2006 年 1 月 10 日 星期二 【颳風】

返工,willy今日居然11點就返到=___=
如常工作!冇耐有人上0黎收琴日既label!
Willy冇啦啦問我唔係叫我print 綠色labe咩!我話咩呀?都冇!
我當時聽錯左.....我見到佢寧轉面黑面妙咀!
佢返番入房之後我諗...係!佢應該講雞皮紙外面貼住既綠色labeI!
因為佢琴日叫我要整走佢!我張張都有整走!
但係我當時一諗,可能係Carly唔記得左!
因為Carly都有份整!但係唔通我話係Carly咩!
琴日Carly冇野做,willy又出左去先幫我手!我既工作...冇可能推卸別人身上!
始終我有俾到Carly幫我手做,其實我點都有唔0岩!跟住食lunch~
同Carly傾計傾左好多野,攪到我0地lunch食左成粒鐘先返番去~
我0地都係講Willy!其實講真,如果個綠色label真係咁重要既話,
咁見到我冇整走咪即刻整走去囉!
每個人都有做錯野,唔駛黑面呀?
同埋我只係新人,唔係熟手!其實你係咪想請個熟手0者!
一開始請我就知我未做過呢行!咁仍然請左我,明知我係新人,
就冇可能當我係全職又或者係熟手咁睇!我始終係呢行都係細佬女!
但係.....我點都要忍,每手返工忍,忍Willy既9屎脾氣!忍佢黑面!忍佢串咀!
不過今日算free了!因為佢3點幾就走左唔返0黎!真係GOOD呀!!!!!
之後我係咁印我之前做既野,想自己番底!又同下Carly傾下計!
Carly成5點先走人!跟住我等老公電,6點準時落去!
好耐都冇試過準時收工咁!除左返英文外...
係馬會等,肥雞仲早過我到!老公同湯威0黎!湯威0黎搵肥雞!
跟住同左佢0地去APM,去KFC,肥雞食野!
老公拎左個好似捧球波既膠波出0黎!一打開~原來係M記換既四隻眼丁!
嘩~~~好得意呀!隻野係我0家啦~!嘿...
7點左右就同老公去搭小巴返家!老公爸煮左飯!
食完坐左陣,佢0地睇TV,唔知點解人大左...對睇TV冇咩興趣!
或者咁0岩唔係我鍾意睇既TV掛~
由其食飯時睇果個咩亞好!簡直係白痴到無論!完全係on9戲!都唔知咩事!
返左入房,做陣功課!嗯...諗唔到!
等佢0地沖哂涼我先沖!跟住做多陣功課!
頂唔順,決定早點訓聽朝早點起身再做!
JOJO話佢0地聽日要10點半到迪士尼!
呀.....咁即係我去唔到!因為我10點半返學!同埋要交功課!
畢業作品集既報告要講!所以...唔可以走!
難得機會,難得3個人都就到時間!估唔到...最終........我係去唔到!
我....真係好想去!
雖然我唔係特別鍾意果D人物!但係...我點都係女仔!
女仔天生就係鍾意得意既野!我唔例外!唔駛錢有得去我更加想去!
而家20歲都未到,有得去當然係好事!過左20歲之後去,可能...感覺已經冇咁童真!
再到大D,有家庭,去既...都只為左小朋友!而唔係為自己去!
今晚12點幾就訓著了!我同老公都累了~
唔知點解係老公家,要攬住先訓得著!
前日老公未訓,我都訓唔著...幾累都好,都訓唔著咁="=



老公~

>>January 14, 2006 at 9:25:43 AM GMT+8

2006 年 1 月 9 日 星期一 【乍雨乍晴】

又係返工既日子,唔多想起身!
老公都遲左起身!我刷完牙出0黎見到老公仲未走,
之後0黎個擁抱





佢出門我make up完就返工啦~
Carly呢兩日都比我早返去!willy唔係度既時候我同Carly就係咁傾計!
因為佢係度既時候就冇得傾0家啦/_\
12點幾Willy打0黎叫我拎野落去俾個唔知咩人!
我同Carly見都12點半囉!廢事又上又落,決定食飯!
食飯過後又努力工作!
Willy3點幾出左去!點知佢5點9左右返番0黎!
仲以為佢唔返番,唉~~~~仲以為可以準時收工!
點知唔能夠!!!佢見完客返0黎話我個labe錯了!
仲話我打果幾隻字都錯!俾人笑!跟住我問佢係咪錯呢度!
跟住佢答我:你話呢???
由佢同我講呢個labe果刻我已經覺得佢好Q串!
火都0黎埋!但係可以點?唯有啞忍唔出聲,默默去改番好先走人!
um..........出0黎做野真係難!之前又未做過呢行!
其實我仲係新人,我覺得唔好要求到我係一個熟手咁囉!
俾幾多錢人工,就會有幾多質數!如果俾好高人工我都做到咁就真係要話0者!
唉.....初初入行真係好艱難!唔通真係要捱過,受過氣先有好將來?
收工同老公等秋然就送我搭車!好累呀~~~~~~~好眼訓!
落車之後去左welcome買朱古力,返到家食pizza!太好╥︵╥ 餓...
食完打左陣功課!對眼真係好累!仲有d頭暈暈咁!
老公踢完波打0黎我先去沖涼!沖完涼跟住打下日記上下網又打下功課!
頂唔順,冇咩心機,決定唔做了!留番聽晚!
同老公傾左陣電!12點幾就準備訓........................



聽日又要返工!唔知點解覺得呢份工好捱既感覺!感覺唔良好!
對住一個咁既老闆,我真係頂唔順!
不過有時諗下,其實出面世界會有更多比佢更差既人!
或者我而家識到一個咁既人,下次我又識到一個咁既人都識得應該點做啦!
起碼......都算係人生既經驗掛!?

>>January 14, 2006 at 9:34:46 AM GMT+8

2006 年 1 月 8 日 星期日 【乍雨乍晴】

返工返工!遲左少少返去!9點9!Carly9點起返到!
佢仲拖地果D~Willy今日都早左返!11點4就返到!真係唔想佢咁早返!
寧願佢下晏先返~!lunch食完去左幫公司入票同埋幫Willy拎錢=.=
之後又開工!成日都係度退地!
而家做第2本書了!um.........唔知要攪幾耐呢!
上次經驗之後我估會快d同好d掛?
5點9我就話走人!但係Willy好似唔想放人走咁!
我話要返英文,之後佢先話咁好啦~
老公明明早過我收工!仲要近過我返school!點知去左機舖打機!
遲左!我去到天后佢先走
不過之後佢好慘,上錯小巴同小巴佬鬧屌!小巴佬唔肯俾番車錢出0黎!
攪到我係灣仔等老公等到7點!
之後上到去0岩0岩好上堂!
今日上堂冇咩心機,覺得好累!唔夠訓!仲同黃JOJO玩左陣MSN!
落堂同老公去30蚊飯度食!食完去銀行入完票就搭bus返老公家!
返到老公家做左陣功課先沖涼!沖完涼又做多陣!
跟住我唔想咁夜訓,返入房訓先!但係訓唔著!太凍了!
老公做完就返入0黎一齊訓,之後先訓得著...



>>January 10, 2006 at 3:50:02 PM GMT+8

2006 年 1 月 7 日 星期六 【乍雨乍晴】

估唔到今日都係冇野做!亦都冇去行街街!
原本我同老公都打算今日早點起身!唔想訓得咁晏!
估唔到12點幾先起身!兩點幾先落街食野!
又去番地鐵站食!如常地食完野就返番老公家!
今日係發哥生日!即係老公哥!不過係舊曆!
係返去之前去左美心買左cake!
5點左右老公媽返到!老公媽琴晚叫我今晚一齊慶祝的!
但係我成兩日冇返家!所以決定今晚都係返家了!
等埋老公哥返0黎,跟住切cake!
係切cake前老公媽提意影相!我未試過同朋友或者係男友既家人影相!
其實都唔係同老公哥慶祝咁!因為老公哥話老公媽月尾生日!
所以兩個一次過慶祝!老公媽切cake之前話仲咩冇生日歌!
跟住老公哥就唱!跟住食完老公送我返家!
原本打算搭小巴轉巴士!點知老公又冇散銀,我冇之外先記起八達通都冇錢!
去7仔實在太遠!最終老公揸車送我返家!THX~
返到家打邊爐!得我同媽兩個!係咁俾亞媽話.......
打完大果個返到,買左芒果布丁返0黎!之後又食!飽...
食完拎左綿被出0黎!而家先拎囉~凍死了!
我同亞媽仲幫埋兩個家姐入被袋!攪掂好先打日記!之後沖涼!
11點左右就返左入房!唔想完電腦了!好凍!
同老公傾電!訓唔著咁.....點幾先訓到!聽日又返工!討厭!

>>January 10, 2006 at 4:10:13 PM GMT+8

2006 年 1 月 6 日 星期五 【乍雨乍晴】

今日係星期6~不過呢個假期我完全冇野好做!
不過,算啦!就當休息下!
今日訓到好晏起身!估唔到訓左成11粒幾有多!
老公仲勁!訓左12,3粒鐘!起身之後老公亞哥出街!
老公今日冇返到工!因為唔知醒起身!
老公哥出去後得番我同老公係度!3點幾先落去食野!老公淨係故住睇書!
結果我講講下野都冇講了!
食完又返番去!hea.........
今晚得我,老公同佢哥食飯!
行到去德田商場,跟住又決定左去油塘食!
行返去揸車落去!食飯果時果個男侍應真係好攪野!係咁講野!
又講D女人大減價!又話咩北姑!總之就好笑啦~
食完揸返車返老公樓下!放抵佢家!
原本我打算返家,最終決定又冇返!跟住泊番好架車落左觀塘!
陪我買件冷衫!行左陣,行到11點幾,老公話肚餓,去左M記食左野!
我食左薯條!um.....老公又故住睇書="= 點解成日都係咁0家!
其實今晚食飯我已經覺得個胃好似唔知點咁0家啦~
所以食得唔多!半碗!
食完同老公行去小巴站,老公又買野食!買左羅白糕!
知我胃唔係咁舒服,去左OK買野飲,買埋胃藥!THX老公>3<
返到去,食完藥做左少少功課!跟住沖涼~
點幾左右就訓了~!

>>January 14, 2006 at 9:09:16 AM GMT+8

2006 年 1 月 5 日 星期四 【乍雨乍晴】

今日真係凍到爆呀!!!如果聖誕節係咁凍就好!算吧...已過去了!
起身打俾老公,驚佢唔知醒起身!返工!9點9返到去!買左腸粉食!
Carly11點多少少先返到!今日成日都冇咩野做!
lunch食飯俾人趕走~因為要我0地轉台,我0地都差唔多食完!
決定走了!跟住去左公園坐左陣!見到有隻貓仔!佢好可憐!應該係度搵緊野食!...
Willy超晏先返!成4點!返0黎冇耐就叫Carly入房有野講!仲close左門!
都估到講我同Carly D野,晏返果D!
Carly出返0黎之後用電話打俾我!原來Willy話我亞E講我d野出0黎!
跟住仲話Carly教我偷懶!
SHIT!!!!咁一定係我亞媽講!如果唔係我媽講俾我亞E知!
我亞E一定唔知!玲E係一個好八婆既人0黎!真係好令我討厭!!!
我亞媽又唔做!而家係做野呀!係咪想個女去死呀?
想個女俾個老闆成日串爆,態度又唔好呀?
咩真係咁想個女咁辛苦咩?我真係好討厭咁!
我決定以後有咩野都唔會同佢0地講!就算我係工作上有咩野都唔會同佢0地講!
好討厭打工打自己識既人!果刻我真係想做番sales!
對住D客幾好呀!對住佢0地笑,佢0地會對番我笑!
又可以識多D朋友!又可以去學識控制情緒!
跟住Carly做到5點多走人!遲了!
而我5點9就話走人!點知Willy好似唔肯放人咁!
叫我攪好哂send埋俾個客先走!
跟住我0地講出糧既野!而家傾好左,我要時薪!
但係佢同我講要咁既錢就要做番咁多野!
我真係好想fuck!出面基本既價都係25蚊粒鐘0家啦!
唉!!!!我真係好唔鍾意呢份工呀!我好想走!但係為左學野!
往往要硬食!硬食!!!!!!!!!!!!!
我而家先做得果4個月工!幾時先半年?
其實我覺得自己返左咁耐工好似學唔到好多野咁!錢又冇!唔知想點!
我唔知係自己問題定點樣!覺得自己真係好失敗呀!
唯有加左人工睇下自己會唔會再努力點做野啦!如果工作量多左...
咁我或者可以學多點野!但係到時就會更多既OT!
Willy朱話可能到時要我攪掂好哂先俾我走!
其實好多時佢都要我攪掂好哂先肯放我走0家啦!
但係可能遲下更加利害掛?
原本佢想我轉全職!但係我一星期最少有一日都返唔到工!
同埋咁少人工仲要供埋強積金真係會死人!
唉...............多野做時,成日OT的話,畢業作品點算?
今日攪到我遲左少少走人!去灣仔返英文!
上堂又唔係好累!但係我訓得6粒鐘都唔夠!今朝搭車果時係好累好累!
成日對眼都爭唔大咁!重重地!
放左學之後同老公去食飯!食完就返左老公家!
等老公沖完涼我先沖~吹埋頭先準備訓覺了!

>>January 9, 2006 at 12:29:32 AM GMT+8

2006 年 1 月 4 日 星期三 【乍雨乍晴】

今日唔駛返工!返學......
同老公一齊返學!終於有同校長講少少作品集既野!
好快落堂,同亞倩,小葵食早餐!
食完又返番去機舖搵老公!次次都係機舖="=
亞星係咁打,打都唔知時間咁!跟住同佢0地食野!我冇食到!
食完我0地行左去天后!原本我0地係漫冇目的咁行!點知由灣仔行到去天后!
去美華氏!um........麻麻!男裝d衫好大件!老公都唔0岩!
行完就返左老公家!原本打算6點多就走!
訓左陣...點知老公個老豆話返0黎,要車佢!
結果老公就帶左我上車,入左石岡入面車佢老豆出0黎!
仲同左佢0地去興田食飯!越夜越凍呀!唔夠衫著!
行去興田果條路比較長,好凍呀!!!
跟住佢0地成家停哂係度,居然俾衫我著!
老公又除,老公爸又除,佢公哥又除!
食完之後佢0地行返去!跟住我同老公搭小巴返去停車場再車我返家!
今晚.............同老公傾左幾耐電話下!
因為又話我!呢幾日都成日話我!
我0地傾左幾多野!我知大家都有問題!你係咪真係會改下你既脾氣0家?







>>January 14, 2006 at 9:17:49 AM GMT+8

2006 年 1 月 3 日 星期二 【微冷】

今日終於返番工!10點半先返到去!
Carly仲未返到!好彩門冇鎖上銀色果個鎖!So我可以入到去!
10點9左右Willy打0黎話仲咩今日咁遲先有人!
我都唔知點答,淨係答佢話係呀!
今日成日都係度對菲林!因為要對清楚拎上大陸印!
同埋改下之前整既laba!基本上次次整完之後都要改!
今日仲要整多幾隻色俾人0地睇!
Carly下晏請半日假!o.......一個人食飯!never mind啦!都慣了!
下晏做做做,訂水同埋叫人收貨等等!
4點幾老公打0黎話佢收左工!走左人喎!Willy咁0岩落左去睇醫生!
到5點幾老公同我講佢俾人抄左牌罰$450!因為入左巴士專線!
係彩虹果邊!佢話唔知果條係,同埋果個察佬係專登捕人抄牌!
但係Willy係度,我廢事俾Willy聽到咁多野,所以我當時唔知點講!
返工時間,怕俾人話,所以我冇同到老公講安慰說話!
仲SMS既時候講話我一陣先同佢再傾!
好快6點半!冇耐我上網搵資料!搵下澳洲既資料!畢業作品集!
印返家睇下!聽日要返學!
冇耐Willy走先!佢走之前同我講關於咁遲返去公司既問題!
係呀!而家返10點半!最終我講左出0黎...
我話Carly一向都晏返!同埋我唔知幾時有上鎖!
我話我試過幾次早返都冇門口入!
之後Willy話唔鎖!佢話唔係唔俾我遲!最多9點半返到去好啦~
跟住佢就話要走,要走去俾大老闆照肺!
因為今朝大老闆打0黎冇人聽!
Willy話同大老闆講話駛左我出去拎野!唯有咁講!仲話如果問我就要咁講喎!
冇耐我拿拿聲攪好D野走人!因為老公果時係電話中聽到佢燥燥!
抄左牌,心情差,脾氣又燥了!
果刻我心知不妙!於是7點多D就走人!勁快印!簡0黎印!
老公係樓下接我!一路行...佢一路都燥!
之後話我唔出聲又唔安慰!話左我好陣子!
之後仲行去另一邊,我唔理佢,打算走!打算搭車走!
佢打俾我,我唔聽!之後佢跟左我後面,好大力捉住我唔俾我!仲好大力踢個垃圾筒!
拉左我一邊係咁話我!雖然係拉左去一邊,但都好多人見到同聽到!
我真係好唔鍾意成日係街上咁樣!
我都要面!我真係想你尊重下我!話我希望盡量返家先話...
之後泵番我,但我隻手紅左="=
其實...我好想講話完我泵番我,同殺左人講對唔住有咩分別?
講左就係講左,做左就係咁做左!
泵番我,我會好開心,因為我好易泵!
但係我真係唔想你成日話我!
或者我唔識泵人,唔識去關心人同安慰人!但我都會去學習!
俾人抄左牌係會好唔開心!但係未至於
但係做男友唔係唔想女友擔心的嗎?
搵肥雞,肥雞打0黎話陪佢拎車牌!
冇耐我0地就走人!老公媽係家煮左飯!
食完飯落左welcome!跟住返到上去睇左陣資料!
沖涼~訓覺!~



>>January 10, 2006 at 3:36:40 PM GMT+8

2006 年 1 月 2 日 星期一 【微冷】

今朝唔想起身!老公都起到身返工!但係我.....決定左唔返!
o......又唔返!跟住訓訓訓.......訓到11點幾先起身!
起身打俾老公!大約1點走人!
今日老豆生日,要早點返家!
唔知點解覺得今日有少少涼涼地!
下晏老豆老母出左去買登!要換哂佢!
大果個又唔知點解要返舖!第2果個留左係家訓.......
而我都係上下網!老豆老母6點多少少就行去酒樓!
我同第2果個6點10左右行去八號湊兩個堂細佬去!
佢爸媽唔知去邊度........唔知好清楚!
今晚得一圍台!因為老豆果邊果d 0黎唔到!
謙謙好攪笑,係咁俾我0地玩!佢爆左好多野出0黎!
佢講佢個女朋友仔!哈~
差唔多食完飯我3姊姐同埋謙謙係咁影相,又自拍!
9點幾食完返家!沖涼~
老公今晚要搵佢以前個小學同學簽紙踢波比賽!
仲同左佢0地一齊去入油,跟手去埋鯉魚門hea左陣!12點幾先返家!
而我又好眼訓,不過等埋佢返家同佢傾左陣電先準備訓!
可惡!淨係講d車,我肚子唔係咁舒服都唔記得!
嬲呀!~

>>January 7, 2006 at 11:14:54 AM GMT+8

2006 年 1 月 1 日 星期日 【晴】


1月2號啦咁就!~
11點幾起身!老公原來今朝10點已起身!
仲做左好多野,去問家蛋拎番d野啦~去左牛頭角拎野俾亞聰啦~
仲去左APM買左4點飛睇四眼雞丁添!kissing~~~
佢陪肥雞剪頭髮,so我係家食d野hea左陣先出去!
去到3點左右!原本去食野,最終搵唔到位決定唔食!
等埋亞魚0黎,去左吉吉島A-1買左包!
差唔多夠鐘我同老公上去戲院!肥雞同亞魚走先~
等左好陣子先有得入場!好多小朋友睇!
好可惜KING KONG實在太多人,爆場!8點果場得番頭果兩行..........
四眼雞丁好得意!呢套戲都幾攪笑!0岩哂小朋友睇!
而我覺得入戲院睇好似哂左咁!應該買碟睇好點!
Anyway 老公一早買定飛呀!



睇睇下戲老公個老豆打0黎話今日返0黎!
好似有點吹我0地咁="=....................
睇完戲都冇點行就搭小巴返老公家食飯!
等食飯時佢以前女友又搵佢!俾左電話我,但我冇聽!
有留言..........我聽左!又係問張聖誕卡收到未!
都成個星期啦!收唔到就收唔到0家啦~打0黎仲咩?
其實我覺得只係藉口.......問收唔收到張聖誕卡只係藉口!真係好唔鍾意!
上次講完sorry,呢頭又咁快搵,其實即係想點?
食完8點左右老公問我係咪走,其實都估到佢借我0黎落觀塘踢波!
因為佢老豆話唔俾佢踢!之後我0地落去!
不過度度都有場紙!So老公都冇踢過又走了!
返番去老公家!估唔到真係呃唔到老公個老豆!
佢老豆居然知老公借我0黎去踢波!
跟住等老公沖完涼我hea多陣先沖!
沖完11點幾同老公係房一齊睇VCD!只係睇左少少0者!
老公個肚唔係咁舒服!下次再睇過!果隻碟真係好爆!
今晚我訓唔著="=.......................兩點幾先訓得著!唉~



四眼雞丁(Chicken Little)
導演: 馬克甸度(Mark Dindal)
主演: 少爺占(Jim), 蔡卓妍(Charlene Choi), 谷德昭
片種: 動畫
級別:
日期: 2005-12-24


雞丁曾因一個誤會，自此成為其他動物的取笑對象，令他完全失去自信。
某日，四眼雞丁發現地球受到外星人攻擊，為重振聲威，
雞丁決定聯同一班動物友好，展開一次拯救地球大行動！
膽小而內心純良的四眼雞丁、最愛食栗米的「超大碼」怕醜豬仔肥溫、
「知少少扮代表」自命聰明醒目的醜小鴨鴨比、
還有在陸地上都要頭戴氧氣罩、來自水底的海陸交換生小金魚泡泡魚！
牠們一齊「柴娃娃」救地球，展開一次爆笑歷險旅程。

>>January 3, 2006 at 9:25:49 AM GMT+8