2005 年 12 月 22 日 星期四 【颳風】

係老公家訓我可以訓到成9點先起身!
攪掂好哂就出門,我又早左少少到,Carly成10點半先到!
入去冇耐Willy就0黎話有冇收到稿果D!
跟住叫我執下d相!我又冇做到住,走左織頸巾,因為我要拆幾行!
12點幾Carly出去做野,因為佢個台灣老闆0黎左HK!
Carly話有機會就走人唔返0黎!佢真係好,返粒幾鐘工就走人!
冇耐Willy返到!1點多D我出去lunch!一個人...
電話又冇電=.=" 早知今朝唔同JOJO傾啦!我又一時唔記得我手機冇電!
攪到今日成日都要熄機!Lunch同老公電左陣!
下晏好多野做,我要3點半攪掂好哂本書send俾人,因為我又要改了!唉...
Willy同我講左好多野,佢話我做野冇咩要求!
um...或者佢講0岩左啦!我亦知呢行難入.......
同埋我本身冇料俾人睇!
而家我返工都做左好多野,我會對清楚點野0家啦!
5點9左右走人,老公0岩0岩0黎到觀塘!
佢今日好早收工呀!真係好呀~不過佢成日四圍去,有點辛苦!
收工之後去灣仔,食左雞蛋仔!
上堂,好眼訓,好累,小休時訓左陣...
今堂好少人返呢~上完堂去食飯!
食完飯陪老公等車,佢叫我陪佢等!
咁諗住等完就走人搭307!點知佢拖實我,硬要我上車!
最終上左車,但係我話我今晚唔會係佢家訓!佢話有分數!



返到去,原來佢想車我返家!佢今晚好想揸車喎~
係停車場有少少意外!架車落斜時撞到花左=___="
即刻o左咀!揸得咁慢都攪到花哂!如果真係交通意外一定好恐怖!
次次都係整到我果邊門!老公話果邊好難睇!
基本上佢架車好多盲點!
跟住佢係停車場試泊左好多次車!
跟住........我未試過咁樣迎接平安夜囉!=.="
12點幾送我返家,係出車冇耐架車就失控!架車唔揸得!!!
嚇死我0地!唔知係咪因為頭先撞到側邊攪到D軑關係~!
老公勁驚!果時仲有對頭車!果彩仲係佢家附近,之後即揸埋一邊打死火燈再慢慢揸返去!
返到去老公嘗試換軑,但係最終都係唔得!
原本佢想我又係佢家訓,因為夜了!但係我話唔得,唔可以連續3日都係佢家訓!
攪到好似同居咁!我要走!
咁佢又唔想我搭小巴返去,果時已經夜了!
要我打的!我話好貴,好哂錢!佢俾左100蚊我!一定要我搭!
跟住送左我上車返到去家樓下一百八十幾蚊!
o....................又支付左d不必要既錢了!
返到家沖完涼同老公傾左陣電織左幾行頸巾再搵下見唔見我唔見左果條!
點知都係搵唔到呀/_\ 好慘呀~~~~人家專登織係為左聖誕節ma!
攪到3點左右先訓,好眼訓好眼訓.........
聽日就24號了,我仲未買禮物!!!同埋.....其實我真係好想24號得兩個人!



其實我真係好期待呢個聖誕節!我希望可以開開心心!有個浪漫既聖誕節!
不過老公鍾意多人,佢話多人好玩點!
呢點我都知!但係可否25號先成班fds呢?
其實...佢d fds甩底又唔講聽日點樣,其實都係因為佢0地想24號同女友一齊過0者!我估...
我唔想第1年一齊過既聖誕節都冇一日係只有得0地兩人.........
我唔可以好似佢以前拍拖咁成班fds一齊玩...
或者我唔係一個過份貪玩既人!



>>December 29, 2005 at 7:47:38 AM GMT+8

2005 年 12 月 21 日 星期三 【乍雨乍晴】

今朝起身返學,老公叫極都唔醒,遲左少少返到去!
返到去得個坐字!居然係校長監我0地!
我基於冇哂資料俾佢睇,所以我冇出去同佢傾!
亞倩,小葵佢0地講完,我先知原來盡量唔好做風景果D!
所以我要轉下題目了!好快lunch!
禁完錢同亞倩食,之後佢返工!哈!~好耐冇去得成食了!
食完返番school搵老公,因為佢仲同校長傾計!
行返去時彬打0黎約實少少27號既時間!
去到school同亞仔講左幾句,佢下星期四生日!問我去唔去唱k!
好耐冇見佢了,其實我都幾想去!
老公傾完之後同佢0地落去打機!
跟住...........今日居然同老公係機舖嘈左陣!
其實我真係好唔想嘈,有時佢諗野都幾諗埋一邊!
有時講下笑又當真!或者男人真係要面子!我盡量要講野小心的!
跟住嘈到我話要走,佢又叫我走,咁我咪話走囉!
又再問多我一次係咪要走,係咪玩完!
我好認真答佢話要走!不過最終佢都泵番捉住攬住我話:走咩呀?唔俾走!
係我同佢想嘈果陣佢以前女友又send sms 0黎問老公住幾樓幾室!
我見到真的燥了!又係咁!唔覆佢又再次sms 0黎!
仲咩耐唔耐就會send sms 0黎???咩事!!?
嘈完之後同佢0地去左隔離食野,佢0地食我唔食!
之後行去搭船,老公話去買水飲,原來買左朱古力俾我!
知我鍾意食,驚我嬲,所以買朱古力俾我食!仲同我講對唔住!
哼! =‧‧= 算你啦!
係尖咀行,亞星細佬係尖咀等左粒幾兩粒鐘,打爆左4次機!
佢細佬真係慘,亞星係灣仔係咁打0黎打咁耐唔理佢細佬等咁耐囉!
佢細佬都幾斯文!係個樣細個少少同矮少少...
今日行尖咀係因為亞星個細佬要買衫過聖誕!
我都要買黑色褲,但今日又睇唔0岩!
終於拎左上次買對鞋!GOOD~!
係利時睇中左件衫!不過最終都冇買!俾老公話我揸唔定主意!
其實我好想買,不過........算啦,都走左返去海港城!唔通行返去咩!
終於佢0地係LCX買到衫!老公好累係果度坐左好陣子!
男仔君返家先!冇耐我睇中左個袋,好想買呀>0<
不過.....細心一睇,發覺個袋可能放重少少既野都會爛!
最終冇買到呀/_\ 真傷心!個袋我真係幾鍾意的!同埋3百幾蚊唔算貴呀!
只可惜我太多野拎出街!化妝袋又重...
老公係LCX度又扯走左果D聖誕樹既波波放左係袋度!又扯左個波波俾我!
今次係紅色,好多閃粉的!攪到成手都係閃粉!
肥雞,亞業係亞星佢0地俾緊錢時0黎到!冇耐湯威都0黎埋!
行陣,去接埋亞魚!跟住子文同佢女友都係度!但係佢0地好快就走左!
同佢0地行多陣,原本佢0地話返去打邊爐,但老公同湯威都病緊!
咁我又想返家,最終同肥雞,亞魚,亞業返觀塘打邊爐做冬!
我同老公,湯威係尖咀食野!食完野又夜,見老公又話唔舒服!
最終又同左佢返家,去左佢家訓...
第2晚...冇返家了!發覺而家既我好少返家...點算=.="
同老公感覺好似同居咁...........
沖完涼吹頭入房睇老公手提,我飛左線去佢手機!
點知又見到佢以前女友又sms!問幾多樓果d!
咁我就覆番佢:仲咩咁問?
之後我都冇理了!聽朝又要返工!1點多就訓著了!



但係5點幾醒一醒,跟住我又睇老公手機!
見到佢以前女友有覆話:搵你囉!
咁我就覆番佢:其實你係邊個搵佢?
我相信我打呢句野佢應該o左咀!
因為佢一定知係我同佢sms...
老公原本話我可以打佢話佢果D!老公!你知我一定唔會咁做的 . \ / .
不過由我0地0岩0岩一齊到而家佢都仲係咁,我真係忍唔到了!燥呀~

>>December 29, 2005 at 7:44:48 AM GMT+8

2005 年 12 月 20 日 星期二 【乍雨乍晴】

琴晚原本打算send sms俾sarah同佢講生日快樂,但係我拎左手提,
之後又唔知攪咩野唔記得左=.="..............
今日早左半粒鐘返到公司,好彩冇上銀色果個鎖,所以我有key入到去先!
Carly打0黎,幫下佢手fax野同手野!
佢知我返左公司成11點幾先返0黎!同佢傾下計跟住lunch!
um.............呢期返工都幾多野做下!
本書...要盡快攪掂!所以今日jpg哂我先走人!
原本今晚係同亞倩一齊去買聖誕禮物!
但係老公收工之後打0黎話佢老豆話今晚做冬!
結果......叫左我去!因此...又買唔到聖誕禮物 >口< 又冇時間買啦!
我攪掂好收工D野就走人,老公係樓下等我!
佢每次收得比我早都會去到我公司樓下接我收工...



跟住佢話唔舒服,個喉嚨仲係痛!陪左佢去睇醫生!
o........今日好凍!佢住果邊好大風! >0<~~
睇完醫生返左老公家冇耐就一齊落去平田食飯!
個晚餐幾豐富下,因為專for人0地做冬既dinner!
老公個老豆見到熟人,同佢吹水!介紹自己d仔俾人識!
話老公係< 蘭春代 > =.=" 我當堂即笑!佢居然咁話老公!
跟住介入老公哥就話呢個係澳洲返0黎!
亦都又話我係老公個女友=.=" 每次佢0地見到熟人都會介紹我俾人識=.="""
原本今晚唔打算留係老公家訓!
但老公又話病又話想聽朝一齊返學!
老公媽又話夜,又話凍,叫我唔好返家留係度!
於是今晚食完飯又留左係老公家訓!
老公返到去沖完涼冇耐就訓!因為今晚要3點幾起身車佢老豆返工做野!
所以老公比我早訓!我沖完涼之後織左陣頸巾再攪下聽日交既功課先訓!
好彩有老公哥係度,佢幫手做功課,寫野...THX!~
凌晨5點幾老公揸完車返0黎!

PS:Sarah生日快樂!~



>>December 29, 2005 at 7:41:47 AM GMT+8

2005 年 12 月 19 日 星期一 【颳風】

起身,返工!而家返工可以晏D返去!GOOD~
如常做野!冇咩特別!lunch...
下晏出左外送稿!都好!可以行陣,去牛頭角果邊...
我呢D咁白痴既都搵到,估唔到我搵到間野係邊!
行到興興地=____=" 返到去冇耐見Carly幫Willy手做野!
幫手宣傳果D~又搵左人上0黎睇下整水喉既野!
都唔明點解呢座大廈成日都冇廁所水0家! . \ /.
今日我做到六點幾走人!之後搵老公!
我同佢講今日一收工我就走人!因為我要買冷果D!
我想係24號前織起!不過都未必得,因為冇時間織!
本身織起果條又唔見左/_\ 慘慘...........
跟住老公陪我等車返家!又訓著左=_____=
返到家,留左飯俾我!
食完hea陣沖涼!同老公傾電之後就訓覺了!

>>December 29, 2005 at 7:40:37 AM GMT+8

2005 年 12 月 18 日 星期日 【颳風】

起身返工!今日可以晏少少起身返工!仲係屋企食左少少野先返工添!
9點先出門!返到去10點左右!但Carly打0黎叫我行左去飲下野先!
因為佢0岩岩先出門!攪到10點7左右佢先0黎到!
結果果段時間去左增值果D!而家覺得幾好,可以返晏D!
同Carly傾左陣計!邊做下野!好快lunch time去食飯!
食完見到Willy返到!跟住再做野!上星期成日冇返工關係,攪到好多野做呀!
下晏都有同老公通下電!
好快5點9準備走人返英文!
搭到去北角彬打0黎講下27號係邊度等!傾左陣電~
今日已經聽到老公話喉嚨痛,唔舒服!
係灣仔買完水就收到老公電話佢好唔舒服!
叫我返去school問下上星期有冇堂!原來上星期有!
上星期我0地都冇返!今日老公唔舒服話要去睇醫生!
結果今日又係冇返!果度果個人話唔會有得補堂!
我報名果時明明話上唔到堂有得補!
而家又話好多同學問呢個問題,但係係冇得補!咩咁0家!!!有冇攪錯!!!!
跟住唔理了!去左地鐵站搵埋老公就行,老公去左萬寧度配藥!
之後就去左CWB行,因為佢要買聖誕節禮物俾家人!
行行行......原本係izzue買頂帽俾佢老豆,但係CWB izzue冇佢想買果頂!
行左i.t!有我買左果對鞋,但係黑色!黑色型好多呢!漆皮的!早知唔買白色啦!
不過黑色貴成百幾蚊!但係冇可能同一款鞋買兩隻色0家!
行完去左西武!我買眼線液!
行到polo,老公結果係果度買左兩件衫,一條頸巾同一頂帽送俾佢家人!
原價一千八幾蚊!而家折左九百幾蚊!平左好多呀!!!!!!
不過每年聖誕,新年都係好平0家啦!~我做過呢行,好清楚知道!
我都好想買,不過冇銀!唯有下年吧/_\ 唉~~~好多野都想買呢~
行完就行去搭車!等bus好多人!好彩第2架有位坐!
係老公家食飯!食完飯hea左陣老公就拎D野出0黎送俾佢家人!
佢老豆好爆笑!係咁試下頂帽點戴先型!件衫又話要新年先著!
佢亞哥同佢亞媽先攪笑,話幫佢洗腳!哈哈~~~
不過見到佢家人好開心,佢0地一齊好溫馨!
佢亞哥試件衫!老公叫佢就咁係度試都得啦!但係佢亞哥話唔係咁好,要返入房試!
老公媽又話:係度試唔係咁好,未來弟夫係度!
果時我即刻o左咀望住老公!老公都望望我!
冇耐老公就返入房整電腦,但係攪唔掂!
我去沖涼!又係老公家訓!而家隔日就係老公家訓=.="
上星期有4日係老公家訓,得3日係自己家訓!um...好似過份了少許!
等老公沖涼期間同老公哥傾下計!
冇耐老公吹頭就叫我返入房!跟住就準備訓了~
聽日要返工!返工返工返工!

>>December 20, 2005 at 1:43:03 PM GMT+8

2005 年 12 月 17 日 星期六 【乍雨乍晴】

今朝訓到11點幾起身!之後沖涼~老公訓到成點先起身!
跟住make up,兩點幾先落去食lunch!
終於去左食泰粉!不過食得太多反而覺得唔好食!都係盡量唔好成日食!
食完3點幾行返家!湯威甩左底,原本又話出尖咀,但係佢同嘉兒一齊就甩底了!
我同老公係家度hea左陣,4點幾老公媽同老公哥返到!
0岩0岩係大陸返0黎!講左老公爸既野!
我同老公打算出去尖咀行陣!因為我想買鞋!
出去前老公媽同老公哥夾份打佢!不過只係玩下!
我覺得佢0地好攪笑,呢個情況絕對唔會係我家出現!
因為我家唔會咁玩的!
搭bus出去,見到鬼仔同佢女友都出尖咀!
終於可以得我同老公兩人行街!
雖然今日星期日好多人,但係難得兩人行街已經足夠!
買鞋,o.....要過兩日先有貨,跟住我訂左打算過兩日再0黎買過!
買完行利時!我睇中左件皮褸,cool~~~不過一定貴!
等我儲定彈藥先買吧!呀...不過我又想買westwood鍊,同GUCCI袋/_\
um....算吧!呢D都係唔等駛既野!算吧算吧!
原本打算今晚同家人食飯,但係去亞叔家食,我唔想,最終都係冇去...
我又掟銀仔,打算睇下決定去定唔去!
我好多時都用呢個傻既方法=.="
我掟定3次,3次答案都係一樣!就係去!
不過我次次都同個答案相反!其實...心中已經有一個答案!
再四圍行下,行到去海港城對面新開既商場!
原本唔打算上去行,但係見佢新開又派優惠卷!於是我0地決定上去!
老公抽到150蚊既優惠卷呀!而我得50蚊!仲要指定邊間shop用!
上到去睇,shit!!!!!間shop我唔會入去買的!哂左50蚊!
行行行,果個商場D野都OK 0家喎~睇中左條褲!
佢話自己desgin,成7百蚊呀>0< 好想買!用埋老公果張優惠卷都要5百幾蚊=.="
1月1號前用,唔知買唔買好呢?



去到有間有得買奈良既tee既shop度睇!
老公見到佢門口有木梯!以為係D工人未裝修完就咁放係度!
所以問個sales,話打算串下佢!點知個sales幾姣下 . \ /.
走時老公拖我,我唔拖呀!我唔鍾意咁!
之後老公見到有雪糕!跟住買左!次次泵我都係買我鍾意食既野!遲早整肥我了!
跟住去陪佢禁錢,8點幾老公同我一齊搭bus返大埔食飯!
去左珊瑚堡食!um.........食得好少添!因為今次整得麻麻地!
食完去左izzue睇衫,好平喎...d男裝!
老公買左件背心皮褸!見到古仔係度做!
想同古仔傾下計,傾左兩句已經get到老公唔係咁鍾意,所以冇傾了/_\"
買完野老公送我返家!大埔好凍下呢!老公好耐冇送我返家!



今次仲要冇揸車!佢話:早知就揸車啦!
因為果時成11點!佢返到家成12點!聽日仲要返工!夜.............................
返到家冇耐亞媽同老豆返到!跟住我沖涼~
夜晚同老公傾左幾句電就準備訓覺!



>>December 21, 2005 at 12:49:55 AM GMT+8

2005 年 12 月 16 日 星期五 【乍雨乍晴】

今朝8點3左右先起身!之後make up,上網!9點幾10先出門!
返到公司10點幾成11點!開電腦,改埋少少野!
Willy又話D相同實物唔同!我都係跟住佢俾我既相做!
同埋...我之前對過係冇唔同的!跟住見佢又未返,我又唔想留係公司!
最終走左人!去左老公家!老公0岩0岩起身!
等佢沖完涼攪掂好哂就去地鐵站果邊搵家強還番X電機俾佢!
佢好趕咁就走左!而我0地見泰粉爆場,最終去左美心食!
食完搭出尖咀!期間亞業打俾我!傾左陣!
好耐冇見佢了!你好嗎???但係我知老公唔係咁鍾意!所以好快收線了!
去到去左海港城先,搵埋亞星!佢同佢細佬打機!
係LCX搵到大家,行左陣!跟住去左F.C.K行!
亞星係果度買衫攪左好耐!為既就係買第2件有9折=__=" 佢太執著了!
去左利時,睇鞋!訂造要兩個星期,亞星打算聖誕節介女!
所以等唔到!跟住行左連卡佛,新太陽等等!
都係買唔到!而我都冇買野!好想買黑色褲襯衫!
不過睇中果條又唔值咁閎價錢!最終冇買到!
行完新太陽就走人,原本打算返家拎衫去老公家!
咁0岩老公媽今日返北上,今晚得我同老公兩人!
老公又要返去踢波,於是冇返家拎任何野就去左老公度!
亞迪條友由朝早問老公借車問到夜晚!老公唔借俾佢!之後又係咁打!
原本打算返家換衫去踢波,最終都係唔換揸車落觀塘!去到買左對白鞋就算了!
估唔到觀塘都咁凍!真係好凍!我坐係度睇老公踢波,真係凍死了!
我真係好怕凍!秋然同子文踢踢下冇踢!
子文佢對腳仲未好番!跟住3個係度凍住咁傾計!
傾左好耐.....攪到冇睇到老公踢波!
老公踢完就好興咁對住我!之後仲搶左佢件褸,又話去買野飲!
我話唔去就小我話我而家去唔去!仲用頭撞我個頭!真係有點痛╥︵╥
結果跟左佢去!佢咁興係因為佢踢波整親我唔知,仲故住同佢0地傾計...
老公一向都唔鍾意我同男仔傾計講野=.="
去買野飲,小得我好勁!一路行住小我,但係又驚我凍,係都要我著住佢件褸!
佢第1次小得咁咁勁!我喊左出0黎.....喊左好耐!係條街度...我喊左好耐!
佢鬧左我好耐...我原本打算俾番件褸佢,我打算拎番個袋走!
但係佢唔俾,一定要我著,唔俾番個袋我!
之後泵番我........不過我真係好唔開心!咁樣咁人鬧都係第1次!
咁樣俾佢鬧更加係第1次!或者...我真係唔識做一個好女友!
跟住佢叫我係車度等佢,佢同埋佢0地上0黎一齊去食飯!
求其去左間唔知咩度食!食完等埋肥雞0黎就走人!
一藉老公都要我著住佢件褸唔俾我除,但係佢得番短袖!我知佢一定凍的!
俾番佢,佢又唔肯要!食完行返去揸車走!
車完秋然,再車家強去到平田叫家強落車!
跟住老公原本打算車我赤柱睇星星!因為佢激嬲了我!



但係遊行,未必過到海!於是車左去鯉魚門!
係果度hea左陣.....不過我幾鍾意靜既感覺!好可惜凍了點!
冇耐返到老公家一齊沖涼!有一排冇同老公一齊沖了!
沖完我好眼訓,可能喊得耐關係,對眼好累!
但係老公又要睇TV.....
跟住覆亞敏電~傾左陣!好耐冇見了亞敏!掛住你呢~



之後幫老公搽完cream都好累了!
跟住返入房,老公又話我返入房!跟住又話左我兩句!
我真係好唔開心...................之後佢泵番我!
話點解次次都要泵番我!話我激嬲佢都要泵番我!
其實我好想講,咁我係女仔0黎0家ma,女仔一向都要人泵0家啦!
不過,我好沉重咁同佢講:以後都唔駛泵了!
佢問我點解!我靜左好陣子.......諗左好陣子...
同佢講...:其實.........我0地需唔需要分開下?
佢靜左一陣,除左我隻戒子!
我攬住佢,第1次喊得咁勁................



事後佢話勁驚!因為未見過我喊得咁勁!
um..............或者...我係一個感情用事既人!或者我放得太多感情落去...
其實我0地都咁鍾意大家,或者老公脾氣真係好大!或者我好多時都唔識做!
跟住佢話,如果我唔鍾意佢,我話要分開先會分開!唔係佢唔會離開我...
冇耐...3點左右就訓了!



>>December 21, 2005 at 12:51:49 AM GMT+8

2005 年 12 月 15 日 星期四 【乍雨乍晴】

今朝冇返工!又唔返工了!我呃左佢0地話屋企有事唔返工!
不過老公9點幾10點就出門口!佢都遲左好多!
亞星又話琴晚打0黎或SMS 0黎講話係邊度開工!點知都冇!
唔通搭十幾蚊車去屯門之後又要出返0黎咩!於是老公冇咁早出門!結果俾亞星小...
跟住我又訓多陣!訓到12點幾起身!期間我訓訓下又聽到D聲...
好嘈既兩把男人聲.....果時我即時醒左!但係心諗老公家一定冇人!
冇啦啦唔會有聲的!但係我又正常反應地望一望出廳!冇人.....
跟住我又訓番!今次唔知第幾次聽到了!聽到D聲....
起身之後沖涼!唔知點解而家慣左係老公家起身就沖涼!
可能個頭太亂,又可能係受到老公影響!因為佢好多時朝早起身都會沖涼!
跟住冇野做make up完,又同老公通完電,見琴日買果隻再一次說我愛你
於是開左0黎睇!我又再一次落淚=___________="
實在.......太好睇了!
如果你再次係我身邊陪我睇就好了...
跟住睇完,hea多陣,3點幾打俾老公!
佢果時仲未3點3,仲開緊工!但係太嘈關係,聽唔到我講野,所以佢要收線!
之後我send番sms同佢講其實我打俾佢係想走人!
因為佢話佢今晚可能OT!叫我唔好等佢!
返到大埔我買左包食!成5點幾我先食我第1餐!
發覺唔駛返工日子我都咁晏先食野!
食完冇耐老公就同我佢收得工!估唔到又會咁快收得工!
原本佢話0黎大埔搵我!最終又要返觀塘陪肥雞攪唔知咩牌!
但係去到肥雞又唔知點樣,最終又冇!
跟住亞業同秋然去電髮,老公去左搵佢0地!
我係家食飯,食完hea左陣沖涼!
大果個唔舒服!佢D血又有事...佢收工返0黎就即返入房了!
入院!亞媽同佢去威伊斯!叫我晾埋D衫!跟住晾衫!
夜晚同老公通下電~12點幾就準備訓!老公聽日要返工!
而我聽日都要返工攪埋D手尾!今日應承左Willy話聽日返去攪埋我跟開既書刊!
嗯.........................發覺呢個星期冇點返! =.=" 點算...
訓前亞媽仲未返到!
老公!I! MISS U~!

>>December 20, 2005 at 3:08:27 PM GMT+8

2005 年 12 月 15 日 星期四 【乍雨乍晴】

男友為女友應該做的４４件事

1.向新朋友介紹女友時，請摟著她的腰，而不是站在一旁用手指點

2.在街上遇見美女凝視時間不超過5秒，並迅速指出那位美女與她相比較的美 中不足。

3.如果她做錯了事，心裏已經很難過，請主動承擔起你應該甚至不應該承擔的責任吧 。

4.聽女友話的男人才會有出息，所以，你要乖乖聽她的話。

5.她可以欺負你，但你絕對不可以欺負她，因為她雖然欺負你,但是每次有什麼好東西,她第一個想到的就是你!

6.要是她朝你哭,你要不厭其煩地哄她,直到她破涕為笑！

7.把她的照片帖到錢包，手機...一切經常看到的地方。

8.離開她絕對不超過十天以上。

9.在她的朋友面前，希望你可以表現得比平時更疼愛她和緊張她的樣子。

10.大男人不等於霸道。

11.溫柔不等於沒主見。

*** 12.瀟灑不等於沒交代。

13..不要老是在我問她“去那裏比較好”，“吃什麼”等等的時候說"隨便"，這不等於是你在遷
就她，只表示你沒有心思搭理她。

14.要經常對她說"我愛你"，否則她會假設你不愛她。

15.永遠不要在公眾場合對她呼呼吼吼又或是撇下她一人。

16.她做錯事情的時候教訓她不要緊，最重要的是在那之後要哄她。

*** 17.發脾氣時不要不理她，不要給時間她讓她冷靜，其實她完全不需要時間冷靜

*** 18.可以陪自己的朋友，但一定要重色輕友。

19.她看動畫片，你不但不准笑話她，還要跟她一起看。

20.在她想你時，爭分奪秒地擠出時間與她約會。

21.看她的眼神無比專注 。

22.說話的語氣情深意長 。

23.能做到客觀的得到其他優秀的女孩，但主觀認為她才是最好的。

24.有女孩和你說話，你要拉著她的手，如果她恰巧不在旁邊，那麼請你跟她們保持距離 。

25.過馬路的時候牽著她的手。

26.要懂得珍惜和她在一起的每分鐘 。

27.就算再忙，每天都不忘打一個問候的電話 。

28.要常常唱情歌給她聽。

29.兩個人都有發火的權利，但不能同一天,如果那一天她發火了，那你就不可以發火了。

30.女友生活中不順心，你要循循善誘、幫忙分析，提出建設性方案若干。

31.要非常愛你的女友---她，堅決擁護女友的決定，服從女友的領導。

32..留意其他女生不得超過5秒鐘，看同一女生累計不得超過5次

33.即使全世界的人都不相信她，你也要無條件相信她。因為她也會同樣對你。

34.她穿了好看的衣服，你要衷心讚美。

35.嚴禁在女士（3歲-80歲）面前耍貧，放電。若有違反，視情節嚴重程度，由女友從嚴、從快
進行嚴厲打擊，任何人、任何形式的狡辯，抵賴都將按妨礙司法公正論處。

36.不抽煙。一經發現立即開除。

*** 37.與女友吵架每次陳述不得超過3分鐘（含），音量不得超過20分貝（含）。

38.要加強鍛煉，強健身體,一口氣抱她上到五樓

39. 在她心情遭透，蠻橫發脾氣的時候，抱抱她，而不是和她理論。

*** 40.希望不會出現手機沒電而她又沒有其他辦法聯繫到你的現象，如果能頻頻主動打電話告訴她“我想你了”並隨時彙報行蹤則更好。

41.她身上有很多缺點，她已經夠苦惱了，請不必隨時向她提醒。

42.女友不講理是撒嬌而不是撒野。

43.她所有的事情都好想跟你分享、雖然你不一定會明白但是希望你會裝做你在聽。

44.最重要的一點：要永遠認為女友是對的。因為，她是最愛你的。

>>December 16, 2005 at 2:08:33 PM GMT+8

2005 年 12 月 14 日 星期三 【乍雨乍晴】

今日冇返工冇返學!自從上次話做畢業作品我已經決定左唔返基礎了!
老公起身返工後我又訓番,訓到11點幾起身!
之後沖涼洗頭!我冇老公家既key!攪到我今日留左係佢家!
老公叫我煮公仔麵食!原本我想走,但係我知老公想我等佢返0黎!
冇野做我又幫佢家拖地,幫住煲埋水!仲幫佢執番好少少個櫃!
抄下佢D野0黎睇!4點左右想訓!
訓左係床度,但係老公sms我,最終醒醒又冇訓到!
抄番好耐之前買既NANA出0黎睇!等............
6點左右老公媽返到,佢拎左袋衫返0黎!
仲話老公仲咩要我留係度攪到我食公仔麵!
冇耐老公媽又出去中心收fax,幫老公爸收的!
6點7左右我就走人,去觀塘APM行左陣等老公!
冇耐7點幾老公打0黎話佢0岩0岩收工!叫我返大埔等佢!
佢去上水再轉火車返0黎!0黎搵我食下飯!
返到大埔我再打俾佢,佢0岩0岩返到上水!叫我幫佢買指甲X
跟住我行左陣,買左< 再一次說我愛你 > VCD!
佢一出我已經想買,因為實在太好睇了!
冇耐老公打0黎話佢搭緊K巴,跟住我去完姐姐睇左陣衫就行去接老公!
0岩0岩好呀>0< 好野呀~~~~~~~ kiss
跟住陪老公禁錢,之後我0地去左元綠食!
好耐冇食啦!以前返工成日食,真係超耐冇食了!成年冇食掛應該!
老公叫左清酒飲,佢話好飲,但係我一試,嘩,好藥水味!好難飲!
老公越飲就越唔拖咁!叫佢唔好飲,佢又話要飲哂佢!
13%酒精的!多過啤酒,啤酒5%
食到10點多少少走人,原本打算返家,但係見佢咁我唔放心呀真係!
之後送佢搭車,打算跟埋上車,點知佢勁叫我唔好!又話佢自己一個返去可以!
仲推開我! ="=.............之後我走人,佢打返0黎問我真係唔上車!
之後我話佢推開我既!話我仲咩唔堅持!
最終佢係昌運落左車!我話行去搵佢,去到又唔見佢!
原來佢行左去搵番我!之後我企定等左佢一陣!
佢條友仲扮野,等我見唔到佢!哈!一早見到你了!
點解你上左車都要落車0黎搵我?
你話唔捨得我,係咪0家???
跟住見到面我0地就即攬住!老公可以真係有點醉,係條街係咁錫我!
我話係街0黎0家!佢又話咁又點!



之後上車,佢蒙哂!訓下,講左d野!
我會記得你講既野!因為聽人講飲醉左既人講既野先係真喎!
唔知你係車上講既野又係咪真呢?不過我永遠都會記住0家!
記住12月15日晚上搭74x返去時你講既野!我愛你呀~~



估唔到你仲記得未同我去睇星星......不過唔梗要啦!有時間先囉!~
醒左佢仲係蒙哂!哈!佢做d野好攪笑呀!好彩佢冇大叫渣!
落去巴士下層等落車時佢又攬住我又錫我之後又講我愛你呀老婆咁樣!



落車後行去搭小巴佢終於清醒少少!
返到去,家強拎火牛0黎!不過都唔0岩我手機用=.="
跟住俾老公沖涼先!想佢早點訓!
同老公媽傾左陣計!之後沖涼!~沖完涼老公仲未訓,仲等埋我吹埋頭先訓!
雖然你有點醉!um...............但係唔知點解覺得今日特別sweet=﹏=



老公話我點解咁傻等佢成日,或者...愛情就係咁傻吧?
以前既我係唔會等一個人等咁耐.........






>>December 20, 2005 at 3:03:39 PM GMT+8