2005 年 9 月 2 日 星期五 【綿綿細雨】



>>September 3, 2005 at 2:15:45 PM GMT+8

2005 年 9 月 1 日 星期四 【晴】

今朝10點幾起身,之後make up換衫搭去新達飲茶!
點解飲茶都要去老遠0家=_________=
飲茶期間彩E係度又同我傾返工,拍拖D野!夠了!!!已經厭了!
我唔係唔想聽囉~但係講0黎講去都係果D野!
我咁大個人有自己思想,我清楚自己係度做緊咩野!
我覺得我冇咩需要同你0地講清楚我做緊咩野,諗咩野,我唔需要同人交代咁多野!
飲完之後搭返家樓下,同亞媽去welcome掃貨!
因為今日全場9折!So我0地買左幾多野下都係果百幾蚊~
排隊時排左好耐下囉!原本以為呢條line係快D!
點知我簡錯了!D老人家係度唔知嘈D咩野,攪到我0地後面D人等左勁耐!唔知為咩=___=
買完返家玩左陣電腦!老公收工打俾我!傾左陣...
有少少嘈交.....再之俾老公cut左線!呢兩日.....佢應該cut左我兩,三次線了!
我一向都好討厭人0地cut我線!不過以前既我對方cut我線一定狂打,
但而家既我已經冇了..............我知狂打只會煩!
又喊了.....唔想留係家,想冷靜下,叫左EVA出0黎,知佢今日放假!
不過我自己早左出去,想一條友靜下先...
老公打0黎話我仲咩出去!傾傾傾.......最後佢都讓左步!
我好想聽佢講,我清楚知佢極度擔心我做呢度!
我知我有得簡,但係...我唔想再同家人關係咁樣......我真係覺得好辛苦!
呢幾日我都喊,我真係覺得好辛苦...................好煩!
原本我0地係板場果邊坐,不過見太熱了!
結果去左仙跡岩坐,飲下野,好耐冇飲過~
跟住EVA見凍,我0地四圍行下,期間老公有打0黎傾左陣!見到yin返工~~~
見番小桃,佢返番大B做,而家係54!我覺得幾好呀,一星期返3,4日咁!
以前就辛苦啦~返full-time時間!
俾我簡搵少D唔返咁多好過了~而且54果度幾好做!
跟住小桃俾左佢手電number我~原來我一直都冇佢手電number!
佢話我唔同哂~每位以前既同事而家見番我都話我唔同左!好彩仲認得我=.="
行到6點左右我0地去左美心出面度坐!感覺良好,天開始想黑...涼涼涼.........
um.......傾左好多野~期間老公SMS俾我,之後我打番俾佢同佢傾左陣!
7點多打俾彬叫佢出0黎食飯!原本今晚係同埋美蘭子食,
但係佢又胃痛唔舒服,結果改第二日!
7點半左右RB打0黎話佢0黎到!咁我同EVA行番出去搵佢0地,
最後今晚其他人知美蘭子唔係度就冇0黎,得我同EVA,彬同RB,4條友食!
諗緊期間係大中行，彬前面有個細路女,佢走去攪人0地D條髮!
最攪笑係個細路同佢隔離既女人講:我個頭好似有D野!
彬真係好多手呢~原本我0地去果間咩cafe度食,但係爆場,等位,so轉地方!
去左萬利隔離果間度食,未食過~
我0地抄左D送食!坐左陣....期間返工果度有打過0黎,冇耐屋企又有打0黎!好煩...
傾左陣計,um.........其實真係一家唔知一家事...
B明講佢亞媽就超爆笑!話B明食白粉!不過B明咁瘦,又難怪亞媽會咁講...
不過佢亞媽真係冇解既=.=" 好一句:我又唔係你!
9點左右返到家!又同大果個嘈!講0黎講去又係果D!我唔想再聽了!收線啦唔該!!!
我覺得你0地睇野睇好表面囉~我覺得太管我,太過份著緊!
真係越0黎越令我討厭!我真係好討厭呢個家!咩野都講錢!好唔鍾意!
唔好以為我係呢個家最細就要聽哂你0地話,FUCK!!!冇可能!
我真係好想搬出呢個家囉~!唔想留係度!
嘈左陣之後沖涼,跟住打俾老公傾電到12點左右收線,頭暈暈...唔知咩事!
整晚傾電都唔係咁開心,喊左好耐!...............................眼腫...
收線後打算訓,想訓想訓時老公SMS俾我話肚餓訓唔到,
傾左個SMS之後就訓了~



同佢0地班衰野食既晚飯,好吃~

>>September 11, 2005 at 4:07:58 PM GMT+8

2005 年 8 月 31 日 星期三 【晴】

今朝8點都未到就起身,因為我應承左老公今朝一早搵佢!
去到佢家9點幾,點知佢仲未訓醒,佢一訓覺就聽唔到電,搵唔到佢!
結果一條友坐左係後樓梯,等左粒幾鐘佢終於醒搵我!
第1句同我say sorry同一個擁抱!
一個人坐係後樓梯諗左好多野,諗家人,諗份工,諗老公......好大壓力!
我等老公粒幾鐘我冇嬲過佢,只係我個人太煩,好多野諗!
入到老公家,睇埋< 十萬噸情緣 >先落街食野!~
期間又同老公有D唔開心野,我唔係唔肯聽佢講,我知著緊我,但兩方我都好難做!
我唔想因為返工影響到我0地~
食完返番老公家!忍唔住又喊了!其實我真係好大壓力.................
冇耐訓著了~5點多同老公落觀塘搵肥雞亞業佢0地!
因為老公打算見工果D.......不過最終唔夠時間冇見到!要上普通話!
佢0地送左我搭車之後送埋亞魚搭車~
返到家原本都冇咩野,食飯......今日兩個家姐都放假!
大果個落完街買野返上0黎係度同我傾,
其實我覺得佢0地管我拍拖D野囉~成晚係度講我條頸,咁唔鍾意,我可以唔整條頸!
我知都係擔心我!但係有時拍拖係我0地兩個既事,
我0地做咩野,點樣對大家,我0地講過D咩野,我覺得冇必要同任何人交代!
總之,我0地知自己係度做緊咩野都足夠!
跟住又話我激襯亞媽攪到佢又要食番藥!我知亞媽一向身體唔好,有貧血!
其實我覺得拍拖佢人0地度訓,冇咩問題0者~
我0地大家年代唔同,冇得講!廿幾歲冇同男仔拍拖其實都有問題啦!
其實知唔知咩叫愛?雖然我可能100%清楚!但我敢肯定清楚過大果個先囉!~
份工我唔係唔想做,只過個工作環境危險左D.....
同我講,當然我又喊!究竟知唔知我可以點?知唔知俾左幾多壓力我?真係好辛苦!
我夠想有個更好既將來!我夠想將來有份好既工作!我夠想有錢!
總之.............講左好多野!又話驚我攪大肚果D!我知我係女仔,又係最細,家人特別擔心~
點都好...拍拖係我私事,我清楚自己係度做緊咩!
咩野都要學識既處理,任何人都唔可以去管我呢D野!
呢一刻大家冇工作,呢一刻係咁樣,唔等於將來都係咁!
呢一刻窮,唔等於將來都窮!再加上將來點都好,我就算結婚都會做野,
唔想一方辛苦!兩個人出0黎工作好比一個人出0黎工作!
11點左右EVA打0黎,傾電~叫我聽晚一齊食飯,話同美蘭子食!
wo~~~好耐都冇見過以前中學miss,亞sir!唔知大家有冇變到呢?
基本上,而家個個走既路都唔同,好難得先一聚......
如果俾我簡,我想返番去中學時代,因為中學時代唔會諗咁多野,
唔會咁多野煩,只識得玩,讀書又唔係真係太困難!有留心上堂,考試唔係一件難事!
起碼個人天真D,唔係幾好咩?
而家環境之下,要學習成熟!我認自己自從冇返工之後好似冇咁識諗,
好似做野冇咁理智咁!其實我只知我而家唔出多D街,
遲下返工就冇咁多機會,返工...有排我做!睇我條命都係要捱死一世!
我知自己係工作狂,以前而家有機會出多街點解唔出?
出夜街,唔等於壞,去男友家訓唔等於賤,唔等於唔自愛!
我變可能只係外表,但係內在仍然有我!我仍然知自己做緊咩!
我仍然有我既思想,我仍然會識得諗將來,
我唔會只諗呢一刻,我唔係為求呢一刻開心!
但我只知而家所做既只是為左將來!
拍拖唔投入,就唔會識得放膽去愛一個人!拍拖亦唔係為一時開心~
耐左更加鍾意大家,會諗將來!
去男友家訓唔等於唔自愛,唔等於濫!
明唔明白濫文定義係咩?
我定義係同時間有幾個性伴侶或者係一年拍過無數次拖!玩一夜情果D先叫濫囉~
而家兩,三年都隔一代啦~每個人係獨立個睇,每個人諗既野都唔同!所以冇得講!
總之.....就算係家人都唔可以管我拍拖既野!我覺得自己唔係叫過火~
如果我真係濫我就真係過火0者!
我想激到亞媽.......唔想老公唔鍾意,可以點???
今晚同老公傾電到1點收線......呢兩,三日我都好累............真係好累...
如果一開始我唔係生存係呢個世上...多好?
少了我,少了一個煩惱..........

>>September 2, 2005 at 7:25:11 AM GMT+8

2005 年 8 月 30 日 星期二 【晴】

今日唔駛返學,係老公家訓到10點幾起身~其實唔係咁夠,但係廢事訓到咁晏!
亞媽亞E打0黎叫我返家換下衫,執好D個樣見工,
但係我最終決定都係唔返家住,因為一來一回好哂時間!再加上有衫係老公度!
著件Tee,唔帶帽咪得囉~我唔係唔著緊份工!但係我覺得用平常心去面對仲好~
同老公食完野之後落觀塘,亞業都0黎埋!
我0地一齊搵見工果度係邊!果度係一個工廠區,好多公仔佬!
上貨落貨,見工果座係好舊式既工業大廈!拉閘!
上到去係一間間房!好似開房咁=___=" 我打個電話,經過既麻甩佬都望住哂!(老公同我講番)
其實見工果個男人都幾nice!冇咩野~
但係日後做野得我同佢兩條友,不過佢0岩0岩先開始攪起間野!
所以一下子唔可以請多個人!不過佢講會搬,所以好快唔會係度做!
我知老公好唔鍾意我呢份工,我清楚知佢著緊我,驚呢樣果樣!
但係家人嘈哂~我兩方面都想尊重!
我知我有我既思想,我清楚知我唔做就學唔學校學唔到既野!
學校學既同出0黎做野做既兩會事~不過做野果度地方真係幾複雜下~
返到家,亞媽又嘈,攪到我返家成日都係房!
食飯,又嘈,老豆話我!老豆好少話我!話想打我!我咁大個女只打過一次!
平時唔會話我,亦都唔會話打我!今次真係好嚴重下!
話我態度有問題!我知我自己唔可以成日都咁對家人!
但係有時又有冇諗過一打0黎就小我?好煩.........
老公又話我返工果度!好快...cut左我線!
喊了........我太眼淺!不過唔多唔少我真係有壓力!可以點?
兩方面諗既野講既野都唔同!最終決定係自己!但係兩方面我都唔想得失!
究竟......可以點???真係好煩!
打俾亞倩,喊左好陣子...
我既將來...........而家我行既每步,同我將來有關,有時真係想逃避!但係...唔能夠!
事情...點都要解決!
家人話我激佢0地!雖然我一向都反叛!但有時我都會聽佢0地講~
有時...我真係唔想激到老豆老母!但我又唔想老公唔開心,可以點???
今晚同老公傾電到12點幾訓了,我..........真的很累...

>>September 2, 2005 at 6:57:53 AM GMT+8

2005 年 8 月 29 日 星期一 【綿綿細雨】

今朝又遲左起身返學!上包裝,um......但係冇野交都係!
今日放學冇同亞倩食早餐,兩週年,sweet sweet呢~~
放左學陪老公打左陣機之後食早餐!
原本打算搭番去藍田,點知佢老豆打0黎要佢即刻買手電~
於是行左去CWB,買左!行去CWB期間玲E打0黎叫我今晚見工,
叫我今日返家拎功課出尖咀見!
買完手電之後搭地鐵,火車去上水!
都有一排冇去上水,冇野行,不過要等佢老豆,so冇野行都四圍行下!
去冒險樂園玩掟銀仔!記得以前細個好鍾意玩,仲掟左好多公仔返家~
不過而家係亞叔家寄養!事隔都唔知N咁多年,估唔到最近冇啦啦爆feel想掟下!
之後去左和味食!坐左陣~食完又再行,經Baleno,
見到Tammy調左0黎!佢好似冇以前咁精神咁,估唔到佢仲認得我,
我同佢有起碼9個月冇見過面!自從佢調走,我又辭職唔做之後...
老公個老豆終於打俾佢,於是同老公等佢老豆0黎俾部電話佢!
之後佢老豆車我0地返大埔!返到家冇人,老公病病地,係廳訓著了!
6點半左右送老公搭車,將D 2R相過埋膠,之後我返家食飯,食完8點11左右出門搭271出去~
早到了,等左好陣子,點知玲E個fd 0黎到先講個大老闆屋企有事,
so今晚見唔到我,FUCK~攪到我搭出搭入拎好多野,又大袋又重!
之後同玲E仲有佢個fd食野,基本上我係白坐,因為我食左飯!
差唔多11點先走人,我應承左老公見完工去搵佢,
於是我搭bus去佢家!我未試過夜晚晚走上人0地家!
我又再次呃我亞媽話去玩,其實係去老公家訓,好煩,又嘈我.......
唔聽電又話我唔聽,好啦,今次聽,又係咁嘈哂!唔知想點!
又話要我有交帶,好啦,今次我次次電都有聽,又講明我唔返家,但係都仲嘈,想點?
我真係唔知!講實話又唔鍾意,呃.......呃得幾多次?好煩!唔想理!
我咁大個人,拍拖呢D係我私生活,唔可以理咁多囉~
沖完涼原本打算訓,因為真係好眼訓,
一上到佢家涼都未沖已經好想訓!因為我今日遊車河,搭出搭入,好累,又早起!
但係老公今晚食得少野,so陪佢起身食杯麵!
食完之後3點多訓了!而家習慣左係老公家訓,而家好易就訓著!
如果一星期同老公一齊訓一晚已經足夠了.....

>>August 31, 2005 at 4:06:48 PM GMT+8

2005 年 8 月 28 日 星期日 【綿綿細雨】

今朝唔想起身返學囉,第2果個7點入0黎叫我起身,我唔知佢去邊樹咁早起身!
但係我又翻訓到7點4,5個字起身!攪到返到school成9點4左右!
上Alex堂,冇咩人返.....我又冇野交喎!個mouse壞了!
返到去老公拎左樣野俾我,原來佢幫我買左mouse呀>.<
亞東佢好早走,去遊船河!亞倩佢0地都冇返,結果我同老公早左兩個字落堂走人!
陪老公落左去打機,之後食早餐~
跟住返到老公家12點左右,0岩0岩好睇< 十萬噸情緣 >
點幾左右落牛頭角搵果個亞聰,老公之前幫佢買左隻碟,爛既,要幫佢換番~
之後行番官塘搵肥雞同佢女友亞魚,家強走先!
老公同我,仲有肥雞,魚一齊出mk,老公要買蠟,要幫架車打蠟!
買完返番藍田打算食下午茶,亞業係藍田等!點知老公個老豆話要佢車返家!
結果冇食到買左個包,我同亞魚兩個係老公家睇碟等佢0地返~
5點幾老公打返0黎話中途佢老豆打俾佢又話唔駛車佢!
結果老公,肥雞,業返番去停車場洗車,打蠟果D!
我同亞魚係家又食野又睇碟,係咁傾計,亞魚個人都幾nice,好多野講~仲幾高下=___="
6點左右亞魚話落去,話未見過人打蠟,洗車,結果同左佢一齊去停車場搵佢0地!
見到佢0地攪到身水身汗,真辛苦!
攪到7點左右齊齊上番老公家!亞業同老公沖涼,肥雞冇,送左亞魚返家~
我洗洗下杯冇啦啦亞迪入左0黎,可能係肥雞佢0地走時亞迪入0黎!
之後又叫左我去老公間房,原來係傾佢拍拖D野..........
等老公佢0地沖完涼同埋老公媽落去平田食飯!
食完老公帶佢亞媽睇下架車攪成點樣,之後車我返家~
返家冇耐沖涼!沖完等老公電,試下個mouse,得左!
玲E冇啦啦打俾我,原來佢幫我搵到朋友請人做廣告設計呢行,
話約我見工果D!又話肯定請,只要我肯學肯做就得!
但係要睇下我D功課,見下我咁!
唔知係咪真係請呢?唔知我係咪真係做到設計呢行呢?
由我第一日讀設計呢行,唔係一心想做呢行嗎???
我一直想搵office hour,只係想同老公見面時間多D~唔知又能唔能夠呢?
同老公傾到11點幾收線,大家都累了!ZzzzZzZzzzz.........

>>August 30, 2005 at 11:15:36 AM GMT+8

2005 年 8 月 27 日 星期六 【晴】

今朝11點先起身,聽到第2果個話去食野,之後起身make up換衫出去!
佢0地搵位飲茶先,我期後攪掂好哂搵佢0地!
一去到亞媽就係度嘈,嘈咩?又係$$$$$!!!
講到第2果個讀番書,讀設計,又話呢樣果樣,真係好煩!
冇耐玲E同亞婆0黎埋,又講返工!
其實我覺得佢0地講野唔係冇道理,但係唔駛講到我0地完全唔諗將來囉~
我0地諗咩野唔需要同你0地交代!
條路係我0地簡,你0地果D只係意見,我有權唔去聽!
最憎玲E講佢返工同我0地果D返工比囉~!
行行都辛苦0家啦~做sales唔係你0地諗咁簡單囉~
同埋我自己本身都唔想做番sales呢行...
將來既野冇人知,講咁多冇用!鬼唔知要進修英文咩!?
唔好當我0地諗野係幾歲大既小朋友先得0家!
已經19歲,話大唔,話細唔細,但有自己思想,有自己諗法!
就算將來遇到咩野都係自己承擔!呢個責任係自己!
我真係好討厭佢0地咁囉~如果真係咁叻咁掂又唔見佢識到個有錢人嫁左佢?
捱咁耐都係咁上下職位,我覺得如果真係有本事,有料既,我先服,就係咁!
呢一刻係好過我,但唔等於我將來行既路係唔好!
亞媽又話我成日搭出搭入四圍去,之後我小佢,同佢嘈左兩句!
我唔想,唔好迫我,就0黎癲了!
意見意見,所謂意見係責罵囉~!
鬧同平心靜氣傾係兩會事,如果咁都唔叫鬧,咁我真係唔知咩叫鬧囉~
或者我見識太少了!
第2果個頂唔順咁嘈,一粒聲唔出就走左去!
其實我一早已見佢全程黑面!
我頂唔順,我忍唔到,受夠!我唔可以唔出聲囉~!
話我硬頸,撐得恆!我咁既態度又有冇諗下你0地點先呀?
日日嘈,好多時嘈既都係小問題!無關痛癢既事!
係...呢個家係一個好完整既家庭!
我知每個家庭都有佢問題存在,成日會嘈,但呢一刻我真係忍唔到幾耐...
如果我有能力真係好想搬出0黎住,好想靜下..............
呢餐茶早知唔0黎飲!之後佢0地未飲完我就走左了!
打算去買mouse,堅係想做下功課,但唔知買邊隻mouse好!
問個sales又答唔到我,唔該唔好講埋D廢話啦!FUCK U!!!!!!!!
之後我買都冇買就走左!返左家同老公傾電,佢去左肥雞家做功課!
之後我一個人呆!執左少少野!睇見張書台就煩!好亂.......第2果個D野,女仔房0黎嗎?
睇唔過眼了,又見冇野做,跟住今日變左執屋日!
執左個架,而家整齊左!又抹下塵囉~
0岩0岩執完舅父佢0地0黎左,拎左去旅行既野俾我0地睇下~
最後決定左唔知邊間旅行社!
今晚亞媽煮左好多送,亞婆,玲E,舅父,細舅母都0黎食!
好多生果食!有我喜歡食既菠蘿,不過食完又屙,食到9點左右就走啦~
不過佢0地上0黎食我好多時都係房!冇耐沖涼!
夜晚如常同老公傾電,之後訓覺...................

>>September 4, 2005 at 4:20:32 PM GMT+8

2005 年 8 月 26 日 星期五 【雷雨】

今朝訓下醒下!9點8醒,hea到差唔多十點訓唔番,起身!
又俾老公話我化妝,我知為我皮膚好,想俾佢休息下!我會盡量聽你話的!
11點幾家強上左0黎一齊食野,老公揸車送我返大埔,
打算去到大埔先食野!開車前老公話急,結果車返佢家樓下返家去廁所!
0岩0岩好15分鐘唔駛錢,一出車俾架的士阻住!轉出去又轉左好幾次先得!
老公揸車期間老公媽打0黎,估佢想同我0地食飯~
結果我0地轉番落九龍灣,觀塘!觀塘好多車,架bus cut線又唔打燈,cut到出0黎先打!
攪到老公架車波箱有問題,又俾架電單車呠!
返到藍田直路俾架扮日產van王既van仔追尾!
去到停車去架van仔專登唔入0黎住等老公泊好先入0黎!
入到0黎又眼啤啤咁,老公啤番佢!果個司機好串下=_____="
跟住我0地行去啓田美心等位飲茶!行去期間TOTO問我條westwood電話繩係邊度買!
亞業都0黎埋飲茶!我好肚餓,so等緊期間同老公去左買燒賣同野飲!
飲到3點半走人!老公今日黑仔,所以決定都係唔車我返家了~
最終落左觀塘,佢0地送我搭bus!一上車冇耐訓著到大埔!
落車打俾老公傾到返家~一返家打算上下網,點知mouse有問題,冇得玩!
結果又同老公傾左陣電之後訓左陣!7點幾起身食飯!
食完hea左陣先沖涼~用唔到電腦打日記,結果又用手寫日記記錄!
害怕唔記得日常既生活!呢D係一個回憶!
最近睇番之前返工日子,工作上面真係令我一生難忘!
辛苦後的開心,呢種感覺係追唔番!
日後我再次返工,感覺已經唔同了!
10點幾老公打0黎,跟住亞迪搵佢又收線~冇耐打番0黎再傾,傾左陣收線!
原本打算訓,但佢見未訓又打番俾我,傾到差唔多兩點訓了~
眼訓......唔知點解覺得好累!
連續3日兩夜係老公家過夜既日子咁快就過去!
唔知幾時先可以再去老公家訓!雖然呢兩日冇咩地方去過!
但同老公一齊已經好開心!同埋我其實好多區都無去過~
但同老公一齊就可以去到D我無去過既區!
其實發覺自己都絕微小下!好多野都無見識過~
不過有個地方我一直都想去,由我生日到而家都仲係想去!果個地方就係赤柱了!
好耐冇去過呢個地方!期待9月份既來臨,老公重獲自由!
而9月份我最少有4日free~
老公!重獲自由後唔可以好似以前咁樣成日玩啦知嗎?

>>September 4, 2005 at 4:00:17 PM GMT+8

2005 年 8 月 25 日 星期四 【晴】

一早8點幾亞媽打0黎,冇聽到!跟住12點幾先覆番~都係講果D野啦....
今朝同老公11點多起身,打算落去食野,點知亞迪打0黎話佢表弟發燒要去接佢走!
結果我同老公陪左佢搭38去樂富接佢表弟!
佢表弟唔多似病,又走又玩咁!接佢走之後去左吉吉島食野!勁耐冇食吉吉島食!
我未去過樂富,好陌生!不過果度俾我感覺好屋邨商場!老公話樓亞迪表弟果度似廣福喎!
我一直覺得亞迪成日玩,唔似有父愛,點知佢對住佢表弟都幾有父愛!
食完野同佢0地去左OK,因為佢0地要吹煙!
之後搭MTR返藍田轉bus返家~亞迪呢兩日蒲要訓下,so佢表弟係我0地呢邊打機!
我都玩左陣賽車games!好耐冇玩過呢~~
起初都有d想訓,但係佢0地打機訓唔到!最終我都打左陣~
6點多佢表弟返番過去!跟住我幫老公手晾衫,而佢吸塵!攪掂好哂等老公媽返0黎食飯!
因為我0地冇聽到電話關係,老公媽返左上0黎嘈,因為佢擔心老公唔知又會唔會出事!
落街食飯,一出門見到亞迪,佢發脾氣!老公陪左佢一陣,我同老公媽落左去先~
係大家樂食,wo~~~我好耐冇係大家樂食野了!
食完同老公去左唔知welcome定PK買玻璃水同野飲,野食!
買完去左停車場放抵支玻璃水係車度之後返先返番去!
睇完< 酒店 >沖涼~到老公沖完涼之後佢整麵包食!跟住睇VCD---功夫
我拎左3隻碟係老公家!12點幾老公頂唔順想訓,不過佢仲要食多次藥先訓得!
結果食完藥睇完VCD就返房訓了!累.........

>>September 1, 2005 at 11:58:21 AM GMT+8

2005 年 8 月 24 日 星期三 【晴】

今朝老公sms俾我,但我訓到7點先起身,make up完攪掂好哂出口搭車返學!
冇點塞車,GOOD~~~上Angela堂,拎左隻燒碟返去,原本轉左做mini cooper.
但Angela話原本果個好D!而家只差字體同埋scan過張相等佢可以放大到A2 size!
老公果份做得幾好呀!~基本上完成得8899!放左學同亞倩食完早餐再去機舖搵老公!
之後同左佢0地去30蚊飯!亞東冇食就走左!
食完陪男仔君買cam果支米!之後亞星又話買整包裝功課果D野,
結果我0地搭船去尖咀,佢0地去GOD!
而我同老公搭271返大埔!老公陪我家拎衫!
返到家居然冇人!執完野之後打俾亞媽再同老公出門買鏡,買毛巾,
不過毛巾買唔到,搵唔0岩老公想要果隻質料!食埋下午茶,跟住搭74X出去!~
差唔多到觀塘時JOJO打0黎傾左陣電~
係牛頭角落車,陪老公睇醫生,佢隻眼發炎!
老公今晚冇返普通話,請左假!GOOD GOOD~~~>3< 因為我今晚去佢家所以咁!
睇醫生前經過唔知咩商場終於搵到佢想買既浴巾!
返到老公家搵亞迪,冇耐等埋老公媽去食飯!亞迪都有一齊!
最終去左油塘食!我第1次去油塘呢!~個餐實在太多野食了,又有0者喱,好飽~
食完老公同亞迪去OK買零食,而我同老公媽等小巴~
返到去0岩0岩睇< 酒店 >!睇完等埋老公媽沖完涼我就沖!
期間同老公有少少唔開心野~有時可能我俾左D誤會你,真係好對唔住,我會嘗試去改!
沖完涼之後老公訓左係廳,我知佢一訓就訓好耐!叫極佢都唔起~
於是我睇埋雜誌12點多就返訓房準備訓!
跟住send左個sms俾佢知我訓,等佢知我返左入房冇走到!
凌晨四點幾果時冇啦啦feel到有人攬住我,醒了!原來係老公醒左返入房訓>3<
不過我一醒就好難訓得翻!結果睇住個天光我先訓得著~
今晚亞媽有打俾我,叫我小心d!
我又再次呃左佢,其實我都唔想,只不過佢0地思想太守舊,太專制!
唔想嘈,不如呃佢.........

>>September 1, 2005 at 11:47:43 AM GMT+8