2005 年 9 月 10 日 星期六 【晴】

而家幾點 : 10:25p.m
對自己中文姓名的評價 : 男仔名,型,少有
視力 : 近視
眼皮 : 雙
在那家醫院出生 :　廣華
鄰居的姓氏 : 唔知=___="
死穴 : 忍唔到笑,易喊,心軟
睡姿 : 缺乏安全感的bb睡姿,要攬住野先訓到
晚飯時間 : 通常7點幾
鬧鐘數目 : 7點左右
收藏品 : 相, 貴既野。

上茶樓必吃的點心 : 菜,咖哩< 游魚 >......
起床後第1件做的事 : 刷牙洗面去廁所
自起床到離家需時多久 : 9個字至1粒鐘
刷牙最先刷的部份 : 門牙
穿鞋時先穿左腳還是右腳 : 左
洗澡需要多久 :　半個鐘
讀報時最先讀的1版 : 娛樂

為人守時嗎 : 　盡量都守時
為人善忘嗎 : 　睇下咩事啦...
在意他人對你的看法嗎 : 很在意　
容易信別人嗎 : 一dd人啦
喜怒哀樂都寫在臉上嗎 : 會
會讓你討厭的人知道你討厭他嗎 : 　um....睇下咩人咩情況

哪個是唯一擁有自己ICQ+日記等密碼的人 : 得老公有,不過唔知佢記唔記得...
認為人定勝天還是天命不可違 :　命運..有一點點都是在手中
多為文作情還是為情作文 : 情

臨死前必做的事 : 話比我愛既人知我好愛佢,同所有人講再見
想做而不敢做的事 : 目前0黎講係攪下個頭
令你喜極而泣的事 : 老公為左我而返工做到病了
令你怒極而泣的事 : 基本上好多事我惱都會喊
令你痛極而泣的事 : 以前男友同我講鍾意第2個唔愛我要同我分手
令你悔極而泣的事 : 唔太考順,唔懂得爭取時間同機會
童年印象最深刻的事 : 太多

曾經誤以為鑽石山有鑽石嗎 : 唔會ma...有人會咁on9架咩
曾被出賣嗎 : 當然
曾出賣他人嗎 : 唔會
曾被侵犯私隱嗎 : 有
什麼曾使你沉迷至迷失自己 : 男人
對男女平等的看法 : 講就話男女平等,但我覺得男女係唔會平等...
表達快樂的方法 : 開心笑
緊張時的表現 : 深呼吸,好緊張既樣
最近最高興的事 : 冇
上1次流淚 : 2005年9月5日晚上
抗抑鬱良藥 : 靜靜的一個人大喊,食朱古力

最近1次撒謊的對象是誰 : 家人
為什麼說謊 : 因為唔知俾佢話,唔想同佢嘈
說謊已變成1種習慣嗎 : 咁又唔係
最能讓你有窩心感覺的歌曲 : Hear Me Cry
最能讓你有傷心感覺的歌曲 : 情人不會忘記,我真的受傷了
最愛動畫 : um.....好少睇呢D野
最愛節目 : 搞笑既,恐怖既
最愛甜品 : 好多,總之關於朱古力都多數喜歡!例如:心太軟
最信任的人 : 自己...
最憎恨的人 : 傷害我既人
最享受的1刻 : 同老公擁抱既時間,一齊入睡...
最常夢見的1幕 : 同老公一齊,仲有見到自己跳舞
最難忘的生日禮物 : 手提電話,朱古力蛋糕
最害怕失去的東西 : 老公
最不希望見到的情景 : 比我見到老公拖住其他女人or見到其他女sms
最不喜歡的話題 : 幾時搵到工,家人管我拍拖既事
最有回憶的地方 : 暫時係以前返Baleno既日子,放工食宵夜,凌晨係街上傾計
最感不安的地方 : 陌生既地方
最浪費時間的事 : 睇電視

有冇試過整晴天公仔求晴天 : 　冇
讓你最感動的說話 : 　盡力做到最好,有咩最好既都俾你連自己都唔理
讓你傷害最深的說話 : 我唔愛你啦,我鍾意左第2個
最好的事 : 跳舞同埋識到老公
最喜歡的花 : 正常好多人都鍾意玫瑰,我都係!仲有鍾意D紫色,藍色,特別少少既...
最渴望聽到的話 : 就算你變成點樣,你既全部我都愛!
最懷念的人 : 唔知...
最掛念的人 : 老公

相信1見鐘情還是日久生情 :　兩個都會架喎..
貪新忘舊嗎 : 唔會
試過同時間愛上多過兩個人嗎 : 好感就有試過,愛就冇
濫情嗎 : no
什麼令你愛上1個人 : 似返個男人.. 但係係我面對又會好小朋友
吵架後多是先讓步的1方嗎 : 睇下咩事,結果真係我好唔0岩我會讓步!但正常一個女仔都鍾意俾人泵,我都唔例外!
什麼令你不敢向愛人表白 : 我一向都唔會同人表白,可能我太被動
當愛上1個不愛你的他,你會 : 叫自己放棄
當1個你不愛的他愛上你時,你會 : 我會.... 表現逃避
發現你的朋友愛上你時,你會 : 如果我係唔鍾意既話會當冇事發生,仍然能夠做朋友

甘心等待沒有結果的事嗎 : 唔會
曾經愛1個人愛很深,深到讓你落淚嗎　: 有
曾遇上令你分不清是喜歡還是深愛的人嗎 : 有
經常被質疑說話的真確性嗎 : 唔會
有承認愛的勇氣嗎 : 有

你的知心好友是誰 : ... 幾個lo..
你快樂嗎 : okay啦
屋企有什麼人 : 　爸爸, 媽媽, 兩個家姐... 我是最細的一個
屋企之中最鐘意邊個 :　唔知...
最唔鐘意又係邊個 : 　唔知...
有無做過d咩野對唔住父母既事 : 　一定有啦..
有無諗過離家出走 : 　有..但最終都冇!因為我冇條件!
如果好朋友講你壞話你會點 : 唔會再當佢係我好朋友
你覺得好朋友會唔會永遠都係好朋友 : ..睇下人地會唔會都記住
會唔會對朋友講大話 : 睇下邊d朋友啦

最鐘意做咩 : 呆,有時傻笑下
最鐘意咩糖 : 綿花糖
最鐘意咩朱古力 : 好多都鍾意
最鐘意既公仔 : 龍貓
最鐘意咩歌 : 好聽都鍾意
最鐘意邊套電影 : 籍著雨點說愛你
最鐘意邊個國家 : 日本, 加拿大,澳洲
最鐘意既顏色 : 黑,白,紅,藍,銀....
最鐘意地鐵邊個站 : 尖沙咀　

呢1刻最鐘意既人,講佢個名出黎: fu
最討厭的地方 : 太多人既地方
最討厭的牌子 : beams boy,佢個logo有時做D產品出0黎似LV個logo咁...
最討厭邊個歌星 : 唔知　
最討厭日日做咩 : 嘈交
最討厭食咩 : 芝士
最討厭咩人 : 賤人&衰人&唔知醜既人
　
呢1刻最討厭你的人,講佢個名出黎 : 唔知
覺得同性戀點 : 冇咩特別,正常
接唔接受女同性戀 : 　接受
接唔接受男同性戀 : 　麻麻...
有1日你變左同性戀,你會覺得點解 : 冇咩野,唔會理人點睇,只要自己鍾意就得!
1個愛你的人,佢唔愛你,但又要留住你,你會覺得點 : 黑人憎,FUCK啦!~
你會愛1個人幾耐,點先放得低 : 計唔到...99%會好耐先放得低
拍拖你覺得會1世嗎 : 如果可以既話我會
覺得兩個人拍拖關唔關其他人事 : 唔關,呢D係我0地之間既事
愛係唔係1定要付出 : 一定要付出,付出愛
付出左既愛情最後得唔到結果你覺得點 : 有一個無悔既回億
你覺得愛情有無分輸贏 : 冇
無愛情會唔會死 : 未必...

而家好想見到邊個 : 　老公
而家想打比邊個 : 　老公
而家諗緊邊個 : 　老公
而家最想做咩 : 　靜下
而家面前有d咩你覺得好靚 : 　冇
而家面前有d咩你覺得唔靚 : 　唔知
而家想笑定喊 : 　笑
而家想唔想死 : 　唔想
而家幾點 : 11:09p.m

>>September 11, 2005 at 3:20:12 PM GMT+8

2005 年 9 月 9 日 星期五 【晴】

今朝9點多起身,之後make up,10點幾外出搵老公,
老公係巴士站等我,之後去左apm,打算睇下睇戲既時間!
點知APM冇得睇要去MK果D先睇,um.............算吧~
之後搭小巴返藍田!去美心搵位飲茶,等埋佢媽媽0黎一齊飲!
飲完佢媽媽要北上,跟住我同老公返家先!
Hea左陣,我同老公食埋果半筒雪糕,我太愛食了!
跟住佢d fds打0黎話去洗車果渣!~跟住4點幾我0地揸車出去九龍塘果邊洗車!
首先去寶達果邊搵肥鋒,跟住再去觀塘搵猩猩,再之後去德福搵埋肥仔
去到目的地,猩猩幫老公一齊洗車!仲打埋蠟添~!睇見佢0地真辛苦呀>0<
湯威0黎埋,因為今日係老公重獲自己既第1日,
所以今晚點都要出下街!
洗完車之後肥仔揸老公架車返觀塘先,
跟住老公同我仲有湯威返藍田泊番好架車,
上左老公家hea左陣諗去邊度食飯,打俾其他朋友約今晚出0黎,
約左秋然係德田M記等,跟住我0地搭215x出尖咀,出到去有少少雨...
去左味千食飯,搵埋亞業收工,
嘩.................好多野食囉~我0地叫左兩個拉麵同一個飯,
點知仲有兩樣小食,兩個麵都好大好滿,我食唔哂!又多料!
冇啦啦多隻蛋同兩舊豬骨!食完係尖咀行左陣,
之前幾次同老公出夜街都要好就住時間返去,今次終於唔駛啦!
終於可以真真正正咁樣係出面行夜街,喜歡>.<
行利時,再行番去新港果邊!行利時睇中鞋,
見到D衫幾靚,不過算吧,我都冇錢買~因為遲下畢業作品要用好多錢呢~
去左加拿芬新開果間another睇衫,睇中衫呀又/_\......
izzue果件又鍾意,係雜誌見到件衫又喜歡!太多野鍾意了/_\
10點幾大家都累,又唔知有咩地方去,跟住打算去觀塘碼頭果邊hea下!
So搭番bus返去,返番藍田,老公揸車去碼頭,我未試過夜晚係碼頭坐!
係藍田地鐵站果邊亞業,湯威,秋然一齊落車去PK買野食打算拎去碼頭時食!
不過我搭搭下車覺得唔對路,覺得個胃好唔舒服!
好似想嘔咁,果刻以為自己暈車浪,但係正常暈車浪係又頭暈又想嘔0家ma~但我冇...
跟住打算自己頂得順,落車一陣都仲係覺得唔舒服!
去停車場拎車時仲更加想嘔............好唔舒服,好胃痛!
最終老公車番佢0地上返番0黎就返家冇去到觀塘碼頭,sorry各位,下次一定去得成的!
佢0地仲幫我買左驅風油,不過冇用到.....anyway,thx~!
返到家冇耐亞迪都0黎埋,亞迪知我胃痛,去左佢家拎左胃藥俾我,
好怕食藥呀我真係="=.........食完抖左陣就冇咩野啦!
好彩有胃藥,唔係今晚實嘔...........
可能今日食得太多野關係所以咁掛=.="
結果今晚係老公家訓,同佢0地一齊睇波,基本上我都唔睇波既,唔識睇=___=
佢0地玩練大隻,練手力果舊野,湯威好勁,好大力呀!好輕易做到!
之後同湯威< 咬 >手瓜,佢好大力,我成個人壓落去都唔夠佢大力=.="
而且佢都冇咩點出力!
冇野做洗完臉hea到兩點左右就返入房訓!好累呢.............
唉...都有一排未試過胃痛到咁辛苦!平時胃痛唔理佢一陣就冇野,
今次胃痛到想嘔,真係辛苦到呀! /_\................................


>>September 11, 2005 at 4:37:23 PM GMT+8

2005 年 9 月 8 日 星期四 【晴】

今朝7點左右起身,搭74X爆多人呀都係!見到有人插隊!=___=
今次冇塞車,0岩0岩好準時返到去!我計過了~我最遲要7點9出門口就準時返到去!
返到去又係一條友,原本打算做功課,發覺原來係燒唔到碟,
結果都係唔做了~冇耐9點8,9個字Willy打0黎叫我退住地先~out住圖先!
呢家野我真係唔熟,橫掂冇野做,做下~
佢成12點先返到0黎!基本上我9點半之前返到公司已經得!
1點1,2個字去食飯!打俾亞仔叫佢陪下我~
食左個唔好食既粉/_\ 好酸,我一向都食唔到酸野,早知唔叫呢個!辛苦死!又貴!
一個咁既粉32蚊!真係好唔抵!日日咁食唔係辦法!
其實都好耐冇同過亞仔好好傾計!佢講野同以前冇咩分別~
我0地都有講下以前返工既野~講起D DM咁樣!
講下亞明同Andy!講起Andy諗起佢都幾攪野~佢又細粒喎!
講野又唔正!又黑!唔知點講~總之都係傻傻地咁啦!
而亞明俾我感覺靚仔!~不過有兩年冇見了!
仲記得初初入行,佢in我,果一刻淨係覺得閃哂=.=+
Um.............好耐都冇試過話人靚仔了!
食完飯之後又返番去公司!成日對住部腦對眼眼唔係太累,
但係條頸條腰都有點累.........
5點多大老闆0黎左!一個成40歲既女人0黎!
不過佢就冇咩點,好似幾nice咁,不過出0黎做野知人口面不知心!小心點好...
準時6點收工,原來老公5點幾已經係出面等我收工>.<
老公話Willy唔係好人,佢好串喎~
老公係出面等我收工時,Willy出去煲煙時係咁啤住老公!
放左工之後同佢返佢家!我冇返到家食飯,
冇耐肥雞上0黎一齊食飯,去左地鐵站果邊食!
食完之後落番觀塘,陪我等車返家!
返到大埔買眼線液,冇哂~還是喜歡用液多,雖然液係難操縱過筆!
但係用筆又唔放水,成日化開/_\ 唔鍾意咁!
買完返家,返到家同亞媽傾左陣計!講玲E d野~!
其實係亞媽講起!~um..........我一向都唔係咁鍾意玲E!佢D性格好有問題!
傾左陣沖涼~之後打俾老公傾電!~
12點半前收線準備訓了!ZZzzzzzZz............好累,我要好好訓下先得啦!
PS:老公太好了!!!今晚12點正就重獲自己啦~
Um.....返工,我電腦D野好唔熟,所以我要用多少少時間去記野,而家先0岩0岩開始!
我估日後仲更加吃力,但我相信做得0黎的>︵<
但係我怕對得電腦太多,近視會越0黎越深!
而家最驚係我返得工0黎又唔理學業,唔想好似之前咁樣,
不過我而家返工學到既野對將來做畢業作品會有用!所以我係唔可以咁輕易放棄的!

>>September 11, 2005 at 2:07:03 PM GMT+8

2005 年 9 月 7 日 星期三 【晴】

今朝又唔知醒起身,7點8先起身!之後我仲慢吞吞咁樣make up換衫!
9點半左右先返到去~冇野交俾Angela睇=______= 唉..............失敗!
落堂如常同亞倩食早餐,又傾左好多野~
之後去搵老公!睇佢0地打機...
12點幾先去30蚊食飯!不過我當然冇食啦!~
食完之後佢0地又返番打機=___= 本人覺得打機實在太燒錢了!
兩點左右同老公去見老感!今次係最後一次見!GOOD GOOD~
老公9號12點正就守玩啦!>3<
陪完佢之後同左佢返家!~好眼訓...........
6點幾先慢慢行去地鐵站買野食,肚餓.....
返家.....俾亞媽話左兩句!因為食左D垃雜野,所以冇咁快餓,
結果沖完涼先食D~
食完同老公傾電到12點收線!好累..............
但係都唔能夠即訓既=__= 12點9左右先訓得著/_\

>>September 11, 2005 at 10:12:44 AM GMT+8

2005 年 9 月 6 日 星期二 【晴】

今朝7點左右起身,搭74X出觀塘!原本諗一定唔會遲!
點知吐露港塞車,塞左好耐!去到去馬鞍山,大老山果邊直路仲塞緊!
原來撞車!一架bus撞到上層個頭爆哂~
攪到我遲到,老公係巴士站等我!仲買左早餐俾我!謝謝老公~
遲左3個字返到去!不過老闆仲未返,一條友食住早餐睇下書咁等,
佢9點8左右打0黎話返緊0黎,點知差唔多成11點先返到!
11點幾教我野!原來返工同返學學既野完全唔同!
返學果D只係概念!係工作上唔會點用到!
因為我之前photoshop果D堂冇上過,咩野都唔識,所以今日佢教我少少野!
今日成日都冇做過咩野,淨係教我點做!
我唔明,又教多我幾次!俾我感覺今日似上堂多!
下晝搵左亞仔食飯!原來佢公司包埋食飯唔駛錢,真係好,可以慳D!
可能因為我唔識路,今日食果度幾貴呢!~
平時食麵粉十幾廿蚊,但果度要30蚊左右!
亞仔話過多兩年左右就結婚!佢同佢男友一齊左7年啦!真係開心~
雖然期間大家都有第3者!但最終都簡番對方,呢d真係感情啦!
經歷得多辛酸既愛情,最後都會開花結果的,我經常都咁認為!
不過當中一定會好苦/_\........
食完野返番去,又係一條友,坐左陣Willy就返到!
之後又教下我野咁!冇耐3點幾4點就出去!
佢去紙廠呀!之後得番一條友係公司識下佢教我D野,幫佢收下貨等等!
Willy話我收哂貨果D就走得!結果我叫左老公早D上0黎!
因為知佢3點幾4點就收左工!
5點一,兩個字左右走人,觀塘工廠區好辛苦囉行果條路!
D車,好多廢氣......好辛苦!
但係我又想行去睇下老公係邊度返工喎!~
之後去左APM去廁所再陪老公食野!
食完上左老公家,我好累,想訓陣,但又唔想返家住!
結果訓左一陣,7點幾同埋佢媽媽落去食飯!
佢媽媽居然同我講D我從來冇諗過佢會同我講既野!
食完飯之後去老公送我到APM搭bus!
成程bus好累,不過老公同我傾陣電!返到家即沖涼!
一返到家亞媽就由頭望到我落腳!真係好唔鍾意佢咁囉~
擺到明睇我返工點著衫0者!~真係好煩,好討厭!!!
沖完聽陣歌,同老公傾電,12點前收線了~大家都好累呢~~~
PS:謝謝老公接我返工放工,買早餐俾我~

>>September 8, 2005 at 12:11:01 PM GMT+8

2005 年 9 月 5 日 星期一 【乍寒還暖】

今朝唔知醒起身,7點半左右起身!如果唔係老公一個sms我都起唔到身!
9點半左右返到去~都係白坐,冇野交,唔知仲咩事,而家...............好懶!
差唔多落堂我同亞倩去食早餐~!坐左陣,傾左陣計...
Um.....最終知自己最愛係邊個已足夠!
之後去機舖搵老公~!原本佢0地去30蚊食飯,不過等亞星等左好耐先去!亞星好鍾意打機!
佢0地食完野之後我同老公返左家~
JOJO點幾打0黎,原來佢放食飯,希望佢而家學校生活開心,識多D朋友仔!
冇耐玲E打0黎,講聽日返工既野,講完收線!
原本我同老公一齊訓著左,因為我又訓得好少,連續兩日係咁.....好辛苦!
算吧~自己羅0黎的!訓訓下玲E又再次打0黎,叫我9點半出尖咀拎key果D!
心諗為咩要專登出去尖咀拎ket 0者!佢返0黎大埔俾我仲好啦~
攪到我又搭出搭入,朝早已經好早起身返學,又過海,搭1粒鐘車...
由大埔出尖咀又一粒鐘,shit~~~
最終我簡左唔返家住,直落由藍田出尖咀!
5點幾同老公食D野~之後再返佢家!
等佢亞媽返,7點幾同佢0地落去食飯,不過我冇食,因為食左野唔餓~
8點9老公陪我等車!上車心諗一定一條友坐啦,GOOD!~
點知去到藍田地鐵站有D大陸人上車,個男人坐左我隔離=_______= 一陣酒味...嘔..........
9點4已經到登格蘭酒店!等左一陣玲E 0黎到!
之後又去返上次果間度食野,等佢兩個fd,一個係我老闆!
等左好耐..............心諗一定好夜返家!因為佢0地一定傾計傾得耐~
點解要我係度聽埋你0地講D唔關我事既野/_\ 我好累,真係好想早返家早點訓!
食食食,食到11點半先走人~搭bus返家!
返到家12點半左右!即沖涼~又要等個頭乾=____=
同老公傾左陣電就收線!因為佢都累了~
我個頭都未乾哂就訓了,因為真係好眼訓呢/_\ 聽日仲要返工返9點!

>>September 8, 2005 at 12:07:45 PM GMT+8

2005 年 9 月 4 日 星期日 【晴】

今朝原本打算6點幾起身,但係都訓到7點1先起身!
跟住7點9左右出門!上車前我已經send左個sms俾老公,
跟住隔離開左,行左3個字左右都仲未見佢覆番我,
都知唔對路,知佢可能仲未醒,於是打電俾佢,
打左好幾次佢先醒,8點幾佢先起身~
返到去冇野交,不過今日返學好齊人!
小葵都有返呀~!佢去左迪士尼了!um...........我估我未必咁快去~
不過其實我都幾有興趣想去!但係去一去都要800-1000蚊!
住果度D酒店好貴下囉=____="
放左學之後去食早餐,可能訓得少關係,冇咩胃口,份早餐食左一半渣~
食完去機舖搵老公,都係睇人打機,um...我打機太差了,無謂俾人見到=.="
原本老公同佢0地食野,但係亞星佢0地係咁打機,
最終我0地走人,返去老公家,佢要執番好張梳化床!
期間肥雞,亞業都打0黎,話去食泰粉喎~!
於是我0地都ok趕咁樣落去~!佢0地食緊期間EVA打0黎問我係邊!
原來佢想游水!但係我冇可能即返去0家ma~
而佢又星期四放假,於是決定左星期四游黃昏水係太和!
其實我唔係咁想去太和游,太遠啦!不過又唔知可以係邊度游=___=
食完陪老公行去觀塘幫佢老豆交罰款~
原來係郵政局可以交,早知唔駛行去觀塘咁曬咁熱啦!
攪掂好哂3點左右搭車走人,亞魚都要返家~
老公送我搭車返0黎大埔呀!GOOD~~~>3< 兩日啦!~
我會珍惜呢個機會,因為唔係成日有!亦知成日咁樣老公會好辛苦好累呢~
送到我返家之後佢搭番去踢波,而我返到家聽左陣歌,
同老公傾左幾句電就訓,一訓訓到6點9老公換完衫搵埋朋友去踢波打俾我先醒!
如果唔係咁我又唔知幾時先醒,不過真係好累好眼訓呢~!
起身冇耐7點幾食飯!食完冇耐kids打0黎喎!勁耐冇打俾我囉佢!
原來問我有冇識人做I.T ,又係講返工囉~佢之前係酒店做,
但係收凌晨,又話係CWB做,返好長時間果渣,冇做!
而家又搵唔到工,打算做sales喎!跟住傾左陣電收線冇耐亞仔打0黎!
佢又係勁耐冇打過俾我啦!原來話下星期三亞文生日去唱K果D!
跟住又同亞仔傾左陣電~原來佢同我返工條街係一樣!
佢55號,而我17號!so打算我返工第1日搵佢食飯,
我都唔識路,有個人陪下好D...........
傾完即沖涼,< 呼 >mask~同老公傾電,12點幾收線...
今晚夜夜都唔想訓.................唔想訓.....
其實我心情仲係好差...........十個差有二十個!...




>>September 5, 2005 at 6:12:46 PM GMT+8

2005 年 9 月 4 日 星期日 【晴】



>>September 5, 2005 at 3:00:44 PM GMT+8

2005 年 9 月 3 日 星期六 【乍寒還暖】









今日...係家影的

>>September 11, 2005 at 4:23:02 PM GMT+8

2005 年 9 月 2 日 星期五 【綿綿細雨】

今朝10點幾起身,其實係我訓緊中聽到亞媽同我講去飲茶!
起身之後唔見佢,第2果個咁0岩起身返工!
同佢傾左陣,又係果D野=________=
佢問左我借100蚊,算吧...今個月有淨錢!冇買過野~
打俾老公,今日打算出去搵老公個fd肥雞家做功課!
咁我起身make up,之後就搭bus出去搵老公~
出到去先食野,食完去肥雞度,不過未用得電腦住,結果上左亞業家!
原來天台真係好亂呢~
不過如果我有一個咁既家,我會大執,一個人住呢度都幾好呀~!
3點幾先落去肥雞家,不過因為紙質問題,scan有d問題!
最終又係咩野都冇做,打算星期一買左紙再做!
4點幾同埋肥雞接亞魚,去左大快活食D野,冇耐佢0地買送煮飯,
um.............覺得自己好失敗!因為我唔識煮飯咩,覺得自己咩野都唔識...好差勁!
跟住同老公去左APM,睇手電!冇耐老公送我搭車返大埔!GOOD~~~
返到大埔陪老公禁完錢去Shiseido專櫃買眼線筆,
未試過用筆,用開液,唔知好唔好用呢,
我太易喊了!所以一定要防到水,唔係就PK了~!
買完再陪老公去FANCL買泡沫洗面粉!買完送到我家樓下,傾左幾句老公走了~
返到家7點半食飯!食完hea左陣,打日記~
跟住沖涼~沖涼前亞媽又提點我返工點樣!夠了~好煩!
太著緊太著緊份工了!!!!!又話要俾下面人果D....................
呢幾日俾呢D野已經煩夠了~!唔想再聽......好辛苦!
拍拖...返工,唉.........................................
今晚TOTO打0黎同我講星期一去街果D~
10點9左右老公打0黎,傾電,12點半收線準備訓~!
老公唔可以太夜訓,聽朝一早要車佢亞媽返工...
呢幾日...........仲係煩緊...........受夠了!
事情一日仲係咁,就一日仲係煩!...................唉
呢幾日食左多朱古力...

>>September 4, 2005 at 6:40:24 AM GMT+8