2007 年 11 月 28 日 星期三 【乍雨乍晴】

或許最後一次於LMC渡過生日

今日既是我生日，又是香港葛福臨佈道大會第一日公開聚會。
尋晚23:58開始就連續地響了6次SMS提示=''=同一句聲音講左6次。
多謝Honghong~Meimei~Yue~Edmund~秀程特登就岩時間send黎。
Cherry提早send黎，另外竟然係秀程係我手機時鐘最準時既一個+v+好意外Bor！
跟住多謝爬爬~邦邦~Fafa~大妹妹~大家姐~貓婷~家燕~Levine~凱等MSN既祝福...
忘記了某些對不起，實在太多了......雖然只係一句生日快樂，不過我好滿足！
特別多謝爬爬陪我係MSN傾到成點幾，好彩我生日，如果唔係我咁串你我第二日好危險。

訓醒，耶穌早晨！新一天，16歲的開始。
番到學校好多好多句生日快樂，由心發出來的微笑...爬爬！我真係開心到笑架。
班上既，其他班既，每一句都好重要。因為唔知出年仲聽唔聽到。
第一份收到既生日禮物係理科戰隊送既「2008海天日曆」，多謝晒。我懶，但我會每日都睇。
接著多謝阿余送既十字架裝飾，好合我心意，好合我現時的處境。
「惟喜愛耶和華的律法，晝夜思想，這人便為有福！(詩1:2)」
因為唔方便帶本寫真集俾送既果五位好友寫上去，所以就傳張紙俾佢定寫番。
不過d內容太恐怖啦=''=不便公開，敬請原諒。但多謝你地五個，好鍾意份禮物。
早上收到Fafa同邦邦既SMS，多謝你地=]~I LOVE YOU！

Lunch七人行，同Kathy~Zoe~Allison~Carol~媚~Cherry一齊食飯。
好開心>v<一齊食飯一齊搞爛Gag！不過個飯好甜唔岩我T_T"
番到去收到朱天樂同Hong送既兩盒百力滋...笑死笑死...
點解唔係送甘大枝而送百力滋？原因係甘大枝唔好味XD！
第一年有人會送百加滋，而且估唔到你地兩個會送，又驚又喜。
最後放學英文補課要作文，搞到6點先走/口\好可憐！
多謝今日每一個同我講過生日快樂既同學仔朋友仔，每一句我聽到都好開心。

番到屋企收到一封意料之外既生日卡，原來係小學同學寄黎，仲要好耐冇聯絡既阿ying。
睇到入面既內容時，就諗番起好多小學既回憶。好掛住小學班好友，會考完定要約出黎聚下。
夜晚同屋企人去左寶田打邊爐，食左好味既三文魚魚生，簡單的一餐也可好滿足。
第一次試左芝士丸...入面充滿軟心芝士=''=唔岩我口味，好難食T_T"
番到屋企，收到兩位人兄既SMS，望到唔成close左個SMS。
多謝Winki，中五呢年大家都好忙，感覺上好似冇之前咁Fd，但你永遠都係我最好既朋友。
多謝浩然，想不到你咁忙仲記得我生日。雖只係簡單一句生日快樂，但好滿足，So miss you。
食埋一個超多Cream既生日蛋糕，呢一日就完結了。


感謝神！十五歲呢一句，我過得好開心，好豐盛。I LOVE GESUS...I LOVE MY GOD...
縱使當中我有低潮，我有離開你既時候，但你沒有捨棄我。
我知你永遠在我左右，你永不離棄我，你永遠也愛我。
我知道你對我的心意，我會捉緊你的應許，不再放手了。
而你更讓我係生日前，經歷到傳福音，令一個人信主係一年多喜樂既事。
當為未信者決志既時候，原來係一件好感動既事。
我終於明白點解以前決志既時候，大妹妹會感動到喊，而且天上既天使都開緊Party慶祝。



>>December 1, 2007 at 3:50:20 PM GMT+8

2007 年 11 月 28 日 星期三 【乍雨乍晴】

Happy Birthday To Me =]

>>November 28, 2007 at 4:00:53 PM GMT+8

2007 年 11 月 26 日 星期一 【颳風】

等候耶和華

少有的與阿聲分享經文，時候雖短，卻令我反思了很多。

「你們暫且等候，我可以去聽耶和華指著你們是怎樣吩咐的。(民 9:8下)」
「求你以你的真理引導我，教訓我，因為你是救我的神。我終日等候你。(詩 25:5)」
「要等候耶和華！當壯膽，堅固你的心！我再說，要等候耶和華！(詩 27:14)」

日記後補。

生日倒數餘下：2日

>>November 27, 2007 at 10:56:43 AM GMT+8

2007 年 11 月 25 日 星期日 【微冷】

福言雋語

意想不到的節目，感謝神把這個節目放左一個合家歡的時間。
「福言雋語」應該係每日7:30p.m係無線播的，係Tvb既藝人既見語。
今日係第一日播，第一句說話就打出：
「僅因我是葛培理的兒子並不保証我能夠上天堂。」 By國際知名佈道家：葛福臨
依家好期待每一晚可以睇到呢個節目，願更多人都可以因呢個節目有得著。

註：香港葛福臨佈道大會將於29/11-2/12舉行，好想你與我一同參與。
倒數生日餘下：3日

要學習每一朝對耶穌說聲早，更要學習每天作一個開始禱告，把新一天交上給主。
「耶和華啊，早晨你必聽我的聲音，早晨我必向你陳明我的心意，並要警醒。(詩5:3)」

>>November 27, 2007 at 10:44:14 AM GMT+8

2007 年 11 月 24 日 星期六 【颳風】

百週年慶典聯合崇拜

於我有生之年，應該都沒有第二次百週年。
今日係為左慶祝香港五旬節聖潔會來港一百週年既聯合崇拜...
唔單單係五旬節聖潔會14間堂會，更係海外既宣教士，牧師等都黎到參與。
我地小組係青年人，所以去左五旬節永光書院參加崇拜。雖然係直播，但氣氛仍很興奮。
比平日的崇拜多了禮儀，但我唔係太覺得悶。雖然過程中有d烚眼訓，不過已經盡量整醒自己。
每一次既敬拜時間，唱每一首詩歌都唔會好多次，所以即使未聽過唔識唱，都試左先。
感謝神！平時要聽幾次先識識地點唱，今日未聽個心就好似充滿住首歌既Melody=]
講道令我好深刻，整個講道唔俾自己訓著，但確實內容就好難詳打出黎。
深刻既係牧師提醒左我地每一個要將自己個心變成聖殿讓聖靈居於裡面。
而且亦令我諗起上帝有d野要我做，將來要做d咩我唔知，但我知呢一刻要做d咩。
要快手快腳同神建立番起初既關係，現實生活越黎越忙，就越黎越少搵神。
漸漸連一個清心祈禱既時候都冇，唔可以俾自己再搵藉口「走佬」唔搵神了。

生日倒數餘下：4日

>>November 27, 2007 at 10:52:57 AM GMT+8

2007 年 11 月 23 日 星期五 【颳風】

兩個驚喜


終於停左學琴，暫時唔洗再勁早起身出去葵芳學琴Lu。
下午番小組，好似比平時冷清左，小琳呀依君呀芝芝呀等快d番黎啦！
破冰笑死左，好彩我地小組全女班，如果唔係玩呢種要攬身攬頸既遊戲就唔得Lu。
敬拜辛苦了Fafa！原本都冇諗過要跳舞，點知你手舞足動咁興奮，唔搵你都唔得啦！
跳完唱完一首詩歌...老啦！我地咁快就喘氣，搞到花左d時間先唱得順番。
分享既時候，講到每人係教會既角色...好記得以前第一次帶敬拜...就係超驚。
既驚帶得好亂，又驚唱到走晒音，幸好組員唔介意。試多幾次，已經越帶越正常。

完組既時候，見到Fafa同LingLing打晒眼色，知咩事啦XD
照樣好正常咁祈3X3禱告，讀完篇文禱都未祈，生日蛋糕就被搬到我眼前。
雖然係咁，但仍然好驚喜。畢竟距離我生日仲有成5日，咁早慶祝好似怪怪地。
所以都冇諗係今日會有生日蛋糕食，多謝各位天作之組既組員。
更加要多謝客串區瑞強一角既以抵，以結他伴奏唱生日歌。
亦要多謝大妹妹今年可以趕到黎為我慶祝，多謝晒咁多位。
收到Fafa送既月曆+CD，我好鍾意=]好期待2008年俾我畫花個月曆。
朱古力慕絲蛋糕，有少少苦，不過好好味。
可惜既係，今年唔可以同27號生日既阿蓉+同一日生日既依君一齊慶祝。


接著，夜晚屋企得我一個人果ja！爬爬打黎，有禮物收=]
雀躍咁等趕佢同Zoe由旺角番黎良景，好興奮！！！
收到一份冇諗過既生日禮物，就係小池徹平寫真集XD
多謝爬爬~Zoe~Allison~Kathy~TB Ling。

2007 年 11 月 22 日 星期四 【微冷】

愛．回家

上年取消左既福音週，今年終於出現番，太好啦！=]
第一日就有週會，睇「愛．回家」+咖哩見證。
未睇之先，試唱詩歌...第一首好似係叫「萬王之王」，第二首係「愛裡重圓」。
自從前年福音營唱完之後，都好似冇唱再過「愛裡重圓」，今日唱番，感受大有不同。
而且依家，唔再介意係學校唱，身邊d同學會唔會覺得好難聽，或者會覺得尷尬。
因為敬拜對象，係神而唔係人。何況可以在係學校敬拜既時間唔多了...
睇「愛．回家」既時候，眼淚就自自然流下。一路睇，一路就諗番好多好多感恩既事。
對於我黎講，唔係因為身同感受，而係覺得自己係呢個家庭好幸福。
而且神俾左好多祝福呢個家庭，由信主至今都未受過好多由家庭來既逼迫。
到咖哩既見證，係相中，係見證中，睇到好多神既祝福。希望佢既見證感動到同學。
最後阿珊講了一段說話，閉了一陣眼，叫我地諗番d野(註：我真係唔記得佢要我地諗d咩=0=)
不過係閉目既時候，我諗番神由我入黎呂明才既一刻至今，每一日都充滿恩典。
邊作感恩禱告，眼淚就邊流下......差d收唔到聲。

感謝神。今日既週會唔單單感動左我，更感動左好多呂明才既同學。
一d平時心剛硬既，都俾聖靈觸動了。希望呢次福音週，可以帶更多同學信主。
下星期，老師有任務俾團契既新舊職員...就係兩個兩個作校裡遍傳...
唔單止同自己班，自己級，還要同唔同級。=''=好驚...未試過校裡遍傳...Pray For Me。

P.S倒數生日：6日！

>>November 26, 2007 at 8:22:22 AM GMT+8

2007 年 11 月 22 日 星期四 【微冷】

可以發自內心的微笑的照片

一些平時較少一齊拍照，較少於拍照時微笑的同學......
今天竟不同了，他們的笑容是真心的，是難能可貴的。
好感動，雖然缺少了班主任，缺少了部分同學，但這張照片卻很珍貴。


一班臉上掛有真實笑容的傻人，舉著謝Sir沒有教過的「費林明左右手定則」。

混亂啦！到底是「費林明左右手定則」？還是謝Sir所教的「右手定則」？

雖然跑班際接力有4人，可惜少了雞翼。我要記住他們如何用心跑完班際接力。

>>November 23, 2007 at 2:08:20 PM GMT+8

2007 年 11 月 21 日 星期三 【微冷】

還是爛Gag適合5S1

驚訝！中五開學至今...不！是中四開學至今班主任時間可以如此寧靜。
今日早讀之後，唔知係唔係兩位班主任特登提早少少完，俾多d時間自己訓話。
一早就俾佢地鬧我地個壁報點解咁耐都未整好，又係鬧...又係對我地既不滿。
由始至終，佢地只係覺得我地用d時間黎打機，黎玩，黎Hea......
我真係想講，我地有讀書，有做功課，有做正經事。
可能未必功課可以交足，成績好好，但未至於咁浪費時間。
仲要依家差唔多日日都要補課，Lunch食得飯都唔夠時間整Board啦！
唔知係唔係同學一早俾佢地鬧，而且Sports Day又對佢地不滿...實行沉默。
氣氛怪得很，或許班主任完全冇發覺，係佢地冇係我地既角度出發去諗野？
但一上其他堂，爛Gag再次出現番係5S1，我都係鍾意呢種氣氛多d。

放學我要英文補課，作兩篇文。我都拿拿聲作，想盡量上去幫Lok手...
點知作完正當行樓梯上番課室既時候，見到Lawrence，佢就用好惡既語氣：上去幫手盡board。
我真係想鬧佢有冇禮拜架？你係班主住就可以用呢種態度呢種語氣同學生講聲架啦？
我又唔係唔上去整，我都衝上去啦！洗唔洗咁講野呀？
跟住又話個Board整得唔靚，咁叻你上去整啦=''=咩都Band...煩呀！

>>November 23, 2007 at 12:51:52 PM GMT+8

2007 年 11 月 20 日 星期二 【微冷】

一場精彩的接力賽

再次看到中五中七接力賽的片段，不期然落下幾滴淚。
看見自己班，一直跑在最後，也沒有氣餒，腳步也沒有停下來。
他們本著體育精神，盡全力跑完全程。
當別的班已衝過終點，其他同學上前擁抱他們時...
我們5S1沒有遺下跑最後一棒的同學，在人群中尋找他。
盡管輸了，但這仍是一場深刻的，精彩的接力賽。



註：由鄧Sir錄影

>>November 21, 2007 at 9:09:10 AM GMT+8