2005 年 10 月 17 日 星期一 【晴】

今朝又早起返工!買左包返公司食!
開工 . \ /. 排版!做左成朝冇停!
今日老公唔得閒話要肥雞家,so搵左carly同我一齊食!
佢居然食我食飯‧____‧
不過佢真係好多野講,同俾人感覺幾八咁!
而家終於知佢做出口同埋其實佢係第2間公司,根本唔關我0地事!
唔怪得佢成日可以咁早走人啦=__= 而且佢返工都冇咩做既!~
食飯返去冇耐Willy就返到,我又係咁做!
3點幾大老闆0黎左!Carly成個下晏係咁傾電=.="
佢都幾掂下,得閒有朋友上0黎,得閒就傾下電話同食橙!
做佢份工真係free爆!頂多fax下野收下野聽下電話咁!
最遲5點就走得人,返10點左右!真好!~
而我就係咁做係咁做,冇停過!基本上返工都冇點講電話~
4點多少少佢就走人,而大老闆5點多先走!
大老闆都有同我講下野,不過佢好似冇野咁,係好似............
今日排左廿幾頁,覺得自己快左0家啦~
之前唔係熟,而家熟左!只係部機打中文字有問題,同屋企pc唔同!
攪到打日文比平日慢超多!同埋個keybroad係冇中文字果D!好彩平日打慣字!
6點2左右我就話走人!收工前已收到老公sms!
收工一落到去就打俾佢,佢今日接唔到我收工,
佢出左去MK,而且話要接老豆,再加上要踢波~
Um....nevermind啦!通左陣電上到車差唔多返到大埔TOTO終於打0黎!
我今朝打過俾佢,打算叫佢拎handcream俾我!
點知佢食緊飯,原本話我返左家等佢先再出0黎!
但係佢最終又話返家後唔多想出0黎,結果都係冇出到!又要第2日!
都拖左幾耐下,大家都唔得閒,大家放假又有地方去咁!
我想放handcream係公司,因為公司開冷氣人都乾埋!可能冷氣大關係吧~
返到家食飯,食飯打下日記等埋老豆返0黎沖完涼我先沖!
跟住老公踢完波返到家樓下打俾我,再之後等佢沖完涼攪掂好哂D野電我!
期間JOJO,TOTO打0黎傾電!~不過TOTO另外又同緊佢個fd傾手電~
傾剪頭髮既問題!呀~~~我都想攪下個頭,不過唔知點攪,都有成4,5個月冇攪過了!
而家都唔知可以點攪,再電又唔得,頭髮一定碎硬!
剪又驚核突!真係唔知點算!=______= 呢D就係後果了!
之後同老公傾左陣電12點幾就準備訓覺
>︵< 累呀。。。。。


>>October 20, 2005 at 2:15:43 AM GMT+8

2005 年 10 月 16 日 星期日 【晴】

今朝9點左右老公打0黎,跟住冇耐我就醒了,琴晚3點先訓得著!
訓得6粒鐘就起身了=____="
之後make up完10點3左右就出門!
跟住去左買安美露同鼻通筒俾老公就搭車!
去到藍田打俾佢,佢0岩0岩起身,跟住我去左PK買野煮俾佢食!
其實我真係好少煮野食,所以唔識!今次第1次煮咖哩雞=.="
不過當學下啦,唔係屋企攪了,廢事亞媽話我攪亂屋企D野!
上到去老公家都12點了,估唔到用左成差唔多兩粒鐘就可以上到去佢家!
冇耐拎買左既野俾老公,=.="我買果支安美露都俾人呃添!
佢話果支唔係安美露0黎!而且仲要流既>"<
點解我成日買野都俾人呃0家!>口< 太差了!我真係好蠢呀!遲早激死人!
Hea左陣冇耐就煮!之後食..........um="= 放得多水了!
不過我之前上網睇話水3杯0家ma冇錯呀>"<
不過可能煮得唔夠耐就真!我見過亞媽煮係一早煮定等佢入味D!
如果我下次真係要再煮就要早點先得了!
今次煮好失敗呢~um.....今次失敗就知下次點做,希望下次會更好!
食完冇耐hea左陣先執野洗野!老公執完我洗,o....又係我煮又係我洗=.="
今日下晏訓左陣,好累,訓覺時凍襯,攪到訓醒好頭痛好凍好辛苦/_\
之後老公即刻拎左被俾我!又俾水我飲!
6點半多老公媽返到!之後老公媽返到就話老公琴晚飲醉果D!
攪到肥雞送佢返家果D.....
跟住老公同佢嘈左一輪,攪到老公媽!
見到老公媽真係嘈,所以拎左紙巾俾佢!
其實我都知老公媽係擔心佢又再出事先咁!其實都係出於關心!
不過老公媽都幾易喊=.=" 可能我真係好少見到我亞媽喊啦!
因為我亞媽太惡了!嘈交時100次先有一,兩次喊!
總之好日都唔會見佢一次喊啦!
最近見果次都係因為話我成日唔返家,話激到佢所以喊=___=
不過D父母硬係唔知點解覺得仔女唔返家唔聽電就等於不孝!
其實我覺得自己都好少博咀0家啦!最起碼唔會同粗口話佢0地先!
老公媽同老公好快冇事,跟住7點幾落去地鐵站食飯!
食完老公送我到APM搭bus!
今日搭bus又坐左係下層,呢期鍾意坐下層!可能懶得行上去吧!
哈~老公睇埋我開車先走!仲係出面指手劃腳!>3<
搭bus期間我0地都有傾下電!
9點9左右返到家,係家樓下商場見到大果個!
返到上去我食左少少朱古力!冇耐沖涼再sms俾老公!
之後隔幾個字佢都有打俾我傾電~
傾到肥雞搵佢就收線!而我都係上網打下日記咁!
到12點多就返入房準備訓,訓前打一打俾佢就訓了~
訓到兩點幾冇啦啦聽到sms,我平時凌晨訓著係冇咩可能聽到的!
今晚唔跳仲咩聽到,原來老公send過兩次0黎!跟住蒙蒙地咁覆佢!
覺得好頭暈咁="= 唔知係咪想病!次次轉天氣都係咁,想病想病咁!
原來老公點幾先返到家,sms左幾個就再訓!






>>October 18, 2005 at 1:14:40 PM GMT+8

2005 年 10 月 15 日 星期六 【晴】

今朝訓到9點多就send個sms俾老公睇下佢起身未!因為佢要返工!
但係我一send又訓番!到11點醒又sms多個俾佢!
因為佢應該出門會同我講,但係冇!估佢唔知醒起身!
原來真係,send完佢就打0黎話0岩0岩落街趕緊返工!
之後我起身!同佢sms左幾個跟住就抄野食!
今日成日都冇出街,上網ICQ同傾電,聽歌~
好悶呢~不過我唔係咁想出街,想休息下!有點累...
下晏分別同JOJO仲有EVA傾電~
冇野做返左入房唔知仲咩=___= 次次冇野做我都係咁!呆.....
又懶,咩野都唔想做!跟住7點幾食飯~
8點多老公先電我!傾左兩句佢就勁快手線=.="
話師夫係度喎~夜晚冇野做織頭巾同上網ICQ,MSN!
期間都有同老公sms,不過佢今晚收夜,所以等佢收工打俾我!
不過佢收工之後去食宵夜!所以我訓前一打一打俾就準備訓了!
就訓著時兩點幾佢打0黎,話返緊家!
跟住肥雞搶左老公手提聽話老公飲醉送佢返家叫我放心!
唔怪得佢好似蒙蒙地咁啦=.=" 老公好唔飲得的!
收線後就訓了~
唔知點解今晚特別想攬住老公訓,真係想凌晨出去搵佢,俾過佢唔俾=.="
話官塘好多唔知咩人.............



老公~下次同D同事食宵夜人0地係咁叫你飲都唔好飲咁多呀~
因為飲醉酒好辛苦的!雖然唔係成日,但點都要小心身體!

>>October 20, 2005 at 2:16:07 AM GMT+8

2005 年 10 月 14 日 星期五 【晴】

今朝7點3醒了,決定起身,跟住make up完就返工!
臨走前俾左個kiss老公就返工!果時佢仲訓緊...
上小巴冇耐佢先醒打俾我,話一起身唔見我,話我咁早出門,所以打俾我!
我想早點返公司做埋D野佢就早點走!
一條友係公司做,今次我好俾心機做!
希望唔會點俾佢話啦!~一個係公司有點凍,同埋房冷氣開到好大,個人好乾/_\
12點多老公0黎左搵我,陪我做野!
佢係我公司抄下野睇下野咁!攪到點幾先攪完~
因為我今次有攪下D字,有整番靚D同整齊D!
今朝我冇食野就返工,成朝都冇食過野!
我0地又諗去邊度食好,所以遲遲都未走人,攪到成兩點一先走人!
去左一間茶餐廳食,呢間之前有間夜晚做Angela份功課都有0黎食過一次...
係度食好攪笑,聽到D員工同埋一個麻甩佬係度傾計,
佢0黎係度講緊北姑!
個麻甩佬話晨早流流就有北姑問要唔要開心!又話100蚊果D!
我聽到佢0地用普通話講同埋佢0地真係講得好爆笑!
食完之後陪老公打左陣機就搭小巴返去!
冇野做去左停車場,老公俾我試揸車,wo~~~我冇呢個常識,未試過!
咩野都唔識,攪到好唔掂囉=___= 嚇死佢!
我驚一陣揸壞佢架車=.=" 跟住好快就俾番佢揸!
揸番上去最上果層時打算泊好架車,但係架車車頭有少少問題!震得勁!
跟住又揸左去將軍奧俾個師夫睇下,點知去到佢又話唔得閒!
結果要第2日,接埋亞東,但係的士佬老點!攪到揸左返去藍田再返番去將軍奧!
亞東係度我坐後座,老公揸車快,同埋今日沖左紅登................
不過係唔小心同唔知既情況下!唔知會唔會罰錢同埋扣分添得0家=.="
唉.................成日揸快車...
都唔聽我講,其實我講話好多次唔好揸快車,要安全駕駛!唔係一陣後悔都0黎唔切!
返到藍田,原本行緊返去老公家,點知中途佢先記得唔記得拎銀包,
最終我0地又行返番去停車場拎番!
返到老公家樓下湯威話0黎到,So我0地等埋佢先一齊上去!
上到去hea左陣坐左陣,佢0地吹左陣水跟住就同佢0地搭出去尖咀!
去到亞業係巴士站等我0地!
跟住同湯威亞業幫老公禁錢,佢同亞東去打機!
禁完再等埋肥雞同家強0黎齊人就去食韓燒!好耐冇食了>.<
好多野我都好耐冇食同做!
我0地差唔多食完子文收工0黎到!食完野我0地冇野做跟住個個都係度玩手機!
係度影相同埋錄影!好爆笑!我覺得亞東真係好傻好爆笑呀~嘿...
食完之後慢慢行去海港城果邊,跟住佢0地送我搭車就走人!
搭bus時我又訓著左!返到家食左朱古力冇耐就沖涼!
沖完涼打下日記!老公幫肥雞手收場!返到家沖完涼打俾我!
傾左兩句就收線訓了~返工早起好眼訓好累呢/_\............................

>>October 16, 2005 at 1:59:48 PM GMT+8

2005 年 10 月 13 日 星期四 【晴】

今朝仲以為唔駛返工咁!鬧鐘響果時仲係度諗仲咩事響鬧鐘=__=
好快出門,今日搭bus又好順利,GOOD~
Carly又係十點幾先返到!而我係度畫個藥盒!攪左成朝都仲未畫起一個!
老公今日陪我lunch,我拎埋琴日唔記得拎既野俾佢!
食完飯又返番去做野,今日早左落去食飯,所以早左幾個字返到公司!
老公今次陪埋我上去>3<
佢走左冇耐我又開工!Willy成4點先返到!
我畫果個咁既藥盒畫左成日!
佢返到0黎又話我呢樣唔0岩果樣唔0岩!
攪到今日又OT到7點多先走人!好累.............
做到我想喊!因為其實我已經好俾心機去做!
我覺得自己有盡到力!可能我記性唔係咁好,同埋我一星期返得果3日,
再加上好多野都仲係未熟!所以做起野上0黎樣樣都唔順利,比較慢...
屋企用AI係中文,但公司係用英文!
本身既我電腦已經唔熟,又要由中文轉為英文,更加困難!
但係我已經好努力了!跟住因為我連個說明書都仲未做起,
所以佢要我聽日返公司做埋佢!
原本聽日係唔駛返工的,變左要返!收工見到老公時真係好想喊囉="=
因為返工事事唔順利,Willy捉埋我微不足道既野!
我知印刷上面係要用菲林,所以要樣樣都執到好正!
返工唔同返學,返學我有我自己style,鍾意點整就點整!
但返工唔同,返工要聽人指示,咩野都劃一哂!~
D size要好準確!唔可以有差錯!
我做野又唔識變通,基本上做每樣野都有好幾個方法可以去做得到!
但我太蠢了!所以好多時都諗好多先諗到個方法出0黎做!
以前既我一直都以為坐office係比做sales易得多!
但其實唔係.....原來坐office都好辛苦!用腦都用得多,對眼對住部腦都累爆!
但做sales淨係靠把口,um........根本係兩會事!
做sales好多野都係手版眼見功夫!
我唯一唔鍾意做sales係唔鍾意個返工時間!以前成日凌晨先收工返家,好辛苦...
而家俾我做到關於設計呢行,唔係我一直都想既咩?
氣條路係我簡!我冇得後悔!好多時好多野都係硬食!
我唔做的話,遲下後悔仲衰!而家咁候生,有機會去試就盡量去試!
錯過機會就後悔莫及!
講番今晚...今晚收工之後去左老公家坐左陣,老公出左去同亞迪仲有亞迪哥傾計!
冇耐返番入0黎諗下今晚食咩野!差唔多成9點先落番觀塘食野!
原本去APM元氣食,但係要等,好多都係兩個兩個咁樣等,
最終老公話唔想等我0地就走左去樓上行下!
跟住彬打0黎話聽晚去打邊爐!嘩~~~好耐冇打,超想打呢~一口答應了!
之後老公發我脾氣,跟住又激我!
係APM我0地分開左行,最後係地鐵站等我!
最終去左扒王之扒食飯!老公做左D野令我好傷心................
我返工已經好想喊了,收工後又咁,我真係極度唔開心!
不過最終我0地又冇事!食果個牛扒,我覺得唔好食囉~
其實我點幾食完飯之後到9點幾10點都仲未食野!
基本上係肚餓的,但舊扒我食左一舊就冇食!
佢有兩細舊的!呢間扒王之扒可能係最cheap既一間!
珊瑚堡D扒仲好食過佢!食扒...諗諗下我同老公一齊4個月果時都係食扒的!
不過係珊瑚堡食!好食過今次好多,舊扒又大舊好多!又平D!又飽好多!
食完飯之後去買M巾同dom!幫埋肥雞買!肥雞係出面返緊0黎!
原本佢0地有地方去,不過我太累了,聽朝又早起返工!
所以我冇話要去其他地方!最終同老公一齊返家,攪到佢冇得去其他地方添=.="
返到家沖涼,沖完就準備訓,但係老公又要send野俾Alex,
要將AI file轉jpeg,佢唔識,所以幫佢同教埋佢先訓!果時都差唔多兩點lu~












老公~














>>October 17, 2005 at 2:57:49 PM GMT+8

2005 年 10 月 12 日 星期三 【晴】

今朝知醒起身!上到車...好累~返到公司,冇人返到!
跟住我又呆...休息下!10點幾Carly先返0黎!
Willy有打0黎叫我執下D藥丸!
12點幾老公先打0黎,佢琴晚4點先訓得著!So 12點先起身!
12點10左右落去搵佢!食飯!好快食完佢送我到我去樓下先走人!
返到去又係度執下藥丸!
3點幾4點Willy先返到!跟住幫Carly攪上網果D野!~
之後先教我做野!今次畫圖!
其實佢教我過兩,三次!不過我硬係唔入腦!
可能返工唔係日日都返!所以好多野都忘記了!
5點Carly走人!跟住Willy俾我激死了!因為我太冇記性="=
好多野都要係咁重複!咩野都唔識!
我做左一個月多啦!到而家都仲係咩野都唔識咁!
唔知想點,覺得自己好失敗!果刻真係好想喊/_\
因為Willy聽日晏返,所以佢要我畫少少俾佢睇!
攪到今日7點先走人!同佢一齊走!
係樓下就各散東西,老公同肥雞係地鐵站等我!
送我搭車!上到車先打番俾亞媽!
返到家食飯,食完上網打日記!
跟住又等老公電!不過佢今晚又去左肥雞家!
所以我冇等到佢返家就訓了!太累.....仲要早起返工!

我都唔明亞媽點解可以打成十幾個電話0黎!
我唔聽就係唔聽0家啦!我返緊工,唔係次次都咁準時收工!
點解次次6點多D就打0黎,打0黎仲咩春???
我收工自然會打返0黎0家啦!真係覺得好撚能!係好撚柒煩!
我已經夠煩0家啦!唔該唔好係咁打0黎好唔好???!!!Holy FUCK!!!受夠了!
容忍有個限度囉!你唔煩我都覺得煩!
我都想同屋企關係好D,但係知唔知你0地真係好撚煩0者!! >口<
我唔想生存係呢個家庭!點解我由中五畢業就開始係咁做野喎!點解!???
點解人0地老豆老母會俾錢佢0地駛,點解我冇?
由中學開始我既生活已經覺得好苦了!
中學年代屋企已經冇點俾錢我駛!
而家既我又要過住自食其力既日子了!其實真係好苦..........
我明白到而家我呢個年紀唔應該成日靠家人,明白到家人冇錢,
明白到我已經唔細,明白到家人永遠都係家人,
無論點都好,我都要硬食!無論點都係好,佢0地點都好,我都要容忍!
朋友講過,我既脾氣好左,其實......我一直以0黎我只係容忍...
容忍到花光力氣了!有D野...............我想理,但已經冇辦法去理!變到...唔想理.....
我想去改變,但有D野我冇辦法去改變!已經唔再想去改變了!
人生存係世上唔開心既野往往多過開心既野,
如果唔係咁我0地唔會覺得開心既野係咁貴重!

>>October 20, 2005 at 2:12:18 AM GMT+8

2005 年 10 月 11 日 星期二 【晴】

今朝又翻訓,8點出門口,係咁打俾老公驚佢唔知醒起身!
原來佢8點先起身!搭到差唔多到東隧果邊爆塞車!
有交通意外!攪到停左係度好耐!
有D巴士俾人落車行!但我果架唔得!
我坐左係下層,見到有D人好趕咁,但係司機唔俾佢0地落車喎!~
老公係school樓下等我!原本我叫佢唔駛等我,因為驚佢累...
返到school 0岩0岩好有3個位!
都唔係好識點攪=.=""" 跟住係咁易整兩整就落堂,因為今日太遲返到去!
落堂亞倩佢0地問Raymond野!問完就食早餐!
食完亞倩陪我入票,跟住佢返公司!
而我去機舖搵老公,次次返學都係如事...............
跟住又係等亞星打完機去30蚊飯!
食完老公陪我行落CWB打算整手機,但係原來唔係去SONY度!
而係去Sony Ericsson,係灣仔同旺角先有!
決定左都係下星期先整了!0岩0岩係灣仔行0黎又行返番去=___= 唔好啦掛?
跟住去左第2果度睇衫!不過D衫唔靚!
好快搭bus去觀塘,打算睇戲!亞業都0黎!
買完飛陪老公拎票,亞業陪佢上去,我係樓下等!
估唔到唔駛返工日子都係工廠區...拎完票行到觀廣之後又行番番去工廠區食野!
食完行去睇戲!0岩0岩好!咩野野食野飲都冇買入去!大家都食飽了!
睇超級無敵掌門狗之世紀大騙兔(Wallace & Gromit: The Curse Of The Wererabbit)
不過係粵語,其實我好想睇英文!英文好睇好多!聽都好聽好多!
幾好睇呀!有d地方幾攪笑!由其係初初企鵝果part笑爆咀!
好彩有睇到!不過好累,好唔夠訓,頭暈暈咁="=
睇完戲佢0地送我搭車之後返家換衫踢波!
我搭bus時又訓著了!好累......落車後打俾老公!
返到家冇耐就食飯!食完打日記,上下網咁~hea陣沖涼!
沖完涼同亞倩傾電~佢唔今日心情不太好,我都有好多野想講.....
等老公踢完波電.....跟住佢返到家沖完涼打俾我已經12點幾...
今次未訓著佢打0黎,不過果時已經好想訓了/_\
聽日仲要早起返工!...........


超級無敵掌門狗之世紀大騙兔(Wallace & Gromit: The Curse Of The Wererabbit)

導演: 力克柏卡(Nick Park), 史提保斯(Steve Box)
主演: 海倫娜寶咸卡達(Helena Bonham-Carter), 賴夫費恩斯(Ralph Fiennes)
片種: 動畫
級別:
日期: 2005-10-06


捉蟲敢死隊受聘活捉可惡餓兔，免得牠們吃掉蔬菜。
而杜特頓小姐贊助一年一度的”大大棵蔬果比賽”即將舉行，
每戶人家都細心照料自己參賽蔬菜，希望獲得冠軍，可是就在比賽前夕，
來了一隻肥大動物，每每明月高照出動，不單亂踐菜田，也破壞眾人的參賽作品；
今次華力士及阿高要出盡法寶活捉這隻Steve Box ，更要應付杜特頓小姐的追求者維多，
因為他主張要用槍射死為害蔬菜的餓兔，愛好和平的華力士及阿高如何化干戈為玉帛?








其實咩叫安全感?

>>October 23, 2005 at 1:40:34 PM GMT+8

2005 年 10 月 10 日 星期一 【晴】

今朝10點幾起身,之後食左個包!同老公sms~
成個下晏係家,冇野做,上網,織頸巾!
老公媽問我今晚去唔去佢家食飯,決定左去,so等老公陪完子文睇醫生電我!
Sms同我講聽日要拎d圖返去上堂!
跟住燒碟!陪機完成會自動彈出,果時我唔理又行開左拎野!
行番埋電腦度撞到cd果個位!
腳痛之餘仲攪到壞左=___=" 而家推唔番入去...........
唔知點攪好,之後唔理,4點左右老公電我話返觀塘睇!
So我都出門搭bus!係$3,8小巴站等老公!
我又唔知佢幫我俾埋車錢,走去用八達通,攪到老公冇左3個幾=.="
佢下晏飲左咖啡個肚又唔舒服喎!
咁俾我攪一攪激爆佢!=.=" 唔好意思呀老公! >"<
返到家佢休息下~跟住老公媽話落街拎乾既衫返上0黎,
叫我十分鐘落去幫佢拎返上0黎!
跟住我一出老公媽就返到上0黎,跟住我拎返入屋佢就去買送!
老公媽買完送返0黎我幫老公整黑頭同埋mask!
深層清潔!但係佢話< 那 >,so好快洗左了!
不過呢隻我都未用過=.=" 所以唔知點樣!
唔0岩既就唔好用啦~下次幫你< 呼 >暗瘡果D啦~
不過我要得閒搵下先得!
7點左右佢0地係走廊拜神,好大煙~隔離屋個個都< 山 >哂門!
佢0地拜完到8點左右老公媽煮起飯,食飯!
差唔多9點走人,老公車我返家先跟住去拎番部腦!
約左家強係停車場等!返到家10點都未到!
但係要等老豆返0黎先沖得涼!
沖涼前又俾部腦整襯隻腳,痛到我仆街,洗血.....
好似之前整襯隻手指咁流!攪到我行路吉吉下...
10點幾沖完就電老公!傾左幾句跟住等埋佢返家沖完涼電我~
不過今晚我又訓住等佢,佢打0黎果時都12點7,8個字了!~
第2日仲要叫起返學,所以講左兩句就再訓ZzZzZzZzzzzzzzzzz..........
















>>October 17, 2005 at 3:51:21 PM GMT+8

2005 年 10 月 9 日 星期日 【晴】

今朝8點幾起身,make up完之後就出門搭bus!今天紮起了頭髮出街~
搭bus前經過藥房,打算買鼻鼻果D俾老公,因為轉季鼻敏感又發!
但係果個人整左支唔知咩俾我,不過都係for鼻敏感!
不過我最終都冇買到,因為我驚買完之後又俾老公話我買得唔0岩="=...
次次買襯野俾佢都話唔0岩既!
老公9點幾先起身,我去到佢家0岩0岩先沖完涼!
今朝搭車好順利!用左一粒鐘左右就到老公家!
上到洗埋我D內衣褲,因為未洗,跟住又幫老公補番條褲!
12點幾去啟田美心食野!跟住打算行去地鐵站果邊買箱,
點知間舖未問!點幾都仲未開!我估起碼成3點開果D舖0黎啦~
想買又冇得買,我D野好亂了/_\
同老公入埋錢跟住搭bus返上去,繞停車場行返去!
返到去幫老公晾衫!好眼訓,訓左陣,俾老公嘈醒左,之後訓唔翻...
原本想今日去睇戲,最終都係冇/_\ 我真係想睇呢~算吧,第2日先!
6點幾先出門,因為佢去踢波~!
約左秋然係德田M記等,跟住搭小巴去觀塘,
之後佢0地送我搭車就走人,搭呢架bus好辛苦呀!
今日成架車都怪!總之好唔鍾意,感覺極度唔良好!
隔離果個麻甩佬坐左個半位,攪到我得番半個位坐,好唔鍾意!
我今日坐左係下層,斜對面果個女人成日望我,好唔鍾意!
D人傾電,講野好大聲,好嘈,好唔鍾意!
訓唔到覺,好唔鍾意!唉~~~~~~之後到大埔落車老公打0黎傾左陣電!
我去welcome買零食!太耐冇食過了!
又話減肥,但最終都係忍唔住入左去買,算吧~食埋今次先啦!
不過其實前日同亞媽行welcome已經買左朱古力,
大果個去welcome又買左朱古力俾我!而家屋企多左幾多零食下!
返到家食飯!食完上左陣網,打下日記!
開MSN,點知第2果個幫我update左版本!
攪到冇哂d野=_________= 真係唔該哂~
老公踢完波電我,傾左兩句收線,跟住再上多陣網就沖涼!
沖完涼打俾老公,佢踢完波食飯,傾左兩句!
跟住我又織頸巾!見到野係度飛!
隻野好似飛蛾既昆蟲!!啡啡地色,但飛得幾快下!係咁係我身邊飛!爆驚!!!

冇耐老公食完打0黎話去遊車河!
亞天好耐冇見,佢係咁話要去遊車河,結果近近地去油塘!
冇野做又織,救命!!!隻野又再次出現!!!!!!!
我掙扎左好耐!終於整死左佢!驚到我PK................
終於可以安心再織,等老公電~等佢期間我訓左係床度,訓著左!
等埋佢沖涼電我都12點半!我0岩0岩訓著佢打0黎!
跟住傾左兩個字電就收線再訓了!好累/_\.......點解我呢期成日都咁累0家?





>>October 20, 2005 at 2:17:13 AM GMT+8

2005 年 10 月 8 日 星期六 【晴】

今朝7點幾醒一次,9點又醒次!
因為老公家大風,門又輕,度門開了!俾風吹又自己< 山>埋左!幾恐怖...
佢亞爸亞媽7點幾起左身,我又聽到聲...
最終10點左右醒了!hea下睇下TV!睇堂本剛!
原本1點多去食野,但係我發老公脾氣,因為佢講左D說話幾難聽下!
不過可能佢太累了~!跟住又唔知點樣我唔理佢,仲執左D衫打算拎走!
冇耐佢居然著好哂衫褲就走左出去!但佢只係走廊!
跟住又返番入0黎!唔理佢.....
不過最終都俾佢泵掂了!之後.........跟住兩點幾先出門!
屋企成朝係咁打0黎,冇聽到!琴晚原本打算聽,但係電話有問題!
想聽時禁唔到制0黎聽!最終得過扯過不如又唔好聽電吧!~
落到樓下先聽電,俾亞媽係咁屌!屌到化哂~
大聲到....................我要將個手提拎開!
佢連環係咁屌,又叫我返0黎執野走果渣!
又話有咩事搵我都搵唔到!跟住又話大舅父入醫,check到有少少心臟病!
係咁屌係咁屌,最終我頂唔順應番佢,之後cut左佢線!
食野,去左食泰粉,上星期已經想食了!
約左家強湯威,湯威係我0地差唔多食哂先0黎到!
食完佢0地送我搭bus,之後出MK!
我搭bus又訓著左!落車去左大廣買冷!終於買了!太好

其實我見到另一隻好軟綿綿的!不過我打算下次先買果隻,因為我想買其他色!
老公話想要黑色,我見我買果隻黑色得0黎唔係咁淨色!所以買了!
買完打俾老公傾左陣電返家!返到家冇人,因為老豆老母去左探大舅父!
而我係咁搵針,搵左我幾耐!終於搵到開始織!
原來我買呢隻都幾難織,因為好難睇!攪到我織織下又拆哂再織!
點都好,都買了!硬食織吧!我相信我能夠織到的>︵<
織織下大果個放工返到!冇耐沖完涼又出去買games喎!跟住又一條友係家!
織織下我又走左去打日記,冇耐TOTO打0黎,傾左陣電~
好耐冇同佢見面了!最近好嗎???希望星期四真係可以見到啦!~
11點幾老公打0黎傾電到12點幾收線準備訓!
因為明天打算早起去搵佢,唔可以太夜訓!











>>October 20, 2005 at 2:13:13 AM GMT+8