2005 年 12 月 13 日 星期二 【乍雨乍晴】

返工!返到去...........換左鎖?點解咁0家???
即打俾Willy,佢話Carly返緊0黎!
係門口等左陣,Carly話Willy要佢每日都做開門果個!因為佢住得近!
但係Carly一向都遲我成兩粒鐘先返到公司!
Carly仲話唔想,因為佢一向都自由身,想晏D返!
但係Willy咁講,唔通推左佢咩?
跟住.......我0地都傾左陣計!Carly講下佢老公既野咁!
今朝同老公講我今晚去佢家訓!佢問點解!因為我平時唔會主動話去佢度訓!
食飯~食完又返去做野!要改本書呀!死啦!印唔切啦可能!
Willy 3點幾就走!我聽唔清楚佢講咩野,只知佢要走!唔舒服?
Carly4點左右都走埋,因為佢要去銀行做少少野!
得番我一個,5點幾做埋哂d野,想早走,但係唔得!因為要等老公收工返0黎!
冇野做,上下網,打日記,聽下歌,織條頸巾!太好了!終於織完!
但係我之前織起果條......唔見左/_\ 點算好?
可否趕起聖誕節前同老公一齊出街帶住同一條頸巾呢?
係公司等左好耐,冇野做,望住D魚望左好耐!
睇埋Carly番抵既報紙!等等等..................等左好耐...
7點9,10左右終於等到老公電我!佢0岩岩收工!
今日係屯門做野!所以返0黎要成粒鐘多少少!
等..................等到差唔多9點佢再打0黎叫我慢慢行去M記等佢!
琴日係秋然生日,但係老公爸都生日,所以要今日同秋然補祝番!
佢仲買左新電話Sharp既SX833 >口< 紅色的!我喜歡!秋然真係有錢了/_\
黑色都型,如果有白色最好!我覺得呢部機好正呢!D功能幾好!
但係老公話好易壞!不過...我覺得部機大了少少!
跟住去左打邊爐!好呀!叫左酒飲!我一向都唔飲得!
原本冇飲,但係老公醉醉地,所以我幫佢飲埋!其實飲得好少,但係我已經呆了=____=
我好耐冇飲酒了!大半年都有!
跟住佢0地話我塊臉好紅!老公話我好唔對路!
我覺得自己好清醒的!只係覺得有點想嘔!
我唔知點解一向飲酒飲第1日已經覺得沖到上腦咁!所以我唔飲得!
我同老公都有點醉意!湯威都好似有少少醉,佢聽朝要返工所以早走!
冇耐肥雞0黎到!最清醒都係佢!
亞業飲到好開心,high哂咁!佢0地整到張台......好烏漕=.="
秋然都清醒,但係感覺都係有少少醉,佢今晚講左好多佢之前拍拖既野!
講佢以前d女友!爆左ok多野!
11點多少少我0地走人,跟住陪埋秋然買糖水就搭$3.8返去!
返到藍田凍到呀>0< o.......................
老公媽訓左係廳!嗯...明白到做媽媽一向都擔心子女!
其實...我媽每次都等到我返0黎好夜都未訓的!所以我唔返家唔打返去亞媽就嘈下我!
其實都只係著緊我!我明白........只不過我怕佢煩0者!~
沖涼,等埋老公沖完就準備訓!兩點幾訓著了!



今日14號!8個月啦老公!
你明白點解我話今晚去你度訓嗎?



>>December 16, 2005 at 12:06:33 PM GMT+8

2005 年 12 月 12 日 星期一 【乍雨乍晴】

今朝...冇返到工!得過扯過咁=.="
覺得自己好似唔鍾意返呢份工咁!
是厭倦或是懶惰?或者我已經冇心去做?
不過老公有返工!不過遲了少少...
我係老公家訓多陣先起身跟住make up外出去搵佢!
都係去大圍搵佢!佢等埋我一齊去食飯!
餐lunch我又食左好少...
因為同老公有少少爭執!冇咩心機食野了!
食完同老公行去泊番好架車!因為佢泊果個其實係人0地既!
佢今日要揸車揸佢老豆返0黎!
去到一睇,有張紙,果個人話呢個位係私人定唔知咩,總之就叫盡快揸走果d!
跟住老公就泊上左少少!而我就將我今朝幫佢寫果張野拎出0黎俾佢放係車頭!
寫住:如有所失請電:xxxxxxxx
不過老公將個失字個多左少少野=.=" 俾左個屋仔佢!
攪掂好行返去,佢同亞星再開工做野!
到3點幾食tea!食左d野之後又返番去!
等佢0地收工!跟住車亞星返家,再入石岡搵老公個老豆!
老公個老豆今日生日!去到石岡,老公爸話車去大冒山行荃灣線!
我第1次上大冒山的!我坐車尾,覺得好凍,食哂風,果度好多灣!
但係感覺好良好!因為好新鮮!但係好危險!
所以老公如果冇老公爸係度唔可以揸車上去呀!點都有多個睇住好點!
我搭搭下車又訓著左=.=" 因為老公爸同老公講野,講揸車既野!
咁我廢事多講其他野,所以冇野講,之後又訓著左!
次次搭車都訓著!返到去行去平田食飯!
等埋老公媽同佢亞哥0黎!老公爸講野好攪笑!哈~
食完飯返番去老公家先,因為老公要拎番相機俾肥雞!
跟住我拎埋d英文書走人!原本唔想拎,但老公要我拎!
咁我諗住搭車廢事拎住咁多野ma!
點知落到去老公車我返去!原本話唔車的!
但係落左觀塘搵肥雞先!跟住去禁錢!之後就揸車返富善!
佢0地要放水,跟住幫老公增值!跟住再車我返家!
返到家等老豆返0黎之後先沖涼!
期間同老公傾左陣電,講我點解琴日朝咁...
佢果時俾肥雞揸下車,肥雞0岩岩考到車牌!佢0地揸去油塘再返藍田!
跟住沖完涼等老公電我!之後...我0地傾..........
傾我0地之間既問題...
其實我以前拍拖都唔會傾大家有咩問題!或者逃避吧?
你我都知成日嘈交係唔係辦法!
大家都有問題,嘈交相方都要負責,唔可以將個問題推卸係對方身上!
或者...最近我脾氣是大了點!
老公話俾我決定...................................................
但係..........
愛........係『不捨』
我決定唔會離開你...



>>December 16, 2005 at 12:29:39 PM GMT+8

2005 年 12 月 11 日 星期日 【颳風】

返學返學返學...............
今朝ＯＫ早起身!因為驚世貿搭bus遲到!結果今朝搭火車地鐵!
好似好耐無搭火車地鐵返學了!
不過今朝我心情不太好,結果無聽到老公電!
佢今朝都好早返去!買左雙料朱古力cookies係機舖等我!
上到班,好多唔識既人!其他班!原來有咁多畢業生!
返到去先知原來下晏都要返!
上晝果個唔記得左叫咩名既男人係十幾年前係正形畢業既０黎講解!
講下上年畢業作品點樣!有點悶.........
食飯前我０地半日制既留抵講番我０地遲下應該返邊日!
校長俾左３個時間我０地簡!我０地一至通過打算星期四返上晝１０：３０!
講完去食飯,同亞倩食!老公同亞星佢地打機!小葵要返工走先!
有一排無見亞倩了!最近好嗎?
我覺得你而家份工幾好!而家你好似精神左!
好快食完行返去機舖搵老公!亞倩返工唔返學了!
下晏返到去聽下份畢業作品點做!跟住緊張時間到!
就係出題目!今年無得俾我０地簡!全由命運安排!
學校只係我０地名單度排左１２３４５咁樣!
之後就抽第１號做邊個國家!老公係５號要做中東!
而我係３號要做亞洲!真係好彩!校長抽中３號做亞洲!
講完哂所有野走得!之後又同左老公去打機!
呀!!!!!好悶呀!成日離唔開打機!明白到每個男仔都係鍾意打機...........
不過老公打左陣知我唔想留係度!所以走人先!
陪佢去左食野之後搭丁丁去CWB行街街!
終於可以得我兩行街了!好耐冇試過咁!雖然只係好短暫既時間!但我已經覺得好開心!
原本打算買鞋!但係最終決定第２日去尖咀間專門店買!想睇下果度會唔會多Ｄ色!
行行行......今日去左米蘭站果Ｄ度睇!
真係好想買!由年幾前已經想買!不過最終又無做到大Ｂ!結果呢個期望已經打消!
不過唔梗要啦!呢Ｄ又唔係等駛既!將來遲下先買!
今日見到有個ＬＶ好靚呀!六千幾蚊＝＿＿＿＝
行到咁上下再慢慢行返灣仔!途中食左串魚蛋!嘩........好辣呀!
食完即去買野飲!返到灣仔去返正形拎番英文書,老公拎番條牛褲走人!
去到學校,今日學校好似好多人!亞sir遲左３個字到!所以今日遲左３個字落堂!
放學後行去１８８搵肥雞,業,東!點知佢０地０岩０岩食完飯!
結果上左小巴返官塘食!等車時亞東話有個女仔似我!
基本上好多時Ｄ人都話似我０家啦!
去到官塘又諗唔到食咩!落車經過見到有間酒樓落哂Ｄ咁!
諗唔到食咩時,亞業去大Ｂ買襪!係果度見到jackey!!!!!
起初佢叫我隨便睇!我望實佢!佢再望真點我先認得我叫我:Ｅ!?亞女!
果刻我想叫佢爸爸!因為以前有時都會咁叫!
佢好睇住我０地!同埋佢係幾好人!只係淫了點........不過只係玩下０者!




原來佢調左過０黎３個月了!落雜前先執位!咁一定好夜收工了!
佢都話呢度好夜收工!咁一定辛苦爆!
仲記得以前成班轉季執位攪到凌晨,盤點!
成班收工去食宵夜!~係貨場玩!落雜後既開心...
總之成日都因為執位轉貨攪到好夜好夜收工!但係果時返工既我係最開心!



唔開心只係因為太過辛苦攪到個樣殘得很!
最後佢叫我得閒搵下!跟住就同老公去食飯!
呢期好似無咩胃口!食唔碗粉!食左一半無食了!
等埋老公食完差唔多１２點走人!
跟住我沖涼,佢搵亞迪傾下計!再等埋佢沖完成兩點先訓著!





>>December 16, 2005 at 1:13:27 PM GMT+8

2005 年 12 月 10 日 星期六 【晴】

今朝9點2左右起身!老公琴晚又叫人0地去飲茶...
老豆今日放假,原本琴晚老豆問我去唔去飲茶!我講話去的!
但係夜多少少老公打0黎叫我聽日去飲茶!話唔想跟左佢老豆北上!
如果我係度的話咁佢就唔會咁易俾佢老豆叫左上去!
最終...今日我決定左去搵佢飲茶!同左老豆講大話...
其實我好耐好耐好耐冇同過家人飲茶了!
點知朝早我換哂衫老公又叫我唔好出門住!咁唯有唔出住...
因為佢屋企有少少問題爭論!
等到11點左右老公叫我出先出,不過佢同家人都行跟去飲茶了!
我又唔記得左今日冇K17搭,結果行番去搭74x轉兩蚊小巴去地鐵站果邊!
去到都好晏了!佢0地已經飲完...
早知.............我同家人飲茶!早知...我就唔咁早起身!
老公爸媽仲問我仲咩唔0黎飲茶=.=" 我估老公冇同佢0地講掛.....
老公同佢0地講話我遲左起身!
冇耐老公媽返工,而老公爸同佢亞哥北上!
咁我同老公上左去美心等位飲茶!因為下場係同佢d fds飲!
有湯威,佢細佬家強,肥雞,亞業同亞東!
湯威第1個到,冇耐家強都0黎埋!老公同湯威話要去禁錢!
所以由家強等住位先!湯威話唔想行番去地鐵站禁,所以去左welcome買少少野拎錢!
果時亞東,肥雞,亞業0黎到!老公同肥雞係度玩.....
上番去美心已經有位!呀~~~~~好肚餓呀真係!起身4粒幾鐘冇食過野!
一唔駛返工日子我都好晏先食野咁!
亞東好似D亞爸咁叫我食多D!同佢0地飲茶好勁呀,佢0地叫左好多好多野食!
飲完之後我0地搭215x出尖咀行街街!
老公叫我袋一本雜誌,之前肥雞買俾老公媽包糖我都袋住左!
因為袋糖加埋我本身D野都ok重!再袋埋本雜誌我行街一定會吃力!
所以我叫老公袋包糖,我袋本書!因為我知佢個袋細所以先叫佢袋包糖!
點知佢發脾氣!話佢個袋細,袋左就拎唔到野!
其實我袋本書都係0家!袋本書頂住左我都好難拎野0家!
但我好多時都會袋!今次我只係驚行街重先一人袋一樣0者!
估唔到老公咁都發脾氣!我真係燥!!!!!唔明有咩野可以發脾氣囉!



跟住大家都冇講野好陣子!等bus果時都冇企埋一齊!
上到車,落車之後我都冇點講野!
不過.....好快我0地冇野了!係尖咀行行行........
有行F.C.K!冇衫睇中...不過我反而覺得男裝靚d喎!~
行到新港,聽TOTO講話Ex...果間westwood有7折!叫我去睇!
去左睇,um............d款好核突!就算有折都唔會買!D色好核突!
D款好少同舊!其實果度D野唔係咁靚,我寧願係出面買!
跟住行到唔知邊度睇難!我好肯定果間我真係冇去過!
點解我一d印象都冇既?同埋而我記得冇試過得我同老公同湯威3個人行尖咀!
3個人出街都冇,得亞業就有!
同埋我平時雖然係冇記性,但好鎖碎既事我都好易記起!
所以我打日記先會咁詳盡!因為我記得!記得好多微小既事!
但係老公話記得係有同我去過,果時仲有湯威!
um.............奇怪=.="???
係果度有對女裝鞋好型呢!~咁多對之中我覺得呢對睇得上眼!
但價錢好靚,2千幾蚊!o...........
行完之後亞魚0黎到,行番去新港果邊接佢!見到佢,佢話要去廁所!
等佢去完我0地分的士打的去MK!我同老公,湯威上左車後肥雞佢0地好遲先上到車!
MK好塞,早左落車慢慢行去!落車冇耐大家都想食野,去左買包!
再行行行............有去先達,瓊華!
行完大家都各自走!亞魚返家,肥雞唔知去邊!
湯威要返去!得番我,老公,家強,亞業!佢0地陪我等埋bus之後原本去太子睇褲!
但係最終都冇,因為老公媽收左工,老公要返去同佢媽食飯!
我返到家仲以為冇飯食,點知原來佢0地0岩0岩先開飯!
得我同爸媽3人!食完hea左陣先沖涼!
夜晚同老公傾電!佢眼訓,12點幾就收線!我1點前就訓著了!聽日返學返學>口<

>>December 16, 2005 at 1:34:24 PM GMT+8

2005 年 12 月 9 日 星期五 【晴】

今朝係咁叫老公起身!攪到我都冇得訓~
佢出門之後我訓下醒下="=.........................訓唔lum!但係我好眼訓好累!
大約12點幾起身!老公媽同佢亞哥都出左門!
起身就打俾老公!佢放食飯!
之後我慢慢make up果D!TOTO打0黎!傾左陣!
大約兩點左右出門!搭小巴落觀塘再轉80號bus去大圍搵老公!

估唔到80號咁多人搭!好眼訓添=___________=
又未食野...去到,佢0地差唔多成4點先放3點3!
跟住去左買車仔麵!佢0地買左野飲少少野食就返番去!
等我食完麵佢0地就開工!油多一個就走!
見到亞星超快手!因為佢0地趕住去打機!
同左佢0地去一個行好遠既機舖打機!
我對佢0地既拳王完全冇興趣!咁0岩果間機舖有人打鼓機喎!
我每次見到都必睇!雖然我唔識打=.="
唔知係咪因為以前成日落機舖,以前d fds又鍾意玩呢D games關係呢?
不過大圍果D人打鼓機好差呀!
冇耐老公見我係咁望專登去左倡錢原來俾我打!
我唔叻=.=" 所以唔夠膽玩!好樣衰呢~
老公簡左個easy既!哈!好慢呀~!以前亞琳俾我玩,較果個都冇咁慢!

6點幾老公同我走先!老公送我返0黎大埔!
返到大埔陪佢等埋74x先走!
um..........我知有d野我唔可以日日都提住講住!
算吧~我下次唔會講的!因為你唔鍾意聽...
慢慢行返家...心情都不太好~或者...我真係有問題!
返到家食飯!次次我返親家食飯都係d我唔鍾意食野送!
結果我只係左菜就算了!攪到夜晚有點餓...不過都冇食野!我唔想食!
呢期我已經冇食咁多野了!一餐就一餐!唔多食其他野!
我唔想變肥婆!最近覺得自己又肥了!
之後返左入房諗左陣野...................諗諗訓著左!
訓到9點幾起身沖涼!老公sms話佢係咁俾佢老豆小!
So今晚冇點同佢傾電!傾左一個字都冇佢就要訓覺!
而我上下網!打下日記!12點幾收到亞倩sms!兩點前先訓得著.....



>>December 16, 2005 at 1:14:29 PM GMT+8

2005 年 12 月 9 日 星期五 【晴】

或者人既慾望太多!
我只想活得更好!
安於現在已足夠...

>>December 10, 2005 at 4:24:49 PM GMT+8

2005 年 12 月 8 日 星期四 【晴】

琴晚JOJO send左xanga點樣整既網俾我!不過我打算得閒先研究!
老公今朝幾惡下...佢病病地,心情不太好!講野好串!
之後我講野又專登串佢!o......攪到大家心情都不太好!不過...好快又冇事了!
um........大家都有唔0岩!我唔0岩係因為你病又專登激你!sorry!
講野太直唔係唔好,但係都要睇情況!
返到去又係hea左陣之後又執下相,好快食飯!
食完飯又開始我既工作!3點幾Willy要我做一個漱口水既貼紙!
有點壓力!!!因為我第1次做自己設既野係工作上!
不過我已經係度做左3個多月了!係時候要睇下自己有幾多根量了!
諗左好耐,都有畫下,但係咩野都諗唔到!
平時我做一份功課都攪好耐!唉~~~~好失敗!
做做下Willy要我幫個客改番我之前做既圖!好啦!改!
大約5點8,9左右我就準備走人,返英文!
果個陳太琴日打0黎叫我今日交學費!有d感覺俾我覺得佢好著緊個學費囉!
好似為左錢咁.....唔知點講!
係灣仔地鐵站等左陣老公!陪佢買左少少野食就上去!
填下野,交錢!果張唔知咩0黎!話交哂3期學費就有1000蚊SOGO或者吉吉島優惠卷!
我簡左SOGO!我覺得SOGO 0岩用點!
不過原來要交20蚊!um....算啦!交就交!
攪掂好哂D野就上返去上堂!老公一開頭想訓想訓!返工太累啦!
後段佢又係咁玩...攪到我都冇咩點聽!
好快放學,好肚餓呀~今日下晏食個飯食得一半!
去左食粉麵,原本打算返家唔打算去老公度!
點知佢咁拖住我行,行去搭返去佢家方向既巴士站度!
行去時見到Alex同Roymand喎!果時我同老公攬住行,我起初見唔到佢0地!
只係Alex冇啦啦輝我,我先知佢0地係度!
跟住我輝番Alex!老公話見到Roymand微微咀笑喎~
Alex好似瘦左......佢對住我都有微微咀笑呀!
行行行........最終.....上左車!去左老公家.........



返到去冇耐沖涼!我沖完涼老公就叫我睇下佢手提sms!
又係佢以前女友sms俾佢!寫咩天氣凍著多件衫,又話missing u!
咩而家天氣好凍咩?前兩日就凍!呢兩日已經唔凍了!
其實佢係咪當我透明0家???如果我今晚唔係度訓咪見唔到個sms囉!?
好討厭呀!!!!!!!!!!!!!!!!!!!!!!!我真係好唔鍾意咁!咩事先?

I HATE U!

耐唔耐就send下sms過0黎,耐唔耐話掛住,missing果D!咁即係點?
自己有男朋友就唔好搵番之前果個啦!就算冇男友人0地有女友都唔應該咁囉!
就算件事唔係發生係我身上,我都覺得唔應該咁!
如果破壞左人0地既感情,咁自己會開心嗎?
如果做左人0地第3者,擔驚受怕有第4者既話咁又開心嗎?
我真係好討厭第3者!好討厭!可能係因為以前既關係...
唔理自己都要理下別人感受!唔該尊重自己尊重下別人!!!唔好當人0地係透明!
跟住我吹完頭襯老公沖涼時打下日記!冇耐老公係咁吹我訓覺!我0地居然冇鎖門!



點幾左右訓著了!又可以攬住老公訓~

>>December 13, 2005 at 3:35:48 PM GMT+8

2005 年 12 月 7 日 星期三 【微冷】

今日已經冇咁凍了!
今朝老公好遲先起身!遲到了!好似好多時都遲到咁既=.="?
但老公都不忙錫完我先走!我感受到!

我愛你!

差唔多9點老公哥問我係唔係要返學!
最終我決定左起身!之後洗頭make up!仲做埋琴晚未完成既功課!
攪到我遲左出門!覺得份功課好求其=___="
返學,今日居然係幫Roymand手做野囉!基本上野都唔關我事既!係佢0地班事!
又要剪剪貼貼!分工合作!但係佢0地又唔貼,我cut左貼左幾張就問佢0地仲咩唔整!
之後佢0地先攪!咁呢D野係佢0地既野,我只係幫手!根本唔關我事!
好快放學!之後入票,銀行lunch times好多人!等左好陣子!
之後搭地鐵火車搵老公!老公等埋我一齊食飯!
我係火車站自己搭小巴去搵佢!點知俾佢點錯左...
攪到我冇哂方向感!完全唔知自己係邊度!最終老公燥了行0黎搵我!
呀!!!!!!!!!!!!!!!!我本身係識0家真係!但係俾你攪亂哂!你仲要話我!
我想你知大家都想見對方,我一有時間我都會盡量過0黎搵你!
明白嗎?
去到食乾抄牛河!唔好食既!我食左幾啖就冇食了!
之後同佢0地慢慢行返去!坐下,同佢0地傾下計!
3點幾打俾黃JOJO!聽到佢留言!係佢亞媽湊果個細路女把聲!
哈!!!!好爆笑!個留言真係好爆笑!
之後我留左言話我都想去迪士尼呀JOJO!放左學就打番俾我啦!
冇耐佢就打返0黎,原來佢手提冇咩分鐘!用左個fd電!
跟住等老公油埋果少少就送我搭小巴!搭小巴前買左蛋雞仔食!
我遲到了~JOJO係咁吹我!又話等得耐!
問佢係咪一個人等!個電話number又唔係佢,我估佢一定同緊個fd一齊!
點知去到真係!=____=" 條友又吹我!有人陪扮哂冇人陪呀JOJO!玩野!
anyway sorry,我遲到了!
佢介紹左兩位朋友俾我,不過我而家唔記得左佢0地叫咩名!我一向都唔多記野!
佢兩個朋友去行又一城,而我同JOJO搭MTR去荔枝角行香工!
有一排冇行了!um..................好似冇咩野行咁!
300蚊件冷外套,我唔駛買佢!係出面搵仲好啦!~
不過最終我都有兩件收獲!行行行.............行到6點幾先搭MTR走人!
去到太子轉車時我話唔想迫,最終我0地搭左去MK轉小巴!JOJO話快過巴士喎!
但係我覺得搭小巴係11點後搭會好好多,因為11點後唔會行舊路!
果時就真係堅快!11點前都要成半粒鐘先返到大埔!仲要入太和=___= SHIT!
期間都有同老公通電!冇啦啦搭搭下轉灣時有個女人跌左落地撞到我!
當時我O哂咀囉真係!搭搭下車JOJO食可樂糖喎!
落車後原來佢話搭搭下車想嘔喎!
落車後我被迫行左隧道!如果我想一個人靜下諗下野我先會行咁靜既地方!
最後JOJO話聖誕節去蘭貴坊喎!~
返到家食飯!食完冇耐沖涼!跟住織頭巾再等老公踢完波電我!
再sms埋1點多少少就訓著了!好累呀今日!

>>December 10, 2005 at 4:23:42 PM GMT+8

2005 年 12 月 6 日 星期二 【乍雨乍晴】

呀~~~返工呀又係!遲左少少出門!不過巴士站條隊唔長,所以可以好快上到車!
同平時差唔多時間返到公司!返到去又hea陣!上下網咁!
之後先開始做野!同老公通下電!Willy今日11點幾就返到!呢期都早左返!
下晏同Carly食飯!食完又返番上去做野!
執靚仔d相!期間有同老公通下電咁!我打算執好哂D野先走人,所以6點5先走人!
打俾老公,老公又話佢係沙田搭緊車!
點知一落到樓下佢又係樓下等我呀>口<~~~
愛你愛你愛死你呀!!!!老公!啜啜!
原來老公3點幾就收左工,只係街上打下機等我!
之前我收工打俾佢果時仲以為佢真係係沙田搭緊車返0黎添!
5點幾sms俾你果時又咁遲先覆人!人家以為你收工打機唔理我!唔0黎搵我!
肥雞6點正就走得人,所以佢收工都有陪老公等我!
跟住肥雞送我0地到小巴站就走人!
我今晚去左老公家打邊爐!第1次同老公家人打邊爐呢~!
我家人出左去食飯,因為大舅父生日!仲要下晏先講話食飯!
我返到家都好晏了,所以決定唔去!
返到藍田老公又車我返大埔,佢知我家呢段時間冇人!
所以佢話車我返到拎功課拎野返佢家訓!
最終揸車送我返家拎完再返番去佢家!
係佢家樓下佢又行得快,攪到我要跑!跟住又大大步咁行!
又要我大步行!我都跟唔切,係度玩野呀!
返到家,個爐有問題,細火,一係就自己熄左!攪到要問隔離屋借!
我覺得呢D爐都唔識滾咁既! =.=" 我食極都覺得凍!真係好凍呀!!!!!!!
um..........打邊爐!老公家打邊爐方法唔同我家同埋我d fds既方法!
佢0地係整熟哂所有野焗下先再放!
um...我一向打邊爐唔係咁的,鍾意食咩就落咩,唔會理D野熟哂未!
想落就去落!攪到我今晚食得唔多野!
想食菜時又俾人夾哂╥︵╥ 我鍾意食既菜呀~~
老公媽今晚唔舒服!食完飯涼都未沖就返家入房訓覺了!
薯彬今晚打0黎約我27號成班出去食餐飯!好的!一定應承!
好耐冇見過班朋友仔了!大家最近好嗎???
老公亞哥食完我就幫手執野!但係佢又留番聽日先洗!
其實留番第2日先洗D野係好易野小強果D的!
攪掂好哂D野我就做功課!老公沖涼先!
老公沖完我就沖,老公幫我手將D字填色!
沖完涼吹埋頭就準備訓!但老公亞哥係咁出出入入,拎衫果D=.="""





12點幾有個冇來電既電話打0黎,老公cut左佢兩次線!
應該係搵我的,因為我飛左線去老公度!
老公仲話咁夜邊個打0黎,仲要冇來電!
點知聽留言,原來係黃JOJO打0黎!問我聽日係咪行香工!係的話唔駛覆!
最終冇覆到佢,冇耐點幾左右就訓著了!
今日好凍好凍好凍呀>口< 如果聖誕節都係咁就好啦!
冬天攬住老公訓呀!~







>>December 8, 2005 at 2:55:56 PM GMT+8

2005 年 12 月 5 日 星期一 【乍雨乍晴】

係老公家訓...不過今朝最終決定都係唔返工!
覺得喉嚨唔多舒服!唔知係咪琴晚關係!再加上又唔夠訓!
於是又借D易唔返工了!不過我知呢個行為唔可以成日都咁!
返工係訓導個人既責任感!
老公爸朝早出門前係咁叫老公起身返工!
基本上佢家人叫老公起身我都一定醒!因為嘈到我起身!
老公驚我琴晚發咁大脾氣!又驚我走左去,最終佢冇返到工!
你係咪真係咁著緊我先???係咪真係驚我走左去離開你?



叫佢返工都唔返!成朝佢亞哥都有叫我0地起身返工!
我聽到老公仲係咁叫:老公唔好嬲我啦!~
其實都唔知你知唔知自己講過呢D野0家!果時你都仲未訓醒呀!蒙蒙地咁...



不過老公冇理到佢亞哥!照訓!佢根本未訓醒!我訓到11點多起身!之後洗頭果D!
老公可能太累太累,我知佢返工實在太累!最終訓到點幾先起身!
大約3點幾我0地先落去食野!又係下午茶時間!
同埋老公亞哥一齊!佢好多野講的!
雖然係0岩0岩識左唔係好多日!但係一開始佢就唔當我係陌生人!
仲係咁同我講野!我平時對住D見得一兩次既朋友都唔會咁多野講的!
um............落街好凍,真係好凍到入心入肺!
老公仲著咁少衫!一陣凍親點算呢???
食完同老公去街市,佢想去買水喉洗車!
不過最終又唔知個size幾大,so冇買到!
而老公亞哥係街市買左D洗碗碟既野!
買完就返家!跟住老公亞哥晾衫!5點幾佢約左老公媽出門去剪頭髮!



跟住到6點幾老公揸車送我到官塘碼頭總站,我搭bus返家!
而佢返番去搵家人去油塘食飯!
返到0黎亞媽留左飯俾我!食完上左陣網先沖涼!
沖完涼同老公傾左陣電12點多D收線準備訓覺>.<

>>December 8, 2005 at 2:54:24 PM GMT+8