2008 年 1 月 10 日 星期四 【晴】

朝早SM 給我和Jo姐一個briefing, 關於cake手的crown destruction…
之前聽過一次已經知道是一個乃野的task,
超級麻煩and waste time…
今天briefing後我就整個人都謝了…. 因為聽後超級不安,
同事安慰說: 算啦! 就算俾你聽得明點做, 到做果時都係另一回事, 都係唔會識做架啦, 到時咪再問SM囉, 我地個個都係新人, 唔識係正常架喎!
又係喎….

Lunch同阿銘食, 聽完他講近況後, 又再想下自己做緊的東西,
心情立即差左, 整個世界突然變得好灰好灰咁!
心情勁差 + 電話勁響, 每見到120打來都要先深呼吸, 再等2秒才攞起聽筒
很多東西要draft, 耐性給挑戰中… 燥到想嘔!!

放工去搵galil 收數, 途經通利, 無聊到去睇人賣飛...

>>January 11, 2008 at 3:29:43 PM GMT+8

2008 年 1 月 9 日 星期三 【晴】

2008/01/10
今日... 真係好得閑 :p

有人上來interview,
Jo姐話: 喂! (指一指conference room內) 睇下! 幾靚仔喎入面果個! 有d似吳彥祖呀!
我: (望一望) 係喎!! 唔好諗啦! 唔駛test啦!! 就請呢個啦! 又後生又靚仔!!~~
Jo姐: 入左嚟做之後就好似發仔瘟咁 XD 成日請人都要請男仔!!


『不是我不明白 有些話沒說出來
我們的關懷 像愛但又說不上愛....』

*********************************************************************************************************
2008/01/09
前日SM吩咐寫complaint letter 投訴courier 2次送文件兼亂作藉口, 作好後她的comment是: "不夠strong! 語氣再strong d!"
到今日, 到寫email給factory, 她走後再補一句: 『寫果時powerful d都唔緊要架, 寫powerful d呀今次!』
証明我係一個斯文人 =.="

下午有很多人上來開會,
人多得連chair都不夠給人坐,
迫於無奈, 把我的chair推了入conference room, 同事再到樓上找chair給我 =.=”

可惡, 其實你是否知道我那日放工要去街??
為什麼每次都要在我趕著放工走的時候才要我留下來??

『Christine我好愛你呀!!!』
真的呀XDXD 特別嗚謝chrinstine幫我mtr計時,
讓我知道6點半放工的我應該仲趕得切入調景嶺join你們
還幫我買定食物 XDXD
今次發生什麼事? 平時坐最後的, 今次要超頭等?!?!…
交換褸著~
不用坐第一行, 但原來第一行反而不出事
坐第二行最出的我就會見到背影 x n次!
『好! 呢張唱完啦~』
Share了個”宵夜”, 返到屋企剛剛好又再看多次!


>>January 10, 2008 at 1:53:07 PM GMT+8

2008 年 1 月 7 日 星期一 【晴】

SM煞有介事地話:『gigi你得閑行多d入去攞file呀!』
下.... 莫非GM投訴?! 答左佢一句:『哦!』
幾秒後佢話:『係喎! 你個位睇唔到邊個入去架喎! 』
係呀.... 你終於都醒覺到有問題啦?!
SM:『得!! 等我再諗諗佢!!』

抵我對Jo姐咁好XDXD
Jo姐今日幫我轉錢, 十分感激呀!!!

原來睇concert除左要帶飛, 仲要帶個橙去呀!!!

>>January 8, 2008 at 1:13:49 PM GMT+8

2008 年 1 月 6 日 星期日 【晴】

公事上同私事上都做緊 admin
公事上 , 朝早完成左好多濕濕碎碎的工作~ 好快就到食lunch~
入士多房搵同事 :『你入親嚟都係搵野食, 今次冇理由唔食架! 』
lunch 收3G來電 , haha!! 睇到啦 ~~ 真係有去 =.=" 你地就好啦…
然後下午成個腦都係呢樣野 ….


同事問 : Jo姐呢?
我 : 行開左囉! 唔 o 係位即係行開左啦!

Lunch後問Jo姐野, 問完佢話(玩野): 你記得最尾加番句『呢樣野係由dr wong gi gi話你知!』
衝口而出話: 無聊!
講完醒起….. 死啦….個口快得滯....

全日都聽左好多唔想聽的東西, 心情轉下!!!!

突然間好趕... 訂飛deadline由星期三變兩小時內!!

>>January 7, 2008 at 2:57:25 PM GMT+8

2008 年 1 月 5 日 星期六 【晴】

同家姐行街買野, 唔鬧人時的家姐係好好人的!

由尋日的期待新年, 變成只期待初二同初三 (齊心地)!!!
開口中的朋友仔, 我已經sms左俾自投gigi網的kitty!
至鍾意佢頂帽!


>>January 6, 2008 at 2:41:02 PM GMT+8

2008 年 1 月 4 日 星期五 【晴】

朝早一路心情唔好, 睇乜都唔順眼, 連份早餐都樣衰d!
整個朝早就是在發自己脾氣中渡過
超級炆憎自己, 俾人鬧而冇得反擊係抵死! 但條氣又唔順!
lunch同表哥仔食完飯條氣先順番d...
連隻con都要蝦我, 出街後隻眼好痛,
上堂途中都頂唔順要除左佢, 情願乜都睇唔到!
坐巴士都要坐前d, 費事訓醒睇唔到自己去到邊都睇到個顯示牌!

表哥:『就嚟又新年啦! 我地又見面啦!』
我:『唔好提啦, 諗起隊大軍都驚!』
之後諗.... 又不過, 今年應該係咁多年以來, 最期待新年的一次!

見番當晚想睇的一幕


>>January 5, 2008 at 2:37:15 PM GMT+8

2008 年 1 月 3 日 星期四 【晴】

2008/01/04
又是一個得閑的working day,
下午3時admin開會, 開到6點, 笑到嘈到人
6點幫拖搣走x'mas的裝飾, 一攪就攪到8點
3個出街同事, admin assistant外, Jo姐都落場幫手搣, 在公在私都冇理由走左去咁衰女!

我: 家姐我講樣野你知!
家姐: 咩ar?
我: hehe!! (奸笑中...)
媽: 佢又衰左呀!
家姐: 整爛左個電話ar?
我: 唔係
家姐: 整爛左相機呀?
我: 唔係
家姐: 整唔見d咩呀...
我: 我又整唔左個相機袋...
家姐: 哦.. 咁咋!
我: 但今次我連電池都整唔見左一粒=.="
家姐: 下............... 好彩都諗住買過部...
半小時後...
家姐: (大聲夾惡地)你呀! 買左新相機之後, 唔該你親眼睇住部機同d野放左入袋, 拉好埋拉鍊你先好去影相呀! 再係咁我唔俾你再攞野出街用呀!!!!
我: ........... (除左唔出聲外諗唔到有咩可以應佢..... 呢d時候, 佢鬧正低能白痴都要認左佢...)

阿姐又係你... 次次去親睇我都整唔見野!

*********************************************************************************************************************
2008/01/03
返工途中, 灣仔間starbucks救了我一命!
下車再轉104 =.="

冇野做想準時走, 卻給捉住寫email走不了!
放工去灣仔睇roadshow頒獎禮~
阿姐好早出場, 好有face咁唱足一首~
病到沙聲的阿姐今次唱得好勁~
正想走時阿姐又突然出來頒獎~
成晚強調n次『我好愛你架christine!!!』
可惜你誤導阿姐相信左你! 你竟然o係阿姐面前中傷我 XD 下次我一定要澄清!!
幸運地在閂車門之前一刻到~ 合照又多一張~
阿姐走後我地自己繼續玩, 影無聊相一堆
同christine玩, 玩到出汗and沙左聲 =.="





>>January 4, 2008 at 3:25:49 PM GMT+8

2008 年 1 月 1 日 星期二 【晴】

LUNCH又去左好遠食豬扒飯~ 好好味但行到喘氣 =.="
突然有TEA食, 因為近來多人遲到?
SM 半日leave, 同Jo姐都好得閑, 得閑到去執file!
gigi wallpaper by同事, 下次post上來!
期待聽日準時放工!!

拜託拜託, 十萬個唔該!

>>January 2, 2008 at 1:22:01 PM GMT+8

2007 年 12 月 31 日 星期一 【晴】

Happy New Year!
新年新玩具 --- 直髮夾!



年尾, 又來一個回顧檢討

今年好精彩，個人認為！
做了很多以前未做過的事！

第一次搭飛機
13個同學一起去旅行，是一個很難得的機會
雖然行程麻麻，但將來很難可以成班人去旅行！
找3個同時有空的都難，何況是13個?

第一次玩辭職
下半年，大大話話，轉了三次工，轉到自己都厭！
由Sales Admin轉做Admin，Admin轉做Account，
再由Accounts，安定下來做Secretary。
就快每個部門都給我做過 =.="

第一次玩出trip
返工第二天便出征過大海，
雖然總計去了三天都沒做過任何事
但都算是一次難得的經驗
至少我賺了一晚的五星級酒店房！
這是最大的得著！

第一次影合照
哈哈！年頭一個SHOW，無預備之下突然跟阿姐影了張合照！更第一次在報紙中見到自己!
整年見過阿姐幾次，比見那些麻煩『親戚』仲更多! 哈哈!!

第一次收花
多謝我的表哥一次又一次的不同驚喜!
除了預知的花外, 還有12隻的欣欣杯!

第一次坐單車
坐同事的電單車尾....
只覺得... 很大風!!



Other Highlights...
畢業典禮
我的家人，接受了我終於長大的事實。
雖然不知道他們見到穿起畢業袍我的時有什麼感覺!

變身秘書
發夢也沒想過，現在的我的職業，是以前曾經想過『我一定不會做』的職業！
現在的秘書身份好像跟我之前所想的有些分別！
是好的分別！

睇show
今年... 大大少少的show都看多了很多，發覺喜歡看show的原因是，
過程中可以不用想其他現實生活中的問題！輕鬆哂～

************************************************************************
2007/12/31

07年的最後一個朝早, 以不開心的心情來迎接,
全因為昨天那個完全不合我心意的的頭髮!!!
返到公司, 11點幾知道有得早放先心情好番d!

07年的最後一日, 最後都過得好開心!
做左一件俾屋企人知道一定會鬧的事!
就係坐人電單車尾!
同事放工車埋我入香港仔.... 我明白點解佢要著件去北極都得的褸返工!
因為電單車上的十多二十分鐘, 對面線的車聲都聽不到, 只聽到超勁風聲.... 凍到飛起!
其實個同事已經住嚟, 佢驚轉彎會拋左我落車 =.="""""
到步後到sms給Jo姐報個平安.... 換來她一句『祝你出年要風得風, 要雨得雨!』

到大夫家中"hea", 食飯及等夠鐘出發去countdown~
bonus係聽到"只得一次"live version
節目未開始, bom bom棒已經俾我地玩到漏氣 =.="
countdown後到阿姐出場, bom bom棒已經冇聲...
見到佢周圍望搵牌, 到最後成個商場圍觀的人一起唱千千闋歌, 勁好氣氛 :p
電話間接傳來一句『兄弟姊妹新年快樂!』
2點幾先返到home :p 好凍, 多謝大夫 XDXD
都係坐呢d車安樂同舒服d! 哈哈!!
幾日後再見~ :p




有些擔心. 只此一次罷啦!


>>January 1, 2008 at 1:29:48 PM GMT+8

2007 年 12 月 29 日 星期六 【晴】

HAIR CUT TODAY,
以後唔會再去呢間!!
洗頭整到我好痛, 一次超唔開心的剪頭髮經歷!!!

>>December 30, 2007 at 10:59:23 AM GMT+8