2005 年 7 月 18 日 星期一 【晴】

pm
[ 你現在 ]
01.最喜歡的歌：I For U,我真的受傷了
02.最喜歡的字：英文字可以嗎?L~
03.最想去的地方：歐洲,澳洲,日本,陽光與海灘,海水清晰得很既地方
04.你思想開放嗎：做既野唔開放,但講野開放
05.喜歡下雨還是晴天：晴天,但係有時雨天都幾浪漫~!
06.喜歡冬天還是夏天：冬天多D,因為多節日,覺得好溫暖!
07.愛或恨：愛
08.一個不能忘記的時候：呢一刻0黎講應該係離開50
09.未來會做什麼工作：坐OFIICE就最好啦!做OL?
10.想生孩子嗎：將來當然想,呢一刻唔想
11.貓或狗：狗
12.杯子半空或是半滿：半滿
13.芥末或茄汁：芥末
14.硬皮書或軟皮書：應該硬皮書
15.報紙或雜誌：兩樣都各有好處,但係報紙感覺好烏漕D
16.涼鞋或球鞋：睇下當日著咩而定!各有好處!
17.想或做：我永遠都係想多過做!我認的~
18.紅色的車或白色的車：白色
19.貧窮而快樂或富有而不快樂：貧窮而快樂
21.擁抱或親吻：擁抱安全感重D,溫暖D!
22.長袖或短袖：冬天時當然有著長袖啦~夏天當然著短袖!所以冇話鍾意邊樣多D!
23.快樂或悲傷：悲傷一定多過快樂!唔係快樂點顯現得貴D呀?不過邊有人唔鍾意快樂先得0家!
24.金色或啡色：啡色
25.車要四門或兩門： 四門
26.咖啡或雪糕：雪糕
27.洗頭水或護髮素：我兩樣都要用0家喎!
28.天橋或隧道： 隧道,感覺恐怖....寧靜,令人可以諗下野!~
29.枕頭一個或兩個：一個
30.鼻子或耳朵：隻耳是爛的!以前細個隻耳就靚~!鼻子不高!高D就會更喜歡!
31.認真或詼諧：詼諧
32.飲全脂奶或脫脂奶：脫脂!怕肥!
33.簡單或複雜：簡單,任何一件事簡單D會好D!
34.天使或魔鬼：魔鬼,因為我是!
35.國語歌或廣東歌：兩樣比較鍾意廣東多D
36.黑白相或彩色相：黑白相,可以遮醜!
37.性或愛：愛多D
38.日出或日落：以前會鍾意日落,但我睇過!而家想睇日出多!
39.M&Ms或彩虹糖：M&Ms
40.流行曲或搖滾樂：搖滾樂
41.遲睡或早起：早起當然是好!但都要早睡先得!
42.電視或收音機：由返工開始我已經好少睇TV!
43.你覺得自己最差是什麼：有時可能唔識關心人,脾氣大,情緒化(呢個係巨蟹座特徵!),
以上既我都已經盡量改!如果有咩得罪,請願諒!
44.蘋果或橙：橙,但我唔識剝皮!有人幫我的話多數都食!
45.熱或凍：沖涼唔可以凍水,平時飲野,M到,病了會盡量飲熱!
平時多數飲凍的!天氣方面我一向都怕凍!
46.日記或週記：日記,我日日都有打網上日記
47.太陽或月亮：月亮
48.曲棍球或欖球：兩樣差唔多
49.左或右：右,慣左右邊
50.十個熟人或一個摯友：一個摯友
51.電腦或手機：兩樣差唔多,因為冇左手機我就唔可以聯絡到別人,
我唔會記得人0地電話的!請大家願諒小女子對是number盲!
52.雲呢哪或巧克力味雪糕：當然是巧克力
53.男或女：男有男好,女有女好
54.青豆或紅蘿蔔：紅蘿蔔,我一向少食豆
55.低脂或脫脂：差唔多

[ 喜歡的伴侶 ]
56.可愛或性感：可愛,太性感我會噴血,嘿嘿嘿........
57.嘴唇或眼角：眼
58.矮小或高大：高大
59.肥或瘦：瘦...但唔好過份廋
60.甜蜜或關懷：兩樣都喜歡
61.浪漫或由其自然發展：兩樣都好
62.理性或感性：睇情況
63.有沒有衝動：最好冇啦,不過有時呢家野好難講,希望能自制
64.你會用那兩字形容自己：樣衰
65.你現在有拍拖或暗戀人嗎：蜜運中
66.如果有，那有多久了：3個月多
67.什麼使你愛上他/她：feel!對我細心,關心,總之對我好啦!
68.你把他的優點都說出來了嗎：對我還不錯,細心!唔差!
69.你想到那裡去住：其實有自己一個家已經足夠!
70.你想做那種職業：做老闆!
71.你想結婚嗎：想!~

[ 你 ]
72.一秒前：諗緊老公,我個鼻好辛苦呀!
73.一分鐘前：個鼻好唔掂
74.一小時前：同老公傾電
75.一日前：返學,去老公家
76.一星期前：生日係老公家過夜=﹏=
77.一個月前：都係返學,上網,行街,睇戲,食飯,去老公家
78.一年前：返學,辛苦返工拾位轉貨凌晨收工,差唔多晚晚去食宵夜,
凌晨返家,有一個好開心既18歲生日
79.傷害過誰：自己,一些喜歡過我既人
80.你喜歡：愛我既人
81.你愛：老公
82.你討厭：呃我
83.你感到：呃我,傷心爆!
84.你把什麼收起來：由細到大既相
85.有沒有駕駛：冇,但想
86.你在學習什麼：商業設計
87.你在等待什麼：等...什麼也等待
88.你以後會：將來既野邊度會有人知?
89.你掛住：老公
90.你需要：有錢
91.你怕：畢唔到業
92.你是：白痴
93.現在的時間是：晚上就0黎11點!
94.有寫日記的習慣嗎：絕對有
95.最後悔是什麼：後悔離開50
96.最快樂是什麼： 同老公一齊
97.最傷心是什麼：嗯...............最傷心,唔想講!
98.短期目標：安份守己
99.中期目標：搵一份好既工
100.長期目標/理想：有一份好工,有一個溫馨,美滿既家庭
copy From Qiu

>>July 19, 2005 at 11:32:09 PM GMT+8

2005 年 7 月 17 日 星期日 【酷熱】

３４度..................炎熱呀!~
今朝唔想起身!仲以為唔駛返學!
起身後覺得暈暈地咁=.=" 勁唔想返學,不過有野交俾亞倩,so唔可以唔返!
老公黑左少少,不過塊臉都唔係好黑0者,係手腳黑我少少!~
又係上Alex堂,覺得佢真係幾串下!
今堂都冇功課交到俾佢,叫我0地上網搵一個鍾意同一個唔鍾意既logo!
要搵佢歷史,又要講下點解鍾意同埋唔鍾意,
原來又要印出0黎!最終都係冇功課交,下堂交的話就低分少少...
唉~算吧!鬼叫屋企冇得印,下下求人!~
上堂仲係覺得wing wing地咁,又唔知自己係度做緊咩,so成堂冇野講,好辛苦!
落堂同亞倩,羅家良去大家樂食早餐,羅家良今日終於有返!
食完野之後個人慢慢開始醒少少!~次次羅家良係度都同佢講下返工D野!
算吧...有時想自己自制下,因為點都過去左,就算點懷念都好,點都係過去!
將來會遇見更多唔同既人,事!或者將來份工可能好好呢?
就算唔好,當俾個經驗自己!等自己睇下呢個世界仲有D咩野人!
我知我見識唔夠多,好想出去睇下呢個世界係點樣!
或者我由細到大都冇經歷過D咩野!又或者可以話我自己好彩,
每次遇到既都未係最衰~!就算俾我遇到D唔好,或者好衰既人,
我深信呢個世界仲有更加多更衰更唔好既!最慘既永遠都唔係自己!
話..........雖然係咁講,但係我真係好懷念以前返工既日子!
每次睇番以前記事簿寫既間表等等...我都會好記得!18歲生日真係令人懷念~
雖然冇男朋友過,雖然果日為左第2日返學12點幾就返家!
但係18歲呢年係我人生中收得最多生日蛋糕既一年!亦都係最多人陪我過生日既一年!
或者可能係工作太忙,令我冇哂空餘既時間!一有時間去玩,就會覺得好充實!
同亞敏,kid him,比得,亞tal,mei mei,小桃等人kid哂~!
但係每次轉季,拾位,轉貨就想死!~經常都係我上貨,幾箱幾箱咁上!
太多新人,佢0地上貨太慢,所以成日都係我上!
收銀,太爆場,做驚喜時,幾萬幾萬咁收錢,收到人都瘋了!太忙,得半粒鐘食飯!
收幾萬蚊好驚,清機時最終冇< short >錢!實在開心到跳起~辛苦後開心既感覺難以形容!
夜晚凌晨收工去食宵夜,感覺極度良好!
獨個人行條好靜既路返家,就算有人撩我亦不怕!因為很嚮往凌晨寧靜既感覺!真的很喜歡......
返工做到個人殘哂!就算訓成10粒鐘起身都覺得唔夠!
荒廢了學業!試過為左簡返工返學哭死了!因為我知自己真係好唔捨得份工!
另一方面又怕放棄左唔讀會後悔,真係難以取捨!
不過...呢段時間總算是我咁大個女之中經歷得最多野同最辛苦既時候!~
同完佢0地食完早餐之後跟左老公去返機舖搵亞星果D!
睇佢0地打陣機之後搭bus落官塘,但係太曬了果個鐘數,
最終早了落車,去左藍田地鐵站陪老公食野,
跟住上左佢家~其實有時兩個人獨個人面對面咁傾計幾好!
可以了解大家,有咩都同大家分享!增進感情~不錯呢~~~!喜歡!~
我亦很喜歡與老公擁抱的感覺!覺得好舒服,好有安全感=﹏=
6點左右先走人!返到家亞媽等我食飯!沖完涼等老公電~
傾電到12點幾收線!好累呢~~~
今日...擔心...........

>>July 19, 2005 at 12:00:05 PM GMT+8

2005 年 7 月 16 日 星期六 【晴】

今朝10點起身了!老公SMS我!佢今日去海灘,湯wai生日!
起身之後食藥,唉~~~頂唔順,食完D藥覺得個人又wing wing地咁!
都冇食野,唔落街啦,覺得頭暈暈咁!
第2果個準備出門返工之前同我傾左陣計,講起老公,
亞媽都係驚我俾老公呃果D!~話覺得佢以前係玩!
而家變好左,但都驚將來又玩!同埋叫我唔好咁大脾氣喎=_______="
其實我同老公一齊脾氣已經少左好多了!
如果係佢面前大脾氣,咁我0地一定好易嘈交,唔想嘈交呢~~!
不過我覺得老公唔會呃我的!如果呃我有緊了!
大家一齊得就要担白!要誠實!要信任大家~有咩野唔滿意都要講!
有事大家一齊商量!互相遷就!
老公去沙灘期間都有打俾我>3<
亞媽買左蛋撻返0黎,食了~!好熱呀今日=___________= 熱死我了!
下晏冇野做都係上下網咁!~睇左westwood d網~post左d相係日記度~
不過有D我鍾意既上網都搵唔到相!算吧....
今日好似好頭暈咁,唔知點講="= wing wing地咁,唔跳自己係度做緊咩野!
冇出過街,訓死左~期間JOJO,老公同彬彬都有打俾我!
同左彬彬講我唔去Joyce家了!因為我知自己唔多舒服!
亞倩send sms俾我,我之前send俾佢問功課~!就算只係sms d聲我都會聽到醒的!
訓到6點幾老公再打俾我,同佢傾左陣電之後起身!
起身之後都仲係覺得wing wing地!
食飯覺得唔知自己係度做咩野咁~!夾送又冇咩力,食左好少.......
一食完飯老公打0黎,傾左陣電~之後沖涼!
成晚係度諗K.K果份功課點好!因為買左杯奶茶返0黎又唔知點攪=.=
最終決定用玻璃杯,打算聽日拎返去俾亞倩,覺得自己好似得過扯過咁=.=" 唉~
不過我覺得自己今日真係好wing,如果出街好唔掂!
同老公傾電到12點幾收線訓覺ZzzZzZzZZZzzzzzzzzzzzz...............

>>July 18, 2005 at 1:30:10 PM GMT+8

2005 年 7 月 16 日 星期六 【晴】



煙盒,靚靚呀~但是就算有工返,千幾蚊買個煙盒返0黎太貴了吧?而且我都唔食煙的!


帽子,頭巾~


我喜歡銀色的!

我一向都不太喜歡珍珠,但呢條覺得幾好!


呢隻介指係專門店睇中...

呢隻都幾好=.=+




舊款的暗花散銀包!靚~



酷呀~!











終於買到的westwood袋~原來可以放好多野0家!



老公送的Sony Ericsson K750i,雖然外型麻麻,但係功能幾好~喜歡~! >.< 謝謝老公!

>>July 17, 2005 at 11:15:38 AM GMT+8

2005 年 7 月 15 日 星期五 【晴】

今日真係爆熱呀!11點起身冇耐亞媽就叫我去食野,
太熱關係,終於著了背心出街!好耐冇著過背心出街了!
但係呢件背心我研究左一段時間去著=.="
同老公仔SMS,食野,亞媽叫我睇醫生,最終去睇了!
因為今日個喉嚨仍然唔舒服!個鼻聞聞地咁!
其實我想病到好嚴重先去睇的!~食完野睇完醫生就一條友返家了!
亞媽同亞E果D有下場------飲茶!
食完藥之後3點幾老公仔0黎到!>3<
其實我都唔係好病..........不過佢0黎到真係好開心~!
陪左我成個下晝!夜晚仲留左係度食飯!我未試過帶男朋友返家食飯的!
下晝我訓左陣~老公玩電腦!原來佢睇左我D網上相簿~
不過唔緊要,我冇咩唔俾得佢睇!但係以前既我真係好樣衰呢="=.......
我已經不斷改變了!希望內外都變得更好!
老公話我而家塊面瘦過以前,其實以前baby fat 0者~!
不過瘦左太開心了!我而家已經冇食宵夜,同埋好少食雪糕~
差唔多7點左右同老公仔落一落大中行左個圈,佢要吹煙~!
8點7,8個字左右老公仔要走了!
亞媽成日見到老公仔都微微笑咁! =.="""
而老豆就冇咩野,老豆一向係呢方面冇咩野講!
Hea左陣先沖涼,食完藥覺得個人好呆,唔知自己係度做咩,
連食飯夾野都冇咩力/_\.............食完藥仲辛苦咁~
聽晚都唔知可唔可以去到了.......
JOJO收工打0黎,問我邊度有小巴搭,講死我啦..........
如果我係電話中講左D唔0岩聽既野就真係唔好意思呀JOJO!
同埋我知自己真的很爛口,我會改0家啦>"<
不過灣仔消防局真的很近!
到12點果時EVA打0黎,問TOTO電話,不過TOTO成日一到夜晚就唔會開機!
而佢屋企又唔知過11點之後又唔可以打,因為有老人家係度,唔方便!怕嘈住佢~
同老公傾電到1點就收線,點幾訓了~!
食果D藥食到我成日都唔知自己係度做咩,手軟腳軟,呆.........眼訓=____=。。。

>>July 17, 2005 at 5:23:36 AM GMT+8

2005 年 7 月 14 日 星期四 【晴】

今朝9點幾起身,發左個夢,喊醒了,感覺唔良好/_\........唉~~~
起身覺得個喉嚨唔多舒服!又咳,病病地="=
亞媽叫我睇醫生,不過我又唔覺自己頭暈,頭痛,so唔理了!
如果病到死死下咁先去睇啦都係!我相信訓多D就唔會咁,可能之前唔夠訓0者!
10點半出門口,增埋值,跟住去巴士站先知11點先開車,
一時間唔記得左半粒鐘先一班,早知10點4左右出門口啦!~
好彩仲趕得切去灣仔!用左8個字車程就去到!GOOD呀~~~!!
陪完老公仔見感化官之後食野!食完野一出門就見到架好靚仔既老爺車!
即用手機影下!YOYO~~~好喜歡你呀靚仔 >.<
最鍾意D特別,舊款既車了!~太型既跑車唔0岩我!
之後再去snoy ericsson專門店問主題點解用唔到呢個問題!
原來因為呢部機程式唔同,其他機,以前snoy ericsson既機既主題過番呢部機係唔得既!
而家唯一方法就係上網dl或者人0地都有我呢部機既話就可以send俾我!
唔係就唔得!o..........算吧~!呢個sales講解詳盡,都肯講俾我地知!
但係佢好似個人好燥咁,同埋佢上網俾我0地知邊度可以dl時,
果度部機又load得慢,咁佢好似好燥咁囉!~不過我有的時耐性,我會等!
問完之後去番times,打算探JOJO,因為佢而家返番去micheal rene做PT!
不過唔見人,之後我0地又四圍行,到去三越,冇野好行,
最後搭bus上左佢家,搭603仲差一個站就到,架車有問題!行唔到,一行就流後!
當我0地落車行返番去時,冇耐架車又行得番!都唔知咩事=____= 玩麼~~~
打算睇埋羅家良隻DVD,但係較極都較唔到人聲,
但係又有背景音樂果D喎!唔知咩事............=_______=
跟住5點幾6點走人!同你一齊感覺好sweet呢~! >3<
我之前拍拖都係認真,但係今次仲更加認真!
7點幾返到家,食飯,係家樓下居然撞見兩位好家姐!
又會咁0岩,一齊返上樓!食完飯之後上下網,一直都同老公仔SMS,
佢今晚同左以前班中學同學聚下,食飯!
食完飯之後打俾我傾電~!傾左陣先去沖涼!
沖完涼又再傾過~!GOOD GOOD~~~
第2果個今日放假,每次佢係度,我又係度,佢都有野問我,
咁0岩每次都同緊老公仔傾電,但係我冇可能唔答我佢既野!
每次都要老公仔你等,對不起呢!~下次我會改善下的~!
跟住傾到12點多少少就收線!~而我打下日記,同JOJO傾左幾句ICQ!
佢問我返唔返佢果度,因為佢果度咁0岩有個PT走左!
不過我應該唔會返,因為佢果度一星期得一日假放!
仲要最少返9粒鐘!雖然只返果個幾兩個星期!
但係我怕就係呢個幾兩個星期返唔到學呀!~ =_______=
不過講真,我真係好耐冇返工了,再返,我一定好唔慣,點算/_\......
又驚自己返番工之後就成日病!好唔掂囉~!個樣一定殘哂~~!!!
俾佢叫一叫,攪到我有點兒想返番工,點算點算,但係將來有排我做!FUCK~~~!!!
夜晚同第2果個傾計,傾左好耐,好多野傾!3點先訓=________=。。。

>>July 16, 2005 at 6:27:34 AM GMT+8

2005 年 7 月 13 日 星期三 【晴】

今日仍然熱到PK!真辛苦,又曬..........
我又遲左出門口!叫左老公仔返school先,怕佢等得我耐,
點知佢返school簽完名之後去接我喎! >3< yoyo~~~
好彩9點前返到去,0岩0岩趕得切交書刊設計呢份功課!
琴晚做功課都係為左呢份呢!交唔到好慘的/_\
亞星,亞東仲好遲返下!當然最後Angela有收到啦!
每位有交功課既同學都要講解下點解咁設計呢本書!
我就真係冇咩野講,因為我本書冇咩字,插圖多!
好彩冇俾Angela話我份功課唔好0者!亞Qiu好份好掂呀做得!
今日要準時放學,因為個班房學校要開會!
之後我0地10點半準時出左呢個班房之後出番去出面張台交番自己份功課出0黎!
終於唔駛咁重了!~交埋之前頭果幾堂整果本簿!D layout等等.....
因為我本簿咩野都冇畫到落去,我D layout畫左係自己本身買既簿度!
跟住老公仔居然咁我勁快咁畫左幾個圖!
攪掂之後同亞倩去食早餐,佢今日好病呀仲,一返到去見到佢面青青,咀又白過平時咁!
差唔多走前老公仔0黎左搵我!跟住亞倩返家休息!
冇耐我同佢返番機舖搵亞星,亞東!
之後佢0地去食飯!食完亞星約左3點先電頭髮!
而我又要買袋果渣!要行下街!於是亞東,亞星同埋我0地一齊行!
終於買左westwood袋!兩點多亞星,亞東走人!~而我同老公仔拍拖行街!
跟住原本打算落尖咀果間westwood專門店買埋個化妝袋!~
原來CWB信和都有westwood專門店!於是係果度買左~!
原本買新款果隻!但係發覺佢個size未必夠放野!我驚遲下出0黎做野更加多化妝品放!
So最終買左個舊款,但個size大d既化妝袋!
好彩呢個款都有我要新款果隻既紅色0者!折左5百幾蚊好抵呢~~~
不過其實我覺得新款係靚d!女性D~!不過驚自己買左唔夠放野,咁買0黎都冇用!算吧....
好耐冇買過貴野了!冇工返日子真慘/_\.....
我同老公仔打算遲下買westwood介指做情侶介指,我本身覺得westwood D介指不錯呢!~
不過遲下先吧,而家都冇錢~~~
又想買CK隻錶!之前係雜誌見到有對白色鞋好靚呀,CWB信和果間I.T有喎!
不過我都唔知男裝定女裝0黎既,但係我記得雜誌show出0黎果頁成頁都係影女裝的!
不過對鞋要千幾蚊,仲要折左!咁大個女都未買過千幾蚊既鞋!不過對鞋真係好靚!~
o...........發覺自己好多野都想買/_\" 次次睇中既都貴!FUCK!!!~
好驚遲下有工返係咁買貴野!絕對唔容許自己咁樣!
買完之後我0地去左食野!~wo~!而家好少返學日子可以食到兩餐!
食完坐左陣,冇地方,又4點幾,怕太晏搭307太多人,
於是老公仔送我搭車,等左好耐下,冇耐湯威0黎左!
佢0地成班今晚去踢波!老公仔自從傷左隻腳之後都冇踢波好耐了!
踢還踢,但要就住同小心囉,唔係再整傷番真係好麻煩!
上到車好彩有位坐,整重蒙,其實真係好累,因為我又訓得果5粒鐘返學!
黑眼圈大左/_\ 成個樣都好累,好辛苦呢~!
訓著左,差D i左人0地度,好彩老公仔打俾我,跟住我冇再訓了!
返到家即拾番好D野,因為生日果日到而家積埋一袋二袋係房冇拾過,亂呢~!
拾完又攪下部手提,大果個返到叫佢send左D玲聲俾我,
期間老公仔打0黎!傾左兩句就收線,食完飯之後又攪下手提,
轉左玲聲啦>3< 太好!I FOR U~~~
打日記,冇耐彬打0黎話星期日去Joyce家食飯,有得食飯又唔駛我0地煮,GOOD呀!
其實都係為左慶祝EVA同Joyce生日而攪的!原本話星期6,而家改左星期日!
沖完涼睇完TV冇野做,掛起埋亞倩送俾我既龍貓砌圖!
掛左係床尾~喜歡呢=﹏= 嘿...........不過我覺得張床好多野=.=" 好多公仔...........
跟住同老公仔傾電,12點幾就訓了!真係頂唔順啦~!激爆眼訓!!!ZzzzZZZzZz............

>>July 15, 2005 at 2:32:10 PM GMT+8

2005 年 7 月 12 日 星期二 【晴】

今朝遲左少少出門口!但係返到school都仲簽到名,
驚老公仔等得我耐,so叫佢返學先!
上Tommy堂,今次教photoshop整咩星球果D!o......跟唔到!又累,冇跟了!
太難,又轉唔到色,FUCK~電腦呢家野我真係好差的呢...........
亞倩今日冇返,病了!放學老公仔陪我食早餐!
食完之後落CWB換番部機!OK之後就搭bus去佢家做功課!
我又訓左陣=________=。。。,真係好累呢~!
4點幾先出番去灣仔,出到去5點幾!亞星同亞東佢0地仲整緊份功課!
跟住我0地印,攪到成8點先攪掂好哂!兩條友印左二百幾蚊!
又買噴膠又呢樣果樣,好多野拎!
好彩老公仔幫我拎,送我搭307,見到塞塞地車,但係上車之後又冇塞喎!
有位坐,GOOD!~返到家成9點!
一早同亞媽講唔駛等我食飯!佢以為我係出面食,so冇留飯俾我,
於是唯有煮公仔麵食,沖完涼之後就cut份功課!
做功課前爆一爆ICQ,MSN果渣,ok多人add我,
但因為做功課,都唔得閒理了~!
攪到成12點幾先攪掂好哂!老公仔SMS俾我問我攪掂未,
佢都好快攪掂喎!~之後傾左陣電,1點就上床準備訓,真係好累呢~!
連續3日唔夠訓,每日訓最多5粒鐘,就死人了=_______=。。。
PS:好想搵日睇日出!不過唔知有冇咁既機會同埋起唔起到身,
除非去老公仔家訓啦=___=" 唔係如果係自己家,出去睇日出都要好遠路程!

>>July 14, 2005 at 12:56:04 PM GMT+8

2005 年 7 月 11 日 星期一 【晴】

嘩~~~成晚冇覺好訓,因為訓到兩點幾個鼻好塞,攪到訓下醒下!
到6點左右又醒.以為果時7點!唔係喎~再訓,到6點9老公仔鬧鐘嚮起!
攪到我想訓都冇得訓,不過呢個係既習慣!就係慣左較5個鬧鐘,手提較好幾個!
So勁嚮,嚮到7點幾!結果7點半左右起身!掃完牙洗完臉叫佢起身一次!
冇醒到!結果換左衫就再叫佢起身多次!我要拉醒佢!因為太遲!
終於起左,咁我先make up~差唔多8點二先出門口!
第1次同老公仔一齊出門口!~ =﹏=
Wo~~第1次咁快可以返到school!GOOD呀!~
返到去簽到名!我冇功課交呀/_\ 做唔到!一0黎懶吧?
呢堂係廣告學最後一堂!
不過呢個亞sir唔係話唔好既!其實佢教成日叫我0地講都係為我0地將來好!
放左學之後老公仔有野要做,
同亞倩去食早餐之前俾架的士hi hi!條友倒後泊,好彩有個紙袋撞一撞,
之後就hi一hi到我!好彩佢揸得好慢,唔係就仆街了!~當時即o咀=.="
我覺得自己好唔小心過馬路的,呢點我知道!要改下~
咁我同亞倩食完早餐就去藝林買紙果渣!
差唔多12點先搭bus返家,等果架307等左好耐,爆熱,又曬,唉~實黑了!
返到家除con之後send埋個sms俾老公仔就訓覺了!
訓到4點左右起身,玩陣電腦!有袋K-2係廳,亞媽問邊個,
我話第2果個,拎入面D野出0黎睇,e!?原來係我要果D衫褲喎!~
估唔到第2果個3件野都買哂俾我>3< THX喔~~~~
之後5點半出門口,彬約左我係大廣271站等!
搭到出去約左老公仔係美麗華等!入去美麗華肥章打0黎!
佢問我係邊度,我話係尖咀,跟住我又問佢係邊!佢就叫我望後面!
我一望後面就見到老公仔,但係見唔到肥章,點知原來我俾人玩緊=.="
我真係太白痴了!!!但係佢打0黎係同我講生日快樂~
12號先講生日快樂=.=?我生日係11號喎!~算吧!有心唔怕遲!
之後彬佢0地去新港打機!我唔鍾意打機的,之後同老公仔行左陣!睇中左個westwood化妝袋!
經過一輪考慮!決定左個westwood袋都係買番之前想買果個,
而化妝袋就買紅色呢個啦>.<
到8點半打俾彬,佢0地先打俾kiki同yin佢0地!
去到都8點幾啦!~果間野食自助餐真係好差囉~!!!
又要上樓上!之前同家人去唱K食自助餐試過咁樣會要求調房!
我仲以為呢間好好食,早知就去番我之前同家人唱K果間啦~!
果度叫埋酒都係百幾蚊一個!唔貴~!
成晚都冇點食過野,亦都冇點唱過歌,跟住老公仔要走,so 10點多少少就走人!
老公仔我知你心情唔係咁好,我明白的~
跟住送我搭車佢就走人!佢趕得切返去~!
返到家亞媽俾左2千5蚊我>3< yoyo!~~~THX my family~~~
家人太縱我了!咁樣會縱壞!遲下出0黎做野我要孝順番他們!~
我怪錯了大果個,原來佢夾得最多元$$$$$.......
跟住沖完涼就即打俾老公仔,但係打佢家冇人聽,原來佢返左房又聽歌,聽唔到!
跟住歌電到1點,而我就打埋日記,等個頭乾,兩點先訓=______=。。。。。

>>July 14, 2005 at 12:02:54 PM GMT+8

2005 年 7 月 10 日 星期日 【晴】

今朝亞倩SMS俾我叫我幫手簽名,其實我好想同佢講,我都可能遲到!
結果亞倩仲早我少少到!今日新堂,居然Alex上!
佢好串咀呢~男仔君俾佢串!放左學之後同亞倩食早餐,
老公仔要去九龍灣幫佢老豆整野!但係我11點幾就食完野了,
結果去左九龍灣搵佢,原本佢話攪掂好搵我的,我又唔知一條友可以去邊!
搵果間車行,搵左ok耐,結果差幾步路就到,但係老公仔燥了,打的!
攪掂好哂去番地鐵站,拎cake!~跟住陪佢食完野之後打的返佢家!
食野時佢送左份禮物俾我!原來係Sony Ericsson K750i >0<"
估唔到佢會送手機俾我!我本身部手機壞壞地~多謝老公仔呀!~~~
上到佢家,Wo~~~舊蛋糕係我最鍾意食既朱古力cake!幾好食呀>.< 喜歡!
今年第1個收既生日cake呢~!吹埋蠟燭!sweet呀!~
許了一個願望!希望成真>﹏< 幼稚起來了!~
到4點幾左右我0地出MK,打算買情侶介指,不過都睇唔0岩!
其實我本身平時都好少留意介指的,
有留意介指既都係westwood果D~!不過冇錢買!
買唔到介指never mind啦!遲早實有機會買到!
就算簡簡單單一隻介指都已好滿足!介指意義唔同!
期間亞媽打俾我,跟住我同佢講唔返家!~但係我係呃佢話去玩果渣!
o.........第1次呃屋企唔返!~
之後去左睇袋~!最終係聯合買左條westwood電話繩,謝謝老公仔!
咁樣會太縱我了!不過呢個都只係限於生日,唔梗要啦>3<
呢樣係我第1樣有既westwood野!我一直心愛既牌子>3< yoyo~~~
行完我0地最終去左和民食!但係我好似病病地冇咩胃口,食左好少野,成日都食左好少!
朝早份早餐都係食左半份渣!~
食完去萬寧買埋con果個盒就走人!搭小巴返佢家!~
第1次去人0地屋企訓呢~^-^ 感覺有點不習慣......
原來佢夜晚屋企好恐怖的,因為燈太暗,唔知點講!~
由細到大都怕黑,不過我而家已經冇以前咁怕黑了!但我又喜歡睇鬼片,真是怪怪的=.="
跟住11點幾沖涼!sweet sweet>3<~~~
沖完涼之後一齊訓覺!第1次去人0地屋企過夜,小朋友就有,由中學時已經冇了!
喜歡擁抱一起睡的感覺 >﹏<
今日感覺極度良好!~第1次24小時同男朋友一起過~!
第1次有男朋友送cake俾我,仲可以吹埋蠟燭!感覺sweet sweet^-^
PS:祝自己生日快樂呀>0<
thx各位同我講過生日快樂既朋友~!

>>July 17, 2005 at 7:03:22 AM GMT+8