2005 年 11 月 26 日 星期六 【晴】

今朝９點幾就聽到老公個老豆大嗌老公起身!老公起身後無叫到我起身!
我訓到１０點左右起身換衫果Ｄ!等老公返０黎!等期間老公話好快整完車返,叫我唔好走開!
無野做幫佢執下房1好亂!而家整齊左!好!!!
等到１２點老公再打０黎話係將軍奧等埋佢媽一齊返０黎同我食飯!
等多陣收到老公媽打０黎叫我落樓下!佢地係樓下等我!
等落去時,老公上左０黎接我!＞３＜
落番去揸車去油塘飲茶！我唔知食咩好,食左好少野!再加上又凍果個位!
好快飲完老公媽,老公爸去街市買送!
我同老公揸車返番家樓下泊好再上番家拎野去廁所走人!
又返番公司做功課!進度好慢!
老公又訓著左!琴晚佢訓左粒幾鐘!今日都訓左成粒鐘!睇０黎佢真的好累!
做到７點左右返老公家食飯!佢老豆煮左飯!
幾多送下!佢老豆知我唔識吐骨,夾左Ｄ魚肉俾我!ＴＨＸ!
食完好快我０地又落番去!去買野飲,老公送我返公司就去肥雞度做功課!
一個人係咁做!仲差茶葉包裝老公就話返０黎搵我!
落樓下接佢上０黎!老公買左雞蛋仔俾我食!

再做!佢係肥雞度無做到功課呀!因為肥雞又唔唔知要攪咩!
０黎到老公又訓左陣!我係咁做!攪到點幾終於完成!
跟住老公又話想做陣功課!不過最終諗唔到就執野走人!
今日老公冇揸到車落０黎!送晚MTR又close左,原本打算行去搭小巴返去!
但係close左行唔到!無得行過去!
我０地一直行,最終攪到行去藍田方向,由我公司果度行返藍田!
係油站老公買左少少野食!行返藍田都好遠下,成條路無人好靜,得我０地兩個同D車行走!
我０地行斜路上!唔行樓梯!條樓梯好長!我一定行唔到的!
唯有行斜路!行上去時老公叫我望上去D樹度,佢話望上去Ｄ樹度似行緊山咁!
傾計,傾左好多野!同老公好似好耐無兩個靜靜地傾咁多野!
我０地都話感覺似同居咁!由老公去識我果時到而家成年了!
好似經歷好多野,好多回憶!好似一齊左好耐咁!



終於行到返去,係足球場見到有亞伯亞嬸叫早晨!晨運!
我同老公聽到啞哂!果時３點幾!我０地涼都未沖!訓都未訓!
如果果時５點都話叫早晨呀!Ｄ人好勁,３點幾起身晨運!
我估佢地一定好早訓!生活超正常!
德田商場果邊有Ｄ街童都成廿歲!唔明點解仲可以咁!
返到去老公打算第２朝起身先沖涼!但我頂唔順,都係沖完先訓!
沖完涼見到老公已訓著!佢聽朝又要早起９點去到九龍灣攪車個保險!
我吹埋頭４點半左右訓著了!好累呀.................



>>November 30, 2005 at 3:38:14 PM GMT+8

2005 年 11 月 25 日 星期五 【晴】

今朝訓到１０點幾起身!本來打算早出去紙行買紙!
但因為我又執呢樣果樣攪到最終都係決定下晏出!
朝早食左朱古力,薯片同木瓜！基本上食零食當早餐!
不過木瓜豐胸呢~
搭兩點果班３０７!出到灣仔大德,唉..........無開呀＞口＜
我估可能星期6開半day!攪到我要行去藝林買紙,行好遠呢!
簡簡簡,ＯＫ!但係大德紙大張點,平點同多款好多!
買完搭６１９返觀塘!今日好多野拎!拎番之前幫老公買果幾件衫!又拎紙...
好重好重好重下...有點狼狽!
返到公司附近美心買左個包上去食!之後開工做功課!
但諗唔到!老公收工返到０黎我淨係做左少少!
幾左老公係小巴站等!同佢家人食飯!食完老公揸車落去觀塘再做功課!
基本上老公陪我做功課!因為我要交番包裝既功課評審!
Raymond既功課可以兩日後交都得!
攪到１２點幾,見老公訓著,好累!佢醒無耐就揸番車返家了!
老公行另一邊耐少少路程既路返家!揸得好快＝＿＿＿＝想嗌救命!
返到去我沖涼先!等埋老公沖完涼兩點幾三點訓了!
老公個老豆聽日係家!老公要早起同佢老豆一齊出去整車!慘慘.......
呀...聽日仲要做功課!後日要交番評審冇交既功課!
唔知聽晚又攪到幾點...可能又返唔到家了!
努力努力努力!最後機會!

>>November 30, 2005 at 4:27:13 PM GMT+8

2005 年 11 月 24 日 星期四 【晴】

今朝8點多先起身!老公又冇叫我,原來佢想俾我訓多陣!
打算出門時大叫入0黎叫我起身=_____=
之後拿拿聲make up果D!老公媽居然幫我吹乾D衫!唔該!
我攪到成9點先出門!小巴仲要係咁飛左3班車先有得上!
返到去買埋個包都9點半就返到公司!不過我都估到今日Willy唔會朝早打俾我!
因為我呢期知自己有咩做!有兩本書要做!
Carly11點幾先返到!我同老公傾左陣電~!
Carly冇咩做果時拖地!拖左幾耐下!因為太烏漕了撻地!
又抹野!感覺間公司乾淨左!
lunch一個食,Carly要拎野俾老闆,所以同唔到我食了!
食完去買口膠同簿果D就走人!
返到去又再開工!唔係太多野做,scan下野同排番版,退地啦都係!
我早左3,4個字走!要返英文,怕時間太趕,唯有早走!
約左老公係灣仔地鐵站恆生銀行等!佢都早收工!
去到佢買左ms fields既曲奇俾我! =3= 謝謝老公!~我愛你!


不過我肥死了!呢期食太多甜野!
行番school時陪老公買左D小食就上到school坐陣食!
7點左右入班房!今次係電腦室上,可能冇班房掛!~唔係咁好坐!
唔知點解覺得呢間school唔多夠冷氣咁!好焗下!
今堂進度好似比上堂快左!我隻手係咁抄野抄野!差d抄唔切!
又要讀又要記又要抄!而家我比中學上堂比心機左!
以前中學上我絕對唔會抄野,跟唔切就算!
而家跟唔切都會叫亞sir講慢少少!呢個亞sir教書幾有耐性!
都係有5分鐘小休!好快又落堂!同老公行左去CWB食飯!
其實應該係灣仔食好點!搭車冇咁多人!
老公家今晚冇人!佢想我去佢家,不過如果今晚又去咪兩晚唔返家囉?
家人一定鬧一定好勁!我都好想同老公兩個人係家呀!
因為覺得得我0地兩個人係家,感覺就似同居一樣!
夜晚一齊沖涼,睇TV......................
我0地未試過好惡咁鬧對方!GOOD!~

夜晚食完飯老公就陪我等埋車先走!搭到返大埔行埋返家都12點2!
同老公傾陣電!發覺次次打俾老公佢都同緊fds講電話!
因為對方用緊電d響聲係唔同的!所以次次我聽到就即收線!
燥了!次次打俾佢都係咁!有時佢又聽唔到搵唔到佢!
不過有時諗深一層,佢電話真係有問題!有時同佢行街佢都真係聽唔到電!
所以.......有時真係唔怪得佢!
但係佢次次知我打俾佢就即同對方收線打番俾我!
行返家時傾電,返到家即沖涼!沖完就傾多兩句就收線了!
知老公好累!知佢聽日仲要返工!所以叫佢早點訓!
今晚得你一個人係家,記緊鎖好門!
你成日fu被,小心凍親,D窗唔好開得太大呀!
聽朝叫你起身返工啦!~聽朝驚你唔知醒,你媽唔係度,得一個!
你又成日難叫醒!我會較鬧鐘叫你起身!Kiss~
同佢收線後我就打左陣日記點幾訓了!其實我都好累!呢兩日都唔夠訓!



>>November 26, 2005 at 3:42:28 AM GMT+8

2005 年 11 月 23 日 星期三 【晴】


返工!9點2左右返到去!食三文治!又hea!
Willy10點幾打打0黎叫叫我執少少野!
Carly11點多D返到!lunch同佢食!佢又請我食了!
真係超唔好意思呀!我話請番佢食,佢又話唔駛!話等我做全職先!
咁我唯有全職要請番佢了!真的要呀!
食完返去又開工!幫客執下圖!D客成日都要改野,改左幾次了!
原來我有兩本書係手要我做!Help!呢本仲未攪掂!點算/_\
根命功夫長命做呀真係!係你就係你!係你做既,就係你做啦!
今日唔太晏收工!6點4左右就走人!GOOD呀!!!
老公今日仲早收工!太好了!佢仲行左過0黎接我!
原本我0地MTR果邊等!但係佢以為比我早到,想過0黎我樓下周我!
哈!不過我已走出公司樓下了!
原本送我搭車走人!但係行到半路又問我係咪真係要走呀?
結果跟左佢去睇佢踢波!踢7點半,仲有時間!去左食飯先!
亞敏打0黎,佢話今日0黎大埔!睇下我幾點返去同佢吹下水!
好Miss佢呢!敏做I love u!
今晚踢波D人幾攪笑呀都,不過我好累好眼訓!
仲見到上次係平日見到果條仔,我唔知佢叫咩名!不過佢唔係好人!
老公踢踢下波我走左去買化妝品既野!因為放係老公家既用哂了!
今晚打算係老公家訓,冇哂點落妝=.="
打俾亞敏傾左陣電~買完野我就走人!咁就冇左筆!
慢慢行返去,斜路,累呢~~~
睇左陣老公踢波,10點左右走人!佢早走,佢d fds仲未走!
老公話以前同埋平時既佢絕對唔會早走!因為知我累所以早點返家休息!
返到去去左德田買燒賣俾老公媽食!
老公俾左200蚊我>口< 話我今日專登哂左錢買野去佢度!
我話唔駛,唔要!因為D野係我!但係佢格硬塞左落我件外套袋度!
佢同我講,佢有佢會俾我!
但係我知,佢唔多,佢好多時都冇!雖然而家返工,但係未出糧,即係冇!
佢銀包得番200蚊都俾了我!點都好!謝謝老公!
返到去沖完涼,攪掂好哂D野就準備訓!



1點前就訓著了!
大家都累了!真的累...............老公返工辛苦呢!~
而家老公比之前黑左少少...
可知佢返工都幾曬又同我一樣要早起身!慘慘...



>>November 26, 2005 at 3:40:59 AM GMT+8

2005 年 11 月 22 日 星期二 【微冷】

今朝居然12點幾起身!朝早老公7點幾sms俾我都唔知!佢7點幾就同佢老豆去食早餐!
咁早起身真係慘慘!我可能太累,呢兩日唔夠訓關係,so訓死了!
起身打俾老公,之後食少少make up兩點幾就出門搭火車去大圍搵老公!
去到得佢一個,亞星0岩0岩走左,佢老豆搵佢唔知去邊!
等老公油埋少少,再等埋亞星返0黎佢0地就放tea!
亞星打千秋!痴線0家!佢打到超高!我勁耐冇打過!真係想打耐點!
之後同佢0地去左買野食,我買左雞蛋仔食!GOOD!
4點多D佢0地又開工!我行下企下坐下!
亞星俾左D IQ題我0地估!呀......估唔到!亞星仲講左D佢既野!
好快5點幾收工!秋然收工0黎!So我0地係田心村等埋佢0黎!
琴晚踢波時老公仲同秋然講有機會會識到亞星!點知今日大家就要機會見!
老公唔俾亞星走住,要佢見見秋然先走!
等到,見佢0地say個hi,say個bye亞星就走!有D攪笑!
同佢0地搭bus去九龍灣!今日佢0地幫肥雞手搬野返家!
因為肥雞家裝修完啦!要陪佢搬野同埋去九龍灣IKEA睇床!
去到老公去左食魚肉翅等齊人就走人!我有點餓.....
JOJO打0黎傾電!行到去MTR果邊有ms fields呀!
好耐冇食過佢D cake!好喜歡食呢間既野呢~!好味味!
不過我鍾意食既雙料朱古力cake只會係星期2,4,6,日出!今日星期3,冇呀!
老公知我想食,又知我餓!結果買左曲奇俾我頂住先!
買左兩塊三料朱古力曲奇!果時我仲同JOJO傾緊電!不過知老公買野食俾我就好快收線了!
謝謝老公!三料朱古力曲奇好甜,很喜歡!



行緊去IKEA時有幾條仔好串呀!咁0岩我,老公,湯威3個一齊行!
我0地3個都係戴左cap帽!跟住有條仔好串咁望老公!
之後話:好潮喎~!(好串咁講)
老公即興,勁大聲屌9佢0地!不過佢0地幾個冇望番轉頭!
亞業,肥雞,秋然即望番轉頭!
老公燥哂!不過講真果幾條仔真係好串!
而且老公戴帽都係工作需要!唔係咩潮唔潮囉!
果條仔我好記得佢點樣,因為佢著得好核突!係懶型咁!
去到IKEA老公就冇野!我睇睇睇!好少行IKEA!好多野睇!
仲有聖誕飾物睇!呀~~我最喜歡的節日呀!好想買返家放!想買係老公家,想買係自己家!
蠟燭,好靚,閃閃既波波,閃閃既燈,真係好靚!好喜歡!
秋然買左香薰!紫色的好香!好想買!不過我唔可以亂哂錢!/_\
um........將來我既家一定要紅白色為主!紅色的梳化!紅色的窗廉!白色的台,登!喜歡!
其實我是一早已想咁樣!因為真的喜歡!
最終肥雞都係冇買到床!睇完野就走人!去左豐澤睇咩蒸機!
我0地又睇下雪櫃!老公講左D野! ‧ ﹏ ‧
um...同老公關係越來越好!雖然我0地耐唔耐都有野唔開心!但係好快冇事!
仍然咁珍惜大家!越來越愛你呀~!今日俾人周左幾次=3=



睇完哂野走人,威同肥雞返觀塘執野先!我,老公,亞業,秋然搭bus返藍田!
返到老公家睇左陣TV就揸車落去搵肥雞!
去左工廠區,肥雞又要我同亞業落車先,因為架車要放野!
如果老公放抵左我0地係肥雞家樓下就揸番過去車野返過0黎!
多左陣就返0黎,都OK多野!又行9層樓梯!冇氣了.......
上到去,佢家裝修得幾好!我最鍾意肥雞房既燈!不過最衰唔夠光!
好快我0地放好哂野就去食飯!11點先食飯!
肥雞請我0地食!謝謝!食完之後老公車我返家!今晚湯威係老公家訓!So跟埋上車!
返到家即沖涼!沖完涼之後等老公沖埋涼電我!
傾左幾句就收線準備訓!可惜我訓唔著!send左sms俾老公!
佢知我訓唔著打俾我同我傾多陣!不過我驚佢累!So要佢快點收線!
結果我兩點幾先訓得著/_\.................

>>November 26, 2005 at 3:45:31 AM GMT+8

2005 年 11 月 21 日 星期一 【微冷】

又是上班的一天
今朝成8點先起身!老公居然知醒起身!仲叫我起身!
不過佢早過我出門!因為佢要返工!老公媽倒左暖水俾我!THX~
搭9先出門!9點2左右返到去!一落到去樓下就有小巴!真好!唔駛等咁耐!
原本仲以為成9點半先返到去!
之後慢慢食包,攪到10點先開始工作!基本上我次次都係咁!懶...
做退地啦都係!同老公通下電~點3先出去食飯!等埋Carly收件!
Carly又請我食飯,超唔好意思呀>口< 次次同佢食都請我!
食完飯仲帶我去買登!佢知我張登坐得唔好!
覺得佢對我太好了!我欠佢好多好多.......點都好!謝謝Carly!
我下次絕對唔可以要佢請我食飯的!
而家覺得返工時間過得OK快!比起初初入去做果時!
下晏都要幫D客改下圖咁!Willy6點多少少就走人!
我6點3都可以走人的!不過老公收工之後?車去搵師夫check架車!
因為左後車?有問題!但係因為天黑,唔能夠check!又要第2日!
我係公司等老公0黎官塘接我收工!
收工後同左佢去踢波!睇佢踢!踢踢下猩猩0黎到!勁耐冇見過佢!
不過...唔知點講佢!............
踢到9點幾走人!佢班fds好攪笑!真係好爆笑!
亞東都係度呀今日!我覺得亞東可以好好玩好傻,可以好正經,個人幾好呀~
仲俾左張相我睇!係一件婚紗相!好靚呀~
佢居然問我將來會唔會買件,um....有錢先可以買呀!因為太貴了!
但係佢話佢將來結婚一定會買件俾佢伴侶!因為一生人只得一次結婚!
除非離婚啦佢話.....不過佢話自己希望只得一次結婚!
踢完後老公送我搭bus先搵番佢0地食飯!我家留左飯,所以返家食!
食完沖完涼成12點!老公仲等我電!我沖完即打俾佢!
傾左兩句就收線,因為佢好累好眼訓,聽日仲要6點幾起身同佢老豆搭車返工!
我上網打日記攪到點幾,好眼訓,一返入房即訓著!ZZzzZzZzZzZZZzzzzzzz............



>>November 26, 2005 at 3:45:49 AM GMT+8

2005 年 11 月 20 日 星期日 【微冷】


今朝7點半鬧鐘一響就即打俾老公,勁打俾佢,打左起碼有8次,叫佢起身返工!
當時我都好迷!所以我冇聽住個電話打俾佢!打打下我都訓翻了!
8點幾醒收到佢sms,佢等小巴等左成4個字!慘慘!攪到返工遲到!
睇完個SMS好累,再訓!9點幾我再次醒!一醒就覆番老公!
之後打算又再訓,但係訓唔到了!一個早朝醒左幾次,都唔多夠訓!
起身上下網,打下日記!之後make up!hea下D時間,同老公通下電!
兩點3左右出門!去大圍搵老公,佢3點3放tea!
去到0岩0岩好,行勁遠!又行成4個字先到目的地!
而家冇戴con既我睇唔清楚D野,老公今次行入左做野,攪到我睇唔到係邊度!
佢係咁叫我,我都聽唔到=_________="
之後同佢0地去左一間叫< 活力士多 >既士多買野食!
不過我冇食!再同佢0地傾下計!hea下!
借左部手機俾老公,之前借過俾JOJO!JOJO入左D電話同影左D相!
老公係咁問我!因為部機係我,點解會冇啦啦多左3個老公3電話number!
果D電話number又唔係佢!亞星又係側邊玩野!係咁問點解果D!總之就講野玩野既說話啦!
之後老公拎左JOJO電,打左俾JOJO問!老公個樣好認真咁!
4點多佢0地再次工作!我係側邊坐同JOJO傾電!傾傾下又斷左線!佢手機成日都係咁!
冇野做一條友坐!冇啦啦有BEE!爆驚!!!!!!攪到我坐變左企!
佢0地早左兩個字左右執野走!攪掂好哂5點7左右走人!
又行番去搭火車地鐵!去灣仔!
其實我0地都唔知上堂果座大廈係邊!咁0岩灣仔地鐵站間school有擺擋喎!
So問果度D人!原來係好近的!
我0地又未食野,於是買左垃雜野食跟住上去!
去到係7樓點名!原本我0地係7樓上堂!
但係有人考試!所以頭一粒鐘上左8樓上堂!我同老公最早到!
等左兩個字左右就開課!派左本書俾我0地!上堂用的!
覺得個亞sir斯斯文文,發音好準咁!同埋佢教得幾好!唔識可以問!
唔係全部用哂英文!當然啦基礎班唔會用哂英文教!
同埋要我0地成日講英文同寫!真係由抵講起!英文字同埋數目字都教番!
原來我0地平時讀既都唔準!每位同學都有機會講英文!
不過我本人好冇記性,今日教既生字我好快就會唔記得.....
唉~~~以前中學一上堂就即訓!雖然我唔係壞!
但係我就冇心機上堂!即頭唔聽書!而家學番,有點困難!老公成績仲好過我!
um..........我諗老公一定好過我!
我以前係班上都係最尾果幾名~我一向都冇讀書運!
次次上堂對住本書就覺得眼訓!今日上堂睇到本書,覺得自己有點呆!
呀!!!唔可以咁0家!而家要俾錢讀書!
可能係最後一次有機會讀到文法上面既野!我唔可以再好似以前咁!
呢班十幾人,但係今日返得十個人左右!
有位係退休人士!有D係文員,治療師,保險sales等等.....
真係咩人都有!我同老公係呢班都算係好細個!
兩個半鐘時間過得好快,好準時9點半落堂!
落堂之後原本打算係灣仔食野,但係最後決定都係返藍田!去老公家訓!
老公本來打算幫我俾埋車錢,但係我又快手用左八達通,基本上好幾次我都係咁!
sorry呀>"< 我慣左,因為我成日搭車!真係慣左手勢!
老公!
攪到老公等左3個站左右先有用散銀,同人0地夾!
返到去亞業0岩0岩收工,我0地去左德田,但係間間都收工了!
於是行左廣田,都幾遠下!去果邊某間茶餐廳食野!
食完再慢慢行番上去!返到去老公媽煲左湯!似完就沖涼!
沖完涼都12點幾!跟住老公同亞業沖!



等埋老公沖完涼!基本上次次我0地都會等埋對方沖涼!





點幾訓了!
原本打算少點去老公家訓,點知前日去完今日又去...
um.........都係隔多兩,三日先再去了!

>>November 24, 2005 at 2:12:55 AM GMT+8

2005 年 11 月 19 日 星期六 【微冷】


今朝訓到9點幾老公叫我起身刷牙先!
因為今朝10點有人上0黎整個塞渠!結果起身了~
不過都夠訓!因為琴晚12點9前已訓著,起身時見到手提有來電!
原來琴晚屋企有打過0黎係1點果時!o..........果時我訓著左!
起身make up!整好渠之後老公媽落去搵位飲茶!
自從亞業0黎左訓,我0地都好耐冇試過得兩個人係家!我0地既私人時間...





老公仲未去沖涼,等埋佢攪掂好哂D野12點左右落去!
食左好少野,因為太凍了,個位好凍!
藍田果度又凍喎!今日隻手有少少冰!咁快就冰了!
冬天時我既手長期都係冰冰的!
飲完茶家強0黎到!之後老公媽去禁錢,我同老公返去停車場,唔知交咩野!
但去到又話要唔知咩野,跟住等埋老公媽0黎同番佢講要既野我0地就走!
落MK!原本老公係度考慮買唔買吸塵機!
但係最終因為冇錢,都係唔買住!打算買鞋先!老公對鞋爛哂了!平時出街著唔到!
去到MK,肥雞同亞魚又仲未出0黎!
結果我0地行左陣就去左食野!食完佢0地仲未0黎到MK!
但亞業都0黎到了!亞東都係度,不過亞東唔係同我0地一齊,同另一個fd唔知去買咩野!
跟住去左chi之堡去廁所同行陣!
慢慢再行返去波鞋街果邊,肥雞同亞魚終於0黎到!
老公話見到佢0地個樣有點累咁!嘿嘿嘿
亞魚果時話唔夠訓!嘿嘿.............知啦知啦~

跟住同佢0地買野飲買野飲就去買puma果對鞋!
第1間冇哂個size!去第2間又貴點!
結果去到運動家仲平成100蚊!雖然多人,但係最終係呢間買左!
老公同肥雞一樣款但唔同色!
老公藍色,肥雞黑色,其實我覺得兩對色都靚,但係黑色易襯衫點!
老公想我同佢買同一對鞋,但係我不太喜歡著波鞋呢~~
我想買之前睇中米色果對爛佬鞋多點!
呀!今日係波鞋街都睇中左對白白地色既鞋,個鞋頭有少少尖的!但唔係太尖!
打算遲下同老公一齊買爛佬鞋!
Um....等埋老公一齊先買!但佢未買錢!
唔知買唔買今日睇中果對先好呢?
買完鞋亞魚要走,送到佢去MTR,老公都送我搭bus!
肥雞,亞業同家強去行陣街先!因為亞業黑面!
可能因為陪肥雞同老公睇鞋耐,但亞業想睇外套!所以黑面!
老公話亞業一向都少氣的!o..............但係我覺得陪人行街買野都冇咩野喎!唔駛黑面既!
返到大埔去左姐姐度拎左番之前買既衫同買左件衫!好簡單的兩件衫!米色同白色!
唔知點解最近愛上呢兩隻顏色!白色,米色,黑色我仍然鍾意!還是原色好?
行返去時經過大中見到已經裝飾好聖誕飾物!
聖誕節將近! =﹏= 好!!!!
老豆同亞媽今晚去亞麻家食飯!所以返到家去埋廁所冇耐我就煮公仔麵食!
一個人...上下網,打下日記,聽下歌!
同老公通電,佢今晚幫肥雞手搬野同班朋友食飯!
9點左右沖涼!沖完涼再上多陣網,老公打0黎話去猩猩度拎番個袋!
見大果個0岩0岩返到用電腦!於是我都返入房織下頸巾!
又織又拆,救命,隻冷又難睇!攪到拆左好多行再織!





等老公電!~原本好眼訓,但同完老公傾完電之後又訓唔著!
跟住第2果個1點左右返到,佢拎左幫我買果D衫返0黎!
跟住又傾左陣計,攪到點9先訓著...



>>November 22, 2005 at 5:08:35 PM GMT+8

2005 年 11 月 18 日 星期五 【微冷】


今日天氣涼了!得十幾度!
朝早收到老公sms,佢9點幾仲等緊亞星開工!
好彩最終都搵到亞星,不過亞星朝早唔會去大圍!係沙田!
所以老公搵左男仔君0黎陪佢!
11點半先起身!刷完牙就sms俾老公!佢返工中!
佢lunch time傾左陣電!收線後我食左個杯麵,因為唔知食咩,又懶得煮=___=
佢食完lunch就俾亞星叫佢去另一邊幫手!
攪到兩邊走!去左唔知咩社區果D度!
整果D禮堂既布!攪到4點果時原本走得,但係果度D人又話整得唔好!
攪到佢0地要拆哂落0黎!真慘!
同埋要企係3米高既架度工作!聽老公講好高!俾我都驚!
成個下晝我留左係家,打下日記,上下網,MSN咁!
4點幾5點薯彬打0黎問我去唔去BBQ!我都好想去呀
不過咁急約人都唔知有冇人去!我決定左有人去先去!佢都係突然想去BBQ!
5點左右出門!老公剛剛收工!其實我應該係要早點出門!
但係我又唔知可以係邊度搵佢!攪到遲遲都未出門!
出到去MK報英文!星期一上堂啦!上基礎班先!上到12月定係1月就轉班!
因為我低子極度唔好,所以我決定左讀左基礎先!等自己冇咁辛苦!
填哂資料,交哂錢就走人!同老公搭小巴返藍田!
係地鐵站果邊同埋老公媽食飯!亞業都有0黎,不過佢冇食飯!
佢成晚呆呆的,唔知咩事!
咁叫左個印尼抄飯一齊食!冇匙裝飯!老公居然拎左我0岩0岩飲湯用完既匙裝!
咁我咪話唔好咁,因為我唔知老公媽會唔會唔鍾意0家ma!
之後我話唔好咁佢仲係咁,仲要專登整左幾野!
咁我咪發脾氣囉!其實我發脾氣原因除左呢樣之外,仲有屋企!
因為屋企打俾我,我感到煩躁!仲要咁整一整,攪到我真係燥了!
食完飯大家都唔開心,老公又話我唔理佢,望都唔望佢!
話我唔出聲,一句問佢既話都冇!搭車返去時我又寧去另一邊!
結果落車之後我0地行左後面,冇返到家先!
老公同我講佢好唔鍾意我次次都係咁,唔理,唔出聲!
話我0地其他野都夾,係唔鍾意我佢發脾氣時我唔出聲!
其實我當時唔出聲一0黎係街,二0黎佢亞媽係度!
唔想俾佢亞媽知咁多野!如果我講,一陣又話唔鍾意俾亞媽,咁到時我可以點?
大家傾左陣呢個問題!老公又發脾氣!
我講話我都唔鍾意你發脾氣甩開我隻手!
你下次發脾氣唔甩我隻手的話,咁你發脾氣時我就出聲講句野啦!好的!
最終佢泵番我,咩我到返家門口!哈哈~~~辛苦你了!
不過我冇要求老公咁做,佢要我企係登上面!
之後我先知原來佢要咩我返去!泵番我!
去到老公家樓下個看更仲話咩個女朋友!佢仲同人講我扭計=.="
返到家門前佢係咁轉我!呀~~發覺每次俾佢抱起都係咁轉我!我暈了....
我細細個果時又成日俾家姐果D將我轉0黎轉去!
到大果個,老公都咁對我!難道我擺唔甩俾人轉0黎轉去?
上到家冇耐佢同亞業沖涼,冇耐肥雞上到0黎!
好快就陪肥雞,亞業落去食飯!
食完同佢0地去左7仔買零食,佢0地今晚係老公家睇波!
行返去時好凍呢,老公果邊好凍!分分鐘仲凍過大埔!
之後老公將佢件外套包住我,兩個人共用一件外套一齊攬住行!
感覺溫暖=﹏=
返到老公家冇耐坐左陣,睇左陣台慶就沖涼!
以前既台慶係幾好睇的!不過今年冇咩吸引!
沖完涼,吹吹下頭老公幫我吹!
肥雞同亞雞笑我0地個姿勢似=________= 嗯嗯~~
吹完頭冇耐就準備訓!老公今日返工都好累!
所以佢都冇睇波,12點幾同我一齊訓著!





有好幾日冇去老公家訓了!發覺我兩一起入睡已成習慣...




唔知點解我既人生總是忙忙的!
中五畢業果年夏天就出0黎做sales,Quiksilver,K-2,BGW,之後大B一年!
由我做大B果時,又返工,又返學,返full-time時間,凌晨收工都冇哂私人時間!
冇做大B一個月都冇就返Micheal rene!做左聖誕節同新年PT!
跟住除左休息了大半年外,係呢大半年可以話係最休閒既時候!
到而家28號前要交番番中期評審既某一D功課!遲多兩個幾月做畢業作品集!
9月份開始返而家做呢設計工作!現在一星期返3日!
但我已經講左下個月轉番全職,一星期返足5日!希望我能應付到!
由星期一 21號開始讀職業英文培訓約出年年中7,8月完成!
遲下打算設計畢完業之後有少少錢就去考車牌!
嗯............我想,希望能夠做得到!
付出唔一定要收穫,但只少付出過,努力過,唔會後悔!




>>November 21, 2005 at 4:38:24 AM GMT+8

2005 年 11 月 17 日 星期四 【微冷】


今朝返工9點1先返到去!朝早又係咁打俾老公,原來佢已起身!
只係去左刷牙果D!仲早過我去到目的地!
只不過亞星又叫佢轉第2個地方,所以佢又要搵bus搭去!
同老公傾左陣電!返到去食個包,hea左陣10點多D先開始做野!
Carly11點幾先返,原來佢琴日放自己假!
而家先知,原來Carly係我大老闆個家姐0黎!
其實Carly幾好人的!不過可能佢出0黎做野,講野圓滑點就真既!~
我講話張登座得好唔舒服!佢居然話出錢買過張俾我!唔知真的假!
下晝食lunch時同佢食!佢居然又請我食飯!
不過佢俾我感覺好似錢冇咩所謂咁!
食完lunch返到去Willy都未返到!做左陣野佢先返!

今日朝早都有同老公通下電!下晝差唔多收工時都有!
佢今日返工好辛苦呢~慘慘!!!
今晚都幾準時收工!唔駛6點半就走得人!
但係老公果時搭緊bus返0黎,所以我要去等佢!
行去平時搭去老公家果架小巴方向果時冇啦啦有個男仔督我肩頭!
係度叫:小姐小姐!
之後我寧轉頭,佢就話阻一阻我少少時間!
我估一定又係果D問卷或者又唔知呃咩野既行街sales啦!
所以我話唔得閒,寧頭就走人了!果時真係有點嚇我!
因為果時太多人了!個人好亂!
去左OK買水俾老公飲!佢喉嚨好唔舒服!
之後行去買安美露,行緊去時係PK果邊見到女仔君個男仔企街!
佢係街上sales保險啦應該!成排人企哂係度!
原本等肥雞學完車一齊食飯,點知肥雞今日唔駛學!
個師夫胃痛,要改第2日!
行番去OK果邊接埋亞業,佢0岩0岩收工!
原本打算去肥雞度食飯,點知佢亞媽唔舒服又返番轉頭!
結果我0地要搵地方食飯,我0地之前又買哂野飲喎!
之後本來去家強度,點知佢又要去佢亞哥,湯威度食飯!
柴灣呢!原本叫我0地去,但係肥雞唔想去!
冇啦啦多4個人,驚唔夠送!所以最終我0地去左興田大排擋度食!果度好平!
食到9點左右買埋飯俾老公媽就返老公家!
坐左陣,睇埋亞旺,之後再hea多陣老公就車我返家!
返到家10點幾11點!跟住沖涼,等老公沖完涼電我!
因為佢好累,聽日仲要早起返工,所以我0地講左1分鐘左右就收線了!
Um.......我都累了!12點半就準備返入房訓!


今日返工積極了!感覺良好!
雖然最近返工多左野做,但係我相信只要努力,就必定有成果!
期待呢本書出版!第1次成本都係自己做!
雖然有點吃力!但從中可以吸取經驗!
我要而家比以前更加努力!
為左將來,以前白廢了既時間,我要係短短既日子內爭取返0黎!
聽日決定去補英文讀!希望我能夠比D心機讀啦!
日子可能會辛苦,但係...唔辛苦又點會有世間財呢?

>>November 19, 2005 at 6:29:04 AM GMT+8