2007 年 12 月 23 日 星期日 【乍雨乍晴】

半個香港一日遊 x 聖誕攤位記

時間問題，只可以簡單咁補打呢篇日記。
今日同雞翼遊左半個香港...想買既外套，都係買唔到，唉！
第一次一日去足四個大型商場：Apm>>德福>>又一城>>朗豪坊
最深刻係德福，都唔知幾耐冇去過，仲要成個商場都充滿Disney人物。
可惜雞翼呢一日身體不適，行得唔夠盡興。
外套買唔到，最後只係花錢係無印良品+食飯+車費=''=

夜晚去左悅湖幫教會搞攤位，以前細個就成日幫親戚搞攤位，不過中學之後就冇lu。
今晚，真係好倦=''=d細路排完再排，人龍唔係因為要結束都唔會停。
不過好開心，雖然個遊戲真係半分鐘可以玩完，但都見到d細路好開心。
至於中段既遍傳，雖然冇咩點派到單張，講唔到福音，不過都係個好機會俾我練多d。
多謝美人今日餵我食野，多謝Fafa既聖誕禮物，多謝Ome等等。





>>January 8, 2008 at 11:10:16 AM GMT+8

2007 年 12 月 22 日 星期六 【微冷】

きみにしか聞こえない「只有你聽見」


今日睇左一套令我留下深刻印象既日影「只有你聽見」。
雖然故事內容有少少平淡，不過就係咁，先令我諗左好多野。
首主題曲，一聽聽上癮，由Dreams Come ture(美夢成真)唱，歌名同戲名一樣。
唔放係日記，總係覺得唔安心XD對唔住啦小池徹平+Wentz...我要暫時將日記既歌轉左去啦！

「只有你聽見」◎簡介

相原涼（成海璃子飾）是一個普通女高中生，她和爸爸、媽媽、妹妹一起生活在橫濱的高台。阿菱性格內向，沒有朋友。班裡的同學們都有手機，阿菱一直渴望著自己也能有一台。一天，她在公園裡撿到一個玩具手機，覺得好玩就留了下來。第二天，阿菱在學校的保健室裡休息，玩具手機竟突然響了起來。她慌慌張張地按下了接聽鍵，裡面傳來一個年輕男子的聲音。於是，阿菱認識了慎也（小出惠介飾）。

慎也和祖母一起生活在長野，剛剛高中畢業，目前在廢品回收公司工作。通過「手機」，阿菱和慎也聊了很多事情。阿菱告訴他，自己一說話就會緊張，總是遭人嘲笑，所以一直不敢開口，結果退化得不會說話了。慎也溫柔地安慰阿菱。「手機」通話讓孤獨的兩個人漸漸走近，漸漸改變。在慎也的鼓勵下，阿菱變得開朗起來，她在語文課上的朗讀獲得了老師的表揚，還重新開始彈起了鋼琴。慎也也越來越多地露出笑容。

週末，慎也要來東京，阿菱和他約好在車站碰頭。阿菱非常興奮，終於可以和慎也面對面的交談了！然而，等待著她的卻是意想不到的事實……

「只有你聽見」◎影片相關

本片改編自乙一的短篇小說《CALLING YOU》。乙一是當今日本最走紅的通俗小說家之一，他起初主要從事輕小說的創作。1996年，年僅17歲的乙一憑借處女作《夏天與煙火與我的屍體》奪得了集英社JUMP小說大獎。2003年，他又以《哥特割腕事件》摘得正統懸疑大獎，由此在輕小說之外的領域也獲得了承認。乙一的小說主要針對低齡讀者，從文風到結構都特別注重娛樂性，然而就在這些小點心式的「淺顯」作品中，卻往往能發現反映時代特徵的敏銳火花。《CALLING YOU》是乙一的輕小說代表作，該作品以手機為切入點描繪了一名高中女生的內心世界，精心組構的懸疑和幻想的元素令看似無奇的故事變得相當引人入勝。

擔綱將這部作品搬上銀幕的是新銳導演荻島達也。荻島現年35歲。他曾在堤幸彥、羽住英一郎等名導身邊參與電視劇的拍攝工作，另外，在電影方面，他在去年的純愛作品《只是愛著你》中擔任了副導演。荻島在影視兩個領域都很有經驗。本片是荻島執導的第一部電影。

電影版對原作做了不少改動。影片開篇女主人公撿到玩具手機的情節就是新增的。這樣的安排雖然消解了故事前半段原有的懸疑氣氛，卻令情節的發展更為自然。此外，男主角為失聰者這一設定也是電影版的創新，這為影片帶來了一個富有戲劇性又著實打動人心的大高潮。甚至連原作者乙一也大讚電影的某些改編比小說更為成功。

作為一部純愛系的電影，片中並沒有催淚煽情的場面，看似平淡的劇情以恰到好處地平緩速率向前推進，洋溢著質樸清新的氣息。影片的畫面不時採用黑白色調，並十分注重對光線的捕捉和表現，使得整個故事呈現出一種細膩的美感。

而手機這一關鍵道具也隱喻著相當豐富的內容。
從中折射出現代信息社會的異化、現代人交流能力的實際退化等種種深刻的問題。

>>December 26, 2007 at 4:48:41 PM GMT+8

2007 年 12 月 21 日 星期五 【颳風】

聖誕節慶典：禮物派對


在此，我要先向Ome講聲對唔住！真係100%不好意思！
因為自己疲累既關係，同你傾破冰既時候，向你發了點脾氣。
最後同Fafa臨急抱佛腳傾好個遊戲，幸好趕得切。

下午番到教會，=''=個個都好忙碌中，包括我自己。
預備一陣我帶既Check point「耶穌出世一遊」要用既物資周圍走。
搞掂五成，停下來，來個簡單祈禱會，將一切所需的交俾神。
之後繼續忙碌，接埋雞翼+Micmic再上番教會忙忙忙。
好彩最後都趕得切，如果唔係都唔知點配lu！
感謝神！今日雞翼啦Micmic啦仲有家燕啦都有番黎！特別係家燕，I MISS YOU SO MUCH！
開始破冰，先黎美人帶既「麻鷹搶禮物」，好恐怖=''=因為大家都玩得好投入XD
之後到我既「耶穌出世一遊」，感謝Joey係我簡介耶穌點出世既時候配合我既動作。
「由n個東方博士見到星星>>佢地去搵希律王>>再跟住d星星搵耶穌>>
跟住見到間屋>>再見到馬槽而搵到耶穌>>最後送左黃金乳香沒藥俾耶穌>>The End」
以呢幾個片段黎做成個check point的主題，雖然因為我準備時間短既關係，而有少少亂。
但見到組員+新朋友玩得咁投入，咩都抵番晒！呵呵呵！
之前好驚帶破冰，特別要係呢d慶典帶。雖然依家帶左，不過還是有點怕，因為我怕去諗=''=
最後到Ome既「禮物Catwalk」，笑死我...將柔柔搞到成個頭亂晒，唔好意思。
欣賞Micmic+雞翼+柔柔唔怕羞，咁投入去做model，太好了。

完晒3個破冰，黎一個搞笑敬拜。好耐冇試過同家燕一齊敬拜，好開心。
不斷唱，不斷笑住黎對住組員唱，只係一d簡單既歌都可以好投入。
接著到交換禮物時間x分享時間，對唔住阿Ling呢！
因為冇咩時間唔可以花心思選一份禮物俾你，望你唔好介意唷！
抽到美人既三眼仔杯，好靚=''=不過隻杯好多公仔，我怕飲水果陣kiss到佢地XD
今日只係一個好簡單既信息想帶出，就係耶穌黎到世界係一件珍貴既禮物。
的確可以信到主，可以係我處於迷茫既時候，有主有弟兄姊妹有不同既經文支持我，感謝神！
最後小食會，阿Ling整既朱古力真係超好味=]仲有fafa既迷仔瑞士雞翼+Ome既蜜糖丸都好好食。
影左好多好多相，好多好多燦爛既笑容，好多好多搞笑既動作就散Band了。

P.S其實我一個星期唔係日日打日記，但有時一打就打咁長...有冇人真係花心思去逐隻字睇呢？
我打咁詳細，係因我懶手寫日記，既然有呢個日記版，我想將來睇番可知我果日發生過咩事。
雖然有d內容真係幾無聊下，可能睇緊我日記既「你」會睇到訓著，不過唔緊要=]。



>>December 26, 2007 at 4:33:17 PM GMT+8

2007 年 12 月 19 日 星期三 【微冷】

2007-2008社際及班際歌唱比賽 X 聖誕聯歡會
我深信即使將要離別，我們也不會做不回知己。

兩星期啦！兩星期冇得出街食物真係想死=''=
差唔多日日食添活力，上年食到腸胃炎，感恩...今年身體健康XD
日日練歌練到我有想入青山既感覺，遲早癲。
入了決賽，係就係開心，不過又多件事煩...就係煩點樣有d新意。
最後因為時候+男同學記性有限既關係，只係全班一齊邊唱聖誕歌，一邊做動作。

跟住提番班房壁報佈置比賽，笑死了！
五年都未試過以15分鐘完成佈置去比賽...仲要廢物利用！
咁樣...學校俾唔到最佳佈置獎，都應該俾番個最環保設計獎Wakakakaka！
壁報上既半裸工人，被改頭換面成聖誕老人，勁呀！>V<睇到之後真係笑死了...

好啦！正式提番2007年12月20日既一切啦！
朝早遲左起身，搞到整野食整得遲左......跟住搭唔到班輕鐵又唔想遲到...
只好「飛的」！唉！好後悔=''=用左$26.9，點知7:40番到去，半班人都冇\口/過份！
遲到果D好應該要夾番$26.9俾我T_T"足足冇左成個Lunch既飯錢。
之後慢慢多番人，就開始同佢地開聲，唱既時候我就快烚著啦！
因為尋晚整聖誕卡+整班會既野，搞到成3點先訓T_T"朝早又早起，訓得3個幾鐘，我癲啦！
練左一陣就落番去操場排隊，再上Hall聽社際歌唱比賽.....
小組合唱上年既Prefect組長+Vice唱得不錯=]聽得很High...
Zoe也是，不過一望到佢，想大叫提佢，梳番好個頭呀！Kaka！
接著初級組獨唱，得兩個！阿Ken竟然唔番學，冇得聽既「美妙」之歌喉！
到高級組獨唱，只聽到頭半Part！Zoe唱「高妹正傳」，主持話唔一定要高先唱得...暗示Zoe矮。
7S有人唱「浮誇」.......真係夠晒浮誇，搞到我依家成日個腦冇啦啦浮起首歌T_T"

時間夠了，番班房預備班際歌唱比賽，有一點兒緊張，怕走音怕講錯野怕唔記得做動作。
完了7A...就到我地5S1！有一點兒膽怯，突然要與雞翼躹躬，驚驚驚。
正式唱既時候，全場都好嚴肅，見唔到人傾計，見唔到人笑，只係見到人雙目注視我地。
第一首「Lonely Christmas」，夠晒孤單=]而且有d地方要大細聲既，佢地都有唱到，Good！
第二首「最佳損友」，邊唱邊諗起好多野，搞到視線唔知放係邊位人兄好。
第三首「友共情」，笑住黎唱，笑住黎諗番以前既回憶，笑住黎話俾所有人知我地友誼不變。
第四首「Santa Claus is coming to town」，多謝全班5S1放低面子邊唱邊做動作。
雖然未必好齊，但我地盡了全力。雖然未必好夾，但我地用心諗的。笑到四萬咁去唱歌歌。
唱完，輕鬆晒！比平時練習，我知道好了很多。比平時玩玩下既，我知道佢地認真左。
衝上去睇4C+5C！真的年年都好似係商科班最團結最齊心！所以最後兩班贏左。
係就係有點失落，不過有了心理準備。雖然同上年一樣，到決賽止步，但夠了！
留了一個充滿開心傷心憂心既回憶已足夠，這才會使我將來不致忘記。

完了SINGING CON，上番班房忙忙忙，預備食物，預備抽獎既紙，預備代5S1送俾老師既聖誕卡
跟住以落去教員室俾聖誕卡老師為理由，去操場睇7S表演...搞笑多左，亦都感動多左。
雖然唔可以睇晒全首歌，不過好滿足Lu=]大家姐好Yeah！！見到d老師聽到都笑出黎。
睇完，衝番上班房，好彩都係岩岩開始左個Party！辛苦了各位整野食買物資既同學仔！
「有菠蘿腸(Mandy)，咖哩牛腩(Mic)，泰式雞腳(Allison)，
咖哩魚蛋(Edmund)，蜜糖丸(Canon)，啫喱糖(Kathy)，白飯(Gigi)」
咖哩牛腩好食...不過好辣。食完，我真係想問=''=d牛腩係邊架？點解我唔覺有既...？
食完少少飯，想去裝d咖哩再食多少少，點知已經冇晒=''=5S1男同學果然係「食肉獸」。
食飽飽，d人好懶唷！得好少人幫手清場，唔清場又點玩遊戲呀？

清好場，就玩「大電視」。Edmund+Walter玩野...用d更長更難估既動物名黎做題目。
睇住佢地玩，真係笑死...d動物名連聽都未聽過，最後佢地要逐個逐個字做出黎佢地先估到。
跟住再玩另類「大電視」，就係以5S1同學左既花名+某d老師既花名做題目。
我何時多左個花名「酯基」？=''=真係ok難聽lor.......T_T"真係越提越傷心！
原來5S1，有好多「王」。Walter係「走音王」，隊長係「爛Gag王」，Honghong係「三分王」
跟住玩「上中環落荃灣」，好剌激...衰人Gigi多口，搞到我要做搶chair...好彩d男仔有番d風度。
最後玩完所有Game，就到抽獎時候！尋日同爬爬去買禮物抽獎，買到想喊=''=
又要諗d實用，又要諗d男女都岩用既禮物，想死呀！！！
最後買左「最後一分鐘-化學」(得獎人：高進)，木製釘書機(得獎人：本人Canon)，
火柴人電話繩(得獎人：Nicky)<<<我想要唷！火柴人筆袋(得獎人得獎人：Keith)，
大便蝙蝠俠(得獎人：爬爬)<<<過份呀！尋日佢話好想要，點知今日真係抽中佢，
Miss Sin之特別大獎食物禮品包(得獎人：冰冰)<<<仲過份=''=
最後影了一張CHRISTMAS PARTY之班相，就咁散Band lu！

話咁快，考會考既日子又近了好多，唔捨得！唔想咁快就要冇得再番學......
今個Christmas要好好溫書Lu...出少少街，要多多溫書，預備個Mock......
雖然考Mock考成點唔會太重要，不過我倒接受唔到科科唔合格！要努力努力努力！
今日送左少少自製聖誕卡，希望各位會鐘意啦！不過由於時間有限，只係送左少部分人！
收唔到既，請多多包涵！另外收到既，請多多保存！今回我已經用膠片封好，唔會爛架啦！
仲有，特別係收到聖誕卡既三位男士，更要多多保存唷！
祝各位任教5S1既老師，或曾經教過我既老師，5S1同學仔，甚至全校既同學仔：
MERRY CHRISTMAS & HAPPY NEW YEAR & HAPPY EVERYTIME！



>>December 20, 2007 at 4:08:23 PM GMT+8

2007 年 12 月 13 日 星期四 【微冷】

是我失敗嗎？

等了一晚，始終不知道Singing Con初賽結果。
早會，聽了一堆4.85英尺的故事...始終沒有宣佈結果。
怎料，在班主任時間，我收到一張便條，說星期一全班到Hall綵排。
我知道結果如何了，只有能進入決賽的才會綵排。
興奮地把便條一次過讀完，一陣叫囂聲，那一刻真的很開心。
4C~5C~5S1~7A入了決賽，替7S可惜。我知道5S1的表演其實及不上7S，算是幸運嗎？

可是，Lunch卻一次過把我推到谷底。
我不怕你去反對我的想法，不怕你去提出意見。
但我討厭你只反對而不提出意見。你把我的想法Band晒，卻提出不可能實行的意見...
你想我怎樣？重新去想？我是主席，但不代表要我一個人把所有事去準備好。
你要我「攝高床板」去想，你這是什麼態度？你有尊重過我嗎？你一個SMS，足以傷害我。
練歌那四日，我已經好累了，我不想再加太多動作或特別的企位，我只想他們練熟歌先。
即使入到決賽，我寧加莫減。時間不多，我不想要同學之前記熟的要一次過忘記。
Lunch之後的Maths堂，真的再忍不住......哭了出來。令到雞翼也同哭，對不起呢！
我再把一切感受收在心裡，我真的要進青山醫院了。多謝各位關心的同學們。
真的「一齊喊過了」。其實我真的想聽同學們的一句「辛苦晒！」，而非不斷的投訴。

>>December 14, 2007 at 1:32:56 PM GMT+8

2007 年 12 月 12 日 星期三 【微冷】

Singing Con初賽

累了，由星期一至今，為期四日的練歌日子，死了。
同5S1同學仔練歌=''=簡直係想拎左我條命......
每一日都係煩邊到唱得唔好，邊個唔肯唱，邊到要唱細聲d，做唔做動作...
聲沙了，喉嚨痛了，疲倦了。呢四日小息Lunch冇休息過，不斷忙訂飯練歌等。
雖然係咁，但見到佢地一日比一日唱得好，感恩=]
每一次佢地唱得唔夠大聲，Ms Chan就叫d男仔將想鬧佢既力量轉為唱歌...就會突然大聲左。

今日忙碌Lunch係音練室練歌，唔齊人...有原因我接受...冇原因唔黎...失望。
之後既P.E堂女仔唔洗上，用左一堂做A.MATHS，另一堂就係503到練動作。
辛苦晒11位女仔，雖然未練到好熟，但多謝你地冇嫌d動作傻傻地。
放學等左好耐先齊人，先企好位，唱左幾次，有番d面部表情。
搞笑既係，叫班男仔最後首「Santa Claus is coming to town」最後一句舉手搖下...
雖然個感覺ok傻，不過好配合佢地既爛Gag性格。

4:30去到Hall準備比賽，竟然見到F.3 Perfect組長...前晚先同佢異地傾Msn...咁快就番到香港...
睇住5C表演，好睇，但越睇就越緊張。好辛苦先叫到d同學點樣企好...有點缺乏自覺性。
見到初賽評判，三個中，一個好專心睇，一個大半場都冇望過我地唱，一個自己邊唱邊睇。
上到台，好緊張。開始既時間個咪出現問題，搞掂之後，安靜自己個心準備唱歌歌。
我地係唱「雜錦」，有四首歌，頭三首歌唱之前都有一句說話。

「過去既聖誕節，我地會成班同學一齊慶祝，但畢左業之後，呢個情況會再發生嗎？」
先唱Lonely Christmas，睇唔到班男仔表情夠唔夠孤單，雖然未算係好大聲，但唱得真係好慘=''=
「你有冇諗過，你同依家既知己，會因為畢左業之後而做唔番老友？」
再唱最佳損友，邊唱邊諗起就快要同自己班同學分開，我唔想。
我唔想放長假俾我地溫書，我想一齊上堂，我想聽爛Gag......
我唔想會考完有咁長既假期，因為身邊唔係日日有班同學一齊渡過，我更加唔想離開呂明才。
「我地一齊喊過，一齊笑過......如果冇左你地，我地既笑容唔再一樣，日子亦都唔再一樣。」
接著唱友共情，諗起四六盃，諗起當時每一場比賽既情況。
我真係唔想，畢業之後，唔可以同依家既好朋友維持到友誼。
最後最後，一首聖誕歌Santa Claus is coming to town，唱得唔算齊，但我唱得好開心。
動作做錯，但我好享受唱呢首歌。只有真正投入每一件事上，你先會感受到當中既樂趣。

唱完，輕鬆晒。我係想入決賽，但即使入唔到，今日聽到佢地願意認真去唱，已經好滿足。
不過真係好倦，練歌果幾日，真係倦到想喊......呢個情況，好想身邊既同學去關心下我。
題外話：我知道我地班有d人，好友都唔係自己班入面......我知道。
但每一次知道有人話自己d好朋友係其他班，總覺得個心有一點點痛。

最後三十日左右上課日子，一個月，可以係最後一個月既學校生活，盡情投入嗎？
可以帶住一個最美好既回憶，去面對會考嗎？今日真係辛苦晒每一個5S1成員，兩位班主任。

>>December 13, 2007 at 3:21:31 PM GMT+8

2007 年 12 月 6 日 星期四 【微冷】

旅行日相片後補

「5S1班相」

上層同學「費林明左右手定則」，下層同學「右手握拳定則」，夠晒層次夠XD


拍攝WITH雞翼&咖哩

2007 年 12 月 5 日 星期三 【颳風】

即使是最後一次，但我也很滿足的旅行日

預備時間短，衝忙的一日。
朝早起身整定Lunch既小食...三文治...蜜糖丸，我都知唔會夠食的。
同Tb Ling番到學校搵Lawrence印Singing Con既歌詞...總之就忙忙忙！
上到班房由8點幾等到成9點4先有得上車，仲要差唔多最後果幾班=''=
就係呢個時候，成班有半班拎部NDSL...PSP係到打機，聽Mp3...悶死我Lor~~
上到旅遊巴，唔知幾多人同時連線玩Mario賽車，Ms都耐我地唔何。

大棠郊野公園...好似印象中係第一次黎，空空如也=''=小食店冇...廁所遠...不過地方夠晒乾淨。
一黎就唔俾自由時間佢地去打機，狂玩集體遊戲，跑死佢地XD！
先玩火燒後爛...笑死！d男仔特登走去最後果個係女仔果條隊到，要d女仔跑。
不知等得幾辛苦先等到最後果個係Ms Chan~Mandy呢d做咩都咁搞Gag既人跑。
之後玩「埋舟」，笑到趴係到。未試過見到咁多「蜜蜂」衝去棵樹到講「埋舟」。
第一回合即輸，跟住見到成班同學衝去棵樹到=''=連捉果d都笑到跑唔到...好開心佢地咁投入=]
跟住把握機會錄影左佢地玩既情況，睇番，好有味道！(應該係甜味)
最後一個動態遊戲「火星撞地球」，原本我一直都係同一個星球(地球)既人，都冇俾人撞死左...
點知後期就俾兩個星球同時過黎攻打地球...d男仔跑得太快=''=是禍躲不過呢！
玩既過程中，Kai東唔小心跌親唷！要小心d，快d好番~~你d吞噬細胞要俾心機做野唷XD
因為太倦既關係，又唔想咁快做自由時間，所以玩埋一個靜態遊戲：「耳王十四一心」
個遊戲係Copy By叱o宅903，雖然有少少悶左，不過佢地扮死物or動作既聲音有d都扮得幾似。

Lunch好多人都帶好少野食黎，有d甚至唔打。
係我冇諗過既呢個情況下，一開盒野食=''=原本冇諗住俾咁多人食既，都俾人搶晒。
雖然自己食得好少，不過有人肯食都好好，起碼證明我d野食唔係難食到冇人食XD。
多謝老爬既三文治，多謝雞翼既雞腳，多謝Ms Chan既雞翼，多謝Micmic既飲品x零食。
之後就練Singing Con既歌，雖然練得好少，不過起碼大約有個概念知道點唱。
搞笑既係......第一次旅行日會練歌Lor=''=仲要臨走之前俾Ms Chan訓話，話我到未夠努力讀書。
影左兩張好靚既大合照，不過可惜都係唔齊人，差一人...點解你要躲係後面，影相咁難為你？
走既時候，因為我地冇book旅遊巴回程，所以打算行出郊野公園搭小巴。
點知原來一架小巴好耐先有，所以決定44人一齊行落山=''=救命唷！真係好倦。
好長好長既路，不過沿途好多爛Gag，一d都唔悶。

今日學校既旅行日正式完結，下一場到陳偉樂屋企BBQ~~
去之前去左Carol屋企錄伴奏...即場Download琴譜，Ms Chan即係彈到..仲要冇錯音。
一世都學唔到，冇琴譜既，即場作=''=更加冇可能會做到。
搞掂之後同雞翼唱住「友共情」行去陳偉樂屋企=''=真係遠...
夜晚自己一個行實嚇死，仲要咁多狗，頓時諗起如果阿Fa住係呢到，一世都唔洗出街=V=。
去到某d男仔出去買野食，某d男仔打機=''=都話左你地d男仔無時無刻都係打機架啦！
好似大約有25個人到BBQ，買左$700-900野食，好得多扒燒。
不過太多人一齊燒，果兩個爐又唔太大，好逼。所以Micmic就入左廚房煎扒。
唔知係唔係越煎越過癮，越黎越多男仔做廚房男，Honghong李子健Walter都入埋去煮野食。
BBQ完無聊得濟入去打PS2，女仔打PS2好出奇咩=''=屋企兩個阿哥打得多，我識打好正常呢...
玩足球...不嬲都係大腳，剷人...搞到半場都未就拎左兩張紅牌/////
d男仔衰到話要逐個逐個同我玩，踩下我打得差T_T"
搞笑係之後玩十二碼，我望住李子健個手制黎玩，佢按咩方法我就按咩方法XD我實接到個波~~
夜d Ms Chan同佢兩個仔黎左「掃場？」，睇左佢兩個仔玩BB滑梯，大仔樂樂真係笑唔停的。

夜晚九點幾太倦Lu~~同Walter+Honghong走先，再唔番屋企休息下，我聽日出唔到聲Lu。
一齊搭K66出朗屏=''=點知因為唔熟路遲左落車，總站先知搭過左龍....
同Honghong行入朗屏村再出番去朗屏西鐵站，都唔知行左幾耐=''=夜晚晚好鬼恐怖T_T
行既過程冇咩話題傾，有點悶。最後好彩都搵到路出去，未至於迷路，不過真係好倦。

雖然今日唔係去咩地方，只係一個普通既郊野公園，不過真係好滿足。
見到班同學玩好似小朋友先會玩既集體遊戲，都可以咁開心，而且臉上既笑容好燦爛。
平時一D外表好似好Cool既同學，都好似一個小朋友咁開心去玩，So Good！
有點唔捨得要咁快完，要咁快就走。可以再一齊相處既日子，其實得番三十多日。
到考Mock..考會考之後，再成班一齊相見就已經係畢業禮果日，依家好好珍惜已有既日子。
要帶住笑容去離開呂明才，去迎接會考，再帶住爛Gag番黎參加畢業禮。

我唔捨得5S1唷！

>>December 10, 2007 at 11:24:07 AM GMT+8

2007 年 11 月 30 日 星期五 【乍雨乍晴】

香港葛福臨佈道大會

一直好期待，好期待今日既佈道大會。完左小組之後，就出發去元朗大球場。
辛苦晒OME+FA等弟兄姊妹搵到個靚位，就係跑道上既坐位既第一行。
雖然睇晒全冇障礙=''=但係d錄影機就成日影到我T_T"俾人見到我咁唔靚羞死Lor~~
接埋Mic~媚~雞翼+隊長之外就等開始，點知開始肚痛...距離開場時間得番4分鐘衝去廁所。
果場大球場仲有好多空位，仲以為今晚爆唔到場。點知係廁所打左一個轉，全場爆晒。
仲要開始左都有人不斷入黎，冇位坐，企位都唔介意，好感動唷！
今日既主持係快必+何基佑，敬拜時間雖然係戶外有點凍，不過唱得好開心。
可以係一個好似冇空間限制既地方敬拜，好舒服。不過d詩歌歌詞有少少唔同...不斷唱錯=''=。
到見證分享...忘了是那個基督徒，雖然見證時間短，但有力。
終於到葛福臨牧師講道，今日係講「浪子的比喻」，雖然聽過好多次，但今次諗多左野。
不斷犯罪，認罪，但主仍接納我。成個講道圍繞：主接納你一切，只要你願意重新番佢身邊。
呼召既時候，成行既人出晒去台前決志，見雞翼未有決定，我就陪佢，為佢祈禱。
唔知係太凍，定係太緊張，祈禱既時候不斷陣。好想佢同我一樣，有主既愛充滿。
流淚的禱告，感謝聖靈你觸摸了雞翼既心。希望佢心裡既問題，盡快解決。
即使畢左業後，我都會等你+micmic決志既果一日，好想你地接受呢份永生既禮物。
見到今日差唔多有過半場人出晒去決志，好開心，祝福佢地每一個人唔係三分鐘熱度。

佈道大會好準時兩個鐘完結，人群開始散既時候，就到影相既時間=v=''
影左好多好多相，好多搞笑既相，一個美好既回憶。=]

>>December 7, 2007 at 1:28:54 PM GMT+8

2007 年 11 月 29 日 星期四 【颳風】

福音周最後活動：佈道會

我少看了神的工作，起初以為今次佈道會既見證分享未必適合同學，但事實並非如此。
Lunch去左小聖堂準備下午既佈道會，傾下佈置下場地都差唔多夠鐘。
第一次係整個佈道會都不斷祈禱，其實有d倦。不過見到同學冇訓著，感恩XD
先有一齣輕鬆搞笑既Drama，睇黎Drama Club同學既演技又進步了。
竟然連校長都有笑=''=奇蹟！好Enjoy呢套劇，簡單地提出：一家人要互相支持幫助。
到Miss Leung既見證分享，從冇諗過佢有咁既經歷，從冇諗過佢對神關係。
雖然中場真係有點倦..有少少烚眼訓，但當清醒過來，見到每一個同學都咁專心聽緊。
而Miss更喊足整個分享，感恩的不但同學感動得流淚，連老師也有。神正扭轉整間呂明才。
最後由劉會吏(註校準牧師)簡單作總結，雖然超時，但係同學冇不耐煩。
而且兩位分享既時候，當因為喊緊講唔到野，好開心同學會以拍掌黎支持佢地。

呼召時，好耐都冇見到呂明才會有咁多人決志信主。
大部分都係中一既學生，睇得出佢地唔係玩緊，好認真，知道自己做左個咩決定。
一見到咁既情況，眼淚就不自覺咁流下。深深體會到：
「一個人若有一百隻羊，一隻走迷了路，你們的意思如何？
他豈不撇下這九十九隻，往山裡去找那隻迷路的羊麼？
若是找著了，我實在告訴你們，他為這一隻羊歡喜，比為那沒有迷路的九十九隻歡喜還大呢！
你們在天上的父也是這樣，不願意這小子裡失喪一個。(馬太福音18:12-14)」

唔知呢一刻，天國既天使係唔係開緊一個盛大既Party慶祝呢？
唔知依家天使係唔係吹奏樂器，歡呼緊呢？唔知神係唔係開心到笑呢？
上到小聖堂陪談，對象係4個喊緊既中一女生=''=大件事，見到有人喊，我就好想喊埋一份...
最後唔係想，係直情感動到喊T_T"麻煩左秀程幫我講福音橋。有人包底，好幸福=]

>>December 2, 2007 at 12:34:23 PM GMT+8