2005 年 12 月 31 日 星期六 【晴】

2006年1月1 日!
新一天!新既開始!



今日訓到兩點幾先起身!老公哥同佢亞媽都出左去!
而我起身就沖涼!我話肚餓,但要食藥!
老公話家有兩包快熟通心粉!佢又話唔識整,叫我整!
但係我又要沖涼,我話沖完先整!之後又話如果有人整俾我食就好啦~
估唔到沖完涼之後有得食!老公第1次整野食俾我囉!
雖然只係快煮通心粉,但係真係好少可呀下!

老公


食完之後食藥!之後hea陣make up!make make下同老公玩左陣!
好似好耐冇係廳咁啦~





I LOVE YOU LOVER





之後我0地又唔知去邊,成6點先落街!去左佢架車度!
佢話拎散銀!見到有靚位,即泊番上0黎!
之後坐左陣,行左去藍田地鐵站,老公買左鮮奶撻,我買左雞蛋仔!
落觀塘,原本打算係APM度食晚飯,結果都係冇!
老公同我一齊搭74x返大埔話係大埔食!
係大埔行左陣,係izzue見到古仔!之後我0地又去左珊瑚堡食!
食完送老公搭車跟住我行返家!
大果個又帶左佢個fd上0黎訓!hea陣沖涼~
亞媽成12點先返,去左BBQ!原本我都去,但係最終決定又係唔去!
沖完涼打日記!等埋老公沖完涼之後傾電睇TV!GOOD~~~
老公話眼訓,1點左右收線,而我睇到兩點先返入房訓!

>>January 3, 2006 at 7:43:03 AM GMT+8

2005 年 12 月 30 日 星期五 【晴】

2005年最後一天..............................新一年又開始了!
HAPPY NEW YEAR TO ALL MY FDS!!!!>3<
希望大家身體健康,事業如意!珍惜身邊既一切,珍惜身邊既人!



終於今年唔駛返工,聖誕節,除夕都唔駛返工!太好!
今朝訓到12點幾1起身!等埋老公起身...
之後hea到3點我0地先落街食野!
去左觀塘食!食完搵埋肥雞,亞魚!送左我去搭bus!
之後佢0地去洗車同埋...幫我出去買藥!
因為我打算今晚係出得夜街係老公家訓,而且我想換套好少少既衫,決定返家!
之前同亞媽講我想買件紅色既冷衫襯我件白色外套!
點知今日返到家就見到有件紅色冷衫係房!謝謝母親大人!
下晏MSN,diary!同亞Wing MSN!
家7點未到就開飯!食完飯8點半左右出門!亞媽同第2果個去大中倒數!
係大果個做果間度hea下坐下先!
出到觀塘老公同埋亞業,秋然等我!
跟住同佢0地去食飯,我只係坐.............
等埋肥雞,亞魚落0黎就搭601出金鐘!
搭車時老公幫我< 駁 >鞋帶!THX老公~
太好~去山頂!老公話我想去,於是大家都決定左去山頂倒數!
去到金鐘地鐵站要搵邊個出口去搭攬車!禁完錢就走人!
我第1次搭攬車,um...有點笑死人=.="
因為大埔去山頂實在太遠,而且之前去都係搭bus上去!
等攬車時唔知我0地講錯咩野,秋然嬲了!起初我0地成班都有講有笑的!
攬車D登唔好坐,好辛苦,不過好快就到!快過bus好多!
兩年啦~兩年冇倒過數!往年我唔會出去數!因為太多人!
但今年唔同,我想同我老公之間有多點回憶!
上到去行左陣,影左D相!哈~老公好爆笑!我用手機影抵了!
之後搵埋家強同佢女友!
好彩我0地0岩0岩上到去,仲有4個字左右,有時間行陣!
幾驚要係攬車度倒數,或者係一去就倒數要返番落去!
去到個亭度!老公叫我坐左係高處,睇哂成個境!GOOD呀!!!!
睇住最後一分鐘......2005年快要過去!
周圍d人係度數...10,9,8........................1!Happy New Year!!!!
KISSING~~~~~老公!
跟住我0地行返出去,再影下相!
之後老公發我脾氣,因為我講左一句說話...
其實我都係為你好0者!你唔係我男友我得閒你理食唔食煙同食幾多煙!
或者我當時講果句野好中點掛!~
老公初初同我一齊話會盡力戒!但一齊左一段時間先同我講戒唔到!
居然同我講一向食開,戒唔到!
所以我真係忍唔住講:咁我搵第2個戒啦!~
估唔到開心上去,傷心落番0黎.....
亦都估唔到2006年一開始就咁!唔通今年注定成日嘈交嗎?
我真係唔鍾意你條街上話我!你唔要面,我都面!
已經唔係小朋友了,唔可以好似小朋友般隨便係街上發脾氣,嘈交...
無論我對住邊個,我永永遠遠都唔會係街上嘈交!包括你.....
我唔出聲,我唔作咩回應只係想留個面子俾大家!
你唔泵我唔梗要,但係嘈交冇話邊一方係錯哂!
不過之後都好快冇事!





JOJO係山頂果時有打俾我問我去唔去蘭貴坊,其實我有點想去!
佢話唔知咩唔駛排隊入去!好可惜我唔識飲酒!但係JOJO叫我去跳下舞!呀~~~~~
我都好想跳舞!係好想好想好想呀!
不過果時老公已經開始發脾氣...
我0地行去中環搭叮叮去灣仔食宵夜!
搭叮叮時見到班揸電單車既人!有十幾架咁多!
聯盟...呀.....................
我好想參加skyline大聯盟!cool~~
食野send左sms俾我d好朋友!大家收到嗎?happy new year!
食完野之後搭小巴返藍田,肥雞送亞魚返家!
真係辛苦啦肥雞,要搭小巴去到亞魚度,送到佢上家之後再搭番小巴返觀塘!
真係一位好男友!!!
返到老公家去左老公架車度拎番d藥先返家!
上到去老公亞哥開門俾我0地,果時3點幾啦!
原來佢返左0黎冇耐!出左MK,而且又未訓得著喎!
跟住我食完藥就沖涼,等埋老公沖完都4點幾!
唉...............又食藥!我真係唔想食藥!唔想食!皮膚差......身體唔好!唔想食!真係...
但係我0地成6點先訓....................wo~朝早先訓!
今晚...有點唔係咁開心...




PS:謝謝send過sms俾我既朋友!點都好!Happy New Year!~

>>January 9, 2006 at 12:30:17 AM GMT+8

2005 年 12 月 29 日 星期四 【雷雨】


今朝唔想起身!拖到8點4左右先起身!
9點半左右出門!同老公通左幾句電~!
有點涼...落住毛毛雨.......買完包就返公司!
冇鎖銀色果個鎖,可以入到去!Carly返0黎又傾下計!
其實有多個人係度唔係一件唔好既事,起碼唔會咁悶先!可以有講有笑!
12點幾Willy返到!今朝Willy心情唔多好!我做野要特別小心點!
lunch之後我成日都係度對稿!因為要出菲林!
要好小心好小心,遂個遂個字對!
Carly幫埋我0地收埋D支票4點幾就走人!
Willy6點左右唔舒服都走左,佢交抵左D野俾我做!
就係出菲林之前做既野!對哂D野之後zip左佢再post上去!要攪好耐!
FUCK!又唔早講,我今晚仲要返英文班!
攪到我都冇得返英文,老公一個返左!
期間有同佢通電同佢講我返唔到!
冇耐TOTO都有打0黎同我講請左假一齊去迪士尼!好期待呢~
等佢post上去時我上下網咁!
9點半都未到就有人係咁禁門鐘!
嘩~~~~~~~~原來係老公呀>口<
佢上上下堂居然走左0黎搵我!
你仲咩事返返下學走0黎?唔專心上堂呀. \ /.
好掛住呀~~~





10點左右落左去食飯先,因為仲未攪掂好哂,差少少!
食完飯返上去再做!攪到12點前走人!
唉......post左幾耐!差唔多6粒鐘!
上左小巴冇耐幫老公整車果個強哥揸返老公架車返0黎俾佢!
終於整好左啦!~真好!落車等左唔係好耐佢就0黎到!
之後同老公去入油,因為佢今晚凌晨要車佢老豆返工!
攪掂好哂d野成點先返到老公家!
之後老公沖完涼,跟住到我!都攪到兩點幾!
結果老公唔訓等到3點半起身車佢老豆!
陪老公等,但係我唔小心訓著左,到老公返0黎時5點幾我醒了!
再訓.........................................................







>>December 31, 2005 at 11:44:49 AM GMT+8

2005 年 12 月 28 日 星期三 【陰】

放假的一天!~
唔駛返工亦都唔駛返學,GOOD!~
琴晚夜訓關係,今朝訓到12點幾起身,老公lunch打0黎!
結果決定起身!成日都冇出街留左係家!
起身食左少少野之後上網,打日記!
冇啦啦有個唔識既男仔MSN我!話自己唔知咩網頁唔知咩工程師喎!
都唔知係真定唔係!問佢既都唔識答我咁=____= 算吧~
原本仲以為從天以降有位朋友可以解答我網頁上既問題添~!
下晏都有同老公通電!今日冇見過佢!佢老豆返左0黎!
夜晚食完飯之後佢又落左去觀塘,原本係踢波的,但佢老豆既關係冇踢掛!
um...........好似好耐冇試過唔見老公了!
今晚襯有時間mask!家買既暗瘡膏真好!搽左兩日終於好好多!
聽日要返工返學!人生充實!
難得既一天假期仲要留係家!好耐冇試過啦~
今晚同老公通電時聽到佢老豆又話要佢去日本讀書...
um...我係唔知幾耐之前都夢見老公要去外國讀書,我傷心死!
但係.............去外國讀書,可能對佢前途好d!
如果唔去,我驚將來後悔...
點都好,我都會好唔捨得!一去最少2,3年先返!
所以老公話要好努力搵有前途既工先可以唔駛過去讀書.........







>>December 31, 2005 at 10:28:56 AM GMT+8

2005 年 12 月 28 日 星期三 【晴】

聖誕節影既相
留下2005年聖誕境飾既回憶







德福











尖咀海港城







APM

中環







沙田新城市

前日朗豪坊食tea影

做畢業作品集前返正形最後一日影底老公既食相

某日行尖咀F.C.K

我的爛鞋,某日唔駛返工去探老公返工時影下

有日返工冇野做的!

>>December 29, 2005 at 12:05:58 PM GMT+8

2005 年 12 月 27 日 星期二 【颳風】

今朝起身覺得有點凍!係咁叫老公起身返工,不過佢都遲左少少!
我訓多半粒幾鐘就起身make up返工啦!早知再訓晏少少啦~
Carly11點多少少先返到0黎=.= 攪到我要等左成7,8個字先有門口入!
佢0黎到就俾左份禮物我,話係我老闆送俾我的!l
LOCCITANE既handcream,潤唇膏!
入到去食左個包之後就開始做野,不過都有同Carly傾下計咁!
Willy早左一粒鐘返到!12點左右就返到!今日Willy有同下我0地有講有笑!心情好似幾好咁!
好快又lunch!食完飯之後又做野!成日都係度攪緊本書!
今日要執好哂佢!好彩係我收工之前都攪掂好哂!
不過有幾張相執得唔係咁好!Willy話D收尾佢攪喎~
其實我覺得自己已經盡量做到最好了!因為我而家有細心左去check!
返返下工小葵打0黎話聽日唔駛返學,因為校長唔得閒!太好了!
Carly個fd又上左0黎!Tony哥哥!
好快佢0地又一齊走左!唉~~點解佢0地返既工咁free 0家!
5點左右我落去拎稿!要改既稿!黑色7人車...
上番去冇耐有師夫上0黎整廁所!
佢整完之後又同我解釋,呀=______=" 其實我唔識呢d野!解釋咁多冇用!
我只想知係咪真係整好!最後佢同我講有咩問題可以打俾佢!仲問我有冇佢電話!
我答有!其實我冇!呢家野唔係我負責,係Carly負責的!
老公6點鐘收工走人!我做野做到6點8左右先走人!
不過我係APM行左陣等佢!都等左好陣子!
為既都只係見一見對方!佢0黎到送我搭車走!
返到大埔同家人出街食飯,今晚冇煮飯!大果個今日0岩0岩做完手術即日出院!
食完飯同亞媽係welcome買下野先返家!
返到家hea左陣上左陣網同老公通下電~
原本我0地打算聽日去睇戲,但係亞星要佢返工!
唉............點解次次想做既都做唔到!
去赤柱,去睇星星,好多好多都做唔到!連簡單既睇戲都做唔到!點解???
次次都有突然事故令到冇法完成!
不過老公都好慘,聽日原本唔駛返工而家又要返!
而且又要佢3日起貨,根本做唔切!
結果我提意叫埋濕東幫手!不過份糧就要分一半俾佢!
但係冇辦法!因為要趕住交貨!唯有咁!起碼好過一個人做咁辛苦!
跟住我去沖涼,沖完涼再同老公傾多陣電!
老公同我講佢以前女友0岩0岩打俾佢!
佢0岩0岩出左去食煙,同肥雞傾電,以為我打俾佢,來電都冇睇就即入線!
原來又係佢.............
老公話同左佢講唔好做d令我唔誤會既野...
係咪真係咁同人講0家?我唔想佢再搵你!明白嗎?
我真係好唔鍾意!之後佢以前女友send多兩個sms話以後唔會咁同埋say左sorry!
唔知點解有點俾我感覺扮可憐同好人!
老公聽朝要早起返工,所以12點幾就收線訓!
而我都係上下網,好耐冇點上網啦!所以上網上網.......
3點幾先訓得著!~

其實女人想得到既野係好難捉摸,男人往往都唔知女人係需要咩野!
每個年紀既女人都需要唔同既野!
謝謝朋友既關心!我愛你們!



>>December 29, 2005 at 8:37:28 AM GMT+8

2005 年 12 月 26 日 星期一 【陰】

12點左右先起身!亞媽煮左意粉,又買左蛋撻同麵包!
於是我make up完食左少少野先約JOJO出0黎拎單俾佢再出去觀塘搵老公!
去到老公係大快活等我,佢食野!
食完我0地行左陣APM,跟住我買左溶醬朱古力cake食!
點知佢冇得幫我叮之外仲冇匙俾我食!上次買都有既 . \ / .
最終我0地去左APM間7仔叮0黎食!秋然收工就0黎左搵我0地!
我食完之後行去搭小巴出MK!
秋然出去目的買禮物俾個女仔......
同佢一齊簡,簡左幾耐下!而我就睇下有咩禮物夜晚抽獎!
我0地行左好耐!最終我買左個盒仔!個盒仔都OK貴下!
早知係藍田買,藍田買平好多~!跟住我諗左好耐,因為唔知送咩好!
去到朗豪坊,我0地去左GOGO Cafe度坐底食少少野同飲野!
坐完行多陣秋然返家!而我同老公再四圍行下!
跟住老公話頭暈,去左公園坐下咁上下,8點先行去家樂!
汁yin,maymay果d 0黎左先!今次等人唔駛等咁耐啦!~
好快齊人去左梨和園食韓燒!
o...........之前同老公佢0地係尖咀食好好多,又大好多,空氣又好好多!而且仲平D添~
好耐都冇見過班朋友!不過仲有d冇0黎到!
好似精蟲,美能,shan等等!
食食下播生日歌,原來後面台有人生日,我0地又唔關事!
但係彬佢0地成班係度high哂,同後面台講生日快樂!
嘿......我到而家都唔知邊個生日!
好快到抽獎!我抽到1號!係薯彬果份!mickey電話繩!
跟住EVA抽到豹紋底底,而yinyin就抽到朱古力味既dom dom!



最攪笑係yinyin個禮物係用MP3機既盒包住!一打開,原來入面係dom dom!
EVA條底底係用好得意既盒包住!



見到佢條底底我0地就係咁玩,又拎住0黎影下相!
um.........好掛住以前中學一齊玩既日子添!~
雖然我0地係kid,但係有時kid下,傻下先會開心!
做人有時係要天真下!冇可能無時無刻都咁正經!
12月26號係肥布生日,今晚補祝番,有香檳同cake!
跟住我0地再影下合照!好耐冇影相了!









好快我0地就食完飯散水!行左一段仔路我就同老公行另一邊搭小巴返老公家!
maymay同佢0地都走了~
之後...唔知佢0地有咩做呢?唔知佢0地有咩玩呢?
返到老公家亞迪搵老公吹水,跟住我去準備沖涼!
沖完涼吹完頭再等老公沖完涼,幫佢吹頭!
之後...........................





呢個聖誕節就完左啦!下年既...20歲啦!到2字頭,感覺完全唔同哂0家啦!
恐怕聖誕節會變越0黎越沉悶.........
唉......或者我係一個貪心既人!
我知人係要知足常樂!
不過.....點解我返工返到我咁冇錢既?
以前既我唔係咁/_\ 一心以為做呢行會好好!會有好出路,會搵得多錢!
不過我亦都知做呢行一開頭係吃力點,一開頭係搵得少d!
但係為左將來......將來會比做sales搵得多!我深信,我能夠搵得比做sales多!
我會努力學習!我會係呢間細公司做一年,再睇下自己有冇能力先決定走唔走!
我愛名牌!不過我會努力儲錢去買!我會努力等我有能力既時候先去買!
其實我相信每個女仔都想有一個浪漫既聖誕節!
我......都唔例外!



um...........原本今日去影貼紙相,但係最終都冇...
今個聖誕節最終都係冇同老公影相...
第1年既感覺追唔番,只想留下回憶!



>>December 29, 2005 at 12:06:24 PM GMT+8

2005 年 12 月 25 日 星期日 【陰】

今朝12點左右起身!之後沖涼make up果D!
老公係我沖完涼既時候冇啦啦出左廳!之後又訓著左........
我攪掂好哂,織頸巾等佢起身!成兩點先起身=___= 訓左差唔多11粒鐘都有啦!
等佢沖完涼攪掂好哂就落去地鐵站食野!
食完老公媽返去先,我同老公落觀塘再轉小巴去MK!
目的係買黑色褲!行行行............老公係始創買左件衫!
我係始創買左雪糕食!再行行行...........
最終我0地去左褲城!我一睇就見到隻質料比較舒服既!
試...好闊!老公話闊都好睇!攪到好似謝安琪咁著=.="
最後我買左兩條,一條只改短,一條就改窄!一窄,一闊!
買完我0地慢慢行返去尖咀!老公送我搭bus!
返到家即洗兩條黑色褲!跟住hea左陣打下日記!
大果個又同佢個fd係度!呀~~~買左PSP白色!我喜歡呢部白色!
估唔到買左白色!GOOD!~~~不過我都唔知幾時先有得玩!
眼見果個女仔係度玩緊=_____________=
同老公通電~之後煮左公仔麵!亞媽去左睇亞叔表演!
夜晚得我同老豆,11點亞媽先返!冇耐第2果個都返到!
沖完涼,再上多陣網,同秋然MSN,叫佢send歌同歌網俾我!再同埋JOJO msn!
傾去迪士尼既問題!之後返入房織多陣頸巾同老公通電到12點幾就準備訓!
但係好似唔係點訓得著,再出番廳上陣網,同wing,tal佢0地講聖誕節快樂~



不過wing要出去,所以好快就收線!
跟住我就返入房再訓~!

>>December 29, 2005 at 6:45:58 AM GMT+8

2005 年 12 月 24 日 星期六 【晴】

今朝訓到11點左右起身!老公話肚餓去左整杯麵!
跟住我都起身了!沖涼make up~
老公媽話去大圍探亞太,冇耐老公沖完涼又冇野做決定入大圍!
去到搵埋老公媽同老公亞哥,話亞太唔知去左邊!
So唯有我0地4個去食野!去左食泰國野!
都OK好食,不過果D辣粉幾辣下!
食完我0地去左行沙田!我未試過同佢0地咁樣行街!
我都好耐冇亞媽行街了/_\........
係西田見到LOVE LOVE香水,好平呀~百幾蚊渣!買了!
老公睇衫~行行行...老公媽同老公哥走人,去大圍佢0地亞E度打邊爐!
我又唔知去唔去,淨係知想買褲!
而且去得大圍一定今晚又冇野做,成6點先去買送,一定好夜食好夜走!
咁即係冇咩野好做!邊行邊諗左好耐!
行到一個唔記得叫咩名既公園,老公之前係度開工攪到要入急政!
睇到成地油!打俾JOJO,JOJO頭先係我行街時打0黎問我係邊!
打俾佢叫佢出0黎一齊食下飯咁!但係佢又唔肯!我同老公一番努力叫佢出0黎都唔出=.="
行完跟住係唔知沙田邊度撞到老公媽同老公哥坐左係度!
老公亞哥打緊電!估唔到咁都撞到!佢0地仲未離開呢個沙田!
冇耐佢0地走,我同老公坐左陣係度諗去邊!
結果我0地都係決定入大圍去老公亞E度打邊爐!
一路我都半想去半唔想去,因為佢亞E家人我都唔識!
而且我真係好累好眼訓,成朝都好眼訓,由朝早起身我已經覺得自己冇點訓咁!
成程好呆,老公見到我咁,我又唔點出聲,又呆哂咁!
佢話我,我都冇反應!因為我真係好累!
仲話買果D紅牛俾我飲,咖啡我又唔飲既!
去到OK我打死都唔俾老公買,想喊...╥︵╥
因為我次次飲完D補充體力既飲品都會腸胃唔舒服!好彩最終都冇買!
之後老公見到有中島美嘉有封面既雜誌,於是買俾我,打算泵下我!
老公媽同老公亞哥係的士站等我0地!
去到佢0地亞E家樓下,果度幾靚下!估唔到大圍都仲有D靚d既地方!
因為我硬係覺得大圍好多蜜蜂,好驚呀我真係!
老公亞E一家都好nice!打邊爐D菜好好食! >﹏<
食完成11點就準備走人!搭80號返觀塘!
亞業舅父走左......跟住湯威,秋然都去左觀塘安慰下亞業!
咁去到觀塘我同老公去完APM就去OK搵埋湯威,秋然!
行去等埋亞業時見到肥仔同濕東,仲有一個我唔識既人!
佢0地揸車去唔知邊度!等埋亞業之後我0地去左公園坐,傾下計!
冇耐肥雞同亞魚0黎到!大家一齊傾下計!冇耐JOJO sms話TOTO唔可以星期四去迪士尼!
但係我淨係可以係星期四!星期6,日我唔駛返工!
星期四返學,星期一,二,三,五返工!我返工日子唔多!
唔想因為去玩而專登請假!同埋我同JOJO都可以係星期四!而家都唔知點...
我講電果時佢0地成班野係我面前玩野,湯威仲係度扮型!哈~
跟住我0地行左APM,睇下有咩行,原來APM 24小時既意思係個商場24開放!
但係D shop會收,不過比其他商場收得夜點0者...
經過APM再行去我返工果邊果間為食貓度食宵夜!我同老公都冇食野!家強都0黎埋!
食完野冇野做,結果我0地又行返番去小巴站果邊走人!
見小巴站多人,結果我0地打的!一行4個人返去!
今晚太累啦又,成兩點幾返到老公家~!返左呢份之後我頂多1點就訓著!
結果落完妝又打算聽朝起身先沖涼!ZzzzZzZZZzzzz

今個聖誕節一張相都冇影過...
同老公冇影過相/_\ 我淨係用手機影過D街景......
有相機幾就好了!

今日係12月25日...
聖誕節快樂呀各位朋友仔!





>>December 29, 2005 at 6:41:31 AM GMT+8

2005 年 12 月 23 日 星期五 【晴】

連續4日既假期期待已久!



今朝訓到12點幾先起身!起身果時兩位堂細佬0黎左!
有小朋友係家真係熱鬧好多!
謙謙成日要我估野,其實都係估食野=.=" 佢想食薯片果D~
亞媽買左兩隻VCD俾佢0地睇!好快兩點左右佢0地走!話去買禮物!
我起身成朝都係度襯衫,想著靚點出街!因為返工成日都好求其就算!
佢0地走左之後我就準備執野,去老公家=.=+
呢3日都係聖誕,我會係老公家訓兩晚...
出門前老公話揸架車出去整!小心點呀,一定唔可以揸得快!
搭bus到觀塘,去大快活等老公食野~
行左陣APM...目的,買禮物俾我!
大家都要返工,又成日見面,攪到都冇其他時間買禮物俾對方!
攪到冇哂驚喜!行左幾耐下,最終我簡左條手鍊!謝謝老公!





行完返去老公家食飯!老公媽煮飯~
食食下家強0黎左!唔知佢上0黎仲咩野~飲左湯,話食左飯!
差唔9點出去!行去家強家,係佢樓下等佢拎野落0黎!
禮物~~~送俾佢女友的!用左對襪放左盒鍊係入面!幾得意下!
秋然係尖咀等緊我0地!原本我0地打算係藍田直接搭bus出去!
但係肥雞又要我0地去觀塘等埋佢同亞魚!攪到我0地又落左去觀塘!
原本有一程車,而家又要落一落去! =______=
係M記等,搭車出去時塞車,一時唔記得左改道,早知搭地鐵!
出到去家強又話走,其實都唔知佢出0黎仲咩野!佢話去接女友!
要去唔知邊個地鐵站接佢!出到去落車冇耐肥雞又話唔舒服走左!
攪到得番我同老公兩個行去尖咀!好多人呀>0< 迫死了!
我好耐冇試過感受呢個氣氛!去到味千果邊搵湯威同秋然!佢0地係入面食野!
食完冇目的咁行左去天星碼頭果邊!原本路程唔係好遠,但係太多人要行好耐!
係到差唔多到重慶大廈果邊有D DJ係到攪音樂!攪到好似落哂D咁!
成條街D人聽哂high咁企左係度!攪到我0地係咁繞路!
聖誕節跳舞呀!我好想跳番舞呀!
行行下原來已經到12點,聽到D人倒數!我好似第1次聽住D人倒數聖誕節!
同老公一齊渡過24號!kissing~
終於行到碼頭,有船搭,good!去中環!
去到中環,有個鬼妹唔知仲咩事,行左出管制區外!
跟住兩個警察制止佢!跟住又唔知點樣佢又跨返入去行人區!
佢0地嘈緊其間有一個唔關事著黑色衫既鬼妹勁係度講左D唔知咩野!
high哂,好大聲係度嗌!
原本我0地打算去蘭貴坊!但係最終都冇去!行行行....經過湯威做野果度!
去到一個幾舒服既地方,結果我0地坐左係果度傾下計!
大約兩點左右走人,湯威返家,我,老公,秋然搭丁丁到灣仔再轉小巴返去!
大家都累了,好耐冇試過夜訓!返到老公家落左妝就訓!
打算聽朝先沖涼...



um...................兩年冇好好咁過聖誕節!
原本好期待今年既聖誕節,但係...我既平安夜都冇咩好做/_\
唔知我D朋友係度做緊咩呢???
今年聖誕都冇咩燈飾既,又話經濟好左,搭船時都唔覺得有好多=.="

>>December 29, 2005 at 8:39:09 AM GMT+8