2005 年 10 月 27 日 星期四 【晴】

今朝返到老公家沖完涼洗頭時老公話幫我拎功課返學校,咁我就唔駛哂車錢返去!
沖完涼覺得好頭暈,可能冇訓關係,前日訓得5粒鐘!
基本上呢個星期好唔夠訓,最多訓6粒,好辛苦!
家強話我個樣好殘飲亞婆=.=" 呀~~~第1次咁俾 話!有點..........算吧~!我知自己事了!
不過算啦,我會做多點mask!我要靚D>"< 皮膚差了...
基本上唔化妝個樣係殘d,但係再加通左一晚頂又加上之前勁唔夠關係!
老公話幫我拎埋返學校放抵功課!今次返到去淨係放一放抵功課就得!
跟住7點幾我就返入房訓,一訓落床我就即訓著,好累~
訓到11點幾老公一放抵完功課,冇同亞星果D打機就返0黎>3<
果時我醒一醒,因為佢幫我放番好部手提!
原來老公見到我得番半格電,所以幫我飛埋線落佢手提!THX老公
估唔到我訓左4粒鐘了!醒一醒到12點幾再訓,訓到點幾兩點又醒一醒!
到3點多D先起身,之後刷牙洗面make up果D!
到4點幾老公先起身!但佢老豆今日返0黎,之後又唔知點樣先落街食野!
因為成日都冇食過野,係我起身之後食左少少餅!
食緊野時老公個老豆0黎左,跟住坐左陣等埋老公媽0黎之後我0地先走!
老公呃佢家人話送我返大埔同食飯!
但其實去搵亞迪個朋友有點事要做!
因為老公個老豆一定會話的!老公陪我等埋bus就走人!搭車返家時我又訓著!
好累呢~返到家就食飯,之後hea陣打下日記先沖涼!
沖完涼再攪下個日記啦,點知又斷線,之前已經斷線0家啦~
JOJO打0黎傾電叫我去MSN睇下佢今日cut既hair,但係攪左好耐先上到去睇一睇!
冇耐又上唔到>"< 真係麻煩!之後唔理了!
老公11點幾打0黎,不過打一打0黎佢就話訓啦~因為佢下晝訓得果3,4粒鐘!
跟住我冇野做就返入房,執番好D野,衫等等!
冇返家兩日0者,間房亂左好多呀~整番整齊少少之後就織頸巾!
終於織起一條啦而家織第2條!我要盡快織起先得>︵<
太慢了,進度太慢了!隔幾日先織果少少.......
攪到點幾先訓覺,累呀~!!!!!!!!!!


























>>October 29, 2005 at 7:01:51 AM GMT+8

2005 年 10 月 26 日 星期三 【晴】

今日返工又唔係話冇精神喎!好似冇星期二果日咁冇精神~
去左買個包返公司食!今日要搵番好D藥,退番好!
Willy俾左幾個file我退下D藥地,因為太多藥漏了!
佢幫我攪好番印野,條USB線有問題!
下晏同老公,肥雞食飯,老公一早係< 大王美食 >度等我0地!
我仲遲左少少落去,因為Willy叫我訂水,公司冇哂水了!
食完飯去左萬寧買少少零食,驚今晚冇野食!打算今晚留係公司做功課!
食完飯做做做.................做到6點半左右先開始做自己功課!
Willy6點9左右就走人,跟住我印野!
印野我都試印左好多張,哂左好多紙!
等老公0黎等左幾粒鐘,佢同亞星,濕東果D係灣仔印野買cardbroad!
老公印完再返家拎噴膠果D揸車落0黎!
因為我公司樓下就有得泊街!而且我0地又唔知會做到幾點,有車返去方便點!
期間同老公通電佢又屌哂鬼咁!我知拎住d cardborad係好重好辛苦!
但係我返左成日工都好辛苦!同埋可能佢有時誤會我既意思掛~唉...........
其實有時返工累,聽到人0地對自己發悔氣,發脾氣會覺得特別唔開心/_\
肥雞都有0黎幫老公手!而我好炆呀!因為屋企既問題!
佢0地隔一粒鐘就打0黎一次,我已經好累,返左成日公司,對住部腦成日,
收工仲要留係公司做功課,又係對住部腦已經累爆,聽日仲要交功課!
我冇可能未做哂就返家ma!係咁吹我返去,又話早d返早d返!
佢0地根本就唔明我,我唔係去玩呀!我真係做野0家!
我朝早返工,做功課一定要夜晚先做到,根本冇時間做!
要怪既都係自己攪到D野成日都咁遲先去做啦!
因為肥雞要返去訓覺,所以12點幾老公車返家返去佢而家暫住既地方!
之後再係地鐵站等埋家強同亞業去譽富食野!
成晚都未食過飯,1點幾先食=.= 真係勁~都未試過咁樣!
12粒鐘冇食飯,不過好彩之前有買朱古力,所以有朱古力食!
但係公司冇水,好渴呢~好彩老公上0黎果時有買野飲,唔係就死了/_\
我自己又唔夠膽落街買野飲,因為夜晚工廠區有點恐怖=.="
其實我夜晚一個人係公司都驚驚地,因為驚見到D奇怪既野..............................
食完又返番公司做功課!cut cut cut!
最終都係做唔哂,仲差兩份包裝!算吧,好過冇野交,而家盡交!
攪掂好哂5點幾先揸車返去,原來濕東同亞星都通頂做功課!
以前我唔會同男朋友一齊為學業上面努力做功課!
但可能人大了,對每件事都著緊左...


唔知點解而家D手痛,唔知係咪因為返工關係="=




>>October 29, 2005 at 8:16:39 AM GMT+8

2005 年 10 月 25 日 星期二 【晴】

今朝有起身返學呀,原本唔係咁想起身返學,因為我要係呢兩日勁做番D功課!
28號要交番幾科功課評審呀!
又遲左到,朝早係咁打俾老公叫佢起身返學!
不過佢都早過我到灣仔,當然啦,佢遲咁多!遲我起身都必定早過我到!
我已經早過佢幾個字上車了!老公今日有等埋我一齊返school!勁耐冇試過咁啦~
返到去小葵居然有返學喎!勁耐冇見佢!
上堂又係學indesgin排版,都唔識用呢舊野=.="""
又係冇點攪過d咩野就放學,跟住同亞倩,小葵食早餐!
小葵早人先,約左男友!我同亞倩傾多陣計就去禁錢!
禁完佢返公司做埋少少功課!而我去機舖搵老公!
今日佢0地早左走人,12點幾去到大德買紙,其實慢慢簡落去果度D紙又平又多簡!
下次都係度買紙做好D!同埋買好大張!
因為果度D人要放食飯,所以我好快手咁簡左3張就走人!
亞星簡唔切,話要諗諗點9等佢0地放完食飯先再返去買!
買完同左佢0地去大家樂,佢0地食飯!
食完同老公搭船落尖咀返藍田,係搭船果時我0地爭取左時間!
就係佢send左D鈴聲俾我!
係尖咀海港城果邊見到之前新聞報果隻木船!影左兩張相!
返到藍田果時都兩點幾了,有點餓,跟住去左食M記,有一排冇食了!
跟住去老公家做功課!次次下晝我都冇咩心機做功課!
4點幾JOJO打0黎傾左陣電,攪到最終都係冇做到野=.=
夜晚同老公,老公媽,肥雞,亞業食完飯返到老公家燒完碟就落去公司做功課印野!
亞業返到家就即訓著左,最終都冇同到我0地落去!
事前打左俾Willy講聲,原本唔打算講,但最終都係講好點!
夜晚工廠區出入要登記的!因為好多人偷野喎!~
返到去,PK!印唔到,攪左好耐!肥雞都有幫手攪都係唔得!
攪到11點幾12點走人,去OK買杯麵,老公驚夜點餓,因為佢返到家又再做功課!
而我返到去老公家即沖涼,點幾就準備訓,老公原本做功課!
但佢沖完涼就同我一齊訓了=﹏=
聽朝仲要早起返工呢~累=______=。。。





>>October 29, 2005 at 6:44:34 AM GMT+8

2005 年 10 月 24 日 星期一 【晴】

今朝起身返工,7點10出門返到去0岩0岩好!
不過今朝冇買過咩野食返工,so成朝都冇食過野!
今日仍然係做排版!下晏老公有搵我食飯同肥雞!
去左間茶餐廳食,果個伙計計我0地學生價20蚊食到餐飯,
平時食飯成30蚊的!食完老公送我返去!
之後又開工做野!
原本可以早點收工,但係我想走時Willy要我做埋果少少野先走!
要搵番有d咩藥係電腦冇相,因為唔可以漏!
好快手,但係未做哂要留番星期四再做!
之後去搵老公!同左亞媽講唔返家食!
原本今日打算係老公家訓,但最終都冇!
同左肥雞同亞業返家,肥雞家裝修!個天花板好有問題!
天台好亂呀~攪到亞業抄番D碟出0黎都有困難!
去完肥雞家先食飯!因為我唔係好肚餓,結果同老公兩份食!
食完之後老公送我返家!跟住佢同肥雞一齊返家做功課果D!
返到家冇耐沖涼!send野俾老公!
訓前織左陣頸巾,而家隔幾日先織少少織少少咁!=___="
織完就訓覺了~zZZZZzzzzzZzZzZz..............





>>October 29, 2005 at 8:08:15 AM GMT+8

2005 年 10 月 23 日 星期日 【晴】

今朝訓到11點左右起身,起身家已經冇哂人,
之後我又make up出去!老公起身冇耐,於是我直接去佢家!
亞業同家強琴晚係度訓,亞業仲未起身,家強返家學!
等埋佢0地沖完涼果D就去左食泰粉!
之後就同老公買屋企用既野,
一盒盒既紙巾,地毯,地拖,廁所板等等就返家!
跟住.............再換好衫拖地!
老公家個地太烏漕了,決定要拖!
拖左我幾次水囉~我從未見過個屋企係咁烏漕0家個地下!
拖完地累爆呀~休息左陣老公媽返到,佢今晚煮飯!
我留係度食!跟住畫埋紙袋個圖又休息!
之後8點多食飯,食完就即走人,老公車我返家!
因為亞迪係樓下等,亞迪又唔知咩事!
亞業都有一齊坐車!因為送完我之後佢0地會去肥雞度幫手搬野果D!
返家冇耐hea陣就沖涼!沖完再上網,飲湯!
之後等老公返家send功課俾佢!
12點幾準備訓,好累呀>口<
差唔多訓著果時老公打打0黎,跟住收線就即訓了!





>>October 29, 2005 at 5:12:46 AM GMT+8

2005 年 10 月 22 日 星期六 【晴】

今朝11點幾先起身,都係訓下醒下咁!
不過唔想訓得太晏,決定起身了,之後刷完牙果D見老公仲未起身,
跟住攪醒佢,哈~!之後煮左通粉食!食完冇耐.........
之後我make up,佢睇完TV就沖涼!
兩點幾大家覺得好累,最終訓著左=___=。。。
訓到3點幾起身,又係我醒先,基本上十次有九次都係我起身先!
亞媽打左成日電話0黎我都冇聽,因為我琴晚又冇聽電話!
起身冇耐聽了,又係咁屌我!我唔想俾佢屌我先唔聽電話!
佢估我唔知佢擔心我咩~我最討厭咁!
聽完電話冇耐我又唔知點樣,佢又醒了!
又睇左陣TV,講獅子0家套TV!幾好睇~
4點幾5點落街食野!食完老公送我搭車!
之後再搭番小巴返家,準備換衫出去比賽踢波!
上車冇耐亞媽話佢去亞婆家食飯!行返家時見到亞媽經過!
果時我傾緊電冇同佢講野,返到家打算俾佢先知原來佢真係去買野!
係家hea,上網,打日記!唯一係屋企做既野多數都係打下日記咁!聽歌~
今晚我冇去到亞婆家食飯!結果夜多少少食杯麵!
沖涼!之後再上網,打算做功課!為左個e-mail呢個問題攪左好耐=___=
仲未send功課俾Alex!SHIT!!!
老公踢完波打俾我傾左陣電~傾完再聽歌上網果D~
差唔多兩點返入房,跟住打俾老公,因為佢幫肥雞搬野,肥雞家要裝修!
打完俾佢就準備訓覺了!累.......































>>October 24, 2005 at 3:09:21 PM GMT+8

2005 年 10 月 21 日 星期五 【晴】

今朝10點幾起身,老公都遲起身,我要睇下佢係咪真係去先出門!
今朝彬SMS 0黎話今晚去打邊爐!我其實幾想去,因為好耐冇見過班朋友仔!
不過我今日要北上,所以冇機會去,唯有又留待下次...
係官塘等左老公等左半粒鐘左右!呆...............
0黎到佢話去打機,因為肥雞,亞魚仲有肥雞家人仲未0黎到!
等左陣機係機舖樓下等肥雞一家,跟住同老公仲有肥雞去M記買野食!
老公又話我.....話我等一次半次就咁果D!又話我吹水!
其實,等...我唔係話D咩野,好似上次我係後樓梯等左粒幾鐘我都冇嬲過!
但係我等你期間聽你既電話,從你講野中覺得.........算吧...
再加上我一到觀塘我就有send sms,但結果等左幾個字一個sms都收唔到,
但我知係巴士上你叫我係觀塘等陣,因為要攪掂好先落得0黎!所以我決定等!
係平時74x落車果個站等左好幾個字都唔見,先決定打電!
同埋我果刻完全唔知點,因為我唔知會係邊度等,唔知下一步會做d咩野!
因為咁,唔知應該係邊度等老公!一個朝早我只收到電話叫我出門搭車同係觀塘等!
諗諗下覺得真係燥!跟住我最終話唔食!我唔要食M記呀!
燥呀!!!等人仲要俾人話!討厭等人!
其實我係女仔,係女仔都鍾意人泵,我都想有人泵下.....="=
我唔鍾意係條街咁樣!可否唔好成日咁對我?
不過最後唔知點樣冇野了,跟住去左吉吉島買野食!
去左果間唔記得左叫咩既度買左唔知咩溶解朱古力蛋糕食!
果間之前我都食過一次,食果D咩忌廉,覺得果D麻麻0者!
今次呢個幾好食呢,好似心太軟咁0家!好鍾意食呀>﹏<
不過食一個已經飽飽,佢係好細舊,但已經好飽了!
亞魚終於0黎到,跟住我0地去APM果度搭車北上!返大陸都幾貴下40蚊車錢!
係皇岡過關!好多人呢~老公即幫我咩袋,唔該~
去到係果個叫社會停車場度等肥雞老公車我0地!
肥雞老豆架車幾好坐呀都!首先去左間貼左好多簡體字既味千海報店度食左少少野!
肥雞老豆都幾young咁!佢亞爺好似好有錢咁,老公話見到佢帶金錶又鑽戒!
但肥雞媽就成日話頭暈又成日去廁所同埋面色好差!所以感覺比佢老豆老...
食完野跟住肥雞老豆就車我0地去車城度睇車!
車城好大好大,HK唔會見到有咁大,就算車城都係二手多!
不過果度唔多靚車.....HK果D好好多!仲有大陸大塵,所以新車一定要貼野保護!
唔係就痴哂塵!仲有果度都有mini cooper賣,但係D得藍色同紅色!
不過之前HK都好多人揸藍色,但呢期D人揸黃色多,我覺得黃色好核突呢~
我十次唔會有一次買黃色既野!可能太唔襯自己了!
行左一個圈肥雞老公車番我0地出去,我同老公就行去果個唔知咩村度等佢表哥同佢亞媽0黎!
大陸好多車,好危險!我一個人未必識得過馬路!
同埋過馬路最緊要係行得快!
等緊佢0地期間老公買煙,果度D煙幾蚊包,好平!買埋野飲都係10蚊左右!好平!!!
冇耐佢0地0黎到就打的去酒店,因為老公個老豆係酒店住!
上到去冇耐老公個老豆同埋佢表哥就出左去,
我0地果度hea下等下老公個亞爸返0黎!
返0黎冇耐我0地就去食火鍋!好耐冇食過呢~
麻辣真係好辣呀>0< 條利麻哂!食完之後去左M記!
原本老公個老豆送我0地去過關,但係因一d事送唔到我0地!
之後佢居然搵人踩單車載我0地去文錦渡過關!
我果個單車佬唔識去>"< 因為果度馬路好危險!跟住同老公分開左!
條友唔識行,四圍繞我!我又唔識係大陸打手電="=.......
最終佢終於搵到,老公係果度等我,見到我就即勁屌載我果個單車佬!
從來未見過佢為左我咁屌人!其實果刻見到佢真係好惡,有點驚=.="""
因為趕時間搭最後班車返HK,好快老公唔理就俾左40蚊佢0地走!
但係之前老公個老豆已經俾左十蚊佢0地0家啦!~
老公話佢之前發左癲咁捉住載佢果個單車佬唔俾佢走,要佢搵番我0地出0黎先走!
不過我都估到老公發癲係好恐怖的=.="""
老公搵番我就勁攬住我同錫我,話我擔心我驚唔見左我!
攬我同錫我果刻有少少驚訝!因為老公好耐都冇咁錫我了...="=
我未見過佢咁緊張我的!一直以0黎我仲以為佢唔會驚冇左我!
不過我當然知道著緊一個人係唔會時常掛係口唇邊...
返到HK去到上水廣場去完廁所就慢慢行去搭小巴返觀塘!
因為打算今晚去老公家訓=﹏=
其實小巴係會經大埔的!我而家知原來最近我返家果個站係八號果邊落!
好快返到觀塘,肥雞係7仔等我0地,跟住我0地行圍遊下,老公買VCD!
肥雞就陪埋我0地等小巴就走!返到老公家hea左陣先沖涼!
老公搵完亞迪先入埋0黎一齊沖涼!~
今晚涼左好多呢~係大陸果度仲涼呀>0< 冬天好快到了!
太眼訓,最終都冇睇到VCD就打算訓,因為我知自己捱唔住會訓著!
唯有第2日陪過老公睇啦!大約點幾就訓著=_______=。。。。


今晚感覺特別良好!











老公我愛你呀!~




>>October 23, 2005 at 5:52:21 PM GMT+8

2005 年 10 月 20 日 星期四 【晴】


今朝如常起身返工,一路落車行返去都覺得自己唔多拖!
覺得越0黎越抖氣唔順,終於行到返公司,係咁扯...
其實呢個情況唔係第1次發生,近呢幾個月已試過幾次!
冇同過家人講,亦都冇睇過醫生!害怕.........
頂唔順打俾老公,打左幾次都冇人聽,佢訓著係聽唔到電話的!
終於打第3次聽到,原來因為濕東係咁打俾佢先醒了!
俾佢話我仲咩仲返工!收線冇耐我就打俾Willy講今日唔舒服早走!
之後抖順番D就準備行去搭車去老公家!
老公叫我買埋早餐俾佢!於是買左就搭車了~
上到去訓左陣,老公做功課,唔算功課既,係for學校果d比賽用!
因為濕東同亞星都打算交!咁佢就趕啦~
訓左一陣俾老公d音樂嘈醒了,播落D果D快歌囉=___="""
跟住冇耐我0地搭去灣仔,又係機舖等佢0地!
未食野,去左地產隔離果間食,唔好食既=.=
如果唔係方便同餓都唔會食!冇耐亞星0黎到,同埋佢女友,佢女友好細粒的!
同亞星拍埋,覺得亞星可以一手抱起佢果隻!
印完哂就返番學校交功課!跟住亞星原本想打機,但太多人,
佢女友又餓,結果去左大家樂食野!
坐左陣,同濕東打亞星同佢女友部PSP!
之後行去times度整老公部ipod mini!起初上到20樓我0地以為條友吹水,
因為睇牌都冇寫邊間係ipod!之後行入D慢慢搵下,終於見到!
間野好細間的,好彩老公今日整渣!
原來聽日保養已經夠期,唔係又要錢了!
果條友話要錢整通常都唔會見意我0地整,可能貴吧?
攪掂好濕東走人,跟住我0地4個行去天后,我好似第1次行落去天后的!
亞星話去美華氏睇衫,um.......其實果度D衫又唔係話真係好靚!
只係外國關係同埋第1間係HK開既外國二手店吧?
有個男sales同我講話隔離有女裝,我冇點理佢,
跟住第2次佢又同我講隔離有女裝,問我有冇去睇下!
佢話起初以為我唔識聽中文!冇耐同亞星女友行去睇下,
女裝麻麻0者!冇男裝咁多款!
睇完走人,老公話果個男sales擺到明係撩我!
我唔知呀=.=" 因為我以前返工都會叫下D客去埋另一邊睇下!
跟住亞星女友想搵一間舖,話係雜誌睇中,但係冇49號既=__=?
最終都冇搵到走人!去搭車前見到有間地舖好靚好型呀!~
果度賣既野幾貴下!同埋我唔知佢係古董定咩野!
定係其他國家搵番0黎!不過我好鍾意呢D feel呀~好正呀真係!
間舖擺到明係唔會有人入去同埋買野囉~我直覺話我知個老闆係好有錢=.=
係舖入面有度門,門入面好似間房咁既物體!
入面有個櫃,有鏡咁樣,有點恐怖,但又帶點神秘既感覺!
果度有小丑,面具,手飾,鐘等等,總之D野好似舊舊地,但好神秘!好喜歡呀>口<
不過佢果D心口針都要成千蚊!但係好多野都好靚呢~
行完我0地去炮台山搭MTR去藍田!而亞星同佢女友行另一邊線搭!
我一早同左亞媽講唔返家食飯!結果同左老公仲有佢媽一齊食!
係地鐵站金匯庭食,途中居然見到湯威同佢女友鬼鬼鼠鼠咁行唔俾我0地見到!
老公好眼,一眼見到佢0地!跟住足住湯威!
當時我誇左然!因為估唔到咁都會撞到佢0地!我未見過佢女友呢~
原來佢女友都係矮過我,不過冇亞星女友咁矮!同埋湯威女友有少少肥!不過好白淨!
相同真人唔係太大分別!傾左幾句,話去睇戲!
太好了>.< 估唔到佢女友都係想睇再說一次我愛你!
約埋一齊去睇!同老公媽食完飯之後我0地搭地鐵去九龍灣睇!
睇9點9!套戲太好睇了!真係好感人,其實係本人覺得好感人!
佢0地都冇喊到!我由一開始亞sa果一幕就忍喊忍到一陣,之後頂唔順喊左好耐!
喊左成粒鐘=___=" 不過我真係覺得好感人,劉德華好型,理想情人!好專一!
我都未試過可以幾日內有咁多個節日!
同埋佢戲入面玩魔術好勁呢!好浪漫,真係好浪漫,浪漫係要記一世既!
套戲拍攝手法唔錯!D境都唔錯!
開頭老公話亂,但係我明白佢講咩野!都係D講下之前又講下而家果D手法!
我決定左出碟都會買返家睇多次!因為太感人了╥︵╥
我每次睇呢D咁既戲都會喊,之前睇忘不了又喊!果次忍眼淚忍到我仆街!
記得果次係同亞盈亞倩睇的!um.....應該係初初讀正形果時吧?
果時0岩0岩冇工返,成日冇野做,咁0岩亞盈又冇工返,睇早場,所以果時睇左好多戲!
果時的我,仍然係單身.....
但唔知點解果時睇呢D戲,同而家睇呢D戲對比,而家喊得仲勁既=.="?
可能好多人覺得唔感人,覺得唔會因為咁而喊!
就等於D人覺得早熟感人會喊,但我覺得完全唔會令到我喊!
佢果隻感人係親情多,同埋果種感人係講D年青人既問題多!
可能我係果個年紀經歷既野同呢套戲唔同,所以唔覺得會感人到喊!
每個人有自己既故事...有經歷過唔同既野,所以會有唔同既感受!
或者每次去認識我既,同埋同我一齊既都係花心,唔專一!
以前冇一個令到我覺得真係愛我,咁為我!
所以以前既我從來唔會付出,只要對方遷就付出,
從來唔會等人,只懂罵別人,少少事就嘈哂!好似個大小姐一樣任性得很!
但人大了,睇野同諗野唔同左,行為同思想上唔會好似以前咁樣!
所以如果我遇到一個同戲中劉德華一樣的專一,
就算要我付出哂所有野,就算要我好似戲中亞sa咁等,
為對方做好多野,包容對方所有野,我都覺得值得!
付出唔一定有收穫,至少有付出過,努力過!
愛情係麻木的,只要對方覺得開心,做任何事都會願意!
現在的我已經很努力地學習做一個好女友!我相信自己可以做得更好更好...
睇完出0黎我喊到眼都腫哂,好樣衰呢~第2日我一定仲係咁腫的!
一出去行前少少就見到肥雞同亞業等我0地!
佢0地成日冇食野,跟住去左唔知邊度食野!
我冇食到,唔餓..........食完傾下計,大約12點幾1點左右先走人!
湯威同佢女友仲有我同老公一齊打的返去藍田!肥雞亞業有小巴返觀塘!
返到藍田老公拎車車我0地返大家!
湯威女友住富亨!車左佢先跟住先車我返家!
返到家即沖涼,跟住吹頭,因為好眼訓呀>︵< 好少可吹頭呢!~太乾了個頭!
跟住等埋老公吹完1攪掂好哂電我,傾左兩句就收線即訓!
因為聽日唔可以咁晏起身,要同埋肥雞佢0地北上!
估唔到我今日唔返工會有咁多地方去同做!仲有得睇我一直想睇既戲>.< GOOD!~




再說一次我愛妳(All about love)
導演: 余偉國(Daniel Yu)
主演: 劉德華(Andy Lau), 楊采妮(Charlie Young), 蔡卓妍(Charlene Choi)
片種: 浪漫
級別:
日期: 2005-10-20


高公樂醫生雖然擁有一個美滿的家庭，
可惜因為每天公務纏身，所以缺乏時間陪伴妻子。
高太因一次意外不幸身亡，不捨前妻的愛，令他常活在思念痛苦之中。
為了過規律的生活，他轉職當上救護員。
阿Sam 是髮型師Derek 的太太，因高太意外身亡後捐出心臟，令她獲得新生，
但她卻並未能真正領略到何謂愛，對不停?她付出的丈夫經常疑神疑鬼，
令Derek 忍受不了之下一走了知。其後她的心贓再次出現問題，
在她生命最後的一段日子中，她遇上了高醫生，
改變了她的人生觀，終於明白真愛應是無私的奉獻...














>>October 29, 2005 at 7:38:56 AM GMT+8

2005 年 10 月 19 日 星期三 【晴】

今朝都係7點起身!跟住又搭車返工!
而家朝早同夜晚都涼涼地~感覺良好!冬天快到!
返到去hea左陣先開始做野~carly11點左右打0黎話佢今日唔返工!
話喉嚨痛果D,但係聽佢把聲好精神!=.="
同埋佢仲問我買冷風機果D野~睇0黎佢係條街度...
跟住我話咩野都唔知就收線了!因為呢家野我唔話得事=.="""
12點半左右肥雞打0黎問我知唔知老公係邊度,問我係咪同緊我一齊!
成朝佢都冇sms我,我估佢未起身,所以冇打俾佢!
但係肥雞話驚佢死左=.=" 所以我就即打俾佢!
打左兩,三次都冇人聽,send sms又冇覆!
12點10左右落去食飯,一個人,廢事同人迫,早點落去食吧!
一出門Willy返到!因為早食飯關係,所以早左返去做野~
今日成日都仲係排緊果本書,但係今日加埋D圖落去!
下晏都有同老公通下電,佢點9先起身!不過佢第1個唔係打俾我..........="=
發覺而家聽收音機仲多過睇TV!
聽少爺占好鬼白痴呀真係!笑爆我!點解可以咁???
今日我遲左半粒鐘收工!因為我想做埋果頁先走!
老公今晚踢波,踢波前同亞媽食飯,冇0黎接我收工...
一個人慢慢行去搭車,個人有的呆!累=__=。。。
返到家亞媽仲未開飯!食完飯大果個就即出去!
跟住我上下網,9點幾聽埋老公個電就沖涼~
沖完涼織下頸巾邊等老公電~同佢傾左陣電就訓了~!
好想訓好想訓,但係訓唔到,因為抖唔到氣咁/_\ 好辛苦呀!~!!!! >口<
覺得而家返工冇以前返工咁多野寫,以前返工可以見到好多唔同類型既人!
而家返工就對住4邊牆,人呢計埋我只得3個!
以前既同事差唔多年紀,而家呢就差好遠,所以冇計傾!
同埋以前返工可能差唔多年紀咩野都會講,
而家唔能夠咩野都講,因為佢0地人生經驗比我豐富得多,
我怕自己講得多野會講錯野,同埋講左d唔應該講既野!最好...就唔好講咁多!

>>October 21, 2005 at 6:24:25 PM GMT+8

2005 年 10 月 18 日 星期二 【晴】

今朝冇起到身返學,累........訓到9點3左右起身!
其實都訓左8粒幾鐘0家啦,不過都唔夠,起身又流鼻水,個鼻唔多舒服!
跟住又流眼水,攪到勁難make up="=.....眼腫腫咁!真辛苦!
個人蒙蒙下跟住落左街!其實我知老公一定未咁早走果D!
不過我又唔知可以搭咩車去搵佢,都唔知佢幾時返九龍!
Send左個sms俾佢!之後佢話我╥︵╥ 咁人家真係唔知點ma....
不過都係自己既問題,咁早落街!
於是我去左公園坐,跟住老公電我話打埋舖機就走!
話係觀塘等,so我慢慢行去搭bus,點知我仲早左成半粒鐘到!
去到APM果邊佢仲係對面海!
之後我去左APM行左陣,JOJO上完一堂放3粒鐘時打俾我!
於是我坐抵左同佢傾左陣電,冇耐老公打0黎,咁行去地鐵站果邊等佢!
跟住去左大快活食野,叫左個飯,食左幾啖,唔知點解好似冇咩胃口咁!=___=
肥雞同埋一個唔知叫咩既朋友0黎左!
食完果位朋友就走啦,跟住我0地同肥雞搭bus去何文田睇佢姐姐考車牌!
姐姐好緊張咁!唔知我幾時先有呢一日="= 我都好想考車牌呀~
不過亞媽話女仔考0黎仲咩=___= 即係冇人支持我考!金錢上唔通真係要靠自己?
呢一刻我唔能夠囉~或者要等多半年呀最少,遲下又做畢業作品集呀!
好快姐姐考完,wo~~~掂左!一次就掂,好勁呀~
肥雞上次第1次考都唔得!慘慘.........
原來果邊有得游暖水池的,下個月就會開!老公話下個月去游喎~
考完之後關師夫仲車埋我0地返觀塘!
我覺得成日蒙下蒙下咁,對眼睇野好唔清楚!眼都爭唔大,又成日流眼水,個鼻又...
最後上左老公休息陣!頭暈暈咁,作病...........
老公媽今晚煮飯!我同老公上網睇下車!
我以前唔會點留意D車,只會留意下mini,但而家都有留意下,
因為有點興趣,發覺自己咩野都唔識!其實HK都幾多靚車呀~
不過車太貴了,我想將來買樓,但買得樓又未必養到車,冇咁多錢!
我覺得自己呢一生都唔會係一個有錢人,不過只要唔會咁窮,
唔會擔心三餐冇飯食其實已經好好了!
睇睇下我眼訓,訓左陣,但係俾老公攪醒左!
之後都係起身了~8點多食飯,老公又話老公媽煮飯唔好食!
其實我覺得唔太難食已經好好了,因為我唔識煮,唔敢講好唔好食!
不過我覺得又唔係真係咁難食0者!~
食完飯老公又抱起我,今日佢抱過我好幾次,可能我本身有D怕高,
仲記得細個果陣我又細粒,成日俾家姐抱0黎抱去,
撻我落梳化,一係就係咁轉我!
而家老公抱我轉左幾下都有點驚=.="""
都唔知係咪知我驚驚地所以專登咁轉=.="
不過我喜歡俾老公抱抱 >﹏<
9點左右老公搭我搭bus,肥雞仲有佢家姐同佢媽係OK等我0地!
佢老姐同媽唔知要去APM攪咩!
而肥雞同老公今晚打算洗車,打蠟!仲有約埋子文!
搭bus時同亞倩sms,今晚我行返家行得好快,因為想快點返去沖完涼hea陣早點訓!
沖完涼,上網等亞倩send相俾我!不過佢家姐用電腦!
所有成晚都冇見佢hi我!
等老公電,佢今晚洗車,用左成兩粒幾鐘先洗完!真辛苦了~
子文因為冇車搭返家,最終老公車佢返去!
而我12點幾1點就訓著了,因為明天還要早起返工!
夜晚訓到兩點醒了,睇手電原來老公send左5個sms俾我,蒙蒙地咁覆左!





喜歡晚上的感覺

好耐冇出過夜街了..................






>>October 20, 2005 at 2:21:22 PM GMT+8