返學都係早起!眼訓..................ZZzzzZzZz............



PK,大頭貓一隻,佢隻眼本身都係大細眼的!
不過佢好乖的呢~唔會亂抓人!



細細,呢隻狗叫細細......我都叫亞細呀=.="
次次D人叫隻狗做細細開頭一定會望下我=________=.......無奈!
不過隻狗都好乖乖呢~本人幾喜歡!



豬豬,一隻老狗!佢D牙甩左好多隻了.....
以前佢一見到有人0黎就係咁跳係咁跑,不過而家冇啦~
不過一直以0黎本人都唔係特別喜愛呢隻狗...

>>September 23, 2005 at 4:40:04 PM GMT+8

2005 年 9 月 13 日 星期二 【乍寒還暖】



>>September 16, 2005 at 2:27:10 PM GMT+8

2005 年 9 月 12 日 星期一 【乍寒還暖】

今朝7點幾起身,亞媽仲早過我出門,佢去打波喎=___=
女人.....真係難以捉摸既動物!
8點幾先出門,呢期遲左好多出門呢~
呢兩日老公都冇等我一齊返school,因為我太遲呢.....
返到明明寫住一號班房,FUCK!!!原來要行番入去先去到!都唔知係度攪咩!
又係上堂呆,又冇野交,悶...........又唔夠訓,成日都覺得好眼訓!
放左學同亞倩食早餐,之後去機舖搵老公,
佢打左兩舖機就同佢搭地鐵轉火車北上!
係尖東站居然見到達達,勁耐冇見過佢,不過我同佢唔熟!
去到尖東站老公個老豆原本唔駛我0地北上,
但去到上水站又要我0地北上,最終搭bus去文錦道!
我第1次返大陸,原來要過兩次關= ="
又要上車又要落車...去到深圳,um.....原來真係好大陸feel~
周圍都好多塵既感覺!都幾烏漕下~
去到佢表哥接我0地,去左食野,果間所謂既酒樓,
o..............好似黑店!D員工難難理咁!
老公個表哥好爆笑呀講野,又惡!總之講野就好爆笑啦~
之後行返去佢老豆家!冇耐佢表哥要返工!
老公之前飲左少少酒,有點醉意,結果我同佢累都訓著了!
等老公個老豆等左好耐,到6點3都未見人!
結果我0地最終都係打算走人,攪到今日白上添~
Um.................算吧~我又未去過大陸!
返到HK老公送我返家>3< 啜啜!!!
返到家食飯,之後同老公傾左幾句電hea左陣打日記就沖涼~!
同老公傾電到12點幾收線訓...........

>>September 15, 2005 at 4:38:33 PM GMT+8

2005 年 9 月 12 日 星期一 【乍寒還暖】



>>September 13, 2005 at 3:36:56 PM GMT+8

2005 年 9 月 12 日 星期一 【乍寒還暖】



COOL~~~~黑色!喜歡~!
架車入面D公仔好型,love devil~~
攝於老公家果邊停車場低層!




老公架車打蠟後的樣子...
攝於最近期的晚上!




覺得張卡好靚呢~閃閃的銀色!

>>September 13, 2005 at 3:22:57 PM GMT+8

2005 年 9 月 12 日 星期一 【乍寒還暖】








>>September 13, 2005 at 2:33:44 PM GMT+8

2005 年 9 月 11 日 星期日 【乍寒還暖】

今朝唔知醒起身,連續兩星期都係咁,成日都唔知醒起身!
7點9,10先起身,一起身老公打0黎,打算換衫刷牙洗面,點知亞媽係廁所=___=
攪到我成搭8先出門,跟住返到去成10點!
又冇野交喎,返到去坐一陣又走人,都係睇下人0地D野整成點樣!
同亞倩食早餐,跟住老公接我去第2間機舖!
打完機同佢0地去左點心皇!我成年幾冇去過呢間野!
自從前年凌晨收工勁耐冇食野,爆肚餓係果度食野,爆難食之後就冇再去食!
但係可能凌晨關係,冇咩選擇,所以冇咁好食!
不過見佢0地下晝食D野好平!學生價20蚊內食到飽飽~
食完之後去左藝林陪亞星買紙,不過買唔到佢想買既紙!
跟住佢0地又返番去打機~而我同老公搭bus返藍田!
首先去停車場~跟住去左食下午茶之後返左佢家!
佢姑媽0黎左HK係佢家住!佢姑媽都幾多野講下~
原來唔打算留係度食飯,但係老公踢波,我又想睇...
最終都係唔返家食飯,7點幾食完之後同佢搭小巴去觀塘!
見到佢0地踢波都幾攪笑~
踢踢下轉左場踢!之後佢0地同第2班人有少少爭執!
老公想嘈人............秋然果D制止!
踢到9點多少少突然落雨,之後唔踢走人~
行去APM時亞東做< 劣 >呢個動作!笑到我仆街!
每次見到佢都覺得佢好爆笑!嘿.....
之後秋然同老公陪我等bus~返到家10點幾!沖涼.....
11點幾打俾老公傾電~!12點左右收線準備訓了~

>>September 13, 2005 at 12:58:52 PM GMT+8

2005 年 9 月 10 日 星期六 【晴】

今朝8點幾9點醒了訓唔番,琴晚太累冇沖涼就訓,
今朝一起身就即沖涼~頂唔順..........
沖完涼後慢慢make up....等..........餓.....
等佢0地起身!12點幾D先出去搵位飲茶!
點幾先有茶飲!飲完之後老公同亞業同我一齊搭車送我返家!
而湯威同佢細佬家強飲完就走人,湯威要去中環再落尖咀!
我搭bus又訓著左,因為真係好累............眼訓!次次搭bus十次有八次都訓的!
佢0地送到我家樓下就行去富善搭271出尖咀搵湯威!
而我返到家hea左陣先做下功課!不過..........冇得印聽日又冇野交,
算吧,我打算最後一堂就交齊哂佢!
期間TOTO打過0黎傾左兩句,約星期四去街果D~
冇耐老公打0黎傾左陣就收線!
跟住又hea下,食飯前JOJO打0黎傾電~
食完飯再上網,攪下個日記,因為冇左background好幾日了!
搵搵搵...........搵一個background都幾耐下!
因為我想搵個好似之前果個咁,比較沉色少少既!~
攪下個網之後去沖涼,mask~
攪掂好哂再打俾老公,佢上左肥雞家做功課!
傾左兩句又收線,等佢攪掂好打俾我!
等老公電成12點幾,不過冇等埋佢沖涼,因為好眼訓=___=。。。
1點前訓著了~GOOD!~~~
911事件................迪士尼開幕

>>September 13, 2005 at 12:53:03 PM GMT+8