2005 年 10 月 7 日 星期五 【晴】

今朝9點左右就俾亞媽抄醒叫我起身飲茶!
但我唔理,又翻訓左半粒鐘多D先起身!
跟住佢再打多次0黎話搵到位=___= 於是決定起身了!
話第三大舅母0黎左!飲茶食左好少野!~
跟飲完行街!好耐冇行過大埔!四圍行下~
去左SHISEDO專櫃買野!買左打底乳,粉底液,碎粉,眼線液!
用左千幾蚊,好耐冇試過買千幾蚊化妝品lee D啦!
做左會員,送左D試用裝果D!買到野感到好滿足!
因為太耐冇試過好好地買野了!
跟住再去sasa買埋支mascara就走!
陪亞媽去welcome買野食,手常用品之後返家!
上網,等老公電我出去~MSN...聽歌!
兩點幾有人上0黎整石油氣爐!
下晏冇野做試下今日既化妝品~um.............都幾好用!
跟住飲左蜜瓜奶,覺得個胃唔舒服想嘔咁=___=
之後又屙!頂唔順食左藥,之後訓左陣!
訓醒差唔多7點,見老公一個SMS同電都冇俾我!
So打俾佢,佢仲未做完野!
7點多亞媽煮好飯,但係我冇胃口食!
冇耐老公打0黎收工,大約7點半左右出去MK搵佢!
湯威,肥雞仲有另一個朋友,唔記得左佢叫咩名!
佢0地去左大快活食飯,我冇食到,冇胃口!
食完行左陣!見到兩架靚車!好正呀真係>口< 一黑一白!
兩架都好靚靚!~打哂蠟的!本人很喜歡呢~
之後陪湯威去到果間唔記得叫咩店度買飯團俾佢女友!
果間野之前我都知有,不過一直未食過!
聽聞D人真係當lunch咁食!唔知好唔好食既呢?
買完冇耐湯威走先!得番我,老公,肥雞仲有果個唔記得叫咩名既fd!
行埋信和,10點左右走人!搭小巴返去老公家!
係興田落車,因為我想食野!食完經過7仔買...
跟住返家!老公媽同老公老豆都病了!老公老豆好似病到好辛苦咁!
等完老公沖完涼到我沖!沖完吹埋頭準備訓!
今晚冇開冷氣,天氣開始漸漸涼,老公住果度係冬天特別凍的!
So佢果度而家唔駛開冷氣都得!
可能因為我下晏訓左陣,攪到兩點左右先訓得著!
成個星期冇係老公家訓了!喜歡一起睡的感覺!












>>October 9, 2005 at 3:57:46 PM GMT+8

2005 年 10 月 6 日 星期四 【晴】

今朝又6點幾醒了,搭bus返工~0岩0岩好返到去!
食個包hea左陣先開始做野!做番琴日做既工作!
我終於有自己一部電腦啦~GOOD!~~~
老公今日8點左右就俾人抄醒!真慘,訓得咁少............
今日成日都要走0黎走去!辛苦.................
12點9左右冇啦啦有人殺到!係度做果個女人今日搬0黎!
嘩..................佢超多野搬0黎,成車囉!~搵左兩位男士幫手!
見到佢0地好攪笑,係咁執係咁執,勁多野!
今日lunch一個食!其實一個食都有一個食好呀!~
以前返工一個人食幾好!因為做sales食飯時間係下午茶果D時間!
冇咩人,靜靜地幾好!而家食飯就lunch time,好多人=___=
我一向都唔係咁鍾意太多人既地方...
食完飯又返去開工!Willy返左0黎!
跟住我又做野!對住部腦成日真係想死! >口<
我又做錯野喎/_\ 全部格式要一樣!跟哂size!排版真係唔係一件易事............./_\
對眼好乾好累,我已經冇戴con 0家啦!~
新0黎果個女人起碼有40歲!叫carly!
佢唔係做我0地果part野,佢係做出入口既野!
好攪笑,佢係咁撩我講野,好多野講!
佢係度,又要拉線,電話,上網果D!好多野攪!
佢張台同我張台對比,超多野=___="
不過而家多一個人就冇咁悶啦~!
但係個女人係咁讚我,有D嚇襯=.= 佢原本想同埋我一齊走,但我話約左人第2日先!
原來佢之前係MK果邊做,個老闆話想佢跟個親戚做!
但係佢跟老闆個親戚咪即係又俾人管,所以佢0黎左呢度!
起碼係識得朋友喎!~仲有,佢住鑽石山,真係近!
6點3左右我話收工走人,因為Willy未叫我走,我又唔想老公等我等咁耐!
於是咪叫話我走啦咁囉!~D工作仲未做完,下次先做埋佢!
唉~~~我做野太慢啦!咩野都唔識,太差了!
而家一星期返3日都好既,起碼可以學多少少野!
之前隔咁耐先返一日,一星期返兩日,D野一定更加生疏!
收工之後去左觀廣機舖搵老公!終於見到面了!擁抱...
因為佢老豆返0黎,見面機會更難!跟住去左老公家食飯,佢老豆煮左飯!
7點半就食完,跟住睇下TV同雜誌!對眼好累呢~但係又想睇喎!
8點半左右老公車我返家!其實原本我打算搭bus!
因為驚哂油錢,但老公見我返工累所以車了我>3<
返到家即沖涼!沖完涼老公返到家樓下打俾我!傾左兩句就等佢沖完涼再打番俾我!
不過一等就等到11點幾,因為要等埋佢老豆訓左先可打俾我!
跟住傾到12點都冇就訓了!好累...今晚又一收線就即訓著!








>>October 9, 2005 at 11:21:37 AM GMT+8

2005 年 10 月 5 日 星期三 【晴】

今朝6點9起身!因為要食藥...
估唔到亞媽都咁早起=___= 攪到我要鬼鼠食藥!
跟住make up換衫7點9左右出門,如常搭bus返工!
原來唔塞車的話我係0岩0岩好返到去的!
而家做果度係行得比之前遠少少...落車後要行兩個幾字先到!
返到公司又係度hea!基本上我返到公司頭果半粒鐘係唔做野的!
Willy9點9打0黎,跟住叫我跟下D藥!
又話搵番邊D係冇邊相果渣~幾百粒真係難攪!成朝攪呢D野!
12點幾有人上0黎拉線整寬X,問我D野問到口啞啞,
我點知咁多野先得0家!Willy又冇講抵呀!
跟住食飯,早左個幾字落去搵老公!佢陪我食!
食完等埋肥雞0黎,佢0地送我返公司跟住走人~
次次食完飯之後我都好多野做!今次都唔例外!~
排版.................跟住又要我jpge d file!
又排番版!D藥又未攪掂!算吧~排住版先啦都係!
排排排.....期間TOTO打0黎問我尖咀SOGO點去!
亞倩都有SMS我問我行唔行SOGO,不過我返緊工,行唔到!
4點幾Willy出左去!期間有人送水上0黎!
一路到6點收工佢都仲未返!
而我D排版仲未做完,留番聽日先做!唉~~好多呀/_\
今日老公冇接我收工,因為佢老豆返0黎!要等佢老豆返!
於是一條友搭bus,累=_______=。。。
返到家食飯!食完即打俾老公!但係佢同湯威食緊飯!
之後我咪上下網囉~!打下日記!等老公電我!
同佢傾左陣之後沖涼~!跟住又等佢電我!
12點左右就訓著了!今日..............太累了/_\。。。


















>>October 10, 2005 at 3:57:05 PM GMT+8

2005 年 10 月 4 日 星期二 【晴】

今朝原本打算8點半起身,早D去搵老公!
但係我唔願起,好累!手提鬧鐘響都唔肯起,拎住手電爬左係度度=.=".......
結果10點半先起身!之後make up換衫搭bus搵佢!原本打算煮野食,但係我太晏了!
去到12點幾!大家都餓,於是出街食!
去到官塘老公係巴士站等我,跟住上左APM行左個圈,原本打算係果度食!
但係最終又冇,太多,花多眼亂呢~
跟住又搵唔0岩地方食,去左沙嗲王食,唔知係咪lunch time關係,D野食唔好食!
上次食都幾好0家!決定下次唔會下午時間去食了!老公好唔鍾意!
食完之後上左老公家!原本決定今日放假係老公家幫佢執屋!
但最終又冇=___=" 我又訓左陣!
6點左右去左街市買魚蛋果D食,好味>﹏<
跟住搭出MK買藥! ="= 唔可以成日食0家喎........下次要小心D!
買完行左陣,同老公睇下車零件,睇下波鞋果D!
等老公媽電就返番藍田食飯!
食完之後老公送我搭bus!返到家十點半!
即沖涼,FUCK~!冇熱水,唔知座大廈發生咩事,全座冇哂煤氣,攪到要我沖凍水涼!
我咁大個女以0黎沖凍水涼既次數一隻手都數得哂!
我真係好怕凍,沖完果刻會頭痛的!
沖完即打俾老公,傾電~12點未到就收線準備訓,好累呢~~~12點半就訓著了!



>>October 6, 2005 at 2:37:14 PM GMT+8

2005 年 10 月 3 日 星期一 【晴】

今朝如常7點起身返工!估唔到老公仲早過我起,不過佢琴晚兩點幾先有得訓!
超唔夠訓呢佢!仲送我返工!今日返新office返工!
都唔難搵!係官廣附近!但係果度好多車,好多廢氣!
上到去個閘又開唔到!原來又整埋下面果度先可以開到!
入到去,好亂!D野未執!不過office比之前大好多了!真好!~
跟住做番上次未完成既工作!一條友悶=____=。。。 聽歌,同老公sms!
1點左右落去食飯,老公陪我食>3< 辛苦哂~!
跟住食完入番公司冇耐Willy就返到!
攪掂好手頭工作3點幾4點就幫手執野!放番好所有野!
執執執............執死了!佢淨係拉線整果D影印機,電話,電腦等!
收工前影印埋身分證俾Willy!
又遲兩,三個字收工!好累呢~~因為執左好多野!
對眼蒙哂了!因為之前已經對左好耐電腦!跟住又係咁執野!辛苦/_\
而家我終於有新台,有自己既台同埋呢兩日會有電腦送到!GOOD~
老公係官廣等我!跟住送我返家!其實佢都好累,又唔夠訓又去洗車!
落車行返家途中差D俾單車車襯!可能果刻我太蒙了!
返到家7點半!冇耐食飯~跟住hea左陣打日記先沖涼!
今晚問左羅家良拎唔俾人copy到我D野既html!Thx~
同老公傾電到12點左右收線,之後準備ZzzzZZzZ...............





>>October 17, 2005 at 4:01:12 PM GMT+8

2005 年 10 月 2 日 星期日 【晴】

今朝又翻訓遲了起身!攪到9點7左右先返到school!
朝早一邊make up一邊打俾老公叫佢起身,點知冇人聽!
之後佢落到家樓下先打俾我!原來佢琴晚都訓唔著!出左廳訓,電話放左係房!
唔知點解次次我0地一齊訓第2晚唔係一齊訓都係失眠的!
返到school raymond上排版喎!佢而家好似溫柔左!同以前有d唔同!
以前既佢係cool d!而家又會一個個埋0黎睇下我0地攪成點樣!
好快落堂,同亞倩食早餐,老公同亞星佢0地打機!
同亞倩食完早餐之後行左去CWB行街!行左times!
跟住行下卓悅果D!買左D潤膚細size既放係老公度!~
買埋深層清潔果D mask俾老公!
一點多d搭bus落MK!目的買冷!行左3間!結果都係睇唔0岩.....買唔到/_\
跟住行埋瓊華就走人,打俾老公!佢陪完肥雞去運輸署了!
跟住我搭小巴去官塘!係7仔等老公,肥雞同濕東,之後去大快活!
濕東同老公都未食飯呀!~亞星次次打機都打好耐,攪到佢0地野都未食!慘慘...........
等埋亞業收工0黎跟住行APM,呀~~~APM izzue有我睇中果件外套呀>0<~~
不過都冇折/_\ 我又唔知自己VIP過左期未!頂多都係得果9折!
好想買...好鍾意呀!不過冇錢/_\ 最快要下個月先買到!/_\ 真係好鍾意呢件外套呢~!
忍.................................好耐冇買過衫果D了!
行完跟住同老公搭小巴去佢家!佢媽話煮飯!去佢家食飯!
5點多D我0地訓著左!6點半先起身!累=___=。。。
起身冇耐老公出去搵亞迪吹水~
7點幾食飯,hea多陣同老公走人!約左家強係停車場等,因為老公要放抵D野係車度!
跟住搭兩蚊小巴去官塘,陪我等bus就走人上肥雞家!
10點多D返到家!亞媽有煲湯>.< GOOD~~~
飲完湯先沖涼!沖完涼打埋日記就打俾老公!
佢仲係肥雞家,之後等佢走時打俾我!
但係我已經好眼訓了/_\ 11點9左右已經想訓,不過最終都等埋佢電我12點幾1點先訓!
好累呢~~~~~明早又要早起上班...又唔夠訓了!








女人在床上流的眼淚,比在任何一個地方多,
但男人在床上說的謊話,也比在任何一個地方多................
是真的嗎???


>>October 20, 2005 at 2:19:52 AM GMT+8

2005 年 10 月 1 日 星期六 【晴】

今朝訓到差唔多10點醒了,之後10點幾先起身!
刷牙洗臉後又hea左陣先make up,到12點半左右先同老公一齊去搵位飲茶!
點知仲有成100張台先到,於是決定左唔飲!去到大圍探佢亞太時先飲!
同老公食症燒賣魚蛋打底!係阿菠蘿度買0黎食!
冇啦啦想買拎銀包時有個細路女係咁撩我!同我講野!
不過我唔知佢係度講咩野!
跟住我唔理佢,佢又跟住我,跟住又唔知搵左個玩具0黎攪下我隻手!
我起初真係俾佢嚇死,因為冇啦啦有條友係我隔離仲要係咁唔知講咩野!
我一D興趣想同佢玩都冇‧___‧ 只俾佢嚇倒了!
老公係我前面,跟住我扯住佢!佢就叫我細路女走!
叫一聲,個細路女就走!老公真係勁=.="
我唔夠膽叫佢走開囉~因為驚佢喊!
食完之後搭小巴落官塘轉80號bus去大圍!
好耐先一班車,居然係熱狗=___________= 不過都係照上啦!因為又要等多幾個字!
去到大圍,勁耐冇去呢個地方!之前細個係大圍補過習!
但係我冇真正四圍行,所以唔識路的!
去到一個好舊既商場飲茶!一去到就有位!
冇耐老公媽拖住亞太0黎!佢係一個98歲既老人家!
一邊耳聾了!所以個個都要好大聲係佢耳邊同佢講野先得!
見到老公媽好細心咁呢~~
飲飲下老公亞E都0黎埋!佢亞E幾攪笑!唔知,總之覺得攪笑!
飲到3點幾就走人,佢0地去行街,而老公送我返家!
其實我都想行街呢/_\ 去沙田,去尖咀新開的SOGO!呢兩個地方都想去!
不過呢期冇錢了!行街見到鍾意既野都冇得買/_\ 慘慘..............
我都好耐冇行街買野了!~um............我相信我下個月既生活冇咁窮0家啦=‧‧= 嗯嗯!!
不過下個月開始我又要自力更生!又返番以前返工日子!自己養自己!我要努力!
雖然人工唔多!但係慳D都夠的!儲得幾多得幾多!努力努力努力>.<
自從大圍站裝修後我一直都未試過去呢個站,呢個站好大呢~但係唔夠冷氣!
返到新達老公去廁所,我買野飲!跟住行左一個圈就搭bus返家!
返到家4點幾5點,老豆係家喎~
跟住佢0地話我咩煙花燒到今朝咩=.=?呢句野都幾串下!
老公又話佢返埋工返0黎我都仲未返!
亞媽又話我唔聽電話!叫我下次唔返家都講聲果渣!~
不過都冇點話我!GOOD~隔多陣打俾老公,佢搭bus訓緊,於是我3個字後打俾佢提提佢落車!
同佢傾左陣電~佢又話睇下架車,又要打俾家強拎部腦去整!
一收線我電話都未拎出廳就訓著了!累............
訓到7點左右亞媽叫我起身話差唔多食飯!跟住一起身打俾老公!
連自己手提都未睇,因為放左係廳充電!
我都估到佢打過俾我!原來真係!佢都估到我訓著左!嘿~
傾左幾句冇耐食飯,食完飯hea左陣老公打0黎話佢拎完部腦去家強表哥度!
仲同我講星期一係紅日又話駛唔駛返學,收線即打俾亞倩,
亞倩就話唔係大陸,星期一唔係紅日!我即睇日曆!原來真係唔係紅日喎~
即打番俾老公同佢講番!因為佢同家強一齊,所以都唔阻佢了~
跟住我上下網又hea陣先沖涼!又等老公返家沖完涼打俾我!
傾到12點收線!但訓唔著/_\ 兩點多先訓得著!
唔知點解次次去完老公家訓第2晚都係訓唔著的!





喜歡同老公一齊訓,

喜歡擁抱入睡,

喜歡在老公懷裡!(我會變得小孩子似的...)

喜歡喜歡你!



>>October 20, 2005 at 2:19:15 AM GMT+8

2005 年 10 月 1 日 星期六 【晴】

櫻花
歡樂小姐
愛情運 40分
適合昆蟲 甲蟲、吉丁蟲
這類型屬「母大姐」型女孩，人很熱情、開朗，樂於助人，卻因此常將異性追求者當做朋友，甚或常拒絕別人追求。不過這類型女孩，只要一開竅，採閃電結婚的情形很多。但單調、沈悶的異性最好不要碰這類型女孩。

http://hoa2.05133.com/cgi-bin/FlowerAndBug.pl

都有點說中了喔!~

>>October 2, 2005 at 1:01:28 PM GMT+8

2005 年 9 月 30 日 星期五 【晴】

國慶日
今日天氣有點焗同熱!因為< 龍王 >關係吧?好彩呢場風冇吹0黎HK!呢個風威力很勁呢~
今朝訓到10點幾起身!不過已經唔見亞媽,原來去左太和美心飲茶!
我當然唔去啦,太遠了,我make up完仲要打的過去,不如唔好去~
最終我係家飲蜜瓜奶!一飲完即屙!之後食左餅~
下晏亞媽蒸左有機蕃薯食!好細隻0家!好食~食左3隻!
不過今日都冇點食野..........食左好少~
跟住hea下hea下上下網,到4點左右亞媽出外搵埋老豆一齊探表哥!
佢0岩0岩做完手術!所以去探!
第2果個放假留左係家,大果個都係放假,不過一起身冇耐就出去~
而我4點4,5就出門,跟住去買左幸福果隻喉糖俾老公!
因為佢成日話喉嚨痛,咁我咪買呢隻囉,不過我未試過唔知有冇效!
跟住再搭271出去搵佢,佢一早就收左工飲茶中!
但係佢好快飲完係美麗華行陣等我!
跟住去到尖咀我0地係地鐵A出口等肥雞同亞魚0黎!等左好陣子!
又餓想食野!原本去City Super食!但係我0地想去山頂睇煙花~
不過最終又冇去山頂!因為亞魚D fds要去灣仔!
我0地又驚冇哂位多人,於是最終我0地野都未食就搭船去灣仔!
我好少可夜晚係灣仔出現!搭船好多人呢~
斜前面戴眼鏡既男人由上船一刻就成日寧轉頭啤我0地到落船!
佢隻眼是否生開,生< 咩 >了?怪怪的...唔知啤咩=___="
搭船睇見夜境,好想快D到聖誕節呀>0<~~~ 仲有兩個半月渣!
好想睇燈飾,好想係街上感受下聖誕節既歡樂氣氛!好想好想...........
落船後去到我0地去左金紫荊果邊間ok買野食野飲!勁多人!
最終買左個包同老公兩份食!買左野飲!
去到企左好陣子,等D人行入哂去我0地先坐低係地下!
佢果度間住哂D位咁,所以遲0黎既朋友要係出面企啦~
亞魚D fds,家強遲0黎,所以佢0地係出面冇咁好既位置睇!
等等等.........等左成粒幾鐘到9點先正式睇!
後面會展有人擺酒都出企哂出0黎睇!
嘩~~~~~好靚呀>0< 我即用手機拍低!早知我帶攝錄機0黎啦/_\
錄錄下有人打0黎,邊個咁識趣打0黎=____=#
原來亞敏,不過老公幫我cut左線!到散場時打番俾亞敏,冇人聽=__=。。。
講番D煙花先,好似跌落0黎咁,好近,我睇到呆左!因為我未試過係睇呢D煙花匯演!
以前細細個同家人去澳門睇到既都係人0地放果D煙花!
果時都好靚0家,彩色繽紛!仲記得果時第2果個件衫俾D煙花攪到穿洞!
今次係我同老公第1次睇煙花,原來佢都係第1次睇~
唔知下次又可唔可以再睇呢???
不過老公話我睇煙花唔理佢,其實我有理呀/_\ 但係人家見到煙花咁靚真係呆左ma!
現場感覺真係唔同D!D煙花爆既聲好大聲!
有D煙花好似落落0黎既星星咁!慢慢咁跌落0黎!有金色有銀色...好靚呀~
原來我同老公仲有肥雞以前都講過話D人迫埋一齊睇煙花好on9!
但係今年我0地又變左其中一份子0黎睇煙花=____=
亞魚原來差唔多年年都有0黎睇的!
睇完之後出去搵番亞魚 d fds就行去188隔離果間茶餐廳度食扒!
28蚊渣!好抵呀~都幾好味呀!
亞魚原來真係好易嬲肥雞的~今晚食飯已知道!
食完坐左陣,亞魚同佢d fds玩到癲了,影哂相!
跟住等埋佢0地我0地先行番去平時係school樓下間仔果邊搭bus!
家強個女友亞君原來都幾麻煩,好易發脾氣=.="""
走左班車都可以發脾氣又話又要再等.....
旁人既我睇到佢咁,覺得......原來女人都真係幾麻!做人個男人原來都唔易~
不過諗諗下...會唔會係16歲呢個年紀既女仔特別係咁呢?
記得以前既我又係好麻煩的!比現在更麻煩!
等左好陣子先有車到,落車後我0地去7仔買野飲果D......!
跟住返家!即沖涼~個頭又抹得唔乾,係老公床度滴水,
俾老公話,但係佢果隻又唔係真係話我果隻話!
跟住我出去吹頭!驚整到周圍都濕哂!唔小心< 山 >門大力左少少,老公又以為我發脾氣!
所以佢又發脾氣=____= 好大力< 山 >門去沖涼!
不過最終都冇嘈交~兩點多訓覺了!ZzzzZzZzZzzzzz............





睇煙花感覺良好!日後呢個又係回憶之一!
發覺同老公一齊做左好多以前未做過既事!
相信日後還有好多第一次~ >.< 期待!




>>October 2, 2005 at 2:38:58 PM GMT+8

2005 年 9 月 29 日 星期四 【晴】

今朝早左少少起身!7點未到就起身了!Make up完就搭bus返工!
由朝早起身到搭車果刻個胃都係唔多舒服咁!
去到大老山塞車!FUCK!!!幾驚遲到!驚Willy冇啦啦咁早打返0黎,驚俾佢周到我遲到!
塞車原因好似係因為一架bus死火掛~唔係太清楚!
返到去食個包,hea陣!冇耐Willy打0黎叫我退住地先!
跟住慢慢咁樣退,覺得自己out圖好差!我要多多練習先得了!
今日老公冇陪我食飯,因為我叫左亞仔陪我!
我知...如果今日唔搵亞仔,又唔知幾時先可以搵佢!
下星期就要搬去另一邊!行去搵地方食飯時打俾老公傾左陣電~
跟住食完飯之後又打多次俾佢講左兩句就返番公司做野!
今日成日都係做退地做足一日,對眼有點累,因為好唔夠訓!
Willy 3點幾先返到,返0黎放抵D野又唔知攪咩之後又話去見客又出去!
到4點幾先返0黎!今日唔駛6點半收工!準時番少少...
但都要6點1,2先放我走!老公係出面等我!
跟住行去搭小巴去佢家!冇耐佢媽返到,到7點半左右先行去德田食飯!
但係D送唔係咁0岩我胃口,其中一個送我未食過咪試下!
甜甜酸酸的!攪到個胃有d唔舒服!
我一向唔係點食得酸野!食左好少送就冇食了!食唔哂.....
原本我係有點肚餓!今日食左好少添=.="不過都好呀!減下肥~
食完去PK買野!跟住就返老公家!
原本係老公家訓!不過最終都冇!因為我0地決定聽晚去睇煙花!
一定攪到好夜,到時打算係佢家訓!
我媽一定唔俾我兩日唔返家訓的!於是10點左右老公車我返家!
返到大埔車左我去海濱,因為我話想去,我覺得夜晚感覺良好!
行左一個圈就走人揸番車去大中買野飲!跟住就車我返家!
今日終於拎番之前中秋節玩既白兔燈籠返家!再拎埋少少關於讀書上既野!
不過都係拎左一半,仲有一半係老公家!
因為搭bus一條友拎野拎唔哂,會有點難度!
老公車我返家當然拎緊D野返家啦~
返到家即沖涼!沖完涼等老公電我,傾到差唔多1點收線!
而我又係上左陣網先訓!~


其實人............係咪真係要壓力中成長?
我.....係咪要係壓力中先識得去成長?


>>October 1, 2005 at 4:37:44 AM GMT+8