2008 年 3 月 2 日 星期日 【微冷】

Mock Exam：A.Maths

兩個半鐘既A.Maths= ="好漫長，仲有好悶的。
尋晚溫書...微分..積分..向量..絕對值..坐標幾何...立體圖=口=
點解兩年會教左咁多科架？好似溫極都溫唔完咁......
到今日考果陣，第一次感覺兩個半鐘，係唔夠用的XD
今次條數學歸納法-口-都唔同平時常出果款既......跟住向量甲部識做=v=Yeah！
到乙部...向量果條，大飛俾過我地做= =尋晚我都有溫，不過因為睇唔明答案要冇溫晒...
唉！今日做，又係去到睇唔明答案果Part做唔到！不過都有1/3題做到既......
至於其他乙部既問題，連試下計...都難左d！110分滿分，44分合格...對我黎講有點困難。

>>March 6, 2008 at 8:41:49 AM GMT+8

2008 年 2 月 29 日 星期五 【微冷】

體貼人心的小組

遲了起身，又忘了今日是我帶祈禱會...對不起呢/口\下次我會警醒自己=]
今日收到Fafa送既CD「團契遊樂園7--新一天，新的開始」......
我只係提過一次，你就送俾我...我好開心=]不過好像有點要你破費......有點唔好意思。
至於Ome，送左一本Black Jack既Notebook俾我，正好俾我做講道筆記。
還有好鍾意阿Ling係我每次番小組既時候，都會幫我按摩。
一星期既疲勞，讀書耐了使肩膊痛了，阿Ling既溫柔按摩，的確為我感到一陣陣暖意+舒適感。

今日小組分享，講左好多個不！我諗到依家為止，真係想「不！浪費時間」「不！憂慮」
「不！浪費時間」好岩自己！溫書過程中，少不免會係屋企以休息作理由而Hea...
「不！憂慮」雖然依家改善左好多，不過好多時都會憂慮未溫完書...考完唔理想...
要努力改改呢d不！要你自己既生活更加充實，更加豐盛。


Fafa所講(左起)：剪左冬菇頭既蘿蔔，剪左洋蔥頭既西柚，帶左安全帽既西瓜仔...好爛= =''

富有藝術氣息既封面：「團契遊樂園7：新的一天，新的開始」

Black Jack...雖然你有d疤痕係塊臉到，不過...仍然係咁型！

>>March 4, 2008 at 4:29:31 PM GMT+8

2008 年 2 月 26 日 星期二 【微冷】

27/2 Mock Exam：Chem(I)+(II)

Chem，咁多科之中，最唔掂，最覺得悶既一科......
不過最後一次係學校考Chem，為左唔好對唔住伍Sir既教導，仍努力去溫XD
卷一，比想像中易，不過唔代表我好多都識做XD只係今次，好努力去寫，唔識都試下。
最開心係乙部最後果條有一部分問肥皂點樣清除衣物上既污漬，雖然未必中晒Point...不過答得好high！
至於MC卷，仍舊那壞習慣...一到MC，唔洗寫字，我就會烚眼訓=口=
係就係夠時間做，不過有點浪費既感覺，而且唔太可以集中精神。
希望今次最後一份Chem卷，可以令伍Sir得到一點安慰= =''只要有少少進步便可....

28/2 Mock Exam：中文(卷三)聆聽+(卷五)綜合能力

咁多科，還是好著意於中文既成績...今日考完，ok唔開心/口\
先係聆聽，尚算ok！只係中斷有一大段對話要不斷記低d point再答條長問題.....有點難。
至於卷五，失敗了/口\平時既我可以發揮水準T_T點解今日會咁呢？
不但冇拓展...而且格式又錯。我真係唔明...寫一篇稿寄去報社...點解唔可以用書信格式...
唔通唔話俾報社知係邊個人寫？我有加標題都唔得？
唉！中文煩就煩在...實用文點解要分咁多款格式？想記死我咩T口T！今次卷五，作一次教訓。

>>March 4, 2008 at 4:11:02 PM GMT+8

2008 年 2 月 24 日 星期日 【微冷】

25/2 Mock Exam：Maths(I)+(II)

Maths卷一...完全失準的說。連最基本的水準...也不能發揮=口=
唉！絕對誤差...線性規劃...點解？點解明明我應該做到，都做唔到呢？
看來，真係要認真做多d pastpaper，做多d練習...大飛\口/我話過我Maths HKCEE會拎到C既...
雖然好難=v=不過又唔係100%冇望既，唯有遲d將勤補拙，做多d證明圓啦~線性啦~
至於Maths既MC卷...感覺上比LQ易，不過考完之後同Friend對下答案= =好似越講越錯得多...

26/2 Mock Exam：Eng(II)Listening

16年既人生=口=11年既讀書生涯=口=都未試過做一份咁難既Listening！
段錄音...講野又快...又唔清楚...做每一個Task...聽左一半都唔知應該寫咩答案=口=''
Task1+3...大部分答案都聽唔到，唯有亂寫=v=博拎到少少分。
至於Task4...唉！由於聽唔到既關係，搞到Task5+Task6寫文既題目...好多point都寫唔到！
這份難過會考卷的Listening，If合格了，便應感恩=v=''If不合格了，不應過份責備自己。

>>March 4, 2008 at 3:53:03 PM GMT+8

2008 年 2 月 22 日 星期五 【微冷】

親愛的美人：Happy birthday！

原本補打呢篇日記果陣，諗住打得詳細D，打到1/3之後..還是重新打過。
因為過左成個禮拜，當中有d內容唔太記得..所以還是打當中最深刻既兩件事吧！
首先，今日分享時間先講Edison Chan事件......這次事件，是一次對基督徒們好的提醒。
之後為自己寫左兩張立志既紙，一張係立志唔用懶做藉口唔同神相交，一張係立志不屢犯同類既罪。
既然寫下左，就要負責任，唔可以再寫完就算，要常常警醒自己。

第二件係今日美人生日，生日既人果然唔同d！
今日佢講多左，分享多左，笑多左，成個人都唔同左=]
為美人慶祝生日既時候，小琳為佢+蛋糕所祈既禱，認真特別。
看來小琳可以每次專為生日既人祈禱=v=
而且今日美人主動擁抱我，嘩！好感動呀TvT你既主動，足以打動我。
單單一個擁抱，已感受到你對我既支持=]~~I LOVE YOU！


>>February 29, 2008 at 3:47:16 PM GMT+8

2008 年 2 月 21 日 星期四 【颳風】

21/2 Mock Exam：Physics(1)+(2)

又是物理/口\尋日係學校努力溫書，最後都成2點半先勉強溫完一次。
考LQ先，很多很多野要寫= =但係計數既題目佔好少部分...
有條問題有關透鏡...唔知咩用枝試管去望個燈=''=成條問題都睇唔明佢問咩。
算吧！總之今次唔會太多題空左已經算係進步左Lu~~
之後MC卷，感覺唔太似會考卷，好少力學計數題...同埋好多理論題T_T"
做完之後覺得份卷同謝Sir俾我地做果d練習個形式有點似，希望可以岩過半數啦！

22/2 Mock Exam：宗教(甲)+(乙)

從未試過成班...得4個人要番學校考試= =''仲要個個見到都用d奇怪眼光望住。
d老師見到就問其他人呢？退修左宗教科啦...0v0排隊好耐都冇企過第一個位...
上到禮堂，唉！點解d人會咁驚訝可以帶聖經入去考試呢？仲要覺得Open Book會好易考...
真係想講，你拎住本聖經，考果陣你冇可能好輕易去搵到你要既經文lor！
而且考試咁緊張，你個頭腦都唔會咁清醒知搵邊章邊節經文最好lor......= =好多奇異眼光。
以前都係用把口簡單答會考d問題，但第一次用手寫...先知原來一d都唔簡單。
甲部考舊約既背景啦~耶穌既歷史啦T_T"難到阿媽都唔忍得啦......
有題問點解有會有羅馬兵駐守係巴基斯坦= =我完全唔知lor......事後講番，原來F.1/2基教堂講過/口\
到乙部日常應用題，都ok啦！不過唔太夠時間做。1個鐘做兩條= =我用左40分鐘做一條...唉！

Lunch莫Sir話不如對卷lor=口=又係一樣，未試過考完試即日現在對卷。
先對乙部既一題，好彩都有15/20，不過莫Sir問Band1既學生好易拎到滿分。
睇黎遲d要努力做多d會考題先得=v=''但係讀完R.E，真係對信仰認識多左=]

我本專用黎考會考既聖經XD

>>February 29, 2008 at 3:16:18 PM GMT+8

2008 年 2 月 19 日 星期二 【微冷】

Mock Exam：Eng(1A)+(1B)

英文可以溫d咩...當然係Wilson Cheung既Setence Patterns啦XD
今日先考Reading...一個鐘做三篇，還算ok...起碼都勉強做得切。
不過明明第一篇應該係最容易=口=但我就覺得係最難...d問題有d都唔知佢想問咩。
今次終於夠時間做Lq=V=雖然就未必答得岩晒，不過唔洗連分都拎唔到少少Lu。
但係成份卷都係講電影，已經心知不妙=''=肯定作文都一樣係有關電影...

考Writing果陣，一check卷，bingo！俾我估中左~~
第一Part係繼影一篇電影簡介，類似劫後餘生既劇情=口=竟然佢俾既四格圖畫入面..出現直昇機..
直昇機既英文，到底有幾多人可以串岩呢？我識讀，但真係拚唔到個字出黎。
所以最後扮傻，將直昇機當為飛機=v=都係飛行工具J...我諗唔會太大問題既XD
之後第二Part長文有兩條問題選擇，第一條係「有人認為係戲院睇戲好過係屋企睇，你同意嗎？」
第二條係寫一篇類似簡介+感想文，有關最近自己睇過既一套戲。
根本就冇得選擇=''=我點可能輕易用英文寫到一套戲既簡介ar...所以放棄左！
唯有寫第一條...我話唔同意，因為可以every time係屋企睇戲，又可以租碟睇，會平d......
仲可以坐係梳化舒舒服服睇戲，而且起身去廁所唔洗驚影響到其他人...
我已經盡量寫得簡單d...免得俾Ms Chan話我grammar錯到七彩=V=

12點放學，同Winki Lunch完，之後一齊番學校溫書...
冇法子啦/口\聽日考Phy！仲有好多好多野要記Tim！
不過要多謝Gigi，你教我點樣用隻右手去做電磁學既問題...真係好有用。
呢排同Winki一齊係學校溫書，感覺唔錯。因為我訓著，佢會叫醒我....
有唔識既，一齊研究...而且大家又唔會不斷同對方傾計，可以較為專心溫書。
最緊要係=v=係學校溫書冇「床」去誘惑我Sleeping！
呢兩日係學校溫書之前，都開始讀經計劃=]開始讀加拉太書...
雖然有少少地方唔明，不過大致都睇得明......
不過為了唔影響別人專心溫書，所以只可將敬拜留在心裡，不過仍能專心唱唱唱~~

Oh！終於拎到鋼鍊既愛德華Q版鎖匙扣=v=好可愛呢！


>>February 29, 2008 at 2:43:38 PM GMT+8

2008 年 2 月 18 日 星期一 【乍雨乍晴】

Mock Exam：中文卷一+卷二

整個Mock，最想...最想中文可以拎到理想分數。唔單止係Mock..會考也一樣。
第一日考Mock，就係中文閱讀理解+作文，不過臨時可以係課室，冇咁大壓力。
閱讀理解有一篇文言文+兩篇白話文，分別係「神龜」，唔好輕視粵語同埋有關報紙既文章。
「神龜」呢篇文言文，又唔屬於過難，不過考完之後好想知道隻龜最後有冇俾個宋王放走...
至於篇唔好輕視粵語呢篇白話文...都ok難，唔係篇野難理解，係d問題諗唔到點答。

到卷二作文...有三條題目：
1)對於有團體反對用小動物作實驗，有咩睇法？
2)報紙
3)離別的一刻

以前如果見到題一，好大機會會選呢條...不過中四開始實在寫得太少議論文...冇咩信心寫得好。
跟住題三，擺明係要寫抒情記敘文啦...都曾經有試過寫大綱......
不過對於究竟要寫離開果個人定送人走果個...企左係十字路口，怕離題，最後都放棄左。
最後決定左寫題二，足足用左半個鐘黎選題+寫大綱=口=我都知過份左~差d唔夠時間寫完整篇文章。

篇「報紙」，我寫為報紙的自述。寫我係報紙，由一張紙變為一份報紙...。
由係印刷廠受盡皮肉之苦，將一字一畫印係我身上。跟住再送到去小報攤，用可憐眼光祈求有人買我走。
跟住俾個男人買走左之後又唔理我自顧工作，我就發出無限怨氣，差d勁到佢都feel到。
點知食飯果陣個男人先拎我出黎睇，原來佢工作時工作，唔會做私人野。
俾佢雙眼望住我身軀(即睇報紙)，心底裡怕羞起來=口=''最後以為佢會好好keep住我...
點知都係逃唔過報紙既命運，俾人拋去廢紙回收箱，不過我覺得好光榮，因為有人咁細心閱讀我。

就係一篇咁既文書=口=d同學話篇野得我先會諗得出...我都唔知點解會寫到人地睇報紙我會覺得怕羞...
唉！希望Miss改文...唔好邊睇邊話篇野咁無聊啦！希望唔會離題啦/口\

>>February 23, 2008 at 3:56:14 PM GMT+8

2008 年 2 月 16 日 星期六 【颳風】

常與主ONLINE

尋晚夜訓=口=朝早差d唔知醒番教會做守望。
久違既守望，感覺良好=]。分享過後，便作敬拜禱告。
當中有Part安靜思考既時間，見到一個景況，難以想像可以實現係現實中。
個景況係...係一個好大既地方，一大群年青人一齊舉手敬拜，台上既帶領者都係年青人。
仲要當中見到有d人係我意想不到，冇諗過佢地會一齊敬拜既人。
之後同大妹妹去講番，佢叫我再細心d再諗下。跟住係崇拜入面既敬拜當中...
見到另一幅圖畫，係呂明才入面，成個Hall入面既每一個學生，都再冇人係敬拜中烚眼訓，個個都好投入。
不過果陣我知道今年都應該唔會再有咩機會係Hall有宗教活動，所以真係好想去到團契個Camp..
好想就係果小部份既人可以真係認識上帝，真係會投入敬拜當中。

之後，今日既講道，冇烚眼訓=v=太好了！尋晚3點訓...今朝8點起身，可以冇訓著。
今日講者係朱生，題目好岩呢排既我，就係「我的選擇」。
呢一日好想寫低講道既內容，點知一寫，足足用左好成張A4紙0v0''
最提醒到我既係，要常常與神在線(Online)，唔好靈修完小組完讀經完祈禱完，就同神講Bye！
之後就整日都再冇搵神，要無時無刻都要與神同在，這樣先可以聽到神對我地講既說話。
而且今日既講道神亦俾我知道將時間奉獻俾神，絕對唔係浪費左自己既時間。
下星期既Mock，要實踐到溫習前讀經，將心思意念都先交俾神。
另外，亦都祈緊禱，問神我可以搵邊一個同性既同行者同我一齊係會考過程中進行讀經計劃。
今日好開心Meimei都有番教會=]雖然係學校日日見到你，不過教會見到你，另一種感受。
每次可以同佢傾計，都會好感恩。因為由一開始同佢唔熟，甚至有誤解......
直到依家可以有傾有講，全因主在我地之間作工，不單同佢，同家燕也是。
講道結論：選擇神，選擇生命。

夜晚同Fafa&大妹妹分享整日既得著，多謝你地聽我分享，多謝你地支持我=]
有你地作我既組長+守望者，有你地支持我整個會考，我好幸福。
傾傾下，突然係到諗，神對我既計劃，真係超出我所想。
以前係到諗點解神唔俾我個心可以勤力多一點，咁我就唔洗成日懶而唔靈修唔祈禱...
而且以前亦會介意點解開始做左咁耐靈修，都仲係福音書呢...慢得很。
但呢種介意又推動唔到我去下定決心靈修WO...咁點解又要令我有呢種介意感覺呢？
不過依家神先開始令我去改變，未嘗唔係件好事。
係艱難既會考，係忙碌既日子，學習將時間奉獻俾神，我諗應該會更提醒到自己。

另外，今日亦收到尋日組員為我祈完禱後，寫俾我既Support，多謝你們=]
「惟喜愛耶和華的律法，晝夜思想，這人便為有福！(詩 1:2)」



>>February 22, 2008 at 3:35:43 PM GMT+8

2008 年 2 月 15 日 星期五 【颳風】

你的恩典真美好

今日暖番好多，太好啦！咁對腳就唔洗驚又凍傷過！
下午番小組，祈禱會今次好深刻。雖然比平時長左，但睇得出Joey好用心去預備。
由認罪，感恩，再去定立屬靈目標，整個過程令我思考左好多野。
唔係阿Fa話我知，我都冇咩印象講過呢句說話：
「因著神的恩典, 令到我冇辦法停留唔成長」話唔定聖靈感動我去祈禱，所以印象唔深=v=
接著破冰玩「九唔八搭」，笑死左！雖然知道d答案同問題冇關係...但聽到都忍唔住笑出黎。
例如你沖緊涼果陣突然有個人拉開浴簾望住你，你會點？Fafa答佢會先「菊」躬，然後講多謝。
敬拜雖然有一點亂，不過好欣賞當中阿Ling小琳仲有美人努力嘗試開聲祈禱，踏出了好既一步。
之後小組一齊相討「700天環遊聖經」活動既口號...可惜！冇人選我果個-v-''可能太爛啦...
今日仲收到Joey+Fafa係泰國買番黎既手信=]好靚！我好鍾意！多謝你地。

因為要去拜年，所以提早走人。但係走之前，多謝組員們為我考Mock去祈禱。
依家好鍾意聽到阿Ling小琳美人你地既禱告，因為好單純簡潔，聽落去好舒服，好有power。
感謝神俾我係最辛苦既時刻，有你地一班組員既支持。
雖然每次番到黎都好倦，但帶住疲乏的身軀黎到，卻帶住精神包滿的身軀離開。

「他對我說：「我的恩典彀你用的，因為我的能力是在人的軟弱上顯得完全。」
所以，我更喜歡誇自己的軟弱，好叫基督的能力覆庇我。(林後 12:9)」

【你的恩典夠用】

你的恩典每天夠我用，縱有困難也不會逃避。
有你與我一起，我還懼怕甚麼，賜我勇氣去改變自己。
啊……耶穌！耶穌！耶穌！奉獻一生皆因最愛是你，
為了你，我願將一切拋棄，耶穌！為要得著你！
（我已決定，我一生最愛是你。）


雞翼+Fafa+Joey之泰國手信

之後去左舅父屋企同我阿婆果邊既親戚拜年，還是同一班表兄弟姊妹玩開心=]
一齊打Wii，雖然玩埋d幾無聊下既Game，但卻成為一樣減壓既玩意。
因為未食Lunch，所以係舅父屋企食左好多野=口=沙嗲/香芽/蜜糖味雞翼，黑椒牛仔骨。
跟住又有Aunt整既藍梅+草莓芝士蛋糕>v<超棒！今晚肯定肥左好多。
仲有婆婆煲既足料花膠魚翅鮑魚雞湯，夠晒昂貴=v=''好味道...不過食得太飽，晚飯食少左。
呢排覺得太少時間同婆婆相處，所以考完會考要多d出去同下佢飲茶食飯先。

超好味既藍梅x草莓芝士蛋糕

>>February 18, 2008 at 10:23:42 AM GMT+8